གླིང་ཚ་ཚེ་བརྟན་རྡོ་རྗེ།
ངས་རང་ཉིད་ཀྱིས་བོད་མི་རིགས་ཀྱི་རང་དབང་དང་ཞི་བདེའི་ཆེད། ༧གོང་ས་རྒྱལ་བའི་དབང་བོ་བོད་དུ་གདན་འདྲེན་བྱེད་རྒྱུའི་འབོད་ཚིག་དང་བོད་རིགས་སྐྱ་སེར་བརྒྱ་དང་བཅུ་བཞི་ལྷག་གི་ཁ་ཆེམས་ཁུར་ནས། ང་རང་བོད་ལ་སྐྱེ་བའི་བོད་མི་གཅིག་གི་སེམས། བོད་མི་གཅིག་གི་ན་ཟུག བོད་མི་གཅིག་གི་ཐོབ་ཐང་། བོད་མི་གཅིག་གི་འགན་འཁུར། བོད་མི་གཅིག་གི་འཐབ་རྩོད། དུས་རབས་ཉེར་གཅིག་པའི་བོད་མི་གཅིག་གི་རིགས་ཀྱི་རུས་པའི་གཏིང་ནས་འབུས་པའི་ཞི་བའི་དེད་དཔོན་ཞིག་གི་གདམས་པའི་ཞི་བའི་ལམ་ཞིག་དང་འབྲལ་མེད་ཀྱིས་བསླངས་པའི་མི་
ཉིན་གྲངས་ཉེར་དྲུག་གི་ལམ་བར་དུ་ངས་བརྒྱུད་ཚར་བའི་གོམ་གྲངས་༣༦༠༧༥༠དང་། ས་སྤྱི་ལེ་༥༥༥། ཆུ་ཚོད་༦༢༤བཏང་ནས་དེ་རིང་ང་ལྡི་ལུར་བོད་སྒར་བསམ་ཡས་གླིང་དུ་འབྱོར་ཡོད་ཀྱང་། ད་ལྟ་ངའི་སྔུན་ན་ལུས་པའི་ལམ་ཐག་ནི་འདི་ལས་བརྡབས་ལྔ་དྲུག་ཞིག་གིས་ང་སྒུག་ནས་ཡོད་པ་རེད་མོད། ངས་རང་ཉིད་ཀྱི་མི་རིགས་འདི་ལ་མིག་དཔེ་ཕྲན་པུ་ཞིག་འཇོག་རྒྱུར་རེ་བ་ཆེན་པོ་བརྒྱབ་མྱོང་བ་དང་རྒྱག་བཞིན་དུ་སྤོབས་པ་སྔར་ཡོད་ཀྱི་སྟེང་ལ་ཤུགས་ཆེ་རུ་སོང་ནས་ཡོད་པ་ལས་ཉིན་གཅིག་ལ་ཡང་། ད་ནི་ངས་འཇོན་མི་ཡོང་། ཁེགས་ས་རེད། ན་ཡི་འདུག ངལ་གསོས་པའི་དུས་ཤིག་རེད་འདུག་སྙམ་པ་སོགས་ལ་བསམ་བློ་གཏན་ནས་མ་བཏང་བར། ནམ་ཞིག་ངས་རང་ཉིད་སྐྱེ་སའི་བོད་ཀྱི་ས་ཐོག་ནས་བོད་གཞིིས་ལུས་མི་མང་དང་མཉམ་དུ་སྐྱིད་སྡུག་མཉམ་མྱོང་བྱེད་ཐུབ་ཡོང་སྙམ་པའི་བྲེལ་བའི་སྒང་ནས་འགྲོ་བཞིན་ཡོད།
