རེབ་ཐོག་མདའ།
ཨ་རི་གྲོང་གི་མྱི་ཞིག་སླེབས་ནས།།
རྡ་སའི་རི་ནས་ཀི་ཞིག་བཏབ་དུས།།
མི་གཞི་བོར་བའི་རྡ་སའི་མྱི་ཚོ།།
གླུ་དང་གར་གྱི་ཀློང་ན་བཟི་འདུག།
གླུ་བའི་གདངས་དེ་མྱ་ངན་ཡིན་ན།།
ལོ་གསར་ཚེས་གསུམ་དགོང་ཚོགས་ཨེ་དགོས།།
ལོ་བརྒྱ་འཁོར་བའི་དུས་ཆེན་སྲུང་ཡང་།།
ཤོག་སྦག་བརྒྱབ་སྟེ་གཞས་གཏོང་འདི་ཅི།།
གཞིས་ཀྱི་བོད་པས་མ་ཎི་བགྲང་བཞིན།།
སྒར་གྲོང་གཉི་ཀ་ཆོས་ལ་འཐིམ་དུས།།
བྱེས་ཀྱི་རང་དབང་ལུང་པའི་རི་ན།།
ཆང་གིས་བཟི་བཞིན་གླུ་ལེན་གར་རྩེ།།
རྔ་བའི་གྲྭ་ཞིག་དགོན་ནས་འབར་སོང་།།
བལ་བོའི་ཁྲོམ་ནས་ཡང་གཅིག་འབར་སོང་།།
རང་བཙན་བསྒྲགས་གཏམ་ཁ་ལ་འཁྱེར་བའི།།
གླུ་དང་གར་གྱི་དགྱེས་འཛོམས་འདི་ཅི།།
སྡུག་གི་ལོ་དེ་མིག་ཆུས་བསྐྱལ་ཡིན།།
ཉིས་སྟོང་བཅུ་གསུམ་འཛུམ་གྱི་བསུས་ཀྱང་།།
ད་ནངས་མེ་ལྕེ་དགུང་ལ་མཆེད་པ།།
ཡིད་ལ་འཁོར་ན་སེམས་འདི་སྐྱོ་གི།།
ལོ་དང་ཟླ་བའི་ཁུགས་སོ་ཞིག་ནས།།
ཁ་བ་བོད་པའི་ལས་དབང་ཟད་པོ།།
མི་གཞི་བོར་བའི་ས་མཐའི་གྲོང་ནས།།
མི་བུ་ང་ཚོས་བོར་ལ་ཉེས་གི།
དཔའ་བོ་མྱ་ངན་གླུ་ཡིས་བསུ་བཞིན།།
རང་བཙན་མིང་གི་ཧྲག་བར་དེ་ན།།
དགའ་བའི་འཛུམ་ཆུང་གདོང་ནས་མངོན་པའི།།
ཁ་སང་དེ་རིང་རྡ་སའི་མྱི་ཚོ།།
རྡ་སའི་མྱི་ཚོར་སེམས་ཤིག་ཡོད་ན།།
ཨ་རིའི་བུ་དེའི་གདངས་ལ་མ་ཆགས།།
དེ་རིང་ཁ་སང་བོད་པ་ཚང་ལ།།
དགའ་བ་ཡོད་ཀྱང་གདོང་ནས་མ་འདོན།།
ལོ་གཅིག་ལོ་ཟླ་ནག་པོ་ཤར་ནས།།
ཁ་བ་བོད་པ་སྡུག་གིས་བཏུམ་ཡོད།།
ཁ་སང་དེ་རིང་རྡ་སའི་རི་ན།།
གླུ་གཞས་དགོང་ཚོགས་འཚང་ཁ་ཤིག་ཤིག།
ཕྱི་ལོ ༢༠༡༣ ཟླ ༢ ཚེས ༡༤ ཉིན་རང་ཤག་ནས་རྡ་ས་ནས་དགོང་ཚོགས་འཚོག་བཞིན་པ་ཐོས་རྗེས།
