སྤྲུལ་སྐུ། ཨོ་རྒྱན་ཉི་མ།

Comments (63) on “སྤྲུལ་སྐུ། ཨོ་རྒྱན་ཉི་མ།”

1. སྤྲུལ་གོག་མི་རིགས་ཡར་རྒྱས་འགག་རྡོ་ཡིན། །
   སྤྲུལ་གོག་བྱུར་དང་ཆགས་སྒོའི་སྣ་འདྲེན་ཡིན། །
   སྤྲུལ་གོག་རྒྱ་འདྲེ་འབོད་པའི་གཡབ་མོ་ཡིན། །
   སྤྲུལ་གོག་རང་ཡུལ་དགྲ་ལག་སྐྱེལ་མཁན་ཡིན། །
   འདི་ཚོས་བོད་ལ་ཕན་པ་བཏགས་རབས་མེད། །
   འདི་ཚོས་བསྟན་ལ་བྱ་བ་བྱས་རབས་མེད། །
   འདི་ཚོས་གཞན་ཕན་ལས་བཟང་སྒྲུབ་རབས་མེད། །
   འདི་ཚོས་ཡ་རབས་སྤྱོད་བཟང་སྟོན་རབས། །
   འདི་དག་མེད་ན་བོད་པར་ཡར་རྒྱས་འོང་།།
   འདི་དག་མེད་ན་སྐྱེ་བོ་ཆོས་ལ་དད། །
   འདི་དག་མེད་ན་སྤྱི་ཚོགས་གཙང་ཐིང་ཐིང་།
   འདི་དག་མེད་ན་ཆགས་སྡང་རྨོངས་གསུམ་ཉུང་།།

   སྤྲུལ་སྐུས་བཟའ་ཚང་གཏོར་བ་མང་། །
   སྤྲུལ་སྐུས་ཉལ་ཐ་འཐེན་པ་མང་། །
   སྤྲུལ་སྐུས་རྒྱུ་རྫས་རྐུས་པ་མང་། །
   སྤྲུལ་སྐུས་གཡོ་སྒྱུ་བྱས་པ་མང་། །

2. ཨོ་རྒྱན་ཉི་མའི་སྤྲུལ་སྐུའི་བསྟོད་པ་འདིས།།
   མེ་ཏོག་དཀར་པོའི་སྙིང་ལ་ཟུག་ངུ་སློང་།།
   ད་རེས་་ཡོད་ན་མེ་ཏོག་དཀར་པོ་ཡིན།།
   ད་རེས་མེད་ན་མེ་ཏོག་ནག་པོ་ཡིན།།
   ཧཧཧ

3. སྤྲུལ་སྐུའི་མཛད་པ་ཨ་མའི་དད་པ་གཉིས།།
   ད་ལྟ་ཡོད་ན་ད་ལྟ་མེད་པ་འདྲ།
   སྤྲུལ་བའི་སྐུ་དང་ཨ་མ་རྣམ་གཉིས་ནི།
   བཀའ་དྲིན་མི་ཆེ་ཟེར་ནས་ཞུ་མ་ཕོད།

4. ཚོང་ནག་རྒྱག་ལཁན་སྤྲུལ་གོག་རེད། །
   དུད་ནག་འཐེན་མཁན་སྤྲུལ་གོག་རེད། །
   དཀོར་་ནག་བགམ་མཁན་སྤྲུལ་གོག་རེད། །
   སྲོལ་ནག་གཏོད་མཁན་སྤྲུལ་གོག་རེད། །

5. འདི་ཚོས་མི་བསད་བྱས་ནས་ཕུང་བ་མང་། །
   འདི་ཚོས་རྟ་འཁྱེར་བྱས་ནས་བྲོས་པ་མང་། །
   འདི་ཚོས་སྔོ་ལོ་གནམ་ལ་འཕྱར་བ་མང་། །
   འདིི་ཚོས་རྫུན་གྱི་འཾཁོར་ལོ་བསྐོར་བ་མང་། །

6. བུད་མེད་ཁ་བདེ་བཙན་ཕྱུག་འཛོམ་པའི་བུ།
   ཐམས་ཅད་སྤྲུལ་སྐུའི་འབྱུང་བའི་གནས་གཞི་ཡིན།
   ཀ་ཁ་མི་ཤེས་བ་སོའི་དྷར་མ་ཤེས།
   གདམས་ཁྲིད་མི་ཤེས་རྒྱོ་ཚུལ་ཐམས་ཅད་ཤེས།

   བསླབ་སྡོམ་མི་སྲུང་བུད་མེད་བསྲུང།
   ཉམས་ལེན་མི་བྱེད་དཀོར་ནག་བསགས།
   དགོན་པར་མི་བསྡད་གང་སར་འཁྱམས།
   གདམས་པར་མི་བལྟ་ཆགས་བརྙན་གཟིགས།

7. ཐུགས་རྗེས་ཡས་སྤྲུལ་རྣམས་ལ་ལེགས་དགུ་ཚང་། །
   ལས་ཉོན་མས་སྤྲུལ་རྣམས་ལ་ཉེས་དགུ་ཚང་། །
   ཐུགས་རྗེ་ཡས་སྤྲུལ་བོད་ལ་ངེས་པར་མཁོ། །
   ལས་ཉོན་མས་སྤྲུལ་སུ་ལའང་མཁོ་བ་མེད། །

8. སྤྲུལ་སྐུ་ལ་དབྱེ་ན་གཉིས། ལྟས་བཟང་སྤྲུལ་སྐུ་ཡེ་ཤེས་རང་ཤར་དང། ལྟས་ངན་སྤྲུལ་སྐུ་དུག་ལྔ་རང་ཤར་གཉིས་སོ།
   སྤྲུལ་སྐུའི་མཚན་འཆང་ཨོ་རྒྱན་ཉི་མ་འདི། དེ་གཉིས་ཀྱི་ཁོངས་ནས་གང་ཞིག་ཡིན། ཁོ་བོས་ཁ་ཚོན་མ་ཆོད་དོ། དྲྭ་གྲོགས་ཚོར་མཁྱེན་རྟོགས་ཡོད་ན། དམར་མོ་འཛུབ་ཚུགས་བྱས་ནས་བསམ་ཚུལ་ལྷུག་པོར་གསུང་གནང་རོགས།

9. སྤྲུལ་སྐུ་ཨོ་ཉི་ཆོས་ཅན། ལྟས་ངན་སྤྲུལ་སྐུ་དུག་ལྔ་རང་ཤར་ཡིན་ཏེ། ནང་པ་སངས་རྒྱས་པའི་སྤྲུལ་སྐུའི་མིང་འཛིན་པ་གང་ཞིག་ཆགས་སྡང་གིས་རྒྱུད་གདམས་པའི་སྐྱེ་བོ་ཐབས་ཆགས་ཞིག་ཡིན་པའི་ཕྱིར།
   སྤྲུལ་པའི་སྐུ་ཡིན་མིན་ད་ལྟ་ཆོག་ཨཱ། ཧ་ཧ་ཧ།

10. སྤྲུལ་སྐུ་ཨོ་ཉི་དེ་གཉིས་གང་ཡིན་མིན་ཁོང་གི་མེད་པ་ལྔ་ཡི་འགྲེལ་བཤད་དང་ལྷ་སྲས་དར་མ་ལས་སོགས་ཀྱི་རྩོམ་ཞབས་སུ་མཆན་དེ་ཚོར་གཟིགས་དང་དེ་ཀས་ཆོག

11. སྤྲུལ་སྐུ་དངོས་ཡིན་བསྙམ་པའི་སྤོབས་པ་མེད།།
    སྤྲུལ་ས་ཤོར་འགྲོ་བསམ་པའི་དོགས་པ་མེད།།
    སྤྲུལ་མིང་ཙམ་པོ་ཕུང་གསུམ་མཐོང་བ་དང་།།
    སྤྲུལ་སྐུའི་བྱིན་བརླབས་ཁོ་བོར་ཡོད་ངེས་བསམ།།
    ཧཧཧཧཧཧ

12. ཕུང་གསུམ་སྤྲུལ་སྐུ་ཨོ་ཉི་འདིས།
    །རྐུན་མའི་རྐུན་རྒྱབ་ལངས་དང་མཚུངས།
    །ད་བར་སྤྲུལ་གོག་རྣམས་ཀྱིས་ནི།
    །མགོ་བསྐོར་བསླུ་འཁྲིད་ལས་གཞན་མེད།

