བོད་རྒྱ་འབྲེལ་མོལ་གྱི་སྐུ་ཚབ་ཚོགས་ཆུང་འཐུས་མི་བཞི་རེས་གཟའ་ཟླ་བའི་ཉིན་རྒྱ་ནག་ཏུ་ཐོན་གནང་གི་ཡོད་པ།

Comments (39) on “བོད་རྒྱ་འབྲེལ་མོལ་གྱི་སྐུ་ཚབ་ཚོགས་ཆུང་འཐུས་མི་བཞི་རེས་གཟའ་ཟླ་བའི་ཉིན་རྒྱ་ནག་ཏུ་ཐོན་གནང་གི་ཡོད་པ།”

1. ད་ཐེངས་ཁོང་རྣམ་པས་སྲིད་བློན་ཧུའུ་གཅིན་འཐུང་གི་ཉེ་ཆར་གྱི་གཏམ་བཤད་ཡིག་ཆ་དེར་ནན་ཏན་ངང་སློབ་སྦྱོང་ཞིག་བྱས་རྗེས་ཡིག་ཆ་དེའི་འདྲ་བཤུས་རེ་བསྣམས་ནས་ཚུར་ཕེབས་ཡོང་གི་རེད། ཐུགས་ཁྲལ་གནང་དགོས་ཀྱི་མ་རེད།

2. ད་འབྲེལ་མོལ་འབྲེལ་མོལ་ཟེར་གྱི་འདུག་མ་གཏོགས་། ད་ཕན་སྤྱི་སྒེར་གཉིས་ནས་འབྲེལ་བ་ཐེངས་ཉུ་ཤུ་ལྷག་བྱས་བ་དེ་ཚོ་ཡང་། མཚམས་རེར་ཆད། མཚམས་རེར་མཐུད།
   མཚམས་རེར་ཕར་ལ་འགྲོ་གི་ཡོད་པ་མ་གཏོགས་འབྲེལ་བ་དམིགས་བསལ་ཅི་ཡང་བཙུགས་མེད་པའི་བཟོ་འདྲ་བོ། མཚམས་རེར་ཕར་ལ་འབྲེལ་བ་འཛུགས་ཏུ་འགྲོ་གི་ཡོད་པ་ལྟ་བུ་མ་ཡིན་པར་རྒྱ་ནག་གཞུང་གི་གཤེ་གཤེ་ལེན་ཏུ་འགྲོ་གི་ཡོད་པའི་བཟོ་འདྲ་བོ། མཚམས་རེར་ཕར་ལ་ཕྱིན་ནས་ཁས་ལེན་བྱེད་མི་དགོས་བ་མང་པོ་ཞིག་ཁས་ལེན་འདྲ་བྱས། ཚུར་ཡོང་ནས་འཇོན་པའི་བཟོ་འདྲ་བཤད། ཉིན་ཁ་ཤས་ཀྱི་རྗེས་ལ་འཇོན་མེད་པའི་རྐུབ་དེ་ལྷང་ལ་བུད། ད་ཁྱེད་ཚོས་འབྲེལ་བ་བྱེད་མི་དགོས། སྐུ་མཁྱེན། འབྲེལ་བ་ཟེར་བ་དེ་ཕྱིར་བསྡུ་གནང་རོགས།
   ད་ཕན། འབྲེལ་བ་གནང་ཡིན་ཟེར་ནས་འབྲེལ་བ་ཡག་ཏུ་ཕྱིན་པའི་གནས་ཚུལ་སྟོན་རྒྱུ་མེད། འབྲེལ་བ་སྡུག་ཏུ་ཕྱིན་པ་ནི་གསལ་ཐང་ཐང་འདྲ་ཞིག་རེད།
   དེ་གཅིག་ཡིན།
   དེ་ནས་། འབྲེལ་བའི་ཞོར་ལ་གླེང་མོལ་དེའི་སྐོར་ཡིན། ད་ལྟ་བར་དུ་ཅིག་བཤད་བསྡད་པ་རེད། ཕར་ལ་ཉུང་ཉུང་ཞིག་བཤད། ཚུར་ལ་མང་པོ་ཞིག་ཉན་བསྡད་པ་རེད།
   ཕར་ལ་བཤད་རྒྱུའི་མདོ་དོན་དེ་བོད་རིགས་ཡོངས་ལ་མིང་དོན་མཚུངས་བའི་རང་སྐྱོང་ཡོང་ཐབས་ཀྱི་བསམ་འཆར་ཟེར་བ་དེ་རེད། བསམ་འཆར་དེ་སྒྲོག་རྩེ་སྒང་ལ་འཇོག་ཐུབ་རྒྱུའི་སླད་དུ་
   ལོ་མང་པོ་བཏང་བ་རེད། མཐའ་མར་བསམ་འཆར་དེ་འཇོག་ཐུབ་ཙམ་བྱུང་། བསམ་འཆར་དེ་བཞག་ནས་ཅང་མ་འགོར་བར། བསམ་འཆར་དེ་ལ་ངོས་ལེན་མེད་ཞེས་རྒྱ་ནག་གཞུང་གིས་ཕྱི་བསྒྲགས་ནང་བསྒྲགས་བྱས་བ་རེད། འབྲེལ་བ་ཟེར་བ་ནའང་འདྲ། གླེང་མོལ་ཟེར་ནའང་འདྲ། འབྲེལ་མོལ་ཟེར་ནའང་འདྲ། མཚམས་དེ་རེད།
   ད་ཡང་བསྐྱར་ཕར་ལ་ཕྱིན་ནས་དམིགས་བསལ་གྱིས་ཐག་གཅོད་རྒྱུ་དང་ཐག་ཆོད་རྒྱུ་གང་ཡང་མི་འདུག་བསམ། ད་ཐེངས་ཕར་ལ་འགྲོ་དོན་གྱི་དམིགས་ཡུལ་ཡང་ཕལ་ཆེར་འདི་འདྲ་ཞིག་རེད་བསམ། ད་ལྟའི་བཀའ་ཤག་གི་ངོས་ནས་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་ཟེར་བ་འདིའི་ནང་གསེས་དོན་ཚན་ཁག་ལ་རྒྱ་ནག་གཞུང་གིས་དོགས་འདྲི་དང་ངོས་ལེན་མེད་ལབ་པ་དེ་ཚོར། ལན་རྒྱག་པའི་སླད་དུ། ནང་གསེས་དོན་ཚན་ཁག་ལ་འགྲེལ་བཤད་རྒྱས་པ་དང་ཞིབ་ཚགས་པ་ཞིག་བྲིས་ཡོད་པ་དེ་ཕར་ལ་འཁྱེར་ནས་འགྲོ་གི་ཡོད་པ་རེད་དྲན། ད་མ་གཏོགས་གཞན་སྐད་ཆ་དམིགས་བསལ་ཞིག་དང་ཐག་གཅོད་དམིགས་བསལ་ཞིག་ཡོང་རྒྱུ་མེད་པ་ཐག་གིས་ཆོད།
   འདི་ལྟར་ཕྱོགས་ཡོངས་ནས་བསམ་ན། ད་ང་ཚོར་འབྲེལ་མོལ་ཟེར་བ་དེ་ཡང་མི་དགོས། སྐུ་ཚབ་ཟེར་བ་དེ་ཡང་མི་དགོས། རྒྱལ་རི་བློ་གྲོས་རྒྱལ་མཚན་དང་སྐལ་བཟང་རྒྱལ་མཚན་སོགས་ཚང་མས་དགོངས་ཞུ་གནང་རོགས། ངེད་ཚོར་སྐུ་ཚབ་མི་དགོས་ལ་འབྲེལ་མོལ་ཡང་མི་དགོས། བོད་རྒྱ་འབྲེལ་མོལ་ཟེར་བའི་མིང་བྱང་རྫིག་པོ་དེ་ཡང་དེ་རིང་ནས་བཟུང་གནམ་ནས་བླངས་སྟེ་ས་ལ་ཞོག

