དཔྲལ་བའི་མིག་དང་ཁོག་པའི་སྙིང་།

Comments (8) on “དཔྲལ་བའི་མིག་དང་ཁོག་པའི་སྙིང་།”

1. ཡབ་ཆེན་མེད་ན་བྱིས་བ་ཁ་མེད་མགོ་མེད་ཡིན།
   ཡབ་ཆེན་མྱི་ཆེན་ཡིན་པས་ཁ་ལག་གཉིས་ཀ་བཙན།
   ཡབ་ཆེན་ཐུགས་གཤིས་ཨ་མ་འདྲ་བའི་བྱམས་པོ་མིན།
   ཡབ་ཆེན་བསྟོད་ནིའི་ཡ་རབ་མེད་པ་ཡབ་ཀྱི་དྲིན།

2. ཡབ་ཆེན་གཏམ་ལ་སྙན་རྒྱུ་མེད་ཀྱང
   ཁ་ཚའི་སྙིང་གཏམ་གསོན་མ་ཡིན
   ཡབ་ཆེན་བཀའ་བཀོད་རྩུབ་མདངས་ཆེ་ཡང
   ཕར་ཕུགས་བརྟན་པའི་གཞི་མ་ཡིན

3. རྣམ་པ་གཉིས་ལ་དགའ་བསུ་ཞུ།

4. རིག་གཞུང་ལ་ཧུར་བརྩོན་ཆེ་བའི་སློབ་མ་བཟང་པོ།
   མ་རིགས་ལ་ཤ་ཞེན་དཀར་བའི་ལ་རྒྱ་ཅན་པོ།
   ཕ་མའི་དྲིན་ལན་སེམས་པའི་དོན་གྱི་སྨྱོན་པ།

5. གྲོགས་པོ་ལགས།
   ཡབ་བཀའ་དྲིན་དེ་འདྲ་ཡིན་ན་ཡུམ་གྱི་སྡུག་བསྔལ་མྱོང་བ་དེ་ལ་གང་གསུངས་རྒྱུ་ཡོད་དམ།

6. ན་ཆུང་མཛེས་མ་གང་དགོས་རེག་པ་ཡབ་ཆེན་ཁྱོད་ཀྱི་བཀའ་དྲིན་ཡིན། །
   སུ་ལ་བསྣུན་ཡང་དགའ་ཐག་ཆོད་པའི་རླིག་རྩལ་འདི་ཡང་ཁྱོད་ཀྱི་དྲིན། །
   གླིང་གི་མི་ཆུང་ཁ་བདེར་དོ་བའི་ངག་རྩལ་འདི་ཡང་ཁྱོད་ཀྱི་དྲིན། །
   མདོར་ན་ཁོ་བོའི་ཡོད་ཚད་ཐམས་ཅད་ཡབ་ཆེན་ཁྱོད་ཀྱི་བཀའ་དྲིན་ཡིན། །

7. བུ་མོ་ཆུང་ཆུང་ལགས།
   མ་ཡུམ་དྲན་པའི་སྡུག་བསྔལ་ནི་འདི་འདྲ་ཞིག་ཡིན་པས་གཟིགས་རོགས།

   ང་ཡི་ཨ་མ། ཁྱོད་ད་ལྟ་གང་ན་ཡོད།

   བཅོ་ལྔ་ཡི་དུང་ཟླ། མེ་ཏོག་གི་མཛེས་སྡུག
   དྭངས་གཙང་གི་རྦབ་ཆུ། འདི་དག་མཐོང་ཐེངས་རེ་རེར།
   ངས་བརྗེད་ཟིན་པའི་མ་ཡུམ་གྱི་ཞལ་རས་སེམས་ཁུང་ན་ཤར་བྱུང་།
   རྒྱུད་མང་གི་དབྱངས་རྟ། ཁུ་བྱུག་གི་མགྲིན་བརྡ།
   སྙན་འཇེབས་ཀྱི་གླུ་སྒྲ། འདི་དག་ཐོས་ཐེངས་རེ་རེར།
   ངས་བརྗེད་ཟིན་པའི་མ་ཡུམ་གྱི་གསུང་འཇམ་སེམས་གཏིང་ནས་དྲན་བྱུང་།

   ཨེ་མ།
   རང་བྱུང་ཁམས་ཀྱི་མཛེས་སྡུག་ནི་ཆེས་ཕུལ་བྱུང་གི་མཛེས་སྡུག་ཅིག་དང་།
   ཡོད་ཚད་ཀྱི་བློ་སེམས་འཕྲོག་བྱེད་ཀྱི་མཛེས་སྡུག་ཅིག་ཡིན་པར་ཅོ་འདྲི་མི་དགོས་ཀྱང་།
   ང་ལ་མཚོན་ན་དེ་ཙམ་གྱིས་ག་ལ་ཚད་དེ།
   ངས་མ་ཡུམ་དྲན་ཐེངས་རེ་རེར།
   རང་བྱུང་ཁམས་ཀྱི་མཛེས་སྡུག་ལ་ངོམས་མེད་དུ་བལྟ་ཞོར།
   སེམས་གཏིང་གི་སྐྱོ་གདུང་ཡོད་ཚད་མཁའ་དབྱིངས་སུ་གཏོར་དུས།

