གསུམ་བཅུ་དུས་དྲན་ང་བཞི་འཁོར་བའི་དཔའ་བོ་དཔའ་མོ་ཡོངས་ལ་བཀའ་དྲིན་རྗེས་དྲན།
བོད་ཆོས་ལྡན་གངས་ལྗོངས་ཀྱི་ཞིང་
རྒྱ་དམར་པོའི་ཁ་དབྱངས་དེ་སྒྲོག་
རྒྱ་ཆེ་བའི་གངས་ལྗོངས་ཀྱི་མི་ལ།
ཆེས་བདེ་སྐྱིད་བསྐྲུན་མཁན་དེ་ཡི
བོད་མི་མང་མགོ་སྐོར་དེ་བཏང་ནས།།
བོད་མི་རིགས་རྩ་ཆེ་ཡི་རིག་གཞུང་
ཆེས་རྗེས་ལུས་ཡིན་རབ་ལ་བསྙད་དེ།
ཚད་མེད་པའི་གཏོར་བཤིག་དེ་བཏང་སོ
བོད་གངས་ལྗོངས་ཆོས་ལྡན་གྱི་ཞིང་
ཆེས་ལོ་རྒྱུས་ཡུན་རིང་ལ་ལྡན་ཞི
བོད་རང་དབང་གཙང་མ་དེ་ཡིན་ཡང་།།
དུས་དེང་སྐབས་རྒྱ་གཞུང་གིས་ཁྲེ
བོད་རྒྱ་ཁོངས་ཡིན་ཚུལ་གྱི་རྫུན་
དུས་རྟག་ཏུ་ཆད་མེད་ལ་སྒྲོག་གིན།
ད་སྒྲོག་ཀྱང་ཕན་ཐོགས་ལ་མེད་པར།།
བློ་གཟུ་བོའི་འཛམ་གླིང་གི་མི་སྣ
བོད་ཆོས་ལྡན་ཞིང་ཁམས་ཀྱི་ལོ་རྒྱ
ཁྲ་ལྷང་ངེར་ཚང་མ་ལ་ཤེས་སོང་།།
རྒྱ་དམར་པོའི་སྟོང་བཤད་ལ་འགྱུར་
རྒྱ་གུང་ཁྲན་དམར་པོ་ཡི་གཞུང་གི
བོད་གངས་ལྗོངས་ཆོས་ལྡན་གྱི་ཞིང་
སྐྱིད་ཉི་མའི་འོད་སྟོང་ལྟར་ཡོད་
དེ་ཡོད་ན་གུང་ཁྲན་ལ་ངོ་རྒོལ།།
བྱེད་དགོས་པའི་གནད་དོན་དེ་མེད་
རྒྱ་དམར་པོ་བཙན་འཛུལ་ལ་བྱས་བཟུ
བོད་གངས་ལྗོངས་ཁྲག་དམར་དེ་བསྒྱུ
བོད་གཞིས་ལུས་མི་དམངས་ཀྱི་སེམས་
ཉིན་གཅིག་ཀྱང་བདེ་སྐྱིད་ལ་མེད་
ཆེས་ཁྲག་དང་མིག་ཆུ་དེ་བསྒྱུར་སོ
ལོ་ཉིས་སྟོང་བརྒལ་བ་ཡི་རྒྱལ་
བོད་རང་བཙན་གཙང་མ་ཡི་རྒྱལ་ཁབ།།
ཕྱི་དུས་རབས་ཉི་ཤུ་ཡི་ནང་ལ།།
རྒྱ་དམར་པོས་དྲག་པོ་ཡི་དཔུང་འཇུ
ཆེས་གདུག་རྩུབ་དྲག་གནོན་གྱིས་བོ
བོད་མི་རིགས་འབུམ་ཕྲག་ལ་བཅུ་གཉི
རྒྱ་དམར་པོས་ཚེ་སྲོག་དེ་འཕྲོག་
ཕྱི་ལོ་ང་དགུ་ལོ་ལ། །སྔ་མེད་གངས་ལྗོངས་ས་ཁུལ།།
དུས་འགྱུར་རླུང་འཚུབ་བྱུང་སྟེ། །བོད་ཀྱི་ལོ་རྒྱུས་ནང་ལ།།