ཞི་བའི་གོམ་བགྲོད་འགོ་བཙུགས་པའི་ཉིན་མོ་དེེར་རང་ཉིད་ཀྱི་དྲིན་ཕ་མ་གཉིས་ལས་མཉམ་ཞུགས་བྱེད་མི་མ་བྱུང་ཡང་། ངས་བསམ་བློ་ནང་དུ་གཏན་ནས་བློ་ཕམ་དང་སེམས་འཚབ་ཞིག་འཁོར་མ་མྱོང་ལ། ངས་རང་ཉིད་ཀྱིས་བསླངས་པའི་ཞི་བའི་གོམ་བགྲོད་ཐེངས་གཉིས་པ་འདི་ནི་ཕྱི་ན་གླེང་བའི་མི་ཁ་དང་འབྲེལ་བ་ཡོད་པར་གཏན་ནས་བསམ་གྱིན་མེད། བོད་མི་སུ་གང་ལ་ཡང་ན་སེམས་བཅངས་མྱོང་མེད་པ་མ་ཟད། སུ་གང་ལའང་ལེ་བདའ་བྱེད་ཀྱིན་མེད། ལྷག་པར་དུ་གཞུང་སྒེར་གྱི་ཚོགས་པ་ཚོ་ལའང་དམིགས་བསལ་གྱིས་ལེ་ཁག་ཡེ་ནས་བྱེད་མྱོང་མེད་ལ་ཕྱིས་སུ་ཡང་བྱེད་མི་སྲིད་པ་ཡིན།
ངས་ཉིན་ཉེར་དྲུག་གི་ལམ་བར་དུ་བོད་མི་སྒེར་བ་མི་ཉུང་བ་རེ་ཡིས་ལམ་བར་དུ་སྐོམ་ཆུ་རེ་བཏུང་བྱེད་དང་ཟ་མ་རེ་ཟ་རོགས་ཟེར་ནས་ཞལ་འདེབས་འབུལ་མཁན་བྱུང་བ་དང་རྒྱང་རིང་རྒྱུས་མེད་རྒྱལ་ཁབ་གཞན་ནས་རིགས་རུས་གཅིག་པའི་སྤུན་ཟླ་དང་དམིགས་བསལ་ཀྱིས་ཨ་རིའི་ཁ་ལེ་ཧྲོར་ནས་ཡ་གནས་གཞུགས་བླ་མ་ཞིག་གིས་བདུན་ཕྲག་རེ་རེ་ལ་ཞལ་པར་གྱི་ལམ་ནས་གདུང་སེམས་མཉམ་བསྐྱེད་ཞུས་པའི་སྒང་ལ་དཀའ་ངལ་ག་དུས་འཕྲད་ཀྱང་། རོགས་རམ་བྱེད་རྒྱུའི་ཆོད་སེམས་བརྟན་པོ་ཡོད་ཅེས་གསུངས་པ་དང་། རྡ་སར་གནས་བཞུགས་དྭང་ཟུར་ཡོན་ཏན་ལགས་ཀྱིས་ཀྱང་དུས་རྒྱུན་ཞལ་པར་འབྱོར་ནས་དགོས་ངེས་ཀྱི་མཐུན་རྐྱེན་གང་ཡོད་མ་གསང་བར་གསུང་རོགས་ཞེས་གསུངས་སོང་། འགོ་བཙུགས་པ་ནས་རྡ་ས་མདོ་སྨད་དབུས་ས་གཉིས་ནས་སྐྱེལ་མ་དང་ཕ་མ་གཉིས་ཕྱིར་རྡ་སར་བསུ་རུ་མདོ་སྨད་ཚོགས་གཙོ་བསྟན་པའི་དངོས་གྲུབ་སྐུ་དངོས་དང་། བོད་མི་མང་སྤྱི་འཐུས་སྐུ་ངོ་རྒྱལ་རིགས་ཐར་གཉིས་ཀྱི་གཙོས་ཁོང་ཚོ་བསུ་རུ་ཕེབས་སོང་ལ། ཞལ་འདེབས་ཧིན་སྒོར་ལྔ་སྟོང་གནང་བ་དང་། ད་ལོར་ཡང་མདོ་སྨད་ཀྱི་ངོས་ནས་ང་ལ་རོགས་རམ་མཐུན་རྐྱེན་གང་སྤྱར་དགོས་ཚེ། ཁོང་ཚོས་དངོས་ནས་གྲྭ་སྒྲིག་ཨང་གསར་ཡིན་ཞེས་གསུངས་སོང་།
