འབྲོག་མོ།

Comments (4) on “འབྲོག་མོ།”

1. འབོལ་རྩོམ་ཟེར་བ་དེ་ཕལ་ཆེར་འདི་འདྲ་ཞིག་ལ་ཟེར་གི་ཡོད་པ་འདྲ། འབྲོག་མོ་ཕལ་མོ་ཆེའི་འཚོ་བ་དང་ལས་དབང་ཡོངས་སུ་མཚོན་ཐུབ་ཀྱི་ཡོད་པ་འདྲ། ཕ་སྐད་ངོ་མ་ཞིག་གི་སྟེང་ནས་འདི་ལྟར་བྲིས་ན་སྐབས་རེར་གཞན་གྱིས་གོ་དཀའ་བའང་ཡོང་སྲིད་མོད། རང་སྐད་ལ་མ་རྨོངས་པའི་མིའི་བུ་རྣམས་ཀྱིས་འདི་ལྟར་ཤུགས་བསྣོན་བརྒྱག་དགོས་པ་ནི་སྨོས་མ་དགོས་པ་རེད། བོད་པའི་འཁོར་ཡུག་དང་འབྲེལ་ནས་འཚར་ལོངས་བྱུང་བ་དང་། དགེ་རྒན་དང་གྲོགས་པོ་གྲོགས་མོ་ཚོའི་བཀའ་དྲིན་ལས་བོད་པའི་བརྡ་སྤྲོད་ལ་གོམ་ཁ་ནང་ལ་སྤོས་ཙམ་ཡིན་པས་ཐ་སྙད་འགའ་ཤས་གུས་མོས་ཀྱང་གོ་མ་སོང་ཡང་། ཟིན་ཐོར་བཀོད་ནས་རྩད་གཅོད་བྱེད་ངེས་ཡིན། ཐ་སྙད་ཀྱིས་ཕྱུག་པ་དང་སྨྲ་བ་ལ་དབང་འབྱོར་བའི་རྩོམ་པ་པོ་མང་བོས་ཞབས་རྗེ་འཚོལ་བཞིན་སོག་མདའ་ཅན་གྱི་སྙན་ངག་འདི་ཡང་ངོ་མ་སྙན་ངག་གི་བསིལ་བ་འགའ་ཤས་ཐོར་བའི་སྣང་བ་བྱུང་།  སེམས་སྟེང་ནས་ཐུགས་རྗེ་ཆེ་ཞུ།

2. མགོ་སྟོང་ཆ་བོ། ཤར་མར་འབྲི་དགོས་ནི་མ་རེད། བསམ་བློ་གཏོང་ལ་ཕྲིས། མི་ལ་སྟོན་རིན་ཞིག་དང་། རང་ལ་ཡར་རྒྱས་ཞིག་དགོས་ན། མ་མཐའ་ཡང་། ཡིག་འབྲི་སྟོང་གཅིག་གི་སྙིང་བཅུད་ཡིག་འབྲི་བརྒྱ་སྐོར་གཅིག་ལ་ཕབས་ནས་བྲིས་ན་ད་གཟོད། གོ་དོན་སྡེབ་སྦྱོར་སོགས་གང་ཡག་ཡག་ཡོང་བའི་ས་བོན་ཡོད་པ་རེད། དེ་མིན། ད་དེའི་འཕྲོ་མ་མི་བཤད།

3. བོད་པའི་སྙན་ངག་ལ་བསྟོད་པ་དང་སྒྲོ་བཏགས་ལས། དངོས་ཡོད་ཇི་བཞིན་གཞན་གྱི་ཡིད་ལ་གཤོངས་བདེ་བ་ཞིག་གི་རྒྱུད་ལམ་ཐོག་འབྲི་མ་ཐུབ་པ་འདི་ངེད་ཚོའི་དཀའ་ངལ་རེད། 