13. སྤྲུལ་སྐུ་མིང་ཁུར་ཡང་དག་ལྟར་སྣང་ཡིན་མིན་ནི།
    དམ་ཆོས་ཚུལ་བཞིན་དང་དུ་ལེན་དང་མི་ལེན་ཡིན།
    གྲུབ་མཐའ་ཀུན་ལ་དག་སྣང་ཡོད་དང་མེད་པ་ཡིན།
    ཀ་ཁ་དང་པོ་ཉིད་ནས་ཤེས་དང་མི་ཤེས་ཡིན།

    ཆགས་སྡང་གཏི་མུག་གསུམ་གྱིས་བཟི་དང་མ་བཟི་ཡིན།
    རང་སྐྱོན་འཁྲུལ་པ་ཡིན་པར་ཤེས་དང་མ་ཤེས་ཡིན།
    འཇིག་རྟེན་འཁོར་བར་ངེས་འབྱུང་སྐྱེས་དང་མ་སྐྱེས་ཡིན།
    མཁའ་མཉམ་འགྲོ་ལ་བྱམས་བརྩེ་ལྡན་དང་མི་ལྡན་ཡིན།

14. སྤྲུལ་མིང་ཐོབ་དང་དབང་གིས་འཕྲོག་པ་མིན།།
    སྤྲུལ་མིང་རྒྱུ་དང་འབྱོར་བས་ཉོས་པ་མིན།།
    སྤྲུལ་རྫུན་ཁོ་བོ་ལོ་དགུ་ལོན་པའི་དུས།།
    སྤྲུལ་སྐུ་ཞིག་གིས་སྤྲུལ་མིང་གློ་བུར་གནངས།།
    སྤྲུལ་སྐུ་མིན་ཡང་སྤྲུལ་དོན་འགྲུབ་ན་བསམ།།
    སྤྲུལ་སྐུ་དངོས་ཀྱི་ལས་ཤིག་ཐོན་ན་བསམ།།
    སྤྲུལ་སྐུ་གོང་མ་དག་གི་རྣམ་ཐར་བསམ།།
    སྤྲུལ་སྐུ་མཚན་ཉིད་ཚང་རྣམས་སྤྱི་བོར་བཀུར།།
    སྤྲུལ་མིན་ཕུང་གསུམ་པ་རྣམས་བཏང་སྙོམ་བཞག།
    སྤྲུལ་སྐུ་ཕལ་ཆེར་དགོངས་པ་བསྡུས་སོང་ངོ་།།
    སྤྲུལ་རྫུན་དེ་ཚོ་སེང་ལྟར་འགྱིང་བའི་དུས།།
    སྤྲུལ་རྫུན་ཕུང་གསུམ་སྟེང་དུ་དགྲ་རུ་ཆས།།
    སྤྲུལ་རྫུན་བསྟན་གཤེད་འདུལ་ཕྱིར་ཤར་ནུབ་ཉུལ།།
    སྤྲུལ་རྫུན་ཁྲམ་པའི་བྱ་བྱེད་ལས་གསུམ་དག།
    སྤྲུལ་སྐུའི་མཁྱེན་ལྟར་ཁོ་བོའི་ཡིད་ལ་མཛའ།།

15. བོད་ཀྱི་སྣོད་བཅུད་གཞན་ལག་འཇོག་མཁན་སྤྲུལ་སྐུ་ཡིན།
    ཆོས་རྒྱུད་ནང་ཁུལ་ཁྲག་ལྟར་དཀྲུགས་མཁན་སྤྲུལ་སྐུ་ཡིན།
    དགྲ་འདྲེ་ནང་དུ་འདྲེན་མཁན་བོད་ཀྱི་སྤྲུལ་སྐུ་ཡིན།
    ཞི་མི་དཀར་ནག་ཕོགས་གཟན་ཐམས་ཅད་སྤྲུལ་སྐུ་ཡིན།
    གསེར་དངུལ་ཐེམ་ཀ་བླངས་ཏེ་བོད་ཕུངས་སྤྲུལ་སྐུ་ཡིན།
    རྒྱ་བོད་འོ་ཁྲག་འདྲེས་དུས་ཁྲག་འཐུང་སྤྲུལ་སྐུ་ཡིན།
    རྒྱ་མོ་དབྱིན་མོ་ཐེ་སིང་རྐུབ་རྒྱུགས་སྤྲུལ་སྐུ་ཡིན།
    སྤྲུལ་སྐུའི་བྱེད་བྱས་བཞག་དང་མ་བཞག་དེ་ཚོ་ཡིན།

16. ཤྰཀྱ་ཐུབ་པ་མཆོག་གི་སྤྲུལ་སྐུ་རེད།
    པད་འབྱུང་སྤྲུལ་སྐུ་ཡིན་པའང་ཐེ་ཚོམས་མེད། །
    ཙོང་ཁ་པ་ཡང་འཇམ་དབྱངས་སྤྲུལ་པར་གྲགས། །
    སྤྱན་རས་གཟིགས་ཀྱིས་༸སྐུ་ཕྲེང་བཅུ་བཞིར་སྤྲུལ། །

    སྤྲུལ་སྐུ་སྤྱི་ལ་དམོད་ན་ཉམས་པའི་རྒྱུ། །
    ཕུང་གསུམ་སྤྲུལ་རྫུན་དག་ཐེར་བྱས་པ་དང་། །
    བསྟན་གཤེད་ཡོད་ཚད་ངོས་འཛིན་བྱེད་ཐུབ་ན། །
    བསྟན་པ་ཡུན་རིང་གནས་ལ་ཕན་པའང་སྲིད། །

17. སྤྲུལ་སྐུའི་མཛད་པ་གཞི་དབྱིངས་བསྡུས་སོང་ན།།
    སྤྲུལ་རྫུན་ཕུང་གསུམ་ས་གཞི་ཁེངས་སོང་ན།།
    སྤྲུལ་སྐུའི་མིང་གིས་བོད་དང་སེམས་ཅན་དང་།།
    སྤྲུལ་སྐུ་ཡོད་ཚད་ཕུང་ངེས་ཁྱེད་ཅག་ལྟོས།།

18. བོད་ཀྱི་སྤྲུལ་སྐུ་ཕལ་མོ་ཆེ།། སྤྲུལ་སྐུ་ཡིན་པར་ངས་མི་འདོད།། སྤྲུལ་སྐུ་དངོས་མ་ཡིན་གྱུར་ན།། སངས་རྒྱས་དངོས་ཀྱི་སྤྲུལ་པ་དགོས།། འོན་ཀྱང་བོད་ཀྱི་སྤྲུལ་མིང་དག། མཁོ་དང་བད་མེད་གཉིས་ཀ་ཡིན།། ཕན་དང་གནོད་བྱེད་གཉིས་ཀ་ཡིན།། དགོས་དང་མི་དགོས་གཉིས་ཀ་ཡིན།།

19. གང་དུ་ཟ་བཏུང་ཡོད་པ་དེར། །
    སྤྲུལ་གོག་འདི་ཚོ་སྔོན་མ་ཡིན། །
    གང་དུ་ལས་ཞིག་ཡོད་གྱུར་ན། །
    སྤྲུལ་གོག་དྲི་ཙམ་མཐོང་རྒྱུ་མེད། །
    ས་པཎ་ལེགས་བཤད་ལས་བྱུང་བའི། །
    སྤུ་མེད་ཕག་པ་སྤྲུལ་གོག་ཡིན། །

    སུ་ཡིས་སྤྲུལ་ལམ་སུའི་སྤྲུལ་སྐུ། །
    མི་ཤེས་བཞིན་དུ་ཨོབ་ཟོབ་ཀྱིས། །
    ཉམས་ཆུང་པགས་པ་བཤུས་པ་འདི། །
    དམྱལ་བར་སྐྱེ་བའི་རྟགས་ཡང་དག །

20. གཞན་ཕན་བསྒྲུབ་པ་འདི་ཕྱི་ཡི་སྤྲུལ་སྐུ་ཡིན།།
    གཞན་གནོད་སྤངས་པ་འདི་ནང་གི་སྤྲུལ་སྐུ་ཡིན།།
    སྣང་སྲིད་དག་མཉམ་འདི་གསང་བའི་སྤྲུལ་སྐུ་ཡིན།།
    སྤྲུལ་སྐུ་སངས་རྒྱས་ཆོས་དགེ་འདུན་ཀུན་འདུས་ཡིན།།

