ཧི་མ་ལ་ཡའི་འཕྲུལ་སྨྱུག
གསང་སྔགས་ལུགས་ཀྱི་བླ་མ་ལ་མཚན་ཉིད་གང་ཡང་ཚང་མི་དགོས་ཏེ།༼ཞེས་པའི་སུག་བྲིས་དེ་ཕྱོགས་རེ་བ་ཞིག་ངེས་ཏེ། བླ་མ་ལྔ་བཅུ་པ་ལས། བརྟན་ཅིང་དུལ་ལ་བློ་གྲོས་ལྡན། །བཟོད་ལྡན་དྲང་ལ་གཡོ་སྒྱུ་མེད། །སྔགས་དང་རྒྱུད་ཀྱི་སྦྱོར་བ་ཤེས། །སྙིང་བརྩེར་ལྡན་ཞིང་བསྟན་བཅོས་མཁས། །དེ་ཉིན་བཅུ་ནི་ཡོངས་སུ་ཤེས། །དཀྱིལ་འཁོར་བྲི་བའི་ལས་ལ་མཁས། །སྔགས་བཤད་པ་ཡི་སྦྱོར་བ་ཤེས། །རབ་ཏུ་དང་ཞིང་དབང་པོ་དུལ། །ཞེས་པ་ལ་སོགས་པའི་ལུང་ཚིགས་རྣམས་མ་གཟིགས་པའི་ཕྱིར་རོ།།༽
སློབ་མས་འཇོན་ན་ཁྱི་སོ་ལའང་རིང་སྲེལ་འཁྲུངས་འོང་བ་ཡིན། ༼ཞེས་པའི་ཁྱི་སོ་ལས་རིང་སྲེལ་འཁྲུངས་ཚུལ་གྱི་ཁ་རྒྱུན་དེ་ནི། གསང་སྔགས་དར་སའི་ཕྱོགས་གཏོགས་བོད་ཡུལ་གཅིག་པུ་མ་ཡིན་པར། ཉན་ཐོས་ཐེག་པའི་ཆོས་གཞིས་སུ་གྱུར་པ་བྷར་མ་ལ་ཡང་ཡོད་དེ། གཏམ་རྒྱུད་གསེར་མ་ལས། སིངྒ་ལའི་རྒྱལ་པོ་ཙཽ་ལ་པ་རྣམས་དང་འཐབ་པ་ན། བྷར་མའི་རྒྱལ་པོ་འདིས་དཔུང་གྲོགས་བཟང་པོ་བྱས། དེའི་དྲིན་ལན་དུ་ངེད་ལ་ཚེམས་མཆེ་བ་དང༌། དགེ་སློང་རྣམས་མཐོང་ཞིག་སྨྲས་པས། བི་ཛ་ཡས་ཚེམས་སྟེར་མ་ནུས་པར་བྱི་རུ་དཀར་པོ་ལས་འདྲ་ཞིག་ཟོས་ཏེ་བསྐུར་བ་དེ་ཡང་མཆོད་རྟེན་འདིའི་ནང་དུ་བཞུགས་ཟེར། བྷར་མའི་རྒྱལ་པོ་དོགས་པ་ཟས་པར་ཚེམས་ལས་འོད་འཕྲོས་པ་སོགས་རྒན་མོའི་ཁྱི་སོ་འདྲ་བའི་ལོ་རྒྱུས་ཤིག་ཀྱང་གྲགས། ཞེས་མ་གསུང་ངམ།
སྤྲུལ་པའི་སྐུ་ལ་དབྱེ་ན། མཆོག་གི་སྤྲུལ་སྐུ། བཟོ་བོ་སྤྲུལ་སྐུ། སྐྱེ་བ་སྤྲུལ་སྐུ་གསུམ་དང༌། ཕྱི་མ་དེའི་ནང་གསེས་ལ་བརྒྱ་བྱིན་དང༌། རི་དྭགས། ཟམ་པ། ལྗོན་ཤིང་སོགས་སེམས་ཅན་གྱི་མོས་དབང་དང་མཐུན་པར་གཞན་ཕན་གྱི་མཛད་པ་སྣ་ཚོགས་སུ་སྟོན་པར་བརྟེན། བཟང་ཕྱོགས་དད་སྟོབས་ལ་བརྟེན་ནས་ཁྱི་སོ་ལས་རིང་སྲེལ་འཁྲུངས་ཏེ། སེམས་ཅན་མང་པོ་ནང་བསྟན་ལ་དཀྲི་བའི་ཕན་རླབས་རྒྱ་ཆེ་བྱུང་བ་ཡང་དེ་དང་དེ་འདྲ་བའི་མཚོན་དོན་རྣམས་ལས་དཔོག་པར་སེམས་ལ།
