གློག་ཀླད།
དཔལ་འབྲི་གུང་བཀའ་བརྒྱུད་པའི་གདན་རབས་དང་པོ། ཀླུ་སྒྲུབ་གཉིས་པ་༧སྐྱོབ་པ་འཇིག་རྟེན་གསུམ་གྱི་མགོན་པོ་ནི། འདས་པའི་སངས་རྒྱས་འཁོར་བ་འཇིག་དངོས་བདེ་གཤེགས་ཕག་མོ་གྲུ་པའི་ཞལ་ནས། ཁོ་བོའི་གདན་ས་འདི་དགེ་བསྙེན་ས་བཅུ་པ་ཞིག་གིས་འཛིན་པ་ཡིན་ཅེས་ཡང་ཡང་གསུངས་པ་ལྟར། ཁོང་གི་ཡབ་མེས་ཀྱི་གདུང་རྒྱུད་ཇི་ལྟར་བྱུང་ཚུལ་ནི།
བོད་ཁ་བ་ཅན་འདིར་འཕཊ་པ་སྤྱན་རས་གཟིཊ་ཀྱི་གདུལ་བྱའི་ཞིང་དང་བྱིན་རླབས་ཀྱི་མཐུ་ལས། མི་བུ་རིཊ་དྲུག་གི་ནང་ཚན་མི་བུ་རིཊ་བཞི་དང་སྦྱར་ན། ཨ་ལྕཊ་འབྲུ། ཨ་ལྕཊ་འབྲུ་ལ་བུ་དགུ་བྱུང་བ་སོཊ་མི་རབས་འགའ་ཞིག་འདས་པ་ན། འབྲུ་སྟག་རྒོད་བྱ་བ་ཞིག་བྱུང་བ་དེ་ལ། ཕྱིས་སུ་བུ་ཉི་མ་ནག་ཁྲ་དཀར་གསུམ་བྱུང་བ་ལས། འབྲུ་ཉི་མ་དཀར་པོ་ལ་སྲས་གསུམ་བྱུང་བའི་ཆེ་བ་སོ་གད་ཅེས་པ་དེ་ཉིད། རྨ་ཆེན་སྤོམ་རའི་མགུལ་དུ་ཕྱིན་ཏེ་ལྷའི་བུ་མོར་ཐབས་ཤེས་ཀྱི་སྦྱོར་བ་ལ་བརྟེན་ནས་སྐྱུ་ར་གནམ་སྦྱིན་དཀར་པོ་བྱུང༌། དེ་ཉིད་ཀྱི་གདུང་རིགས་ཡར་བཟང་འབྲོག་གསུམ་འདས་པ་ན།
སྒ་ཡུལ་འདན་སྟོད་དུ་ཨ་མེས་ཚུལ་རྒྱལ་དང༌། སྣ་ནམ་བཟའ་ཆོས་ཀྱི་སྒྲོལ་མ་གཉིས་འདུས་པ་ལས་སྲས་བཞི་བྱུང་བའི་གཉིས་པ། དཔེ་ཀ་དབང་རྒྱལ་ལའང་སྲས་བཞི་འཁྲུངས་པའི་ཐ་ཆུང༌། དཔལ་རྡོ་རྗེ་འཇིགས་བྱེད་ཀྱི་ཧེ་རུ་ཀ་ཆེན་པོ་ཡབ་རྣལ་འབྱོར་པ་རྡོ་རྗེ་དང༌། ཡུམ་རཀྵི་བཙུན་མའི་རིགས་ཀྱི་མྱུ་གུར་རྡོ་རྗེ་མཆུའི་པོ་ཏི་དཀར་པོ་འོད་ཀྱི་རྣམ་པར་ལྷུམས་སུ་བཞུགས་ཏེ། ཆུ་ཕག་སྤྱི་ལོ་ ༡༡༤༣ ལོར་སྐུ་འཁྲུངས།
དགུང་ལོ་དྲུག་པ་ས་འབྲུག་སྤྱི་ལོ་༡༡༤༨ ཙམ་ནས་འབྲི་ཀློག་མཁས་པར་མཁྱེན་ཅིང་ཐེལ་ཀློག་ཅེས་པ་ཀློག་ཆོད་ཆེ་ཞིང་སྐྱོན་ཆུང་བ། ས་སྒྲ་ར་སྒྲ་འཕུལ་རྟེན་སོགས་ལའང་མཆུ་སྦྱོར་ཐ་དད་དུ་ཐོན་པ་དེ་ཉིད་སྲོལ་གཏོད།
དགུང་ལོ་ཉེར་གཉིས་པ་ཤིང་སྤྲེལ་སྤྱི་ལོ་༡༡༦༤ ལོར་རྩིབ་རླུང་མོ་ཆེར་འདག་སྦྱར་སྨྲ་བཅད་མཛད་དེ། ཉིན་པར་ཕྱག་ཆེན་དང༌། མཚན་མོར་བསྐྱེད་རྫོཊ། ཐུན་བར་དུ་རྗེ་བཙུན་མའི་ཕྱག་མཆོད། ཐུན་གཤམ་དུ་གཏོར་མ་གཏོང་བ་སོཊ་སྐུ་བཙུན་པར་མཛད་པས། སྐྱུ་ར་སྨྲ་བཅད་པ་ཞེས་པའི་མཚན་ཐོཊ།
དགུང་ལོ་ཉེར་ལྔ་པར་མེ་ཕག་སྤྱི་ལོ་༡༡༦༧ ལོར་ཕག་གྲུར་ཕེབས། འགྲོ་མགོན་དང་མཇལ་ནས། ཐོག་མར་སྨོན་འཇུག་གི་སེམས་བསྐྱེད་གནང་ཞིང༌། མཚན་ཡང་བྱང་ཆུབ་སེམས་དཔའ་རིན་ཆེན་དཔལ་ཞེས་གསོལ། དེའི་ཕྱི་ཉིན་སེམས་བསྐྱེད་དང་ཕྱག་ཆེན་བསྔོ་བ་བཅས་གནང་ནས། ཕྱག་ཐུགས་ཀར་རེག་པས་དཔལ་ཧེ་རུ་ཀར་གཟིགས་ཏེ། ང་ལ་བླ་མ་འདི་འདྲ་བ་ཞིག་རྙེད་སྙམ་ནས་དགའ་བ་དཔག་ཏུ་མེད་པ་སྐྱེས།
ཉིན་གཅིག་ཆོས་གྲྭ་གྲོལ་སྐབས་ཉིད་ལ་སྡོད་གསུངས་པ་བཞིན་བསྡད་པས། འགྲོ་མགོན་གྱིས་ལུས་གནད་བཅོས་ཏེ་ཕྱག་འཁར་གནས་གསུམ་དུ་བཙུགས་ནས། ཨོཾ་ཨཱཿཧཱུྃ་ཞེས་ལན་གསུམ་གསུངས་ཏེ། ཁྱོད་སྒོམ་ཆེན་པ་ཞིག་འོང༌། སྒོམ་ཆེན་ཙམ་ལས་བཟང་བ་ཞིག་འོང༌། དེ་ལ་ཁོ་བོ་དགའ་བ་ལགས་མོད་ཅེས་གསུངས།
མདོ་རྒྱུད་ཟབ་གསང་རྡོག་དྲིལ་གྱི་སྙིང་བཅུད། ཕྱག་ཆེན་ལྔ་ལྡན་གྱི་གདམས་ངག་བུམ་པ་གང་བྱོའི་ཚུལ་དུ་གནང་སྟེ། ཞལ་སྔ་ནས། ལྔ་ལྡན་འདི་དང་མ་བྲལ་བ་གྱིས། སངས་མ་རྒྱས་ཀྱི་བར་དུ་ཆོས་ལྔ་པོ་འདི་ཉམས་སུ་ལེན་དགོས་པ་ཡིན་གསུངས།
དགུང་ལོ་ཉེར་བརྒྱད་པ་ལྕགས་སྟག་སྤྱི་ལོ་༡༡༧༠ ལོར་འགྲོ་མགོན་ཕག་གྲུ་མྱ་ངན་ལས་འདའ་ཁར། གསེར་གྱི་རྡོ་རྗེ་རྩེ་ལྔ་འོད་འབར་བ་ཞིག་བྱུང་ནས་ཉིད་ཀྱི་ཐུགས་ཀར་ཐིམ་སྟེ། བརྒྱུད་པ་གཏད་པ་དེར་ཡོད་ཀུན་གྱི་འདྲེན་བྱེད་ཀྱི་ཡུལ་དུ་གྱུར།
དགུང་ལོ་ཉེར་དགུ་པ་ལྕགས་ཡོས་སྤྱི་ལོ་༡༡༧༡ ལོར། བླ་མ་ཡལ་གྱི་སྤྱན་དྲངས་པ་ལྟར་ཨེ་ཆུང་ཕུག་ཏུ་བྱོན། དེར་ཕྱིའི་རྟེན་འབྲེལ་རགས་པ་ཁོང་དུ་ཆུད་དེ། འཁོར་བར་འཁྱམས་པའི་རྒྱུ་རླུང་དབུ་མར་མ་ཚུད་པས་ལན་དགོངས་ནས་གནད་དུ་བཅུན་པས། རྗེ་བཙུན་སྒྲོལ་མ་སོགས་སངས་རྒྱས་བྱང་སེམས་མང་པོ་ཞལ་གཟིགས། རིགས་དྲུག་གི་གནས་སྦྱོང་ཤར། ཌཱཀྐིའི་ཚོགས་པར་སྤྱན་དྲངས་པ་སོགས་སྣང་ཚུལ་མང་དུ་བྱུང༌།
དགུང་ལོ་སོ་གཉིས་པ་ཤིང་རྟ་སྤྱི་ལོ་༡༡༧༤ ལོར། གདན་ས་ཕག་མོ་གྲུར་ཕེབས་ནས་ཆོས་གྲོགས་རྣམས་ལ་གསུང་གླེང་དང༌། སྐུ་གདུང་དང་འདྲ་སྐུ་རིན་པོ་ཆེར་ཕྱག་བྱས་ཏེ། སློབ་དཔོན་ཀླག་མདའ་བའི་བཀའ་བཞིན་སྤ་གྲོར་འབྱོན་རྒྱུ་བཤོལ་ནས། སོ་གསུམ་པ་ཤིང་ལུག་སྤྱི་ལོ་ ༡༡༧༥ ལོར་སླར་ཡང་ཨེ་ཆུང་དུ་ཕེབས།