21. འེ་སྤྲུལ་མི་སྤྲུལ་ནར་མའི་སྤྱོད་ལ་ལྟོས།།
    འེ་སྐུ་མི་སྐུ་བསམ་པའི་འཁྱེར་སོར་ལྟོ།།
    སྤྲུལ་སྐུ་ཟེར་བ་དོན་ལ་འབྱོར་བ་དང་།།
    དོན་ལ་མི་འབྱོར་རྒྱུ་ལ་བལྟས་པའང་ཡོད།།

    འོ་ཉིའི་རྫོབ་རྟགས་སྤྲུལ་སྐུའི་ཚབ་མཚོན་མིན།།
    ཤཀྱཱའི་མཚན་དཔེ་འོ་ཉིའི་ཡོན་ཏན་མིན།།
    དེས་ན་ཉ་དང་ཉུང་མ་མི་བསྲེ་བར།།
    ཤེས་རབ་རྣོན་པོའི་ཚད་ཀྱིས་གཞལ་འཚལ་ལོ།།

22. གཞན་ཕན་མ་བསྒྲུབ་པ་འདི་ཕྱི་ཡི་སྤྲུལ་སྐུ་ཡིན།།
    གཞན་གནོད་མ་སྤངས་པ་འདི་ནང་གི་སྤྲུལ་སྐུ་ཡིན།།
    ཡོད་ཚད་བདག་བཟུང་འདི་གསང་བའི་སྤྲུལ་སྐུ་ཡིན།།
    སྤྲུལ་སྐུ་བལྟས་ངན་བརྒྱད་ཅུ་གྱ་གཅིག་ཡིན།།

23. མདོག་ངན་ཉམ་ཆུང་དབུལ་པོ་གསུམ།
    སྤྲུལ་སྐུའི་མི་འདོད་རྣམ་གསུམ་ཡིན།
    མི་ཆེན་ཕྱུག་པོ་དཔོན་པོ་གསུམ།
    སྤྲུལ་སྐུའི་འདོད་པ་རྣམ་གསུམ་ཡིན།

    བྱོལ་དང་ཐན་དང་ལྟས་ངན་གསུམ།
    སྣ་འདྲེན་བྱེད་མཁན་སྤྲུལ་སྐུ་ཡིན།
    ཕྱ་དང་གཡང་དང་དམུ་ཡད་གསུམ།
    མེད་བརླག་བྱེད་མཁན་སྤྲུལ་སྐུ་ཡིན།

    ཆོས་དང་སྡོམ་པ་དམ་ཚིག་གསུམ།
    ཡལ་བར་དོར་མཁན་སྤྲུལ་སྐུ་ཡིན།
    ཞེ་སྡོང་འདོད་ཆགས་གཏི་མུག་གསུམ།
    ལོངས་སུ་སྤྱོད་མཁན་སྤྲུལ་སྐུ་ཡིན།

24. གངས་ཅན་བོད་ཀྱི་བླ་སྤྲུལ་ཚོའི་སྐུ་ཚེ་ཡུན་དུ་བརྟན་པར་ཤོག །
    གངས་ཅན་བོད་ཀྱི་བླ་སྤྲུལ་ཚོའི་སྐུ་ཚེ་ཡུན་དུ་བརྟན་པར་ཤོག །
    གངས་ཅན་བོད་ཀྱི་བླ་སྤྲུལ་ཚོའི་སྐུ་ཚེ་ཡུན་དུ་བརྟན་པར་ཤོག །
    གངས་ཅན་བོད་ཀྱི་བླ་སྤྲུལ་ཚོའི་སྐུ་ཚེ་ཡུན་དུ་བརྟན་པར་ཤོག །

25. མཁན་པོ་འཇིག་མེད་ཕུན་ཚོགས་ཀྱིས་གསུངས།
    འོས་སྦྱོར་བ་དོན་དགའ།

    དེ་རིང་ཁ་སང་སྤྲུལ་སྐུ་མང་པོ་འདུག སྔོན་ཆད་བླ་མ་དང་དཔོན་པོ་དེ་ཚོའི་བུ་སྤྲུལ་སྐུ་རེད། དེང་དུས་འབྱོར་ལྡན་དང་གདོང་པ་དཀར་པོ་དེ་ཚོ་སྤྲུལ་སྐུ་རེད། ཤམ་བྷ་ལ་དང་། ཟངས་མདོག་དཔལ་རི་སོགས་ཞིང་ཁམས་དེ་ཚོའི་སྒོ་སྲུང་ཇེ་བཙན་དུ་སོང་ཡོད་ས་རེད། ཚང་མ་ཡར་མི་ཕེབས་པར་མར་ལ་ཡོང་གི་འདུག ད་དུང་ཤི་གསོན་བྱེ་མའི་ལ་ཁ་ནས་ཚུལ་ཡོང་དུས་རྡོ་ཕ་བོང་ཞིག་ལ་གདོང་ཐུག་བརྒྱབ་སྟེ་གས་འཐོར་དུ་སོང་བ་འདྲ། ཚུལ་བསླེབས་དུས་མི་མང་པོ་ཞིག་ཏུ་ཆགས་འདུག ཡོན་ཏན་དེ་ཡང་ཡང་སྤྲུལ་མང་པོ་ཡོད་པ་དེ་ཚོར་བགོ་བཤའ་བརྒྱབ་པའམ། ཡང་ན་དམྱལ་བའི་སྒོ་སྲུང་རྣམས་ཀྱིས་འཕྲོགས་བཅོམ་བྱས་སོང་བ་འདྲ། གང་ལྟར་སྐུ་སྔོན་མ་ལས་བརྒྱ་འགྱུར་གྱི་སྡུག་ཏུ་ཕྱིན་འདུག མང་ཆེ་བས་ཆོས་གོས་དང་ཕྲེང་བ་སོགས་ངོ་ཤེས་ཀྱི་འདུག་ཟེར་ནའང་ཐུགས་རྒྱུད་ཀྱི་ཡོན་ཏན་ནི་བརྗེད་ཚར་འདུག་པས་ཐ་ན་ཀ་ཁ་ཡང་སློབ་ཁག་པོ་རེད། ཡང་ཅུང་ཙམ་ནར་སོན་པའི་ཚེ་ཐོས་བསམ་སློབ་གཉེར་ལ་མི་བརྩོན་པར་དགོན་པའི་བསྟན་བདག་དང་། ཁྲི་ཐོག་པའི་མིང་གནས་དབང་ཆ་དང་གོ་གནས་འཛིན་གྱི་འདུག མིང་ཁུར་ནས་བསྟན་པ་ལ་སྲི་ཞུ་བསྒྲུབ་ན་འགྲིག་གི་འདུག་གི་རེད་དེ། འགའ་ཤས་ནི་བསྟན་བཤིག་གི་གཙོ་འཛིན་ལྟ་བུ་ཆགས་འདུག དེ་སྐྱོ་གནས་རེད། ཇི་སྐད་དུ། སྐུ་སྐྱེས་བསྟན་དོན་ལ་བྱོན་ན།། བཤད་སྒྲུབ་ལག་རྗེས་རེ་འཇོག་དགོས།། ཞེས་གསུངས་པ་བཞིན་སེམས་ཅན་གྱི་དོན་དུ་སྤྲུལ་ཡོང་ཡིན་ཟེར་མཁན་དེ་ཚོ་བསྟན་འགྲོ་ལ་ཕན་ཐོགས་མཁན་དམིགས་བསལ་འདྲ་བོ་ཞིག་དགོས་པ་རེད། འོན་ཀྱང་དེང་དུས་སྤྲུལ་སྐུ་ཟེར་བ་དེ་ཚོ་མང་ཆེ་བ་ཞིག་བླ་བྲང་ཆེ་གེ་མོའི་ཤུལ་འཛིན་དང་། བླ་མ་ག་གེ་མོའི་མཚན་གནས་བདེ་སྤྱོད་བྱེད་མཁན། ཡང་ན་དཔལ་འབྱོར་འདུ་འགོད་ཀྱི་ལག་ཆ་ལྟ་བུར་གྱུར་འདུག་པས་ཧ་ཅང་གི་སྐྱོ་པོ་རེད། བདག་ཅག་གི་སྟོན་པས། ངའི་བསྟན་པ་འདི་ཕྱི་རོལ་གྱི་ལྷ་དང་བཅས་པ་བདུད་དང་བཅས་པ་སུ་གང་གིས་ཀྱང་གཞིག་མི་ནུས་མོད། ངའི་རྗེས་འཇུག་གི་གཟུགས་བརྙན་འཆང་བ་འགའ་ཞིག་གིས་བསྟན་པ་བསྣུབ་པར་འགྱུར་ནུས་ཞེས་ལུང་བསྟན་གསལ་པོ་གསུངས་ཡོད་པས། བསྟན་པའི་བདག་པོ་དང་། སྤྲུལ་པའི་སྐུ། རིན་པོ་ཆེ་ཡིན་ཟེར་མཁན་དེ་ཚོ་གོང་གི་ལུང་བསྟན་གྱིས་ཟིན་པའི་མི་སྣ་གཙོ་བོ་ལྟ་བུ་ཆགས་སོང་ན་བློ་ཕམ་དང་ཐབས་སྡུག་རེད། ངས་ནམ་རྒྱུན་སྤྲུལ་སྐུ་དེ་ཚོ་ལ་དམའ་འབེབས་དང་། ཁ་གཏད་གཅོག་པ་ལྟ་བུའི་ཚིག་མང་ཞིག་ཞུ་དགོས་ཐུག་གི་འདུག་ཀྱང་། མ་དད་པ་དང་ཕྲག་དོག་ནི་བྱས་པ་མིན། བཤད་དོན་མེད། ང་ཡང་ཆུང་དུས་ཞིག་ནས་སྤྲུལ་སྐུ་ཞིག་ལ་ངོས་འཛིན་བྱས་པ་རེད། འོན་ཀྱང་བསྟན་པ་སྤྱི་དང་ཁྱད་པར་སྤྲུལ་སྐུ་དེ་ཚོ་ལ་ཕན་ཐོགས་ན་སྙམ་སྟེ་ཞུས་པ་ཡིན། སྤྲུལ་སྐུ་འགའ་རེས་ངས་ཅིག་བཤད་བསྡད་དུས་མི་དགའ་བ་གནང་གི་འདུག ཡིན་ནའང་ངས་བསམ་པ་དཀར་པོ་ཡིན་སྙམ་ནས་འཚེར་གྱི་མི་འདུག འགྲོ་ཐུབ་མཁན་ཚོ་ཕྱི་རྒྱལ་གྱི་ལུང་པ་དང་། འགྲོ་མི་ཐུབ་མཁན་རྒྱ་ནག་སོགས་ཡུལ་གྲུ་དུ་མ་ལ་ཤིག་བཞིན་ཉུལ་ཏེ་ཞབས་འདྲེན་མང་པོ་བྱེད་ཀྱི་འདུག དེ་ལས་ཆུང་དུས་ནས་མཚན་ལྡན་བླ་མ་རེ་བསྟེན། བཤད་སྒྲུབ་ཀྱི་བསྟན་པ་ཡོད་སའི་དགོན་སྡེ་གང་རུང་རེ་ལ་སོང་ནས་ཐོས་བསམ་སློབ་གཉེར་བྱེད་རྒྱུ་གལ་ཆེན་པོ་རེད། སྤྲུལ་སྐུ་རྣམས་ཀྱིས་ཡག་པོ་བྱས་ན་མཚན་གནས་རྗེས་འབྲེལ་གྱིས་བསྟན་འགྲོ་ལ་ཕན་ཐོགསཀྱི་འདུག ཡག་པོ་མ་བྱས་ན་དེ་བཞིན་བསྟན་པ་ལ་གནོད་ཀྱི་འདུག་ཅེས་སོགས་ཡང་ཡང་གསུངས་ཡོད་པ་དང་། དེ་བཞིན་ངའི་མི་ཚེའི་ནང་སྤྲུལ་སྐུ་སུ་ཡང་ངོས་འཛིན་མ་མྱོང་ལ་བྱེད་ཀྱང་མི་ནུས་ལ་ཞེས་ཀྱང་གསུངས་ཡོད།།

