མི་རྐང་གླིང་བུ
༄༅།། གནའ་ ནས་ ད་ ལྟའི་ བར་ དུ་ བོད་ ཡུལ་ སྟོད་ སྨད་ བར་ གསུམ་ དུ་ ལོ་ གསར་ གྱི་ སྤྲོ་ སྐྱིད་ གཏོང་ སྲོལ་ ཡོད་ པ་ འདྲ། འོན་ ཀྱང་ ལོ་ གསར་ སྐབས་ སུ་ སྤྲོ་ སྐྱིད་ གཏོང་ སྲོལ་ འདི་ འགོ་ ག་ དུས་ ཚུགས་ པ་ དང་ ། ཚུལ་ ཇི་ ལྟར་ དུ་ བྱུང་ བ་ སོགས་ ཀྱི་ རྒྱུད་ རིམ་ ཁྲིག་ ཆགས་ སེ་ བ་ ཞིག་ ནི་ ཤེས་ དཀའ་ བའི་ ཚོད་ དུ་ གྱུར་ པ་ མ་ ཟད་ མཛད་ སྒོ་ སོགས་ ཀྱང་ རྒྱས་ བསྡུས་ མི་ འདྲ་ ལ། ཐ་ ན་ ཉིན་ གྲངས་ བཞག་ ཚུལ་ ལའང་ འགྱུར་ བ་ རབ་ དང་ རིམ་ པ་ སོང་ ཡོད་ པར་ ངེས།
དེ་ ཡང་ གནའ་ བོའི་ དུས་ སུ་ ནི།
ལོ་ སར་ ཚེས་ གཅིག་ ནི་ མི་ ཡི་ ལོ་ སར་ ཡིན་ ལ། ཉིན་ དེར་ ཟས་ སྣ་ གང་ འཛོམས་ བཤམས་ ནས་ རང་ རང་ མཆོད་ ཡུལ་ ལ་ འབུལ་ བ་ དང་ ། དེ་ ནས་ རང་ གི་ ལོངས་ སྤྱོད་ ནས་ སྤྲོ་ སྐྱིད་ ཀྱིས་ ཉྀན་ མོ་ དེ་ བསྐྱལ་ ཞིང་ རང་ གི་ ཁྱིམ་ དུ་ སྡོད་ ལ་ གཞན་ གྱིས་ བོས་ ཀྱང་ མི་ འགྲོ་ ལ་ འབོད་ མཁན་ ཕལ་ ཆེར་ མེད། དེ་ ལྟར་ ཕན་ ཚུལ་ འགྲིམས་ འགྲུལ་ མི་ བྱེད་ ལ་ ཐ་ ན་ གད་ གདར་ ཙམ་ ཡང་ མི་ བྱེད་ པར་ སྐྱིད་ ཉལ་ བྱེད་ པ་ ཡིན།
དེའི་ ཕྱི་ ཉིན་ ཏེ་ ཚེས་ གཉིས་ ཉིན་ མོ་ ནི་ ཁྱི་ ཡི་ ལོ་ སར་ རེད། ཁྱི་ ལ་ དགའ་ བའི་ ཤ་ ཁྲག་ དང་ འོ་ ཞོ་ སོགས་ ཀྱིས་ ཟས་ སྣ་ གྱ་ ནོམ་ པ་ སྤྲོད་ དགོས་ པ་ ཡིན།
དེ་ ནི་ སྤྱི་ ཚོགས་ ཀྱི་ འཚོ་ བ་ སྤྱི་ དང་ ལྷག་ པར་ ལོ་ ངོ་ གཅིག་ གི་ རིང་ དུ་ དཔུང་ པ་ མཉམ་ གཤིབ་ ཀྱིས་ མི་ ཡི་ དགོས་ མཁོ་ སྒྲུབ་ པ་ དང་ ། འཚོ་ བའི་ དཀའ་ ངལ་ ལ་ གདོང་ ལེན་ བྱས་ པ་ སོགས་ ཀྱིས་ ཁྱི་ ལ་ མི་ ཡིས་ དྲིན་ བཟོ་ བ་ དང་ ། མི་ དང་ ཁྱི་ ཡི་ བར་ དུ་ བརྩེ་ དུངས་ ལྷད་ མེད་ པར་ དེ་ དག་ མཚོན་ པར་ ཡིན། གནའ་ བོའི་ དུས་ སུ་ སྤྱི་ ཚོགས་ ཀྱི་ ཁྲོད་ ན་ ཁྱི་ ཡིས་ གནས་ བབ་ ཧ་ ཅང་ གི་ ཚད་ མཐོན་ པོར་ བཟུང་ ཡོད་ པར་ ནི་ ཏུན་ ཧོང་ གི་ ཡིག་ རྙིང་ སོགས་ ལས་ ཤེས་ ལ་ སྤྱི་ ཚོགས་ ཀྱི་ ནང་ དུ་ ཡང་ གོམས་ པར་ བྱས་ ནའང་ རྒྱུས་ ལོན་ རེ་ བྱེད་ ཐུབ་ པ་ ཡིན།
