སྐལ་བཟང་རྡོ་རྗེས།
——
ངའི་མིང་ལ་བོད་ཡིག་ཟེར། ངས་ཅི་ཞིག་བྱེད་ཐུབ།
ངས་ཅི་ཞིག་བྱེད་ཐུབ་ཟེར་ན།
- ཟབ་མོ་དབུ་མའི་ལྟ་བ་འཆད་ཐུབ།
- མྱུར་ལམ་གསང་སྔགས་ཟབ་མོ་འཆད་ཐུབ།
- རིག་པའི་གནས་ཆེ་ལྔ་པོ་འཆད་ཐུབ།
- རིག་པའི་གནས་ཆུང་ལྔ་པོ་ཡང་འཆད་ཐུབ།
- ལོ་རྒྱུས་ཀྱི་དྲི་བ་ཡོད་ན་ང་ལ་དྲིས་ཤོག
- ཆོས་རིག་གི་དྲི་བ་ཡོད་ན་ང་ལ་དྲིས་ཤོག
ང་ནི།
- སྙན་ངག་བྲིས་ན་དབྱངས་ཅན་ལྷ་མོ་ཡིན།
- ལྟ་བ་བཤད་ན་མགོན་པོ་ཀླུ་སྒྲུབ་ཡིན།
- ལོ་རྒྱུས་བྲིས་ན་འགོས་ལོ་གཞོན་ནུ་ཡིན།
- ཚད་མ་བྲིས་ན་ཆོས་ཀྱི་གྲགས་པ་ཡིན།
- གཞུང་ལུགས་བཤད་ན་ཐམས་ཅད་མཁྱེན་པ་ཡིན།
འོ་ན་ངས་ཅི་ཞིག་བྱེད་མི་ཐུབ།
- འཇིག་རྟེན་མི་ཆོས་ཕྱོགས་ན་ང་ནི་ཁ་ཏྭ་མདའ་ཡིན།
- དེང་རབས་ལག་རྩལ་ཕྱོགས་ན་ང་ནི་དབང་པོ་ཞ་བོ་ཡིན།
- ངས་ཤིང་བཟོ་ཞིག་གིས་ཅོག་ཙེ་བཟོ་སྟངས་ཀྱང་བཤད་མི་ཤེས།
- ལྷམ་བཟོ་ཞིག་གིས་ལྷམ་བཟོ་ཚུལ་ཕར་ཤོག ལྷམ་གོན་སྟངས་ཀྱང་བཤད་མི་ཤེས།
- ཚོང་པ་ཞིག་གིས་ཚོང་རྒྱག་སྟངས་ཕར་ཤོག ཁྲོམ་ར་ཞིག་ནས་ཚོང་རྫས་ཉོ་སྟངས་ཀྱང་བཤད་མི་ཤེས།
- མཐའ་ན་ཁྱོད་ཀྱིས་ང་ལ་གཏོར་མ་བཟོ་སྐབས་ཀྱི་རིམ་པ་རྣམས་གསལ་ལེར་བྲིས་ཤོག་ཅེ་ན། ངས་དེ་ཡང་འབྲི་མི་ཤེས།
- ང་ནི་འཇིག་རྟེན་མི་ཆོས་ཀྱི་སྟེང་ནས་ཤིང་སྐམ་ཞིག་དང་འདྲ། ཕར་འཐེན་ཚུར་དཀྱོགས་བྱེད་ས་མེད་དོ།།
ཁྱོད་ལ་སྨན་གྱི་རིལ་བུ་ཞིག་གི་འཐུང་ལུགས་འཐུང་ཚུལ་དགོས་ན། ངའི་གྲོགས་པོ་རྒྱ་ཡིག་ལ་དྲིས་ཤིག
ཁྱོད་ལ་ལག་འཁྱེར་ཁ་པར་ཞིག་གི་སྒྲིག་ཚུལ་དགོས་ན། ངའི་གྲོགས་པོ་དབྱིན་ཡིག་ལ་དྲིས་ཤིག།
ཁྱེད་ལ་ཁྲོམ་ནས་ཉོས་པའི་གྱོན་པ་ཞིག་བཀྲུ་ཚུལ་དགོས་ན། དེའང་ངའི་གྲོགས་པོ་ཚོ་ལ་དྲིས་ཤིག།
