རྗར་མེ་ནི་བོད་ཁང་ནང་།༼རྒྱུས་མངའ་ཅན་ཞེས་པའི་པར་རིས་ཀྱི་འགྲེམས་སྟོན།༽བྱས།

Comments (9) on “རྗར་མེ་ནི་བོད་ཁང་ནང་།༼རྒྱུས་མངའ་ཅན་ཞེས་པའི་པར་རིས་ཀྱི་འགྲེམས་སྟོན།༽བྱས།”

1. དགོང་དྲོ་ལ་ལ་དྭགས་པའི་ཁ་སྐད་དུ། ད་དུང་ཡང་བོད་རིག་གཞུང་སྐད་བཞིན་ཡང་འཇུག་ས་ལྡན། དགོངས་དྲོ། ཞེས་འབོད། འདི་ཉིད་སྐད་རིགས་ཀྱི་སྒོ་ནས་བོད་རིགས་ཡོངས་གཅིག་སྒྲིལ་ལ་ཕན། རྒྱལ་བ་རིན་པོ་ཆེ་དང་། རྒྱལ་བ་ཀརྨ་རིན་པོ་ཆེ་སོགས་ལ་དྭགས་པ་ལ་ཐུགས་མཉེས། ལོ་རྗེས་མ། ལ་དྭགས་སུ་དུས་འཁོར་དབང་ཆེན་སྩོལ་བར་ཞལ་བཞེས་པར་ལ་དྭགས་པ་ཀུན་དགའ་བཞིན་སྤྲོ་བཞིན་དུ་ཡོད་དོ།

2. རྒན་ལ་དྭགས་པ་ལགས། དག་ཆའི་སྐོར་ལ་མུ་མཐུད་བཀའ་འདྲི་ཞུ་ཆོག་ཞུ།

   མང་པོའི་དཀྱིལ་ནས་བདམས་པ་ལ།

   བདམ། འདེམ། བདམས། དོམས། ལྟ་བུ་འབྲི་སྲོལ་འདུག དེ་འགྲིགས་སམ། འོན་ཀྱང་ལ་ལས་གདམ་པ་དེ་ཡང་མང་པོའི་ནང་ནས་སྒྲུག་པའི་དོན་ལ་འཇུག་ཟེར། དེ་ལྟར་ཡིན་ན། 

   གདམ་དང་བདམ་གཉིས་དོན་ཅིག་ལ་འབྲི་སྲོལ་མི་འདྲ་བ་ཡིན་ནམ།

3. བསམ་ཤེས་མཆོག
   འདི་ལྟར་ལྟ་དགོས་པས། བདག་རང་བློ་བསྐྱེད་བྱུང་། ཨ་རི་པ་མཁས་དབང་གོལྡ་སྟེཨིན་གྱིས་འདི་ལྟར་བཀོད་དེ།

   འདེམས་ p. བདམས་; f. གདམ་; imp. འདོམས་ or འདེམས་
   ‘ (dem) va. to choose, to select, to elect ཁོ་སྔོནདགེ་རྒན་དུ་བདམས་པ་རེད:^- (They) selected him as an outstanding teacher.
   ཁྱེད་ཀྱིས་ཨིན་སྐད་མཁྱེན་ནམ། གོང་གསལ་ཁྱེད་ཀྱི་བྲིས་དང་གོ་སྡུར་མཛོད་

   བསམ་ཤེས་མཆོག་དང་གཞན་བོད་ཀྱི་རིག་གཞུང་སྐད་ལ་གཅེས་པ་རྣམས་ལ།

   བསྩལ། སྩོལ། བསྩལད། སྩོལ། ལྟ་བུ་འཁོད་འདུག

   ཟ་མ་ཏོག་ལྟར་བགྱིས་ན། ཚིག་འདིའི་དུས་གསུམ་ཇི་ལྟར་འབྲི་དགོས་སམ།

   འདི་ལ་ལན་འདི་ལྟར་ཡིན་ཏེ།
   ་
   གཞན་ཡང་བས་འཕུལ་ཅན་ཕལ་ཆེར།
   འདས་ལ་བས་འཕལ་འཕུལ་ཡང་འཇུག་ཡོད།
   མ་འོངས་འཕུལ་ཡོད་ཡང་འཇུག་མེད།
   སྐུལ་ཚིག་འཕུལ་མེད་ཡང་ཡང་འཇུག་ཡོད།
   ད་ལྟ་བ་ལ་གཉིས་ཀ་མེད།
   ་
   ཅེས་པ་ལྟ་བུ་ཞིག་བློ་འཛིན་བྱས་པ་ཡིད་དུ་འདུག འདིའི་ནང་གི་ཕལ་ཆེར་ཞེས་པས་བས་འཕུལ་ཡིན་ནོ་ཅོག་ལ་དེ་ལྟར་མི་ཆོག་པར་དབྱངས་གྲུབ་པའི་རྗེས་གསུངས་པ་ལྟར་ན།
   ད་ལྟ་འདས་མ་འོངས་སྐུལ་ཚིག་རིམ་པ་བཞིན་དུ།
   སྩོལ་ སྩལད་ སྩལ་ སྩོལད། ཅེས་པ་བོད་ཀྱི་རིག་གཞུང་དཔེ་ཆ་ཀུན་དང་མཐུན། ཟ་མ་ཏོག་ཏུ། སྩལ་ཏོ་གྱུར་ཏོ་ཕྱིན་ཏོ་སོགས། ཞེས་པས་འདས་ཚིག་བསྟན། གཞན་ཡང་། བཀའ་སྩལ་པ་དང་དངོས་གྲུབ་སྩལ། དངོས་གྲུབ་སྩོལ་དང་སྩལ་དུ་གསོལ། །སྦྱིན་པ་ཚུལ་བཞིན་སྩལ་བགྱི་སོགས། །ཞེས་པས་དུས་གསུམ་སྐུལ་ཚིག་བཅས་བསྟན་ཏོ།