26. —–ཧཧཧཧ ཀརྡོ་་་་་་་་་་་་་་

27. ÅÅ
    བསྟན་དོན་ཐུག་དུས་སྤྲུལ་སྐུ་དལ་ལྷོད་ལྷོད།།
    སྦྱིན་བདག་བཙལ་ལ་སྤྲུལ་སྐུ་བྲེལ་ཚུབ་ཚུབ།།
    བསྔོ་རྟེན་མཐོང་ཚེ་སྤྲུལ་སྐུ་འཛུམ་ཤིག་ཤིག །
    གཤིན་ཆོས་སྒྲུབ་དུས་སྤྲུལ་སྐུ་ངོ་ནག་ནག །

    དགའ་མའི་རུམ་ལ་སྤྲུལ་སྐུ་དགའ་ལྷང་ལྷང་།།
    ཚོགས་དང་ཆོས་རར་སྤྲུལ་སྐུ་སྡུག་ངོ་ངོ་།།
    ཤ་ཆང་ཟས་ལ་སྤྲུལ་སྐུ་ཟ་རྔམ་རྔམ།།
    བསྟན་དང་འགྲོ་ལ་སྤྲུལ་སྐུས་ཕུང་ཆོག་ཆོག །

    ཐོབ་དང་གོ་ས་སྤྲུལ་སྐུས་རྩོད་ལ་ལ།།
    ལྷ་དང་བླ་མར་སྤྲུལ་སྐུས་ཞེ་བརྣག་བརྣག །
    མཆེད་དང་གྲོགས་ནི་སྤྲུལ་སྐུས་བསླུས་མོད་མོད།།
    ས་དང་ལམ་ནི་སྤྲུལ་སྐུས་ཐོབ་མདོག་མདོག །
    ཧ་ཧ་ཧ་ཨོ་ཉི་ནི་འདིའི་དཔེ་མཚོན་ཡག་ཤོས་ཤིག་མ་རེད་དམ་དྲ་གྲོགས་ཚོ།་་་་་་་་་་???????

28. མཚོན་བྱེད་ཡག་་པོ་རག་འདུག་ག ཧཧཧཧཧ ང་དེ་འདྲ་ཞིག་མིན་ཞེས་སྨྲ་བའི་སྤོབས་པ་མེད།

29. སྤྲུལ་སྐུ་མེད་ན་བོད་པས་འཇོན་རབས་མེད།།
    སྤྲུལ་སྐུ་མེད་ན་བོད་ལ་ངོམས་རྒྱུ་མེད།།
    སྤྲུལ་སྐུ་མེད་ན་བོད་པ་བརླག་ངེས་རེད།།
    སྤྲུལ་སྐུ་མེད་ན་བོད་རིག་བརླག་ངེས་སོ།།
    སྤྲུལ་རྫུན་ཕུང་གསུམ་སྤྲུལ་སྐུ་དངོས་ཀྱི་དགྲ།།

30. ཞེ་སྡང་མི་ལ་ལངས་ན་ཡང། ལོང་ལྕགས་རྟ་ལ་གཞུས་པ་ལྟར། སྤྲུལ་སྐུ་ངོས་འཛིན་བྱེད་མཁན་གྱི། མཚན་སྙན་མཐོ་བའི་བླ་མ་ལ། རྒོལ་འདོད་ཡོད་ཀྱང་ནུས་མེད་འགས། སྤྲུལ་སྐུར་གཤེ་འདི་མི་ངན་གཤིས།

31. ད་ཨོ་རྒྱན་ཉི་མ་ཁྱོད་རང་སྤྲུལ་སྐུ་ཡིན་ནམ

32. ཨོ་ཉིའི་ཨབ་ཕྲུག་བྱི་ལ་འདི།། ཙིག་ཙིག་ཟེར་ན་འཚུབ་འཚུབ་སྣང་།

33. ང་ནི་སྤྲུལ་སྐུ་མིན་ཡང་སྤྲུལ་རྫུན་ཞིག །ཕུང་གསུམ་པ་ལས་བཟང་ཞིག་ཡིན། །སྤྲུལ་སྐུ་མཆོག་ལས་ཞན་པ་ཡིན། །བསྟན་པ་སྲུང་ལ་དཔའ་བོ་ཡིན། །བསྟན་བཤིགས་སྟེང་དུ་ཁོང་ཁྲོ་ཆེ། །བསྟན་འཛིན་མཆོག་ལ་དད་པ་ཆེ། །བསྟན་པ་རིན་ཆེན་འཇིག་དོགས་ནས། །མཚམས་རེར་གཉིད་ཀྱང་མི་ཁུག་ཐལ། །དམ་མེད་ཕུང་གསུམ་མཐོ་སོང་ན། །དད་ལྡན་གང་ཟག་རྒྱུད་ཆུད་གཟན། །བསྟན་པ་དྲི་མེད་རྨང་ནས་བཤིགས། །དེ་ཕྱིར་ཕུང་གསུམ་གཏིང་ནས་དམོད། །འབྱོར་མེད་ཉམས་ཆུང་སྙིང་ནས་བརྩེ། །འབྱོར་ལྡན་མགོ་བོ་བསྐོར་བསམ་ཡང་། །ད་བར་འབྱོར་ལྡན་ཐུག་མ་མྱོང་། །ཕྱི་ཡུལ་འགྲིམས་པའི་བར་ལམ་ནས། །ཐུག་ཚད་སྤྲང་པོ་རྐྱང་རྐྱང་ཡིན། །སྤྲང་པོས་སྤྲང་པོར་ལྟོ་བསླང་ན། །རང་གཞན་གཉིས་ཀ་ཁྲེལ་བའི་རྒྱུ། །དེ་ཕྱིར་ཡོད་ཚད་རང་དགར་བཞག །འབྱོར་ཆེན་སྦྱིན་བདག་བླ་ཆེན་ལས། །ཆུང་ཆུང་ང་ཚོར་མི་ལྟ་ཁི། །