   དཔེར་ན། འབྲོག་མོའི་སྐོར་ལ་འབྲི་སྐབས། འབྲོག་མོའི་རྒྱན་དང་ཡོན་ཏན། དེ་ལས་མང་པོ་ཞིག་སྒྲོ་བཏགས་པ་པས། དངོས་ཡོད་ཀྱི་ལུས་ཀྱི་དྲི་སྐྱུར་མོ་དེ་ཚོ་དང་། ལུས་ཀྱི་འདྲེགས་པ། བྷ་གའི་དྲི་ངན། དེ་བཞིན་རྐང་དྲི་སོགས་འབྲི་མི་ཐུབ་པའི་སྐྱོན་འདི་ཚོ་རེད། 

   འབྲོག་པའི་འཚོ་བ་ལ་ཆ་རྒྱུས་ཡོད་མཁན་ཞིག་གིས་ཤེས་པར། གནམ་གཤིས་དང་མཐུན་རྐྱེན། གོམས་གཤིས་ལ་བལྟོས་ནས། ངེད་ཚོའི་འབྲོག་མོ་ཚོས་གཙང་སྦྲ་བྱེད་པའི་གོམས་གཤིས་མེད་སྟབས། འབྲོག་མོ་ཚོ་ཟླ་མཚན་ཡོང་བའི་སྐབས། བྷ་ག་འཁྲུ་བའི་གོམས་གཤིས་མེད་སྟབས། དྲི་ངན་ནི་རྣས་བཟོད་མི་ཐུབ་པ་འདི་ཚོ་སྙན་ངག་ལ་འབྲི་མི་ཐུབ་པ་འདི་ངེད་ཚོའི་འཇོན་ཐང་རེད་དམ། རྩལ་རེད། རྐང་དྲི་དང་མཐའ་ན་མགོའི་སྐྲའི་དྲི་མ་ངར་པོ་འདི་ཚོ་དང་། ལ་བའི་དྲི་མ་དེ་ཚོ་རང་བཞིན་རེད།

   སྙན་ངག་ཟེར་ན། འུར་བསྟོད་དང་སྒྲོ་བཏགས་ཅིག་པུར་གོ་ན། ངོ་མ་སྙན་ངག་ལ་བྲོ་བ་ལྟ་ཅི། དོན་སྙིང་མིན་འདུག
   ང་ཚོས་གོམས་པ་གཅིག་གོང་དུ་འདེགས་ནས། དངོས་ཡོད་དང་ཐག་ཉེ་བའི་རང་བཞིན་བརྗོད་པའི་ལུས་ལ་རྒྱན་གཅིག་པུ་མིན་པར། རྒྱུ་མཚན་དང་གནས་ལུགས་ཤོད་ཐུབ་པའི་སྙན་ངག་འབྲི་ཐུབ་ན། ད་གཟོད་ངེད་ཚོའི་སྙན་ངག་འདི་སྐྱེ་བོའི་ཁྲོད་ལ་གནས་ཐུབ་སྙམས།

   འདི་དོགས་གཞི་ཡིན་པས་དཔྱད་པ་ཡོད་པ་ཞུ།

4. གཡང་དཀར་ལུག་གི་རྫི་བོ་བྱས་མྱོང་མཁན།།
   ལ་གཞས་སྙན་མོ་དབྱངས་ལ་འཐུམ་མྱོང་མཁན།།
   ཁེར་འགྲོ་ཟླ་བ་གསང་གཏམ་འཆད་མྱོང་མཁན།།
   མི་ཚེ་ལྷས་རར་རྫོགས་པའི་འབྲོག་མོ་ཡིན།།

   ངོ་ཚའི་གདོང་ལ་དམར་མདངས་ཆགས་སླ་མཁན།།
   གཤིས་ཀ་དྲང་མོའི་ནང་སེམས་བྲིས་ཡོད་མཁན།།
   མར་དང་འོ་མས་བསྐྱངས་བའི་ན་ཆུང་མ།།
   སྦྲ་ནག་སྨུག་པོའི་རྒྱུད་འཛིན་འབྲོག་མོ་ཡིན།།

   ཨ་ལ་ཀུ་རེ་ཡིན་སོག་མདའ་ལགས་དངོས་ཡོད་དང་མཐུན་པའི་སྙན་རྩོམ་ཡག་པོ་ཅིག་བྲིས་འདུག།