དགུང་ལོ་སོ་བཞི་པ་མེ་སྤྲེལ་སྤྱི་ལོ་ ༡༡༧༦ ལོར་དེར་སྒྲུབ་པར་གཞོལ་བའི་ཚེ། སྔོན་གྱི་རྣམ་སྨིན་གྱི་ལྷག་མ་ལྷོངས་ཏེ། སྟོན་པ་དང་རྗེ་བཙུན་མི་ལ་སོགས་འཚང་རྒྱ་ཁར་བདུད་ཀྱིས་ཆོ་འཕྲུལ་བྱུང་བ་ལྟར། སྐུ་ཁམས་མ་བདེ་ནས་ལུས་ན་ཟུག་གིས་གང༌། མེ་རླུང་གི་སྟོབས་ཀྱིས་སྐྲ་དང་ཁ་སྤུ་འཇིལ་བའི་སྙུང་མཛེ་དྲག་པོ་ཞིག་བྱུང་བ་ལ།
རྟེན་འབྲེལ་བརྟག་སྐབས་ཟ་འོག་ཁ་ཚང་ཞིག་དང༌། བ་ལུའི་མེ་ཏོག་གསར་པ་ཞིག་བྱུང་ན་སྙུན་ལས་གྲོལ་བར་གཟིགས་པས། བླ་མ་ཡལ་ལ་མངགས་ཀྱང་རྟེན་འབྲེལ་ཆེར་མ་འཛོམས་པར་བརྟེན། ཐུགས་དགོངས་ལ། བླ་མ་རིན་པོ་ཆེའི་སློབ་མ་གྲུབ་ཐོབ་ཀྱི་ཁ་སྐད་ཡོད་པ་ཞིག་ལ། འདི་འདྲ་བའི་ནད་ངན་བྱུང་བ་ནི་བླ་མའི་ཞབས་འདྲེན་དང༌། གྲོགས་མཆེད་ཀྱི་རྐང་འདྲེན་དུ་སོང་སྙམ་ནས་ཐུགས་མུག་ཆེན་པོ་སྐྱེས་ཏེ། ད་ནི་ས་ཕྱོགས་གང་དུ་ཕྱིན་ཡང་གྲུབ་ཐོབ་ཀྱི་མཐའ་འདི་ལྟར་སོང་ཟེར་བ་ཞིག་འོང་བས། སུས་ཀྱང་མི་ཚོར་བའི་ས་ཕུག་གཅིག་ཏུ་འཕོ་བ་བྱ་དགོས་སྙམ་པའི་འདུན་པ་བཏང་ནས་ཕྱིར་བྱོན་པ་ན། དབུ་སྔས་སུ་འཕགས་པ་ཐུགས་རྗེ་ཆེན་པོའི་ཞལ་ཐང་ཞིག་ཡོད་པ་དེ་ལ་ཕྱི་ཕྱག་འཚལ་དགོས། ང་ན་བ་ཡི་དམ་གྱིས་མ་ལན་དགོངས་ནས་ཡར་བྱོན།
ཕྱག་དང་པོ་མཛད་པའི་ཚེ། ས་ཆེན་པོ་འདིའི་སྟེང་དུ་ང་ལས་སྡུག་པ་མེད། ནད་འདི་ལྟ་བུས་འཆི་དགོས་སྙམ་པ་ཐུགས་ལ་ཤར། གཉིས་པའི་སྐབས་ང་འཆི་ཡང་བླ་མ་དམ་པའི་མན་ངག་འཕོ་བ་དང༌། བར་དོའི་གདམས་པ་སོགས་ཀྱིས་ཕྱི་མ་འཇིགས་མི་དགོས་པ་ཞིག་ཡོད། དེ་བས་སེམས་ཅན་འདི་རྣམས་སྙིང་རེ་རྗེ་སྙམ་ནས་སྙིང་རྗེ་ཚད་མེད་པ་འཁྲུངས་ཏེ། གཟིམ་མལ་དུ་ཡང་མ་བྱོན་པར་དེ་ཉིད་དུ་ལུས་གནད་བཅོས་ནས་སྙིང་རྗེ་དེ་ཉིད་དྲག་ཏུ་སྒོམ་པར་མཛད་པས། ཀླུ་གདོན་སྙུན་གཞི་དང་བཅས་པ་སྐུ་ལུས་ནས་ཐོན་ཏེ། ཟླ་བ་སྒྲ་གཅན་ལས་ཐར་བ་བཞིན་དུ། མདོ་སྔཊ་རབ་འབྱམས་ཀྱི་དགོངས་པ་མཐའ་དྲུག་ཚུལ་བཞིའི་སྦས་དོན་མཐའ་དག སྐྱུ་རུ་ར་ལག་མཐིལ་དུ་བཞག་པ་ཇི་ལྟ་བ་བཞིན་དུ་མཁྱེན་པའི་མཁྱེན་པ་དེ་ཡང༌། ཤར་པོ་བཀྲིས་དང་ཤར་མོ་བཀྲིས་གཉིས་ཀྱིས་ཟ་འོག་དང༌། བ་ལུའི་མེ་ཏོག་གསར་པ་ཕུལ་བས་རྟེན་འབྲེལ་འགྲིཊ་ཏེ། དཔལ་ཧེ་རུ་ཀ་སེར་པོས་ཐུཊ་ཀར་མདའ་བསྣུན་པ་ལ་བརྟེན་ནས། སྒོམ་མེད་ཀྱི་རྣལ་འབྱོར་ཆེན་པོ་མངོན་དུ་གྱུར་ཅིང༌། གཙུག་ཏོར་དང་མཚན་དཔེ་སོགས་སངས་རྒྱས་དང་མཐུན་པར་བྱོན།
བཅས་དང་རང་བཞིན་གྱི་ཁ་ན་མ་ཐོ་བ་གཅིག་པ་དང༌། ཕྱག་ཆེན་ཚུལ་ཁྲིམས་གནད་གཅིག་པར་དགོངས་ཏེ། དགུང་ལོ་སོ་ལྔ་པ་མེ་བྱ་སྤྱི་ལོ་༡༡༧༧ ལོར་མཁན་པོ་ཞང་སུམ་ཐོག་པ། སློབ་དཔོན་རྩི་ལུང་པ། གསང་སྟོན་གཉལ་བ་འདུལ་འཛིན་སོགས་ལས་ཆིག་རྫོགས་སུ་བསྙེན་པར་རྫོགས། བླ་མ་ཙཱ་རི་པས་ཆོས་ཞུས་ཏེ་དེར་འདུས་ཐམས་ཅད་ཀྱི་ནན་ཞུས་ཀྱིས་ཕག་གྲུའི་གདན་སའི་ཆོས་ཁྲིར་དབང་བསྐུར།
སོ་བདུན་པ་ས་ཕག་སྤྱི་ལོ་༡༡༧༩ ལོར་རྗེ་ཕག་མོ་གྲུ་པ་མདུན་གྱི་ནམ་མཁར་བྱོན་ནས། ཁྱོད་རང་ཟ་འོག་གི་འབོལ་སྟན་རྙིང་པ་འདི་བསྐྱུར་ལ། དབུ་རུ་བྱང་ཕྱོགས་སུ་སོང་དང་འགྲོ་བའི་དོན་རྒྱ་ཆེན་པོ་འགྲུབ་པར་འགྱུར་རོ་ཞེས་གསུངས་པ་ཞིག་རྨིས། དངོས་རྫས་ཕྱག་ན་ཡོད་ཚད་དགེ་འདུན་ལ་བཀྱེས་ནས། གདན་ས་ཁྱེད་རྣམས་ལ་གཏད་པ་ཡིན་གསུངས་ཏེ། དེ་ནུབ་དཔོན་སློབ་གསུམ་མདོར་བྱོན། སྒྲགས་དང་འཕྲང་ཕུར་ཕེབས་པ་ན་ནགས་ཤོད་མཁན་པོ་དང༌། ཕ་ཇོ་རྒྱལ་མཚན་གྱིས་ཏི་སྒྲོའི་མདུན་དུ་འབྲི་གུང་ཞེས་པའི་གནས་ཤིན་ཏུ་དབེན་པ་ཞིག་ཡོད་ཟེར་བ་ལ། ཐུགས་དགྱེས་ཏེ་དེར་སོང་ནས་སྒྲུབ་པ་བྱ་སྙམ་པའི་ནུབ་མོར། ལྷ་ཆེན་བར་ལྷས་མནལ་ལམ་དུ་བསུ་བ་བྱུང༌།
ལོ་དེར་འོག་མིན་རྡོ་རྗེ་གདན་གཉིས་པ་བྱང་ཆུབ་གླིང་རྟེན་དང་བརྟེན་པར་བཅས་པ་ཕྱག་བཏབ། གདན་སའི་ནུབ་ངོས་ཀྱི་སྤོར་རྟ་ཆག་ལྟེང་ཞེས་པ་དེ། རྒྱ་གར་གྱི་དུར་ཁྲོད་བསིལ་བའི་ཚལ་དང་མཉམ་པར་བྱིན་གྱིས་བརླབས།
དགུང་ལོ་སོ་དགུ་པ་ལྕགས་གླང་སྤྱི་ལོ་༡༡༨༡ ལོར་བཙད་པོ་ཐང་ལྡེ་དང་འོད་ལྡེ་སོགས་ཀྱིས་གདན་དྲངས་པ་ལྟར་བྱང་ནམ་རར་བྱོན་སྐབས། ཐང་ལྷས་བསུ་བ་དང་སྒྲུབ་གནས་ཕུལ། དེའི་དབྱར་དགེ་འདུན་སུམ་བརྒྱ་ཙམ་འཚོགས།