ལྡི་ལིར་སླེབས་གྲབས་ཡོད་པའི་སྐབས་སུ་ལྡི་ལིའི་མདོ་སྨད་ས་གནས་ཀྱི་ཚོགས་གཙོ་རྟ་འགྲིན་ལགས་དང་། རྩིས་པ་བྱམས་པ་གཉིས་ལྡི་ལིའི་མདོ་སྨད་ས་གནས་རྒྱུན་ལས་ཀྱི་ངོས་ནས་འཚམས་འདྲི་དང་འབྲེལ་བའི་སྒོ་ནས་ཟ་མ་ཁུར་འོང་ནས་ཞག་གཅིག་ལ་འདུག་རོགས་གནང་སོང་། ལྡི་ལིར་སླེབས་པའི་སྤྱི་ལེ་ཁ་ཤས་ལས་མེད་པའི་མཚམས་སུ་ལྡི་ལིའི་ཞི་བདེ་མགྲོན་ཁང་གསར་རྙིང་ཐུན་མོང་གི་འགན་འཛིན་ནས་ཁ་བཏགས་བཟུང་ནས་མགྲོན་བསུར་ཕེབས་ཏེ་ཞལ་འདེབས་ཧིན་སྒོར་ལྔ་སྟོང་གནང་བ་དང་། བལ་ཡུལ་གནས་སྡོད་བླ་བྲང་ཨ་ཅག་སྙིང་མོ་སྐྱིད་ཀྱིས་ཧིན་སྒོར་གཅིག་སྟོང་གི་ཞལ་འདེབས་ཕུལ་བ་བཅས་དང་། ལམ་བར་དུ་ཟ་མ་རེ་ཟ་བྱེད་དང་སྐོམ་ཆུ་རེ་བཏུང་བྱེད་དུ་ཞལ་འདེབས་གནང་མཁན་དག་གིས་མིང་འདི་རུ་བྲིས་མེད་པར་གདོང་དེབ་དུ་འདྲ་དཔར་བཀོད་ཡོད།
ཐེངས་འདིའི་ཉིན་ཉེར་དྲུག་གི་རིང་གནས་ཚང་གཡར་ས་མང་ཤོས་ནི་ཧིན་རྡུའི་ལྷ་ཁང་དང་པན་རྗབ་ལྷ་ཁང་། ཟ་ཁང་གི་འགྲམ་གཡས་གཡོན། སྣུམ་ཚིགས། སྒེར་གྱི་ཁྱིམ་འགྲམ་སོགས་ཡིན་ལ། རྒྱ་གར་མི་མང་གི་ངོས་ནས་ སྡོད་དུས་སུ་རོགས་སྐྱོར་གྱི་རྣམ་པ་ནི་ཧ་ཅང་ཚད་མཐོ་བ་སྟེ་ངོ་མཚར་བ་རང་རེད། ཟ་ཁང་གི་སྤྱིན་བདག་རེ་ཟུང་གིས་སྔ་དགོང་གཉིས་ཀྱིས་ཟས་རིན་མི་ལེན་པ་དང་ད་དུང་རོགས་རམ་ག་རེ་གནང་དགོས་ཀྱི་ཡོད་ན་བཤད་རོགས་ཞེས་རྒྱ་གར་མི་མང་གིས་རྣམ་འགྱུར་ལེགས་པ་དང་བོད་མིའི་རྩ་དོན་ཐད་ཕྱོགས་གང་ལ་ཁ་གཏད་དེ་འཐབ་རྩོད་བྱས་ན་བཟང་མིན་ཐད་སྐད་ཆ་འདྲི་བ་མ་ཟད། རྒྱ་གར་གྱི་གཞོན་སྐྱེས་ཤེས་ཡོན་ཅན་སྐོར་ཞིག་གིས་བོད་མིའི་གནད་དོན་བོད་མི་རང་ཉིད་ཀྱིས་ཐག་གཅོད་དགོས་པ་ཞིག་ཡིན་པ་དང་བོད་མི་ཚོས་མགོ་བྱས་ནས་འཐབ་རྩོད་བྱས་པ་ཡིན་ན་ང་ཚོ་རྒྱ་གར་མི་མང་ནི་ནམ་ཡིན་ཡང་རྒྱབ་དུ་ཡོད་པ་རེད་ཅེས་གསུངས་སོང་།