གོད་ཆག་མགོ་འཛུགས་བྱུང་ངོ་། །ཕྱི་ལོ་ང་གཅིག་ལོ་ལ།།
རྒྱ་ནག་དམར་པོ་གཞུང་གིས། །བཙན་པོ་དབང་ཡོད་ཐོག་ནས།།
བོད་རྒྱ་གྲོས་མཐུན་འཇོག་དགོས། །རྒྱ་ནག་ཡོང་དགོས་བརྗོད་ལྟར།།
རང་གཞུང་སྐུ་ཚབ་འགའ་ཤས། །རྒྱ་ནག་ཡུལ་ལ་ཕྱིན་ཡོད།།
གྲོས་མཐུན་དོན་ཚན་བཅུ་བདུན། །རྒྱ་གཞུང་འདོད་མོལ་ནང་ལྟར།།
རང་རེའི་སྐུ་ཚབ་རྣམས་ལ། །འཇིགས་སྐུལ་སྣ་ཚོགས་བྱས་ནས།།
རྒྱ་ནག་པེ་ཅིང་ནང་ལ། །ས་རྟགས་རྒྱབ་དགོས་བྱུང་ཡོད།།
རང་རེའི་སྐུ་ཚབ་རྣམས་ཀྱིས། །རྟགས་ཐེ་མེད་ཚུལ་བརྗོད་སྐབས།།
རྒྱ་ནག་དམར་པོའི་གཞུང་གིས། །རྟགས་ཐེ་རྫུས་མ་བཟོས་ཏེ།།
ཡིག་ཆ་ཁུངས་ལྡན་ཡོང་ཆེད། །རྟགས་ཐེ་བཙན་གྱིས་ཕབ་བཅུག།
རང་གཞུང་ངོས་ཀྱི་ཕྱོགས་ནས། །གྲོས་མཐུས་འདོད་མོལ་མེད་ཀྱང་།།
རྒྱ་ཆེ་མི་མང་རྣམས་ལ། །བརྡབ་གསིག་མི་ཡོང་ཆེད་དུ།།
མི་ལོ་དགུ་ཙམ་རིང་དུ། །རྒྱ་དམར་གཞུང་ལ་མཐུན་ལམ།།
གང་གཟབ་ལྷོད་མེད་གནང་ཡང་། །རྒྱ་ནག་དམར་པོའི་གཞུང་གི།
རྣམ་འགྱུར་གདུག་རྩུབ་སྟོན་ནས། །སྐུ་ངལ་ཚད་མེད་བཟོས་ཡོད།།
ང་ལྔའི་ལོ་མཇུག་ཙམ་ལ། །བོད་ཀྱི་ས་གནས་འགའ་ལ།།
དཀའ་ངལ་ཚད་མེད་འཕྲད་ནས། །མཐའ་མ་ང་དགུ་ལོ་ལ།།
གངས་ལྗོངས་བོད་འབངས་ཡོངས་ཀྱིས། །ཞི་བའི་ངོ་རྒོལ་ཐོག་མར།།
རྒྱ་ནག་དམར་པོའི་གཞུང་གིས། །ཁྲག་དྲི་བྲོ་བའི་དྲག་གནོན།།
སྙོམ་ཆུང་བོད་མིའི་དུ་མ། །དམར་བསད་ཁྲག་ལ་བསྒྱུར་ཡོད།།
ང་ཚོའི་ལོ་རྒྱུས་དེ་ནི། །ནམ་ཡང་བརྗེད་ཐབས་མེད་དོ།།
གངས་ལྗོངས་བོད་འབངས་ཡོངས་རྫོགས། །གཞིས་བྱེས་གཉིས་སུ་འགྱེལ་ནས།།
ཁྲག་དང་མིག་ཆུའི་འོག་ཏུ། །མི་ལོ་ང་བཞི་འཁོར་བ།།
མི་ལོ་དེ་དག་ནང་དུ། །རྒྱ་ནག་དམར་པོ་གཞུང་གིས།།
བོད་ཡུལ་མེད་པ་བཟོ་ཐབས། །ལས་འགུལ་སྣ་མང་སྤེལ་ཡང་།།