ངས་མི་ལོ་ཆིག་སྟོང་ལྷག་ལ་རྩམ་པ་ཟོས་ནས་བསྡད། འོ་མ་འཐུང་ནས་བསྡད། འོན་ཀྱང་ང་ལ་རྩམ་པ་ཞིམ་པོ་བཟོ་སྟངས་བརྗོད་པའི་བསྟན་བཅོས་ཤིག་ཀྱང་མེད་དོ།། ཞིང་ཁ་ལ་འབྲུ་དྲུག་སྙེ་མ་སྨིན་པར་བྱེད་པའི་ཐབས་སྟོན་པའི་བསྟན་བཅོས་ཤིག་ཀྱང་མེད་དོ།། ང་ནི་འཇིག་རྟེན་པའི་ཕྱོགས་ནས་ཁ་ཏྭ་མདའ་ཡིན་ཡ། ང་རྒན་པོ་ཞིག་ལ་ཐུབ་ཚོད་མ་གཏོང་ཨ།
བོད་ཡིག་བེད་སྤྱོད་ཀྱི་ཁོར་ཡུག་མེད་སོང་བ་འདྲ། དབྱིན་ཡིག་ཡག་པོ་སྦྱོངས་དང་ཁོར་ཡུག་མང་ནི་རེད།
ཧ་ཧ་ཧ། ང་དེ་འདྲ་ཞིག་རྩ་བ་ནས་མིན། ང་གནའ་གཏམ་འབྲི་འི་ཆོས་སྒྲ་ཡོད། ང་ད་གཏམ་བཤད་ཀི་སྐད་སྒྲ་ཡོད། བུ་རྒོད་པོ་ཁོ་མ་ཆད།
ང་ལ་འདང་འདང་ལྷོག་ལྷོག་གི་འབྲི་ཡོད། དྭངས་དྭངས་གསལ་གསལ་གྱི་དབྱངས་ཡོད། ངའི་སྒྲ་ཚིག་ལ་འགྲེན་ཟླ་མེད།
ཁྱོད་ལ་ཀླད་པ་ཡོད་ན། ང་ལ་དབྱངས་གསལ་ཡོད།
སྔོན་མ་སྔོན་མས་ང་ཆོས་དཔེ་ལ་བཀོལ་ཡོད། ངས་མ་འདང་སའི་སྒྲ་ཞིག་དང་། ངས་མ་ཤོད་པའི་དོན་ཞིག་མེད།
དེ་རིང་རེད།
ང་བཀོལ་ས་གློག་རྡུལ་ཕྲ་རབ་གྱི་བཀོད་པ་ཡིན་ཟེར། དེ་ལ་སྐྲག་རྒྱུ་ཞིག་ཅི་ལ་ཡོད།
གཙོ་བོ་ཁྱེད་ཚོས་མཚན་རིགས་ཤིག་ཤེས་ན། ནང་དགས་སུ་བོད་ཡིག་དང་བོད་སྐད་ཞིག་ཤེས་ན། མི་ཤེས་བའི་འཇིག་རྟེན་འདི་ན། ངས་མ་འགྲིག་པ་དང་ང་མི་བཟང་བ་ཡིན་པ་ཅི་ལྟར་རྟོག། ངས་མར་ལ་བསྒྱུར་དང་། ང་མར་ལ་ཕྲིས་དང་། ཁྱོད་ཀྱི་གློག་རྡུལ་ལ་ནུས་བ་མ་རྫོགས་ན། ངའི་དབྱངས་གསལ་གྱི་སྦྱོར་བ་མི་རྫོགས་པ། ངའི་དུས་རབ་གསར་བའི་སྤོབས་པ་ཡིན་ཡ། ང་བོད་ཡིག་ཡིན། ང་བོད་སྐད་ཡིན། གོ་བྱུང་ངམ།
ཁ་སྤོབས་མ་སྒྲོགས་་་་་ཁྱོད་ལ་སྐད་ཡིག་གཞན་པ་ལྟར་ཕར་ཚུར་སྒྱུར་བྱེད་མི་འདུག་་་་་ཁྱོད་ལ་གཞན་ལྟར་དེང་དུས་ཀྱི་ཐ་སྙད་ཀྱིས་དབེན་འདུག་་་་ཁྱོད་ལ་གཞན་ལྟར་བེད་སྤྱོད་ཀྱི་ཁོར་ཡུག་མི་འདུག་་་་་ཁྱོད་ཉིད་སྤྱོད་ན་གཞན་ལྟར་འདུན་ལམ་མི་འདུག་་་་་ཁྱོད་དང་ཁྱོད་ཀྱི་རྗེས་འབྲང་བ་ཚོ་རང་རློམ་ཆེ་བ་ལས་དོན་དངོས་སྐད་ཡིག་གཞན་དང་བསྡུར་ན་བྱེད་ནུས་མེད་པ་ཁྱོད་རང་གིས་ཀྱང་མཐོང་སྲིད་་་་་དེར་བརྟེན་ང་ཁྱོད་ལ་མི་དགའ་ཞིང་་་་ང་ཁྱོད་ལ་སྙིང་ཡང་མི་ཉེ་་་་ད་དུང་ཁྱོད་ཀྱི་ཉེ་འཁོར་ན་ཕྱོགས་ཞེན་གྱི་མེ་ལྕེ་དྲག་ཏུ་འབར་གྱིན་པས་་་་ང་གཏན་དུ་ཁྱོད་ཀྱི་ཉེ་འཁོར་ནས་འགྲོ་ན་འདོད་ཡོད་་་་་རང་རློམ་ཅན་བདེ་མོ་བྱོས་
རྩོམ་ཡིག་ཡག་པོ་ཞིག་བྲིས་འདུག་པས་དགའ་པོ་བྱུང་། དེ་ག་རང་རེད་ད། གནད་དོན་འདི་དག་སྤྱི་ཚོགས་ནང་དྲིལ་བསྒྲགས་བྱེད་དགོས་པ་གལ་ཆེན་རེད་འདོད།
ཁྲེལ་མེད་ཚོ། བློ་མེད་ཚོ། ཁྱོད་ཚོས་ང་བད་སྤྱོད་མི་བྱེད་ཅིང་། ང་ཡར་རྒྱས་མ་གཏོང་བར་ངས་མ་འཇོན་རབས་བཤད་པ་ནི་ཁྱོད་ཚོ་ལ་ངོ་ཚ་མེད་སོང་བ་ལོས་ཡིན། ཁྱོད་ཚོས་དབྱིན་ཡིག་གི་མག་པ་དང་། རྒྱ་ཡིག་གི་གནའ་མ་བསུས་ནས་དེ་དག་ལ་བརྩེ་དུང་སྤྲད་པ་ལས་ང་ལ་བརྩེ་བ་སྤྲད་ཨེ་མྱོང་། ཁྱོད་ཚོས་ལག་ནས་ང་འབྲི་བཞིན་ཁ་ནས་ང་ལ་སྨད། ཁྱོད་ཚོས་མེས་པོ་བཀའ་དྲིན་ཅན་ཚོའི་དཀའ་ངལ་ཨེ་ཤེས། ལོ་པཎ་རྣམ་དཔྱོད་ཅན་ཚོའི་འབད་བརྩོན་ཨེ་ཤེས། རིག་གནས་ཁྱད་འཕག་ཅན་དེའི་རིན་ཐང་ཨེ་ཤེས། ཁྱོད་ཚོ་ལ་དགོས་ནི་ལྟོ་གོས་ཅིག་པུ་ཡིན་པས་ངས་ཁྱོད་ཚོ་ལ་ཕན་མི་ཐོག་པ་ལོས་ཡིན། འོན་ཀྱང་ང་མེད་པའི་ཉིན་མོ་ཁྱོད་ཚོན་གསོན་པོར་ཇི་ལྟར་གནས་སོང་ངས་ལྟ་ནས་འདུག
བོད་ཡིག་གིས།
ང་ བེད་སྤྱོད་ བྱ་བགྱི་ཡིན་ ཟེར་བགྱིད།
ང་ བེད་སྤྱོད་ བྱེད་མཁན་ མི་འདུག
ང་ བེད་སྤྱོད་ བྱེད་རོགས་ ལབ་བགྱིད་ ཡོད་ཀྱང་།
ང་ སུས་ཀྱང་ བདེ་སྤྱོད་ བྱེད་བགྱིད་ མི་འདུག
ང་ སྐད་ཡིག་ རྙིང་པ་ལ་ གསར་སྣོན་ མ་བྱས་པར།
ཁྱོད་ ཀླད་གསར་ རིགས་པས་ བེད་སྤྱོད་ ག་ལ་ ཐུབ།
ཁྱེད་ཀྱི་བྲིས་པའི་རྩོམ་ཡིག་ཧ་ཅང་སྙན་མོ་འདུག་ མུ་མཐུད་འབྲི་བའི་རེ་བ་ལགས་