སྤོབས་པ་མཐའ་ཡས།
མཐོན་པོའི་རྭ་མགོ་དམའ་མོའི་རྐང་སྣེ་སོགས།།
གང་ལ་ཕོག་ཀྱང་འཛེམས་ཟོན་མ་མཆིས་པར།།
རང་བཙན་གཏམ་གྱི་སྒྱོགས་ཆེན་འཕེན་ནུས་པའི།།
མི་དེ་གང་ན་བཞུགས་པ་དེར་ཕྱག་འཚལ།།
ཆེན་པོའི་མིང་དང་གཉན་པོའི་གོ་ས་སོགས།།
གང་ཡང་མེད་ཀྱང་རང་དབང་རང་བཙན་གྱི།།
རེ་བ་གཙང་མ་ཁྱེར་ནས་ཤི་བའི་རོའི།།
རུས་ཀོང་དཀར་པོ་ཡང་ཕྱག་བྱའི་ཡུལ།།
རང་བཙན་གཙང་མ་ཤི་བོའི་ཁ་ཆེམས་ཡིན།།
རང་བཙན་གཙང་མ་གསོན་པོའི་རེ་བ་ཡིན།།
རང་བཙན་སྙིང་སྟོབས་གས་ཆག་མེད་པ་དག།
གངས་སེང་དཀར་མོའི་བུ་ཞེས་གཟེངས་བསྟོད་དོ།།
རང་ཡུལ་རྒྱབ་ཏུ་བོར་བའི་སྐྱབས་བཅོལ་བ།།
མི་ཡུལ་དང་དུ་བླངས་པའི་བཙན་བྱོལ་བ།།
སྐྱིད་སྡུག་མི་ཚེའི་བཟང་ངན་ཅི་བྱུང་ཡང་།།
རང་བཙན་རེ་བ་སྙིང་གི་རྒྱན་དུ་ཆོངས།།
རང་བཙན་གླེང་ན་སྡུག་རྒྱུ་མ་མཆིས་ཤིང་།།
དབུ་མ་གླེང་ན་བཟང་རྒྱུ་མ་མཆིས་པར།།
རྒྱ་དམར་བཙན་པོའི་དབྱུག་པས་ལེབ་རྡུང་རེད།།
རང་མགོ་རང་གི་མ་གཡོག་བོད་མི་ཚོ།།
རང་བཙན་ཐོབ་ཐང་སྲིད་པའི་གངས་རི་ཡིན།།
དབུ་མའི་སྲིད་ཇུས་མདངས་སྐྱེས་བ་མོ་ཡིན།།
གངས་སེང་དཀར་མོའི་འཁོར་ཁྱིམ་མ་ནོར་བར།།
བདེན་གཏམ་གད་རྒྱངས་དུས་དང་དུས་སུ་སྒྲོགས།།
རང་བཙན་ཡོད་པ་བོད་ཀྱི་གསོན་ལམ་ཡིན།།
རང་བཙན་མེད་པ་བོད་ཀྱི་འཆི་ལམ་སྟེ།།
བར་མ་དོ་རུ་འགྲོ་ལམ་གསུམ་པ་མེད།།
འདི་ལ་བོད་ཀྱི་སྐྱེ་འཆིའི་རྣམ་བཞག་ཟེར།།
རང་བཙན་ལེན་ལ་རེ་བ་ཆུང་ན་ཡང་།།
དབུ་མའི་ལམ་འདི་དེ་བས་རེ་བ་ཆུང་།།
རང་བཙན་ལེན་ལ་གྲ་སྒྲིག་མེད་ན་ཡང་།།
དབུ་མའི་ལམ་འདིར་དེ་བས་གྲ་སྒྲིག་མེད།།
རང་བཙན་གཙང་མ་བླ་མའི་ཞལ་ལུང་མིན།།
རང་བཙན་གཙང་མ་དཔོན་པོའི་བཀས་བཅད་མིན།།
རང་བཙན་གཙང་མ་བོད་མིའི་མངོན་འདོད་ཡིན།།
མངོན་འདོད་བཙན་གྱིས་སྦས་ལ་དགོས་པ་ཆུང་།།
དབུ་མ་ཟེར་བའི་དབུ་ཡོམ་འཁོར་སྤྱད་དང་།།
ཞི་མོལ་ཟེར་བའི་ཞུ་གསོལ་འདེབས་པ་དང་།
གཉིས་སྨན་ཟེར་བའི་གཡང་འབོད་ཁ་སྨོན་དག།
བོད་མི་རེ་བས་ཕུང་བའི་བདེན་དཔང་ཡིན།།