3. ད་ཅིག་འགྲོ་ན་སོང་ར། ཁོ་པ་ཚང་གིས་ཅི་ཟེར་ལ་ཅིག་ཉན། ད་དྲིན་ཆེན་ཚོ་ཚུར་ཡོང་དུས་གནས་ཚུལ་ལ་ཐོག་འཇོག་མ་བྱེད།

4. རིག་འབྱུང་དོན་གྲུབ་བཀྲ་ཤིས་ལགས།
   སྔར་གྲོས་མོལ་བརྒྱུད་ནས་འབྲས་བུ་འདི་ཐོབ་སོང་ཞེས་པ་ཞིག་སྟོན་རྒྱུ་མེད་པ་དེ་ཁྱེད་ཀྱིས་བཤད་པ་ལྟར་ཁས་ལེན་བྱེད་ཀྱི་ཡོད། འོན་ཀྱང་རྗེས་སུ་འབྲེལ་བྱས་ནས་དོན་དག་ཅིག་ཡོང་རྒྱུ་ཡོད་པ་མ་རེད་ཟེར་བ་འདི་མོས་མཐུན་བྱེད་ཐབས་མེད། རྒྱུ་མཚན་བོད་རྒྱའི་བར་གྱི་གནད་དོན་དག་སེལ་དགོས། གནད་དོན་ཆེན་པོ་ཞིག་ཐག་གཅོད་བྱེད་དགོས་ན་དེ་རྒྱུད་ལམ་འདྲ་མིན་ལ་བརྟེན་ནས་ཡུན་གྱིས་བྱེད་དགོས།
   དེ་མིན་དེ་སྔ་འགྲོ་བཞིན་པའི་འབྲེལ་ལམ་དེ་བཅད་ན་སླར་ནས་བོད་རྒྱའི་དཀའ་རྙོག་སེལ་བྱེད་ཀྱི་ཐབས་ལམ་གང་འདྲ་ཞིག་ལ་འུ་ཅག་བརྟེན་དགོས་འདི་གནད་འགག་གཙོ་བོ་རེད།
   གང་ལྟར་ང་ཚོའི་དཀའ་ངལ་མ་སེལ་བར་དུ་ཐབས་ལམ་འདྲ་མིན་ལ་བརྟེན་ནས་ང་ཚོའི་དམིགས་ཡུལ་འགྲུབ་ཐབས་བྱེད་དགོས་འགན་དེ་ང་ཚོའི་ཐོག་ཏུ་ཡོད།
   སྔར་གྱི་གྲོས་མོལ་དེའི་རྒྱ་ཕྱོགས་སུ་ཁེ་ཕན་སྤྲད་པ་ལས་ང་ཚོའི་ཕྱོགས་སུ་མེད་ཅེས་ཟེར་མཁན་མང། དེ་ལྟར་ཡིན་ཡང་སྲིད་གང་ལྟར་གྲོས་མོལ་མ་བྱས་པར་མུ་མཐུད་ནས་བསྡད་ནའང་ང་ཚོར་བཟོད་མི་ཐུབ་པའི་འགན་ཞིག་ཕྲག་པར་བབས། མཇུག་འབྲས་དེ་ད་ལྟ་དངོས་སུ་མཐོང་རྒྱུ་ཞིག་མེད་ནའང་ཕྱོགས་གཉིས་ཀྱིས་གྲོས་མོལ་བྱེད་ཀྱི་ཡོད་པ་དེས་རང་བཞིན་གྱིས་བོད་རྒྱ་བར་དུ་དཀའ་ངལ་ཡོད་པ་བསྟན་ཡོད་ལ། དཀའ་ངལ་དེ་སེལ་བར་༸གོང་ས་མཆོག་གིས་དབུ་ཁྲིད་པའི་བཙན་བྱོལ་གཞུང་དང་པེ་ཅིང་སྲིད་གཞུང་གཉིས་ཡིན་པ་ཡང་བསྟན་ཡོད། དེ་ཡང་ང་ཚོར་མཚོན་ན་གྲུབ་འབྲས་ཆུང་ཆུང་མིན་སྙམ།

5. གལ་ཏེ་བོད་རྒྱ་འབྲེལ་མོལ་མི་དགོས་པར་ཕྱིར་བསྡུ་བྱས་ན། དུས་དེ་ནས་བཟུང་བོད་དོན་ཟེར་བ་མེད་འགྲོ་རྒྱུ་དེ་རེད།

6. Very happy

7. རིག་འབྱུང་དོན་གྲུབ་བཀྲ་ཤིས་ལ་མཐའ་གཅིག་ཏུ་དགའ་པ་ཡོད། ཐེངས་དགུ་པའི་འགྲེལ་མོལ་སྐུ་ཚབ་ཚོགས་པ་རྒྱ་ནག་ཏུ་བསྐྱོད་ཐུབ་པ་ལ་དགའ་བསུ་མེད་ན། དེ་ལ་དགའ་པ་རྒྱག་པ་ནི། ཅི་ཞིག་གིས་ཡིན་ཆ་མ་འཚལ་ཡང། གང་ལྟར་རང་ཉིད་ལ་གནད་དོན་ཞིག་ཡོད་པའི་རྟགས་མིན་ནམ། འདིའི་རིགས་ལ་ནམ་ཡང་རྒྱབ་སྐྱོར་བྱེད་མི་རུང་།

