ཀླུ་སྨྱོན།
ངས་མི་ལོ་ཉི་ཤུར་སྙིང་དབུས་སུ་སྦྲུམ་པའི་སྙན་ངག་གི་ཁྱེའུ་དཀར་པོ་འདི།
ཁྱེད་ཚོའི་འབག་བཙོག་གི་ལག་པར་ངས་གཏན་ནས་འཇོག་ན་མི་འདོད་ཀི
ཆེས་དྭངས་གཙང་གི་ནམ་མཁའི་ཀློང་ན་ཕྱོགས་མེད་དུ་རྒྱུ་བའི་སྙན་ངག་གི་གླག་རྒོད་དར་མ་འདི།
ཁྱེད་ཚོས་རྒྱ་ཡན་དུ་དབྱུགས་པའི་ཕྲག་དོག་གི་ཞགས་སྣེར་འཁོན་དུ་འཇུག་ན་མི་འདོད་ཀི
ངས་རང་གི་ཟུངས་ཁྲག་ཐིགས་པ་རེ་རེས་སྐྱེད་སྲིང་བྱས་པའི་སྙན་ངག་གི་རྒྱ་སེ་མེ་ཏོག་འདི།
ཁྱེད་ཅག་གི་གདུག་རྩུབ་ཅན་གྱི་སད་དང་སེར་བར་འཁྱེར་དུ་འཇུག་ན་མི་འདོད་ཀི
རྩྭ་ལྗང་གི་རྦ་རླབས་གཅིག་རྗེས་གཉིས་མཐུད་དུ་འོངས་པའི་སྙན་ངག་གི་སྤང་ལྗོངས་ཡངས་པོ་འདིར།
ཁྱེད་ཅག་གི་ཁྱད་གསོད་ཀྱི་སྟོན་རླུང་དྲག་པོ་གཡུག་གི་འཇུག་ན་མི་འདོད་ཀི
ངས་རང་གི་ཆེས་བླ་མེད་ཀྱི་བརྩེ་དུང་གིས་བླུས་པའི་སྙན་ངག་གི་མཛེས་སྡུག་དགའ་མ་འདིར།
ཁྱེད་ཅག་གི་ཆགས་སེམས་དྲག་པོས་མྱོས་པའི་མིག་ཟུང་གིས་བལྟ་རུ་འཇུག་ན་མི་འདོད་ཀི
སྒྱུ་རྩལ་དང་བྱིན་རླབས་ཀྱི་དྲོད་ཁོལ་ཉམས་པ་མེད་པའི་སྙན་ངག་གི་ཁྱིམ་གཞིས་ཆུང་ཆུང་འདིར།
ཕྱོགས་ངེས་མེད་ནས་འོངས་པའི་འཁྱམ་པོ་ཁྱོད་ཚོ་འདུག་གི་འཇུག་ན་མི་འདོད་ཀི
ངས་མིག་ཆུ་དང་མིག་ཆུ་བསྲེས་ནས་བྲིས་པའི་སྙན་ངག་གི་ལྡེབས་རིས་རིང་མོ་འདིར།
ཁྱེད་ཅག་གི་མཐོང་ཆུང་གི་སྣག་ཚ་ནག་པོས་འདྲུད་དུ་འཇུག་ན་མི་འདོད་ཀི
གསེར་མདོག་གི་སྟོན་ལོས་མཛེས་པར་བཀླུབས་པའི་སྙན་ངག་གི་གྲོང་བརྡལ་ཁུ་སིམ་འདིར།
འཕྲོག་བཅོམ་གྱི་ལས་ལ་བྱང་པའི་ཇག་པ་ཁྱོད་ཚོ་ཡོང་གི་འཇུག་ན་མི་འདོད་ཀི
ངས་དཀའ་སྡུག་གི་མི་ཚེས་བཏགས་པའི་སྙན་ངག་གི་གཡུ་སྦྲ་སྨུག་པོ་འདིར།
