གུས་པའི་མིང་ལ་རིན་པོ་ཟེར་ཞིང་ཨ་རིའི་མངའ་སྡེ་མེ་ནེ་སོ་ཏྲར་Minnesota གནས་སྡོད་བྱེད་མཁན་གྱི་བོད་རིགས་དཀྱུས་མ་ཞིག་ཡིན། ཕྱི་ལོ་༢༠༠༠ ལོའི་པན་ཆེན་རིན་པོ་ཆེའི་སྐུའི་འཁྲུངས་སྐར་དང་སྟབས་བསྟུན་ཏེ་ཨ་རིའི་མངའ་སྡེ་Minnesota ནས་མགོ་འཛུགས་ཀྱིས་ད་བར། ཨ་རིའི་མངའ་སྡེ་ཁག་༤༤ ནང་ཁྱོན་བསྡོམས་མེལ་ལེ་༨༤༠༠ ལྷག་ལ་རྐང་འཁོར་སྐོར་སྐྱོད་ཀྱི་ལས་འགུལ་ཐེངས་༢༤ ཙམ་སྤེལ་ཡོད་པ་དང་། དེ་བཞིན་ཕྱག་འཚལ་ནས་སྐྱོད་པའི་ལས་འགུལ་ཐེངས་གཉིས། གོམ་བགྲོད་ཀྱི་ལས་འགུལ་ཐེངས་གཉིས་བཅས་སྤེལ་ཡོད། ད་རེས་ཡོ་རོབ་ནང་རྐང་འཁོར་སྐོར་བསྐྱོད་ཀྱི་ལས་འགུལ་འདི་སྤེལ་ནས་བོད་དོན་སྤྱི་དང་ལྷག་པར་དུ་རང་ལུས་མེར་སྲེག་སྐོར་ལ་གོ་རྟོགས་སྤེལ་རྒྱུ། རྒྱ་གཞུང་གིས་བོད་ཐོག་འཛིན་པའི་དྲག་གནོན་གྱི་སྲིད་ཇུས་ཐེར་འདོན་བཅས་ཀྱི་ལས་འགུལ་འདི་མགོ་འཛུགས་ཞུས་པ་ཡིན། གུས་པའི་ལས་འགུལ་འདིའི་ནང་ཡོ་རོབ་རྒྱལ་ཁབ་བཅུ་གསུམ་༡༣ དང་གྲོང་ཁྱེར་ཁག་བརྒྱ་དང་ལྔ་བཅུ་ལྷག༡༥༠ ལ་བསྐྱོད་རྒྱུ་ཡིན།
གུས་པའི་འབོད་ཚིག་གཉིས་ནི། ༡༽རྒྱ་གཞུང་གིས་བོད་ཐོག་འཛིན་པའི་མཁྲེགས་འཛིན་གྱི་སྲིད་ཇུས་ལ་བསྐྱར་ཞིབ་ཀྱིས་བོད་མིའི་དངོས་ཡོད་ཀྱི་དཀའ་ཁག་རྣམས་ཞི་མོལ་གྱི་ཐོག་ནས་སེལ་ཐབས་བྱེད་དགོས།
༢༽རྒྱལ་སྤྱིའི་གསར་འགོད་པ་དང་། མཉམ་འབྲེལ་རྒྱལ་ཚོགས། རྒྱལ་སྤྱིའི་རྟོག་ཞིབ་མི་སྣ་སོགས་བོད་ནང་བསྐྱོད་དེ་རང་ལུས་མེར་བསྲེགས་སྐོར་གྱི་དངོས་ཡོད་གནས་ཚུལ་རྒྱུས་ལོན་བྱེད་འཇུག་དགོས།
མཐའ་མཇུག་ཡོ་རོབ་མཉམ་འབྲེལ་དང་། དེའི་ཁོངས་མི་རྒྱལ་ཁབ་ཁག་གི་དབུ་ཁྲིད་རྣམ་པར་འབུལ་རྒྱུའི་ཞུ་སྙན་ལ་མཚན་རྟགས་བརྒྱབ་ཏེ་གུས་པའི་ལས་འགུལ་འདིར་རྒྱབ་སྐྱོར་གནང་རྒྱུའི་འབོད་སྐུལ་ཞུ་རྒྱུ་ཡིན།
