བྲག་མགོ་དཀོན་མཆོག་དར་རྒྱས།
དཔལ་གསང་ཆེན་སྔ་འགྱུར་བའི་སྨོན་ལམ་ཆེན་མོ་སྐབས་་་༢༡་་་པ་འདི་ལོའི་བོད་ཟླ་་་༡༢་་་ཚེས་་་༡་་་དང་་་སྤྱི་ལོ་་༢༠༡༠་་་ཟླ་་༡་་་ཚེས་་༡༦་་ཉིན་གནས་མཆོག་རྡོ་རྗེ་ལྡན་དུ་ད་ལྟའི་ཆར་བདེ་ལེགས་ངང་དབུ་འཛུགས་མཛད་དེ་ཉིན་གཉིས་འདས་པའི་མཚམས་འདིར་གུས་པས་འཚམས་འདྲི་དང་། སྔ་འགྱུར་རྙིང་མའི་སྨོན་ལམ་སྐབས་མང་པོའི་ནང་རང་ཉིད་ཞུགས་པའི་བསྐལ་བཟང་ཐོབ་ཀྱང་། ད་ལོ་རང་འགན་གྱི་བྱ་བཞག་ཕྲན་བུས་དེར་ ཕྱོགས་སུ་གོ་སྐབས་མ་བྱུང་ཡང་དེ་རིང་རྗེས་དྲན་ཞུ་བཞིན་ཡོད།
༼ལོ་སྔོན་མར་་་༧་་སྐྱབས་རྗེ་གྲུབ་དབང་པདྨ་ནོར་བུ་རིན་པོ་ཆེ་དབུ་བཞུགས་ཐོག་སྨོན་ལམ་ཚོགས་བཞིན་པའི་སྣང་བརྙན།༽
དེ་ཡང་རང་རེ་བསིལ་ལྡན་ཁ་བའི་ལྗོངས་སུ་ནང་བསྟན་གྱི་ཆོས་བརྒྱུད་ཆེན་པོ་བཞི་འམ་ལྔའི་ནང་ནས་ཐོག་མར་བྱུང་བའི་སྔ་འགྱུར་རྙིང་མ་ཞེས་ཡོངས་སུ་གྲགས་པ་དེ་ཉིད་ནི། གངས་ཅན་པ་རྣམས་ཀྱིས་མཁྱེན་མངའ་བཞིན། བོད་ཀྱི་རྒྱལ་རབས་སོ་བརྒྱད་པ་ཆོས་རྒྱལ་ཁྲི་སྲོང་ལྡེའུ་བཙན་གྱི་སྐུ་དུས་་་སྤྱི་ལོ་་་་༧༥༦་་་ཙམ་ལ་མཁན་སློབས་ཆོས་གསུམ་ཞལ་འཛོམས་པ་ནས། རང་ཅག་རྗེས་རབས་གདོང་དམར་རིགས་སུ་གཏོགས་པ་ཚང་མའི་གཞན་ལ་ངོམ་ཆོག་ཆོག་ཡོད་པའི་ཆོས་དཔལ་རིག་གསུམ་རྩ་ལག་དང་བཅས་པ་མངའ་ཐང་ཁྱབ་རྒྱ་ཆེ་བ་འཛམ་གླིང་སུམ་གཉིས་དབང་དུ་བསྒྱུར་བ་སོགས་ཆོས་སྲིད་གཉིས་ཐད་ངོ་མཚར་འབར་བ་དེ་ཉིད་ཡིན་ནོ།།
དེ་ནས་རིམ་པར་གངས་རིའི་སྨན་ལྗོངས་སུ་སྒྲུབ་བརྒྱུད་ཤིང་རྟ་ཆེན་པོ་བརྒྱད་དུ་གྲགས་པ་རྣམས་བྱུང་ཡང་། དེ་དག་ནི་ཕན་ཚུན་ཆོས་ལུགས་ལྟ་བུ་མ་ཡིན་པར། བོད་བརྒྱུད་ནང་བསྟན་ཞེས་མཁས་མཛངས་དུ་མའི་མགྲིན་གཅིག་ཏུ་ཐ་ཚིག་བསྒྲགས་ཤིང་། འཆམ་མཐུན་དང་། ཞི་འཇགས་ངང་རང་ས་རང་ཡུལ་དུ་དགེ་མཚན་གྱི་ལོ་རྒྱུས་ཁྲོད་ལྷིང་འཇགས་སུ་གནས་སོ།།