8. དོ་དགོང་ཁོམ་པ་ཅུང་ཙམ་ཡོད། ད་དུང་ཁ་སྣོན་འགའ་བཤད་ཀྱི་ཡིན།
   བོད་རྒྱ་འབྲེལ་མོལ་ལབ་ནས་མིང་བྱང་རྫིག་པོ་དང་གྲུབ་འབྲས་སྟོང་པའི་ལས་ཀ་ཞིག་གི་སྒང་ལ་དུས་ཚོད་གཏོང་བ་ལས།
   ད་ཐེངས་ཕར་ལ་སོང་ནས། བོད་ནང་གི་ཆབ་སྲིད་བཙོན་པ་ཚོ་བཙོན་གྲོལ་གཏོང་དགོས་བའི་སྐད་ཆ་ཤོད། རྒྱ་ནག་གཞུང་གིས་བོད་མི་ཉམ་ཆུང་ཚོར་དྲང་བདེན་མ་ཡིན་པའི་སྲོག་ཁྲིམས་བཅད་པ་དེ་ཚོའི་སྲོག་སྐྱིན་ལོངས། ལས་ཀ་འདི་ཚོའི་རིགས་སྒྲུབ། སྐུ་ཚབ་ཡིན་པའི་འགན་ཁུར་སྟེ་ལས་ཀ་འདི་ཚོ་ནས་འགོ་རྩོམས།
   སྤེན་སྐྱིད་སོགས་བོད་མི་བཞི་ལ་ལྷ་ས་ནས་སྲོག་ཐོག་བཏང་སོང་། མཆོད་མེ་དྲ་རྒྱ་གཙོ་གཉེར་བ་དཀོན་མཆོག་ཚེ་འཕེལ་ལ་ལོ་བཅོ་ལྔའི་ཁྲིམས་ཐག་བཅད་སོང་། སྨན་པ་ཡེ་ཤེས་ཆོས་སྒྲོན་ལ་ལོ་བཅོ་ལྔའི་ཁྲིམས་ཐག་བཅད་སོང་། སྦང་རི་སྣ་རིན་པོ་ཆེ་ལ་ལོ་བརྒྱད་དང་ཟླ་དྲུག་གི་ཁྲིམས་ཐག་བཅད་སོང་། རྩོམ་པ་པོ་གངས་ཉི་ལ་ལོ་དྲུག་གི་ཁྲིམས་ཐག་བཅད་སོང་།
   དོན་གྲུབ་དབང་ཆེན་ལ་ལོ་དྲུག་གི་ཁྲིམས་ཐག་བཅད་སོང་། སྒྲོལ་མ་རྣམ་རྒྱལ་ལ་ལོ་དྲུག་གི་ཁྲིམས་ཐག་བཅད་སོང་། པཎ་ཆེན་ཆུང་སྲིད་རིན་པོ་ཆེ་ད་ལྟ་བཙོན་ཁང་ན་ཡོད། སྤྲུལ་སྐུ་བསྟན་འཛིན་དགེ་ལེགས་རིན་པོ་ཆེ་ཡང་བཙོན་ཁང་ན་ཡོད། ཁུངས་ལྡན་ཡིག་ཆ་ལྟར་ན། ཕྱི་ལོ་༢༠༠༨ལོའི་ཟླ་༣པ་ནས་ཟླ་༡༢བར། བོད་མི་༡༢༠ཙམ་བསད་ཅིང་། ༦༤༠༠ཙམ་འཇུ་བཟུང་། བོད་མི་༡༩༠ཅམ་ལ་དྲང་བདེན་མིན་པའི་ཁྲིམས་ཆད་བཏང་འདུག དང་པོ་ཕར་ལ་སོང་ནས་འདི་ཚོའི་གནད་དོན་ཤོད།
   ད་ལྟ་བཙོན་ཁང་དུ་ཡོད་པ་རྣམས་མར་གློད་ཏུ་བཅུག། སྲོག་བཅད་པ་རྣམས་ཀྱི་རོ་སྐྱིན་ལོངས།
   སྐུ་ཚབ་ཡིན་ཟེར་ནས་འབྲེལ་མོལ་གྱི་སྐད་ཆ་མ་བཤད་སྔོན་ལ་གོང་གི་གནད་དོན་འདི་ཚོའི་སྒང་ལ་སྐད་ཆ་བཤད་ནས་གྲུབ་འབྲས་ལོན་པ་བྱོས།

9. ནོར་བཅོས། མཐའ་གཅིག་ཏུ་དགག་པ་ཡོད།

10. ད་དུང་ཁ་སྣོན་འགའ་བཤད་ཀྱི་ཡིན།
    ངེད་ཀྱིས་འབྲེལ་མོལ་ལ་གྲུབ་འབྲས་ཡོང་གི་མ་རེད་ཟེར་དོན་ནི།
    ད་ལྟའི་འབྲེལ་མོལ་བྱེད་སྟངས་ཀྱི་བརྒྱུད་ལམ་དང་ད་ལྟའི་འབྲེལ་མོལ་བྱེད་མཁན་གྱི་སྐུ་ཚབ།
    ད་ལྟའི་འབྲེལ་མོལ་གྱི་སྣེ་མཐུད་སྟངས་གསུམ་པོ་འདི་ལ་འགྱུར་བ་ཞིག་མ་བཏང་བར་མུ་མཐུད་དུ་བསྡད་པ་ཡིན་ན།
    གྲུབ་འབྲས་ཡོང་རྒྱུ་དཀའ་མོ་རེད་ཟེར་གྱི་ཡོད། འབྲེལ་མོལ་དེ་གྲུབ་འབྲས་ཡོང་བ་ཞིག་གི་ལམ་ལ་བསྐྱོད་དགོས་ན།
    དང་པོ། ད་ལྟའི་འབྲེལ་མོལ་བྱེད་སྟངས་ཀྱི་བརྒྱུད་ལམ་ལ་འགྱུར་བ་ཐོངས།
    གཉིས་པ། ད་ལྟའི་འབྲེལ་མོལ་བྱེད་མཁན་གྱི་སྐུ་ཚབ་རྣམས་ལ་འགྱུར་བ་ཐོངས།
    གསུམ་པ། ད་ལྟའི་འབྲེལ་མོལ་གྱི་སྣེ་མཐུད་སྟངས་འདི་ལ་འགྱུར་བ་ཐོངས།
    ད་གཉིད་ཀྱི་ཡིན།