མངའ་སྡེ་མི་འདྲ་བ་རེ་ཟུང་ཞིག་བརྒྱུད་དགོས་དུས་ཉེན་རྟོག་པ་མི་ཉུང་བ་ཞིག་དང་འཕྲད་པ་ཁོང་རྣམས་ཀྱིས་ཀྱང་རྣམ་འགྱུར་མི་ལེགས་པ་དང་གུས་ཚིག་མེད་པ་དེ་འདྲ་གསུང་རྒྱུ་ཕར་ཞོག ད་དུང་། ང་ལ་རོགས་བྱེད་དགོས་ས་ཡོད་ན་གསུང་རོགས་ཞེས་གསུངས་པ་མ་ཟད། ཟ་མ་ཟ་དགོས་མིན་དང་ཇ་བཏུང་དགོས་མིན་སོགས་ཀྱང་ཡང་ཡང་དྲིས་པ་དང་། ཡང་ཉེན་རྟོག་པའི་ས་ཚིགས་གཞན་ཞིག་ནས་ད་ལོར་ཁྱོད་རང་གཅིག་བུ་མ་གཏོགས་བོད་མི་ཚོ་ཞི་བའི་གོམ་བགྲོད་དུ་འགྲོ་མཁན་མེད་སོང་བ་རེད་དམ་ཞེས་བཀའ་འདྲི་གནང་དུས། ངས་དེ་ཡི་ལན་དུ་མ་རེད་ལགས། ད་ལོ་ལམ་ཁ་འདི་བརྒྱུད་དེ་འགྲོ་མཁན་ང་རང་གཅིག་བུ་ལས་མེད་ཀྱང་། ཕྱི་རྒྱལ་ཁག་ན་གོམ་བགྲོད་གནང་མཁན་མང་བོ་ཡོད་པ་རེད་ཅེས་ཞུས་པ་ཡིན།
ཉེན་རྟོག་པ་སྐར་མ་གསུམ་ཅན་པ་ཞི
ཨོ་རེད། བོད་མི་མང་བོ་ཞིག་གིས་རྡ་ས་ནས་ལྡི་ལི་བརྒྱུད་དུས་སུ་དེ་ཡི་ལམ་བར་དུ་བོད་མིའི་གཞིས་གྲོང་ཉམཐག་ཞིག་ཡོད་པ་གཏན་ནས་རྒྱུས་མངའ་མེད་ཚོད་རེད། ད་ལོ་ཡང་ང་རང་ཨམ་བྷ་ལ་བོད་ཀྱི་གཞིས་གྲོང་དེ་བརྒྱུད་དུས་སུ་མི་ཞིག་གིས་ན་ནིང་ཁྱོད་རང་གོམ་བགྲོད་བྱེད་དུས་སུ་དར་ཆ་ནག་པོ་ཞིག་ཁུར་ནས་སོང་བ་རེད་ཟེར་བ་དེ་བདེན་པ་རེད་དམ་ཞེས་དྲིས་སོང་བས་ངས་ཁོང་རྣམ་པ་ལ་རྒྱལ་དར་གྱི་གླེང་རྙོག་སྐོར་ང་དང་འབྲེལ་བའི་སྐོར་ངོ་སྤྲོད་བྱས་ཚར་དུས་སུ། ཨ་ཅག་ཞིག་གིས་ལག་ཟུང་ཐལ་མོ་སྤྱར་ནས། བུ་སྙིང་ཐག་པ་ནས་ཐུགས་རྗེ་ཆེ། ད་དངོས་ནས་ཁ་གསལ་བོ་ཆགས་སོང་ཞེས་གསུངས་སོང་།
ས་ཡ་དྲུག་གི་བུ་གླིང་ཚ་ཚེ་བརྟན་རྡོ་རྗེ་ནས་ལྡི་ལུ་བསམ་ཡས་གླིང་དུ་ཞི་བའི་གོམ་བགྲོད་ཐེངས་གཉིས་པའི་ལམ་བར་ཏེ་སྤྱི་ལོ་ ༢༠༡༣ ལོའི་ཟླ་ ༤ ཚེས་ ༥ ཉིན།
གླིང་ཚ་ཚེ་བརྟན་རྡོ་རྗེ་ལགས།
ཁྱེད་འདྲ་བའི་བོད་མི་ས་ཡ་དྲུག་ཚང་མ་ལ་སྙིང་སྟོབས་དང་། སེམས་ཤུགས། སྤྱི་སེམས། ཞུམ་མེད་ཀྱི་བློ་རྒྱ་ཡོད་ན་ང་ཚོ་ཚང་མ་བོད་ལ་ལོགས་ཚར་ཡོད་ངེས་རེད་། ཁྱེད་ཀྱིས་སྒེར་དོན་རྒྱབ་དུ་དོར་ནས་སྤྱི་དོན་ཕྲག་དུ་འཁུར་བ་ལ་ཡིད་རང་བསྔགས་བརྗོད་ཡོད་།
