ཀླུ་སྨྱོན།
མི་ཚེ།
རྩ་རྒྱུས་རུས་པ་ཤ་ཁྲག་པགས་པའི་ཚོགས། །
སོ་སོར་འཐོར་ནས་རྣམ་ཤེས་རླུང་གིས་ཁུར། །
མི་ཚེ་རིང་མོའི་རྐང་རྗེས་རབ་རིབ་དག །
ལོ་ཟླའི་འགྲོས་དང་བསྟུན་ནས་ཡལ་བར་འགྱུར། །
གཏམ་རྒྱུད་སྙན་པོ།
དབྱངས་ཅན་ཁབ་ཏུ་བསུས་པའི་དགོང་མོ་དེར།།
འཇམ་དཔལ་དཔའ་བོ་ལ་བརྒྱུགས་ལུང་བརྒྱུགས་ཀྱིས།།
བརྩེ་བའི་མཆུ་འདོམས་སྦྱོར་བའི་ངེད་གཉིས་ཀྱི།།
རྐང་རྗེས་མ་རྙེད་ཤཱཀྱ་ཐུབ་པར་གཏུགས།།
རང་བསྟོད།
མུན་པའི་འཇིག་རྟེན་ཚལ་བར་གཤགས་པའི་འོད།།
ཤེས་རབ་རལ་གྲིའི་ངོས་སུ་འཁྱུག་པའི་གཟི།།
སྙིང་གི་བྱིན་དུ་ཆགས་པའི་སྙན་ངག་མཁན།།
ད་ལྟ་ཨ་མེ་རི་ཁར་མཆིས་སོ་ལོ།།
ས་ཡོམ་རྗེས་དྲན།
ས་ཡོམ་ཆེན་པོས་སྐྱེ་རྒུ་གྲོང་བརྡལ་བསྣུབས།།
གོད་ཆག་ཆེན་པོས་ཚེ་སྲོག་ཁྱུར་མིད་བཏང་།།
འཇིགས་སྐྲག་ཆེན་པོས་སེམས་ལ་རྨ་ཁ་བཟོས།།
སྐྱོ་གདུང་ཆེན་པོས་ཉིན་འདིར་རྗེས་དྲན་ཞུ།།
བརྩེ་བ་མཚོ་ལས་ཟབ་པའི་གཉེན་ཉེ་བྲལ།།
དཀའ་བ་རི་ལྟར་སྤྱད་པའི་ཁྱིམ་གཞིས་བརླགས།།
སྡུག་བསྔལ་རླུང་བཞིན་འཚུབ་པའི་ཉིན་མོ་འདི།།
སྐྱེ་རྒུའི་མ་ཡིན་གངས་ཅན་བོད་ཀྱི་ཡིན།།
འདྲེ་དང་མི།
འདྲེ་ཞེས་བྱ་བའི་སྤུ་ཟིང་པོ། །
ཡིན་པ་བདག་གི་མཇེ་གོག་རེད། །
གདོན་ཞེས་བྱ་བའི་ཁ་གདངས་པོ། །
ཡིན་པ་ཁྱེད་ཀྱི་སྟུ་རྒན་རེད། །
འགྲན་ཟླ་མེད་པའི་བདག་སེམས།
འདོད་ཆགས་ཅན་གྱི་སེམས་པ་འདི། །
མེ་ལྕེ་འབར་བའི་དོ་ཟླ་མིན། །
ཞེ་སྡང་ཅན་གྱི་སེམས་པ་འདི། །
ཁྲོ་ཆུ་ཁོལ་མའི་དོ་ཟླ་མིན། །
གཏི་མུག་ཅན་གྱི་སེམས་པ་འདི། །
མུན་ནག་སྟུག་པོའི་དོ་ཟླ་མིན། །
ཕྲག་དོག་ཅན་གྱི་སེམས་པ་འདི། །
སྦྲུལ་ནག་འཁྱུག་པའི་དོ་ཟླ་མིན། །
ང་རྒྱལ་ཅན་གྱི་སེམས་པ་འདི། །
གླང་ཆེན་སྨྱོན་པའི་དོ་ཟླ་མིན། །
སྔོན་གྱི་མེས་པོ།
སྔོན་གྱི་མེས་པོ་དེ་ཚོ་ཁོམ་སོང་བས། །
ཡིན་མིན་བྱེ་བའི་རྣམ་རྟོག་ཤོག་ངོར་བྲིས། །