4. རྒན་ལ་དྭགས་པ་ལགས།

   ཐུགས་རྗེ་ཆེ། ད་དུང་ཚིག་གཅིག་འདྲི་རྒྱུ་ཡོད་དེ།

   གཞན་ལ་བསླབ་བྱ་བགྱི་བ་སྟེ། འདོམས་ལྟ་བུར། དུས་གསུམ་ཇི་ལྟར་འབྲི།

5. བསམ་ཤེས་མཆོག
   འདོམས་ཞེས་པ་འདེམས་ཀྱི་སྐུལ་ཚིག་ཏུ་མཁས་དབང་ཨ་རི་པ་གོལྡ་སྟེཨིན་གྱིས་བཀོདཔ་ལ་རྣམ་པར་དཔྱོད་ཅེས་བསྐུལ་ཀྱང་ཁྱེད་ཀྱིས་མ་དཔྱད་པའི་རྟགས་སོ།

6. བསམཤེས་མཆོག་ལ།
   ཁྱེད་ཀྱི་དྲི་བ་། “གཞན་ལ་བསླབ་བྱ་བགྱི་བ་སྟེ། འདོམས་ལྟ་བུར། དུས་གསུམ་ཇི་ལྟར་འབྲི།” ཞེ་ས་པ་ དེ་ལ་བོད་རྒྱ་ཚིག་མཛོད་ཆེན་མོ་ན་འདི་ལྟར་བྲིས་ཏེ།ད་འདས་མ་འོངས་སྐུལ་ཚིག་རིམ་པ་བཞིན།

   འདོམས་་ གདམས་ གདམ་ འདོམས།

7. གོལྡསྟེཨིན་གྱིས་ཀྱང་ཇི་ལྟ་བར་བྲིས། དཔེར་མརྗོད་ཀྱང་བྲིས་ཏེ།
   དགེ་རྒན་གྱིས་དགེ་ཕྲུག་ཚོར་སློབ་ཚན་གྱི་དཀའ་གནད་རྣམས་གདམས་པ་རེད།

8. རྒན་ལ་དྭགས་པ་ལགས།

   བཀའ་གནང་བར་ཐུགས་རྗེ་ཆེ། གོལྡ་སྟེ་ཨཻན་གྱི་ཚིག་མཛོད་ཅིག་བསྒྲིགས་འདུག་པས་དེ་ལ་ཟེར་རམ། དེའི་མིང་ལ་ The New Tibetan English Dictionary of Modern Tibetan ཟེར་རམ།

   དེ་ནས་ཡང་འདྲི་བ་གཅིག་ལ། གསུང་པའི་འདས་ཚིག་ལ་གསུངས་བྲིས་པ་མཐོང་བྱུང་བས་དེ་འགྲིགས་སམ།

9. བསམ་ཤེས་མཆོག་ལ།
   ཚིག་མཛོད་དེ་རང་ཡིན་འདུག དིང་དུས་བོད་སྐད་་དང་མཐུན་པར་བྲིས་པ་ལས། བྱ་ཚིག་རྣམས་རིག་གཞུང་སྐད་དང་མཐུན་པ་མཆིས་པས། དེ་ཉིད་ལ་བཀོལ་སྤྱོད་དགོས། འོན་ཀྱང་དགོངས་ལ་དགོང་ཞེས་བྲིས་པ་ཆོས་སྐད་དང་བོད་ཀྱི་ལུང་སྐད་འགའ་ཞིག་དང་མི་མཐུན་པ་མ་གཏོགས་ལེགས་པ་ཞིག་ཏུ་་མཐོང་།

   གསུང་ P གསུངས་f. གསུང་; imp. གསུངས་ བོད་རྒྱ་ཚིག་མཛོད་ན་ཡང་དེ་རང་དུ་འདུག
   ཤེས་རབ་སྙིང་པོ་ན། གསུངས་པ་ལ་མངོན་པར་བསྟོད་དོ། ཞེས་པའི་གསུངས་པ་འདས་ཚིག་ཡིན་པ་དང་མཐུན།