རེབ་ཐོག་མདའ།
རུས་རྐང་ལ་ཟུག་པའི་སྐར་མ་ཞིག
ལོ་ཟླ་ཞིག་གི་ཁུགས་ནས་སྨིན་ཞིང་
འཚོ་བ་ཞིག་གི་རུམ་ཁ་ནས་བཏུས་པས
སྐར་མ་ཞིག ཁ་སང་ངེད་ཚང་ལ་བག་མར་བསུས་ཡོད་སྐད
རུས་པའི་སྐར་མ
རུས་པའི་གཏིང་ནས་བཞུར་བའི
མི་བུ་ཞིག་གི་སེམས་གཏམ་དང
མཛའ་མོ་ཞིག་གི་བརྩེ་བ་གླེང་མཁན་གྱི་ཁྱོད
ཀ་ཁ་སུམ་ཅུའི་ཚེ་སྲོག་གིས་བཞེངས་པ་བདེན་ནམ
བདུན་པའི་ཚེས་དྲུག
བདག་གིས་ཁྱོད་སེམས་པའི་ཟབ་ས་ཞིག་ནས་གླེང་བཞིན
མྱི་ཚོགས་ཀྱི་གསེང་ནས་འཚོལ་དུས
ཧ་ཅང་ཉམ་ཆུང་བའི་ཆུང་ཁྱོད
ཚོགས་སྡེ་འདིའི་རྨི་ལམ་དུ་འཁྲུངས་མི་འདུག་པས
མཛའ་མོ་ཞིག་གི་མིག་ཆུ་འདྲ་བའི
ཆར་ཆུས་ཁྱོད་ལ་མྱ་ངན་བྱེད་ཀྱིན་འདུག
ཀ་ཁ་སུམ་ཅུ་ཁྱོད་ཀྱི་རུས་རྐང་ལ་འཐིམ་ཡོད་ཀྱང
ཕ་སྐད་ལ་དུང་བ་བོར་བའི
ཕྱི་སྐད་ལ་ལུས་སེམས་མཁྲེང་བའི
སྡེ་ཆེན་པོ་འདི་ན
ཁྱོད་ཀྱི་ལང་ཚོའི་རིན་ཐང་མཐོང་མཁན་ཀྱི་མིག་ཟུང་ག་ཚོད་ཡོད་དམ
རུས་པའི་སྐར་ཆེན
ཁྱོད་ལ་སྒེར་ཚུགས་ཀྱི་འོད་སྣང་ཡོད་པས
ཁྱོད་ལ་རིགས་ཞེན་ཀྱི་དུང་བ་ཟབ་པས
ང་དང་ངའི་ཕུ་ནུ་ཚོས
ཁྱོད་ཀྱི་ལང་ཚོ་མིག་གིས་ཀློག་བཞིན
སེམས་ཀྱིས་མྱོང་གིན་ཡོད
རུས་པའི་སྐར་མ སྙན་ངག་པ་ཞིག་གི་སེམས་ནས་མཆེད་པའི་འོད་སྣང་ཡིན་ལ
གཞོན་ནུ་ཞིག་གི ཚེ་སྲོག་གིས་བཞེངས་པའི་ཀ་ཁ་སུམ་ཅའི་རྡོ་རིང་ག་ལ་མིན
ཕྱི་ལོ ༢༠༡༣ ལོའི་ཟླ ༧ ་ཚེས ༨ ཉིན་དཔེ་མཛོད་ནས་བྲིས།
སྙན་ངག་པས་་་་་་༸རྒྱལ་བའི་སྐུ་འཁྲུངས་སྐར་ཉིན་མོའི་སྣང་ཚུལ་དེ་
སྙན་ངག་གིས་གསོན་ཉམས་སུ་བཞེངས་འདུག སྙན་ངག་འདིའི་བརྗོད་གཞི་་་་་་འཁྲུངས་སྐར་དུས་ཆེན་དུ་འཛོམས་པའི་མི་ཚོགས་ཀྱི་བྱ་སྤྱོད་ཡིན་ཞིང་། བྱ་སྤྱོད་དེ་སྙན་ངག་པའི་ཐུགས་སེམས་དང་ཡེ་ནས་མི་མཐུན་པའི་ངན་སྤྱོད་ཅིག་རེད།