༢༠༡༣ ཟླ་ ༩ ཚེས་ ༢༣ རེས་གཟའ་ཟླ་བ།
༄༅།།བོད་མི་མང་སྤྱི་འཐུས་ཚོགས་གཙོ་སྦྲེལ་པོ་མཆོག་དང་སྲིད་སྐྱོང་མཆོག་བཅས་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཀའ་སློབ་ཕེབས་པའི་ནང་། དབུ་མའི་ལམ་གྱི་ཐོག་ནས་བོད་ཀྱི་བདེན་མཐའ་གསལ་ནས་བོད་མི་ཚོ་གཞིས་བྱེས་མཉམ་འཛོམས་ཡོང་རྒྱུ་དང་དེ་འདྲ་ཞིག་ཡོང་བའི་གནས་སྟངས་བར་༸གོང་ས་མཆོག་གི་སྐུ་ཚེས་འདང་ངེས་ཤིག་ཡོང་ངེས་རེད། ཅེས་སྐལ་བཟང་གི་བཀའ་སློབ་ཕེབས་ཡོད།
དེ་རིང་བོད་མི་མང་སྤྱི་འཐུས་ལྷན་ཚོགས་ཀྱི་ལས་རིམ་དབུ་འཛུགས་དང་སྦྲགས་ཚོགས་གཙོ་སྤེན་པ་ཚེ་རིང་མཆོག་དང་སྲིད་སྐྱོང་མཆོག་རྣམ་གཉིས་ཀྱིས་གསལ་བཤད་གནང་དོན་དེ་ཡང་ཚོགས་གཙོ་མཆོག་གིས་༸གོང་ས་༸སྐྱབས་མགོན་ཆེན་པོ་མཆོག་རྡ་སར་༸ཞབས་སོར་འཁོད་པ་དང་ཡིག་ཆ་ཨང་ ༡༧ དང་འབྲེལ་བའི་སྐོར་སྙན་སེང་མཇལ་ཁ་དང་བཀའ་སློབ་ཡོང་བ་ཞུས་འབྲས་སུ་ཁ་སང་ཉིན་རྒྱབ་ཆུ་ཚོད་གཅིག་ཙམ་རིང་མཇལ་ཁ་དང་བཀའ་སློབ་ཕེབས་པར་མང་གཙོའི་དུས་ཆེན་གྱི་ཉིན་རྒྱབ་ལས་བྱེད་སྡེ་འགན་ཡན་ལ་བཀའ་སློབ་སྩལ་བ་དང་། དེའི་ཞོར་ལ་དབུ་མའི་ལམ་གྱི་སྐོར་བཀའ་སློབ་གནང་བར་ཁྲོག་ལྟ་བུ་ཐེབས་པའི་བཀའ་སློབ་ཕེབས་འདུག
ད་ལྟའི་གྲོས་ཚོགས་དང་གྲོས་ཚོགས་བརྒྱུད་ནས་བོད་ཕྱི་ནང་གཉིས་ཀྱི་མང་ཚོགས་ལ་ཞུ་རྒྱུ་གཙོ་བོ་དེ་༸གོང་ས་མཆོག་གིས་བཀའ་ག་རེ་ཕེབས་སོང་ཞུས་ན། ཁྱེད་རང་ཚོ་སེམས་ཁྲལ་རྩ་བ་ནས་བྱེད་མི་དགོས། དབུ་མའི་ལམ་གྱི་ཐོག་ནས་བོད་ཀྱི་བདེན་མཐའ་གསལ་ནས་བོད་མི་ཚོ་གཞིས་བྱེས་མཉམ་འཛོམས་ཡོང་རྒྱུའི་དུས་ཚོད་ཅིག་ཏན་ཏན་ཡོང་གི་རེད། ངོས་ནས་རྒྱུན་དུ་དེ་རང་སྨོན་ལམ་རྒྱག་གི་ཡོད། དེ་འདྲ་ཞིག་མ་བྱུང་བར་དང་། དེ་འདྲ་ཞིག་ཡོང་བའི་གནས་སྟངས་ཤིག་ལ་ངོས་ཀྱི་མི་ཚེས་འདང་ངེས་ཤིག་ཡོང་ངེས་རེད། ཅེས་བཀའ་སློབ་སྩལ་བྱུང་། ཞེས་གསལ་བཤད་གནང་བར་དེར་འདུས་ཚོགས་མི་ཡོངས་ནས་དགའ་བསུ་ཚད་མེད་མཚོན་ཆེད་གྲོས་ཚོགས་ཀྱི་ལམ་ལུགས་ལྟར་སྤྱི་ཡོངས་ནས་ཕྱག་བརྡབས་གནང་ཡོད། དེ་ནས་ཚོགས་གཙོ་མཆོག་གིས་མུ་མཐུད་གསལ་བཤད་གནང་བའི་ནང་། བརྟན་བཞུགས་གསོལ་འདེབས་ཞུས་ཡོད་པར་བཀའ་ལན་ཕེབས་དོན། བརྟན་བཞུགས་དགོས་རྒྱུ་མེད། ངོས་ནས་ནང་དོན་བཤད་པ་དེ་དག་ལ་འཛིན་སྐྱོང་དང་སྤྱི་འཐུས་ལས་བྱེད་ཚོའི་ངོས་ནས་འབད་པ་ལྷོད་མེད་ཀྱི་ཐོག་ནས་བྱ་རྒྱུ་གལ་ཆེན་པོ་རེད། ཅེས་བཀའ་སློབ་སྩལ་ཡོད།
དེ་རྗེས་དཔལ་ལྡན་སྲིད་སྐྱོང་མཆོག་གིས་སྤྱི་འཐུས་ཚོགས་གཙོ་མཆོག་གི་གསལ་བཤད་ལ་རྒྱབ་སྐྱོར་ཆ་ཚང་གནང་བ་དང་སྦྲགས་བཀའ་ཤག་ངོས་ནས་སྤྱི་ཚོགས་ཁྲོད་དུ་ཁྲོག་རྐྱེན་མི་ཐེབས་པའི་འབོད་སྐུལ་གནང་འདུག དེ་ཡང་ཁ་སྔོན་༸གོང་ས་༸སྐྱབས་མགོན་ཆེན་པོ་མཆོག་གིས་སྡེ་འགན་ཡན་གྱི་ལས་བྱེད་ཡོངས་ལ་མཇལ་ཁ་སྩལ་བ་དེ་བཀའ་ཤག་ངོས་ནས་ཧ་ཅང་གལ་ཆེར་ངོས་འཛིན་ཞུས་འདུག་ལ་སྐབས་དེར་ཆུ་ཚོད་གཉིས་ཙམ་རིང་ཐུགས་ལྷོད་ལྷོད་ངང་ནས་ལས་བྱེད་ཚོར་ནང་ཚགས་མཛད་དེ་བཀའ་འདྲི་དང་། བཀའ་ལན། དེང་སྐབས་བོད་སྐད་རྒྱག་སྟངས་ཅུང་མི་འདྲ་བ་ཁག་གཅིག་ཡོད་སྐོར་དང་། དྲུག་ཅུ་རེ་གྲངས་ནང་གི་ལས་བྱེད་ད་ལྟ་འདིར་ཡོད་མེད་བཀའ་རྩད་ཕེབས་པ། སྐབས་དེར་སྲིད་སྐྱོང་སྐྱེ་བ་སྔོན་མར་གནས་མུས་ཡིན་ངེས་ཞེས་སོགས་སྐུ་རྩེད་མཛད་དེ་ཧ་ཅང་ཐུགས་དགྱེས་