ཚེས་ པ་ གསུམ་ ཉིན་ མོ་ འདི་ ནི་ གཞི་ བདག་ གི་ ལོ་ སར་ རེད། འདི་ ནི་ མི་ ཡིས་ དངོས་ སུ་ སྒྲུབ་ མ་ ཐུབ་ པའི་ དོན་ གནད་ དེ་ དག་ ལྷའམ་ གཞི་ བདག་ སོགས་ མི་ ཡི་ ནུས་ པ་ ལས་ བརྒལ་ བའི་ གཟུགས་ མེད་ ཀྱི་ འགྲོ་ བ་ ཞིག་ ལ་ སྐྱབས་ འཚོལ་ བའི་ གདོད་ མའི་ ཆོས་ ལུགས་ ཀྱི་ རྨང་ གཞི་ རུ་ གྱུར་ པའི་ ལྷ་ འདྲེ་ ལ་ གསོལ་ མཆོད་ བྱེད་ པའི་ ཉིན་ མོ་ དེ་ རེད། འདི་ ནི་ རྒྱུན་ དུ་ མི་ དང་ འགྲོགས་ འདྲིས་ ཆེ་ བའི་ རི་ བོ་ དང་ ། ཤིང་ སྡོང་ ། ཆུ་ འགོ། ཕ་ བོང་ སོགས་ པ་ དང་ ། དེ་ ལ་ གནས་ པའི་ གཟུགས་ མེད་ ལྷ་ འདྲེ་ ལ་ སྔར་ བསྒྲུབས་ ཟིན་ པའི་ ལས་ ལ་ བཏང་ རག་ དང་ ། ཕྱིས་ སུ་ བསྒྲུབ་ པར་ འགྱུར་ བའི་ ལས་ ལ་ བསྐུལ་ བའི་ གསོལ་ མཆོད་ སོགས་ མཚོན་ པར་ བྱེད་ པའི་ ལྷ་ འདྲེ་ མཆོད་ པའི་ ཆོ་ ག་ ཞིག་ རེད། ད་ ལྟ་ ལུག་ མགོ་ ཞིག་ གཤམ་ བཞིན་ པ་ འདིའང་ སྐབས་ དེ་ དག་ ཏུ་ དགོས་ ངེས་ ཀྱི་ ཡོ་ བྱེད་ དམར་ མཆོད་ ཀྱི་ དངོས་ པོ་ ཞིག་ གི་ ལྷག་ མ་ མིན་ ན་ མཆོད་ པའི་ ནང་ དུ་ ལུག་ མགོ་ ཞིག་ ཅི་ རེད། ངས་ བསམ་ ན་ དང་ ཐོག་ ལུག་ གསོན་ པོ་ དམར་ མཆོད་ བྱས། དེ་ རྗེས་ ལུག་ ཤ་ བུབས་ དང་ ། དེ་ ནས་ ལུག་ མགོ་ དང་ ། དེང་ དུས་ ནི་ ལུག་ མགོའང་ རྫུས་ མ་ ཞིག་ གིས་ ཚབ་ བྱེད་ པའི་ དུས་ སུ་ སླེབས་ འདུག་ པ་ འདི་ ནི་ དཔྱད་ རིན་ ཡོད་ པའི་ ཤུལ་ ལུས་ ཀྱི་ དཔང་ རྟགས་ བཙན་ པོ་ ཞིག་ རེད་ བསམས།
དེང་ གི་ ལོ་ སར།
དེ་ ནས་ ཕྱིས་ སུ་ རིམ་ གྱིས་ བོད་ ཀྱི་ ལོ་ རྒྱུས་ ཆོས་ ཕྱོགས་ སུ་ བསྙེས་ ཆེས་ པར་ ལྟར་ བུ་ བྱུང་ བའི་ དུས་ སུ་ ནི། རིམ་ བཞིན་ རྒྱལ་ པོ་ ལོ་ སར། བླ་ མ་ ལོ་ སར་ ཟེར་ བ་ སོགས་ བྱུང་ ། ལོ་ སར་ གྱི་ གསོལ་ སྟོན་ སོགས་ ཀྱང་ ཉིན་ དང་ པོ་ ཉིན་ ནས་ དགོན་ པ་ རྣམས་ ཀྱིས་ ཚོགས་ འཚོགས་ པ་ དང་ ། དད་ ལྡན་ རྣམས་ ཀྱིས་ མཆོད་ མཇལ་ དུ་ འགྲོ་ བ་ སོགས་ ཀྱི་ ལམ་ ལུགས་ དར་ བ་ སོགས་ ད་ ལྟ་ སྤྱོད་ བཞིན་ པ་ འདི་ དག་ རེད། འོ་ ན་ བོང་ རྒུར་ རྣ་ ཅོག་ འདི་ ཅི་ རེད། ངས་ མི་ ཤེས། གྲོགས་ པོ་ རྣམས་ ཀྱིས་ ཁུངས་ དང་ ། ལུང། ངག་ སྒྲོས་ སོགས་ ཅི་ འདྲ་ བར་ བདོག་ ཀྱང་ གསུངས་ པར་ མཚལ།།