རང་མགོ་མི་ལ་ཤོར་ཡང་སེམས་མ་ཞུམ།།
རང་ཡུལ་དགྲ་ལ་ཤོར་ཡང་བག་མ་འཁུམས།།
རང་བཙན་རེ་བའི་མེ་རོ་མ་འདོར་དང་།།
རླབས་ཆེན་རྒྱལ་ཁབ་ཅིག་གི་ཤུལ་འཛིན་ཡིན།།
སྐྱེ་བ་ཀུན་དུ་རང་བཙན་གཙང་མ་དང་།།
འབྲལ་མེད་སྲིད་ཀྱི་དཔལ་ལ་ལོངས་སྤྱོད་ཅིང་།།
སྲིད་འབྱོར་རིག་པའི་ཡོན་ཏན་ཡོངས་རྫོགས་ནས།།
འདྲ་མཉམ་ཞི་བདེའི་གོ་འཕངས་མྱུར་ཐོབ་ཤོག།
ཞལ་ནས་རང་བཙན་སྤྱི་དོན་ཡོད་ཁུལ་སྨྲ།།
ཁོག་ནས་ནང་དཀྲུགས་ཁྲག་གི་འཁོར་ལོ་བསྐོར།།
ཆགས་སྡང་དུག་གིས་བཟི་བའི་བློ་ཡོན་གང་།།
བོད་པའི་སྤྱི་དོན་མི་འཛའ་ཁ་རོགས་བཞུགས།།
མཐོན་པོའི་རྭ་མགོ་དམའ་མོའི་རྐང་སྣེ་མ་ཟིན་པའི།
ཟུར་ཟས་ཚིག་འདུ་དངོས་སུ་མ་གླང་རྒྱབ་ན་ཡོད།
ཀོ་རྒྱུས་ཚིག་དེ་སྤྱི་འཚོག་ཀྲིག་པའི་རྒྱུ་ཡིན་པའི།
བསམ་ལྡན་བོད་མའི་དང་ལེན་བྱེད་པ་གང་ན་ཡོད།
རང་བཙན་མི་དྲན་མདང་སྐྱེས་བྱིས་པ་མེད། །
རང་བཙན་མི་དགོས་དགོང་ཤི་རྒན་ཁོག་མེད། །
རང་བཙན་མ་ཎི་བཞིན་དུ་སྒྲོག་ན་ཡང་། །
རང་བཙན་མི་ལེན་ལྐོག་ནས་གླེང་འདི་སྐྱོ། །
བླུན་པོ་ཆུ་སྣ་གར་ཁྲིད་འགས། །
ཐོབ་རྒྱུའི་མེད་པའི་རང་བཙན་དེ། །
རྩོད་པའི་ཟོལ་གྱིས་གཞུང་དམངས་པར། །
དཀྲིག་ཤིང་བྱས་པར་བློ་ཕམ་གནས། །
རང་བཙན་བོད་ཀྱི་སྲོག་ཤིང་ཡིན།།
དབུ་མ་དགྱ་ཚོའི་དགོས་མཁོ་ཡིན།།
རང་བཙན་བོར་ན་རང་ཉིད་བརླགས།།
དབུ་ལམ་ཐོབ་ཀྱང་མགོ་ཤོར་ཡིན།།
དགྱ་དང་མཉམ་འོག་གང་ཡིན་ཡང་།།
གཤིན་རྗེའི་འཕྲང་ལམ་འབའ་ཞིག་རེད།།
མཁའ་ལ་སྤྲིན་ཚོགས་གང་འཁྲིགས་ཀྱང་།།
ཉི་འོད་བསྒྲིབ་པར་ཁྱད་པར་མེད།།
རང་བཙན་དཀའ་རྒྱུ་དབུ་མར་སླ་རྒྱུ་སྤུ་ཙམ་མེད།
རང་བཙན་རྒྱབ་མེད་དབུ་མར་རྒྱབ་སྐྱོར་ངོ་ཐོག་མེད།
རང་བཙན་རིང་ལམ་དབུ་མར་ཉེར་ལམ་རྒོད་མོའི་གནས།
རང་བཙན་དོར་ནས་དབུ་ལམ་གླེང་ནས་དམར་པོར་སྒྱུར།
དབུ་མའི་ལམ་པས་རང་བཙན་པ་ལ་དགྲ་ལས་སྡང་།
དབུ་མའི་ལམ་པས་བོད་མིའི་དཀའ་སྡུག་དྲག་ཏུ་བཏང་།
དབུ་མའི་ལམ་པས་དབུ་ལམ་འགྲེལ་བཤད་བོད་ལ་རྒྱབ།
