སྙན་ངག་པ་ཚོར་གདམས་པ།

Comments (10) on “སྙན་ངག་པ་ཚོར་གདམས་པ།”

1. ཅ་ཆ་ཇ་ཉའི།
   ཅ་ལག་ལས་ལྷག་བོད་སྐད་བདག་པོ་རྒྱོབས། །
   ཆ་ལུགས་ཀུན་མཐུན་གོན་པ་ལེགས་པར་གྱོན། །
   ཇ་ཆང་གཉིས་ལས་ཇ་དེ་མང་ཙམ་འཐུངས། །
   ཉ་ཉོག་གཏམ་ནང་ནང་དོན་མང་ཙམ་སྨྲོས། །

2. པ་གོར་འཇིག་རྟེན་མིག་ཏུ་གྲགས།
   ཕ་ཚབ་བ་རྫི་བཞག་ན་མཛེས།
   བ་གླང་རྫི་བོར་འགྲོ་ཞོར་དུ།
   མ་རིག་མུན་འཇོམས་སྒྲོན་མ་ཚོལ།

3. ཀ་ཡེ་སྙན་ངག་འབའ་སྲས་ལགས།།
   ཁ་སྟོང་ནང་གི་ཚིག་སྟོང་སྒྲོག།
   ག་ལེར་བོད་ཀྱི་རིག་གནས་ལ།།
   ང་ཁྱོད་སུས་འབྱོན་མ་ཡིན་ནམ།།

4. འཇོན་ན་འཇོན་པའི་འབྲས་བུ་དགོས།།
   མ་འཇོན་གདོང་གི་མི་ཆུ་དགོས།།
   འཇོན་དང་མ་འཇོན་བར་གསེབ་ནས།།
   ཁ་ཕོད་ཅན་ལ་ང་མིི་དགའ།།

5. ཀ་ཁ་འབྱོར་བ་སྔོན་མ་ཞིག་ནས་ཤེས།།
   ཁ་སྐད་བཀོལ་དེ་རིང་གཞུག་ནས་ཤེས།།
   ག་རེ་ལབ་རུང་སྙན་ངག་རྐང་ཆག་མ།།
   ང་རྒྱལ་ཅི་ཡང་མེད་པར་འབྲི་རྐྱང་རེད།
   ཧ་ཧ་ཧ།

6. བཀོལ་བ། བ་ཞིག་ཆད་འདུག།

   ཅ་མ་ཅོར་གི་གཏམ་ལ་སྙན་ངག་ཟེར།།
   ཆ་རྒྱུས་སྙན་ངག་གདམས་ངག་ཁོར་ཡོད་ཟེར།།
   ཇ་རེ་འཐུང་ཞོར་རེ་རེ་བྲིས་འཇོག་ཟེར།།
   ཉ་ཉོག་འཁྱུག་རྩལ་ལྡན་པ་ཁོ་ཡིན་ཟེར།།
   ཧ་ཧ་ཧ།

7. ཇ་ཞོར་འཛག་ཞོར་བར་གྱི་ཡི་གེ་དག །
   སྙན་ངག་ཡིན་ཞེས་ང་མི་སྤོབས་མོད།།
   ཉིན་མ་རེ་ལ་བོད་ཡིག་བཀོལ་བ་བོ།།
   རྒྱུ་སྐར་ཁྲོད་ན་ཟླ་བ་ང་ཙམ་ཉིད།།

8. བོད་པའི་ཀ་བཤད་ལྟ་བུའི་འབྲི་སྟངས་སྐད་ཡིག་གཞན་པའི་ནང་ལ་ཨེ་ཡོད། ལེགས་སྦྱར་སྐད་ལ་འབྲི་སྲོལ་ཨེ་ཡོད། དབྱིན་ཇིའི་ནང་ལ་གསལ་བྱེད་༢༦ཡི་སྙན་ངག་མཐོང་མྱོང་ཨེ་ཡོད། ངས་མཐོང་མ་མྱོང་།

   གཤམ་ལ་ཚོད་ལྟ་ཡིན།

   དཔེར་ན།

   A sweet girl with long hairs,
   Beauty shines through her eye,
   Clouds hangs beneath her feet
   Devine a being was her Tara.

9. A man,
   Be good,
   Can you,
   Do it.
   འདི་ལྟར་ཙམ་ལས། བོད་སྐད་བོད་ཡིག་ཀ་ཕྲེང་ལྟར། འབྲི་ཐབས་མེད་པ་འདི། བོདཀྱི་་སྐད་ཡིག་གི་ཡོན་ཏན་ཅིག་རེད་འདུག

10. སྤྱི་ཚོགས་མེ་ལོང་མས། ཁ་བརྡའི་ནང་གི་ཁ་བདེ་འགའ་ཡི་ཁ་བརྡ་་ ཞེས་པའི་ལེ་ཚན་དུ་གཡར་རོགས་ཟེར།