༼བོང་ རྒུར་ རྣ་ ཅོག འདི་ ངའི་ ཕ་ ཡུལ་ ན་ མེད་ པས་ བཟོ་ ཡང་ མི་ ཤེས། ༽
ཡང་ དོགས་ པ་ གཞན་ ཞིག་ ནི། ལོ་ སྐོར་ བརྩི་ སྟངས་ འདི་ མགོ་ ག་ དུས་ ཚུགས་ པར་ གསལ་ པོ་ མི་ ཤེས་ ལ་ ཏུན་ ཧོང་ ཡིག་ རྙིང་ དུ་ ཁྱིའི་ ལོ་ ལ་ བཙན་ པོ་ ག་ གེ་ མོར་ བཞུགས་ ཟེར་ བ་ དང་ ། བྱ་ གག་ གི་ ལོ་ དང་ ། སྟག་ གི་ ལོ་ སོགས་ ལོ་ སྐོར་ བཅུ་ གཉིས་ ཀྱི་ བརྩི་ སྟངས་ གསལ་ པོ་ འབྱུང་ ལ་ དབང་ ཐང་ དང་ ཁམས་ སོགས་ ནི་ ཕྱིས་ སུ་ ལྷན་ ཐབས་ སུ་ ལྷན་ པ་ ཞིག་ མིན་ ནམ་ སྙམ། འདིའང་ གསུངས་ རོགས།
ལོ་གསར་གྱི་མཆོད་པའི་གྲས་སུ་ལུག་མགོ་ལྷག་མ་དེ་ཉིད་གདོད་མའི་ཆོས་ལུགས་ཀྱི་དམར་མཆོད་འབུལ་བའི་བཤུལ་ལྷག་དཔང་རྟགས་སུ་འགྲོ་མིན་གྱི་ཁུངས་ལུང་དཀའ་བས་ཅི་ལྟར་ཡང་། དོན་དངོས་སུ་བསམ་ན། གཡང་རྫས་སུ་བཤམས་པ་ནི་དོན་ཐོག་ཏུ་གནས་པར་སྙམ། གཡང་དཀར་ལུག་ཅེས་པ་འདི་ཉིད་ཕྱ་གཡང་གི་རྟེན་དུ་བརྩི་བས་ཡིག་རྙིང་རྣམས་སུ་དེ་ཡི་མིང་གཞན་དུ་”རིན་ཆེན་རྐང་འགྲོས་”ཞེས་ཀྱང་བྲིས་ཡོད། ལྷག་པར་དཔེ་ཁུངས་འགའ་ན་མཆོད་རྫས་སུ་བཤམས་པའི་ལུག་མགོ་དེ་ཉིད་ལུག་མགོ་སྤྱིར་བཏང་བ་ཞིག་ལས་མི་བྱ་བར་གཡང་གི་རྟེན་དུ་རུང་བའི་”གཡང་རྭ་དགུ་རྭ་དགུ་འཁྱུད་”ཅེས་པ་དེ་ཉིད་དགོས་རབས་ཀྱང་ཤིན་ཏུ་གསལ་བར་བཀོད་འདུག་པས། གཙོ་བོ་གཡང་རྟེན་དུ་བྱས་འདུག་པར་སྙམ་པས་དཔྱོད།
Happy New Year
ཆོས་འཁོར་ཚང་དགོང་ཚུལ་གསུངས་པར་ཐུགས་རྗེ་ཆེ།
ད་དུང་ང་ལ་དོགས་པ་ཞིག་འཆར་བྱུང་། ལུག་མགོ་དེ་གཡང་རྫས་མཚོན་བྱེད་ཡིན་ན། བོད་དབུས་ཕྱོགས་སུ་ལུག་མགོ་མཆོད་པའི་གྲས་སུ་བཤམས་པ་ཙམ་མིན་པར་ལོ་སར་གྱི་སྐབས་སུ་ལུག་མགོ་ངོ་མ་ཞིག་བཙོ་ནས་ཟ་གི་ཡོད་པ་འདི་དག་ཅི་རེད། གཡང་ཟ་བ་རེད་དམ།
འོ་ན་བོང་རྒུར་རྣ་ཅོག་འདི་ཅི་རེད། ཁུངས་གང་རེད། ཅི་མཚོན་་་་་་་་་་་་་་་་་་