དེ་མིན་ངན་ཕྱོགས་ནས་དཔེ་བླང་ན། ནུས་ལྡན་ཞིག་གིས་སྤྱི་སྒེར་གང་ཡང་རུང་ཞིག་ལ་མཐུ་གཏད་བྱས་འདུག་ཟེར་བ་ཐོས་ན། ཕ་རོལ་པོའི་སེམས་ལ་གནོད་ཡོང་སྙམ་པའི་རྣམ་རྟོག་དེའི་རྐྱེན་པས། མི་འདོད་པའི་ཆགས་སྒོ་སྣ་ཚོགས་ཤིག་བྱུང་བཞིན་ཡོད་པས་ཀྱང་མཚོན་པར་ནུས་སོ།།༽
བཀའ་དྲིན་ཆེ་ལགས།
བླ་མ་ལྔ་བཅུ་པ་ལས།
༡བརྟན་ཅིང་༢དུལ་ལ་༣བློ་གྲོས་ལྡན།
༤བཟོད་ལྡན་༥དྲང་ལ་༦གཡོ་སྒྱུ་མེད།
༧སྔགས་དང་༨རྒྱུད་ཀྱི་སྦྱོར་བ་ཤེས།
༩སྙིང་བརྩེར་ལྡན་ཞིང་༡༠བསྟན་བཅོས་མཁས།
དེ་ཉིད་བཅུ་ནི་ཡོངས་སུ་ཤེས།
དཀྱིལ་འཁོར་འབྲི་བའི་ལས་ལ་མཁས།
སྔགས་བཤད་པ་ཡི་སྦྱོར་བ་ཤེས།
རབ་ཏུ་དང་ཞིང་དབང་པོ་དུལ།།
་
རྐང་པ་ཕྱི་མ་གསུམ་ལ་བརྟགས་པ། དེ་ཉིད་བཅུ་ཤེས་པའི་སྟེང་དུ་དཀྱིལ་འཁོར་འབྲི་ཤེས་པ་བསྣན་ཀ་ཡིན་ནམ། སྔགས་ཤེས་པ་དང་། རྒྱུད་ཤེས་པ་ལ་ཁྱད་པར་ཅི་ཡོད་དམ། སྔགས་བཤད་པ་ཡི་སྦྱོར་བ་ཤེས་པ་དེ། གོང་མ་དེ་གཉིས་མི་འདྲ་བར་འཇོག་གམ། རབ་ཏུ་དང་ཞིང་དབང་པོ་དུལ།། གོང་གི་ཡིག་འཔྲེང་དང་པོ་དེ་འདིར་སླར་བཟླས་པ་མ་ཡིན་ནམ།
“ཕ་རོལ་པོའི་སེམས་ལ་གནོད་ཡོང་སྙམ་པའི་རྣམ་རྟོག་དེའི་རྐྱེན་པས།” འདིར་ཡོང་དང་། རྐྱེན་པས། ཞེས་པ་རིག་གཞུང་ཆོས་སྐད་ལ་གནོད་པས། བདག་གིས་དེ་སོགས་ལ་འཛུར་བར་བྱེད། ཅེས་སོ།།
དེ་ལྟར་ན་ལས་འབྲས་མི་བདེན་པ་དང་ཐུབ་རྣམས་སྡིག་པ་ཆུ་ཡིས་བཀྲུ་བར་སོགས་འགྱུར་བས་སོ།།
ཐ་མ་གསུམ་དེ་ཉིད་བཅུ་ལས་ལོགས་སུ་འདྲེ་རྒྱུ་ཡིན། དེ་ཉིད་བཅུ་ནི་རྡོ་རྗེ་སྙིང་པོ་རྒྱན་ལས་གསུངས་པ་དང། ཐ་མ་གསུམ་སྒྱུ་འཕྲུལ་དྲ་བ་ལས་བཤད་པ་བསྡུས་པ་ཡིན། དཀྱིལ་འཁོར་འབྲི་བའི་ལས་མཁས་པ་ནི་། ཐིག་དང་། མཚོན་དང། བརྡུལ་མཚོན་གྱིས་དཀྱིལ་འཁོར་བྲི་བའི་ལས་ལ་མཁས་པ་དང། „སྔགས་བཤད་པ་ཡི་སྦྱོར་བ་ཤེས།„ ཞེས་པའི་ཆགས་འགྱུར་དུ། སྔགས་འཆད་མཁས་པའི་སློབ་དཔོན་ནི། ཞེས་པར་ལྟར་བདེ་བ་རྗེ་བླ་མས་གསུངས་པས། གཞན་ལ་སྔགས་ཀྱི་ལམ་འཆད་མཁས་པའི་དོན་ཡིན། གོང་གི་རྒྱུད་ཤེས་པ་ནི། སྔགས་དང་རྫས་ཀྱིས་རང་རང་གི་བྱ་བ་ཞི་སོགས་ཀྱི་ལས་སྒྲུབ་པར་ལ་མཁས་པ་ཡིན་པས་མི་ཟློས་སོ།