ང་ཚོ་དུས་རབས་གསར་པའི་སྨྱོན་པ་ཚོས། །
དེ་དག་ཟློ་བའི་དགོས་པ་ཅི་ཡང་མེད། །
མི་ཚེ་ཐུང་ཐུང་།
ཆུང་ཆུང་དུས་སུ་ཚངས་མགུར་ཀློག་པར་དགའ།
དར་དར་དུས་སུ་བུ་མོར་རྒྱོ་བར་དགའ།
རྒས་རྒས་དུས་སུ་སྙན་ངག་འབྲི་བར་དགའ།
ཐུང་ཐུང་མི་ཚེའི་གཏམ་རྒྱུད་འདི་ཙམ་རེད།
སྡར་མ།
ངུ་ན་འདོད་དུས་ངུ་མི་ཕོད།
དགོད་ན་འདོད་དུས་དགོད་མི་ནུས།
རང་གཤིས་བཙོན་ལ་བཅུག་པའི་མི།
གསོན་ཡང་ཤི་དང་མཚུངས་པར་བརྗོད།
མེས་པོར་གཤེ་བ།
སྔོན་གྱི་མེས་པོ་དེ་ཚོ་ཁོམ་སོང་བས། །
ཡིན་མིན་བྱེ་བའི་རྣམ་རྟོག་ཤོག་ངོར་བྲིས། །
ང་ཚོ་དུས་རབས་གསར་པའི་སྨྱོན་པ་ཚོས། །
དེ་དག་ཟློ་བའི་དགོས་པ་ཅི་ཡང་མེད། །
ཞོགས་པ་བདེ་ལེགས།
མིག་གི་ནང་དུ་མི་ཚེའི་མྱོང་བྱང་ཡོད།།
འཛུམ་གྱི་གསེང་ན་སེམས་ཀྱི་དྲོད་ཐིག་འཁྱིལ།།
དགོད་སྒྲའི་ཀློང་ན་ཞེན་པའི་རི་མོ་ཅན།།
ཞོགས་པ་བདེ་འམ་དེ་རིང་ཉི་འོད་འཇམ།།
སྙན་ངག་ལྡོམ་པོ་སྤེལ་མ།
ཁྱེད་ཀྱི་དབུ་སྐྲ་བསྐྱོད་པའི་རླུང་བསིལ་དེས། །
བདག་གི་སྒྱུ་མའི་ལུས་ཀྱི་ཚ་གདུང་བསལ། །
ཁྱེད་ཀྱི་གདོང་ལས་འཕྲོ་བའི་ཉི་འོད་དེས། །
བདག་གི་སྙིང་གའི་མེ་ཏོག་རབ་ཏུ་བཞད།།
ཁྱེད་ཀྱི་སྤྱན་ལ་འཁྱུག་པའི་གཟི་འོད་དེས། །
བདག་གི་མིག་དབང་སྒྲིབ་པའི་མུན་པ་བསལ། །
ཁྱེད་ཀྱི་ཐུགས་ལ་འཁྲུངས་པའི་ལྷོད་ཤ་དེས། །
བདག་གི་སེམས་ལ་ངོམ་མེད་བདེ་བ་བྱིན། །
གོང་བླ་གསེར་ཏོག་ཅན་ཚོར།
བླ་མ་ལོག་རུང་མགོ་ལོག་མ་རྩེ་ན།
རང་གི་བླ་མ་རྩ་བའི་བླ་མ་ཡིན།
སྨྱོ་རྟགས་བསྟན་བ་གྲུབ་རྟགས་ཡིན་ཟེར་ན།
བླ་མ་ཡིན་རུང་དད་ལོག་བྱེད་རྒྱུ་ཡིན།
སྙན་མོ་འདྲ་ཀློག་རྒྱུ་ཡོད་ཀི། མདང་དགོང་ཨ་ཁུའི་ཉལ་ས་ཨེ་བདེ་ཐལ།