གཞིས་ལུས་རྒྱ་ཆེ་མི་མང་། །སྙིང་སྟོབས་རི་བཙུགས་ནང་བཞིན།།
འགྱུར་མེད་བརྟན་པོའི་ཐོག་ནས། །སེམས་ཤུགས་ཞུམ་མེད་ཐོག་ནས།།
བོད་དོན་བདེན་མཐའ་རྩོད་ཡོད། །བོད་ཀྱི་ཆོས་དང་རིག་གཞུང་།།
ཡོངས་རྫོགས་མེད་པ་བཟོ་རྒྱུའི། །དམིགས་ཡུལ་ངན་པ་བཟུང་ནས།།
དྲུག་ཅུ་རེ་དྲུག་ལོ་ནས། །རིག་གནས་གསར་བརྗེ་ཞེས་པའི།།
ལས་འགུལ་གདུག་རྩུབ་སྤེལ་ནས། །གཏོར་བཤིག་ཚད་མེད་བཏང་ཡོད།།
དེ་ནས་རིམ་གྱི་བོད་ལ། །ཆབ་སྲིད་ཕྲན་བུ་གུ་ཡངས།།
གཞིས་བྱེས་ཉེ་འཕྲད་འགྲོ་ཡོང། །ཆོག་པའི་དུས་སྐབས་བྱུང་ཡོད།།
རྒྱ་དམར་གུང་ཁྲན་ཏང་གིས། །བོད་མིའི་མགོ་སྐོར་གཏོང་ཆེད།།
ཐབས་ལམ་འདྲ་མིན་སྣ་ཚོགས། །བོད་མི་བསླུ་ཐབས་བྱས་ཀྱང་།།
གཞིས་ལུས་བོད་མི་རྣམས་ཀྱི། །ཡོད་ཚད་བློས་བཏང་གནང་ནས།།
ཕྱི་ལོ་གྱ་བདུན་ལོ་ལ། །ཞི་བའི་སྐད་འབོད་གནང་ཡོད།།
རྒྱ་ནག་དམར་པོའི་གཞུང་གིས། །སྙོམ་ཆུང་བོད་རིགས་ཐོག་ལ།།
དེང་དུས་འཕྲུལ་འཁོར་སྤྱད་དེ། །དྲག་གནོན་ཚད་མེད་བྱས་ཡོད།།
དེ་ནས་ཉིས་སྟོང་བརྒྱད་ལོ། །ཆོལ་གསུམ་བོད་རིགས་ཡོངས་ཀྱི།།
སེམས་ནང་དཀའ་སྡུག་སྟོན་པས། །རྒྱ་ནག་དམར་པོའི་གཞུང་གིས།།
ཁྱོད་ཤི་ང་གསོན་བརྗོད་དེ། །དྲག་གནོན་ཚད་མེད་བྱས་ཡོད།།
དེ་འདྲའི་གནས་སྟངས་འོག་ནས། །ཕྱི་ལོ་ཉིས་སྟོང་དགུ་ནས།།
རང་རེའི་རྒྱལ་གཅེས་པ་རྣམས། །ཡོད་ཚད་མི་རིགས་རྩ་དོན།།
ཆེད་དུ་སྐུ་ལུས་མཆོད་མེ། །སྒྲོན་མཁན་དཔའ་བོ་དཔའ་མོ།།
བརྒྱ་དང་བདུན་ལ་སླེབས་ཡོད། །ད་དུང་བཙན་རྒྱལ་དམར་པོས།།
ངོ་ཚ་ཁྲེལ་གཞུང་མེད་པའི། །དེ་དག་ངན་བསྐུལ་བྱེད་མཁན།།
བཙན་བྱོལ་བོད་གཞུང་ཡིན་ཟེར། །ཁུངས་ལུང་མེད་པའི་འཆམ་གཏམ།།
ད་ནས་མཚམས་འཇོག་བྱས་ནས། །དངོས་ཡོད་བོད་མིའི་ཐོག་ལ།།
ངེས་པར་དགོངས་པ་བཞེས་དགོས། །ང་ཚོ་གངས་ཅན་བོད་མི།།