འོན་ཀྱང་ཕྱིས་སུ་རྒྱ་དམར་གཞུང་ནས་སྤྱི་ལོ་་་༡༩༤༠་་ཡར་མར་ནས་འགོ་བཟུང་སྟེ་ལན་གྲངས་མང་པོར་ཧམ་སེམས་དང་། གཡོ་ཐབས་སྣ་ཚོགས་པས་བོད་འབངས་དབང་དུ་བསྒྱུར་བར་བརྩམ་ཞིང་། རིམ་གྱིས་སྤྱི་ལོ་་་་༡༩༥༩་་ཟིན་པ་དང་བོད་ཀྱི་བླ་ན་མེད་པའི་ཆོས་སྲིད་གཉིས་ཀྱི་དབུ་ཁྲིད་་་༧་་གོང་ས་མཆོག་དང་བཅས་པར་བོད་མི་རྒན་རབས་པ་གང་མང་མང་ཞིག་བཙན་བྱོལ་དུ་འབྱོར་དགོས་བྱུང་བས། འཛམ་གླིང་གོ་ལའི་ཁྲོད་བྱུང་མ་མྱོང་བའི་ཧ་ཅང་གི་གནས་སྟངས་ཛ་དྲག་གི་གནས་སུ་ལྷུང་བའོ།།
དེ་ནས་མཁྱེན་རྒྱ་དང་ཕྱི་ཐག་རིང་བའི་བོད་མི་རྣམས་ནས་སླར་ཡང་བཙན་བྱོལ་དུ་དཀའ་བ་བརྒྱ་ཕྲག་ལ་འཛེམ་པ་མེད་པར་ཆོས་བརྒྱུད་རིག་གཞུང་མ་ལག་དང་བཅས་པ་མི་ཉམས་བརྒྱུད་འཛིན་ཡོང་ཐབས་ལ་འབད་པ་ཚད་མེད་གནང་བ་དང་། འཕགས་ཡུལ་འདིར་བོད་མི་རྒན་རབས་རྣམས་བློ་སྟོབས་དང་། ༧་་གོང་ས་མཆོག་གི་སྐུ་དྲིན་སོགས་ལ་བརྟེན་ནས་འཛམ་གླིང་ནང་སྐྱབས་བཅོལ་སྤུས་ཚད་མཐོ་ཤོས་ཀྱི་མཚན་སྙན་ཐོབ་པ་འདིའོ།།
༼ལོ་སྔོན་མ་སྔ་འགྱུར་སྨོན་ལམ་ཆེན་མོ་འཚོག་བཞིན་པའི་ཟུར་ཞིག༽
དེ་དག་ལ་བསྟེན་ནས་སྔ་འགྱུར་སྨོན་ལམ་ཆེན་མོ་སྐབས་་དང་པོ་་སྤྱི་ལོ་་་་་༡༩༨༩་་་་་ཙམ་ལ་སྔ་འགྱུར་བའི་བླ་ཆེན་ཁག་དང་མཛད་གཙོ་རྣམས་ནས་ཐུགས་ཁུར་རླབས་པོ་ཆེ་བཞེས་ཏེ་རྒྱ་གར་རྡོ་རྗེ་གདན་དུ་བདག་ཅག་གི་སྟོན་པ་མངོན་པར་རྫོགས་སངས་རྒྱས་སའི་གནས་མཆོག་ཁྱད་པར་ཅན་དེར་ཐོག་མར་ཚུགས་ཤིང་། དེའི་རྒྱུ་མཚན་ཡང་སྤྱིར་སྐྱེ་འགྲོ་ཡོངས་དང་། ལྷག་པར་དུ་རང་རེའི་གངས་ཅན་བོད་མི་ཡོངས་ཀྱི་དབུ་ཁྲིད་༸་གོང་ས་ཡིད་བཞིན་ནོར་བུ་མཆོག་སྐུ་ཚེ་སྐལ་བརྒྱར་བརྟན་པ་དང་་། གཞན་ཡང་རིས་མེད་བསྟན་འཛིན་གྱི་སྐྱེས་ཆེན་དམ་་གང་དུ་བཞུགས་པ་རྣམས་ཀྱང་སྐུ་ཚེ་བརྟན་ཅིང་མཛད་འཕྲིན་རྒྱས་ཤིང་། བོད་འབངས་ཡོངས་ནས་ཡུན་རིང་སེམས་ལ་རེ་བའི་རང་དབང་གི་བདེན་མཐའ་སེལ་ཞིང་བོད་གཞིས་བྱེས་མཉམ་འཛོམ་ཡོང་བ་སོགས་གཙོས། འཛམ་གླིང་རྒྱལ་ཁམས་ཀུན་ཏུ་ནད་མུག་འཁྲུག་རྩོད་ཞི་ཞིང་མི་མཐུན་པའི་ཕྱོགས་ཐམས་ཅད་རྨག་མེད་དུ་ཟད་དེ་ཕུན་ཚོགས་བདེ་དགའི་དཔལ་ལ་རོལ་ཐུབ་པ་བཅས་བཅོས་མིན་གྱི་ལྷག་བསམ་རླབས་ཆེན་གྱི་ཐུགས་མགན་བཞེས་ཏེ། སྔ་འགྱུར་རྙིང་མའི་སྨོན་ལམ་ཐོག་མ་དབུ་འཛུགས་མཛད་དོ།།
༼སྔ་འགྱུར་སྨོན་ལམ་ཚོགས་སྐབས་་་ཉ་རིགས་དང་བྱ་བྱེའུ་རིགས་མང་པོ་ཚེ་ཐར་གཏོང་གི་ཡོད།༽
དེ་ལྟར་ད་ལྟའི་བར་བོད་འབངས་ཐུན་མོང་ནས་ཐུགས་ཁུར་རྒྱབ་བསྐྱོར་བསྟུད་མར་གནང་བ་མ་ཟད་། ཕྱོགས་སོ་སོ་ནས་འབྱོར་བའི་ཧི་མ་ལའི་རིགས་རྒྱུད་རྣམས་བོད་བརྒྱུད་ནང་བསྟན་ལ་དད་མོས་འགྱུར་བ་མེད་པར་ལོ་ལྟར་ཡོང་བཞིན་ཡོད་ལ། སྔ་འགྱུར་རྙིང་མའི་བླ་ཆེན་ཁག་གིས་ལོ་ལྟར་དགེ་འདུན་རྣམས་ལ་གསོལ་ཚུགས་་རེ་མོས་ཀྱིས་སྦྱིན་བདག་གནང་བ། སྔ་འགྱུར་རྙིང་མ་གཞུང་ནས་ཀྱང་དགོན་སྡེ་མང་པོའི་གྲྭ་བཙུན་རྣམས་ཀྱིས་ལམ་གྲོན་གནང་དགོས་ཀྱི་ཡོད། དར་ཐང་རིན་པོ་ཆེ་མཆོག་གིས་སྨོན་ལམ་ཚོགས་ཞུགས་པ་ཡོངས་ལ་སྐུ་འགྱེད་ཆད་མེད་དུ་གནང་ཞིང་། ད་དུང་རྒྱལ་བའི་བཀའ་འགྱུར་བསྟན་འགྱུར་བཅས་སྔོན་བྱོན་མཁས་པའི་གཞུང་ལུགས་རབ་འབྱམས་ཁག་མ་ཚང་བ་མེད་པར་དཔར་སྐྲུན་བྱས་ནས་་རིན་མེད་ཐོག་རིས་མེད་དགོན་སྡེ་ཁག་ལ་གནང་བཞིན་པ་སོགས་དང་། ད་ལོ་ཡང་སྔར་བཞིན་སྔ་འགྱུར་རྙིང་མའི་སྨོན་ལམ་སྐབས་་་༢༡་་་པ་དེ་ཚོགས་ཡོད་པ་ལ་ཕྲན་ནས་བརྟེན་འབྲེལ་དང་འཚམས་འདྲི་བཀྲ་ཤིས་བདེ་ལེགས་ཞུ་ཞུ།། །།