ཚོར་ཆེན་པོ་མཛད་ཡོད་པ་མ་ཟད། ལས་བྱེད་ཚོར་ཕྱག་ལས་གནང་སྟངས་སྐོར་ཞིབ་ཕྲ་ལམ་སྟོན་བཀའ་སློབ་ཕེབས་ཞོར་ལ་དེ་སྔ་ལ་དྭགས་དང་། ཨི་ཊ་ལི། སོགས་སུ་སྩལ་བའི་བཀའ་སློབ་དེ་དག་ཐེངས་འདིར་ལས་བྱེད་རྣམས་ལའང་གསལ་བཤད་ཞུས་ན་སྙམ་བྱུང་། ཞེས་བཀའ་ཕེབས་ཏེ་དབུ་མའི་ལམ་གྱི་སྐོར་སོགས་ལས་བྱེད་རྣམས་ལ་དེ་ཉིན་བཀའ་སློབ་སྐལ་བཟང་ཕེབས་ཡོད་པ་དེས་ད་ལྟ་དངོས་སུ་ལས་དོན་སྒྲུབ་མཁན་ལས་ཀྱི་སྣེ་མོ་བ་ཚོར་སེམས་ཤུགས་འཕར་རྒྱུར་ཧ་ཅང་ཕན་ཐོགས་བྱུང་ཡོད།
བཀའ་ཤག་ངོས་ནས་བོད་ཕྱི་ནང་གཉིས་སུ་གནས་པའི་རང་རིགས་རྣམས་ལ་འབོད་སྐུལ་ཞུས་པར། ༸གོང་ས་མཆོག་སྐུ་ཁམས་གསལ་ཞིང་དབུ་མའི་ལམ་གྱི་ཐོག་ནས་བོད་ཀྱི་བདེན་མཐའ་མ་གསལ་བར་སྐུ་ཚེ་བརྟན་རྒྱུའི་སྐལ་བཟང་ཞལ་བཞེས་ཐོབ་ཡོད་པར་སོང་བོད་རིགས་མི་མང་རྣམས་ཐུགས་ལྷོད་ལྷོད་གནང་རོགས་ཞེས་དང་བར་ལམ་གྲོས་ཚོགས་ནང་བགྲོ་གླེང་གནང་སྟངས་ལ་ཐུབས་འཚབ་བྱུང་ཡང་ད་རེས་གནས་ཚུལ་གསལ་པོ་བྱུང་བར་བརྟེན། སྤྱི་འཐུས་རྣམས་སྤྱི་ཚོགས་ནང་ཕེབས་སྐབས་གནས་ཚུལ་གསལ་པོ་གསུང་རྒྱུ་གལ་ཆེ་དང་། དེ་མིན་བཀའ་ཤག་ངོས་ནས་༸གོང་ས་མཆོག་གི་བཀའ་དགོངས་གཞིར་བཟུང་བསྒྲུབ་རྒྱུའི་སེམས་ཤུགས་དང་ཆོད་སེམས་བརྟན་པོ་ཡོད། ཅེས་སོགས་ཀྱི་འབོད་སྐུལ་གསལ་བཤད་གནང་འདུག་ན་རང་རིགས་རྣམས་ནས་བར་ལམ་གྱི་གནས་ཚུལ་དག་ལ་ཁྲོག་རྐྱེན་མ་ཐེབས་པ་གནང་རྒྱུ་ཤིན་ཏུ་ནས་གལ་འགངས་ཆེན་པོ་ཡིན།།
དབུས་བོད་མིའི་སྒྲིག་འཛུགས་ཀྱི་དྲ་བ་ལས་དྲངས།