34. ཧཧཧ་ཨོ་ཉི་ད་སྐད་ཤོར་འདུག
    རྒྱུ་མེད་ནས་ཆོག་ཤེས་དགོས་ཚུལ་གྱི་དེབ་བྲིས་པ་འདྲ།
    སྤྲུལ་སྐུའི་རྒྱུད་ལ་གཞན་ཕན་མེད།
    སྤྲུལ་སྐུའི་རྒྱུད་ལ་རིས་མེད་མེད།
    སྤྲུལ་སྐུའི་རྒྱུད་ལ་དག་སྣང་མེད།
    སྤྲུལ་སྐུའི་རྒྱུད་ལ་ཉམས་རྟོགས་མེད།
    སྤྲུལ་སྐུའི་རྒྱུད་ལ་ལྷག་བསམ་མེད།

    མེད་པ་ལྔ་ལྡན་སྤྲུལ་སྐུ་ཡིན།

35. སྐད་ཤོར་མ་རེད་དྲང་གཏམ་ཡིན། །དྲང་པོ་བཤད་ན་མི་དགའ། །དབྱུག་པ་ཕྱར་ན་ཁྱི་མི་དགའ། །རང་རང་གང་འདོད་ཤོད་ལ་སྡོད། །

36. ཨོ་ཉི་ལགས་་་་ཁྱོད་ཀྱིས་སྤྲུལ་སྐུ་ཕུང་གསུམ་པ་ཟེར་ནས་དགག་དགོས་པའི་སྤྲུལ་སྐུ་ཞིག་དང་སྐད་གྲགས་དང་གོ་གནས་མཐོ་བའི་སྤྲུལ་སྐུ་རྣམས་ལ་བསྟོད་པ་བྱེད་དགོས་སའི་སྤྲུལ་སྐུ་ཞིག་གཉིས་བཤད་ཀྱི་འདུག འདི་དྲང་པོ་མ་རེད། དགག་ན་དགག་མཉམ་དང་སྒྲུབ་ན་སྒྲུབ་མཉམ་བྱེད་དགོས་པ་ལས་རྟོག་གེ་རིག་པའི་དགག་བྱ་ལ་དབང་ཆེ་ཆུང་དང་གོ་གནས་མཐོན་དམའ་གྱིས་ཁྱད་པ་ཕྱེ་མི་རུང་།་་་གཅིག་རེད།

    གཉིས་ནས་ཉམ་ཆུང་ཐོག་ཏུ་སྟག་ལས་ངར་བ་དང་བཙན་པོར་ཐུག་དུས་བལ་ལས་འཇམ་པའི་གཤིས་ཀ་འདི་རྟེན་འཇིག་ཕ་ཆོས་ཀྱི་ཕྱོགས་ནས་བཤད་ན་ཕོ་མཐའ་མའི་གཤིས་ཀ་རེད། གཤིས་ཀ་འདྲ་ཡོད་པའི་མི་རྣམས་ནི་ཉམ་ཆུང་མི་ཡི་གཉའ་གནོན་དང་འགྲོ་བ་མི་ཡི་གད་རྙིགས་རེད་བསམས་ཀྱི་འདུག

    ཁྱོད་ཀྱིས་འདོད་པ་བྱས་ན་ཕུང་གསུམ་པའི་སྤྲུལ་སྐུ་ཐབས་ཅད་རྩ་མེད་བཟོ་ནས་རྒྱལ་བ་དང་པན་ཆེན་ཁྱོད་གསུམ་མ་གཏོགས་སྤྲུལ་སྐུ་མེད་ན་བསམས་ཀྱི་ཡོད་ཚོད་འདུག དེར་འདྲ་རེད་དམ།་་་་ཧཧཧ

37. ཨོ་ཉི་་་ལགས་་ཁྱེད་ཀྱིས་་་་འབྱོར་ལྡན་མགོ་བོ་བསྐོར་བསམ་ཡང་། །ད་བར་འབྱོར་ལྡན་ཐུག་མ་མྱོང་། ཞེས་པའི་སྐད་ཆ་འདིར་སྣང་བ་འགྲོ་བོ་བྱུང་། དྲང་བཤད་རེད། ་དྲང་བདེན་བཤད་མཁན་མི་ལ་ཧ་ཅང་དགའ་་་་ཧཧཧ

38. འདི་ན་བདེན་པའི་གཏམ་གྱི་ང་རོ་ཞིག།
    མི་ཆུང་མགྲིན་པའི་ལམ་ནས་བཙུར་ན་ཡང་།།
    སུ་དང་གང་གིས་ཡིད་རྟོན་མི་འདུག་མོད།།
    བསྟན་པ་རྨང་ནས་འགྱེལ་དུས་འགྱོད་ངེས་སོ།།

39. བོད་ལ་རང་བཙན་མེད་ན་མེད་དུ་ཆུགས།།
    བོད་མི་གཏིང་རྫོགས་སོང་ཡང་མི་འགྱོད་མོད།།
    བོད་ཀྱི་རིག་གཞུང་དམ་ཆོས་སྒྲོན་མེའི་འོད་།།
    བོད་ཀྱི་སྲོག་དང་བྲལ་ན་ཤིན་ཏུ་གནོངས།།

40. ཚིག་རྐང་དང་པོ་གཉིས་ཀྱིས་ནི་མི་རིགས་ཀྱི་ལ་རྒྱ་མེད་པར་མཚོན།
    ཕྱི་མ་གཉིས་ཀྱིས་རང་དང་རང་ལྟོས་ཁྱིམ་ཚང་ལྟོ་གོས་ཀྱི་དཀའ་ངལ་གྱི་ཉེན་ཁ་མཐོང་བས་སྡུག་སྐད་ཤོར་བ་མཚོན།

41. འདི་ནང་རང་རྣམ་གང་མཚམས་འདུག་པ་མ་ཟད། ཕུང་གསུམ་དང་ཕུང་གསུམ་ཟེར་ཏེ་བླ་ཆེན་དག་ལ་ཁ་གཏོང་བའི་རྒྱུ་མཚན་ཡང་གསལ་པོར་སྣང་།
    ༼༣༣༽ ཨོ་རྒྱན་ཉི་མ་ནས།
    སྤྱི་ལོ་ ༢༠༡༣ ཟླ་ ༢ ཚེས་ ༥ གི་ཆུ་ཚོད་ ༡༢ སྐར་མ་ ༣༤
    ང་ནི་སྤྲུལ་སྐུ་མིན་ཡང་སྤྲུལ་རྫུན་ཞིག །ཕུང་གསུམ་པ་ལས་བཟང་ཞིག་ཡིན། །སྤྲུལ་སྐུ་མཆོག་ལས་ཞན་པ་ཡིན། །བསྟན་པ་སྲུང་ལ་དཔའ་བོ་ཡིན། །བསྟན་བཤིགས་སྟེང་དུ་ཁོང་ཁྲོ་ཆེ། །བསྟན་འཛིན་མཆོག་ལ་དད་པ་ཆེ། །བསྟན་པ་རིན་ཆེན་འཇིག་དོགས་ནས། །མཚམས་རེར་གཉིད་ཀྱང་མི་ཁུག་ཐལ། །དམ་མེད་ཕུང་གསུམ་མཐོ་སོང་ན། །དད་ལྡན་གང་ཟག་རྒྱུད་ཆུད་གཟན། །བསྟན་པ་དྲི་མེད་རྨང་ནས་བཤིགས། །དེ་ཕྱིར་ཕུང་གསུམ་གཏིང་ནས་དམོད། །འབྱོར་མེད་ཉམས་ཆུང་སྙིང་ནས་བརྩེ། །འབྱོར་ལྡན་མགོ་བོ་བསྐོར་བསམ་ཡང་། །ད་བར་འབྱོར་ལྡན་ཐུག་མ་མྱོང་། །ཕྱི་ཡུལ་འགྲིམས་པའི་བར་ལམ་ནས། །ཐུག་ཚད་སྤྲང་པོ་རྐྱང་རྐྱང་ཡིན། །སྤྲང་པོས་སྤྲང་པོར་ལྟོ་བསླང་ན། །རང་གཞན་གཉིས་ཀ་ཁྲེལ་བའི་རྒྱུ། །དེ་ཕྱིར་ཡོད་ཚད་རང་དགར་བཞག །འབྱོར་ཆེན་སྦྱིན་བདག་བླ་ཆེན་ལས། །ཆུང་ཆུང་ང་ཚོར་མི་ལྟ་ཁི། །༽

