མཁྱེན་རྒྱ་དང་ལྷག་བསམ་ཡངས་བའི་བོད་རིགས་གྲོགས་པོ་ཚོར་ཞུ་རྒྱུར།
གུས་ཀྱི་གྲོགས་པོ་རྫོགས་ཆེན་སྤྲུལ་སྐུ་ཞིག་གིས་ཨེ་ཙི་ནད་ཀྱི་བསྐོར་རི་མོ་དང་པར་སོགས་ཡོད་པའི་དེབ་ཞིག་པར་བསྐྲུན་བྱས་ནས་བོད་མདོ་དབུས་ཁམས་གསུམ་ལ་ཚར་གྲངས་ཁྲི་ཉི་ཤུ་ལྷག་ཅིག་རིན་མེད་ཐོག་འབུལ་འཆར་འདུག- གྲོགས་པོ་ཚོས་མཁྱེན་གསལ་ལྟར།
གལ་སྲིད་ནད་ངན་འདི་ང་ཚོས་སྔོན་འགོག་བྱེད་མ་ཐུབ་པར་རང་མི་རིགས་འདིའི་ནང་དུ་ཁྱབ་བརྡལ་དུ་གྱུར་ན།
མི་རིགས་འདི་རྩ་མེད་དུ་འགྱུར་བ་ལ།
དམག་འཁྲུགས་སོགས་རྒྱུ་རྐྱེན་གཞན་གང་ཡང་མི་དགོས་པར་ནད་འདི་གཅིག་པུས་བྱེད་ཐུབ།
གཞན་ཡང་བོད་ཡུལ་གྱི་གྲོང་ཁྱེར་དང་གྲོང་བརྡལ་སོགས་ལ།
ཨེ་ཙི་ནད་འདི་ཡོད་མེད་བརྟག་དཔྱད་བྱེད་སའི་སྨན་ཁང་ཡོད་པ་རྣམས་ཀྱི་ཁ་བྱང་དང་།
ཁ་པར་ཨང་གྲངས་སོགས་གང་ཐོབ་ཐོབ་ཅིག་བརྒྱུད་སྤྲོད་བྱེད་རོགས།
འབྲེལ་བཏུག་བྱེད་སའི་ཁ་བྱང་དང་ཁ་པར་ཨང་གྲངས་རྣམས་དེབ་ཐོག་ལ་བཀོད་ཐུབ་ན།
བརྟག་དཔྱད་བྱེད་འདོད་མཁན་རྣམས་ལ་ཕན་ཐོག་ཆེན་པོ་ཡོད་པར་སྙམ།
ཁྱེད་རྣམས་ལ་ཨེ་ཙི་ནད[AIDS] ཀྱི་བསྐོར་ཡི་གེ་དང་རི་མོ།
པར་སོགས་གང་ཡོད་ཅི་ཡོད་དང་།
ནད་ངན་དེ་སྔོན་འགོག་བྱེད་ཐབས་སོགས་གཞན་གྱི་སྐད་ཡིག་ལས་བསྒྱུར་གང་ཐུབ་ཅིག་གུས་ཀྱི་ཀློག་འཕྲིན་ཁ་བྱང་འདིའི་ཐོག་གནང་རོགས་ཞུ།
padamba@gmail.com
རེ་སྐུལ་འདི་ལོ་སྔོན་མར་དྲ་ཚིགས་གཞན་གྱི་སྒང་ལ་ཐེངས་གཉིས་ཙམ་བཀོད་ཀྱང་ཡིག་ཆུང་ཞིག་ཀྱང་ལག་འབྱོར་མ་བྱུང་།
ཐེངས་འདིར་དེ་ལྟར་མི་འགྱུར་བའི་རེ་བ་དང་བཅས་། ཁྱེད་རང་རྣམས་བཞུགས་སའི་ཉེ་འཁོར་ན་སྨན་པ་མཁས་པ་དེ་འདྲ་ཡོད་ན་སྐད་ཆ་དྲིས་ནས་ཡི་གེ་བཏང་སྟེ་གནང་རོགས་གནང་ཞེས་གུས་པས་སྙིང་ནས་རེ་བ་ཞུ་བཞིན་ཡོད།
ཨེ་ཙི་ནད་འདི་ཡོད་མེད་བརྟག་དཔྱད་བྱེད་སའི་སྨན་ཁང་ཡོད་པ་རྣམས་ཀྱི་ཁ་བྱང་དང་།
ཁ་པར་ཨང་གྲངས་སོགས་གང་ཐོབ་ཐོབ་ཅིག་བརྒྱུད་སྤྲོད་བྱེད་རོགས།