དྲ་གྲོགས་ཚོས་ལོ་གསར་གྱི་སྐོར་དཔྱད་རྩོམ་སྤེལ་བ་ལ་ཐུགས་རྗེ་ཆེ་ཞུ། ང་ནི་འབྲུག་རིགས་ཤིག་ཡིན་ཀྱང་བོད་པའི་ལོ་གསར་སྐོར་དཔྱད་ཞིབ་བྱེད་རྒྱུར་དགའ་མོས་ཡོད། རྒྱུ་མཚན་ནི་ང་ཚོ་འབྲུག་པའི་ལོ་གསར་དང་བོད་པའི་ལོ་གསར་གཉིས་བརྩི་ཐངས་འདྲ་བས་ཡིན། དེས་ན་ངས་སྔོན་ལོ་གསར་སྐོར་དཔྱད་ཞིབ་ཅིག་བྱས་ཡོད་ཀྱང་གྲུབ་འབྲས་རྣམ་དག་ཅིག་རྙེད་མ་བྱུང་། སྐབས་དེར་ང་ལ་དོགས་པ་ཞིག་བྱུང་བ་ནི་དེང་སང་བོད་འབྲུག་དང་རྒྱ་ནག་གིས་བརྩིས་པའི་ལོ་གསར་དེ་ནི་ཧོར་ནས་བྱུང་ཞེས་ཐོས་ཀྱང་དེང་སང་གི་རྒྱ་ནག་དང་བོད་ཀྱི་རྩོམ་པ་པོ་སུས་ཀྱང་ལོ་གསར་དེ་རང་རང་སའི་ཡུལ་ནས་བྱུང་བ་ལས་ཧོར་ནས་བྱུང་བའི་ལོ་རྒྱུས་ཟུར་ཙམ་བརྗོད་རྒྱུ་མེད་པ་དེ་ཡིན།
གང་ལྟར་ངས་ཐོས་པ་ལྟར་ན་སྔར་ཧོར་གྱི་རྒྱལ་པོ་ཇིང་གིས་ཁཱན་ནམ་ཇིང་གེར་བྱ་བ་ཞིག་གིས་འཛམ་གླིང་ཤར་ཕྱོགས་ཀྱི་རྒྱལ་ཁབ་དུ་མ་ཞིག་དབང་དུ་བསྒྱུར་ནས་དུས་སྟོན་ཆེན་པོ་ཞིག་བརྩི་སྲུང་བྱས་པ་རེད་ཟེར། དུས་སྟོན་དེ་ལོ་བསྟར་བརྩི་སྲུང་བྱེད་བཞིན་པ་ལས་རྗེས་སུ་ལོ་གསར་ཆགས་པ་རེད་ཟེར་ཞིང་དུས་སྟོན་བརྩི་བའི་དུས་ཚོད་དེ་ལོ་འགོར་བརྩི་ཚེ་འགའ་ཞིག་གིས་མ་རངས་ནས་འདི་ཧོར་ལུགས་ཀྱི་རེད་ཅེས་བརྗོད་པས་ཟླ་བའི་མིང་ཡང་ཧོར་ཟླ་ཆགས་པ་རེད་ཟེར་བ་ཐོས།
གལ་ཏེ་འདི་བདེན་པ་ཡིན་ན་ང་ཚོ་སངས་རྒྱས་པའི་རྗེས་འཇུག་ཚོས་ལོ་གསར་འདི་བརྩི་མི་འོས་པ་ཞིག་དང་གལ་ཏེ་བརྩི་ན་ཡང་དགའ་སྤྲོའི་ཐོག་མ་ཡིན་པར་མྱ་ངན་གྱིས་བརྩི་དགོས་པ་ཞིག་རེད་འདུག རྒྱུ་མཚན་ནི་ལོ་གསར་དེ་མི་མང་པོ་སྲོག་དང་བྲལ་བའི་དུས་སྟོན་ཞིག་ཡིན་འདུག་པས་སོ།། འདི་ཆོས་ཕྱོགས་ཀྱི་ཐད་ནས་ཡིན་ཅིང་སྲིད་ཕྱོགས་ཀྱི་ཐད་ནས་བསམ་བློ་གཏོང་ཡང་ལོ་གསར་དེ་རྒྱལ་ཁབ་རང་བཙན་ཤོར་བའི་དུས་ཚོད་ཡིན་པས་གཏོང་མི་འོས་པ་ཞིག་རེད་འདུག
གཅིག་བྱས་ན་ཧོར་ཟླ་དང་པའམ་བོད་ཟླ་དང་པ་ལ་ལོ་གསར་གཏོང་བ་ནི་ང་རང་ཚོའི་བསྟན་པའི་བདག་པོ་སངས་རྒྱས་ཤཱཀྱ་ཐུབ་པས་མུ་སྟེགས་ཀྱི་སྟོན་པ་དྲུག་བཏུལ་བའི་དུས་ཆེན་བརྩི་སྲུང་ཞུ་བ་ཡིན་ནམ་སྙམ་པའི་དོགས་པ་ཞིག་འདུག དཔེར་ན་ཧིན་དུ་བ་ཚོས་རཱ་མ་ཡ་ནས་ར་བ་ན་བསད་པའི་ཉིན་མོར་ལོ་གསར་གཏོང་བ་བཞིན་མིན་ནམ་སྙམ། གལ་ཏེ་དེ་ལྟར་ཡིན་ན་དགའ་དགའ་སྤྲོ་སྤྲོའི་ངང་ནས་ལོ་གསར་གཏོང་འོས་པ་ཡིན་ཀྱང་ཤ་ཁྲག་གིས་སྦགས་པའི་དམར་ཟས་སོགས་སྤྱོད་པའི་འོས་མིན་འདུག་པས་དྲ་གྲོགས་རྣམས་ཀྱིས་ཡང་ཅིག་དཔྱད་པར་འཚལ་ཞུ།