དགུང་ལོ་ཞེ་གཅིག་པ་ཆུ་ཡོས་སྤྱི་ལོ་ ༡༡༨༣ ལོར་ལྟར་སྣང་དུ་ཚོགས་མང་བས་སུན་ཚུལ་བསྟན་ཀྱང༌། དོན་དུ་སྒྲུབ་གནས་ཁྱད་འཕགས་ཅན་སྒོ་འབྱེད་པའི་ཕྱིར་གསང་ཐབས་ཀྱིས་ཚ་འུག་ཏུ་ཕེབས་ཏེ། ཚོགས་ཁང་ཆེན་མོ་དབུ་རྐྱང་རོ་གསུམ་གྱི་རྣམ་པར་ཕྱེས་ནས་ཏིང་འཛིན་ཕུག་ཏུ་བཞུགས་སྐབས། ནུབ་གཅིག་སངས་རྒྱས་ཀྱི་བསྟན་པའི་རྒྱུན་ལ་དགོངས་ཏེ། གཞན་སྣང་དབང་སྡུད་ཀྱི་ཏིང་ངེ་འཛིན་ལ་མཉམ་པར་བཞག་པ་ན། ཏི་སེ། ལ་ཕྱི། ཙཱ་རི་གསུམ་གྱི་ཞིང་སྐྱོང་སོགས་བོད་ཀྱི་གཞི་བདག་རྣམས་ལ་ཆོས་བསྟན་ནས། སོ་སོའི་གནས་སུ་རྫུ་འཕྲུལ་གྱིས་ཕེབས་ཏེ་དམ་ལ་བཞག སྒྲུབ་གནས་ཕུལ་ཏེ་བཞུགས་པར་གསོལ་ཡང་མ་གནང་སྟེ་རི་པ་གཏོང་བར་ཞལ་གྱིས་བཞེས།
དགུང་ལོ་ཞེ་གཉིས་པ་ཤིང་འབྲུག་སྤྱི་ལོ་༡༡༨༤ ལོར་རི་ཁྲོད་དུ་གཏོང་བར་འོས་པ་དཔལ་ཆེན་སྒོམ་ཤེ། དབོན་སྒོམ། སྟོན་འབྱུང༌། སློབ་དཔོན་རྒྱལ་བ། སློབ་དཔོན་ངད་ཕུ་བ་སོགས་གཅེས་གཅེས་དྲག་དྲག་བརྒྱད་ཅུ་རེ་བཅས་རི་པ་དང་པོ་བཏང༌།
དགུང་ལོ་ཞེ་གསུམ་པ་ཤིང་སྦྲུལ་སྤྱི་ལོ་༡༡༨༥ ལོར་རྒྱ་གར་དུ་བྱོན་པར་དགོངས་ནས། དཔོན་སློབ་ཀུན་ཆོས་གོས་གསུམ་དང་ལྷུང་བཟེད་འཁར་གསིལ་ཐོགས་ཏེ་དྭགས་པོར་བྱོན་པ་ན། དྭགས་པོ་འདུལ་འཛིན་གྱིས་ཆོས་ཞུས་ཤིང་གདན་ས་ཕུལ།
དགུང་ལོ་ཞེ་བདུན་པ་ས་བྱ་སྤྱི་ལོ་༡༡༨༩ ལོར་ཀརྨ་པ་དུས་གསུམ་མཁྱེན་པ་དབུས་སུ་བྱོན་པའི་ཚེ། ཆོས་རྗེ་༧སྐྱོབ་པའིི་སྙན་པ་གསན་ནས་འབྲི་གུང་དུ་བྱོན། འབམ་ཐང་ནས་ཆོས་རྗེ་ཉིད་དགེ་འདུན་འདུས་པ་དང་བཅས་པས་སེར་སྦྲེངས་ཀྱི་བསུ་བ་མཛད་པས། རྗེ་ཉིད་བསྟན་པའི་བདག་པོ་དང༌། སྤྱན་སྔ་རྣམ་གཉིས་མཆོག་ཟུང་སོགས་དགྲ་བཅོམ་པའི་ཚོགས་ཀྱིས་བསྐོར་བར་གཟིགས་ཤིང༌། སླར་གསེར་ཁང་དུ་ཕེབས་པའི་ཚེ། རྗེ་ཉིད་ཤཱཀྱའི་རྒྱལ་པོ་སྔོན་ལྟར་དང༌། སྤྱན་སྔ་རྣམ་གཉིས་བྱམས་པ་དང་འཇམ་དབྱངས། འཁོར་གྱི་གཙོ་བོ་རྣམས་ཉེ་བའི་སྲས་གཞན་སོགས་བྱང་ཆུབ་སེམས་དཔའི་ཚོགས་ཀྱིས་བསྐོར་བར་གཟིགས་ཏེ། དུས་མཁྱེན་གྱིས་བསྟན་པའི་བདག་པོ་དངོས་ཡིན་པར་དགོངས་ནས། མོས་གུས་ཚད་མེད་པ་སྐྱེས་ཤིང༌། ཆོས་གསན་ཏེ་བླ་མར་བཀུར།
དགུང་ལོ་ཞེ་དགུ་པ་ལྕགས་ཕག་སྤྱི་ལོ་༡༡༩༡ ལོར་གཉོས་རྒྱལ་བ་ལྷ་ནང་པ། གར་བ་བྱང་རྡོར་སོགས་ཏི་སེར་དགུ་བརྒྱ། ལ་ཕྱིར་དགུ་བརྒྱ། ཙཱ་རིར་དགུ་བརྒྱ་བཅས་ཉིས་སྟོང་བདུན་བརྒྱ་རེ་བརྫངས་པའི་ནང་ནས་ཀྱང་གྲུབ་པ་ཐོབ་པ་ཤ་སྟག་བྱུང༌།
དགུང་ལོ་ང་གཅིག་པ་ཆུ་གླང་སྤྱི་ལོ་༡༡༩༣ ལོར་བླ་མ་ཞང་གིས་འདི་ལོ་ང་དང༌། ཀརྨ་པ། འབྲི་གུང་པ་གསུམ་ལ། ཨུ་རྒྱན་ནས་མཁའ་འགྲོ་མའི་གདན་འདྲེན་འོང༌། འབྲི་གུང་པ་རྟེན་འབྲེལ་ལ་མངའ་བརྙེས་པས་གཤེགས་མི་དགོས་གསུངས་པ་བཞིན་བྱུང༌།
དགུང་ལོ་ང་བདུན་པ་ས་ལུག་སྤྱི་ལོ་༡༡༩༩ ལོར། གཉོས་ཆེན་པོས་བུར་སྟོན་མཛད་སྐབས། སྤྱན་སྔ་ཤེར་འབྱུང་གིས་རྩིས་པས་དགེ་སློང་ལྔ་ཁྲི་ལྔ་སྟོང་ཉེར་ལྔ་ལོངས་པ་བྱུང༌།
དགུང་ལོ་རེ་དྲུག་པ་ས་འབྲུག་སྤྱི་ལོ་༡༢༠༨ ལོར་སིངྒ་གླིང་གི་དགྲ་བཅོམ་པས། ཁ་ཆེ་པཎ་ཆེན་གྱི་གཅུང་པོ་ལ་མེ་ཏོག་བསྐུར་བ་དེ་ཉིད་པཎ་ཆེན་ཤཱཀྱ་ཤྲཱིས་ཆོས་སྐྱེས་སུ་ཕུལ། ལོ་དེར་སྤྱན་སྔ་གྲགས་འབྱུང་ཕག་གྲུའི་གདན་སར་བསྐོས།
དགུང་ལོ་རེ་བདུན་པ་ས་སྦྲུལ་སྤྱི་ལོ་༡༢༠༩ ལོར་གསེར་ཁང་སྒོ་བཅད་མ་མཛད། དགུང་ལོ་རེ་དགུ་པ་ལྕགས་ལུག་སྤྱི་ལོ་༡༢༡༡ ལོར་དབྱར་གནས་པའི་ཚེ། ཚུལ་ཤིང་བཞེས་མཁན་གྱི་སྡོམ་བརྩོན་པ་འབུམ་ཕྲག་གཅིག་བྱུང་ན། དགེ་ཚུལ་དང་དགེ་བསྙེན་ནི་བགྲང་གིས་མི་ནུས་པར་བྱུང་བ་སྨོས་མ་དགོས་ལ།
དགུང་ལོ་དོན་གསུམ་པ་ཤིང་ཕག་སྤྱི་ལོ་༡༢༡༥ ལོར་རི་པ་ཐ་མ་འགྱེད་པར་དགོངས་ཏེ། འབྲི་གུང་ཐང་དུ་ཆོས་ཁྲི་བརྩིགས་པར་༧སྐྱོབ་པ་འཇིག་རྟེན་མགོན་པོ་བཞུགས་ཤིང༌། གནས་གསུམ་གྱི་རྡོ་རྗེ་འཛིན་པ་རྣམས་ལའང་ཁྲི་བརྩིགས་ཏེ་ཟབ་རྒྱས་ཀྱི་གདམས་པ་སྤྱི་དང༌། ཁྱད་པར་དུ་བཅུ་ཆོས་སུམ་ཆོས་སོགས་ཀྱི་བཀའ་ཁྲིད་ཞིབ་པར་བསྩལ་ཏེ། དཔལ་འཁོར་ལོ་སྡོམ་པའི་སྐུའི་གནས་ཆེན་སྟོད་དུ་གྲགས་ཆེ་བ་གངས་དཀར་གྱི་རྒྱལ་པོ་ཏི་སེར། རྡོར་འཛིན་པཎ་ཆེན་གྷུ་ཡ་སྒང་པ་དང༌། གྲུབ་ཐོབ་ནག་པོ། རི་པ་སྔོན་པོ་གཙོས་པའི་སྒོམ་ཆེན་ལྔ་ཁྲི་ལྔ་སྟོང་ལྔ་བརྒྱ་ཉེར་ལྔ།
བར་དུ་ཁུངས་བཙན་པ་གསུང་གི་གནས་ཆེན་འབྲོག་ལ་ཕྱི་གངས་རར། རྡོར་འཛིན་དགེ་བཤེས་གཡག་རུ་དཔལ་གྲགས་ཀྱི་གཙོས། སྒོམ་པ་གསལ་བའི་དབང་ཕྱུག་སོགས་ལྔ་ཁྲི་ལྔ་སྟོང་ལྔ་བརྒྱ་ཉེར་ལྔ།