ཀླུ་སྨྱོན་གྱི་སྙན་ངག་ལ་རང་ཉིད་ལྷ་དང་ལྷ་ཉིད་རང་གི་བྲོ་བ་འདུག དེ་ནས་ཡི་མུག་པའི་ཚོར་བ་དང་འཇིག་རྟེན་འདི་ནས་འདུག་ན་མི་འདོད་པའི་སྐྱོ་ཤས་ཏོག་ཙམ་མངོན། འཁོར་བ་ཁབ་རྩེ་ན་སུ་དང་སུ་ཡིན་རུང་འདི་འདྲའི་ལེ་བདའ་ལོས་ཡོད། སྨྲ་བརྗོད་རང་དབང་གི་རྒྱལ་ཁམས་འདི་ནས་སྨྲ་བརྗོད་རང་དབང་བྱེད་མི་ནུས་པ་དེ་ཡན་གྱི་སྡུག་བསྔལ་ཞིག་ག་ལ་ཡོད། སྙན་ངག་པ་ངོ་ཚ་ནས་ཤི་རུ་འཇུག་བྱེད་ནི་བག་ལ་ཉལ་དང་བག་ལ་ཁུམ། རྫུན་སྨྲ་བ་སོགས་ལས་མེད་པས་དྲང་བདེན་ལ་དགའ་བ་ནི་ཐུན་མོང་གི་རང་གཤིས་ཡིན། ཀླུ་སྨྱོན་ནི་འདི་འདྲའི་སྐྱེས་བུ་མེ་ཏོག་པད་མ་ལྟ་བུ་ཞིག་རེད། སྙན་དངགས་འབྲི་ལ་རྫུན་ཡང་བཤད། སྡིག་པ་ཡང་བསགས་ནུས་པའི་སྐྱེས་བུ་རབ་ཐུན་མོང་མ་ཡིན་པ་དེ་དེང་སང་ཉིན་སྐར་འདྲ་མོ་རེད། དེ་དག་ནི་སེང་གེ་དང་འདྲ་བའི་སྐྱེ་བུ་ཡིན་པས་དཀོན།
བདག་གིས་བདག་ཉིད་བསྟོད་པ་འབྲི་དུས་འདི་འདྲའི་ང་རྒྱལ་གྱི་ཚོར་བས་དེད་མྱོང་མོད། ད་ལྟ་སྡོང་ལོ་ཐང་ལ་ལྷུང་བ་ལྟར་ལས་རླུང་གིས་དེད་ནས་རང་དབང་ཞིག་མི་འདུག
རྒྱབ་ལ་གྲྭ་ཆས་གོན་ཡང་ཆགས་སེམས་ཀྱིས། །
ཉིན་མཚན་མེད་པར་ཁྱི་ལྟར་འཁྲིག་པ་པོ། །
ཁ་ནས་ཆོས་སྐད་སྒྲོག་ཀྱང་བར་མེད་དུ། །
ངག་གི་མི་དགེ་བཞིའི་གཏེར་གྲྭ་གཟུགས་ཤིག །
བཀའ་རྒྱུད་སྤྲུལ་སྐུར་བརྫུས་ཀྱང་མ་འཁྱོངས་ཞིང་། །
སླར་ཡང་རྙིང་མར་རེ་བ་མང་བརྒྱབས་ཀྱང་། །
ས་དགེ་བཀའ་རྙིང་ཀུན་གྱི་གླུད་རྫས་ཤིག །
ད་ལྟ་ཨ་མེ་རི་ཀར་ཡོད་དོ་སྐད། །
སྙན་ངག་དང་སྙན་ངག་་་་་་་གོ་ན་སུན་སྣང་སྐྱེས་ཀྱི་འདུག གཞན་ལ་ཕན་མི་ཐོགས། རང་ལ་ལྟོ་མི་རག ག་རེ་སྙན་ངག་་་་་་
རང་གི་རྟོག་པའི་འགྱུ་ཕྱོགས་ཡི་གཟུགས་སུ།།
ཕབས་ལ་སུ་ལའང་མི་འཇིགས་དཔའ་བོ་སྟེ།།
ཀླུ་སྨྱོན་ཧེ་རུ་ཀ་ཞེས་བྱ་བར།།
མེ་ཏོག་ང་ཡི་སེམས་པ་ཤོར་ཐལ་ལོ།།
རྟོག་པའི་འགྱུ་ཕྱོགས་ཡི་གེའི་གཟུགས་ཉིད་དུ།།
ཕབས་ལ་སུ་ལའང་མི་འཇིགས་དཔའ་བོ་སྟེ།།
ཀླུ་སྨྱོན་ཧེ་རུ་ཀ་ཞེས་བྱ་བ་ལ།།
མེ་ཏོག་དཀར་པོའི་སེམས་པ་ཤོར་ཐལ་ལོ།།
མེ་ཏོག་དཀར་པོ་ལ་སྟུ་ཡོད་ཀྱི་རེད། ཧཧཧཧཧ
སྡར་མ།