བོད་མིའི་ལོ་གསར་བོད་ནང་ས་སྐྱེས་རྡོ་སྐྱེས་རེད།
བོད་ཀྱི་ལོ་གསར་ནི། བོད་རང་ལ་ས་སྐྱེས་རྡོ་སྐྱེས་ཡིན་ས་རེད། ལོ་གསར་གྱི། ལོ་དེ་ནི་ལོ་ཏོག་ལ་གོ་གོས། ལོ་ཐོག་གསར་པའི་མྱུ་གུའི་ལྗང་པ་ཐོག་མ་ཐོན་ཐུབ་པ་དང་། གཞན་ཤིང་སྣ་རྩྭ་་དང་ལོ་མ་ཐོག་མ་ཤར་བ་དང་། ཡུལ་ལུང་ཁ་ཤས་ལ། ཟླ་བ་དང་པོ་ཤར་སོང་། ཅུ་ལི་མེ་ཏོག་ཤར་སོང་། ཁ་དཔེ་ལ་སོགས་ཀྱིས་ཤེས་ཐུབ།
ལོ་ཐོའི་དབང་དུ་བྱས་ན། ༡༠༢༧ ལོར་རྒྱ་ནས་དུས་འཁོར་བསྒྱུར་ནས་ལོ་ཐོ། དེའི་སྔོན་ལ་གནམ་རི་སྲོང་བཙན་དུས་སུ་རྒྱ་ནག་ནས་རྒྱ་ནག་ནས་རྒྱའི་རྩིས་དར་ཚར་བའི་བཤད་ཚུལ་གྱི་ལོ་ཐོ། དེ་གཉིས་ལས་ཀྱང་གལ་ཆེ་བ་སྲོང་བཙན་སྔོན་དུ་ཞང་ཞུང་སྨར་ཡིག་ཡོད་མེད་མ་ལྟོས་པར་སྨན་དང་རྩིས་ཤིག་ཡོད་པ་ནི་སུས་ཀྱང་སུབ་ཏུ་མེད་པའི་ལོ་རྒྱུས་ཡོད་རེད།
ང་ཆུང་ཆུང་སྐབས་ལ་ཡང་། ལོ་གསར་སྐབས་ལ་ནང་མི་རེ་རེ་ལ་ར་མགོའམ་ལུག་མགོ་རེ་ཐོབ་སྲོལ་ཡོད། ད་ལྟའི་ལུག་མགོ་དེ་ནི་སྔར་དམར་མཆོད་ཀྱི་ཤུལ་ལུས་ཡིནའང་གཡང་ལ་གོ་དགོས། ཡང་པགས་དང་མར་གྱི་བཟོས་ནའང་གཡང་རྟེན་ཡིན་པ་རྩོད་པ་མེད། གཡང་ནི་རྒྱུ་བཟང་པོའམ་འབྲས་བུ་བཟང་པོའི་འབྱུང་ཁུངས་ཞིག་ལ་གོ་དགོས་པས་སོ།།
ཡང་ཁབ་ཟས་ཆུང་ཙག་མང་པོ་བཟོ་ཤེས་ནས། མཐར་ཁབ་ཟས་ཆེན་པོ་ཅིག་བཟོ་དུས་འདི་ནི་ཆེ་ལ་རིང་བའི་བོང་གུའི་ཨམ་ཆོག་ཆ་འདྲ་བས་དེ་ལྟར་མི་ཐོགས་པ་རེད་སྙམ།
ཧོར་ཟླ་ཞེས་པའི་ཧོར་དེ་སོག་པོ་ལ་གོ་ནའང་། བོད་ཀྱི་ལོ་གསར་གཏོང་ཡེ་དེའི་ཁུངས་དེ་ཧོར་ལ་གཏུགས་ན་གད་མོ་ཤོར་ཡ་རེད།
མི་རྐང་གླིང་བུ་ལགས། གཡང་རྟེན་དུ་བཤམས་པ་དག་བཟའ་བའི་ལུགས་ངན་མང་ཙམ་དར་ཡོད། དེ་མཚུངས་ཡུལ་ལུང་མང་པོར་ཡི་དམ་དུ་བཅས་པའི་གཏོར་མའང་བཟའ་སྲོལ་འདུག་པས། དེ་དག་ཀྱང་ཡི་དམ་བཟའ་བའི་ཁུངས་སུ་མི་འགྲོ་སྟེ། མ་ཤེས་པའང་སྲོལ་ངན་དུ་དར་བར་སྙམ་མོ། །བོང་བུའི་རྣ་མཆོག་འདིའི་ཁུངས་ཤོད་སྲོལ་མང་བ་ཙམ་ལས་ཡིད་རྟོན་རུང་བ་ཞིག་ད་བར་མ་རྙེད་ཀྱང་། གཙོ་བོ་བཟོ་ལྟའི་ཆ་ནས་དེ་ལྟར་མིང་བཏགས་པ་ཙམ་ལས་དེ་ལ་རྒྱབ་ལྗོངས་རྒྱས་པ་ཞིག་ཨ་ཡོད་སྙམ།