སླད་ཀྱི་ཆར་་་འཛམ་གླིང་ཆོས་ལུགས་ཚང་མ་འཆམ་མཐུན་དགོས་པ་སྤྱི་དང་། ལྷག་དོན་དུ་རང་རེ་མེས་མོ་ཤ་ཁྲག་གཅིག་པ་རྣམས་ནས་ཀྱང་། བོད་བསྟན་པ་ཆབ་སྲིད་ལ་བསམ་ནས་ལྷག་ཏུ་བོད་བརྒྱུད་ནང་བསྟན་བར་མཛའ་མཐུན་ཆིག་སྒྲིལ་སྔར་ལས་དར་འཕེལ་ཡོང་བ་སྙིང་ནས་སྨོན་མདུན་ལན་བརྒྱར་ཞུ་རྒྱུ་ཡིན། བཀྲ་ཤིས་བདེ་ལེགས།།
ད་མིའུ་ཕྲུག་ལ་མཚོན་ན་རྙིང་མ་བའི་མཛད་པ་རྒྱ་ཆེན་པོ་འདི་འདྲ་ལ་ཕྲག་དོག་ཟ་ནས་མིག་རྩ་དམར་པོ་ཆགས་མེད་འགྲོ་བསམས། ཁོས་དགེ་ལུགས་པའི་ཞེན་ཁོག་འཛིན་ཁ་བྱས་པ་མ་གཏོགས་ཁོ་དགེ་ལུགས་པ་ཞིག་ཡིན་མིན་སུས་ཤེས། ཆོལ་ཁ་དང་ཆོས་ལུགས་ཀྱི་རྙོག་དྲ་ཞིག་མཐོང་དུས་ཁོ་མཛོ་མོ་གཅིན་ཐོག་ལ་ཤོར་བ་ལྟར་རྒྱུག་ཡོང་གི་རེད།
མྱིག་རྫོད་དགྲ་བཅོམ་པའི་གོ་འཕང་ཐོབ་པ།
རང་ཉིད་མཁས་འདོད་རང་ཉིད་བཟང་འདོད་དང་།།
རང་ལས་ལྷག་པ་མེད་པར་འདོད་པ་ཡི།།
རང་ལ་མཆོག་ཏུ་བལྟ་བའི་རྨོངས་པའི་དགྲ།།
དེ་རིང་བདག་གིས་གཏན་དུ་བཅོམ་ཟིནཏོ།།
ཕྱི་མའི་ལམ་བུ་ཆོད་པའི་ཉམས་ལེན་མེད།།
ཚེ་འདིའི་ལྟོ་གོས་འཁྱོལ་བའི་རྒྱུ་ནོར་མེད།།
རེ་བ་སྣ་གཅིག་འགྲུབ་པའི་བདེ་སྐྱིད་མེད།།
མེད་པ་གསུམ་གྱི་བདག་མེད་དེ་རིང་རྟོགས།།
ད་ནི་དྲན་ཤེས་བརྟན་པོའི་ནགས་ཀློང་དུ།།
རང་ཚུལ་མི་ཤེས་གཞན་ལ་འཕྱས་པ་དང་།།
དོན་མེད་གཏམ་གྱིས་ཨ་ཐང་ཆད་པ་ཡིས།།
དུབ་པའི་སེམས་ཉིད་གཏན་ཏུ་ངལ་གསོ་བྱ།།
ཕྱི་ལོ་༢༠༡༠ཟླ་༠༡ཚེས་༡༧ལ་བྲིས།