ཁྱེད་ཅག་གི་ཁྲེལ་གཞུང་བྲལ་བའི་རྐང་རྗེས་ནག་པོ་དེ་འཕབ་གི་འཇུག་ན་མི་འདོད་ཀི
སྙན་འཇེབས་ཀྱི་འབའ་སྒྲ་འཕུར་བའི་སྙན་ངག་གི་གཡང་དཀར་ལུག་ཁྱུ་འདིར།
ལྟོགས་སྐོམ་གྱི་ལྕེ་དམར་ས་ལ་དྲུད་པའི་སྤྱང་ཀི་ཁྱོད་ཚོ་རྒྱུག་གི་འཇུག་ན་མི་འདོད་ཀི
སེམས་ཁོང་ནས་རང་ཉིད་བོད་མི་ཡིན་པ་ཤེས་རན་རེད།
སྤུན་ཟླ་ཚོ། སེམས་པ་བོད་དུ་ཕྱོགས་ནས། བསམ་བློ་བོད་དུ་ཕྱོགས་ནས། དམིགས་ཡུལ་བོད་དུ་འཁོར་ནས། སྐད་ཆ་བོད་དོན་དུ་བཤད་དེ། རང་གི་ལུས་ངག་ཡིད་གསུམ་འདིའི་འབྱུང་ཁུངས་ལ་མ་ནོར་བའི་ལམ་ཁ་ཞིག་བཙལ་ནས། ཁྲག་དང་མིག་ཆུ། མནར་གཅོད་དང་གདུང་འབོད། མྱ་ངན་དང་གཉོས་བཅོས་ཁྲོད་དུ། ཕྱིར་མིག་གི་བལྟས་དེ་བཞུད་ཟིན་པའི་སྤུན་ཟླ་དག་གི་བསམ་པའི་རེ་བ་དང་། སྒུག་པའི་རྨི་ལམ་དེ་དག་ལ་བསམ་ནས་རྒྱ་ནག་པོའི་སྲིད་གཞུང་ལ་གཏན་ནས་ཡིད་ཆེས་མ་བྱེད་ཅིག
ད་ནས་་བཟུང་། འུ་ཅག་གིས་བོད་ནི་བསྐལ་བའི་བར་དུ་བོད་ལ་དབང་བ་ལས་རྒྱའི་སྲིད་གཞུང་ལ་མི་དབང་བའི་བདེན་པ་དེ་དག་ར་སྤྲོད་བྱེད་རྒྱུའི་ལས་སུ་འབད་རོགས་ཞུ། ས་མཐའ་གང་ཞིག་ཡོད་ཀྱང་ཆོག ལས་གནས་གང་ཞིག་དུ་ཡོད་ཀྱང་འགྲིག ང་བོད་ཡིན། ངས་བོད་པའི་བདེན་དོན་ཆེད་དུ་འགན་ཞིག་ལེན་དགོས། ང་རང་ལ་རང་གི་ཕ་ཡུལ་གྱི་བདེ་སྡུག་སྲུང་བའི་འགན་ཡོད། ང་རང་ལ་བོད་མི་གཅིག་གི་ཚེ་སྲོག་ཡིན་ཡང་། རང་གི་ཚེ་སྲོག་ལས་ཀྱང་གལ་ཆེ་བ་ཡིན་སྙམ་ནས། སྡུག་ན་སྡུག་རོགས། གསོན་ན་གསོན་རོགས། འཆི་ན་འཆི་རོགས་ཟེར་ནས་བློ་གཅིག་སེམས་གཅིག་གི་ལས་འགུལ་སྤེལ་མ་ཐུབ་ཀྱང་། བློ་གཅིག་སེམས་གཅིག་གིས་རང་ཉིད་བོད་ཡིན་པ་བརྗེད་མི་རུང་ལ། རང་ཉིད་བོད་ཀྱི་མགྲིན་ཚབ་པ་ཞིག་དང་། རང་ཉིད་ལ་ཡང་བོད་ཀྱི་ལུས་ཤིག་ཡོད་པ་སེམས་ཁོང་རུས་པའི་གཏིང་ནས་དྲན་ཐུབ་དགོས་ཀྱི་འདུག