དགའ་གུས་ཡི་རངས་བསྔགས་བརྗོད་མང་པོ་ཡོད། བོད་རྒྱལ་ལོ། །གླིང་ཚ་རྒྱལ་ལོ།།
མདོ་སྨད་མཐོང་སྨོན་གླིང་དཀར་ལྷ་ཡི་ཡུལ། །
གེ་སར་དཔོན་དང་འབུམ་པ་རྒྱ་ཚ་ཡི། །
གདུང་རྒྱུད་དག་མ་གླིང་ཚ་ཚེ་རྡོར་མཆོག །
ཆོལ་གསུམ་བོད་མིའི་དཔའ་བོ་ངོ་མ་ཡིན། །
ཁྱོད་ཀྱི་གོམས་སྟབས་རེ་རེ་ངའི་སྙིང་ཁ་རུ་ཐྲིག་ཐྲིག་གིས་སྤོས་ཡོང་དུས་ངས་རང་ཉིད་བོད་མི་ཞིག་ཡིན་ཞེས་པའི་སྤོབས་པ་རྨང་ནས་བོར་ཐལ།བཀའ་དྲིན་ཆེན།
བོད་ལ་ལོག་པའི་བུ་རྒོད།
བོད་དོན་ལས་བའི་བུ་ངར།
བོད་ལ་དགའ་བའི་གཞོན་སྐྱེས།
བོད་མི་ཡོངས་ཀྱི་གཅེས་ཕྲུག
རྒྱབ་སྐྱོར་གནང་མཁན་ཚོར་་་ངས་མགོ་ནག་བོད་མིའི་ཚབ་བྱས་ནས་བཀའ་དྲིན་ཆེ་གྲངས་མེད་ཞུ།།
ང་ཚོའི་ནང་ཡིག་འབྲི་བྱེད་དགོས་ན་དངོས་ནས་མཁས་པ་ཤ་སྟག་ཙམ་མ་ཟད་སྙན་པོ་ཡང་བྲིས་མཁན་མི་ཉུང་བ་འདུག། ཡིན་ཀྱང་དེ་ཚོ་གསོལ་ལྕོགས་སྒང་གི་པཱ་ལཌ་ཀྱི་རྨོས་རྒྱབ་པ་ནང་བཞིན་ཡིན་འགྲོ་བསམ། རྡོ་རྗེ་ཚེ་བརྟན་ནང་བཞིན་ཐང་དུ་ཐོན་མཁན་དཀོན་པོ་རེད་བསམ།
གླིང་ཚ་ཚེ་བརྟན་རྡོ་རྗེ་མཆོག་ལ་གོམ་བགྲོད་ལེགས་འབྲས་འབྱུང་བར་ཡིད་སྨོན། ཁྱེད་ཀྱིས་གོམ་བགྲོད་ལན་གཉིས་པ་འགོ་བཙུགས་པར་བཀྲ་ཤིས་བདེ་ལེགས། ད་ལྟའི་བོད་སྐད་སྤྱོད་སྟངས་ལ་བལྟ་ན། བོད་མིང་ཚིག་མང་པོ་ཞིག་མེད་པར་འགྲོ་བའི་ཉེན་ཀ་སླེབས་འདུག དེ་དག་གཅིག་ནི། ལན། ཆོས་སྐད་དུ། ལན་གཅིག ལན་གསུམ་སོགས་དང་། ལ་དྭགས་ལུང་ཁུག་གིས་དབང་གིས་ཡིན་ངེས། སྔར་དབུས་ཀྱི་སྔ་རབས་པའི་མིང་ཚིག་མང་དུ་སྤྱོད། ཁྱེད་ཀྱི་གོམ་བགྲོད་དེ། བོད་མི་རིགས་དང་རིག་གཞུང་མི་མི་ཉམས་མི་བརླག་པའི་དོན་དུ་ཡིན་པར་ཐེ་ཚོམ་མེད། དེ་དག་སྲ་བརྟན་འབྱུང་བ་ལ་བོད་སྤྱི་པའི་སྐད་དེ་སྲ་བརྟན་དགོས། བོད་སྤྱི་པའི་སྐད་དེ་ཆོས་སྐད་ཡིན་པར་གདོན་མི་ཟ། མཁས་དབང་མདོ་སྨད་པ་དགེ་འདུན་ཆོས་འཕེལ་གྱིས་ཆོས་སྐད་དུ་བྲིས་པའི་གླེགས་བམ་ཞིག་མངའ་རིས་ནས་ཨ་མདོའི་བར་དུ་ཁྱེར་ཡང་ཐམས་ཅད་ཀྱིས་ལྷོགས་ཤིང་གོ་ཐུབ་པ་ཡིན་གསུངས། དེ་མིན་ཁྱེད་ཀྱིས་ཁ་སྐད་དུ་བྲིས་པ་འགའ་ཞིག་ལ་དྭགས་པ་བོད་ཡིག་ཀློག་མཁན་བདག་ལྟ་བུས་གོ་དཀའ། དཔེར་ན། “ཁེགས་ས་རེད། སུ་གང་ལའང་ལེ་བདའ་བྱེད་ཀྱིན་མེད། ལེ་ཁག་ཡེ་ནས་བྱེད་མྱོང་མེད།” དེ་བཞིན་ཡིག་སྐད་ཟུར་མ་ཆག་པ་འབྲི་དགོས་དཔེར་ན། “རོགས་རམ། སྔ་དགོང་གཉིས། མེད་པ་མ་ཟད།” བོད་སྤྱིའི་ཆོས་སྐད་སྲུང་དགོས་པའི་ཆ་ནས། “གྲོགས་རམ། སྔ་དགོངས་གཉིས། མེད་པར་མ་ཟད།” ཅེས་འབྲི་དགོས་པ་དེ། བོད་རིགས་ལ་ཕན་པའི་ཕྱིར་དུ། ཁྱེད་དང་། གཞན་རྣམས་ཀྱིས་གསན་པའི་རེ་བས་བྲིས་སོ།།
བསོད་ནམས་ཚེ་རིང་ལགས་ཀྱི་སྐད་ཆ་དེ་བདེན་པ་རེད། གནས་སྐབས་རིང་ང་ཚོའི་ནང་དུ་ཐང་ལ་འབུད་མཁན་མ་བྱུང་རུང་། དུས་གཏན་དུ་དེ་འདྲ་ཞིག་མིན་པར་ཡིད་ཆེས་ཡོད། མགོ་ནག་བོད་འདི། ཆེས་སྡུག་སར་ཐོན་དུས་ཧ་ཅང་ངར་བ་ཞིག་ཏུ་ལོག་འགྲོ་བ། རང་རེའི་དམ་པ་མང་པོས་གསུངས་ཡོད།
བུ་ཁྱེད་ཀྱི་སེམས་ཤུགས་དང་། བློས་གཏོངས་ལ་ངས་སྙིང་གི་དཀྱིལ་ནས་ཡི་རངས་ཡོད་པ་མ་ཟད་གནས་སྐབས་ཡུལ་དུས་ཀྱིས་སྐལ་ཡང་ང་ཁྱེད་རང་རྒྱབ་ཏུ་རྟག་པར་ཡོད་ཕོ་རྒོད། སེམས་ཤུགས་མ་ཆགས།
ལ་དྭགས་བློ་བཟང་འཇམ་དཔལ་ལགས་ནས་ནམ་ཡིན་ཡང་བོད་ཡིག་ལ་བརྩེ་བ་དང་དུངས་པ་ཟབ་པའི་ཁོང་གི་ཚིག་འབྲུ་རེ་རེའི་གྲུབ་དོན་དང་། ཁོང་གི་ང་ཚོ་ཧི་མ་ལ་ཡེ་རི་རྒྱུད་ལ་གནས་པའི་མི་རིགས་འདི་རྣམས་སྐད་ཡིག་གཅིག་གི་གཞོང་བའི་ནང་ལྡོག་ལྡོག་རིལ་རིལ་གཅིག་ཏུ་ཡོང་ཐབས་ལ་འབད་བརྩོན་བྱེད་བཞིན་པ་ནི་རྗེ་སུ་ཡི་རང་གི་གནས་སོ།