སྨད་དུ་འགྲན་ཟླ་ཐམས་ཅད་དང་བྲལ་བ་ཐུགས་ཀྱི་གནས་མཆོག་ཙཱ་རི་ཏྲར། རྡོ་རྗེ་འཛིན་པ་འགོ་བོ་ཆེའི་གཙོས་ལྔ་ཁྲི་ལྔ་སྟོང་ལྔ་བརྒྱ་ཉེར་ལྔ་བཏང་སྟེ། རི་ཐམས་ཅད་འབྲི་གུང་རི་པ་དང༌། ཐང་ཐམས་ཅད་འབྲི་གུང་ཐང་པ་ཞེས་པའི་གྲགས་པ་དེ་བྱུང༌།
དགུང་ལོ་དོན་བཞི་པ་མེ་བྱི་སྤྱི་ལོ་༡༢༡༦ ལོར་འདུས་ཚོགས་གསལ་བྱེད་ལས། ཁྲི་ཚོ་བཅོ་བརྒྱད་ཚོགས་པ་ལ། འབྲི་གུང་བླ་གཡེལ་ཐང་ན་གྲགས། ཞེས་གསུངས་པ་ལྟར་སྐབས་དེ་དུས་འབྲི་གུང་རང་དུ་དགེ་འདུན་གྱི་ཚོགས་པ་ཁྲི་ཚོ་བཅོ་བརྒྱད་ཡོད་པར་མངོན་ལ།
དགུང་གྲངས་བདུན་ཅུ་དོན་ལྔའི་སྐབས། ངེས་དོན་གྱི་ཆོས་ཀྱི་བཀའ་སྩལ་དཔག་ཏུ་མེད་པ་གསུངས་ནས། རྡོ་རྗེའི་སྐུའི་བཀོད་པ་བསྡུས་པའི་ཚུལ་སྟོན་པར་བཞེད་དེ། མེ་མོ་གླང་ལོའི་༡༢༡༧ ལོར་བདག་ཅག་གི་སྟོན་པ་མངོན་པར་བྱང་ཆུབ་པའི་ཟླ་བ་སྟེ། ཧོར་ཟླ་བཞི་པའི་ཚེས་ཉི་ཤུ་ལྔའི་ནམ་སྲོད་ལ། སྤྲུལ་སྐུའི་བཀོད་པ་གཉུག་མ་ལྷན་ཅིག་སྐྱེས་པའི་ངོ་བོར་ཐིམ་པའི་ཚུལ་བསྟན་པར་སྣང་ངོ༌།།
ཡག་བྱུང་། ཡིན་ན་ཡང་ལོ་རྒྱུས་དངོས་དེ་འབྲི་གུང་སྐྱོབ་པ་འཇིག་རྟེན་མགོན་པོ་ནི། མདོ་ཁམས་ལྡན་སྟོད་གཙོང་དུ་ཞེས་པར། འབྲུག་རྒྱལ་སྐྱུ་རུའི་གདུང༌། རྙིང་མའི་སྔགས་འཆང་ཟམ་མ་ཆད་པའི་བརྒྱུད་པར། ཡབ་རྡོ་རྗེ་དང༌། ཡུམ་མཁའ་འགྲོ་བཙུན་མ་ཞེས་བྱ་བའི་སྲས་སུ་རབ་བྱུང་གཉིས་པའི་ཆུ་ཕག་༼༡༡༤༣༽ལོར་འཁྲུངས། གཞོན་དུས་ནས་སྙིང་རྗེ་ཆེན་པོ་མངའ་ཞིང་ཡབ་ཆོས་ཕལ་ཆེར་མཁྱེན། ཕག་མོ་གྲུའི་སྙན་པ་གསན་པས་དཔེ་མེད་པའི་དད་པ་འཁྲུངས་ཏེ། ཟླ་བ་ཤར་བ་ན་ཡ་གིས་ངའི་བླ་མ་དེ་མཐོང་བ་རེ་དགའ་སྙམ་པའང་བྱུང༌། དེ་ནས་དབུས་གཙང་དུ་བྱོན། འགྲོ་མགོན་གྱི་ཞབས་དྲུང་དུ་ཕེབས་ནས་ཟླ་བ་སུམ་ཅུ་རྩ་གཉིས་བསྟེན། དེའི་ཚེ་རྟེན་དགེ་བསྙེན། ན་བཟའ་ར་ཐུལ་ཞིག་བཞེས་པས་དགེ་བསྙེན་ར་ཐུལ་ཅན་ཞེས་གྲགས་ལ། བླ་མའང་མཉེས། ཁྱོད་ལ་སྒོམ་ཆེན་བཟང་པོ་ཞིག་འོང༌། སྒོམ་ཆེན་ཙམ་ལ་བཟང་བ་ཞིག་འོང་ཞེས་ལུང་བསྟན། འགྲོ་མགོན་གཤེགས་ནས་ཨེ་ཆུང་ཕུག་པར་ཐུགས་དམ་ལ་བཞུགས་པས་གློ་བུར་དུ་སྙུན་མཛེ་དྲག་པོ་ཞིག་བྱུང༌། རྫ་གསེབ་ཏུ་བཞུགས་ཏེ་རོ་སུས་ཀྱང་མི་མཐོང་བ་ཞིག་བྱ་སྙམ་ནས་བྱོན་པར་ཆས། ཡི་དམ་སྤྱན་རས་གཟིགས་ཀྱི་སྐུ་ཞིག་ཡོད་པ་ལ་ཕྱི་ཕྱག་བགྱིས། སྐུ་ཤེད་ཆུང་བས་ཁ་བུབ་ཏུ་ཅུང་ཞིག་ལུས་པ་ན༑ དང་པོར་རང་གི་སྡུག་བསྔལ་བསམ། དེ་ནས་སེམས་ཅན་ཐམས་ཅད་ཀྱི་སྡུག་བསྔལ་བསམས་པས་སྙིང་རྗེ་ཆེན་པོ་བཟོད་གླགས་མེད་པ་ཞིག་འཁྲུངས། ས་ཐམས་ཅད་སྤྱན་ཆབ་ཀྱིས་བངས། ཀླུ་གདོན་དེ་འཁོར་དང་བཅས་པ་སྐུ་ལུས་ལས་ཐོན་སོང་བ་གཟིགས། སྒོམ་རོ་གཅིག་གི་རྟོགས་པ་ཐུགས་ལ་འཁྲུངས་པས། ཞག་གསུམ་དྲོ་བཞིའི་ནངས་པར་ན། །མི་ཁོ་བོའི་ལས་ངན་རང་སར་དག །ཅེས་གསུངས། དེ་ལྟར་གྲུབ་པ་བརྙེས་པའི་སྙན་པས་འུར་བསླངས། གཞན་གྱིས་སྟོན་མོ་བྱེད་པའི་གྲལ་དབུ་ལ་སྤྱན་དྲངས་པའི་ཚེ་ཞིག །ཐོད་པ་བསམ་གྲུབ་ཀྱི་སྲས་མོ་ནམ་མཁའ་རྒྱན་གྱིས་སྐུ་མདུན་དུ་གཅེར་བརྒྱུགས་བྱས་པས། ང་རྟེན་དགེ་བསྙེན་དུ་སོང་བས་བརྙས་པ་ཡིན། ཅིས་ཀྱང་རབ་ཏུ་བྱུང་དགོས་འདུག་དགོངས་ནས། སོ་ལྔ་པ་ལ་ཕག་མོ་གྲུར་ཞང་སུམ་ཐོག་པས་མཁན་པོ། ཙི་ལུང་སློབ་དཔོན། གཉན་པ་འདུལ་འཛིན་གྱིས་གསང་སྟོན་བྱས་ཏེ་ཆིག་རྫོགས་མཛད། མཚན་རིན་ཆེན་དཔལ། གཉལ་པ་འདུལ་འཛིན་ལ་མདོ་རྩ་ལེགས་པར་བསླབས། འགྲོ་མགོན་གཤེགས་རྗེས་སུ་བླ་མ་ཞང་གིས་གྲལ་གོང་དུ་བཞུགས། བསྔོ་བ་ཙམ་མཛད་པ་ལས་ལོ་བདུན་དུ་གདན་ས་མེད། དེ་ནས་ཆོས་རྗེ་འདིས་གདན་ས་མཛད་དེ་ལོངས་སྤྱོད་ཆུང་ཞིང་འོ་བརྒྱལ་བར་བྱུང༌། གསོལ་བ་བཏབ་པས་མནལ་ལམ་དུ་འགྲོ་མགོན་བྱོན་ནས། ཟ་འོག་གི་འབོལ་རྙིང་པ་ཞིག་འདུག་པ་འདི་ཁོ་རང་ཚོ་ལ་གཏོད་ལ། ཁྱོད་རང་དབུ་རུ་བྱང་ཕྱོགས་སུ་སོང་གསུང་བ་རྨིས། མནལ་སད་འཕྲལ་བཞེངས། དཔོན་སློབ་ལྔས་བྲོས་བྱོན་ཏེ། དབུར་སྟོད་དུ་བྱོན་པ་དང༌། གོམ་རིངས་ཀྱི་གྲྭ་པ་རྣམས་སྤྱན་འདྲེན་དུ་འོང་བ་དང་འགྲིགས། འབྲི་གུང་དུ་བཞུགས། བསྟན་པའི་རྩ་བ་དགེ་འདུན། དེའང་ཚུལ་ཁྲིམས་རིན་པོ་ཆེ་ལ་རག་ལས་པར་གཟིགས་ནས། དབེན་པའི་གནས་སུ་འདུག་པ་དག་ཀྱང་བག་ཡངས་སུ་མི་འཇུག །སྙན་པས་ནི་འཛམ་བུའི་གླིང་ཁྱབ། སྟག་ལུང་དུ་ཐང་པས་སྤྱན་དྲངས། བླ་མའི་གདམས་ངག་ཡོད་པའི་གླེང་མོ་མཛད། ཁྱོད་བླ་མ་བསྟེན་ཡུན་ཐུང་གསུང༌། དོན་གཏུག་ལ་རེ་མཛད་པ་ལ། ཇ་བུ་རམ་གྱི་གནང་སྦྱིན་ཐུགས་རྗེས་བཟུང༌། །སོགས་སྒྲོ་འདོགས་གཅོད་རྒྱུ་མེད་པའི་མགུར་དུ་ཕུལ། ཁ་ཆེ་པཎ་ཆེན་ཤཱཀྱ་ཤྲཱིས་མགོན་པོ་ཀླུ་སྒྲུབ་ཀྱི་སྤྲུལ་པར་ངོས་བཟུང༌། དོན་ལྔ་པ་མེ་གླང་༼༡༢༡༧༽ལོའི་ས་ག་ཟླ་བའི་ཚེས་ཉེར་བདུན་ལ་གཤེགས། སློབ་མ་གྲུབ་པ་བརྙེས་པ་བགྲང་གིས་མི་ལང་ཡང༌། གཙོ་བོ་རྗེ་སྤྱན་སྔ། དབོན་རིན་པོ་ཆེ་མཆེད། གཉོས་མགར་ཆོས་གསུམ། དབོན་ཤེར་འབྱུང་སོགས་སོ། །
སྐྱོབ་པ་འཇིག་རྟེན་མགོན་པོ་སངས་རྒྱས་མདོ་རྒྱུད་ཀྱི་ལུང་ཞིག་དགོས་ན། མདོ་སྡེ་འཕགས་པ་ཡེ་ཤེས་རྒྱས་པའི་མདོ་ལས། ༼སྡེ་དགེ་ཚལ་པར། མདོ་ག་པ། དབྱིན་ཨང་།༢༥༢༽ དེ་ནི་མི་མཆོག་རང་བྱུང་འབྱུང་འགྱུར་པ། །རིན་ཆེན་དཔལ་ཞེས་འཇིག་རྟེན་སྒྲ་རྣམ་གྲགས། །མི་མཆོག་འདི་ཡི་ཉན་ཐོས་དགེ་འདུན་ནི། །ས་ཡ་ཕྲག་ནི་བརྒྱད་ཅུ་དག་འབྱུང་ངོ་། །བདེ་གཤེགས་མཆོག་གི་རྗེས་སྐྱེས་སྲས་ཚོགས་ནི། །ཉོན་མོངས་ཁྲོ་དང་ང་རྒྱལ་འཆབ་བྲལ་བས། །དེ་ཚེ་མི་མཆོག་དེ་ཡི་བྱང་ཆུབ་སེམས། །ས་ཡ་ཕྲག་ནི་བརྒྱད་ཅུ་དག་བྱུང་སྟེ། །རྒྱལ་བ་དཔག་མེད་དག་ལ་སྤྱད་ལྡན་ཞིང་། །འགྲོ་ལ་ཕན་ཕྱིར་བྱང་ཆུབ་ཐོབ་འགྱུར་རོ། ། ཞེས་དང་། གསང་འདུས་རྣལ་འབྱོར་ཆེན་པོའི་རྒྱུད་ལས། ༼སྡེ་དགེ་ཚལ་པར། རྒྱུད་ཆ་པ། དབྱིན་ཨང་། ༣༨༡༽ དེ་ནས་གསང་བ་འཛིན་པ་པོ། །མ་འོངས་བྱང་ཆུབ་དོན་གྱི་ཕྱིར། །དཔལ་ལྡན་བླ་མ་རྡོ་རྗེ་འཛིན། །སྐུ་གསུམ་སྙིང་པོ་འདུས་པའི་བདག །འགྲོ་དོན་སྤྱོད་ཕྱིར་འབྱུང་བ་སྟེ། །སྟོབས་ཆེན་སྣ་ཚོགས་ནགས་ཁྲོད་དུ། །ཐུབ་པ་དཔལ་གྱི་རྒྱལ་པོ་སྟེ། །ཤཱཀྱའི་དགེ་སློང་ལི་ཙཱ་བི། །གཞོན་ནུ་འཕགས་པའི་བློ་ཅན་གྱི། །རིམ་དང་ཅིག་ཆར་རྒྱས་པར་གྱུར། །ཞེས་སོགས་གསུངས་ཡོད།
ལྷ་མོ་དངོས་གྲུབ་བརྟན་གཟིགས་ཀྱི་རྒྱུད་ལས་། འདས་པའི་སངས་རྒྱས་མར་མེ་མཛད་། མ་འོངས་སངས་རྒྱས་བྱམས་པ་མགོན་། ད་ལྟར་བཞུགས་པ་ཤཱཀྱ་ཐུབ་། ཀུན་གྱི་མཐའ་ནི་རིན་ཆེན་དཔལ་། ཞེས་དང་། ཀུན་བཟང་ཐོག་མའི་ཡང་ཐིག་གི་རྒྱུད་ལས་། ཀུན་བཟང་ང་ཉིད་ཚོགས་སྐྱོང་ཚེ་། ཁ་ཅན་དུ་ང་ཉིད་འབྱུང་། རིན་དཔལ་ཞེས་བྱ་བ་སྟེ་། ས་བཅུའི་བྱང་སེམས་འཁོར་གྱིས་བསྐོར་། འདུས་པ་ཁྲི་ཁྲག་དབུས་ན་འགྱིངས་། རིགས་གསུམ་མགོམ་པོ་ལ་སོགས་པའི་། ཐུགས་རྒྱུད་བདག་གིས་སྨིན་པར་བྱེད་།
རྒྱལ་པོ་བཀའ་ཡི་ཐང་ཡིག་ལས་། རྗེ་གཅིག་རྒྱལ་པོ་ཁྲི་སྲོང་ལྡེ་བཙན་དེ་། དཔལ་གྱི་བསམ་ཡས་འདི་ནས་བྱང་ཤར་མཚམས་། ཆོས་ཀྱི་འབྱུང་གནས་འབྲི་ཞེས་གྲགས་པར་རུ་། བདེ་གཤེགས་ཕག་ལོ་རིན་ཆེན་དཔལ་ཞེས་པ་། སྤྲུལ་སྐུའི་སེམས་དཔའ་འབུམ་ཕྲག་ཚོགས་ཀྱིས་བསྐོར་། དེ་རྗེས་མངོན་པར་དགའ་བའི་ཞིང་ཁམས་སུ་། བདེ་གཤེགས་དྲི་མེད་དཀར་པོ་ཞེས་བྱ་བ་། མངོན་དགའི་ཞིང་དུ་མངོན་རྫོགས་རྒྱལ་པོར་འགྱུར་།
འབྲི་གུང་ལྔ་མཆོད་དུས་བཟང་ལ་གུས་ཕྱག་དང་རྗེས་དྲན་ཞུ།
ཡག་པོ་བཀླགས་ཟིན། འབྲི་གུང་སྐྱོབ་པའི་རྣམ་ཐར་ཞིག་སྔོན་ལ་བཀླགས་མྱོང་མོད། འོན་ཀྱང་བརྗེད་ངེས་ཀྱིས་རྐུན་པོས་འཁྱེར་ནས་དྲན་ཀྱིན་མི་འདུག གྲུབ་ཐོབ་འདི་ལྟ་བུ་ཞིག་ལ་འཛེ་བྱུང་ན་གཞན་ཞིག་ལ་ལྟ་ཅི་སྨོས།།
་་་་་་་ ཕ་ཇོ་རྒྱལ་མཚན་གྱིས་ཏི་སྒྲོའི་མདུན་དུ་འབྲི་གུང་ཞེས་པའི་གནས་ཤིན་ཏུ་དབེན་པ་ཞིག་ཡོད་ཟེར་བ་ལ། ཐུགས་དགྱེས་ཏེ་དེར་སོང་ནས་སྒྲུབ་པ་བྱ་སྙམ་པའི་ནུབ་མོར། ལྷ་ཆེན་བར་ལྷས་མནལ་ལམ་དུ་བསུ་བ་བྱུང༌། ་་་་་་
རས་ཆུང་པ་ལ་ཡང་འཛེ་བྱུང་བ་ཡོད། ཁོང་གི་ཡང་སྲིད་དེ་ཚོ་ལ་འཛེ་ནད་ཡོད་པ་ཁ་ོབོས་ཤེས་རྟོགས་བྱུང་། དེ་ལྷག་མི་ལབ། དེ་གནས་སྐབས་རིང་གསང་ན་ལེགས་པ་འདྲ།
དཔལ་འབྲི་གུང་བཀའ་བརྒྱུད་པའི་གདན་རབས་དང་པོ། ཀླུ་སྒྲུབ་གཉིས་པར་བསྟོད་དགོས་དོན་དེ་འདྲ་བའི་ཡོན་ཏན་ལྷག་པོ་ཅིག་གང་ཡོད་པ་རེད། ལགས།
སྔར་རྒྱ་གར་དུ་དུ་དགྲ་བཅོམ་པ་ཅིག་ལ་འཛེ་ནད་ཕོག་པའི་རྣམ་ཐར་དང་། མ་ཅིག་དང་། རས་ཆུང་པ་ཡང་འཛེ་ནད་བྱུང་བའི་ལོ་རྒྱུས་་ཡོད་དང་། དུས་ཕྱིས་སུ་འབྲོམ་སྟོན་པས་འཛེ་གཡོག་གནང་ཙང་། ཁོང་ལ་འཛེ་ཡིས་གནོད་སྟངས་འདིས། གང་མཚོན་ནམ་ཞེ་ན། འཛེ་ནད་ཡོད་ལ། ཆོས་ཀྱི་གདམས་ངག་དང་འཕྲད་ན། ངེས་བྱུང་དང་། བྱང་སེམས་འཕེལ་བ་ལ་ཕན་ཐོགས་ཅིག་ཏན་ཏན་ཡོད་བཟོ་མི་འདུག་གམ། གང་དྲན་ཞུས་པ་ལས་ང་ལ་ཁུངས་གང་ཡང་མེད་དོ།།