དབུ་མའི་ལམ་པས་ངན་ཁག་ཡོད་ཚོད་རང་མིར་སྒྱུར།
རང་བཙན་དབུ་མའི་སྒྲིག་ལམ་གང་ཡིན་ཡང་།
བོད་ཀྱི་ལུགས་བཟང་མ་སྣུབ་སྲུང་དགོས་ལགས།
དེ་ཉིད་སིལ་བུར་གཏོར་ན་འབྱུང་ཐབས་མེད།
ཐོག་མརསྐད་གཅིག་དགོས་པ་གཙོ་བོ་ཡིན།།
དེང་སྐབས་རང་བཙན་རེག་ཀྱང་ཁམས་དང་ཨམ་མདོ་གཉིས། །རྒྱ་འོག་ཐར་ཐབས་མེད་པའི་གནད་དོན་རིང་མོ་འདི། །ཉེ་ཆར་གོང་ས་མཆོག་གིས་གསལ་བར་གླེང་མོད་ཀྱང་། །ཆབ་སྲིད་ཉམས་མྱོང་མེད་པའི་གླེན་རྟགས་འདི་མཚར་རོ། །
དབུ་ལམ་ཅན་ཚོར་རེ་བ་གཏན་མེད་དེ།།
དབུ་ལམ་ཅན་ཚོའི་ད་ལྟའི་ལས་འདིས་ཤེས།།
དབུ་ལམ་ཅན་ཚོ་སྐད་ཡིག་ར་མ་ལུག །
དབུ་ལམ་ཅན་ཚོ་བདེན་ལས་དམཪ་དངུལ་བྲིན།།
རང་བཙན་བརྗོད་ཀྱང་དྲག་ལས་ཡིན་དགོས་མེད།།
རང་བཙན་བདེན་དོན་བོད་ཀྱི་ལྕགས་རི་ཡིན།།
རང་བཙན་ཐ་སྙད་མེས་པོའི་ཞལ་ཚེམས་ཡིན།།
རང་བཙན་ནོར་བུ་བོད་མིའི་གཙུག་རྒྱན་ཉིད།།
སྤྱང་ཀིའི་རྣ་བར་ཆོས་བཤད་ཇི་བཞིན་དུ།།
རྒྱ་མགོའི་འོག་ན་ནམ་ཡང་དྲང་བདེན་མེད།།
དེ་ཕྱིར་རྒྱ་མགོ་བོད་མགོར་མི་བསྐོན་པཪ།།
མེས་པོའི་གསུང་དྲོན་ལོ་རྒྱུས་རྒྱུན་སྲིངས་ཤིག །
རང་བཙན་གླེང་ན་ཐར་ལམ་སྟོན་དགོས། །
རང་བཙན་གླེང་ན་ལོ་རྒྱུས་རྟོགས་དགོས། །
རང་བཙན་གླེང་ན་ཆབ་སྲིད་ཤེས་དགོས། །
རང་བཙན་གླེང་ན་འཐབ་རྩོད་བྱེད་དགོས། །
རང་བཙན་གླེང་ན་སྙིང་སྟོབས་ཆེ་དགོས། །
རང་བཙན་གླེང་ན་བློས་བཏང་ཡོད་དགོས། །
རང་བཙན་གླེང་ན་མི་རྒྱུ་ཡོད་དགོས། །
རང་བཙན་གླེང་ན་ནང་ཁུལ་མཐུན་དགོས། །
རང་བཙན་གླེང་ནས་རང་དོན་སྒྲུབ་མཁན། །
རང་བཙན་གླེང་ནས་ནང་ཁུལ་དཀྲུག་མཁན། །
རང་བཙན་གླེང་ནས་གླེན་རྟགས་བྱེད་མཁན། །
རང་བཙན་གླེང་ནས་ཕན་པ་ཅི་ཡོད། །
སྤོབས་པ་མཐའ་ཡས་ཀྱིས། མཐོན་པོའི་རྭ་མགོ་དམའ་མོའི་རྐང་སྣེ་སོགས།།
གང་ལ་ཕོག་ཀྱང་། ཞེས་པའི་མཐོན་པོའི་རྭ་མགོ་དག གང་དང་གང་ཡིན་ངོས་འཛིན་གསལ་བོ་ཞིག་བྱེད་ཐུབ་ཀྱི་ཡོད་དམ།
མཐོན་པོའི་དཔོན་དང་དམའ་མོའི་རྒྱུགས་ཁྱི་སོགས།