ང་ཚོ་བསམ་བློ་གུ་ཡངས་པོ་བྱེད་དགོས་པ་ལ། ཕྱོགས་རིས་མེད་པ་བྱེད་དགོས། བོད་ནང་ལ་དཀའ་ལས་རྒྱག་པ་དོན་དངོས་རེད་ལ། སྐྱིད་པོ་གཏོང་མཁན་ཡོད་པ་ཡང་དོན་དངོས་རེད། བྱས་ཙང་བོད་ནང་གི་ཚང་མ་ལྷ་དང་རྡ་སར་ཞུགས་མཁན་ཚང་མ་འདྲེ་ལྟ་བུའི་སྐད་ཆ་བཤད་འོང་ན། གཞིས་བྱེས་དཀྲུག་པའི་ནང་ཉེས་ཚབ་ཆེན་ཡོང་གཞི་འདུག་པས། ང་ཚོ་ཚང་མ་བདེན་པ་དང་དངོས་ཡོད་ལ་གཞི་རྩ་བཅོལ་བའི་ཐོག་ལ། བརྒྱ་ཁ་གཅིག་གཅོད་བྱ་རྒྱུ་མིན་འདུག
བོད་ནང་ལ་ལྷ་ས་དང་། གཞིས་ཀ་རྩེ། དེ་བཞིན་ཟི་ལིང་དང་རེབ་གོང་སོགས་ལ་ལོ་གསར་གཏོང་མཁན་འདུག ད་ཆ་དངུལ་སྦེལ་པོ་ཡོད་ཙང་། འགྲོ་སོང་ཡང་སྔོན་མ་ལས་ལྡབ་འགྱུར་ཁ་ཤས་བཏང་ནས་ལོ་གསར་བསུ་མཁན་བོད་ནང་ལ་ཡོད་པ་དངོས་ཡོད་རེད། རྡ་ས་གཅིག་པུ་མ་རེད། བྱས་ཙང་སྐུ་མཁྱེན་གཞིས་བྱེས་དཀྲུག་པའི་ནག་ཉེས་ཚབ་ཆེན་འདི་འདྲ་མི་ཡོང་བ་མཁྱེན་མཁྱེན་མཁྱེན། རྩོམ་འདི་འདྲ་ལྟ་བུའི་གསེང་ནས་རྒྱ་འདྲེ་འདི་ཞུགས་ཡོང་ནས་བོད་པའི་མཐུན་སྒྲིལ་ལ་གནོད་པ་སྐྱེལ་བཞིན་ན། ང་ཚོ་ཚང་མས་གཟབ་གཟབ་བྱ་དགོས། རྡ་སར་བུ་གསོ་ཁང་དང་། བོད་གཞུང་ལས་ཁུངས་ཁག རྒྱལ་བ་རིན་པོ་ཆེའི་སྐུ་སྒེར་ཡིག་ཚང་། དེ་བཞིན་དགོན་སྡེ་ཁག་གིས་ལོ་གསར་བཏང་མ་སོང་། བདེན་པ་སྨར་རྗེན་ཁྱེར་ནས་ཡོང་ན་ཡག་པོ་འདུག
རེབ་ཐོག་མདའ་ནི་མི་ཀླད་མེད་ཞིག་ཡིན་པ་ཁོང་གི་རྩོམ་འདི་ལ་བལྟས་ན་ཤེས་ཐུབ།
རིགས་རུས་གཅིག་པའི་གཉེན་ཡིན་ཟེར། །
ཕ་མ་གཅིག་པའི་སྤུན་ཡིན་ཟེར། །
ལས་དང་ལ་རྒྱ་གཅིག་ཡིན་ཟེར། །
ང་ཚོ་ཚང་མ་གཅིག་ཡིན་ཟེར། །
སྐྱིད་ཀྱིས་རྟ་ཕོ་མཉམ་ཞོན་ཟེར། །
སྡུག་གིས་ཁུར་པོ་མཉམ་འཁུར་ཟེར། །
གདུང་སེམ་མཉམ་སྐྱེད་ཡོད་དོ་ཟེར། །
ཁྱེད་ཚོར་དམིགས་དཔེར་ལྟ་བཞིན་ཟེར། །
ཟེར་ཟེར་གཏམ་འདི་སྙན་སྙན་འདྲ། །
དོན་དངོས་ཁ་ཁོག་མི་མཚུངས་པའི། །
ཁྲེལ་མེད་རིགས་ཀྱིས་ལོ་གསར་འདིར། །
དབང་མེད་མིག་ཆུ་ཤོར་བྱེད་ཤིག །
ཨ་ཡ་མཚན། ང་ཚོ་བོད་པ་ཚོས་སྐྱོན་ངོས་ལེན་མི་བྱེད་སེམས་ཐག་རེད། བོད་མི་རིགས་ཀྱི་གནས་སྟངས་འདི་འདྲ་ཞིག་ཏུ་གྱུར་ནས་ཡོད་ནའང་ང་ཚོ་དྲང་པོ། ང་ཚོ་སྐྱིད་དགོས། ང་ཚོ་ཁེ་དགོས། ང་ཚོ་ཡག་དགོས། ང་ཚོ་ལ་སྡུག་པ་ལབ་མི་ཆོག ང་ཚོའི་ནོར་པ་བཤད་མི་ཆོག ང་ཚོ་འཇོན་པོ་ཡོད། ང་ཚོ་རྗེས་ལུས་ཡིན་བསམ་མི་ཆོག་ཟེར་ནས་སྡོད་རྩིས་རེད་འདུག དངོས་གནས་བློ་ཕམ་པོ་རེད། སྐྱབས་བཅོལ་བ་ས་བར་མཐིལ་གང་ཡང་མེད་པར་སྡོད་ནས་ཡོད་ཀྱང་། རྒྱལ་ཁབ་གཞན་ལ་ཁ་བཏང་རྒྱུ་ལ་དགའ་བ། དཔེར་ན། རྒྱ་གར་ལ་རྐུ་མ། སྤྲང་པོ། རྫུན་ཅན་སོགས་ཟོར་བ་དང། དེ་བཞིན་དུ་བལ་པོ་ལའང་དེ་ལྟར་བརྗོད་ཀྱི་ཡོད། འོ་ན། ཁྱོད་ཚོའི་གནས་སྟངས་ག་འདྲ་ཞིག་ཡོད་ཅེས་དྲིས་ན། ལན་གང་ཞིག་འདེབས་དགོས་སེམས་ཀྱི་ཡོད་དམ། ངའི་དྲི་བ་འདི་ལ་མི་ངོ་ཚ་ཁྲེལ་མེད་ཁ་ཤས་ཀྱི་ལན་ལུང་པ་གང་འདེབས་རྒྱུ་ཡིན་པ་ཐག་ཆོད། གང་ལྟར། ང་ཚོས་ང་ཚོ་གནས་སྟངས་ག་འདྲ་ཞིག་གི་སྒང་ལ་ལྷག་ཡོད་ཤེས་པ་གནང་དགོས་པ་གལ་ཆེའོ།། །།
བསམ་ཤེས་དང་ཨོ་རྡོའི་བསམ་ཚུལ་དེ་འདྲ་ང་ལ་སྔ་ནས་ཡོད།
བསམ་བློ་ལྔ་གསུམ་བཅོ་ལྔ་སྟེ། །
ཡང་ཡང་བཏང་བའི་འཇུག་འབྲས་སུ། །
བདེན་གཏམ་ཁུ་བྱུག་སྒྲོགས་པ་ལ། །
འདྲེ་ངས་འགྲིག་འདུག་སེར་རྐྱང་ཡིན། །