སྐྱུ་རུ་ར་ལག་མཐིལ་དུ་བཞག་པ་ཇི་ལྟ་བ་བཞིན་དུ་མཁྱེན་པའི་དོན་གང་ཡིན་ནམ། ལགས།
གློག་ཀླད་དང་དྲ་གྲོགས་ཚོས་དགོངས་དགོས་པ་ཞིག་ལ་ནོར་སོ་མང་པོ་ཞིག་འདུག ཚང་མ་ཞུ་ཚོད་མེད་དོ། ཚིག་གྲངས་དང་དོན་ནོར་སོས་གང་འདུག ད་ཕྱིན་ཕྱོགས་རིས་དང་ལོ་གྲངས་ཀ་མང་རུ་བཏངས་ན་བོན་པོ་ཚོས་ཤན་ཞུགས་པ་ལས་གཞན་ཅི་ཡང་མ་རེད། ཁོང་ནི་ད་ལོ་ནས་མི་ལོ་༧༩༧ ཏག་ཏག་སོང་ཡོད་པ་རེད། ༡༢༡༧ ནས་༢༠༡༤ བར་རེད། དུས་འཁོར་དང་སྡེ་སྣོད་གསུམ་དང་མཐུན་པར་འབྲི་གུང་ཆེ་ཆུང་ཚང་གི་ཡོངས་འཛིན་དམ་པ་༧སྐྱབས་རྗེ་འབྲི་གུང་ལམ་མཁྱེན་རྒྱལ་པོ་རིན་པོ་ཆེས་སྐྱོབ་པའི་འཁྲུངས་འདས་ལོ་ཟླའི་འཛིན་ལ་གཟིགས་དང་ཤིན་ཏུ་གསལ། འཇིག་རྟེན་ཡོངས་གྲགས་ཀྱི་ནག་ཟླའི་མར་ངོས་སམ། ས་ག་ཟླ་བའི་ཉེར་ལྔ་སོང་ཟིན་པ་ལ་རེད། འདིར་སྐབས་སུ་མ་བབས་པས་རྔོ་མི་ཐོགས་སོ། ལོ་རྒྱུས་ལ་ཞིབ་གལ་ཆེ་བས་ཐུགས་ལ་ཞོགས།
དེང་སང་བྱ་བྲལ་བ་ཁོང་ཚོ་ལྟ་བུ་ས་གསུམ་ལ་རྙེད་ཁག་པོ་རེད། སྔོན་བྱོན་དམ་རེ་རེ་རྣམ་ཐར་བཀླགས་དུས་མི་ལས་འཁྱིལ་མ་འཁྲུགས་དང་ཡིད་ལ་དད་པ་བཟོད་རླགས་མེད་པ་སྐྱེས་གྱིན་འདུག
ད་ལམ་འཕྲང་དོག་ས་སླེབས་དུས་བླ་མ་སྐྱེས་སུ་མཆིས་ཟེར་ཞིང་ལམ་བདེ་ས་ནས་གླུ་ཨ་ལ་ལ་མོའི་ལོ་རྒྱུས་ལས་ལྷག་མི་གདའ། ད་ནས་བཟུང་མི་ཀུན་གྱི་གློག་རླད་དང་ལག་འཁྱེར་ཁ་པར་ལ་སྐྱེས་སུ་སོང་བླ་མ་དང་གྲ་བ་གདུལ་བྱ་ལ་སྐྱབས་སུ་སོང་།
འཛེ་ནད་ནི། ལས་ནད་ཡིན་པ་ཙམ་མ་ཟད། ཀླུ་ནད་ཡིན་ཚུལ་ཅིག་ཀྱང་གསུང་སྲོལ་ཅིག་ཡོད་རེད།
འབྲི་གུང་སྐྱོབ་པ་འཇིག་རྟེན་གསུམ་མགོན་ནི་བོད་པ་མགོ་ནག་ཚོའི་ནང་གི་སྐར་ཆེན་ཞིག་རེད། ཆོས་སྲིད་གང་གི་ཐད་ནས་མཛད་རྗེས་རླབས་པོ་ཆེ་བཞག་ཡོད་པ་དང་། ལྷག་པར་དུ་འབྲི་གུང་བཀའ་བརྒྱུད་པ་ཚོར་མཚོན་ནས་བླ་ཆེན་བཀའ་དྲིན་ཤིན་དུ་ཆེ་བ་ཞིག་ཡིན་སྟབས། ཁོང་གི་དགེ་བའི་མཛད་པ་ཐ་དག་ལ་ཡི་རངས་དང་། ལྔ་མཚོད་ཆེན་མོར་གསོལ་འདེབས་ཞུ་འོ།
སྤྱིར་ཁ་རྒྱུན་ལ། ས་མི་དར་དགེ་མི་ཆགས་ཟེར་ནས་དགེ་ལུགས་པ་ས་སྐྱར་གཏུགས་པའི་ཅིག་ཡོད་མོད། རྗེ་རིན་པོ་ཆེའི་རྣམ་ཐར་ཞིབ་མོར་ཀློག་དུས། འབྲི་མི་ཆགས་དགེ་མི་དར་མིན་འགྲོ་སྙམ་པ་འདུག རྒྱུ་མཚན་ནི། རྗེ་རིན་པོ་ཆེའི་བདེ་མཆོག་དང་གསར་འདུས། དེ་བཞིན་བཀའ་གདམས་པའི་སྨིན་འགྲོལ་ལུང་གསུམ་མང་པོ་ཞིག་འབྲི་གུང་སྤྱན་སྔ་གྲགས་པ་བྱང་ཆུབ་སྐུ་མདུན་ནས་ཟླ་བ་འགའ་ཤས་ཞུས་འདུག
འདིར་འབྲི་གུང་བཀའ་བརྒྱུད་པའི་མཁས་དབང་ཚོར་གསལ་འདེབས་ཞུ་རྒྱུ་ཞིག་ལ། མཛད་པ་ཀུན་ལས་གསུང་གི་མཛད་པ་འདི་མཆོག་ཏུ་གྱུར་བ་ཡིན་པས། བླ་མ་གང་གི་གསུང་འབུམ་ཇི་ཡོད་སོགས་འབྲི་ཐུབ་ན། ཕྱི་མ་རྣམས་ལ་ཕན། ང་རང་སྔོན་མ་ཕྱག་ཆེན་གྱི་གཞུང་ལ་དོན་གཉེར་བྱེད་སྐབས། སྐྱོབ་པའི་ཕྱག་ཆེན་མན་ངག་ཤིན་དུ་གོ་བདེ་བ་ཞིག་དང་། མདོར་དྲིལ་བ་ཞིག་འདུག ཕལ་ཆེར་ཕག་གྲུའི་ཕྱག་ཆེན་ཞིག་གི་འགྲེལ་བ་ཞིག་མིན་ནམ་སྙམ་པ་ཞིག་ཡོད་པས་དེའི་སྐོར་མཁྱེན་མཁན་ཡོད་ན་གསུངས་རོགས།
་་་་་་ སྤྱིར་ཁ་རྒྱུན་ལ། ས་མི་དར་དགེ་མི་ཆགས་ཟེར་ནས་དགེ་ལུགས་པ་ས་སྐྱར་གཏུགས་པའི་ཅིག་ཡོད་མོད། རྗེ་རིན་པོ་ཆེའི་རྣམ་ཐར་ཞིབ་མོར་ཀློག་དུས། འབྲི་མི་ཆགས་དགེ་མི་དར་མིན་འགྲོ་སྙམ་པ་འདུག ་་་་་་་
ས་མི་དར་དགེ་མི་ཆགས།
དང་།
འབྲི་མི་ཆགས་དགེ་མི་དར།
འདི་གཉིས་ལས་གང་དག་གམ། ལགས།
་་་་་་་ ཕྱིས་སུ་བུ་ཉི་མ་ནག་ཁྲ་དཀར་གསུམ་བྱུང་བ་ལས། འབྲུ་ཉི་མ་དཀར་པོ་ལ་སྲས་གསུམ་བྱུང་བའི་ཆེ་བ་སོ་གད་ཅེས་པ་དེ་ཉིད། རྨ་ཆེན་སྤོམ་རའི་མགུལ་དུ་ཕྱིན་ཏེ་ལྷའི་བུ་མོར་ཐབས་ཤེས་ཀྱི་སྦྱོར་བ་ལ་བརྟེན་ནས་སྐྱུ་ར་གནམ་སྦྱིན་དཀར་པོ་བྱུང༌། ་་་་་་་
ཀ་རྡོ་ལགས།
ངག་རྒྱུན་ལ་ས་མི་ཆགས་དགེ་མི་དར་ཞེས་འདུག
བསམ་ཤེས་ལགས། ཐུགས་རྗེ་ཆེ།
འབྲི་གུང་སྐྱོབ་པ་མཁས་པ་ཆེན་པོ་རེད། དོན་དམ་པའི་མཁས་པ་རེད། ཡིན་ན་ཡང་སྟག་ལུང་ཁོང་གཉིས་ཀའི་བར་ལ་མ་འཆམས་པ་ཆེན་པོ་ཞིག་བྱུང་འདུག དེར་བརྟེན་ཁོང་གི་འདས་མཆོད་དང་བསྟུན་ནས་དེ་ཚོའི་སྐོར་ཞིག་འབྲི་ཐུབ་པའི་རེ་བ་ཡོད།
ས་མི་དར་དགེ་མི་ཆགས། ཞེས་པ་ནི། ས་སྐྱའི་བླ་མ་རྗེ་བཙུན་རེ་གདའ་བའི་ས་ཆོས་མ་ཆགས་ན། བླ་མ་ཙོང་ཁ་པའི་རིང་ལུགས་དགེ་མི་དར་ཞེས་པའི་དོན་བཀྲལ་ན་མི་རིགས་སམ། ལགས།
རས་ཆུང་པ་རང་ཡུལ་དུ་ཞིང་ཟུར་ཅིག་ལ་ཀླུ་་དང་འཕྲད་ནས་ཀླུ་ནད་འཛེ་ཕོག་པ་ཅིག་ཁོང་གི་རྣམ་ཐར་ནང་ལ་ཡོད་རེད་སྙམ་ལགས།
ཕལ་པོ་ཆེ་ནག་འགྱུར་ལས་། དགའ་བོ་ལེགས་པར་ཉོན་ལ་ཡིད་ཟུང་ཞིག་། སངས་རྒྱས་རྣམས་ཀྱི་ཆོས་ཉིད་ཡིན་། ང་ནི་མྱ་ངན་འདས་ཟོག་ཏུ་། ང་ལས་སེམས་བསྐྱེད་བྲམ་ཟེ་གསལ་མཆོག་འདི་། བྱང་ཕྱོགས་ལི་དང་ཉེ་བར་རུ་། དུས་ཀྱི་ཐ་མ་་བསམ་བརྟན་པ་། རིན་ཆེན་དཔལ་ཞེས་བྱ་བར་འགྱུར་། འདུས་དང་པོ་འབུམ་ཕྲག་གཉིས་། དེ་ནས་ལྔ་དང་དྲུག་ཏུ་འགྱུར་། དེ་ནས་འཕོས་ཏེ་ཤར་ཕྱོགས་སུ་། རྣམ་པར་རྒྱལ་བ་ཞེས་བྱར་འགྱུར་།
སྤྲིན་ཆེན་པོ་རྒྱ་ནག་གི་འགྱུར་ལས་། མ་འོངས་ལྔ་བརྒྱའི་ཐ་མ་ལ་། བྱང་ཕྱོགས་ས་ཡི་ཕྱོགས་ཆ་རུ་། འབྲི་ཞེས་བྱ་བའི་ཞིང་ཁམས་སུ་། རིན་དཔལ་ཞེས་བྱ་བ་ཡི་། བདེ་བར་གཤེགས་པར་འབྱུང་བར་འགྱུར་།
ལུང་བསྟན་ནང་གི
ཁྲི་ཡི་ཟུར་ཆ་ཟིན་པར་འགྱུར། །ཞེས་པ་དེ་རྙིང་མ་པ་འགའ་ཤས་ཀྱིས། ད་ལྟའི་འབྲུལ་རྒྱལ་ལ་སྦྱར་ཡང་། བོད་རིགས་དམངས་ཀྱིས། ༸གོང་ས་མཆོག་༸སྐུ་ཕྲེང་བཅུ་བཞི་པ་ལ་སྦྱོར་བཞིན་འདུག་པས་་་་་་་་་་་ ད་དུང་དཔྱད་དགོས་མང་ངོ་།།
སྐྱོབས་འཇིག་ཁོང་དགུང་ལོ་ཆུང་དུས་བོན་པོ་རེད། མཚན་ལ་་དབལ་འབར་ཐར་་་ཞུ་གི་འདུག བོན་པོའི་སྔགས་པ་ཞིག་གིས་མཚན་གསོལ་བ་རེད་ཟེར་ནས་བྲིས་བཞག སྔོན་མ་དྲྭ་རྒྱའི་ནང་འཚོལ་ཞིབ་བྱས་ན་དེའི་སྐོར་རྙེད་ཀྱི། དེང་སང་རྙེད་ཁག་པོ་འདུག རགས་སོང་ན་སྤྱན་འབུལ་ཞུ་ཆོག །
དགུང་ལོ་སོ་བཞི་པ་མེ་སྤྲེལ་སྤྱི་ལོ་ ༡༡༧༦ ལོར་དེར་སྒྲུབ་པར་གཞོལ་བའི་ཚེ། སྔོན་གྱི་རྣམ་སྨིན་གྱི་ལྷག་མ་ལྷོངས་ཏེ། སྟོན་པ་དང་རྗེ་བཙུན་མི་ལ་སོགས་འཚང་རྒྱ་ཁར་བདུད་ཀྱིས་ཆོ་འཕྲུལ་བྱུང་བ་ལྟར། སྐུ་ཁམས་མ་བདེ་ནས་ལུས་ན་ཟུག་གིས་གང༌། མེ་རླུང་གི་སྟོབས་ཀྱིས་སྐྲ་དང་ཁ་སྤུ་འཇིལ་བའི་སྙུང་མཛེ་དྲག་པོ་ཞིག་བྱུང་བ་ལ།
རྟེན་འབྲེལ་བརྟག་སྐབས་ཟ་འོག་ཁ་ཚང་ཞིག་དང༌། བ་ལུའི་མེ་ཏོག་གསར་པ་ཞིག་བྱུང་ན་སྙུན་ལས་གྲོལ་བར་གཟིགས་པས། བླ་མ་ཡལ་ལ་མངགས་ཀྱང་རྟེན་འབྲེལ་ཆེར་མ་འཛོམས་པར་བརྟེན། ཐུགས་དགོངས་ལ། བླ་མ་རིན་པོ་ཆེའི་སློབ་མ་གྲུབ་ཐོབ་ཀྱི་ཁ་སྐད་ཡོད་པ་ཞིག་ལ། འདི་འདྲ་བའི་ནད་ངན་བྱུང་བ་ནི་བླ་མའི་ཞབས་འདྲེན་དང༌། གྲོགས་མཆེད་ཀྱི་རྐང་འདྲེན་དུ་སོང་སྙམ་ནས་ཐུགས་མུག་ཆེན་པོ་སྐྱེས་ཏེ། ད་ནི་ས་ཕྱོགས་གང་དུ་ཕྱིན་ཡང་གྲུབ་ཐོབ་ཀྱི་མཐའ་འདི་ལྟར་སོང་ཟེར་བ་ཞིག་འོང་བས། སུས་ཀྱང་མི་ཚོར་བའི་ས་ཕུག་གཅིག་ཏུ་འཕོ་བ་བྱ་དགོས་སྙམ་པའི་འདུན་པ་བཏང་ནས་ཕྱིར་བྱོན་པ་ན། དབུ་སྔས་སུ་འཕགས་པ་ཐུགས་རྗེ་ཆེན་པོའི་ཞལ་ཐང་ཞིག་ཡོད་པ་དེ་ལ་ཕྱི་ཕྱག་འཚལ་དགོས། ང་ན་བ་ཡི་དམ་གྱིས་མ་ལན་དགོངས་ནས་ཡར་བྱོན།
ཕྱག་དང་པོ་མཛད་པའི་ཚེ། ས་ཆེན་པོ་འདིའི་སྟེང་དུ་ང་ལས་སྡུག་པ་མེད། ནད་འདི་ལྟ་བུས་འཆི་དགོས་སྙམ་པ་ཐུགས་ལ་ཤར། གཉིས་པའི་སྐབས་ང་འཆི་ཡང་བླ་མ་དམ་པའི་མན་ངག་འཕོ་བ་དང༌། བར་དོའི་གདམས་པ་སོགས་ཀྱིས་ཕྱི་མ་འཇིགས་མི་དགོས་པ་ཞིག་ཡོད། དེ་བས་སེམས་ཅན་འདི་རྣམས་སྙིང་རེ་རྗེ་སྙམ་ནས་སྙིང་རྗེ་ཚད་མེད་པ་འཁྲུངས་ཏེ། གཟིམ་མལ་དུ་ཡང་མ་བྱོན་པར་དེ་ཉིད་དུ་ལུས་གནད་བཅོས་ནས་སྙིང་རྗེ་དེ་ཉིད་དྲག་ཏུ་སྒོམ་པར་མཛད་པས། ཀླུ་གདོན་སྙུན་གཞི་དང་བཅས་པ་སྐུ་ལུས་ནས་ཐོན་ཏེ། ཟླ་བ་སྒྲ་གཅན་ལས་ཐར་བ་བཞིན་དུ། མདོ་སྔཊ་རབ་འབྱམས་ཀྱི་དགོངས་པ་མཐའ་དྲུག་ཚུལ་བཞིའི་སྦས་དོན་མཐའ་དག སྐྱུ་རུ་ར་ལག་མཐིལ་དུ་བཞག་པ་ཇི་ལྟ་བ་བཞིན་དུ་མཁྱེན་པའི་མཁྱེན་པ་དེ་ཡང༌། ཤར་པོ་བཀྲིས་དང་ཤར་མོ་བཀྲིས་གཉིས་ཀྱིས་ཟ་འོག་དང༌། བ་ལུའི་མེ་ཏོག་གསར་པ་ཕུལ་བས་རྟེན་འབྲེལ་འགྲིཊ་ཏེ། དཔལ་ཧེ་རུ་ཀ་སེར་པོས་ཐུཊ་ཀར་མདའ་བསྣུན་པ་ལ་བརྟེན་ནས། སྒོམ་མེད་ཀྱི་རྣལ་འབྱོར་ཆེན་པོ་མངོན་དུ་གྱུར་ཅིང༌། གཙུག་ཏོར་དང་མཚན་དཔེ་སོགས་སངས་རྒྱས་དང་མཐུན་པར་བྱོན།
# 27 BONPO་ལགས་ཀྱིས་མཆན་བཏབ་པ།:
June 25th, 2014 at 8:07 AM
སྐྱོབས་འཇིག་ཁོང་དགུང་ལོ་ཆུང་དུས་བོན་པོ་རེད། མཚན་ལ་་དབལ་འབར་ཐར་་་ཞུ་གི་འདུག བོན་པོའི་སྔགས་པ་ཞིག་གིས་མཚན་གསོལ་བ་རེད་ཟེར་ནས་བྲིས་བཞག