རབ་ཏུ་དང་ཞིང་དབང་པོ་དུལ།།„„ ཞེས་པ་ནི་ཐེག་ཆེན་སྤྱི་དང། ལྷག་པར་གསང་སྔགས་རྡོ་རྗེ་ཐེག་པ་ལ་རབ་ཏུ་དང་བ་བརྟན་པ་དང། དབང་པོ་དུལ་བ་ནི་དྲན་ཤེས་ཀྱིས་ཕྱི་རོལ་ལ་དབྱེང་བ་ཚར་བཅོད་པ་དང་། ཚིག་དང་པོས་བཤད་པའི་བརྟན་པ་ནི་ལུས་བསྡམས་པ་དང་། འདུལ་བ་ནི་ངག་བསྡམས་པ་དང། བློ་གྲོས་ལྡན་པ་ནི་ཡིད་བསྡམས་པ་ལ་རྗེ་བླ་མས་བཤད་དོ། །ཞིབ་པར་བཀྲ་ལྷུན་པར་མ་གསུང་འབུམ་ ཀ༽ པ་༣༣༡ ནང་གསལ་ལོ།།
འཕྲུལ་སྨྱུག་གི་རྩོམ་འདི་དག་ཡེ་ནས་གོ་ཚོད་ཀྱི་མིན་འདུག མཚམས་རེ་ནང་ཆོས་དུག་ལྟར་གྱི་ངོས་འཛིན་བྱེད་པ་ལ། མཚམས་རེ་ནང་ཆོས་ལ་སྐྱོན་འཛུགས་བྱེད་མཁན་རྣམས་ལ་ལན་སློག་པ་ལྟ་བུ། གློག་སྐུད་ཅུང་མི་ཚང་བའི་འཕྲུལ་རྙོག་དེ་འདྲ་མིན་ནམ།
སྔོན་དུས་དེ་ཉིད་བཅུ་བསྟན་པའི་རྒྱུད་གཞན་ཞིག་ཀྱང་མཐོང་བྱུང་བས། དྲ་གྲོགས་རྣམས་ནས་ལུང་དེ་འདྲ་ཞིག་སྟོན་པའི་རྒྱུད་གསུང་རྒྱུ་ཡོད་ཚེ་བྲི་བར་ཞུ།
སློབ་དཔོན་དབྱིག་གཉེན་གྱི་ཞལ་སྔ་ནས། སྟོན་པ་འཇིག་རྟེན་མིག་ནི་ཟུམ་གྱུར་ཅིང་།། དབང་གྱུར་སྐྱེ་བོ་ཕལ་ཆེར་ཟད་པ་ན།། དེ་ཉིད་མ་མཐོང་རང་དགར་གྱུར་བ་ཡི།། ངན་རྟོག་རྣམས་ཀྱིས་བསྟན་པ་འདི་དཀྲུགས་སོ།། རང་བྱུང་རང་བྱུང་བསྟན་པ་གཅེས་འཛིན་རྣམས།། མཆོག་ཏུ་ཞིར་གཤེགས་འགྲོ་མགོན་མེད་པ་ན།། འདོམས་མེད་ཡོན་ཏན་འཇོམས་པར་བྱེད་པ་ཡི།། དྲི་མས་དགའ་མགུར་དེང་སང་འདི་ན་སྤྱོད།། ཞེས་གསུངས།
དཔེ་ཆ་ལེགས་པར་གཟིགས་ཤིང་བདག་གི་དྲི་བ་འགར་ལན་བྲིས་པར་བཀའ་དྲིན་ཆེ།
༧སྔགས་དང་༨རྒྱུད་ཀྱི་སྦྱོར་བ་ཤེས། ཞེས་པ་ལ། སྔགས་ཤེས་པ་དང་། རྒྱུད་ཤེས་པ་ལ་ཁྱད་པར་ཅི་ཡོད་དམ། ཞེས་པ་ལན་མེད་པའི་དོན་ཅི་ཡིན་ནམ། ཞེས་དང་། “ཞེས་པའི་ཆགས་འགྱུར་དུ།” ཞེས་པ་ཆག་ལོའི་འགྱུར་དུ། ཞེས་པ་ཡིན་ནམ། དེ་ཡིས་གཞུང་གང་བསྒྱུར་ཏམ། གསལ་ཀ་དགོས། ཞེས་དྲི་བ་མཆིས་སོ།།
རྒན་ལ་ཐགས་པ་ལེགས། བླ་མ་ལྔ་བཅུ་པའི་མ་ཕྱི་གཟིགས་པར་འདོད་ཚེ། དྲ་རྒྱ་http://www.tsongchu.com/Article/Proverb/20101204228.htmlའདིའི་ནང་དུ་གཟིགས་རོགས་ཞུ།
བླ་མཆོད་ལས།
གང་དང་ལྡན་ན་བདེ་བར་གཤེགས་པའི་ལམ། །
སྟོན་པར་འོས་པའི་ཡོན་ཏན་བཅུ་ལྡན་པ། །
མ་ལུས་རྒྱལ་བའི་གདུང་འཚོབ་ཆོས་ཀྱི་རྗེ། །
ཐེག་མཆོག་དགེ་བའི་བཤེས་ལ་གསོལ་བ་འདེབས། །