གཅན་བཟོད་རྒྱམ།
——————–
དེ་རིང་གི་སྙན་ངག
————-དུས་གསུམ་བརྗོད་པའི་མགྱོགས་བྲིས།
ཞོགས་པ།
རྡོ་ལ་རི་མགོ་གངས་ཀྱིས་གཡོགས་ཤིང་ཤོད་ཀྱི་རི་འདབས་སྨུག་སྤྲིན་མཚོ་མོ་ལྷོད་ཀྱིས་འཁྱིལ།།
ཆར་གྱིས་བཀྲུས་པའི་རི་སྐད་དག་ན་ལྗོན་ཤིང་སྟུག་ཅིང་བར་བར་གྲོང་ཁྱིམ་མཛེས་ཤིང་སྡུག།
མིང་འདོགས་མི་ཤེས་བྱ་བྱེའུ་སྐད་སྙན་ལྷང་ལྷང་སྒྲོག་གིན་རྒྱ་བོད་སྲང་ནས་གར་འགྲོ་མགྱོགས།།
ངས་ཀྱང་རྩིས་འཁོར་རྒྱབ་ཏུ་འཁུར་ཏེ་བག་ལེབ་ཟ་བཞིན་གོམ་པའི་རྟ་ཁ་གངས་སྐྱིད་བསྐོར།།
ཉིན་གུང་།
ཉི་འོད་འཕྲོས་པའི་རྡོ་ལ་རི་དང་ལྗོན་ཤིང་གྲོང་ཁྱིམ་ལྟ་ན་སྡུག་པ་ལྷ་ཡིས་རི་མོར་བཀོད་མིན་ནམ།།
ཤོད་ཀྱི་སྨུག་སྤྲིན་མཚོ་མོའི་ཀླུང་ན་སྐྱེ་འགྲོ་དག་གིས་རྒྱུ་བ་ཅི་བྱེད་བདག་གི་སྨྱུག་རྩེས་བརྗོད་ལས་འདས།།
འོན་ཏེ་གངས་ཅན་སྐྱིད་པའི་གཤོང་ན་ལྷོད་ལ་བབས་པའི་ལས་བྱེད་འགའ་རེས་དོན་ཡོད་དོན་མེད་ལྷོད་ཀྱིས་རྒྱུ།།
ང་འདྲའི་ལས་མེད་ལས་བྱེད་དག་ནི་ཟ་དགའ་གཉིད་ལོག་སྔུར་བས་གྲལ་མཚེས་ལ་གནོད་དབྱར་དགུན་སྟོན་དཔྱིད་བསྐྱེལ།།
དགོང་མོ།
གནམ་ས་གཉིས་ཀ་སྨྱོས་པ་མིན་ནམ་གནམ་ནས་དྲག་ཆར་ཤོད་ཤོད་འབབ་ཅིང་ས་ནས་ཆུ་སྙོག་ལྷོག་ལྷོག་རྒྱུགས།།
མི་དང་རྐང་གཉིས་རྐང་བཞི་འཕྲུལ་འཁོར་ཀྱག་ཀྱོག་ལམ་དུ་སུ་མགྱོགས་གང་བདེའི་གཅིག་ལམ་གཅིག་གིས་འགོག་བཞིན་དུ།།
མེག་ལོར་སྲང་དང་རང་གནས་གང་དེའི་ཕྱོགས་སུ་ཅི་ཞིག་ཐོབ་པར་ཡོད་དམ་འདི་འདྲའི་བྲེལ་འཚུབ་བྱེད་དོན་ཅི།།
ང་ནི་གར་ཡང་ལྷོད་ལ་དགའ་བས་གནམ་དྭངས་ཆུ་འཇག་སྒུག་གྱིན་སྒུག་གྱིན་རྒྱང་རིང་མུན་པ་གངས་སྐྱིད་ལྷུང་།།
རྩོམ་ཡིག་འདི་དེ་རིང་སེམས་སུ་དྲན་པ་དང་ཤར་མར་སྤེལ་བ་ལས་བསམ་གཟས་ཏེ་ཅི་ཞིག་བརྗོད་འདོད་པ་མིན་པ་ཐུགས་ལ་འཇག་པར་འཚལ།
༢༠༠༩ལོའི་ཟླ་༩བའི་ཚེས་༤་ཉིན་གངས་སྐྱིད་ལས་ཤག་ནས་བྲིས།
འདི་འདྲའི་སྙན་ངག་སྙན་མོ་མ་མཐོང་ནས་ཞེ་དྲགས་འགོར་སོང་། ཐུགས་རྗེ་ཆེ། འབྲི་སྟངས་འདི་རིགས་བོད་ལ་མང་ཙམ་དགོས། ཧོར་འཇིགས་ལས་ནས་བསྒྱུར་པའི་དགེ་ཆོས་ཀྱི་མཚོ་སྔོན་པོ་བརྒྱུད་ནས་ལྷ་སར་ཡོང་སྐབས་ཀྱི་སྙན་ངག་ཅིག་འདི་འདྲ་རེད། དེའི་རྗེས་སུ་ཆོས་རྒྱམ་དྲུང་པའི་སྙན་ངག་དག་ཀྱང་འདི་འདྲ་རེད། དེ་ནས་རྒྱ་རྩོམ་བོད་བསྒྱུར་ཆུ་ངོགས་གཏམ་རྒྱུད་ནང་ནི་སྙན་ངག་དག་ཀྱང་འདི་འདྲ་རེད། འདི་འདྲ་ཚིག་རྒྱན་གྱི་ཞེ་དྲགས་མཐོང་རྒྱུ་མེད་པར་ཤེས་ཡོན་ཅན་ཡིན་མིན་ཚང་མས་བྲོ་བ་མྱོང་ཐུབ་པ་རེ་འབྲི་ཐུབ་ན་སྙན་ངག་ལ་ཞེན་པ་ལོག་པའི་དུས་ངན་འདི་ལ་ཅུང་ཟད་རེ་ཕན་གྱི་རེད། སངས་རྒྱས་ཀྱི་བསྟན་པ་ལོ་ལྔ་སྟོང་འཇིག་རྟེན་དུ་གནས་པ་འདི་ཨུའུ་ཙམ་རེད། སྙན་ངག་གི་བསྟན་པ་བོད་ལ་ལོ་བརྒྱ་ཕྲག་ཁ་ཤས་ལས་མ་གནས་པ་འདི་ནི་ངོ་མ་ཡིད་ཕངས་པ་ལ། ངས་ཀྱང་སྔོན་ཆད་འབྲི་སྟངས་འདི་ལ་ཚོད་ལྟ་འགའ་རེ་བྱས་མྱོང་ན་ཡང་གཅིག་ནས་རང་ཉིད་ཀྱི་ཤེས་རབ་ཀྱི་རྩལ་ཁ་མ་ཕྱེ་བ་དང་། གཉིས་ནས་སྐུལ་ལྕག་བྱེད་མཁན་ཡང་མེད་པས་བག་ལ་ཞ་བར་གྱུར་ཏོ།།གང་ལྟར་ཉིད་ཀྱི་སྙན་ངག་འདི་རིགས་མང་ཙམ་སྤེལ་གནང་ཡོད་པ་ཞུ།
ང་དང་ཁྱོད་ནི་སྐྱེད་ཚལ་གཅིག་གི་མེ་ཏོག་ཇི་བཞིན་རིག་པའི་གཏེར་སྒོ་གཅིག་ལས་ཐོན།།
ཁྱེད་ནི་ཐང་དཀར་རྒོད་པོ་བཞིན་དུ་སྣ་ཚོགས་གཤོག་གྱུར་ས་མཐའི་མཁའ་དབྱིངས་ཀུན་ཏུ་མྱུལ།།
ནགས་ཀྱི་བསེ་རུ་རྭ་གཅིག་ང་ནི་ལེ་ལོའི་འདམ་ནས་འཕག་བཞིན་འཕག་བཞིན་ལོ་ཟླ་འདས།།
བཀའ་དྲིན་ཅན་གྱི་ཁ་བརྡ་དྲ་རྒྱའི་བརྩེ་བའི་སྙིང་རྗེས་དེ་རིང་ངེད་གཉིས་ཐུག་སྐལ་གནང་།།
རིང་མོ་ཞིག་ནས་སྤུན་ཟླ་ཁྱེད་ཅག་མཚན་ནི་དྲ་རྒྱ་གང་མང་ནས།།
ཐོས་པའི་མི་ཚད་སེམས་སུ་གཉར་བའི་རིགས་ཞེན་སྤུན་གྱི་བརྩེ་ཞེན་གྱིས།།
ཕན་ཚུན་གཅིག་ལ་གཅིག་གི་བསམ་ཚུལ་ཤར་མར་དྲ་བའི་ཐོག་སྤེལ་དུས།།
རང་རང་སྣང་བའི་ཟོལ་བཅོས་མེད་པར་གཅིག་གི་ལན་དེ་གཅིག་གིས་སྟེར།།
ངའི་སེམས་ཀྱི་རྒྱ་མཚོ་ན་འཁྱིལ་བའི་སྙན་ངག་སྟོང་ཕྲག་་་་་་་་་་་་་་་་་་་་་་་་་་