    ད་གཉིད་ཀྱི་ཡིན།

11. གལ་སྲིད་དངོས་ནས་བོད་རྒྱའི་འབྲེལ་མོལ་ཞིག་བྱེད་འདོད་རྒྱ་ནག་སྲིད་གཞུང་ལ་ཡོད་པ་ཡིན་ན། དེ་ནི་རྒྱལ་སྤྱིའི་མིའི་མཐོང་ཐུབ་པའི་གསར་འགོད་བསྒྲགས་ཤིག་དགོས་ཀྱི་ཡོད་ལ། སྐབས་དེར་གང་ནས་གྲོས་མོལ་བྱེད་ཀྱི་ཡོད་མེད་སོགས་ཁ་གསལ་བོ་ཞིག་དགོས་ཀྱི་ཡོད། དེ་འདྲ་ཞིག་མ་བྱུང་བར་དུ། རིག་འབྱུང་གིས་བཤད་པ་དེར་རྒྱབ་སྐྱོར་ཡོད། དེ་མིན་ཡོང་འགྲོ་གི་ཡོད་ཟེར་བ་དེ་ཚོ་ཐོས་ཀྱང་རྒྱུ་མཚན་ཆེར་མཐོང་མ་སོང་། སྔོན་ཆད་ཀྱང་བདག་གིས་ཞུས་མྱོང་ཡོད། འུ་ཅག་གིས་འདི་ནས་བོད་རྒྱ་འབྲེལ་མོལ་ཡིན་ན་ཞིག་ཟེར་ནས་བསྒྲགས་ཀྱི་ཡོད་ཀྱང་། རྒྱ་ཕྱོགས་ནས་༧གོང་ས་མཆོག་གི་སྐུ་ཚབ་ཞིག་ཟེར་ནས་བསྒྲགས་ཀྱི་ཡོད་པ་དེ་ཡིན། དེ་ལ་བསམ་བློ་ཞིབ་དུ་གཏོང་དགོས་ཀྱི་ཡོད་ལ། སྐད་ཤུགས་ཆེན་པོས་གླེང་ཡང་ཐུབ་དགོས་ཀྱི་ཡོད།

12. འབྲེལ་ལམ་གྲོས་མོལ་དྲོ་སོབ་བེ་ལམ་ལྷོང་ཡོང་བའི་སྨོན་འདུན་ཞུ།

13. དག་ཆར་བསམ་འཆར། ་་་་་་་་འཐུས་མི་བཞི་རེས་གཟའ་ཉིན་རྒྱ་ནག་ཏུ་ཐོན་གནང་༼གིའི་ཚབ་ལ་༽བགྱིད་ཡོད་པ། དུས་ད་ལྟ་བར་སྟོན། ཡང་ན། ་་་་་་་་༼སང་ཉིན་༽རྒྱ་ནག་ཏུ་ཐོན་གནང་བགྱི་ཡོད། ཅེས་བྲིས་ན་དུས་མ་འོངས་པར་གསལ་སྟོན་བྱེད་བགྱིད་ཡོད་རེད།

14. གོང་གི་བསམ་ཚུལ་དག་ལ་ཞུ་རྒྱུར། འབྲེལ་བ་མ་བྱས་པར་དཀའ་ངལ་སེལ་མི་ཐུབ་ལ་དུས་ཡུལ་ཐུང་ཐུང་ཞིག་གི་ནང་གནད་དོན་ཆེན་པོ་ཞིག་ཐག་གཅོད་བྱ་རྒྱུ་དེ་ལས་དཀའ་བ་མཁྱེན་པ་མཛོད། བྱེད་སྟངས་ལ་སྐྱོན་བརྗོད་ཁོ་ན་མིན་པར་དེའི་ཐད་ཐབས་ཚུལ་འདྲ་མིན་ལམ་སྟོན་བྱ་ཐུབ་ན་སྐྱོན་བརྗོ་ལ་རིན་ཐང་མཆིས་སོ།

15. འབྲེལ་མོ་ལ་རེ་བ་མེད། དངོས་གནས་མེད། བོད་ནང་བོད་མི་དེ་ཚོར་སྙིང་རྗེ། མགོན་མེད་སྐྱབས་མེད་རེད་ཡ།

16. གནས་དུས་སོ་སོར་བརྡ་སྦྱོར་སྟངས་ཡོང་གྲགས་དང་ཡོང་གྲགས་མིན་པ་ཡོད་མུས་བཞིན་བོད་ནང་གི་མཁས་པ་ཁག་དང་། དམིགས་བསལ་མདོ་སྨད་ཡུལ་དུ་ བགྱི་དང་བགྱིད་འདི་ད་སྐབས་བེད་སྤྱོད་གཏོང་མཁན་རེ་ཟུང་ཡོད་པ་ལས་བོད་བཙན་བྱོལ་ནང་མིང་ཚིག་འདི་བེད་སྤྱོད་ཡོད་ན་ཡང་གོ་དོན་གཞན་ཡིན། གསར་འགོད་པ་ཞིག་གི་ངོས་ནས་བོད་ཀྱི་བརྡ་སྤྲོད་དང་མཐུམ་པའི་ཐོག་ནས་མིང་ཚིག་གང་གོ་བདེ་བ་དང་ཡོངས་གྲགས་དེ་སྤྱད་པར་སྐྱོན་མེད་སྙམ།

17. མཐུམ་གྱི་ཚབ་ཏུ་མཐུན་བཅོས་རོགས

18. ཡོང་གྲགས་ཞེས་པའི་ཡོང་དེ་ཡོངས་ལ་བཅོས་རོགས་ལག་པ་ཤོར་འདུག

19. ཞི་མོལ་གྱི་གནད་དོན་འདི་ཕྱོགས་གཅིག་ཁོ་ནའི་བསམ་ཚུལ་ལྟར་ཡོང་ཐུབ་པ་ཞིག་མིན། དེའི་ཕྱིར།
    འབྲེལ་མོལ་སྟོང་གི་ལ་ཐུར་མ་བརྒྱུད་ན། །
    ཞི་མོལ་ཐང་ལ་བདེ་བར་སླེབས་པར་དཀའ། །
    ཞེས་པ་ལྟར། ཐེངས་དགུ་བའི་སྐུ་ཚབ་ཚོགས་པ་འདིའང་ལམ་ཐག་ལེ་དབར་སྟོང་གི་ཆ་ཤས་ཙམ་ཞིག་ཡིན།བོད་རྒྱལ་ཁབ་ཆེན་པོ་དང་ཀྲུང་གོ་དབར་གྱི་གནད་དོན་འདི་མི་ཁ་ཤས་ཀྱིས་ཐང་ཁ་ཤས་ལ་སྐད་ཆ་བཤད་པ་ཙམ་གྱིས་སེལ་ཐུབ་པའི་དོན་དག་སླ་བོ་ཞིག་ག་ནས་ཡིན།
    མཁྱེན་ལྡན་དྲ་གྲོགས་ཚོས་ཀྱང་ཁེངས་ར་དང་མུག་ཡེས་མི་བགྲེང་བར་རྣམ་དཔྱོད་ཀྱི་གནས་ལུགས་རེ་ཤོད་ཐུབ་ན་བཟང་སྙམ།