བོད་ཀྱི་ལོ་གསར་འདི་དང་འབྲེལ་བའི་ཧོར་ཟླའི་སྐོར་གྱི་རྙོག་གཞི་དེ་དག་ལ་རྒྱུ་མཚན་ཆེ་བར་མཐོང་བཞིན་ཡོད། འདི་དག་ལ་བོད་རྒྱའི་དམག་དང་འབྲེལ་བའི་ལོ་རྒྱུས་དང་ས་སྐྱའི་སྐབས་ཀྱི་ཧོར་དང་འབྲེལ་བའི་ལོ་རྒྱུས་སོགས་མང་ཙམ་འདུག་པ་ཡིག་རྙིང་དག་ལ་གཟིགས། གཉིས་སུ་ཧོར་ཟླ་བཅུ་གཉིས་པ་དེ་ཉིད་བོད་ཟླ་དང་པོར་འཁེལ་གྱི་ཡོད་སྟབས། བོད་ཀྱི་ལོ་གསར་གཏོང་དུས་ངོ་མ་དེ་ནི་ཧོར་ཟླ་བཅུ་གཉིས་པའི་ནང་དུ་ཡིན་པར་སེམས་ལ། འདི་དག་ལ་རྒྱབ་ལྗོངས་ཀྱི་ལོ་རྒྱུས་མང་ཙམ་སྣང་ངོ་། །འོན་ཀྱང་ད་ལྟ་བོད་ཁོངས་སུ་ལོ་གསར་གཏོང་དུས་མི་འདྲ་བ་བཞི་ཙམ་སྣང་བ། ཧོར་ཟླ་བཅུ་པ་དང་། བཅུ་གཅིག་པ། བཅུ་གཉིས་པ། དང་པོའི་ནང་གཏོང་སྲོལ་ཡོད་པ་བཅས་ལས། ཁྱབ་ཆེ་ཤོས་ནི་དེང་སང་ཧོར་ཟླ་དང་པོའི་ནང་དུ་གཏོང་བ་དེ་ཉིད་ཡིན་ནོ། །
ཡིག་འབྲུའི་ དབར་གྱི་ སྟོང་ཆ་ འདི་ མིག་ལ་ ཤིན་ དུ་ བདེ།
ངའི་ཕ་ཡུལ་དུ་ཧོར་ཟླ་བཅུ་གཉིས་པ་ལ་བོད་ལོ་ཟེར་བ་དང་། ཧོར་ཟླ་དང་པོ་ལ་རྒྱ་ལོ་ཟེར། ལོ་གསར་ཉིན་ལ་རྒྱ་ལོའི་ཚེས་གཅིག་ཟེར།
ཆུང་ཚེ་རིང་གི་ཟིན་བྲིས་ཐོག་ལོ་གསར་སྐོར་བྲིས་འདུག གཅིག་གཟིགས་དང་།
http://chungtse.blogspot.com/2010/02/blog-post.html
ངའི་ཕ་ཡུལ་དུ་ཧོར་ཟླ་བརྩི་ཡི་རེད། མགོན་ཕྱག་གིས་བཤད་པ་བཞིན་ཧོར་ཟླ་བཅུ་གཉིས་པར་བོད་ལོ་དང་། དང་པོ་ལ་རྒྱ་ལོ། རྒྱ་ལོ་ཚེས་གཅིག་ཟེར་གི་རེད། འོན་ཀྱང་ཧོར་ཟླ་གཉིས་པ་ལ་གཉི་ཟ་ཡིན་ན་ཅིག་ཟེར་གི་རེད། འདིའི་དོན་ཅི་ཡིན་མ་ཤེས། མདོ་སྨད་ཕྱོགས་ནས་ཧོར་ཟླ་བརྩི་བ་དང་ཧོར་ཟླ་དང་པོའི་ཚེས་གཅིག་ལ་ལོ་སར་གཏོང་བ་ནི། ཧོར་གོང་མ་ཇིན་གེ་སི་ཁང་གིས་༡༢༠༩ལོར་མི་ཉག་རྒྱལ་ཁབ་བཅོམ་པའི་ཉིན་མོ་ཡིན་པས། དགའ་སྟོན་རྒྱ་ཆེན་བྱས་པ་དང་། དེ་ནས་བཟུང་ཉིན་དེ་བརྩི་སྲུང་གིས་མཐར་ལོ་སར་ཆགས་པ་ཡིན་ཚུལ་སོགས་ལོ་རྒྱུས་ཡིག་ཆར་གསལ། དེ་བས་དེང་སྐབས་མདོ་སྨད་ཕྱོགས་ནས་ལོ་སར་འདི་བརྩི་འདོད་ཆེར་མི་བྱེད་པ་ཡང་དེས་ཡིན་པར་བཤད། གོང་གི་་ལོ་རྒྱུས་ཡིག་ཆ་དེ་གང་ཡིན་གསལ་པོ་མི་དྲན་གི