ཐབས་ཇུས་མིང་ཅན་མི་བུ་འདིས། །
སྙན་ངག་པ་ཡི་རྒྱལ་བོ་ལ། །
ཀླད་མེད་རེད་ཅེས་སྡིག་པ་འདིས། །
རང་གི་མཚོན་མདོག་བསྟན་ལས་ཅི། །
ཁོང་ལ་ཀླད་པ་མེད་ཀྱང་རུང་། །
ཁྱོད་ལ་ཀླད་པ་ཡོད་ན་ནི། །
ཁོང་གིས་བྲིས་པའི་སྙན་རྩོམ་འདྲར། །
ཐེངས་ཤིག་ཕྲིས་ར་ངར་ནི་ཡིན། །
ཧཧཧཧཧ་ད་ཕྲིས་ཨ།
ཚིག་སྦྱོར་སྙན་ལ་བྱང་ཆེ་བའི།།
དེ་སྔོན་རེ་བ་ཅན་གྱི་ཐོག་མདའ།།
བསྡད་ཀྱི་བསྡད་ཀྱིན་རེ་བའི་འབྲས་བུ།།
ཁྱི་ནག་སྡེར་འཛིང་ཞིག་ལས་མ་བྱུང་།།
གཞིས་བྱེས་གཉིས་ཀྱི་གང་གི་ཕྱོགས་ལ།།
རྣམ་དཔྱོད་བཀྲ་ཞིང་འཆར་སྒོ་མྱུར་བའི།།
ལྷག་བསམ་སྙིང་སྟོབས་ལ་རྒྱས་ཕྱུགས་པ།།
སྐྱེ་བུ་དམ་པ་བགྲངས་ཀྱིས་མི་ལོངས།
ལག་རྗེས་ཨབ་རའི་རིལ་མ་ཙམ་ཡང་།།
སྟོན་རྒྱུ་མེད་པའི་ཅོལ་ཆུང་ཀླད་མེད།།
འགའ་རེ་མིག་གི་མཐོང་བའི་རྐྱེན་གྱིས།།
ཐམས་ཅད་འདམ་དུ་གཡུག་ན་ཨེ་འགྲིག།
སྐྱིད་དུས་སྐྱིད་གླུ་ལེན་པ་དང་། །
སྡུག་དུས་སྡུག་གླུ་ལེན་པ་འདི། །
མགོ་ནག་མི་ཡི་གཤིས་ཀ་སྟེ། །
འདི་ནི་མ་བཅོས་གཉུག་མ་འོ། །
ད་ལོའི་ལོ་འདི་ནས་བུད་ལས་དགྲ་བོ་རྒྱ་དམར་ཚང་གིས་ལས་ལས་བཅས་བཅས་ལ་ངོ་རྒོལ་དང་ཁོང་ཁྲོ། སྙིང་ནད། ང་རྒྱལ། ཨ་ཤི་རེ་ཁོ་ཡི་སྙིང་སྟོབས་ཀྱིས་བཀྱགས་ནས་རྩོད་དགོས་བ་ལས། སེམས་སྡུག་དང་མྱ་ངན། ཡིད་སྐྱོ་བ་སོགས་ཀྱིས་དུས་མི་འདའ་བར། རྒྱ་བོད་གཉིས་ཀྱི་བར་ན་ངན་ལ་རྩོད་རྒྱུ་ཞིག་མ་གཏོགས་བཟང་ལ་རྩི་རྒྱུ་ཞིག་མེད་པ་ཤེས་དགོས་བ་དང་དེའི་ཕྱོགས་སུ་བློ་སེམས་གཅིག་དུ་བཞག་ནས་འགུལ་དགོས་བ་ནི་གསལ་གསལ་དུ་རིག་པའི་ལས་ཐ་མ་དེ་རེད་དོ།
ཁགཏད་གཅིག་དེ་མ་བརྗེད་པ་བགྱིས་ནས་ཚང་མས་ཤུགས་རྒྱོབ།