སྐུ་ཉིད་ནས་འདི་ལྟར་གསུངས་པ་དེ་ནི། ས་ཁུལ་གང་རུང་ཞིག་ནས་སྨན་ཁང་དེ་འདྲ་ཡོད་པའི་ཁ་བྱང་དང་ཁ་པར་ཨང་གྲངས་དགོས་ཀྱི་ཡོད་པ་རེད་དམ། ཡང་ན། བོད་ཁུལ་ནས་དགོས་ཀྱི་ཡོད་པ་རེད།
རང་གཞུང་འཕྲོད་བསྟེན་ལས་ཁུངས་དང་སྨན་རྩིས་ཁང་ནས་རེ་བ་དེ་བསྐང་མི་ཐུབ་བམ།
གཞན་ཡང་བོད་ཡུལ་གྱི་གྲོང་ཁྱེར་དང་གྲོང་བརྡལ་སོགས་ལ།
ཨེ་ཙི་ནད་འདི་ཡོད་མེད་བརྟག་དཔྱད་བྱེད་སའི་སྨན་ཁང་ཡོད་པ་རྣམས་ཀྱི་ཁ་བྱང་དང་།
ཁ་པར་ཨང་གྲངས་སོགས་གང་ཐོབ་ཐོབ་ཅིག་བརྒྱུད་སྤྲོད་བྱེད་རོགས།
ཞེས་བྲིས་འདུག་པས་བོད་ཡུལ་ཡིན་པ་གསལ་ཐག་ཆོག་པ་རེད་ལགས།
རེད་རེད་བོད་ནང་ན་དེ་འདྲའི་དམིགས་བསལ་སྨན་ཁང་ཨེ་ཡོད་ལགས། ནད་འདིའི་ཆེད་དུ་སྨན་ཁང་བོད་ས་ཁུར་ཁག་ཏུ་ཡོད་ན་དགའ་བ་ལགས། བོད་ཀྱི་ཕོ་མོ་མང་བོ་ཞིག་ལ་ནད་འདི་འགོས་ཡོད་ནི་རེད།
དེབ་ལས་ནད་ཚ་དེའི་སྨན་རེ་བོད་ས་ཁུར་ཁག་ལ་འགྲེམ་ཐུབ་ན་ཁ་ཡོད་ལག་ཡོད་ཀྱིས་ཕན་ཐོབ་འབྱུང་གིན་རེད་ལགས།
བོད་གཞུང་སྨན་རྩིས་ཁང་དང་འཕྲོད་བསྟེན་ལས་ཁུངས་གཉིས་སུ་ཐད་ཀར་འབྲེལ་བ་གནང་ཚེ་གནས་ཚུལ་ཁུངས་གསལ་དང་། འཐུས་སྒོ་ཚང་བ་ཡོང་བའི་དགོས་དོན་ཚང་བས་དེ་དོན་ཐུགས་བཅག་གནང་རོགས། ལར་ནས། དེ་ལྟར་གཞན་གྱི་ཟེར་སྒྲོས་སུ་ཕྱིན་ན་དགོས་དོན་ཇི་བཞིན་ཡོང་རྒྱུ་དཀའ་མོ་རེད། བདེ་མོ།
ཨེ་ཙི་ནད་ཀྱི་སྐོར་ལ་ལས་འགུལ་འདི་འདྲ་སྤེལ་རྩིས་ཡོད་པར་རྒྱབ་སྐྱོར་ཡོད། དེ་སྔ་ལྷ་སར་ཨེ་ཙི་ནད་འགོག་ཚོགས་པ་ཞིག་ཡོད་ཚོད་འདུག་མོད་ས་བྱི་ལོའི་ཞི་རྒོལ་རྗེས་སྒོ་བརྒྱབ་ཡོད་སྐད། ཨ་རི་ཝ་ཤིན་ཌོན་དུ་ཡོད་པའི་མ་གཅིག་ Machik ཚོགས་པར་བོད་ནང་གི་ཨེ་ཙི་ནད་སྐོར་ལས་འཆར་ཞིག་ཡོད་པ་འདྲ། ཚོགས་པ་འདིར་འབྲེལ་བ་གནང་ཚེ་གནས་ཚུལ་རེ་རེག་སྲིད། ཨེ་ཙི་ནད་སྐོར་གྱི་བོད་རྩོམ་རེ་བོད་ཡིག་གསར་ཤོག་དང་དུས་དེབ་སྟེང་བཀོད་མྱོང་བ་དྲན་པ་ན་འདུག་པས། གསར་དེབ་འདི་སྐོར་གྱི་གནས་ཚུལ་ཡོང་ཁུངས་ཤིག་ཡིན།
ཨེཙོ་ཐོག་བོད་ལ།
http://www.sagdhor.com/pic_c.asp?id=1220