རིན་པོ་ནས།
ཕྱི་ལོ་༢༠༡༣ ཟླ་༣ ཚེས་༡༧ ཉིན་ཕུལ།
ཧ་ཅང་ཡག་པོ་རེད་ཨ་རི་ནང་ལས་གུལ་མང་པོ་འཔེལ་འདུག། ཨ་རི་རླུང་འཕྲིན་ཁང་དང་ཨེ་ཤེས་ཡའི་རང་དབང་་རླུང་འཕྲིན་ཁང་གཉིས་འདིར་ཞམ་དྲེན་རེད་། ཨ་རི་ནང་བོད་མི་ཁག་ཅིག་གི་གསུང་བ་འདེན་པ་རེད་འདུག ཨ་རི་ས་གནས་ནང་གི་གནས་ཚུལ་མཐོང་གི་མེད་པ་དེར་ནི་ནམ་རྒྱུན་ཁོ་པ་ཚོ་ལ་སེམས་ཚབ་རྩ་ནས་མེད་པ་གསལ་པོ་རེད་།
ཐུགས་རྗེ་ཆེ་ཞུ་ལགས་།
ཡག་པོ་རེད་བཀའ་དྲིན་ཆེའོ།
དངོས་གནས་བོད་དོན་ཆེད་དུ་འདི་འདྲ་བྱ་བ་བྱེད་ཐུབ་པ་ཐུགས་རྗེ་ཆེན་མ་ཚད་ཨ་རི་ནང་ཨ་སྒོར་མགོ་འཁོར་ནས་མ་འདུག་པ་བོད་དོན་ལ་དམིགས་པ་ཧ་ཅང་ཡག་པོ་རེད་རིན་པོ་ཁྱེད་ནི་དངོས་གནས་རིན་པོ་ཆེ་རེད་་་ཐུགས་རྗེ་ཆེ
བོད་རིགས་དཀྱུས་མ་ཞིག་གི་ལས་འགུལ་འདི་འདྲ་ཞིག་སྤེལ་བ་ལ་རྗེསུ་ཡི་རང་དང་ཐུགས་རྗེ་ཆེ་ཞུ་རྒྱུ་ཡིན།
དངོས་གནང་ཁོང་གི་སྔོན་ནས་ལས་འགུལ་མང་པོ་སྤེལ་གྱི་ཡོད་པ་གསར་འགྱུར་བརྒྱུད་ལམ་ཁག་ནས་གོ་མྱོང་ཡོད་་་་་ད་ཡུ་རོབ་ནང་ལས་འགུལ་སྤེ་བར་སྙིང་ནས་བཀའ་དྲིན་ཆེ།
བོད་པའི་རིན་པོ་ཆེ་ཟེར་བ་འདི་འདྲ་ཞིག་ལ་ཟེར། སྤྲུལ་སྐུ་ཞིག་ལས་ལྷག་རེད་འདུག
མི་རིགས་ཀྱི་ཆེད་དུ་་་་་་་ རྒྱལ་ཁབ་ཀྱི་ཆེད་དུ་་་་་་་་་་་་་་་དངོས་ནས་རྗེས་སུ་ཡི་རང་ཡོད།
ངས་ཅི་ཡང་བཤད་མི་སྤོབས། བོད་མི་ཞིག་གི་ཐོབ་ཐང་ལེན་མཁན་ང་དང་ང་ལྟ་བུ་ཤིན་ཏུ་མང་མོད། བོད་མི་ཞིག་གི་འགན་འཁུར་མཁན་ཁྱོད་དང་ཁྱོད་ལྟ་བུ་ནི་ཤིན་ཏུ་དཀོན་པོ་རེད། དེ་བས་ངས་ཅི་ཡང་བཤད་མི་སྤོབས།
ཐེངས་གཅིག་རྗེས་སུ་སེམས་ཤུགས་ཆགས་ནས་མ་སྡོད་རོགས་གནང་མུ་འཐུད་སེམས་བསྐྱེད་གནང་ཐམས་དགོས་ངེས།་