གཞིས་བྱེས་གཉིས་སུ་འགྱེལ་ནས། །ཁྲག་དང་མིག་ཆུ་འོག་ཏུ།།
འཚོ་བ་སྐྱུར་མོ་རོལ་ནས། །མི་ལོ་ང་བཞི་འཁོར་སོང་།།
ད་ནི་བོད་རིགས་ཡོངས་རྫོགས། །རྡོག་རྩ་གཅིག་བསྒྲིལ་གནང་ནས།།
རང་དབང་བདེན་དོན་རྩོད་དགོས། །རང་དབང་མྱུར་དུ་འཐོབ་པའི།།
གསོལ་བ་སྨོན་ལམ་འདེབས་སོ།།
ཡག་པོ་འབྲི་འདུག་ཐུགས་རྗེ་ཆེ་།
སྙིང་སྟོབས་གཅིག་ཏུ་སྒྲིལ།
གདོད་མའི་མི་རིགས་རང་གཤིས་གཅེས་སེམས་ཤིག་མངོན་ན།།
གདོང་དམར་ཚང་གི་ལས་དབང་བསམ་ཤེས་ཤིག་གནང་དང་།།
ཡབ་མེས་བཙན་པོའི་རྐང་ཤུལ་སྙིངས་སྟོབས་དེ་འཚོལ་བཞིན།།
མཐོ་སྒང་ཆོལ་གསུམ་བོད་པའི་སྐད་གདངས་རྣམས་མ་བརྗེད།།
གངས་རིའི་ལས་དབང་དར་རྒུད་དྲན་འདང་ཞིག་ཡོད་ན།།
མགོ་ནག་བོད་པ་རྣམས་ཀྱིས་མཐུན་སྒྲིལ་ཞིག་གནང་དང་།།
མ་འོངས་གངས་རིའི་བདེ་སྡུག་ལས་དབང་དེ་འཚོལ་བཞིན།།
ཡབ་མེས་བཙན་པོའི་མཁར་རྫོང་བརྗིད་རྔམས་དེ་མ་བརྗེད།།
རང་གཞན་རྣམ་ཀུན་སྨན་པའི་བརྩེ་སེམས་ཤིག་མཆིས་ན།།
སྦྲ་ནག་བོད་པ་རྣམས་ཀྱིས་མཐུན་སྒྲིལ་ཞིག་བརྩོན་དང་།།
ཁ་བའི་སྐྱིད་སྡུག་རིང་ལུགས་འདུན་དོན་དེ་འཚོལ་བཞིན།།
ཕོ་བྲང་དམར་པོའི་ཞིངས་ཁམས་འོད་མདངས་དེ་མ་བརྗེད།།
དུས་རབས་གསར་པའི་མདུན་སྐྱོད་འཚོ་ལམ་ཞིག་དྲན་ན།།
དེ་དང་མཐུན་པའི་རིག་ལམ་གསར་གཏོད་ཅིག་སྐྲུན་དང་།།
ཡབ་མེས་སྲོལ་བཟང་སྐྱོང་བའི་འདུན་དོན་དེ་འཚོལ་བཞིན།།
དུས་རབས་གསར་རྙིང་ཀྱོག་མཚམས་ཉམས་རྒུད་དེ་མ་བརྗེད།།
ཡར་ཐོན་རྒྱལ་ཁམས་འགྲན་པའི་ཤེས་ཡོན་ཞིག་བསམ་ན།།
ཀ་དམ་སུམ་ཅུའི་སྐད་གདངས་ལྷད་མེད་ཅིག་གནང་དང་།།
མི་རིགས་བདེ་སྡུག་སེལ་བའི་ཐབས་ལམ་དེ་འཚོལ་བཞིན།།
རང་རེའི་ཆོལ་གསུམ་གདོང་དམར་མཐུན་སྒྲིལ་དེ་མ་བརྗེད།།
རང་ལས་གཞན་གཅེས་སེམས་པའི་བློ་དཀར་ཞིག་དྲན་ན།།