དེ་ལྟར་དྲན་ནས་རྒྱའི་སྲིད་གཞུང་གི་རྒྱུགས་ཁྱི་བོད་རྒྱ་སུ་ཡིན་ཡང་། བོད་མི་རིགས་ཀྱི་དགྲ་བོ་དངོས་ཀྱི་དང་མར་བཟུང་དེ། དེའི་རིགས་ལ་འབྲེལ་ལམ་གཅོད་པ་དང་། མི་ངན་དེ་དག་གི་ལག་འོག་གི་རྩེད་ཆས་སུ་མི་གྱུར་བའི་ཐབས་ཤེས་གང་ཡོད་ཅིག་རང་གི་ཉེ་འབྲེལ་དང་ངོ་ཤེས། གཞན་མི་སོགས་བརྒྱུད་དེ། མི་གཅིག་གི་སྲོག་ཡིན་ཡང་། ལྟས་ངན་མི་སེམས་མེད་པའི་གདོན་འདྲེ་དེ་དག་གི་ངན་ཇུས་འོག་དུ་མི་འགྲོ་བའི་ལམ་ཁ་འཚོལ་བ་དང་ཞོར་དུ། རང་ས་ནས་རང་ཉིད་འཚོ་བའི་ཐབས་ལམ་བཙལ་ནས། རང་མི་ལ་རང་གིས་སྲོག་ལས་ཀྱང་། ཡིད་ཆེས་དང་བརྩེ་ཞེན་བྱེད་རྒྱུར་ཐག་ཇེ་ཉེར་གཏོང་རོགས་ཞུ།
ད་ལྟའི་འཆར་འུ་ཅག་ལ་བརྡ་འཕྲིན་གྱི་རྒྱུད་ལམ་མི་ཉུང་བ་ཞིག་ཡོད་པ་འདི་དམ་འཛིན་བྱས་དེ། བོད་མི་སྲུང་སྐྱོབས་ཀྱི་ཐབས་ཤེས་གང་ཡོད་པ་དག མི་ཁ་ནས་གཏམ་ཁ། འཕྲིན་ལམ་ནས་དྲ་ལམ། གློག་ལམ་ནས་ཁ་པར་གྱི་ལམ། བརྒྱུད་ལམ་གང་ན་ཡོད་ན་དེ་ནས་དུས་ཚོད་དམ་འཛིན་བྱེད་པའི་དུས་ཡིན་པ་ལས། རྒྱའི་སྲིད་གཞུང་གི་འདོད་ཐོག་ལ་འགྲོ་རུ་འཇུག་པའི་དུས་ཤིག་གཏན་ནས་མིན། བོད་མི་གཅིག་གི་ཚེ་སྲོག་ནི་བོད་ལ་མཚོན་ན་ཆེས་རིན་ཐང་གཞལ་དུ་མེད་པ་ཞིག་ཡིན་པ་ཤེས་སུ་འཇུག་དགོས་པ་དང་རང་ཉིད་ཀྱིས་ཀྱང་དེ་ལྟར་དྲན་ནས། ཤི་བ་ལས་གསོན་ན་ཐབས་ལམ་མང་བ་ངེས་སུ་འཛམ་གླིང་མི་མང་ལ་བདེན་དབུང་བྱེད་པ་དང་། གཞན་ལས་རང་གི་བྱེད་ཐུབ་པའི་ནུས་པ་དེ་དག་སྟོན་རན་རེད།
དྲ་ཐོག་ལ་འཇོག་རོགས་ཞུ། སྤུན་ཟླ་སུ་ཡིན་ཡང་འགྲིག
བོད་ཀྱི་དུས་བབ་ཐོག་བཀོད་པའི་ངའི་དེབ་དེ་གཉིས་དཔར་བསྐྲུན་གནང་རོགས།ཐད་ཀྱི་མཆན་བུ།
ཚེ་རིང་བཀྲ་ཤིས།