ཞེ་འཁོན་དང་འཁང་ར་ཁྲི་ཕྲག་་་་་་་་་་་་་་་
ལེགས་ཉེས་ཐམས་ཅད་སྡོམ་ན་འབུམ་ཕྲག་འདི་དག་་་་་་་་་་་་་་་་་་
སུ་ཞིག་ལ་བཤད་སུ་ཞིག་གིས་ཉན་་་་་་་་་་་་་་་་་་
རྣམ་རྟོག་དང་རེ་དོགས་གྲངས་གིས་མི་ཆོད་པས་དྲྭ་བས་གཅིག་སྣེ་གཅིག་གིས་འཐུད་ཅིང་ཐམས་ཅད་ཕན་ཚུན་དུ་འཛིང་པའི་ཁོར་ར་ཁོར་ཡུག་གི་འཇིག་རྟེན་ཆེན་པོ་འདིའི་གསེབ་ག་ཤེད་ན་ངའི་སྙན་འདི་ཅི་འདྲའི་ཆུང་ཆུང་ཞིག་རེད་ཨང་་་་་་་་་་་་་་
འོན་ཀྱང་་་་་་་་་་་་་་་་་་་་་་་་་་་་་་་་་་་་་་་་ སུ་ལའང་འཁང་ར་མེད་་་་་་་་་་་་་་་་་་་་་་་་་་་་་་་
འཁར་ར་མེད་རུང་འཁྲུན་ཐག་མ་ཆོད་པའི་དྲི་བ་འདི་དག་ནི་རླུང་ལྟར་གཡོས་ཆུ་ལྟར་འཁྱོམ་མེ་ལྟར་སྲེག་པས་ང་སྡོད་དུ་མི་བཅུག་་་་་་་་་་་་་་་་་་་ ལས་དབང་གིས་ང་ལ་ཁ་གཅིག་མ་གཏོགས་མ་སྦྱིན་ན་རྣ་མཆོག་གཉིས་ཅི་ལ་སྦྱིན་་་་་་་་་་་་་་ ང་ལ་བཤད་མི་ཆོག་ཉན་དགོས་ཟེར་བ་ཡིན་ནམ་་་་་་་་་་་་་་་་་་་་་་ བཤད་མི་ཆོག་ན་ངའི་ཡིད་འདིར་ཆེས་མང་པའི་རྟོག་ཚོགས་གི་གྲོང་ཁྱེར་ཆེན་པོ་འདི་ཅི་ལ་བསྐྲུན་་་་་་་་་་་་་་་་་་་་་
ལས་དབང་ང་ཁྱོད་ལ་དྲི་བ་ད་དུང་ཡོད་ཁྱོད་ཀྱིས་ང་སྡོད་དུ་མ་གཅུག་ན་ངས་ཀྱང་་་་་་་་་་་་་་ཁྱོད་་་་་་་་་་་་་་
ཨ་རུ་་་་་་་་་་་་་་་་་་་་་་་་་་་་ ལས་དབང་སྐུ་མཁྱེན་་་་་་་་་་་་་་་ ང་ ལ་ ཨ་ ལན་ ཅིག་ སྤྲོད་ དང་ སེམས་ གསོ་ ཅིག་ བྱོས་ དང་ ལན་ ཞིག་ སྦྱིན་ དང་ ་ ་ ་ ་ ་ ་ ་ ་ ་ ་ ་ ་ ་ ་ ་ ་ ་
ཨ་ཁུ་ཀླུ་སྨྱོན་ཚང་དང་དྲ་གྲོགས་ཚོས་བསྟོད་པ་གནང་བར་དགའ།
ཁྱེད་རྣམས་ཕེབས་ནས་བསྟོད་པ་གནང་བར་དགའ།
འདི་ལ་སྙན་ངག་ཟེར་རམ། ཨ་ཁུ་ཀླུ་སྨྱོན་ལགས།
སློབ་འབྲིང་སློབ་མ་ཞིག་གི་སྨྱུག་ཁ་ནས་སླེབས་པ་འདྲ་ཞིག་འདུག
བཙན་བྱོལ་གཞུང་གི་སློབ་གསོའི་སྲིད་ཇུས་མ་འགྲིག་པས་མིན་ན།
བོད་ཁྱིམ་སློབ་མ་ཚོས་ཀྱང་འདི་འདྲ་རེ་འབྲི་ཐུབ་དགོས་པ་རེད།