ང་སྔོན་མ་ས་རཱ་སློབ་གྲྭར་ཡོད་དུས་མཐོང་མྱོང་། གཞན་ང་ཚོ་བོད་ལ་ལོ་སར་འདི་གཏོང་སྲོལ་ག་དུས་ནས་བྱུང་བ་རེད་དམ། དྲ་གྲོགས་ཚོས་ལན་ཞིག་གསུང་རོགས།
ད་ལོ་རྒྱའི་ལོ་གསར་གྱི་སྟོན་མོ་ལ། དངོས་གནས་བོད་ཀྱི་བྲོ་རྙིང་བ་སྤུས་ལེགས་ཤིག་ཁྲབ་ནས་རྒྱ་ཚང་མ་ཧོན་འཐོར་དགོས་བཟོས་འདུག
ད་བོད་པ་འདི་ཚོ་ངོ་མ་ཕོ་ཁྱོ་ཀ་རེད། དགྲའི་རྩེད་རྭར་ཕྱིན་ནས་དགྲ་ལ་རྡུང་རྡེག་གཏོང་ཐུབ་པའི་དཔའ་བོ་ངོ་མ། ཡ་ཁྱེད་རྣམས་འདི་གཅིག་གཟིགས་དང་།
http://www.youtube.com/watch?v=jNUFMZcCDJs
འདི་ལ་རྒྱའི་བྲོ་བ་མིན་འདུག མི་རིགས་རྦད་དེ་ཐ་དད་རེད་འདུག ད་ཅིའི་ཕྱིར་བོད་དང་རྒྱ་གཉིས་སྤུན་ཟླ་རེད་ཟེར། ངས་ཧ་མི་གོ།
ཆུང་ཚེ་རིང་གི་ཟིན་བྲིས་ནང་། ཁ་ཟས་བོང་བུའི་ཨམ་མཆོག་དེ་སེམས་ཅན་གྱི་རྐང་པ་དང་། ཁ་ཟས་ཉ་གཤིབ་སོགས་རྩིབས་མ་དང་སྒལ་ཚིགས། སྦོ་ལུག་འཁོར་ལོ་རྒྱུ་མ། སྤིན་རྡོག་སྙིང་བཅས་མདོར་ན་སྡེར་ཁའི་ཁ་ཟས་ཆ་ཚང་སྔོན་གྱི་དམར་མཆོད་ཀྱི་རྒྱུན་ཡིན་པར་བཤད་འདུག་པ་དོན་ལ་གནས་པར་སེམས།
ངའི་ཕ་ཡུལ་སྟོད་ལུང་ཕུའི་ལོ་གསར་ཁ་ཟས་བོང་བུའི་ཨམ་མཆོག་ཅེས་པ་དེ་དངོས་གནས་ལུག་གི་རྐང་པ་འདྲ་བ་ཞིག་བཟོ་སྲོལ་འདུག ལྷ་ས་དང་དྷ་ས་སོགས་ལ་དར་ཆེ་བའི་བོང་བུའི་ཨམ་མཆོག་ཆེན་པོ་དེ་ཕྱིས་སུ་མ་བྱན་གྱི་ལག་རྩལ་ངོམས་ཏེ་ཆེ་རུ་དང་མཛེས་སུ་བཏང་བར་སྣང་།
གང་ཤེས། གང་ལྟར་བོང་བུའི་རྣ་མཆོག་ཟེར་བ་དེ་ཤི་ཡང་བཟོ་ཤེས་རྒྱུ་ཞིག་གི་མ་རེད།
བོད་ལ་ལོ་གསར་གཏོང་དུས་འདྲ་མིན་ཡོད་པ་ནང་བཞིན་འབྲུག་ལ་ཡང་འདྲ་མིན་སྣ་ཚོགས་ཡོད་རེད། དེ་ལ་མིང་ཡང་མང་པོ་ཐོགས་ཡོད་རེད། དེ་ཡང་འབྲུག་ནུབ་ཕྱོགས་པ་ཚོས་ཧོར་ཟླ་༡༡ པ་ལ་གཏོང་གི་ཡོད། དེ་ལ་སྔ་ལོང་པའི་ལོ་གསར་ཟེར་གྱི་ཡོད།
ཤར་ཕྱོགས་པ་ཚོས་ཧོར་ཟླ་༡༢ པ་ལ་གཏོང་གི་ཡོད། དེ་ལ་ཤར་ཕྱོགས་པའི་ལོ་གསར་ཟེར་གྱི་ཡོད། ལྷོ་མཚམས་པ་ཚོས་ཧོར་ཟླ་༨ པ་ཙམ་ལ་གཏོང་གི་ཡོད། དེ་ལ་ཟླཝ་ཤི་རིའམ་ལྷོ་མཚམས་པའི་ལོ་གསར་ཟེར་གྱི་ཡོད།