42. སྤྲུལ་སྐུའི་གཏམ་ལ་ཡིད་ཆེས་མེད།
    མཆོད་ཡོན་གཉིས་ཀ་སྤྲང་ཡིན་ཟེར།
    ཕྱུག་པོའི་དཀོར་ཀྱི་མ་གསོས་པའི།
    སྤྲུལ་སྐུ་ཕྱུག་པོ་ག་ནས་ཡོང།

    མགོ་འབྲི་མཇུག་སྣོགས་བྱེད་པའི་སྤྲུལ་སྐུས་གཏམ།
    བོད་མི་རྩ་རྫོགས་སོང་ཡང་འགྱོད་མེད་ཟེར།
    བོད་ཀྱི་རིག་གཞུང་རྩ་འཛིན་བྱེད་དགོས་ཟེར།
    བོད་རིགས་མེད་ན་རིག་གཞུང་སུ་ཡི་འཛིན།

    བོད་རང་བཙན་མེད་ན་མེད་ཆུགས་ཟེར།
    རིག་གཞུང་འཛིན་སྐྱོངས་བྱེད་ཡིན་ཟེར།
    རང་བཙན་མེད་ན་རིག་གཞུང་འཛིན་རེ་དེ།
    ཨོ་ཉིའི་སེམས་ལ་གདོན་འདྲེ་ཞུག་པ་འདྲ།

43. སྟོན་པ་མཚུངས་མེད་ཤཱཀྱའི་རྒྱལ་པོ་དང་།།
    བསྟན་པ་ཟླ་བྲལ་ལེགས་གསུང་དམ་པའི་ཆོས།།
    རྗེས་འཇུག་བླ་མེད་དགེ་འདུན་སྡེ་གཉིས་པོར།།
    གཏན་གྱི་བྱང་ཆུབ་བརྙེས་ཀྱང་སྐྱབས་སུ་བསྙེན།།

44. ཡང་ཉམས་ཆུང་མདོག་གིས་གཞན་མགོ་སྐོར་རྩིས་མ་བྱོས་འ། སྤྲུལ་སྐུ་འདི་ཚོ་ལ་གཟབ་དགོས་མ་གཏོགས་སྤྲུལ་པ་སྣ་དགུ་སྟོན་རྒྱུ་ལ་ཨང་ཀི་དང་པོ་རེད་ད

45. གཏན་གྱི་བྱང་ཆུབ་བརྙེས་ཀྱང་སྐྱབས་ཡིན་་་་་་་་་ཟེར
    རྫོགས་སངས་རྒྱས་ཀྱང་སྐྱབས་སུ་རེ།
    ད་དུང་འཁོར་བར་འཇིགས་སམ་ཅི།
    འཇིགས་པ་ཀུན་བྲལ་སངས་རྒྱས་ལ།
    སྐྱབས་གནས་ཡོད་པ་སྤྲུལ་སྐུའི་ལུགས།

    ཆུ་བོ་ཆེན་པོ་བརྒལ་བ་ལ།
    དེད་དཔོན་གྲུ་ལ་བརྟེན་དགོས་ཀྱང།
    ཆུ་གྲོལ་བགྲོད་ཟིན་སྐྱེ་བོ་ཡིས།
    སླར་ཡང་གྲུར་བརྟེན་བླུན་པོའི་ལུགས།

46. སྤྲུལ་སྐུར་ཁ་རུབ་ལྕེ་རུབ་བྱེད་མཁན་གྱི་དྲྭ་གྲོགས་རྣམས། སྤྲུལ་སྐུ་རྫུན་བཟོ་བྱེད་མཁན་དེ་ཉེས་ཆེ་བ་ཡིན་ནམ། རྫུན་བཟོ་ལས་བྱུང་བའི་སྤྲུལ་སྐུའི་མིང་འཛིན་རྣསམ་ཉེས་ཆེ་བ་ཡིན་ཞེས། ཁོ་བོས་དྲི་འདི་འབུལ་འདོད་བྱུང་ལགས།

47. དྲི་བ་ ཞེས་བཅོས་རོགས།

48. མེ་ཏོག་དཀར་པོས་དྲི་བ་འདིར་ངེས་པར་གཟིགས་རོགས་གནང།

49. དགེ་ཆོས་དོན་གྲུབ་ཞོགས་དུང་ཚ་སྨྱུག་སོགས། །
    བོད་ཀྱི་རིག་གཞུང་སྲོག་རྩ་གཅོད་པའི་ཕྱིར། །
    བསམ་བཞིན་སྲིད་པ་བཟུང་བ་མ་ཡིན་ན། །
    གཞན་གྱིས་བསྐུལ་ལས་བྱུང་བ་མ་ཡིན་ནམ། །

50. བྱི་ལ་ཁྱོད་ལ་ཨོ་ཉིས་སྒོར་མོ་ག་ཚད་སྤྲད་སོང་།

51. ཨོ་ཉི་དབྱིན་ཡུལ་ཡོད་ཀྱང་སྒོར་མོ་མེད། །
    བྱི་ལ་གང་ནས་ཡིན་མིན་ངས་མ་ཤེས། །
    མེ་དཀར་ཁྱོད་ཀྱིས་དེ་ལྟར་མ་ཟེར་ཅིག །
    མགྲིན་དབང་པོའི་ཏོག་ལ་་་་་་་་་་་་་་་་་་་་་་་་ཧཧཧཧཧཧཧཧཧཧ

52. འོ་ཨོཉིའི་ལ་་འདི་རང་སྒུགས་སྡོད་ཡོད། ཁྱོད་ཀྱིས་ཕུང་གསུམ་པ་ཞེས་སྨོད་དུས་ངེད་ཚོས་དེར་རྒོལ་བ་ལ་ཁྱོད་ཀྱིས་ང་ཚོར་ཕུང་གསུམ་པའི་གསོས་ཕྲུག་ཅེས་ཅི་་ཙམ་འབར་གི་ཡོད། དེ་དང་གཅིག་པ་རེད་ད

53. ཨོ་ཉིའི་ལན་

54. འབར་་་་་ཧཧཧ

55. ཧཧ མེ་དཀར་ལགས། བྱི་ལ་ཨོ་་ཉིའི་རྔན་དངུལ་གྱིས་བསླུས་ཏེ་ བྱི་ལས་ཨོ་ཉིའི་རྒྱབ་རྩ་བྱས་ཅི་ཤེས་ཏེ། མེ་དཀར་གྱིས་སྤྲུལ་པའི་སྐུ་རྣམས་སྡང་སྟངས་ལ་བལྟས་ན། གཏན་གཏན་མེ་དཀར་དམར་གཞུང་གི་དངུལ་དངོས་ཀྱིས་བསླུས་པའི་རྫོབ་རྟགས་གསལ་པོ་ཞིག་ལས། སེམས་རྣལ་དུ་གནས་པའི་བོད་མི་ཞིག་གི་བྱ་སྤྱོད་ག་ལ་ཡིན། ཁྱོད་སྙིང་རྗེ་ ཕ་ཆུས་དང་ཕོར་བླུག་མ་བརྗེ་ཨ། གོ་སོང་ངམ།

56. སྤྲུལ་པའི་སྐུ་སྟེ་སྐུ་ཡི་མཆོག །
    སངས་རྒྱས་སྤྲུལ་པའི་རྒྱུད་འཆང་བ། །
    ཕྱོགས་བཅུར་སྤྲུལ་པ་སྣ་ཚོགས་འགྱེད། །
    ཇི་བཞིན་འགྲོ་བའི་དོན་བྱེད་པ། །
    ལྷ་དང་ལྷ་དབང་ལྷ་ཡི་བླ། །
    ལྷ་ཡི་དབང་པོ་ལྷ་མིན་བདག། །
    འཆི་མེད་དབང་པོ་ལྷ་ཡི་བླ། །
    འཇོམས་བྱེད་འཇོམས་བྱེད་དབང་ཕྱུག་པོ། །
    སྲིད་པའི་དགོན་པ་ལས་བརྒལ་བ། །
    སྟོན་པ་གཅིག་པུ་འགྲོ་བའི་བླ། །
    འཇིག་རྟེན་ཕྱོགས་བཅུར་རབ་བསྒྲགས་པ། །
    ཆོས་ཀྱི་སྦྱིན་བདག་ཆེན་པོ་སྟེ། །
    ཞེས་པའི་ཚིག་འདི་ལ་ཡང་བསམ་བློ་རེ་ཐོངས།