ངུ་ན་འདོད་དུས་ངུ་མི་ཕོད།
དགོད་ན་འདོད་དུས་དགོད་མི་ནུས།
རང་གཤིས་བཙོན་ལ་བཅུག་པའི་མི།
གསོན་ཡང་ཤི་དང་མཚུངས་པར་བརྗོད།
ཁ་བསྒྱུར།
རྒྱོ་ན་འདོད་དུས་རྒྱོ་མ་ནུས།།
ལྡག་ན་འདོད་དུས་ལྡག་མ་ནུས།།
འདོད་པ་བཙོན་ལ་བཅུག་བྱས་ནས།།
མི་ཚེ་སྐྱེལ་བ་ཁག་ཅིག་ཡོད།།
དེང་སང་གི་སྙན་ངག་པ་ཕལ་ཆེར་རྫུན་གྱི་རྐྱལ་པ་དང་། ཁོ་ཚོས་བྲིས་པའི་སྙན་ངག་ཕལ་ཆེར་རྫུན་གཏམ་དང་། འཁྲིག་ཚིག འུད་ཤོབ། གོ་མེད་ཚོར་མེད། བེད་མེད་སྙིགས་རོ་རང་རེད། སེམས་གཏིང་ནས་བྲེད་ཤ་སློང་བྱེད་ཀྱི་སྙན་ངག་མཐོང་རྒྱུ་དཀོན་མོ་རེད་འདུག །དཔེར་ན་སྙན་ངག་པ་ཀླུ་སྨྱོན་དང་། ཁོང་གིས་བྲིས་པའི་སྙན་ངག་བཞིན།
སྙན་ངག་པ་ནི་རྫུན་གྱི་རྒྱལ་པོ་རེད་ཟེར་བ་བདེན་པ་རེད།
ནོར་འདོད་ཅན་ལ་ཅི་ཡང་ནོར།
སྙན་དངགས་མཁན་ལ་ཅི་ཡང་རྒྱན།
་
གཏམ་འདི་ཁོ་བོ་ལོ་ངོ་བཅུ་གྲངས་ཡིན་པའི་དུས་ལ་ཐོས་སོ།།
འཚོ་བ་དངོས་དང་མཐུན་པའི་སྙན་དངགས་དེ་ནི་ཇི་ཙམ་ཀློགས་ཀྱང་དེ་ཙམ་དུ་སྙན་རེ་སྙན་རེ་འགྲོ།
ཡ་མཚན་དྲན་པ་གཡེངས་པའི་སྨྱུག་ལྕེ་ཡིས། ། ལས་འབྲས་མེད་པའི་ཁ་འཆལ་ག་ནས་ཤེས། ། ཤོག་ཁར་བྲིས་པའི་ཡིག་བཟོ་དུ་མ་འདི།། མེས་པོ་ཐོན་མིའི་བཀའ་དྲིན་མ་ཡིན་ནམ།། མཁན་ཆེན་ཞི་བའི་བཀའ་དྲིན་སུ་ལ་མེད། ། སློབ་དཔོན་པདྨའི་དཀའ་དྲིན་སུ་ལ་མེད། ། ཆོས་རྒྱལ་ཁྲི་ལྡེའི་དཀའ་དྲིན་སུ་ལ་མེད། ། ཡོད་བཞིན་མེད་རབས་བརྗོད་པའི་གླེན་པ་འདི། ། མི་ཤེས་རྨོངས་པས་སྒྲིབ་པ་སྙིང་རེ་རྗེས།
སྙན་ངག་དབང་པོ་ཀླུ་སྨྱོན་ཧེ་རུ་ཀས།།
སྙན་པའི་ཚིག་འབྲི་ཁ་བརྡའི་ངོས་སུ་བཀྲ།།
ཅི་ཡང་མི་ཤེས་ཅ་ཅོ་ཁྱི་སྐྱང་འགས།།
སྙན་ངག་གླིང་གི་ཞི་བདེ་གཏོར་ལ་ལྟོས།།
སྙན་ངག་དབང་པོའི་ཀླུ་སྨྱོན་ཧེ་རུ་ཀས།།
སྙན་པའི་ཚིག་འབྲི་ཁ་བརྡའི་ངོས་སུ་བཀྲ།།
ཅི་ཡང་མི་ཤེས་ཅ་ཅོ་ཁྱི་སྐྱང་འགས།།
སྙན་ངག་གླིང་གི་ཞི་བདེ་གཏོར་ལ་ལྟོས།།