ཟེར། བདེན་ས་རེད། དེ་ནས་་་འབྲི་དགོངས་གཅིག་ལས་་་མུ་སྟེགས་བོན་གྱིས་བདེན་པ་མཐོང་སྐབས་མེད། གསུངས་འདུག་པས་ཉམས་མྱོང་ཅན་གྱིས་གསུངས་སུ་སྣང་ངོ་།།
དབུས་གཙང་ཕྱོགས་ནས་ཁྲི་ཡི་ཟུར་ཆ་གནོན། ཞེས་འཁོད་ཡོད་ན་དཔྱད་པ་ལོས་ཐོང། དེ་མིན་དཔྱད་རྒྱུ་གང་ལྷག་འདུག་གམ།
མ་ཟད་ལོ་ངོ་སྟོང་གི་སྔོན་ལ་གསུངས་ཟིན་པའི་ལུང་བསྟན། མཐའ་མ་བོད་འདི་རྒྱ་ཡི་འོག་ཏུ་འཇུག། སོགས་ཇི་མ་ཇི་བཞིན་མིག་མཐོང་ལག་ཟིན་བྱུང་ཡོད་ཀྱང། དེ་ལ་བོད་མི་རང་ནས་ཡིད་ཆེས་བྱེད་མཁན་ག་ཚོད་ཡོད་མེད་དཔྱད་པ་ཞིག་ཐོང་མཛོད། ཡིད་ཆེས་མེད་ཀྱང་རུང་རང་རང་སོ་སོའི་མོས་པ་རེད། ཡིན་ཀྱང་སྣང་བ་གང་ཤར་གྱི་ལོག་འབྲེལ་དེ་མ་བྱེད་ན་ཡག་པོ་འདུག།
ལུང་བསྟན་ནང་གི་མི་རྨེ་བ་ཅན་མའོ་དང་། འབྲུག་རྒྱལ་གཉིས་ལ་ཕན་གནོད་ཆེར་བཤད་རྒྱུ་མེད། འོནད་ཀྱང་། མའོ་དང་༸གོང་ས་མཆོག་གཉིས་བར་ལ་མི་ཁྲི་ཕྲག་མང་པོའི་སྲོག་ཡོད་ལ། ཁྲི་ཟིན་མཁན་ཡང་། ཁོང་གཉིས་ལས་ལྷག་པ་ཅིག་ངས་མི་ཚེར་མཐོང་མ་བྱུང་། འགའ་ཤས་ཀྱིས་མཐོང་བགྱིད་འདུག་པ་འདི་ལས་གསལ་ཙམ་གསུང་དང་།
ལུང་བསྟན་ཁ་སྒྱུར་མཁན་ཚང་མ་སྒེར་བདག་པ་དེ་ཚོ་རྐྱང་རེད་མི་འདུག་གམ། ལགས།
འབྲི་དགོངས་གཅིག་པ་དེ་ཁྱེད་རང་ཚོ་ལ་རྩ་ཆེན་པོ་ལོས་ཡིན། ཡིན་ནའང་འབྲི་མཁན་དངོས་དེ་སྐྱོབས་འཇིགས་ཁོང་རང་ཡིན་ས་མ་རེད། ཁོང་གི་སློབ་མ་ཡིན་པར་གྲགས་པ་ཞིག་གིས་སྐྱོབས་འཇིགས་འདས་ནས་མི་ལོ་མང་པོའི་རྗེས་སུ་བྲིས་པར་སྐད། གང་ལྟར་དཔེ་ཆ་བ་ཞིག་ཡིན་ན་ཚིག་དེའི་བརྗོད་བྱ་ལ་བསམ་བློ་ཡག་པོ་ཐོངས། མུ་སྟེགས་བོན་གྱིས་བདེན་པ་མཐོང་སྐབས་མེད་ཟེར་བའི་བདེན་སྒྲ་འཇུག་ས་དེ་གང་ཡིན་པར་དང་པོ་ངོས་འཛིན་ལེགས་པར་བྱ་དགོས་པ་རེད། དེ་ནས་དེ་ལྟའི་བདེན་པ་དེ་མུ་སྟེགས་བོན་པོས་ཇི་ལྟར་མི་མཐོང་ཚུལ་ཁ་གསལ་ངོ་གསལ་བྱས་ནས་ཤོད་དགོས་པ་རེད་མ་གཏོགས་ཚིག་རོ་རྡོག་རྡོག་ཅིག་གིས་ས་ཆོད་མི་ཡོང་། དང་པོ་མུ་སྟེགས་བོན་སུ་དང་སུ་ཡིན་ངོས་འཛིན་བྱོས། མུ་སྟེགས་བོན་བོད་གངས་ཅན་ཞིང་གི་ཡུལ་གྲུ་ག་བར་གནས་བཅས་འདུག་སྟོན་ཤོག དུས་རྒྱུན་བྱས་ན་མུ་སྟེགས་པ་ཟེར་ས་དེ་རྒྱ་གར་ཡུལ་གྱི་ཧིན་རྡུ་རིགས་བྱེད་པ་ལ་གོ་བར་གྲགས། སྤྱིར་སྟངས་བྱས་ན་ནང་པས་བལྟས་དུས་ཧིན་རྡུ་བ་ཚོ་མུ་སྟེགས་པ་རེད་ཟེར་ནས་ཕར་བཤད་པ་རེད་དེ། ཧིན་རྡུ་བ་ཚོས་བལྟས་ཡོང་དུས་ནང་པ་ཚོ་མུ་སྟེགས་པ་རེད་ཟེར་ནས་ཚུར་བཤད་བྱུང་ན་ཁྱེད་ཚོས་ཅི་སྨྲ། སྔོན་མའི་དཔེ་ཆ་དེ་ཚོ་མང་ཆེ་བ་ཞིག་ནི་གདན་གྲུ་བཞིའི་སྒང་ལ་བསྡད་ནས་འོལ་འོལ་ཚོད་ཚོད་ཀྱིས་བྲིས་བཞག་པ་དེ་འདྲ་རེད། ད་དུང་མཁས་པ་ལ་ལས་མུ་སྟེགས་པ་ཟེར་བ་མིག་སྔོན་པོས་མཐོང་ཁོ་རང་མྱོང་ཡོད་ཀྱི་མ་རེད། དེང་སང་གདོང་ཐུག་ནས་སྐད་ཆ་བཤད་ན་ནང་པ་ཡིན་པར་གྲགས་པ་ཚོ་མུ་སྟེགས་པ་དངོས་ལ་འགྱུར་འགྲོ་རྒྱུའི་ཉན་ཁ་ཡོད་རེད་དོ། མང་ཆེ་བས་སྐད་གསང་མཐོན་པོས་ངོ་ཚོ་ཧིན་རྡུ་བ་ཡིན་ཟེར་ནས་འགྲོ་བཞིན་འདུག་ཟེར་བ་གོ་རྒྱུ་འདུག་བདེན་མིན་ནི་ཆི་མི་ཤེས། །
དེ་ BONPOལགས་ཀྱི་གསུངས་པ་དེ་བདེན་པ་ཡིན་པ་འདྲ། གང་ཡིན་ཟེར་ན། དེང་སང་གི་དྲུང་བོན་དང་འབྲི་ཁུང་པ་གཉིས་ཡིག་ཐོག་ནས་རྩོད་པ་སྐྱོན་ཡོངས་དུས་འབྲི་གུང་པའི་ཤོག་ཁག་དེ་ཚོ་ཤོར་དེར་ལབ་སྲོལ་འདུག་ག
# 29 ཨ་ཕྱི་ཆོས་སྒྲོན་ལགས་ལ།
བོན་པ་ོ་མུ་སྟེགས་མིན་པར་གསུངས་ཡོད་པས། །
བོན་པོར་མུ་སྟེགས་ཟེར་བ་འོས་མ་ཡིན། །
# 30 བཀྲ་ཤིས་ལགས་ལ།
ང་ཡི་སྤྲུལ་པ་འོངས་ཞེས་ལུང་བསྟན་ལ། །
འབྲུག་རྒྱལ་ཨོ་སྤྲུལ་འདོད་པ་རྨོངས་རྟགས་རེད། །
འབྲུག་རྒྱལ་གུ་རུའི་སྤྲུལ་པ་ཡིན་པ་སུའི་འདོད་གིས་འདུག། སངས་རྟགས་ཞིག་སྟོན་དང།
འབྲི་གུང་པ་ཚོས་རང་གི་བླ་མ་འདས་ནས་ལོ་ཇི་ཙམ་སོང་ཡོད་མེད་ཐད་ལ་བསམ་གཞིག་རྩ་བ་ནས་བྱས་མི་འདུག སྐྱོབ་པ་འཇིག་རྟེན་མགོན་པོ་འདས་ནས་ལོ་ ༧༩༧ རེད། གོང་གི་ཁ་བྱང་ཐོག་ལ་བྲིས་པ་དེ་ནི་འབྲི་གུང་བཀའ་བརྒྱུད་དབུ་བརྙེད་པའི་དུས་ཡིན་ཚོད།
མུ་སྟེགས་པ་ཡིན་ན་རྒྱ་གར་ཧིན་རྡུ་བ་ཞིག་ཡིན་ག་ལ་དགོས། ནང་པ་སངས་རྒྱས་པ་ཡིན་ཞིང་མུ་སྟེགས་པ་ཡིན་པ་ཡང་གྲངས་ལས་འདས་ཡོད། མུ་སྟེགས་པ་ལ་དབྱེ་ན་ཕྱི་ཡི་མུ་སྟེགས་པ་དང་ནང་གི་མུ་སྟེགས་པ་བཅས་དབྱེ་བ་གཉིས་ཡོད་པ་ཡང་མཁྱེན་པར་བྱོས།།