རང་རེའི་གྲུབ་མཐའ་ཀུན་གྱིས་མཐུན་སྒྲིལ་དེ་གནང་དང་།།
མཐོ་སྒང་བོད་པའི་ལས་དབང་བསོད་ནམས་དེ་འཚོལ་གྱིན།།
ཡབ་མེས་སྦྲ་ནག་གཡང་དཀར་ལྷོད་འཇམ་རྣམས་མ་བརྗེད།།
མཐོ་སྒང་བསིལ་ལྡན་བོད་པའི་མཁར་རྫོང་རྣམས་དྲན་ན།།
མཐོ་སྒང་ཆོལ་གསུམ་བོད་པའི་སྙིང་སྟོབས་གཅིག་ཏུ་སྒྲིལ།།
མཐོ་སྒང་མི་རིགས་མདུན་སྐྱོད་ལེགས་ལམ་དེ་འཚོལ་བཞིན།།
མཐོ་སྒང་གདོང་དམར་ཡིན་པའི་བསམ་ཤེས་བཅས་མ་བརྗེད།།
༼རང་ལས་གཞན་གཅེས་སེམས་པའི་བློ་དཀར་ཞིག་དྲན་ན།།
རང་རེའི་གྲུབ་མཐའ་ཀུན་གྱིས་མཐུན་སྒྲིལ་དེ་གནང་དང་།།
མཐོ་སྒང་བོད་པའི་ལས་དབང་བསོད་ནམས་དེ་འཚོལ་གྱིན།།
ཡབ་མེས་སྦྲ་ནག་གཡང་དཀར་ལྷོད་འཇམ་རྣམས་མ་བརྗེད།།༽
མི་འདི་ཡི་ཁ་ནས་འདི་འདྲ་ཐོན་ཡོང་གི་འདུག
གདོང་དམར་མི་རིགས་མཐུན་བསྒྲིལ་ཞིག་དགོས་ན།
ཆོས་ལུགས་ཆགས་སྡང་སྨྱོས་ཆུ་དེ་སྤོང་རོགས།
གངས་པ་ཅན་ལ་ཞི་བདེ་ཞིག་སེམས་ན།
མཐོ་དམན་ཀུན་ལ་སྐུར་འདེབས་དེ་འདོར་རོགས།
ལོ་རྒྱུས་ཀྱི་གོ་རིམ་ལྡན་པའི་ཐོག་ནས་གོ་སླ་བོ་ཞིག་བྲིས་འདུག་ཐུགས་རྗེ་ཆེ།
ཕུགས་ཀྱི་དམིགས་ཡུལ་རང་བཙན་གཙང་མ་ཡི་ལོ་ཏོག། (རང་བཙན)
འཕྲལ་གྱི་ཁེ་ཕན་སོག་མའི་ཕུན་པོ་ལ་རྗེས་ན།། (དབུ་མ)
ཡུན་རིང་མུ་གེས་མནར་བའི་གངས་ཅན་པའི་ཞིང་པ།།
མངོན་འདོད་གང་ཡིན་ཁྱེད་ཀྱི་སེམས་ཁུངས་ནས་མ་བརྗེད།
ཆབ་མདོ་ངག་ཕུན་ལགས་ཚེ་རིང་ནད་མེད་བེད་སྐྱིད་ཕུན་གསུམ་ཚོགས། ཙོམ་འདིར་བོད་གངས་ཕྲུག་ངོམ་མ་་རང་རེདའདུག་་།པ དེ་རིང་ཉི་མ་ཧ་ཅང་སྐྱིད་པོ་འབྱུང་། ཐུགས་རྗེ་ཆེ་ཆབ་མདོ࿒ངག་ཕུན་ལགས་། མཆན་ཡང་྄༤ བར་ཡག་པོ་འབྲིས་འདུག་བོད࿒མི་རིགས་ཀྱི་འགན࿒འཁྱེར࿒འདུག࿒། འཁྱེར་ལ་ང་དང་གྲོགས་པོ་ཚང་མས་ས྄
ཡབ་མེད་བཙན་པོའི་ཡོད་ན་དགའ་བར࿒ལ།།