ཀླུ་སྨྱོན།
ཀྱེ། ཕྱོགས་ཕྱོགས་དེ་ནི་ཕ་གི་ན། །
ཉི་མ་ནུབ་ཕྱོགས་ཕ་གི་ན། །
རྒྱ་གར་ཡུལ་གྱི་ནུབ་བྱང་ན། །
རྡོ་ལ་རྡར་གྱི་རི་རྒྱུད་ན། །
ཀང་ར་རྫོང་གི་མངའ་ཁོངས་ན། །
རྡ་རམ་ས་ལའི་རི་སྐེད་ན། །
སྨན་རྩིས་ཁང་གི་རྒྱབ་ལོགས་ན། །
ཤུག་གསེབ་བཙུན་དགོན་གཡས་ཟུར་ན། །
རྒྱ་གར་ཁང་པའི་ནང་རོལ་ན། །
མུན་པ་ནག་པོའི་དཀྱིལ་འཁོར་ན། །
ཉལ་ཁྲི་དམའ་མོའི་ཡང་སྟེང་ན། །
ཉལ་ཐུལ་དྲོན་མོའི་ཐུ་འོག་ན། །
བླ་བྲང་གསར་བུའི་བྲང་འོག་ན། །
ཆབ་ཆའི་གསར་མོའི་ནུ་སྐེད་ན། །
མེ་སྟག་ཅིག་ནི་དམར་ཚུབ་ཚུབ། །
སྤྲིན་པ་ཞིག་ནི་དཀར་ལིང་ལིང་། །
ཆར་བ་ཏོག་ཙམ་ཟམ་མ་ཟིམ། །
འབྲུག་སྐད་ཅིག་ཀྱང་འཁའ་མ་འཁུན། །
རྣམ་ཤེས་གཉིས་ཀྱང་འདྲ་མ་འདྲེས། །
བརྩེ་བ་ཞིག་ནི་ཁལ་མ་ཁོལ། །
རིང་ལུགས་ཤིག་ཀྱང་བརྩམས་མ་རྩོམ། །
དེ་འདྲའི་དུས་ཀྱི་ཁོར་ཡུག་ན། །
གཟན་ཤམ་དག་ནི་སྦྱིན་སྲེག་བྱས། །
ཕྲེང་བ་སེར་པོའི་ལུང་ཐག་ཆད། །
ལྷུང་བཟེད་ཅིག་ནི་རྦབ་ཏུ་འདྲིལ། །
གདིང་བ་དེ་ནི་ཕྱོགས་སུ་རལ། །
གཏུན་ཤིང་རིང་མོ་སྐེད་ནས་ཆག །
ཆབ་རིལ་ཆུང་ཆུང་བཙའ་ཡིས་ཟིན། །
སློབ་དཔོན་དག་ནི་ཞིང་དུ་གཤེགས། །
ཕ་མ་རྣམས་ཀྱང་རྒས་ཤིང་འཁོགས། །
ཕུ་ནུ་མིང་སྲིང་ཁ་ཐག་རིང་། །
ལྗོན་པ་ཆུང་ཆུང་གནམ་དུ་ཟུག །
བྱེའུ་ཚང་དག་ཀྱང་རླུང་གིས་ཁུར། །
རི་བོང་ཁ་ཤོ་གླག་གིས་ཁུར། །
ཝ་མོ་དག་ཀྱང་འདྲེ་ཡིས་ཞོན། །
བ་ལང་ཆུ་འཐུང་འདམ་དུ་ཟུག །
སྐྱ་ཀ་ཕོ་རོག་འཐབ་ནས་ཤི །
ཁྱི་ལྡོམ་དག་གིས་རུས་པ་འཆའ། །
སྟག་སེང་གཉིས་ནི་མུ་གེས་ཤི །
གནའ་མཁར་སྨུག་པོའི་རྩིགས་པ་བརྡིབས། །
གསེར་དངུལ་མཛོད་ཁང་ས་ལ་ཐིམ། །
གྲུབ་མཐའ་མཁན་པོའི་མིག་འབྲས་ལོང་། །
རླུང་བུ་ལྡང་ཞིང་ཁ་ཆར་འབབ། །
ཆར་གདུགས་རྩིབས་མ་ཆག་ཅིང་འཐོར། །
ཁང་སྐྱིབས་དག་ཀྱང་གྲོག་མས་བཟུང་། །
ལྷ་ཡི་ལུང་བསྟན་ལྐོག་ཏུ་གྱུར་། །
འདྲེ་ཡི་ཆོ་འཕྲུལ་ཉིན་མཚན་འཐབ། །
ཕྲུ་གུ་འོ་འཐུང་རྟ་རྒོད་ཞོན། །
རྒན་རྒོན་དག་ནི་ནུ་ཞོ་འཐུང་། །
ཆུ་ཚོད་འཁྲུགས་ཤིང་ཉིན་མཚན་ལྡོག །
དངང་པོའི་ནུས་པ་གོ་ཡང་བརྗེས། །
མིག་གིས་ཉན་ཅིང་རྣ་བས་མཐོང་། །
མེ་ནི་གྲང་ཞིང་ཆུ་བོ་ཚ། །
ཁ་དོག་དག་ཀྱང་གཞི་གཅིག་འདྲེས། །
སྲིན་བུ་མེ་འཁྱེར་ཉིན་ཡང་རྒྱུ། །
ཉི་ཟླའི་འོད་ཟེར་བག་ལ་ཞ། །
སྙན་ངག་པ་དག་ཆང་གིས་བཟི། །
ཆོས་པ་རྣམས་ནི་གཉིད་ཀྱིས་མྱོས། །
དགེ་སྡིག་གོ་བསྣོལ་ལས་འབྲས་རྫུན། །
ཆོས་ལུགས་ཀུན་ཀྱང་རོ་གཅིག་ཉིད། །
འོ་ལེ། སྙན་ངག་ཟིག་འབྲི་ཀི་བསྡོད་དྲ་དགོས་ནོ་དེ་རེད། ཁྱེད་ཀྱི་སྙན་ངག་མེད་ན་ཁ་བརྡ་ཀུན་ཏོང་གི་གནས་ཤིག་རེད་ཡ།
སྙན་པོ་དང་ཚ་པོ་དང་སྐྱོ་པོ།
ངར་པོ་དང་གསལ་པོ་དང་གསོན་པོ།
ཟུག་པོ་དང་འཇགས་པོ་དང་ལྕི་པོ།
ཀློག་ན་སྙན་ལ་བསམ་ན་སྐྱིད་པ།
སྟོང་ཉིད་ཡིན་ན་ཅིག་ཅར་རྟོགས་སོང་།
སྙིང་རྗེ་ཡིན་ན་མྱུར་དུ་སྐྱེས་སོང་།
བསྐྱེད་རིམ་ཡིན་ན་ང་རྒྱལ་བསླེབས་སོང་།
རྫོགས་རིམ་ཡིན་ན་ཟུང་འཇུག་ཐོབ་སོང་།
ཚིག་གི་རོལ་ཆའི་ཆ་ལག་ཚང་བ།
སྙན་ངག་རྒྱུད་མང་སྐུད་པ་སྙོམས་པ།
བརྡ་སྤྲོད་དཀྲོལ་རྡུང་སྒྱུ་རྩལ་ལེགས་པས།
བརྗོད་བྱ་ནང་ཆོས་ཡིན་ན་དགའ་བ།
ཀླུ་སྨྱོན་ཧེ་རུ་ཀ་ལ་ན་མོ།།
ཁྱོད་ལ་དད་གུས་བཞགས་པ་དང་།།
ཁྱོད་ལ་བརྩེ་དུང་བཞགས་པ་ནི།།
ཚེ་རིང་སྐྱིད་དང་ང་མི་འདྲ།།
བསླུ་མེད་སྤྲུལ་སྐུ་ཡེ་ཤེས་མཁྱེན།།
འཁོར་བའི་ཆོས་ལ་སྙན་ངག་རོལ།།
མྱང་འདས་ཆོས་ལ་བདེན་པ་ཐོབ།།