གཞིས་ལུས་རྩོམ་པོ་རིན་ཆེན་བཟང་བོ་ལགས་ཀྱི་རེ་བ་ཆུད་ཟས་སུ་བཏང་ཡོད་གསར་འགྱུར་མཐོང་བ་དང་། བོད་ཀྱི་རྩོམ་པ་པོ་མཐུན་ཚོགས་ནག་ཉེས་ཐེར་གླེང་བར་འདོད་སོང་། མི་ཚོང་བརྒྱབས་པའི་སྒོར་མ་དེ་དག་ལས་དཔེ་དེབ་ཁ་ཤས་དཔར་མ་ཐུབ་པ་ཅི་ཡིན། ངོ་མས་ཐབས་སྐྱོ་བོ་རེད།
ད་ཐེངས་ཀྱི་གླེང་རྙོག་འདི་ངེས་པར་དུ་གསལ་བོ་གནང་དགོས་པ་ཞིག་རེད། ལུང་རིག་རྒྱལ་གྱིས་ད་ཐེངས་ཀྱི་མཆན་བུ་སྐོར་ཞིག་ནག་བསུམ་བཏང་བར་བློ་ཕམ་ཡོད། ང་རང་ཉིན་འགའི་སྔོན་ལྷོ་ཕྱོགས་ནས་རྡི་ལི་བརྒྱུད་རྡ་སར་ཡོང་བ་ཡིན། འདིའི་ལམ་བར་ནས་ངོ་ཤེས་པ་མང་བོ་ཞིག་ལ་ཐུག་སོང་ལ། སྐད་ཆ་གཅིག་པ་གཅིག་རྐྱང་བཤད་ཀྱིན་འདུག དེང་སང་བོད་པའི་སྤྱི་ཚོགས་ནང་བོད་ཀྱི་རྩོམ་པ་པོའི་མཐུན་ཚོགས་འབྲེལ་ནས་ལྷ་མོ་སྐྱབས་དང་ཀུན་ཐར་དོན་འགྲུབ་གཉིས་ཀྱིས་ནག་ཚོང་རྒྱག་གིན་ཡོད་པའི་གླེང་གཞི་གསར་བ་ཞིག་ཚུགས་ཡོད་པ་ངོ་མ་རེད། རྩོམ་པ་པོ་མཐུན་ཚོགས་ཀྱིས་ཨ་མདོ་ཁྲི་ཀ་ནས་ཡིན་པའི་གནམ་ལྷ་ཟེར་བ་ཞིག་ལྐོག་ཚོང་ལྟ་བུར་ཕོ་ལེན་གྱི་ཚོགས་འདིར་བཏང་ཡོད་པ་དང་། ཁོང་ད་ལྟ་ཕྱིར་མ་ཡོང་བར་ཧྥ་རན་སིར་བསྡད་ཡོད་པ་རེད་ཟེར། ཡང་ཀུན་ཐར་དོན་འགྲུབ་ཀྱིས་ལོ་འགའི་སྔོན་ཨང་ལན་དུ་སྙན་ངག་འདུ་ཚོགས་ཤིག་འཚོགས་བོད་ཀྱི་རྩོམ་པ་པོའི་ཚོགས་མིའི་འགྲོན་ཤོག་མི་གཞན་དུ་བཙོང་ཡོད་པའི་སྐད་ཆ་འདུག བོད་རྩོམ་པ་པོའི་མཐུན་ཚོགས་འདི་འཛུགས་མཁན་བླ་བྲང་སྐལ་བཟང་། ལྷ་མོ་སྐྱབས་སོགས་མི་སྐོར་ཞིག་ལྐོག་འབྲེལ་གྱིས་རྒྱང་འཕུད་བཏང་སྟེ། ཁུངས་ལུང་ཡོད་མེད་ཀྱི་སྐད་ཆ་མང་བོ་ལབ་ནས་ད་ལྟ་བོད་ཀྱི་རྩོམ་པ་པོ་མཐུན་ཚོགས་ཀྱི་ལག་ནས་འཕྲོག་ཐུབ་པ་བྱུང་ཡོད་པ་རེད། ད་ཁོང་ཚོའི་བྱ་སྤྱད་ལ་བལྟས་ན་བླ་བྲང་སྐལ་བཟང་ལས་སྡུག་ཏུ་སོང་ཡོད་པ་ཞིག་མཐོང་སོང་། ལྷ་མོ་སྐྱབས་དང་ཀུན་ཐར་དོན་འགྲུབ་སོགས་ཀྱི་སྐབས་ཕྱི་རྒྱལ་དུ་བཏང་བ། ཐུབ་བསྟན། ཟླ་བ་ཚེ་རིང་། བསམ་གཏན། བཀའ་ཐུབ་རྒྱལ་གྱི་ཆུང་མ་སོགས་རེད། ཁོང་ཚོ་ཐོག་དང་པོར་རྩོམ་པ་པོའི་མཐུན་ཚོགས་ནང་དུ་ཧིན་སྒོར་འབུམ་གཅིག་འཇོག་རྒྱུ་བྱས་ཡོད་ཀྱང་། ཁ་ཤས་ལག་ནས་སྒོར་འབུམ་གཅིག་རེ་ཡང་ལེན་ཐུབ་མེད་ཚོད་འདུག འདི་ཚོར་སྐད་ཆ་འདྲི་དགོས་པ་ཞིག་རེད། རྩོམ་པ་པོ་མཐུན་ཚོགས་བོད་སྤྱི་དང་ཚོགས་མི་ཚོར་ཐོབ་ཐང་ཡོད་པའི་ཚོགས་པ་ཞིག་ཡིན་ན། ངེས་པར་དུ་འདིར་ཞིབ་འཇུག་ཡག་པོ་གནང་དགོས་པ་ཞིག་རེད། ཡང་ལྷ་མོ་སྐྱབས་དང་ཀུན་ཐར་དོན་འགྲུབ་གཉིས་ཀྱི་སྒེར་གཉེར་ལྟ་བུ་ཡིན་ན། གནས་ཚུལ་གཞན་རེད། དེ་མིན་བོད་མི་རིགས་ལ་བརྙས་བཅོས་མ་གཏོང་བཞིན་པའི་བཟོ་འདྲ་བོ་ཞིག་མཐོང་སོང་བས། མཚམས་འཇོག་དང་གསལ་བཤད་ཡག་པོ་བྱས་ན་ཡག་པོ་རེད་འདོད།
བུ་མོ་ཆུང་ཆུང་ལགས། ཁྱོད་རང་སྐུ་ངོ་སུའི་ལྕམ་ཆུང་ཡིན་ནའང་ཡིན་གང་ལྟར་ཁྱོད་རང་གིས་གང་ཞིག་ཤོད་རྩིས་ཡོད་པ་ཡག་པོ་ཞིག་གོ་ཐུབ་ཀྱི་མི་འདུག་ཀྱང༌གཏན་གཏན་སྐྱུག་བྲོ་བ་ཞིག་བྲིས་ཡོད་ས་རེད། བཙན་བྱོལ་བོད་གཞུང་གི་སྤྱི་འཐུས་བྱེད་མི་ཐུབ་པའི་སྤྱི་འཐུས་དེ་ཚོ་ལྟར་རང་ཉིད་ཁ་ཕོར་རྩོད་ཀྱི་ཡོད་པ་འདྲ། འོན་ཀྱང་ཡིད་སྐྱོ་བ་ཞིག་ལ་གཞིས་ལུས་བོད་རིགས་སྤུན་ཟླ་རྣམས་མཆོད་མེད་རྐང་རེ་མཉམ་དུ་བློ་ཕམ་དང་བཅས་ཞིང་དུ་གཤེགས། བོད་མིའི་བསྟན་སྲིད་ཀྱི་ཆེད་རང་སྲོག་བློས་གཏོང་མཁན་དཔའ་བོ་དཔའ་མོ་ཚོས་ང་ཚོའི་བྱེད་སྟངས་སྐྱུག་མེར་ལངས་པ་དེ་དག་མཐོང་ཚེ་རྣམ་ཤེས་བར་རྡོའི་འཕྲང་ལམ་ནས་སྒུག་སྡོད་ཀྱི་རེད།