20. ད་འབྲེལ་མོལ་གྱི་གནས་ཚུལ་ཉོབ་ཏོ་དེ་ལ་ཉན་ཉན་པས་ཐང་ནག་པོ་ཆད་སོང་། ག་བ་ཕེབས་ན་ཕེབས་རོགས།

21. ཡིན་ནའང་ཕེབས་མཁན་ཚོ་ལ་རྒྱ་མིའི་ཀམ་པལ་རེ་དང་ཇ་ཏེམ་རེ་ཐོབ་རྒྱུ་ཉག་གཅིག་རེད། ནང་མི་ལ་བེད་སྤྱོད་གཏོང་རྒྱུ་ཡག་པོ་ཡོད་རྒྱུ་རེད།

22. ཧུ་ནན་ཞིང་ཆེན་ནང་གི་ཇ་ཡག་པོ་ཡོད་པ་རེད་། ཚུར་ཡོང་སྐབས་སུ་ང་ལ་ཇ་ཞིག་ཉོས་ནས་ཞོགས་ཞུ་རོགས་། རྒྱ་གར་ནང་ཇ་པ་ཏིས་འཐུང་ནས་ཐེང་ཆད་སོང་།

23. འོ་དུས་མི་ཚད་། ཧུ་ནན་ནང་གི་ཟི་པན་ཡང་ཡག་པོ་རེད་བསམ་སོང་། ད་གསལ་པོ་མི་ཤེས་གི་རྗེས་མ་ཁོང་ཚོར་འདྲི་དང་དེ་གསར་བུར་ཤེས་གི་རེད་།

24. ཨ་ཤུ་རེ་ཀོ། ཁོ་ཚོའི་ནང་ན་རྒྱ་སྐད་ཤེས་མཁན་རེ་ཡོད་ན་། ང་ལ་དུང་ཡང་ཅ་ལགས་ཁ་ཤེས་ཞིག་མངག་རྒྱུ་ཡོད་མོད་། དེ་གཡུག་ཞོག་།

25. ད་ཐེངས་ཀྱང་རྒྱ་ནག་གིས་ང་ཚོའི་སྐུ་ཚབ་ཆ་བོ་ལ་སྐད་ཆ་རྫིག་ཐག་ཆོག་རེ་བཤད་ནས། ཁོང་ཚོའི་སྙིང་རྩ་འདར་འཇིག་གིན་རེད། ཁོང་ཚོ་ཚུར་ཡོང་ནས་འཇོན་ཡོད་རབས་དང། རྣམ་འགྱུར་བཟང་རབས་སོགས་བཤད་རྒྱུ་མང་ནི་རེད་ལྟོས་ཨ།

26. རྒྱ་མིའི་སོ་བོ་ཁྱུ་ཚོགས་ཤིག་འཚང་འདུག། སྐུ་ཚབ་ཚོགས་པ་ལ་དེ་འདྲ་ཞིག་མི་དགའ་དགོས་དོན་ག་རེ་ཡིན་ན།

27. བོད་ཀྱི་ཁ་སྐད་བོད་ཡིག་ནང་དུ་ཚད་ལྡན་ད་ལྟ་བར་དུ་སུས་ཀྱང་བཟོ་ཐུབ་ཡོད་མ་རེད། མ་ཟད་ད་ལྟ་བོད་ཁྱོན་ཡོངས་ལ་བགྱི་དང་བགྱིད་ཚིག་གི་བྲོ་བ་མྱོང་མཁན་དཀོན་པོ་རེད། འོན་ཀྱང་ངས་མ་འོངས་པ་ལ་ཨུ་ཙུགས་བརྒྱབ་བགྱི་ཡིན། ད་ལྟ་ཡིན་ནའང་བོད་སྤྱི་ལ་ཕན་ན་བསམས་ནས་ཨུ་ཙུགས་རྒྱག་བགྱིད་ཡོད། ཐུ་མིའི་གཞུང་དང་མཐུན་པའི་བོད་རིགས་སྤྱི་སྐད་ཅིག་ཡིག་ཐོག་ལ་བྱུང་དགེ་མཚན་ཆེན་པོ་ཡོད་རེད་སྙམ།

28. རྡོ་རྗེ་དྲིལ་བུ་པ་ནི་ཀརྨ་རྡོ་རྗེའི་སྨྱུག་མིང་རེད། ཀརྨ་རྡོ་རྗེ་སུའི་སྨྱུག་མིང་ཡིན་པ་ཤེས་མཁན་ནི་ང་རང་གཅིག་པུ་ཡིན་བགྱིད་རེད།