འཁོར་འདས་རོལ་མཉམ་རྣལ་འབྱོར་པ།།
ཀླུ་སྨྱོན་ཧེ་རུ་ཀ་དཔལ་མཁྱེན།།
བྱམས་དང་སྙིང་རྗེ་བཅོས་མིན་ལྡན།།
དད་དང་དག་སྣང་རིས་མེད་མཛད།།
བསྟན་དང་འགྲོ་ལ་ཕན་བརྩོན་པ།།
གཏེར་སྟོན་ཁྲག་འཐུང་གླིང་པ་མཁྱེན།།
རྫོགས་ཆེན་པ་པདྨས་སོ།།
ཨ་རོག་་་བླ་རྒན་བསང་ཡིག་དང་འཁྲིག་ཡིག་སོགས་ཉུལ་གི་ཡོད་ས་རེད་པ
སྙན་ངག་པ་དག་ཆང་གིས་བཟི། །
ཆོས་པ་རྣམས་ནི་གཉིད་ཀྱིས་མྱོས། །
དགེ་སྡིག་གོ་བསྣོལ་ལས་འབྲས་རྫུན། །
ཆོས་ལུགས་ཀུན་ཀྱང་རོ་གཅིག་ཉིད། །
འདི་ལ་རང་འགྲེལ་ཅིག བྱུང་ན་མ་གཏོགས། གོ་དཀའ་སེ་མི་འདུག་གེ ལགས།
ཚིག་སྐྱོན་མེད་ཀྱང་དོན་དག་ལ། །
སྙན་དངགས་ཤིན་ཏུ་སྙན་ན་ཡང་། །
སྡོམ་ལྡན་དགེ་སློང་གདིང་རལ་དང་། །
ལྷུང་བཟེད་རྦབ་འདྲིལ་རབ་བཏགས་འདི། །
ཅུང་ཟད་ཐལ་ཆེར་མ་སོང་ངམ། །
ཀླུ་སྨྱོན་ཐུགས་ལ་ལན་ཅིག་སོམས། །
སྙན་དངགས་པ་རྣམས་ཆགས་པས་བཟི། སྲིད་དོན་པ་རྣམས་རང་ཁེས་བཟི། བརྩུན་པ་རྣམས་ནི་གཡེངས་བས་བཟི། སྔགས་པ་རྣམས་ནི་ཆང་གིས་བཟི། བཟི་བ་མ་ཡིན་རྩ་སྨྱོན་ཡིན། རྩ་སྨྱོན་ལངས་བས་ཅི་བགྱིད་མེད།
མི་ཡིས་བྱེད་དུས་མིག་དམར་ཆགས། རང་གི་བྱེད་དུས་རྫི་སྣ་གཉེར། རང་གཞན་གཉིས་རྨོངས་མགོ་འཐོམ་ཡིན། མོག་འཐོམ་དག་གིས་ཡར་མར་བཤད།།
གང་ན་གོ་བ་མེད་པ་ང་རའི་སྐྱོན།
དགོས་མེད་བྲག་ལ་བྲིས་བ་ཁྱེད་རའི་སྐྱོན།
འདི་ཕྱི་གང་ལ་རིན་པ་མེད་པ་འདི།
རྩམ་སྐྱ་རླུང་ལ་སྤུར་བ་མ་ཡིན་ནམ།།
ས་སྐྱ་ཚང་གི་ཨ་ལགས་ནས། མ་འོང་རྡ་སའི་ལུང་བསྟན་འདི།
ཀློག་པ་ཙམ་གྱིས་ཡིད་སྐྱོ་སོང་། གུ་རུ་གཉིས་བའི་མཚན་དེ་ཡང་།
ཁྱེད་ལ་དབང་བས་སྐྱབས་སུ་མཆི།
སྙན་ངག་པ་ལ་ཅི་ཡང་རྒྱན།
ཆགས་པ་ཅན་ལ་ཅི་ཡང་རྒྱོ།