སུ་ཡིས་བརྙས་ཀྱང་ཕྱིར་ནུབ་མ་མཆིས་པར།
རང་བཙན་དར་ཆ་དགོང་ལ་ཕྱར་ནུས་པའི།
བུ་དེ་གང་ན་བཞུགས་ཀྱང་དེར་ཕྱག་འཚལ།།
ཆེན་པོའི་རྒྱུ་དང་སྙན་པའི་གྲགས་པ་སོགས།
གང་ཡང་མེད་ཀྱང་རང་དབང་རང་བཙན་གྱི།
འཐབ་རྩོད་སེམས་ཤུགས་ཁྱེར་ནས་ཤི་བའི་ཪོའི།
རུས་དཀར་ས་ལ་འཐིམ་ཀྱང་བཀུར་བའི་ཡུལ།།
རང་བཙན་གཙང་མ་བོད་མིའི་རང་དབང་ཡིན།
རང་བཙན་གཙང་མ་བོད་མིའི་ཐོབ་ཐང་ཡིན།
རང་བཙན་གཙང་མ་སེམས་ལ་ཡོད་མཁན་ཚོ།
མི་དབང་སྲོང་བཙན་སྒམ་པོའི་བུ་རྒྱུད་ཡིན།།
སྤོབས་པའི་སྙན་ངག་འདི་ངོ་མ་སྙན་པོ་བྱུང་། ཐུགས་རྗེ་ཆེ་ཞུ་རྒྱུ་ཡིན།
མཐོན་པོའི་དཔོན་དང་དམའ་མོའི་རྒྱུགས་ཁྱི་སོགས།
སུ་ཡིས་བརྙས་ཀྱང་ཕྱིར་ནུབ་མ་མཆིས་པར།
རང་བཙན་དར་ཆ་དགུང་ལ་ཕྱར་ནུས་པའི།
བུ་དེ་གང་ན་བཞུགས་ཀྱང་དེར་ཕྱག་འཚལ།།་་ཞེས་བཅོས་རོགས་བྱོས།།
དབུ་མ་རང་བཙན་ཁ་རི་བླང་ནས་འཚོ་སྒྲུབ་སྨའ་བའི་རིག་པའི་ལམ་ནས་གཏམ་བཤད་གནང་བ་ང་ཡིས་ཐོས་སོང་།
ཆོད་ཀ་གསུམ་པོ་གང་ཡིན་མ་ཤེས་རྒྱལ་སྤྱི་འགྲོ་སྟང་དེ་རེ་ཁོ་རེ་འབྲེལ་བཤད་མང་བའི་སེམས་དངོ་འཁྲུག་སོང་།
སྐྱེ་བ་ཀུན་ཏུ་དབུ་མའི་ལམ་བཟང་དང་།།
བྲལ་མེད་རྒྱལ་བའི་བཀའ་བཞིན་བསྒྲུབ་འགྱུར་ཅིང་།།
གཞིས་བྱེས་ལྷན་འཛོམས་ཉིན་བྱེད་མྱུར་ཤར་ནས།།
གནའ་དེང་ཤེས་བྱའི་དཔལ་ལ་ལོངས་སྤྱོད་ཤོག།
རྒྱ་ནག་ལ་མགོ་བཏགས་ན་གཞི་བྱིས་མཉམ་གནས་ཡོང་གི རེད།
དབུ་མའི་ལམ་ལ་སྤྱོད་ནས་བོད་ས་ཡོངས་རྫོགས་བཙན་ཁང་གྱུར་སོང་།
དབུ་མའི་ལམ་ལ་སྤྱོད་ནས་བོད་མི་ཡོངས་རྫོགས་བཙན་པར་བཟོས་སོང་།
དབུ་མའི་ལམ་ལ་སྤྱོད་ནས་རྒྱ་དམར་ཚང་ལ་སྤྲེད་ལེད་བཤད་ཀྱང་།
དབུ་མའི་ལམ་ལ་སྤྱོད་པས་དམར་པོའི་གཞུང་གིས་དགོས་དོན་གྲུབ་སོང་།
ལམ་དབུས་མ་མ་སྐྱེས་མི་ལོ་ཉི་ཤུ་ལྷག་གི་སྔན་ནས་བོད་ལུང་པ་དགྲ་ལག་དུ་ཤོར་སིན་པ་ད་དུང་ཧ་གོ་གྱིན་མེད་པས།
རང་བཙན་ལ་སུ་ཡིན་ན་དགའ་ནི་རེད་། འོན་གྱང་གནས་བབས་དང་འགྱུར་ལྡོག་ལ་མ་ལྟས་ན་། བྱ་སྒོང་རྡོ་ལ་བརྒྱབ་པ་དང་གཅིག་མཚུངས་སོ།