རི་བོང་བློ་ལྡན་གྱིས་བཤད་པ་ལྟར་བོད་མིའི་བསྟན་སྲིད་ཀྱི་ཆེད་རང་སྲོག་བློས་གཏོང་མཁན་དཔའ་བོ་དཔའ་མོ་ཚོས་ང་ཚོའི་བྱེད་སྟངས་སྐྱུག་མེར་ལངས་པ་དེ་དག་མཐོང་ཚེ་རྣམ་ཤེས་བར་རྡོའི་འཕྲང་ལམ་ནས་སྒུག་སྡོད་ཀྱི་ཡོད་ན་དང་པོ་བོད་ཀྱི་རྩོམ་པ་པོ་མཐུན་ཚོགས་ཀྱི་ཚོགས་གཙོ་གསར་རྙིང་གཉིས་སོགས་གསར་བུ་རྐྱལ་སྟོང་དེ་ཚོ་ཐར་ཐབས་དཀའ་བ་རེད།
ཨ་ཁ་ཁ་ ང་ཧོར་གླིང་གཡུལ་འགྱེད་ནང་སླེབས་འདུག ད་ཡིན་དཔེ་སག་སོང༌། ངས་ཨ་སྟག་ལྷ་མོར་ཁ་རྩེད་པ་འདྲ། ཤན་པ་མེ་རུ་རྩེ་ཁོས་ང་མཐར་པར་གཏོང་མི་སྲིད། ང་ནི་ཟླ་བའི་ལྷ་མོར་སྐྱབས་བཅོལ་ཞུ་བར་འགྲོ་གི་ཡིན་ནོ༎ bye bye
ཨ་རོགས་ཀླུ་སྨྱོན་ཁ་བ་དཀར་བོ། སུས་ཁྱེད་ལ་བརྙས་བཅོས་བྱས་སོང་། ང་ལ་གསལ་བོར་གསུངས་དང་ངས་ཁོང་ཚོ་འཆོར་གི་མི་འཇུག་ཁོ་ཐག་ཡིན།།།།
ལྕམ་ཆུང་ ? ? ? ?… ད་ཡིན་ན་བོད་རྙིང་པའི་རྐུབ་དྲེག་ རྐུ་ངོ་ཟེར་བ་དང་དེ་ཚོའི་ལྕམ་ཆུང་ཚོར་གཞན་གྱིས་སྟོད་ཁན་མེད་པ་ ཨུ་ཐུག་ནས་རང་གིས་རང་སྐྱགས་ སྐྱག་པའི་རྐུབ་སྐྱགས་དགོས་པའི་དུས་ལ་སླེབས་ཟིན་ནི་ཡ་ རྙིང་རྗེ་ སྒང་བུར་ཕུ་རྒྱབས་ནས་སྦོས་ནི་བཞིན་སྤོབས་པའི་སྦོས་སྡད་པའི་ལྕམ་ཆུང་ཞིག་ཡིན་ནི་རེད་
ངས་བལྟས་ན་ལྕམ་ཆུང་དེ་ཕྲག་དོག་གིས་ར་བཟི་བསྡད་པ་ཞིག་ཡིན་པ་འདྲ། སྐད་ཆ་ཆོ་མེད་ལུང་མེད་རྐྱང་རྐྱད་བཤད་ཀྱི་འདུག གཅིག་བྱས་ན་ཁོ་ལྷོ་ཕྱོགས་ནས་རྡ་ས་བར་དུ་ཁོ་རང་ལམ་འགྲོ་མ་རྒྱུགས་པའི་ན་ཚ་དྲག་པོས་གཟུར་ཏེ་རྒྱུགས་འདུར་བྱེད་བཞིན་ཡོད་པ་འདྲ། དམིགས་ཀྱིས་ཁོ་གནམ་ལྷ་ཟེར་མཁན་དེ་ལ་འགྲན་སེམས་སམ་སྙིང་ནད་ཅིག་ཡོད་འདོག་འདུག ངས་བསམ་པར་མི་སྒེར་གྱི་འཁོན་སེམས་སྤྱི་བའི་གླེང་སྟེགས་ཐོག་ཁྱེར་མ་ཡོང་ཟེར་རྒྱུ་ཡིན། མ་ཟད་ཀླུ་སྨྱོན་གྱི་རྩོམ་འདིའི་མཆན་ལ་ཁྱེད་ཀྱི་ཁ་ཕྱོགས་དང་བརྗོད་གཞི་ནོར་ནས་མཆན་བཏབ་འདྲ།