གྲུབ་ཐོབ་རྣམས་ལ་ཅི་ཡང་སྔགས།
ཁ་བརྡ་པ་ལ་ཅི་ཡང་ཆོག
ཀླུ་སྨྱོན་པ་ལ་ཅི་ཡང་རྩོམ།
ང་ཡི་ལག་ན་ཅི་ཡང་མཁྲེགས།
སྙན་དངགས་པ་ལ་ཅི་ཡང་རྒྱན། །
འདོད་ཆགས་ཅན་ལ་ཅི་ལའང་ཆགས། །
དད་པ་ཅན་ལ་ཅི་ལའང་དད། །
ཁ་བརྡའི་མཆན་ལ་ཅི་ཡང་བྲིས། །
ཕ་གིའམ། ཕ་ཀི
ཕ་ཀིའི་དགྲ་བོ་སྡུག་རྩུབ་ཆེ། །
ཡ་ཀིའི་དཀོན་མཆོག་ནུས་པ་ཆུང་། །
མ་ཀིའི་དམྱལ་བ་དཀྱིལ་ཡངས་ཆེ། །
ཚུར་ཀའི་བོད་རིགས་ཉམས་མྱོང་ཆུང་། །
རྒྱ་གར་ཡུལ་གྱི་ནུབ་བྱང་ན། །
དྷ་ལ་དྷལ་གྱི་རི་རྒྱུད་ན། །
ཀང་ར་རྫོང་གི་དྷ་རམ་སར། །
ལོ་ནི་བཅུ་གཉིས་སློབ་གཉེར་བྱས། །
སྡོམ་པ་བསྲུང་ནས་ལོ་བཅུ་གཉིས། །
སྡོམ་པ་ཕུལ་ནས་ལོ་བཅུ་གཉིས། །
ཆང་ས་བརྒྱབ་ནས་ལོ་བཅུ་གཉིས། །
བཅུ་གཉིས་ཚན་པའི་རང་རྣམ་ལགས། །
དྷ་ལ་དྷལ་གྱི་རི་རྒྱུད་ན། །
འདི།
དྷོ་ལ་དྷལ་གྱི་རི་རྒྱུད་ན། །
ལ་བཅོས།
ཀྱེ་ཀྱེ་
རྡ་རམ་ས་ལའི་ཕྱོགས་དེ་ན།
ཁྲོམ་ལམ་ནར་མོའི་ཕྱོགས་དེ་ན།
མགྲོན་ཁང་ལྗང་གུའི་ཁང་མིག་ནང་།
དགོངས་གཅིག་སྒྲོལ་མ་མཉམ་དུ་ན།
མལ་ཐུལ་དྲི་མ་ཚ་པོའི་ནང་།
ཕར་ལ་ཕུར་ཕུར་བཏང་བས་ན།
ཚུར་ལ་བྱིལ་བྱིལ་བྱས་བྱུང་བས།
མཇེ་ཤུབ་ཁྱིམ་ལ་ལུས་པས་ན།
བྷ་གའི་ནང་ལ་མི་གཏོང་བས།
བརླ་ཤའི་དཀྱིལ་ལ་སྦྱིན་དགོས་ཐུག
སྡོམ་པ་ཕུལ་ནས་བུད་མེད་བཙལ།
ཡོད་ཚད་སྤྲད་ནས་མགྲོན་ཁང་བླངས།
འོན་ཀྱང་བརླ་ཤ་མ་ཡིན་པའི།
བྷ་གའི་བདེ་བ་མ་ཐོབ་པས།
ལྷ་དང་བླ་མར་ཚིག་ངན་ཤོར།
དགའ་སྐྱོའི་ཚོར་བ་དུ་མ་ཤར།
ངུ་མ་བགོད་ཀྱི་འཁོར་བ་ལ།
འདི་འདྲས་ཡང་ཡང་ཡོང་བཞིན་གདའ།
ཀླུ་སྨྱོན་སྙན་པའི་གྲེ་འགྱུར་རེས། །དགའ་བསུའི་ཐལ་སྒྲ་ལྷང་ལྷང་དྲངས། །
བརྗོད་དོན་ཟབ་ལ་མ་ངེས་ནས། །འཁོན་འཛིན་དམོད་ངན་ཐ་ར་ཐ་ར། །