57. །བྱམས་དང་སྙིང་རྗེ་བྱང་སེམས་བསྐྱེད་བྱས་ནས། །འགྲོ་ལ་ཕན་བདེ་སྦྱོར་བའི་བརྟུལ་ཤུགས་ཀྱིས། །གཅིག་ཏུ་མ་བསྡད་རྒྱལ་ཁམས་ཕྱོགས་ { 4v } མེད་ཕྱིན། །དད་པའི་ཞིང་ལ་དགེ་བསྐུལ་གསལ་འདེབས་བྱས། །དབང་བསྐུར་གདམས་པས་གང་འདུལ་འབྲེལ་བ་འདོགས། །ཐེག་ཆེན་ཆོས་ཀྱིས་སེམས་ཅན་སྨིན་གྲོལ་ནས། །ཐམས་ཅད་ཐར་པའི་ཞིང་ལ་སྨོན་ལམ་འདེབས། །ལོག་ལྟ་ཅན་ཡང་གཞན་ཕན་སྙིང་རྗེས་སྐྱོང༌། །ཟོག་པོ་ཁྲམ་རྐྱལ་བྱས་ཀྱང་བློ་སེམས་བདེ། །སྙིགས་མའི་སྤྲུལ་སྐུ་བྱས་ཀྱང་ཁོ་བོ་ཙམ། །གང་ལ་མ་ཆགས་བདག་འཛིན་གཟེར་བོར་ཞིང༌། །ཚེ་འདིར་སྙན་གྲགས་ལོངས་སྤྱོད་གང་གིས་ཀྱང༌། །བློ་གཏད་མི་ཐུབ་ཀུན་རྫོབ་བསླུ་བའི་ཆོས། །བསམས་ཤིང་བསྐུལ་ནས་བློ་གཏད་ཆོས་ལ་བྱས། །སྐྱབས་ཆེན་དཀོན་མཆོག་གསུམ་ལ་སྐྱབས་མཆི་ནས། །ཡི་དམ་ལྷ་ཡི་བསྙེན་སྒྲུབ་ཚད་དུ་ཕྱིན། །མཁའ་འགྲོ་ཆོས་སྐྱོང་རྣམས་ཀྱི་ཐུགས་དམ་བསྐང༌། །མི་ནོར་ཟས་གསུམ་འདོད་རྒུ་ཆར་ལྟར་བབ། །དད་གུས་ཅན་རྣམས་ཚོགས་གཉིས་ལམ་ལ་སྦྱོར། །དབང་སྡུད་མཁན་པོ་ཟེར་ཀྱང་བློ་སེམས་བདེ། །འབྲེལ་ཚད་དོན་ལྡན་བྱས་ཀྱང་ཁོ་བོ་ཙམ། །སྟོང་ཉིད་སྙིང་རྗེ་མཁའ་ལྟར་ཡངས་པའི་ནང༌། །སེམས་ཅན་ཀུན་ལ་བུ་ལྟར་བརྩེ་བའི་བློས། །རང་གི་ནུས་པ་གང་ཐོན་ཐབས་མཆོག་གིས། །དད་ལྡན་རྣམས་ཀྱི་བློ་ཁ་ཆོས་ལ་བསྒྱུར། །ཕྱོགས་ { 5r } མེད་ཀུན་ལ་བྱང་ཆུབ་སེམས་བླངས་ནས། །ལོག་ལྟ་ཅན་ཡང་གདུལ་བྱར་སྨོན་ལམ་བཏབ། །ཉེ་རིང་ཕྱོགས་ཆ་བསམ་ཆུང་བདག་ལ་མེད། །བསྟན་པའི་ཁུར་པོ་བདེ་བའི་ཕན་སྦྱོར་བས། །བསྟན་པའི་ཆོམ་པོ་བྱས་ཀྱང་བློ་སེམས་བདེ། །སྙིགས་མའི་བསྟན་འཛིན་བྱས་ཀྱང་ཁོ་བོ་ཙམ། །