དབུ་མའི་རྒྱབ་ལ་ཨ་ཡོ་རྒྱ་གར་ཡོད་ཟེར།
རང་བཙན་རྒྱབ་ལ་མི་བུ་གཅིག་ཀྱང་མེད་ཟེར།
དཔའ་བོ་བརྒྱ་དང་བཅོ་བརྒྱད་བསྲེགས་ཐལ།
བོད་ཡུལ་ཡོངས་རྫོགས་བཙོན་ཁང་བསྒྱུར་ཐལ།
ང་དགུའི་དྲག་གནོན་སླར་ཡང་དར་བྱུང་།
དབུ་མའི་ལམ་ནི་ཤར་རེ་སྤྱོད་སོང་།
རང་བཙན་མགོ་ནི་ནང་ཐོས་བརྡུངས་སོང་།
དངོས་སུ་དབུ་མའི་རྒྱབ་ལ་སྐྱོར་མཁན་ཡོད་ན།
བོད་འབངས་སྡུག་བསྔལ་མྱུར་དུ་སེལ་ཕྱིར།
མ་ཐོགས་ད་ལྟ་ཉིད་དུ་ཁྲིད་ཤོགས།
དབུ་མའི་ལུགས་འདི་ཡེ་ཤེས་དབྱེངས་སྤྱད་ཡིན་ཟེར།
རིང་པོར་མི་ཐོགས་འགྲུབ་པའི་ལས་ཞིག་ཡིན་ཟེར།
རང་བཙན་ལུགས་ནི་ཐོབ་མེད་སྟོང་གཏམ་རེད་ཟེར།
དེའི་དོན་ནི་དགྱ་ཡི་དགོས་མདུན་ཡོད་ཚད་ཀུན།
ག་ལེ་རིམ་བཞིན་སྒྲུབ་རྩིས་ཡིན་པར་སེམས་སོ།
རང་བཙན་རང་བཙན་ཟེར་བ།།
དོན་ལ་ས་རྩོད་ཆུ་རྩོད།།
ས་རྩོད་ཆུ་རྩོད་ཆེད་དུ།།
ཚེ་སྲོག་ཤོར་དུ་མ་འཇུག།
ཁ་ནས་རང་བཙན་ལབ་ནས།།
དོན་ལ་མི་སྲོག་བརླགས་སོང་།།
རང་ཉིད་གལ་ཆེན་ཡིན་བཞིན།།
གཞན་སྲོག་གལ་ཆེན་ལོས་ཡིན།།
སེམས་ཀྱི་འཁོར་རྒྱ་ཆུང་བ།།
རྒྱལ་སྤྱིའི་གོ་རྟོགས་དམའབ།།
ཕུགས་རྒྱང་ཐུང་བའི་མི་ཡིས།།
ཁ་ནས་རང་བཙན་བཤད་སོང་།།
རང་བཙན་ཡོད་ལ་བླངས་ཤོག།
གཞན་ལ་འཁང་ར་མ་བྱེད།།
བུ་ལ་ཡོན་ཏན་ཡོད་ན།།
དགའ་ལྡན་ཁྲིད་དེ་སྤྲད་ཆོག།
སངས་རྒྱས་གྲངས་མེད་བྱོན་ཡང་།།
ཁྱེད་ཚོའི་ཁ་དེ་མ་ཆོད།།
རྒྱལ་བ་དོན་གྱིས་བདག་པོས།།
ཁྱེད་ཚོའི་ཁ་དེ་མ་ཆོད།།
སློབ་དཔོན་ཟམ་གདོང་དེ་ཡིས།།
ཁྱེད་ཚོའི་ཁ་དེ་མ་ཆོད།།
མཁས་དབང་བློ་བཟང་སེངྒེས།།
ཁྱེད་ཚོའི་ཁདེ་མ་ཆོད།།
ངོ་ཚ་མེད་པའི་མི་ལ།།
བཤད་ཀྱང་གོ་རྒྱུ་མི་འདུག།
ཧམ་སེམས་ཅན་གྱི་མི་ཚོའི།།
འདོད་པ་རི་ལས་མཐོ་བ།།
རང་བཙན་རང་བཙན་ཟེར་བ།།
དོན་ལ་ས་རྩོད་ཆུ་རྩོད།།
ས་རྩོད་ཆུ་རྩོད་ཆེད་དུ།།
ཚེ་སྲོག་ཤོར་དུ་མ་འཇུག།
ཁ་ནས་རང་བཙན་ལབ་ནས།།
དོན་ལ་མི་སྲོག་བརླགས་སོང་།།
རང་ཉིད་གལ་ཆེན་ཡིན་བཞིན།།
གཞན་སྲོག་གལ་ཆེན་ལོས་ཡིན།།
སེམས་ཀྱི་འཁོར་རྒྱ་ཆུང་བ།།
རྒྱལ་སྤྱིའི་གོ་རྟོགས་དམའབ།།
ཕུགས་རྒྱང་ཐུང་བའི་མི་ཡིས།།
ཁ་ནས་རང་བཙན་བཤད་སོང་།།
རང་བཙན་ཡོད་ལ་བླངས་ཤོག།
གཞན་ལ་འཁང་ར་མ་བྱེད།།
བུ་ལ་ཡོན་ཏན་ཡོད་ན།།
དགའ་ལྡན་ཁྲིད་དེ་སྤྲད་ཆོག།
སངས་རྒྱས་གྲངས་མེད་བྱོན་ཡང་།།
ཁྱེད་ཚོའི་ཁ་དེ་མ་ཆོད།།
རྒྱལ་བ་དོན་གྱིས་བདག་པོས།།
ཁྱེད་ཚོའི་ཁ་དེ་མ་ཆོད།།
སློབ་དཔོན་ཟམ་གདོང་དེ་ཡིས།།
ཁྱེད་ཚོའི་ཁ་དེ་མ་ཆོད།།
མཁས་དབང་བློ་བཟང་སེངྒེས།།
ཁྱེད་ཚོའི་ཁདེ་མ་ཆོད།།
ངོ་ཚ་མེད་པའི་མི་ལ།།
བཤད་ཀྱང་གོ་རྒྱུ་མི་འདུག།
ཧམ་སེམས་ཅན་གྱི་མི་ཚོའི།།
འདོད་པ་རི་ལས་མཐོ་བ།།
དབུ་མ་དབུ་མ་ཟེར་མཁན་ཨམ་མདོ་ཡིན་
དེ་ལ་དབུ་མ་ཟེར་བས་རྒྱུ་མཚན་གཉིས་
དང་པོ་་ཏ་ལས་ཕ་ཡུལ་གཅིག་པ་ཡིན་
གཉིས་པ་བོད་རིགས་ཙམ་ལས་བོད་པ་མིན་
རང་བཙན་རང་བཙན་ཟེར་མཁན་ཁམས་པ་ཡིན་
དེ་ལ་རང་བཙན་ཟེར་བས་རྒྱུ་མཚན་གཉིས་
དང་པོ་མེས་པོས་བཞག་པའི་ཁ་ཆེམ་ཡིན་
གཉིས་པ་རང་གིས་འདོད་པའི་མངོན་འདོད་ཡིན་
ང་རང་ཨ་མདོ་བ་ཡིན་ཡང་ནམ་ཡང་རང་བཙན་ལ་རྒྱབ་སྐྱོར་བྱེད་མཁན་ཡིན། ཁམས་པ་བ་ཚང་མ་རང་བཙན་རྩོད་མཁན་ཨེ། བོད་སོག་ལས་ཁུངས་ནང་འགྲོ་མཁན་ཕལ་ཆེར་བ་ཁམས་པ་དང་། རྒྱ་དམག་བོད་འདྲེན་མཁན་ཕུན་དབང་ཏེ། ཁམས་པ་བ་ཡིན་ཕཱ། སྙོགས་གཏམ་མ་བཤད། བདེན་དོན་ལ་གཞི་བཅོལ་ནས་སྐད་ཆ་བཤད།ཁམས་རྒན་ཁ་ཤས་ཀྱིས་ག་དུས་ཡིན་རང་སྐྱོན་མི་མཐོང་བ་ཆོལ་ཁ་གཞན་ལ་ཁ་བཏང་གི་འདུག དེ་ནི་ཡག་པོ་མ་རེད། བོད་ལ་གཅིག་སྒྲིལ་མེད་ན་རང་རོགས་གཉིས་ཀར་གྱོང་གུད་ཕོགས་ངེས་རེད།
ནོར་བཅོས།
སྐལ་བཟང་ཨཱ། ང་རང་ཨ་མདོ་བ་ཡིན་ཡང་ནམ་ཡང་རང་བཙན་ལ་རྒྱབ་སྐྱོར་བྱེད་མཁན་ཡིན། ཁམས་པ་བ་ཚང་མ་རང་བཙན་རྩོད་མཁན་ཨེ། བོད་སོག་ལས་ཁུངས་ནང་ལ་འགྲོ་མཁན་ཕལ་ཆེར་བ་ཁམས་པ་དང་། རྒྱ་དམག་བོད་དུ་འདྲེན་མཁན་ཕུན་དབང་ཏེ། ཁམས་པ་བ་ཡིན་ཕཱ། སྙོགས་གཏམ་མ་བཤད། བདེན་དོན་ལ་གཞི་བཅོལ་ནས་སྐད་ཆ་བཤད།ཁམས་རྒན་ཁ་ཤས་ཀྱིས་ག་དུས་ཡིན་ཡང་རང་རློམས་ཀྱིས་རང་སྐྱོན་མི་མཐོང་བ་ཆོལ་ཁ་གཞན་ལ་ཁ་བཏང་གི་འདུག དེ་ནི་ཡག་པོ་མ་རེད། བོད་ལ་གཅིག་སྒྲིལ་མེད་ན་རང་རོགས་གཉིས་ཀར་གྱོང་གུད་ཕོགས་ངེས་རེད། ཞབས་འདྲེན་ཞུ་མཁན་ཆོལ་ཁ་གསུམ་གྱི་ནང་ན་ཡོད་ལ། བྱས་རྗེས་འཇོག་མཁན་ཡང་ཆོལ་ཁ་གསུམ་གྱི་ནང་ན་ཡོད། དབྱེ་བ་འབྱེད་ཤེས་ན་མཁས་བ་རེད། མ་ཤེས་ཀླུག་པ་རེད། ཀླུག་པ་ལ་གནས་ལུགས་བཤད་ཀྱང་ཕན་ངེས་མ་རེད།
བདེན་པ་རེད། དེང་སང་ཨ་མདོ་བ་རེ་ཟུང་གིས་དབུ་མ་གླེང་རྒྱུ་མང་དྲགས་པས་བོད་ཀྱི་སྤྱི་ཚོགས་ནང་བཀག་རྒྱ་མི་དམན་པ་ཞིག་བཟོས་ཡོད།
དགྲ་བོ་རྒྱ་ནག་ལས་ཀྱང་ཨ་མདོ་དང་ཁམས་པ་ལ་སྡང་ཆེ་བ་འདྲ།
ཨ་ཁ་ཁ།
རང་བཙན་དོན་དུ་འདི་བྱས་སྣེ་གཅིག་མེད་པར།།
རང་བཙན་ཁ་བས་བཤད་པས་རང་བཙན་ཐོབ་ན།།
སྔར་ནས་རང་བཙན་གཙང་མ་ཐོབ་ཚོད་ཡིན་ཏེ།།
ད་དུང་རང་བཙན་མ་ཐོབ་ཅི་ཞིག་ཡིན་ནམ།།
སྐྱོན་ཟད་ཡོན་ཏན་རྫོགས་པའི་རྒྱལ་བའི་གོ་འཕངས།
འཐོབ་ན་མི་འདོད་སེམས་ཅན་སྣ་གཅིག་མེད་ཀྱང།
འཐོབ་ནུས་ཐབ་དང་དེ་འབྲེལ་ལག་ལེན་མེད་པར།
གྲགས་སྟོང་པི་ཝང་སྒྲ་ཡི་རང་སེམས་མ་འཁྲུལ།
དབུ་མ་དབུ་མ་ཟེར་ཡང་།།
དོན་ལ་རྒྱ་འོག་རང་སྐྱོང་།།
རང་སྐྱོང་ལེན་པའི་ཆེད་དུ།།
ཚེ་སྲོག་རྩེད་ཆས་མ་བྱེད།།
ཁ་ནས་གཉིས་ཕན་ཟེར་ཡང་།།
དོན་ལ་གཅིག་ཕན་རེད་འདུག།།
རང་ཉིད་རང་མགོ་མ་ཐོན།།
གཞན་དོན་ཡིན་མདོག་མ་བྱེད།།
སེམས་ཀྱི་འཁོར་རྒྱ་ཆེ་མདོག།།
རྒྱལ་སྤྱིའི་གོ་རྟོགས་སད་མདོག།།
ཕུགས་རྒྱང་རིང་མདོག་ཆེ་ཡང་།།
རང་རིགས་རྒྱ་གཡོག་མ་རྫོངས།།
རང་སྐྱོང་ཡོད་ན་ལོངས་ཤོག།།
གཞན་ལ་འཁང་ར་མ་བྱེད།།
རྟ་ཕོར་རྒྱུག་ཤེད་ཡོད་ན།།
བྱང་ཐང་སྟོང་པར་ལུས་འདུག།།
མགོ་འབུལ་ལུས་འབུལ་ཞུས་ཀྱང་།།
མིང་བཏགས་ཁ་ཡ་མི་བྱེད།།
ལག་པ་ཡ་གཅིག་བཟློག་པ་།།
བརྒྱབས་དང་མ་བརྒྱབས་མི་འདུག།།
སངས་རྒྱས་གྲངས་མེད་བྱོན་ཡང་།།
སེམས་ཅན་ཁ་དེ་མ་ཆོད།།
༧རྒྱལ་བ་དོན་གྱི་བདག་པོས།།
ཐམས་ཅད་ཁ་དེ་ཆོད་དཀའ།།
ཟམ་གདོང་བླ་མའི་ཁ་དེ།།
རྒྱ་ལ་བསྐོར་ན་ལྐུགས་འགྲོ།།
བློ་སེང་དམ་བཅའ་གསུམ་པོ།།