ད་ཡིན་ན་ང་རང་ཚོར་སེམས་ཁྲེལ་ཅི་ཡང་དགོས་རྒྱུ་མ་རེད། ༸གོང་ས་མཆོག་གིས་ཞལ་བཞེས་གཙང་མ་གནངས་འདུག་པ་དེར། ང་རང་ཚོའི་ངོས་ནས་ཀྱང་ཡིད་ཆེ་གཙང་མ་བྱེད་རྒྱུ་དེ་རེད། མི་རིང་བར་༸གོང་ས་མཆོག་བོད་ཡུལ་དུ་ཞབས་སོར་འགོད་རྒྱུ་ཐེ་ཚོམ་ཅི་ཞིག་ཡོད། དཀོན་མཆོག་མཁྱེན། ༸གོང་ས་མཆོག་སྐུ་ཚེ་ཞབས་པད་བརྟན་པར་ཤོག །
བཀའ་སློབ་འདིར་བཀོད་པ་ཡག་པོ་བྱུང་།
ཐུགས་རྗེ་ཆེ་ཞུ།
ཉི་མ་རིང་དུ་རིང་དུ། རྩམ་པ་ཞིམ་དུ་ཞིམ་དུ།
སེམས་ཁྲལ་མི་འདུག་ཅེས་བསྡད་ན་མི་འགྲིགས། སེམས་ཤུགས་སྐྱེད་དེ་ཞབས་ཞུ་ལ་འབུངས་འོས་སོ།
༧གོང་ས་སྐྱབས་མགོན་ཆེན་པོ་སྐུ་ཚེ་ཞབས་པད་ཁྲི་ལོར་བརྟན་པར་ཤོག བོད་ཀྱི་བདེན་མཐའ་མྱུར་དུ་གསལ་བར་ཤོག
གོང་ས་མཆོག་གི་བཞེད་དོན་འགྲུབ་པར་ཤོག མཐོ་དམན་སུ་ཞིག་ཡིན་ཡང་ཁ་ཚིག་དོན་ལ་གནས་དགོས་ཡོད། ལེགས་བཤད་ལས། ཇི་སྐད་དུ། དམ་པས་མང་པོ་དམ་མི་བཅའ། །གལ་ཏེ་དམ་བཅས་ཁས་བླངས་ན། །ནམ་ཡང་འགྱུར་མེད་བདེན་པའི་ཚིག །སྔ་ཕྱི་འགལ་མེད་དྲང་སྲོང་གསུངས། །
སྤྱི་ཚོགས་ནང་ཁྲུག་རྐྱེན་ཐེབས་བཅུགས་མཁན་གྲོས་ཚོགས་དབུ་འཛུགས་གསུངས་བཤད་སྐབས་སྡེ་འགན་ཡན་གྱི་ལས་བྱེད་མཇལ་ཞུའི་བཞུགས་མོལ་ཚོགས་འདུའི་སྐབས། ༧རྒྱལ་བ་རིན་པོ་ཆེས་ལ་དྭགས་དང་ཨི་ཊ་ལིའི་གསུངས་བཤད་དང་འབྲེལ་ནས་གསལ་འགྲེལ་གནང་བ་དང་མཉམ་དུ་གལ་ཆེ་ཤོས་སྐུ་དྲག་གསར་པའི་སྐོར་བཀའ་ནན་པོ་ཕེབས་ཡོད་ཀྱང་། སྐུ་དྲག་གསར་པ་དང་སྐབས་འཚོལ་རིང་ལུགས་ཀྱི་སྲིད་དོན་ཚོང་པའི་ཤོག་ཁག་གིས་འཚོར་བ་རྣོ་མདོག་གིས་ཁ་ལོ་གཞན་དུ་བསྒྱུར་ཐབས་དང་། སྐུ་དྲག་གསར་པའི་འགྱིངས་སྟབས་ལས་གཡོལ་ཕྱིར་ལྐོགས་ཟ་རུལ་སྲུང་གི་གནད་དོན་དང་མི་རིགས་ཀྱི་འཐབ་རྩོད། མེར་སྲེག་གི་དོན་རྐྱེན། བོད་ནང་གི་ཛ་དྲག་གི་གནས་དོན། བཙན་བྱོལ་སྤྱི་ཚོགས་ཀྱི་ཁྲིམས་འགལ་བྱ་སྤྱོད་ཀྱི་གནས་དོན་སོགས་རྦད་དེ་བརྗེད་སོང་བ་དེ་རེད། དེ་ནི་གཞན་གང་ཡང་མིན་པར་སྐུ་དྲག་གསར་པའི་ཤོག་ཁག་གིས་ལྐོགས་ཟ་རུལ་སྲུང་འགེབས་ཐབས་དང་། སྲིད་དོན་ཚོང་པའི་ཤོག་ཁག་གིས་རང་བཙན་ཤོག་ཁག་རྩ་མེད་བཟོ་རྒྱུའི་གོ་སྐབས་དམ་འཛིན་གྱིས་གོམས་པ་དང་པོ་དེ་རེད།
༧གོང་ས་༧སྐྱབས་མགོན་ཆེན་པོ་མཆོག །
སྐུ་ཚེ་བསྐལ་བརྒྱར་བརྟན་པར་ཤོག །
བོད་མིའི་རང་དབང་བདེན་མཐའ་དེ།།
མྱུར་དུ་གསལ་བའི་སྨོན་འདུན་ཞུ།།
ལས་སྣེ་ཚོ་ལ་ལྷོད་དལ་གྱི་གོ་སྐབས་ཤིག་རེག་པ་རེད། ཡར་རྒྱལ་བ་རིན་པོ་ཆེས་གསུང་ཞིག་མ་བྱོན་ན་ལས་སྣེ་ཚོ་ལ་ལས་འགན་ཅི་ཡང་མེད་པ་འདྲ་ཞིག་མངོན། ཁ་གྲགས་ཚད་ལ་རྒྱལ་བ་རིན་པོ་ཆེའི་མཚན་ནས་འདྲེན་དགོས་པ་ཞིག་ཨེ་ཡིན་ནམ་བསམ། རྒྱལ་བ་རིན་པོ་ཆེ་ལ་སྐུ་ཚེགས་ངོ་མ་དེ་ལས་ཀྱི་སྣེ་མོ་བ་ཚོས་སྤྲོད་ཀྱི་འདུག
ཤེས་རབ་སྡོང་བུ་ལས། དམ་པ་མང་པོ་ཁས་འཆེ་མི་བྱེད་ལ། །གལ་ཏེ་དཀའ་བས་ཁས་ནི་བླངས་གྱུར་ན། །རྡོ་ལ་རི་མོ་བྲིས་པ་ལྟ་བུར་ནི། །ཤི་ཡང་གཞན་དུ་བྱེད་པར་མི་འགྱུར་རོ། །ཞེས་པ་ལྟར་བརྩམ་པ་མཐར་དབྱུང་བའོ། །
གནད་དོན་གསུམ་ཞུ་འདོད་བྱུང་།
༡༽ སྤྱིར་བཏང་སྤྱི་ཚོགས་ནང་གོ་རིམ་དགོས་ཀྱང་ད་ལན་སྡེ་འགན་ཡན་གྱི་ལས་བྱེད་གཅིག་པོ་མཇལ་ཁར་འཁྲིད་དགོས་དོན་གང་རེད། དེ་གཞུང་གི་དུས་ཆེན་ནི་མ་རེད། ༸རྒྱལ་བ་རིན་པོ་ཆེ་ལས་བྱེད་ཚང་མས་མཇལ་འདོད་ཡོད་རེད། སྲིད་སྐྱོང་དང་བཀའ་བློན་རྣམས་མོ་ཊ་གཏོང་མཁན་གྱི་ཁ་སློ་བ་ཚོ་ལ་ཡང་ཞལ་མཇལ་དང་གསུངས་ཐོས་འདོད་མེད་པ་མ་རེད། ཁོང་ཚོ་དད་པ་མེད་པ་རེད་་་་་ཡང་ན་་་རིགས་ངན་དང་རྣམ་དཔྱོད་མེད་པ་རེད། གལ་སྲིད་སྐུ་སྒེར་གྱི་ཚོགས་ཁང་ལ་ཤོང་ཚད་ན་ཡང་ན་ཚོགས་ཁང་ཆེ་བ་ཞིག་དང་། དེ་མིན་ན་དེར་མི་འགྲོ་ ༣༠༠ ཤོང་གི་ཡོད་ན་ལས་བྱེད་ ༣༠༠ ནང་ཁུལ་རྒྱན་རྒྱབ་ནས་བཏང་ན་མང་གཙོ་དང་དྲང་བདེན་ཞིག་མ་རེད་པས། ༼གསར་བསྟོད་ཟེར་ན་དེ་ལ་ཟེར།༽
༢༽ ཚོགས་གཙོས་༸རྒྱལ་བ་རིན་པོ་ཆེ་དགོངས་པ་འཁྲུག་པ་དང་སྐུ་ཚད་ཉུང་འཕྲི་མཛད་པ་རྣམས་ཀྱི་རྒྱུ་རྐྱེན་དང་ཁག་རྒྱུན་དུ་བོད་རང་བཙན་འབོད་སྒྲ་སྒྲོག་མཁན་གྱི་མི་དེ་ཚོ་རེ་རེ་བཞིན་མིང་དྲངས་པ་དང་དེ་བཞིན་ཀརྨ་ཆོས་འཕེལ་གྱི་གཏམ་བཤད་བཅས་ལས་བྱུང་བ་ཡིན་སྐོར་ཉིན་གཉིས་པའི་གྲོས་ཚོགས་འཇུག་བསྡོམས་གསུངས་བཤད་སྐབས་བཤད་པ་དང་མི་མང་ནང་འཁྲོག་ཤིག་ཐེབས་པ་རེད། དེ་ནས་༸རྒྱལ་བ་རིན་པོ་ཆེ་མཇལ་བཅར་ཞུས་རྗེས་དེ་ལྟར་མིན་པར་འགྲེལ་བཤད་རྒྱབ་སོང་། ༸སྐྱབས་མགོན་རིན་པོ་ཆེ་སྐུ་ཚད་བཅག་པ་དེ་ནི་ཁོང་རང་གི་གཟུགས་གཞི་བབ་ལ་བལྟས་ནས་གསུངས་པར་གྲོས་ཚོགས་ནང་གསལ་པོ་འགྲེལ་བཤད་རྒྱབ་པ་རེད། བྱས་ན་ཡང་སྙིང་དགོངས་པ་འཁྲུག་གཞི་གང་ཞིག་རེད། སྐུ་དྲག་གསར་པ་ཚོས་དངོས་གནས་སྲིད་དབང་སྒེར་སྤྱོད་ཀྱི་ཆབ་སྲིད་ཡག་པོ་ཞིག་རྩེད་ཀྱི་འདུག་ག ༼རང་ཁ་རང་གསོ་ཟེར་ན་དེ་ལ་ཟེར།༽
༣༽ མཐའ་མར་ཚོགས་གཙོ་རང་ཉིད་སྐུབ་བརྡོལ་སོང་བསམ་ནས་གཏམ་བཟང་ཡིན་ཁུལ་གྱི་གྲོས་ཚོགས་ནང་། ༸གོང་ས་མཆོག་ནས་དབུ་ལམ་གྱི་ཐོག་ནས་བོད་དོན་བདེན་མཐའ་མ་གསལ་བར་སྐུ་འཚོ་གནང་རྒྱུའི་