58. །ཆགས་སྡང་མེ་དཔུང་འབར་བའི་བློ་སེམས་ཀྱིས། །རང་ལ་ཡོན་ཏན་སྣ་རེ་ཡོད་མོད་ཀྱང༌། །རང་རྒྱུད་སྲེགས་ནས་ངན་སོང་གཡང་ལ་སྐྱུར། །དེ་འདྲའི་ཆོས་པ་སྙིགས་མའི་དུས་མང་བས ། །གཞན་ལ་བདུད་སྤྲུལ་ཡིན་ངེས་བྱས་ནས་ཀྱང༌། །རང་གིས་རྒྱུ་ { 6r } འབྲས་ཁྱད་དུ་གསོད་པ་མང༌། །གཞན་ལ་ཟོག་པོ་ཡིན་རྩིས་བྱས་ནས་ཀྱང༌། །རང་གིས་གཡོ་ཁྲམ་བྱེད་པ་མཐེབ་འོག་གནོན། །གཞན་ལ་འགོང་པོའི་སྤྲུལ་པ་ཟེར་ནས་ཀྱང༌། །རང་ལ་གདོན་ཞུགས་དགེ་སྡིག་ཁྱད་དུ་གསོད། །གཞན་ལ་རྫུན་རྐྱལ་ཟེར་ལོ་སྨྲས་ན་ཡང༌། །རང་གི་དོན་དམ་རང་གིས་ཁྱད་དུ་གསོད། །གཞན་ལ་ཆོས་མེད་སྟོང་འུར་སྨྲས་ནས་ཀྱང༌། །རང་ཉིད་ཚུལ་འཆོས་ངང་ལ་མི་ཚེ་ཟད། །གཞན་ལ་བསྟན་པའི་ཆོམ་པོ་ཟེར་ནས་ཀྱང༌། །རང་ཉིད་སྒྱུ་མའི་མགོ་སྐོར་མི་མགོ་བརྡུང༌། །གཞན་ལ་ཕྲ་མོའི་སྐྱོན་རེ་འདོགས་བྱས་ནས། །རང་གི་ཆེན་པོ་ཁྱད་དུ་གསོད་པ་མང༌། །རང་གིས་སྐྱོན་མང་མཐེབ་འོག་མནན་བྱས་ནས། །གཞན་སྐྱོན་མང་པོ་མཛུབ་མོས་འདོན་པར་བྱེད། །རང་ཉིད་མཁས་ཤིང་བཙུན་པར་སྨྲས་ན་ཡང༌། །རང་ཉིད་མ་སྨིན་གཞན་རེ་འདོགས་པ་ཡོང༌། །དག་སྣང་ཕྱོགས་མེད་ཆོས་ཡོད་ཟེར་མོད་ཀྱང༌། །འཇིག་རྟེན་ཆེ་བའི་ངོ་ཚ་ཤོར་གྱིས་དོགས། །མི་རྣམས་ཀུན་ལ་བཟང་ཚུལ་སྨྲ་ན་ཡང༌། །གཞན་ལ་སྐྱོན་འབེབས་རང་གིས་ཆེ་བ་འདོན། །རང་གི་ཡོན་ཏན་མཁས་པར་འཛིན་བྱེད་ཅིང༌། །གཞན་གྱི་ཡོན་ཏན་ཁྱད་དུ་གསོད་པར་བྱེད། ། { 6v } རང་ལ་ཆོས་ཡོད་ཚུལ་བཞིན་གནས་ན་ཡང༌། །གཞན་ལ་ཆགས་སྡང་རྒྱང་འཕེན་སྨྲ་བ་མང༌། །ཕྱི་ན་འདུལ་ཁྲིམས་ངང་ཚུགས་བྱེད་ན་ཡང༌། །ནང་ན་གཡོ་ཁྲམ་མེ་རྡུལ་ལངས་ནས་ཡོང༌། །དམ་ཚིག་ང་གཙང་ཁ་ལ་སྨྲས་ན་ཡང༌། །གསང་སྔགས་གཞུང་ལུགས་མ་ཤེས་ཞོར་ལ་ཉམས། །ཕྱི་རུ་རྩ་བཞི་བསྙེན་རྫོགས་ལམ་ཞུགས་ཤིང༌། །ནང་གི་སྤྱོད་པ་གང་མིན་འབའ་ཞིག་སྒྲུབ། །རང་ཉིད་ཐེག་ཆེན་ས་ལ་གནས་བྱས་ནས། །གཞན་གྱི་ཐེག་པ་ཁྱད་དུ་གསོད་པ་མང༌། །རང་ཉིད་རྟོགས་ལྡན་ཡིན་ཞེས་སྨྲས་ན་ཡང༌། །དུག་ལྔའི་ལོ་འདབ་ནང་ནས་སློང་བ་ཡོང༌། །རང་ཉིད་གྲུབ་པ་ཐོབ་པར་ཁས་ལེན་ཀྱང༌། །རྣམ་གཡེང་འཁྲུལ་པའི་ཆོས་ལ་རྦད་རྔམས་ཆེ། །རང་ཉིད་སྒོམ་ཆེན་ཚུལ་ལ་གནས་བྱས་ནས། །རྣམ་རྟོག་གཡེངས་པའི་གཡོ་ཁྲམ་སུ་བས་རགས། །རང་ཉིད་རྣལ་འབྱོར་ཆེན་པོར་ཁས་ལེན་ནས། །ཆོས་བརྒྱད་གཡེང་བ་འབའ་ཞིག་སུ་བས་རགས། །རང་ཉིད་བྱ་བཏང་ཡིན་པར་ཁས་བླངས་ནས། །སེམས་ཀྱི་འདོད་བློ་བྱ་བ་གང་མིན་སྒྲུབ། །རང་ཉིད་བླ་མའི་ས་ལ་གནས་ནས་ཀྱང༌། །གཞན་གྱིས་མགོ་སྐོར་སུན་འབྱིན་ཕྱོགས་རིས་ཆེ། །རང་ཉིད་རབ་བྱུང་བཙུན་པར་ཁས་བླངས་ནས། །གྲོང་ཡུལ་བསྐོར་ཞིང་ཉོ་ཆང་མོ་མཚར་བརྟེན། ། { 7r } རང་ཉིད་དགེ་སློང་དགེ་ཚུལ་ཁས་ལེན་ཅིང༌། །སྤྱོད་པ་བག་མེད་གང་མིན་སྒྲུབ་པ་མང༌། །རང་ཉིད་བྱང་ཆུབ་སེམས་དཔར་ཁས་ལེན་ཀྱང༌། །གཞན་གྱི་སེམས་དཀྲུག་མི་རྣམས་མི་བདེར་འཛུད། །རང་ཉིད་ཨ་ནེ་བཟང་ཚུལ་ཁས་ལེན་ཀྱང༌། །ཕོ་མཚར་བརྟེན་ཅིང་མདུན་དུ་བུ་ཆུང་ཟ། །ཆོས་བྱེད་ཇི་ཙམ་ཁ་ཕོད་མཐོ་ན་ཡང༌། །རང་རྒྱུད་མ་སྨིན་གཞན་ལ་འཕྱར་ག་གཏོང༌། །རང་རྒྱུད་ཆོས་དང་མ་འདྲེས་རྟགས་མཚན་ཅན། །ཚུལ་འཆོས་བྱེད་ཅིང་ལྟ་བ་ཁ་ཁྱེར་མཐོ། །རང་ཉིད་ཉམས་ལེན་མཐར་ཐུག་མ་སོང་ཡང༌། །སྟོང་འུར་གྲགས་པས་འགྲོ་བ་ཟིལ་གྱིས་གནོན། །སྐྱོ་ཤས་མེད་པའི་ཆོས་སྒོར་འཇུག་པ་དེ། །ཐ་མ་ཆོས་མེད་གྲོང་ཡུལ་ཁྱིམ་ཐབ་ བཟུང༌། །ཉམས་ལེན་མེད་པའི་ཆོས་གཟུགས་འཁྱམས་པོ་ཚོ། །རང་དོན་རྟོགས་པའི་དུས་ནི་ནམ་ཡང་མེད། །བློ་དྲེད་མི་ལ་ཆོས་ཀྱི་ཟེར་མི་ཕོག །གྲོང་ཡུལ་མཐའ་སྐོར་ལོངས་སྤྱོད་སུ་ཆེ་འཁོར། །གྲྭ་པ་བྱེད་བློ་མང་པོའི་བསམ་པ་ཅན། །ཇི་ཙམ་འབད་ཀྱང་རྣམ་གཡེངས་འཁྲུལ་པས་ཁྱེར། །ཕ་ཡུལ་སྤངས་ནས་ས་ཕྱོགས་གར་ཕྱིན་ཀྱང༌། །འདོད་བློའི་འཛིན་པ་ནམ་ཡང་སྤོང་མི་ཕོད། །སེར་མོའི་གཟུགས་ཀྱིས་འཇིག་རྟེན་གང་མོད་ཀྱང༌། །མ་ནོར་གཞུང་ལུགས་སྐྱོང་བ་ཉིན་སྐར་ { 7v } འདྲ། །གཞན་ལ་ཆོས་ལུང་དབང་བསྐུར་བྱེད་ན་ཡང༌། །སྙིང་ལ་རང་ཉིད་གར་འགྲོ་ཐེ་ཚོམ་ཅན། །སྙིགས་མའི་དུས་ཀྱི་ཆོས་ལུགས་དགོད་རེ་བྲོ། །རང་རྒྱུད་མ་སྨིན་གཞན་ལ་འཆད་པ་རིངས། །འགྲོ་དོན་བྱེད་ཟེར་ཕྱོགས་རིས་རློམ་སེམས་ཀྱིས། །སྦྱིན་བདག་རྣམས་ལ་བདག་འཛིན་བློ་ཁ་བསྒྱུར། །ཕྱོགས་ཀུན་དད་པའི་གསོལ་འདེབས་མི་བྱེད་པར། །གར་ཕྱིན་ས་རུ་གཞན་ལ་ལྐོག་སྨྲས་བྱེད། །བསླབ་གསུམ་རྣམ་དག་བདག་ལ་ཡོད་སྨྲས་ཀྱང༌། །མདོ་རྒྱུད་ཀུན་གྱི་བཤད་གཞུང་རྒྱུད་ལ་མེད། །གནས་ལུགས་རྟོགས་པ་སུ་བས་མཐོ་ཟེར་ཀྱང༌། །སྤྲོ་རྒྱུའི་རྣམ་རྟོག་ཆུ་ཡི་རི་མོ་བཞིན། །མཐར་ཐུག་དོན་གྱི་བརྟན་པ་ཐོབ་ཟེར་ཀྱང༌། །འཆི་བའི་དུས་སུ་སྨྲེ་སྔགས་འདོན་པ་མང༌། །ས་ཕྱོགས་གར་ཕྱིན་གང་དུ་བལྟས་མོད་ཀྱང༌། །དེ་འདྲའི་ཆོས་གཟུགས་མཐོང་བས་བདག་ཡིད་སྐྱོ།

59. བྱི་ལས་སྐྱབས་མགོ་་ཨོ་ཉི་དང་། །
    ཨོ་ཉིའི་ཐུགས་སྲས་བྱི་ལ་གཉིས། །
    གཙིག་རྒྱབ་གཅིག་གིས་སྐྱོར་ལུགས་འདིས།།
    རྐུབ་དང་སྐྱག་པ་ལྷང་ངེར་དྲན།།

60. རེད། དུས་རབས་དང་བརྟུན་དགོས་ན། ལས་འབྲས་དང་། དམ་པའི་ཆོས་དེ་ཡང་བསྒྱར་བཅོས་ཐོངས། ཚན་རིག་དང་། གཡོ་སྒྱུ་ཁྲམ་གསུམ་དམ་པའི་ཡིན་པར་གྱིས། ཚན་རིག་པ་སྐྱབས་གནས་སུ་ཟུངས། ངོ་མ་ཁྱོད་ཚོ་སྨྱོས་ཟིན་པ་འདྲ།

61. ཨོ་ཉིའི་སྐྱག་པ་ག་ས་ག་ལ་མཐོང་རྒྱུ་འདུག

62. མེ་དཀར་གཅིན་པ་ཡང་་་་་་་་་ཉཧཧཧཧ

63. སྤྲུལ་སྐུ་ཟེར་བ་འདི་ཚོ་སྐྱག་པའི་གྲས་ལ་བཞག་གི་ཡོད། ཧ་ཧ་