ནམ་མཁའི་འཇའ་ལྟར་ཡལ་སོང་།།
གོ་རྒྱུ་མེད་པའི་མི་ལ།།
བཤད་དང་མ་བཤད་མི་འདུག།།
ཧམ་སེམས་ཅན་གྱི་མི་ཚོས།།
ཆབ་སྲིད་ཁེ་དབང་འཕྲོག་གིས།།
རིགས་པའི་བུ་ཆུང་། ཁྱེད་ཀྱིས་དགོངས་ཚུལ་གསུངས་པ་དགའ་བསུ་ཡོད་་འོང་ཀྱང་ང་ཁམས་རྒན་གྱིས་བཤད་པ་ཚང་མ་ཕྱོགས་ཞེན་གྱི་སྐད་ཆ་ཙམ་ཞིག་ཡིན་མིན་ཁྱེད་ཀྱིས་ཐུགས་བསམ་ཡག་པོ་གཞེས་དགོས་ གཞིས་ཞུགས་རྒྱ་ཆེན་ཨམ་མདོ་བས་མངོན་འདོད་ཅི་ཞིག་ཡོད་པ་ངས་གསལ་པོར་ཞུ་མི་སྤོབས་སྟེ་འོང་ཀྱང་ཡུལ་གྱལ་བ་ཁྱེད་ཚོ་གཞིས་ཞུགས་རྒྱ་ཆེན་ཨམ་མདོ་བའི་ངོ་ཚབ་ཞིག་ཡིན་ན་དེ་ནས་ང་ཚོ་བོད་ཟེར་ནས་སྐད་ཆ་དེ་ཚར་བ་རེད་་་དེ་ལྟར་མིན་པར་་ངས་སེམས་གཏིང་ནས་གསོལ་པ་དང་སྨོན་ལམ་བྱེད་ཀྱི་ཡོད་ གཞིས་གཞེས་གཉིས་ཀྱི་ཁམས་རིགས་རྒྱ་ཆེན་མི་མང་ཚོའི་སེམས་གཏིང་གི་མངོན་འདོད་དེ་རང་དབང་རང་བཙན་ཡིན་པ་སུ་ལ་གསལ་བཤད་མི་དགོས་་དེས་ན་ངས་གོང་དུ་གྲངས་པས་རྒྱུ་མཚན་དེ་གཉིས་ཙམ་ལས་གཞན་རྒྱུ་མཚན་ཅི་ཞིག་འདུག་ཁྱེད་ཀྱིས་གསལ་པོར་གསུངས་དང་ ་རིགས་པའི་བུ་ཆུང་ལགས་
གོང་དུ་(གཞིས)ཟེར་བ བཞིས་དང་(གཞེས་)ཟེར་བ་བྱེས་ལ་གཅོས་རོགས་
རང་བཙན་མ་རྩོད་ཐོབ་ཐང་རྩོད་དང་། །
དབུ་མར་མ་ཞེན་མཐའ་གཉིས་སྤོངས་དང་། །
རྒྱ་མིར་རྒྱ་སྐད་བོད་མིར་བོད་སྐད། །
ཆོས་དང་སྐད་ཡིག་སོ་སོས་སྲུངས་དགོས། །
རང་བཙན་ལས་ལྷག་རང་སྐྱོང་ཡང་ཕན་སྲིད། །
དབུ་མར་འཆམ་པས་རྒྱ་བོད་ཡང་མཐུན་སྲིད། །
དབུས་མའི་ལམ་ནི་ལྷ་འདྲེ་ཚོ་ལ་བཅོལ།།
འཇིག་རྟེན་་ལྷ་འདྲེ་ཚོ་ལ་ལམ་བུ་མེད།།
བོད་མའི་རང་དབང་བླ་སྤྲུལ་ཚོ་ལ་བཅོལ།།
བླ་སྤྲུལ་ཚོ་ནི་རང་ཆོས་རང་བཙན་འཚོལ།།
བོད་མིའི་རང་དབང་རྨོངས་དད་ཕྱོགས་ལ་མེད།།
བོད་མིའི་རང་དབང་ལྷ་འདྲེའི་ཕྱོགས་ལ་མེད།།
བོད་མིའི་རང་དབང་བླ་མའི་ལག་ལ་མེད།།
བོདམིའི་རང་དབང་སློབ་ཕྲུག་ལག་ལ་ཡོད།།
བོད་མིའི་རང་དབང་མ་འོངས་མདུན་དུ་ཡོད།།
བོད་མིའི་རང་དབང་ཤེས་རིག་ལག་ལ་ཡོད།།
བོད་མིའི་ཤེས་རིག་བརྩོན་ན་རང་དབང་ཡོད།།