29. བོད་རྒྱ་འབྲེལ་མོལ་ཐེངས་དགུ་པ་དེ་དེ་རིང་གློ་བུར་ཐོལ་བྱུང་དུ་བྱེད་སྟངས་དེ་ནི་རྒྱ་ནག་གི་ཐབས་ཇུས་ཤིག་མིན་འགྲོ་བསམས་སོང་། དེང་སང་སྒུ་གོལ་དོན་རྐྱེན་དབང་གིས་ཨ་རིས་རྒྱ་ནག་ལ་བརྡ་འཕྲིན་རང་དབང་ནི་འགྲོ་བ་མི་སྤྱི་ལ་དབང་བའི་ཆེས་གཞི་རྩའི་དབང་ཆ་ཞིག་ཡིན་ཞེས་ཁུ་ཚུར་བཞུ་བཞིན་པའི་སྒང་ཡིན་པ་པ་དང་། ཨ་རིས་རྒྱ་ནག་ལ་འཛིན་པའི་སྲིད་ཇུས་ཀྱང་དོན་རྐྱེན་དེ་ནས་བཟུང་མཁྲེགས་སུ་སོང་ཡོད། མི་རིང་གོང་ཨོ་བྷ་མ་རྒྱ་ནག་ལ་འཛུམ་ཤིག་ཤིག་ངང་ཕྱོགས་གང་ཅིར་བསྟུན་མཁས་བྱེད་བཞིན་ཕྱིན་པའི་རྗེས་སུ་རྒྱ་ནག་གིས་དམངས་གཙོ་བརྩོན་ལེན་བྱེད་མཁན་ལིག་ཞོ་པོ་ལ་ཉེས་ཆད་ལྕི་མོ་བཅད་པ་དང་། བོད་ཀྱི་ཆབ་སྲིད་བཙོན་པ་མང་པོ་ཞིག་ལ་ཁྲིམས་དང་མི་མཐུན་པའི་ཆད་པ་ལྕི་མོ་བཅད་པ་རེད། དེ་ནི་ཨ་རི་དང་ནུབ་ཕྱོགས་རྒྱལ་ཁབ་ཀྱི་ངོས་ནས་བཤད་ན། ཨོ་བྷ་མའི་རྒྱ་ནག་ལ་བསྟུན་མཁས་ཀྱི་སྲིད་ཇུས་ལ་འགྲམ་ལྕག་ཅིག་བཞུས་པ་དང་ཁྱད་མེད། ང་ཚོས་ཤེས་གསལ་ལྟར། རྒྱ་ནག་གཞུང་དེ་ནི་ཕར་ལ་འཇམ་ཙམ་བྱས་ན་ཚུར་ལ་རྩུབ་པོ་བྱེད་པ་དང་། ཕར་ལ་རྩུབ་ཙམ་བྱས་ན་གཉའ་ཞུམ་འཇམ་བསྟུན་བྱེད་མཁན་མ་རབས་ཐ་ཤལ་ལས་རྒྱུ་འབྲས་མི་སྲུང་མཁན་ཞིག་རེད། ད་ལྟ་ཨ་རིས་ཀྱང་རྒྱ་ནག་ལ་རྒྱུས་ཅུང་ཙམ་ལོན་པའི་ཚོད་དུ་འདུག སྲིད་དོན་ཉམས་ཞིབ་པ་ཁག་ཅིག་གིས་ཟེར་ན། ཨ་རིས་བརྡ་འཕྲིན་རང་དབང་གི་དོན་རྐྱེན་ཐད་བློན་ཆེན་ཁེ་ལུན་ཏུན་ནས་ཨོ་བྷ་མ་བར་གྱིས་རྒྱ་ནག་ལ་ཚིག་རྩུབ་ནན་པོ་བརྗོད་པར་བལྟས་ན། ཨ་རྒྱ་གཉིས་བར་བརྡ་འཕྲིན་ལས་འཕྲོས་པའི་གྲང་དམག་འགོ་ཚུགས་པ་ཡིན་པ་ཡང་བརྗོད་བཞིན་ཡོད། དེ་ལྟར་དེ་རིང་ཁ་སང་ཨ་རིས་ཕྱི་ནས་བརྡ་འཕྲིན་རང་དབང་སྤེལ་བ་མི་རྒྱུ་གཉིས་ནས་མཐུན་རྐྱེན་སྐྲུན་པ་དང་། རྒྱ་ནག་ནང་ཁུལ་དུ་རང་དབང་དོན་གཉེར་བར་བསྐོངས་ནས་ཁོང་ཚོའི་བསམ་འཆར་བསྡུ་བའི་ཐབས་ཤེས་ལ་བརྟེན་ཏེ་རྒྱ་ནག་ཕྱི་ནང་གཉིས་ནས་བཙིར་བརྡར་གཏོང་བའི་རྣམ་པ་ཞིག་ཆགས་ཡོད། དེ་ལྟ་བུའི་ཁ་དབུགས་ཤིག་གི་ནང་དུ་རྒྱ་ནག་གིས་བོད་དོན་འབྲེལ་མོལ་ཐེངས་དགུ་པ་བྱེད་པ་དེ་ཡང་ཨ་རི་ལ་ངོ་འཛིན་པ་ཙམ་དུ་ཡིན། གང་ལགས་ཤེ་ན། མི་རིང་བར་གོང་ས་མཆོག་ཨོ་བྷ་མ་དང་མཇལ་འཕྲད་གནང་རྒྱུ་ཡིན་པ་དང་། སྐབས་དེར་བོད་དོན་དེ་ཡང་འཛམ་གླིང་གསར་ལམ་ཁག་གིས་དོ་སྣང་བྱེད་ས་གཙོ་བོར་འགྱུར་ངེས་ལ། གལ་སྲིད་ད་ཐེངས་ཀྱི་འབྲེལ་མོལ་དེ་མེད་ན། རྒྱ་ནག་གི་བྱེད་སྟངས་ལ་ནུབ་ཕྱོགས་རྒྱལ་ཁབ་ཁག་གིས་ཁ་རྡུང་དང་མདུང་རྩེ་ཁ་སྤྲོད་ཀྱིས་གནོན་ཤུགས་སྤྲོད་ངེས་རེད། དེས་ན་རྒྱ་ནག་གིས་ཨོ་བྷ་མས་ཟླ་ཕྱི་མར་གོང་ས་མཆོག་དང་མཇལ་འཕྲད་གནང་རྩིས་ཡོད་པ་ཤེས་བཞིན་དུ་འཚབ་འཚུབ་ངང་འབྲེལ་མོལ་དེ་འདྲ་ཞིག་གོ་སྒྲིག་བྱས་པ་ཡང་ཨ་རིའི་ཁ་རྡུང་འགོག་བྱེད་ཙམ་དང་ཕྱི་ཕྱོགས་ཀྱི་གནོན་ཤུགས་འཇམ་ལ་འབེབས་ཐབས་བྱས་པ་ཙམ་ཞིག་རེད། དེ་མ་གཏོགས་དངོས་སུ་བོད་དོན་ཐག་གཅོད་བྱེད་འདོད་ཡོད་ན། ཉེ་ཆར་ཧུ་ཅིང་ཐོ་ཡི་གཏམ་བཤད་ནང་གོང་ས་མཆོག་ལ་སྐད་ཆ་ཡང་ཙམ་བཤད་དགོས་མོད། དེ་ལྟར་བྱས་མེད་པ་དེ་ནས་རྒྱ་ནག་གཞུང་གི་བོད་དོན་ལ་འཛིན་པའི་ཁོག་རྩིས་ལ་འགྱུར་བ་གང་ཡང་མེད་པ་བསྟན་ཐུབ། རྒྱ་ནག་གིས་ད་ལྟ་དུས་ཚོད་ཁོ་ན་བརྩོན་ལེན་བྱེད་བཞིན་ཡོད། དེ་ཡང་ཁོང་ཚོས་བོད་མི་རྣམས་རྒྱ་འགྱུར་བྱེད་པ་དང་། བོད་ཀྱི་ས་ཆར་མི་འབོར་གྱི་བརྒྱ་ཆ་དགུ་བཅུ་ཙམ་རྒྱ་མི་ལོངས་བ་བྱེད་པ། བོད་ཀྱི་ས་ཆར་གནམ་ཐང་སོགས་དམག་རྒྱག་ལྟེ་གནས་གྲ་སྒྲིག་བྱེད་པ་བཅས་ལས་ནམ་ཞིག་རྒྱ་དཀར་ནག་བར་དུ་དམག་འཁྲུག་ཡོང་བ་དང་། རྒྱ་ནག་གིས་ཨ་རི་ལ་འགྲན་རྩོད་པའི་སྐབས་སུ་བོད་དོན་དེ་ཉིད་ཡལ་ཚར་བ་མ་ཚད། ཧེ་མ་ལ་ཡའི་རི་རྒྱུད་དེ་ཡང་དམག་སའི་ལྟེ་གནས་ཤིག་ཆགས་པར་དུས་ཚོད་བརྩོན་ལེན་བྱེད་ཀྱིན་ཡོད། བྱས་ཙང་རྒྱ་ནག་གི་བོད་དོན་དུ་འཛིན་པའི་སྲིད་ཇུས་ཚང་མ་ནི་ཨ་རི་གཙོས་པའི་ནུབ་ཕྱོགས་རྒྱལ་ཁབ་རྣམས་མགོ་བསྐོར་ཐབས་ཙམ་དང་བོད་པ་རྣམས་རེ་བའི་ཁྲོད་དུ་རིམ་གྱིས་ཁ་ཐོར་རྩ་སྟོངས་གཏོང་ཐབས་ཙམ་རེད། དེར་བརྟེན་ང་ཚོ་བོད་པ་རྣམས་ཀྱིས་ལྷོད་གཡེང་བྱེད་པའི་དུས་ཚོད་མེད་ལ། རྟག་ཏུ་རྒྱ་མིས་གང་ཟེར་བར་ཉན་པ་ཡིན་ན་ང་ཚོ་ཡང་རྒྱ་མིའི་རྙི་ཡི་ནང་དུ་འགྲོ་རྒྱུག་བྱས་པ་ཞིག་རང་རེད། ང་ཚོས་རྒྱ་མི་ལ་གདོང་དྲག་པོ་བསྟེན་ཕོད་པ་དང་། གཙོ་བོ་རྒྱ་མིས་བོད་དོན་གྱི་འབྲེལ་མོལ་བྱེད་པ་དེ་ཡང་རྒྱ་མིའི་ཐབས་ཇུས་དང་གཡོ་སྒྱུ་ཙམ་ཡིན་པ་ཨ་རི་གཙོས་པའི་རྒྱལ་སྤྱིའི་སྤྱི་ཚོགས་ནང་དུ་ར་སྤྲོད་ཁུངས་སྐྱེལ་ཐུབ་པ་བྱ་དགོས།