ཁ་སྟོང་ནང་གི་ཚིག་སྟོང་རེ་བཤད་ནས་ཕན་་ཐོག་ནི་མ་རེད།བོད་ལ་ཕན་ཐོགས་བསམ་ན་།དེང་སྐབས་རྒྱ་ནག་གི་མེ་ཡི་ལྕགས་རི་གཏོར་ཐབས་བྱས།ལྷ་ཁང་དང་མཆོད་ཁང་བརྒྱ་ཕྲག་ཁ་ཤས་བཞེངས་བ་ལས་ཀྱང་ཕན་ཐོགས་ཆེ།
བྲག་མགོ་དཀོན་མཆོག་དར་རྒྱས་ལ་ཐུགས་རྗེ་ཆེ་ཞུ་བ་དང་བཀྲིས་བདེ་ལེགས་ཡོད།
ཕྲན་ཡང་སྔ་འགྱུར་རྙིང་མའི་སྨོན་ལམ་ཆེན་མོར་ཐེང་བརྒྱད་ཙམ་ཞུགས་མྱོང་། འོན་ཀྱང་ལོ་ཤས་ནས་འགྲོ་རྒྱུ་རེད་མ་སོང་། ཁྱེད་ཀྱིས་བཀོད་པའི་སྨོན་ལམ་ཆེན་མོའི་སྐུ་པར་འདི་མཐོང་ཡོང་དུས་༧སྐྱབས་རྗེ་གྲུབ་དབང་རིན་པོ་ཆེ་དབུ་བཞུགས་ཐོག་དགེ་འདུན་འདུས་སྡེ་རྒྱ་མཚོ་ལྟ་བུ་རྣམས་ཡང་ཡང་དྲན་ཡོང་གི་འདུག
གུས་པས་དེ་རིང་ཆོས་གྲོགས་ཁ་ཤས་མཉམ་དུ་ཆུ་ཚོད་གཉིས་ཀྱི་རིང་བཟང་སྤྱོད་སྨོན་ལམ་ཚོགས་ཡིན། རང་ཉིད་ད་ལྟ་རྡོ་རྗེ་གདན་དུ་སྨོན་ལམ་ལ་ཞུགས་པའི་གོ་སྐབས་མ་ཐོབ་ནའང་དེར་རྗེས་སུ་ཡི་རང་གི་སྒོ་ནས་སྨོན་ལམ་འདོན་ན་བསོད་ནམ་མཉམ་པར་ཐོབ་པའི་ཡིད་ཆེས་བྱེད་ཀྱི་ཡོད།
ད་ལོའི་ དཔར་གསར་ ཆད་པའི་ སྣང་བ་ ཤར། །
བོད་བརྒྱུད་ མཐུན་སྒྲིལ་ རྒྱས་འགྱུའ་ ཅིག །
༧སྐྱབས་རྗེ་པད་ནོར་རིན་པོ་ཆེའི་ཐུགས་ཀྱི་བཞེད་པ་ཡོངས་སུ་གྲུབ་པར་གྱུར་ཅིག་གུ
ལོ་ཤས་རིང་སྔ་འགྱུར་བའི་བསྟན་བདག་སྨིན་གླིང་ཁྲི་ཆེན་དང་། གྲུབ་དབང་པད་ནོར་རིན་པོ་ཆེ། རྡོ་བྲག་ཆུ་བཟང་རིན་པོ་ཆེ་སོགས་བླ་ཆེན་མང་པོ་ཞིག་སྐུ་གཤེགས་པས་བར་ཆད་དང་ཉེན་ཕྲེང་ཆེ་བའི་སྐབས་ཡིན་པས་དམ་པ་དེ་དག་ལ་རྗེས་དྲན་དང་། ལྷག་ལུས་རྣམས་ལ་གདུང་སེམས་མཉམ་བསྐྱེད་ཞུ། ད་ལྟ་ཕལ་ཆེར་གསར་བུའི་དུས་རབས་ལ་སླེབས་ཡོད་པས་ཀུན་གྱིས་མཐུན་སྒྲིལ་ལྡོག་རྩ་གཅིག་སྒྲིལ་གྱིས་བོད་སྔ་འགྱུར་པའི་ཆོས་དང་རིག་གཞུང་འཛིན་སྐྱོང་སྤེལ་བའི་ཐབས་ལ་བརྩོན་པ་བསྐྱེད་འཚལ།