དེ་ནས་ཧོར་ཟླ་༡ པ་ལ་འབྲུག་མི་ཕལ་ཆེ་བ་ཞིག་གིས་གཏོང་གི་ཡོད་ཅིང་གཞུང་ནས་ཀྱང་བརྩི་འཇོག་གནང་གི་ཡོད་པ་རེ། ཡིན་ན་ཡང་གནའ་རབས་ཀྱི་ལོ་རྒྱུས་ལ་ཧོར་ཟླ་༡ པའི་ལོ་གསར་དེ་ལ་བོད་པའི་ལོ་གསར་ཟེར་བརྗོད་ཀྱི་ཡོད་པའི་ལོ་རྒྱུས་ཤིག་འདུག
ཡང་ལོ་གསར་དེར་འབྲུག་མི་ཚོས་ལོ་གསར་གཏོང་ག་བོད་ལ་འགྲོ་གི་ཡོད་པའི་ལོ་རྒྱུས་ཞིག་ཀྱང་བཤད་རྒྱུ་འདུག དེ་ནི་ངས་བྱས་ན་ལོ་གསར་གཏོང་ག་མིན་པར་བོད་ཀྱི་ལྷ་ས་སྨོན་ལམ་ཆེན་མོ་མཇལ་ག་ཕྱིན་པ་ཡིན་པ་རེད་བསམ་པ་ཡོད། གང་ལྟར་དེ་སྐབས་འབྲུག་པ་ཚོ་འགྲོ་ས་བོད་དང་རྒྱ་གར་གཉིས་མ་གཏོགས་མེད་པས་ལོ་གསར་གཏོང་ག་བོད་ལ་འགྲོ་བ་ཡང་ཡིན་སྲིད། དེའི་སྐོར་དྲ་གྲོགས་ཚོས་བཤད་རྒྱུ་ཡོད་དམ།
དམར་མཆོད་ཀྱི་རྒྱུན་ཡིན་ལུགས་ཡིན་སྟངས་ཤིག་གསུང་ན་ཡག་པོ་རེད། དེ་མིན་ང་འདྲའི་གློའུ་རྒན་ཚོས་ཤེས་ནི་མ་རེད། ལྷ་ཁང་ནང་ན་སྡེར་ཁ་འདི་ཚོ་རིག་རྒྱུ་འདུག་པས་གང་དྲག
རེད་ཡ་་་་་་་ལོ་གསར་་་་་་་་་་་་་རྩས་འཁོར་རིགས་པ་ནས་བྱུང་་་་་་་་་རྩེས་རིགས་གང་ནས་འབྱུང་་་་་་་ལྕགས་སྟག་ལོ་དེར་རྒྱལ་ལོ་གཅིག་མཚུངས་ཡོངས་དོན་ཅི་་་་་་་་་་་་་་་་་་་་ ཁ་བརྡའི་མཁས་དབང་སུ་ལེན་གནང་ངམ་་་་་
དྲ་གྲོགས་མང་པོ་ཞིག་ནས་དགོངས་ཚུལ་གསུངས་པ་ཐུགས་རྗེ་ཆེ། ང་ཉིན་ཤས་རིང་འདིར་བཅར་ཐུབ་མེད་པས་ལན་ཐད་ཀར་ཕུལ་མ་སོང་དགོངས་འགལ་མེད་པར་ཞུ། ཁམས་སྟོད་ཕྱོགས་དེར་ཧོར་ཟླ་བཅུ་གཉིས་པའི་ཚེས་གཅིག་ལ་ལོ་ཆུང་དང་། བེའུ་ལུག་ལོ་སར་ཡང་ཟེར། རྟེན་འབྲེལ་ཕྲན་བུ་དང་གཙོ་བོ་རྫི་བོ་རྣམས་ཀྱིས་ཟས་སྣ་སྣ་ཚོགས་རི་མགོར་གཡོ་རྒྱུ་ཁུར་ནས་སྤྲོ་སྐྱིད་དབེན་ཙམ་གཏོང་སྲོལ་ཡོད། བོད་ཟླ་དང་པོ་ཚེས་གཅིག་ལོ་ཆེན་ཟེར།
བོད་བཙན་པོའི་སྐབས་ཀྱི་གནས་ཚུལ་འཁོད་པའི་ཏུན་ཧོང་ཡིག་ཆར་སྟག་གི་ལོ་དང་། བྱ་གག་གི་ལོ་སོགས་ལོ་སྐོར་བཅུ་གཉིས་ཀྱི་སྐོར་གསལ་པོ་འཁོད་ཡོད་པས་དེའི་སྔོན་དུ་ལོ་སྐོར་སོགས་བརྩི་སྲོལ་དར་སྟངས་ལ་བལྟས་ན་ལོ་སར་སོགས་ཀྱང་ཡོད་པར་བསམས། འོན་ལོ་སར་དེ་དབྱར་དགུན་ག་དུས་ཡིན་མིན་སོགས་ནི་སུས་ཤེས།