30. That is a good news for me to hear but I hope to hear a good news again when they will come back from China.

31. གོང་དུ་དྲ་གྲོགས་ཤིག་ནས་ཞིབ་འཇུག་གི་རྒྱབ་རྩ་མེད་པར་བསམ་ཚུལ་འགའ་བཏོན་འདུག
    བསམ་ཚུལ་གང་བཏོན་པ་དེ་ལ་དགའ་བསུ་དང་རྗེས་སུ་ཡི་རངས་ཡོད། འོན་ཀྱང་། བོད་རིགས་དོ་སྣང་ཅན་ཚོར་ཞུ་རྒྱུར།
    བོད་རྒྱ་འབྲེལ་མོལ་གྱི་གནད་དོན་འདི་ཚོའི་རིགས་། མདང་དགོང་འགོ་བཙུགས་སྟེ་ད་ནངས་མཐུད་བརྒྱབ་པ་དེ་འདྲ་མ་རེད།
    ལོ་ངོ་བཅུ་ཕྲག་འགའི་བོད་རྒྱའི་གནས་ཚུལ་འབྲེལ་བའི་གནད་དོན་རེད། གནད་དོན་འདི་ཚོའི་བྱུང་རིམ་དང་འགྱུར་བ།
    རྒྱུན་འབྲེལ་སོགས་ལ་ཞིབ་འཇུག་གཏིང་ཟབ་གནང་སྟེ་བསམ་ཚུལ་བཤད་ཐུབ་ན་ྐློག་མཁན་སྤྱི་ལ་ཕན། བོད་དོན་ཟེར་བ་དེར་རྟག་ཏུ་དོ་སྣང་སྤྲད་ནས་བསམ་བློ་གཏོང་དགོས་བ་ཞིག་རེད་མ་གཏོགས་གནས་ཚུལ་ཐོན་པ་དང་ཚ་ཚ་འུར་འུར་བྱེད་པ་དེ་ཡག་རྟགས་ཤིག་མ་རེད་འདོད། མདང་དགོང་གི་ངེད་ཀྱི་བསམ་ཚུལ་དེ་ཚོ་སྐུ་ཚབ་ཚོར་དགའ་མ་དགའི་སྐད་ཆ་མིན།
    འབྲེལ་མོལ་བྱེད་སྟངས་ཀྱི་རིམ་པ་དང་དེའི་རྒྱབ་ལྗོངས་དང་འབྲེལ་བའི་སྐད་ཆ་ཡིན། བསམ་ཚུལ་མི་མཐུན་པ་ཡོད་ན། དགག་པ་ཆར་བ་འབབ་འབབ་གནང་རོགས།
    མང་པོ་ཞིག་རྒྱུན་མཐུད་ནས་ཞུ་འདོད་ཡོད་ཀྱང་། དུས་ཚོད་མེད། ཁོམ་ལོང་བྱུང་ན།
    མུ་མཐུད་དུ་ཞུ་གི་ཡིན།