ཀྱེེ།
རྙིང་ཆོས་དར་ལ་འགྲོ་གསར་སྐྱོབས་པའི་ཕྱིར། །
རྙིང་སྲུང་རལ་གཅིག་མ་ཡིས་གྲོགས་གསར་མཛོད། །
རྙིང་ཆོས་རིས་མེད་དར་རྒྱས་ཤོག །
སྔོན་མ་ཟིག་ཀ་༢༠༠༤ ལོར་ཡིན་ས་ཡོད་༧ གོང་ས་མཆོག་གི་དུས་དབང་དང་སྟབས་བསྟུན་ཚར་གཅིག་ཟིག་རྡོ་རྗེ་གདན་གྱི་རྙིང་མའི་སྨོན་ལམ་ལ་གཅིག་སོང་བ་ཡིན། འཇམ་དཔལ་མཚན་བརྗོད་ཚོགས་འདོན་དེས་དབྱངས་རྟ་དང་དལ་ལྷོད་བཅས་ཀྱིས་མིག་ཆུ་རང་དབང་མེད་པར་བསླངས་སོང་། མིག་བཙུམས་ནས་དལ་དལ་ལྷོད་ལྷོད་ཀྱི་དབྱངས་རྟ་དེར་ཉན་བསྡད་ན། སངས་རྒྱས་བྱང་སེམས་དང་ཆོས་སྐྱོང་སྲུང་མ་དེ་ཚོ་མིག་ལམ་དུ་ལྷམ་མེ་ལྷན་ནེ་ལྷང་ངེར་ཤར་ཡོང་གི ངོ་ནས་འགྲོ་བའི་རྒྱུད་ལ་བགས་ཆགས་འཇོག་ཟེར་ན་དེ་འདྲ་ལོས་ཡིན།
སྤྱིར་རང་ཉིད་ཀྱི་ངོས་ནས་བཤད་ན་སྔར་ཆོལ་ཁ་དང་ཆོས་ལུགས་ལ་ཞེན་ཁོག་བྱེད་ནས་ལས་དང་བྱ་བ་རྩོམ་མཁན་ཞིག་མིན་ལ་ཁྱད་པར་ཆོས་ལུགས་ཐོག་ལ་ཁྱད་མེད་དུ་འཛིན་པའི་ལྟ་གྲུབ་ཁུར་མཁན་ཞིག་ཀྱང་ཡིན། མགོན་ཕྱག་ཀྱིས་བཤད་པ་ལྟར་ང་དགེ་ལུགས་པ་ཞིག་པ་མིན་མོད་ངས་དེའི་ཆེད་དུ་བཤད་པ་འདི་དག་གཞི་མེད་དང་དོན་མེད་དུ་དགེ་ལུགས་པ་ལ་བརྒོལ་གཏམ་གཏོང་བ་དག་ལ་རྔ་དང་བསྟུན་པའི་འཁྱམས་ཞིག་འཁྲབ་པ་ཡིན། དེ་ལ་གང་བཤད་ཀྱང་ང་ལ་ཁྱད་པར་མེད།
ཆོལ་ཁའི་ཕྱོགས་ནས་འདི་ལོར་ང་ལ་ངོ་མ་ཞེན་ཁོག་ངེས་ཅན་ཞིག་སླེབས་སོང་། དེ་ནི་མདའ་ཚན་པའམ་མགོན་ཕྱག་ལྟ་བུའི་ཨ་མདོ་བ་མང་པོས་གྲོས་ཚོགས་ཀྱི་གནད་དོན་ཁ་ལ་ཁྱེར་ནས་ཕྱོགས་རིས་ཀྱི་ངོ་གདོང་མས་ང་ཚོས་འབོད་སྐུལ་ཇི་ཙམ་བྱས་ཀྱང་མ་ཕན་པར་ཁམས་རིགས་དག་ལ་ཇི་ཙམ་བཤད་ཡོད་པ་དྲྭ་རྒྱ་འདི་དག་ལས་གསལ་པོ་ཤེས་ནུས་རེད། དེས་ན་ང་ཚོ་ལ་ཞེན་ཁོག་མེད་ན་ག་བར་འགྲིག