ལོ་གཉིས་ཀྱི་གོང་དུ་རྡོ་རྗེ་གདན་དུ་དུས་འཁོར་དབང་ཆེན་ཚོགས་པའི་སྐབས་ཁོ་བོར་གོང་ས་མཆོག་གི་བཀའ་སློབ་ཀྱི་དེབ་ཆུང་ཞིག་ལག་ཏུ་སོན་པས་དེར་འཁོད་དོན་ནི་འདི་ལྟར་ཏེ་གོང་ས་མཆོག་དགུང་ལོ་བརྒྱ་དང་བཅུ་གསུམ་བཞུགས་རྒྱུའི་ཞལ་བཞེས་མཟང་མོ་ཐོབ་པས་དགུང་ལོ་བརྒྱ་དང་བཅུ་གསུམ་བཞུགས་མ་བཞུགས་དེ་ཡང་བོད་མི་མང་དང་གོང་ས་མཆོག་གི་བར་དམ་ཚིག་གཙང་མ་ཡོད་མེད་ལ་རག་ལས་ཡོད་ཅེས་བཀོད་ཡོད།། ཁོ་བོས་ལེགས་པར་བསམས་ན་དེ་ནི་ཐབས་མཁས་པའི་སྤྱོད་པ་ཞིག་ཏུ་མངོན་ཏེ་ཅི་སྟེ་བོད་མི་དང་གོང་ས་མཆོག་གི་བར་དམ་ཚིག་གཙང་མ་ཞིག་ཡོད་ན་ཡང་གོང་ས་མཆོག་དགུང་ལོ་བརྒྱ་དང་བཅུ་གསུམ་མ་བཞུགས་པ་ཡིན་ན་བོད་མི་མང་ལ་སྐྱོན་འཛུགས་བྱེད་རྒྱུ་ཡིན་པ་ཐེ་ཚོམས་མེད་དོ།།
གོང་ས་མཆོག་དང་སྐུ་ཞབས་ཀརྨ་ཆོས་འཕེལ་གཉིས་གདོང་ཐུག་གིས་ནང་མཐུན་བྱས་ན་ཡག་པོ་རེད། རྒྱལ་བློན་བྱས་ནས་མི་ལོ་ལྔ་བཅུ་ལྷག་ཕྱིན་ཡོད་པ་ཡིན་རབས་བཤད་འདུག སུས་དང་སུ་ཞིག་མ་བེན་བཟོས་འདོད་རེད། རྒྱ་མིའི་སྔོན་ནས་ངོ་ཡང་མི་ཚ་འམ།
རབ་བྱུང་ན། གོང་ས་མཆོག་བོད་མིའི་ཆབ་སྲིད་ཀྱི་འཐབ་རྩོད་ནང་ལ་མ་འདྲུད་པར། བོད་མིའི་ཆབ་སྲིད་དེ་གོང་ས་མཆོག་དང་འབྲེལ་བ་མེད་པར་ང་ཚོ་རང་གིས་ཐག་གཅོད་བྱས་ན་ལེགས་པར་བསམས། རང་བཙན་རྩོད་མཁན་དང་དབུ་མ་རྩོད་མཁན་གཉིས་ཀས་གོང་ས་མཆོག་ཁ་ལ་མ་འཁྱེར་ན་བཟང་། ལམ་དབུ་མར་སྐྱོད་པ་དེ་མང་མོས་ཐག་གཅོད་བྱུང་ཟིན་པ་རེད། ད་དེ་ནོར་ན་ང་རང་ཚོས་ནོར་བ་ལས་གོང་ས་མཆོག་ལ་འབྲེལ་བ་མེད། ང་རང་ཚོའི་རྣམ་དཔྱོད་བཀོལ་ནས་ཐབས་གསར་པ་འཛིན་དགོས། རང་བཙན་རྩོད་མཁན་ཚོས་ཡང་དབུ་མའི་སྐྱོན་འདི་གོང་ས་མཆོག་གི་སྟེང་ལ་ཅིའི་ཕྱིར་འགེལ་ལམ།
ང་རང་བཙན་རྩོད་མཁན་ཚོར་གུས་ཞབས་ཡོད་ལ། ཁོང་རྣམ་པའི་ལྟ་བ་དེ་ང་ཚོར་ཕན་པ་ལོས་ཡོད། འོན་ཀྱང་རང་བཙན་རྩོད་མཁན་ཉུང་ཤས་ཀྱིས་གོང་ས་མཆོག་ལ་སྐྱོན་བརྗོད་ལྟ་བུས་རང་བཙན་གྱི་ལྟ་བ་བཤད་སྐབས་བློ་ལ་ཐད་མི་ཐུབ། རྡོག་རྡོག་འདི་ཡིན།
རྒྱལ་བ་རིན་པོ་ཆེ་དགུང་ལོ་འདི་ཙམ་ལ་བཞུགས་ཟེར་ནས་ལོ་གྲངས་ཀྱི་ཚད་རྒྱག་མཁན་དེ་ཚོ་ནི་ལྷ་འདྲེ་ཁོག་ཞུགས་ཀྱི་ཡ་མ་ཟུང་དེ་ཚོ་དང་། རྙིང་མ་བའི་གྲུབ་ཐོབ་དང་མཁའ་འགྲོ་མར་ཁེ་འཆེ་བའི་ར་མ་ལུག་ཁ་ཤས། མོ་རྩིས་སོགས་རྫུན་གྱི་གཞུང་ལུགས་ཡ་མ་བརླ་དེ་རིགས་ལ་ཁུངས་རེ་བཅོལ་བ་མ་གཏོགས་དོན་ངོ་མར་ནམ་འཆི་ཆ་མེད་དང་འཆི་རྐྱེན་ངེས་མེད་ཡིན་པས་སུ་ཞིག་གིས་མིའི་མི་ཚེའི་རིང་ཐུང་འཆད་ནུས། དེར་བརྟེན་དྲི་མ་མེད་པའི་གཞུང་ལུགས་ལ་སྦྱངས་མྱོང་མཁན་ཚོ་ལྟ་ཅི་སྨྲོས། དངོས་ཡོད་ཀྱི་གནས་སྟངས་ལ་བསམ་གཞིག་གི་ནུས་པ་ཅུང་ཟད་རེ་ཡོད་མཁན་རེ་ཡིན་ཕྱིན་དགུང་ལོ་ཡར་སྤར་བ་དང་མར་འབེབས་པ་སོགས་ཀྱི་འཆལ་གཏམ་རྫུན་མའི་རིགས་ལ་ཆགས་སྡང་བསགས་ནས་མི་ལ་གཤེ་སྐུར་མི་བྱེད་པ་གལ་ཆེན་པོ་རེད།
སྤོབས་པ་ལགས་ དྲི་མ་མེད་པའི་གཞུང་ལུགས་དང་དྲི་མ་ཡོད་པའི་གཞུང་ལུགས་གཡེར་བ་ག་འདྲ་སེ་ཕྱེ་དགོས་ མ་ཟད་༧གོང་ས་མཆོག་ནི་འཕགས་པ་སྤྱན་རས་གཟིགས་ཀྱི་རྣམས་སྤྲུལ་ཡིན་པས་ རྙིང་མ་བའི་གྲུབ་ཐོབ་དང་མཁའ་འགྲོ་མ་ལ་སྐྱབས་གཅོལ་དགོས་དོན་མེད། དོན་མེད་ཀྲུག་གཞི་མ་གནང་རོག་གནང།
ཕར་བཤད་ཚུར་བཤད་བྱས་པ་ལས་ང་ཚོ་ཚང་མས་༧གོང་ས་མཆོག་གི་བཀའ་དགོངས་སྲུང་བརྩི་ཞུ་གལ་ཆེ།
སྐུ་ཚེ་ཞབས་པད་བརྟན་པ་ཤོག
གུས་པ་ནི་བསམ་ཤེས་ནས་གསུངས་པ་སོར་གནས་ཡིན་།