32. ངོ་ཤེས་རྙིང་པ་དོན་བཀྲ་སོ་འདི་ན་འགྲོ་གི་ཡོད་ཁུ། དུས་བབ་ཚང་གྲོས་བྱོལ་དུ་བུད་སོང་ནོ་ངས་སེམས་ཁུར་བྱེད་ཀྱིན་ཡོད། མ་གཞི་མི་གཞི་དང་འབྲེལ་བ་ཆེ་གི་བསམ་ཡོད། ད་ཁ་བརྡ་ཚང་ལ་མ་ཡོང་ན་ཁ་རོག་གེར་འདུག་ན་མི་འདོད་ཀི

33. ༢༩༽lala ནས་མཆན་བུ་སྐྱོན་སྟངས་དེ་ཤིན་ཏུ་ལེགས་སྙམ།

34. དྲ་གྲོགས་རྣམ་པ་ལགས། ད་རེས་སྐུ་ཚབ་ཚོགས་པ་རྒྱ་ནག་ཏུ་ཕེབས་ཐུབ་པ་དེ་ཡག་པོ་རེད། བཙན་བྱོལ་གཞུང་མང་གཉིས་ཀའི་ངོས་ནས་འཚེ་མེད་ཞི་བའི་ཐབས་ལམ་གྱི་ཐོག་ནས་རྒྱ་ནག་མཉམ་དུ་སྐད་ཆ་བཤད་རྒྱུ་ལས་གཞན་པའི་ཐབས་ལམ་མེད་པར་བརྟེན། བཙན་བྱོལ་གཞུང་གི་ངོས་ནས་ལན་དགུ་ཆད་འཐུད་ཀྱིས་རྒྱག་ནག་མཉམ་དུ་སྐད་ཆ་བཤད་ནས་གྲུབ་འབྲས་ཨེ་ཐོན་ལྟ་བཞིན་པ་འདི་ཧ་ཅང་གི་རླབས་ཆེན་གྱི་བྱ་བཞག་རེད་སྙམ།
    རེ་འགས་ཁོས་འཇོན་རྒྱུ་མ་རེད་ཁོས་འཇོན་རྒྱུ་རེད་ལབ་ནས་མི་ལ་འབྲེལ་བཤད་རྒྱབ་སྡད་པ་ལས་སོ་སོ་རང་ངོས་ནས་གང་ཡང་མི་བྱེད་མཁན་གྱི་རིགས་དེ་ཚོ་ནི། མྱི་ཐོག་ན་ཁ་ཆེ། རྟ་ཐོག་ན་ཕུང་ཆེ། ཟེར་པའི་དཔེ་ལྟར་བྱས་ན་མི་ལེགས་སྙམ།

35. བསམ་བློ་ཡག་པོ་བཏང་ནས་བྲིས་ན་ཡག་པོ་འདུག

36. ཞིབ་འཇུག་མ་འཇུག་གི་རྒྱབ་རྩ་དགོས་ནི་མ་རེད། ཁ་བརྡ་རེད། ཁ་རྒྱགས་ཙིག་གེ་རེ་བཤད་དགོས་ནི་རེད། ཁ་བཙོག་ཙིག་གེ་རེ་ལབ་དགོས་ནི་རེད། ཁ་ཤོམ་ཙིག་གེ་རེ་འཐེན་དགོས་ནི་རེད། ཁ་རྩོད་ཙིག་གེ་རེ་བྱེད་དགོས་ནི་རེད། ཁམ་མཆུ་ཙིག་གེ་རེ་ཐུག་དགོས་ནི་རེད། ཁ་ན་དམར་སྲུང་དམག་མ་གཏོགས་མེད་པ་ཚོར་ཁ་ནང་ང་ཙིག་གེ་རེ་རྒྱག་དགོས་ནི་རེད། ཁ་ཁུག་མ་གི་ཙིག་གེ་རེ་གཏོང་དགོས་ནི་རེད། དེ་ནས་ཁ་ལ་བདག་པོ་རྒྱག་གི་རེད། དེ་ནས་རང་ཁ་ཡང་བདག་པོ་རྒྱག་གི་ཡིན།

37. ད་ཐེངས་ཀྱི་གྲོས་མོལ་འདི་རྒྱ་ཕྱོགས་ནས་མགྲོན་འབོད་བྱས་པ་ཡིན་ན། ཁོ་ཚོས་བོད་ཕྱོགས་ལ་འདི་ལྟར་བཤད་འདོད་པ་རེད། ད་རེ་བ་ཅང་མ་རྒྱག ད་ནས་བཟུང་འདི་ཕྱོགས་ཡོང་ཡང་མི་དགོས་ཟེར་འདོད་པ་རེད། གལ་སྲིད་དངོས་སུ་དེ་འདྲ་མི་བཤད་རུང་ཤུགས་ནས་དེ་ལྟར་བརྡ་སྟོན་ངེས་པ་ཐག་གིས་བཅད་ཆོག

38. རྒྱ་བོད་འབྲེལ་མོལ་གྱི་ནད་དོན་འདི་བོད་གཅིག་པུའི་ཁེར་ཕན་མ་རེད། འབྲེལ་མོལ་ཆེད་ང་ཚོས་རེ་བ་རུམ་གང་ཁུར་ནས་ཕར་སོང་། ཚུར་ཤུགས་རིང་ཞིག་ལས་བྱེས་འབྱོར་མི་དམངས་ལ་འཚམས་འདྲི་ཙམ་ཡང་ཁུར་ཡོང་རྒྱུ་ནི་མེད། ད་ནི་རྒྱ་གཞུང་ལ་ཤོད། ཁྱོད་ཚོར་ངོ་མས་འབྲེལ་མོལ་བྱེད་འདོད་ཡོད་ན་ཁྱོད་ཚོའི་སྐུ་ཚབ་མི་ཉུང་བ་ཞིག་ཚུར་དྷ་སར་ཡོང་རོགས་གྱིས་ཤོད་ཨ།

39. ཧ་ཧ
    རྒྱ་དང་གྲོས་མོལ་བྱེད་ནས་འབྲས་བུ་མེད་ཐག་གི་ཆད།
    ང་ལ་ཡིད་ཆས་གནང་རོགས། གྲོངས་པོ་ནམས།
    བོད་གཞུང་གིས་བོད་གཞོན་རྣམས་ལ་རྩིས་དང་།དངོས་ལུགས།རྫས་འགྱུར་སྐོར་ལ་མཐོང་ཆེན་བྱེད་རོགས།
    གལ་ཏེ་ཁྱེད་ལ་ཤུགས་ཡོད་ན་རྒྱ་གཞུང་ནས་རང་ཤུགས་ཀྱིས་གྲོས་མོལ་བྱེད་དུ་འོང།
    དེ་མེད་ན། བོད་དོན་དཀའ་མོ་རེད་ཨོ་ཨཱོ