   ད་གཟོད།
   རང་བྱུང་ཁམས་ནས་ངས་བོར་ཟིན་པའི་མ་ཡུམ་གྱི་ཞལ་རས་སླར་ཡང་མཐོང་བྱུང་ལ།
   བཞུད་ཟིན་པའི་མ་ཡུམ་གྱི་གསུང་དབྱངས་སླར་ཡང་མཐོས་བྱུང་།

   ངས།
   དྲན་བཞིན་འདུག ལོ་ཟླ་དེ།
   ལོ་ངོ་སོ་བདུན་ལ་བརྒལ་མ་ཐག་པའི་ངའི་མ་ཡུམ།
   མི་ཚེ་དང་ཁྱིམ་ཚང་ལ་འོད་སྣང་སྒྲོན་མ་ཐག་པའི་ངའི་མ་ཡུམ།
   དགུན་གསུམ་གྱི་གྲང་ངར་རྒོད་ས་ནས།
   ཁྱོད་ཉིད་གློ་བུར་དུ་མལ་སར་ལྷུང་ཞིང་།
   སྨན་དཔྱད་དང་རིམ་འགྲོ་གང་གིས་ཀྱང་མ་ཕན་པར།
   བགྲང་བྱ་གསུམ་དང་ཟླ་ངོ་བདུན་ལ་ཟིན་པའི་ཉིན་མོར།
   ཁྱོད་ཀྱི་སྐམ་ལ་རིད་པའི་མིག་ཟུང་། ངའི་ཡབ་ཀྱི་གདོང་ལ་ཅེར་ནས།
   ཤུལ་དུ་ལུས་པའི་བྱིས་པ་ཚོར་བལྟ་སྐྱོང་ལེགས་པའི་ཁ་ཆེམས་དང་།
   ངའི་ལག་ཟུང་དམ་དུ་བཟུང་ནས།
   ཡབ་ཆེན་གྱི་བཀའ་བཞིན་བསྒྲུབ་རྒྱུའི་ཁ་བརྡ་གནང་བཞིན།
   ནང་མི་དང་མི་ཡུལ་ལ་གྱེས་ཕྱག་བཏང་ནས།
   ནམ་ཡང་ཐུག་འཕྲད་མེད་པའི་ལམ་ལ་འཆས་སོང་།

   ངའི་མ་ཡུམ། ཁྱེད་ཕེབས་པའི་ཤུལ་དུ།
   ཞི་བདེའི་འོད་སྣང་འཁྱིལ་བའི་འུ་ཚང་གི་ཁང་ཆུང་གྲུ་བཞི་ནི།
   སྡུག་བསྔལ་གྱི་བཙོན་གདོང་ཞིག་ཏུ་གྱུར་ཅིང་།

   ཅི་ཡང་ལེན་ཐུབ་ཅིང་གང་ཡང་འདོར་ཕོད་པའི།
   ངའི་ཡབ་ཆེན་གྱི་བློ་སྟོབས་ཡང་། རྡོ་ཡིས་རྨས་པའི་བྱིའུ་དང་མཚུངས།

   ལོ་ཟླའི་ཀྱོག་མཚམས་དེ་དག་གི་རིང་། ཁང་ཁྱིམ་གྲུ་བཞིའི་གྲུ་ཁ་ན།
   ཡབ་ཆེན་གྱིས་པི་ཝང་མི་འཁྲོལ་ཞིང་། ཨ་ཅས་གླུ་ཆུང་ཡང་མི་ལེན་ལ།

   ངེད་སྤུན་མཆེད་རྣམས་ཀྱི་ཐལ་རྩེད་ཡང་མ་རྩེ།
   ངའི་མ་ཡུམ། ཁྱེད་ཀྱིས་དག་ཞིང་ནས་ཨེ་གཟིགས།

   དེ་ནས་བཟུང་ཡབ་ཆེན་གྱི་ཧུར་བརྩོན་དང་།
   ཁོར་ཡུག་གི་གནས་སྟངས་ཁྲོད། སླར་ཡང་།
   སྡུག་བསྔལ་གྱི་མུན་པ་རིམ་གྱིས་ཡལ་ཞིང་།
   ཞི་བདེའི་འོད་སྣང་རྒྱས་མགོ་རྩམ།

   ལོ་ཟླ་དེ་དག་གི་རིང་།
   གཏི་མུག་གི་མུན་པར་ཡིབ་པའི་བུ་ཆུང་ངས།
   གོར་ཞིང་འཇམ་པའི་ཞལ་རས། སྙན་ཞིང་འཇམ་པའི་གསུང་བརྡ།
   ཞི་ཞིང་དུལ་བའི་སེམས་རྒྱུད། དྲང་ཞིང་ལྡེམ་པའི་གཤིས་ཀ
   མདོར་ན། ངའི་དྲིན་ཅན་གྱི་མ་ཡུམ།
   ཁྱོད་ཀྱི་བྱམས་བརྩེ་དང་མཛེས་སྡུག་གི་ཆ་ཤས་ཡོད་ཚད་ནས་ཡོད་ཚད།
   བརྗེད་ངེས་ཀྱི་རྐུན་པོར་ཕུལ་ནས།
   བགྲང་བྱ་བཅུ་ཕྲག་གཉིས་དང་ཉག་མ་གསུམ་ལ་འཁོར་བའི་དེ་རིང་།

   ངས་སླར་ཡང་མི་ཡུལ་གྱི་གྲུ་ཁ་འདི་ནས་ཁྱོད་ཉིད་འཚོལ་བཞིན་ཡོད་ལ།
   ངས་སླར་ཡང་དུས་རབས་ཀྱི་ཀྱོག་མཚམས་འདི་ནས་ཁྱོད་ཉིད་དྲན་བཞིན་ཡོད།

   ངའི་མ་ཡུམ།
   ཉེར་གཅིག་པའི་དུས་རབས་འདིར་ཚན་རིག་གི་འཕྲུལ་རྩལ་ལ་བརྟེན་ནས།
   པྲ་དང་མོ་ལ་མི་ལྟོས་པར་དུས་གསུམ་གྱི་འགྱུར་བ་རྟོགས་རྒྱུ་འདུག་ལ།
   ཏིང་འཛིན་དང་རྩ་རླུང་ལ་མི་ལྟོས་པར་ཉི་ཟླའི་སྟེང་ལའང་འགྲོ་རྒྱུ་འདུག

   འོན་ཀྱང་ང་ལ་ཐ་ན།
   མ་ཡུམ་གྱི་འདྲ་པར་ཞིག་ཀྱང་དྲན་རྟེན་དུ་འཆང་རྒྱུ་མེད་པ་ནི།
   ཡུལ་ལུང་གི་བཀའ་ཆད་ཡིན་ནམ། ང་རང་གི་ལས་དབང་ཡིན།

   ངའི་མ་ཡུམ།
   གལ་སྲིད་ཁྱོད་རང་ད་ལྟ་བཞུགས་ཡོད་རྒྱུ་ན།
   ངས་ཡུན་རིང་དཀའ་བས་བསགས་པའི་སྣ་མང་ཤེས་བྱ་ཡི་མཆོད་པ་རེ་རེ།
   མེ་ཏོག་གི་ཚོམ་བུར་སྤྲུལ་ནས་ཁྱོད་ཀྱི་སྐེའི་རྒྱན་དུ་བརྒྱུས་ཆོག་ལ།
   ཁྱོད་ཀྱི་མཐོས་མ་མྱོང་བའི་ངོ་མཚར་བའི་གཏམ་རྒྱུད་མང་པོ་ཞིག
   དྲི་ཟའི་གླུ་དབྱངས་ལ་སྤྲུལ་ནས་ཁྱོད་ཀྱི་སྙན་ལམ་དུ་ཕུལ་ཆོག
   དེའི་ཚེ་ཁྱོད་ཀྱི་བརྩེ་བའི་སྤྱན་དཀྱུས་རིང་མོ་བདག་གི་གདོང་ལ་ཅེར་བཞིན།
   བྱམས་པའི་ཕྱག་ཟུང་རིང་མོས་ངའི་མགོ་ལ་བྱིལ་བྱིལ་བྱེད་ཞོར།
   འཇམ་པའི་གསུང་དབྱངས་སྙན་མོས་ང་ལ་བསྟོད་བསྔགས་ཀྱི་མེ་ཏོག་གཏོར་སྲིད།
   འོན་ཀྱང་དེ་དག་ནི་ངའི་སྟོང་འདང་གི་རྨི་ལམ་ཙམ་རེད།

   ངའི་མ་ཡུམ།
   ཁྱོད་ཀྱི་ཤུལ་དུ་ལུས་པའི་ངེད་ཚོ་སྟེ།
   ཁྱོད་ཀྱི་སྐུ་ཟླས་ངེད་ཅག་སྤུན་མཆེད་རྣམས་ལེགས་པའི་ལམ་ལ་བཅུག་ཅིང་།
   སྐུ་ཉིད་ཀྱི་སྒོ་གསུམ་གྱི་སྤྱོད་པ་ཡོད་ཚད།
   བསྟན་དང་འགྲོ་བའི་དོན་དུ་འབུང་བཞིན་མཆིས་ལ།
   ངེད་སྤུན་མཆེད་རྣམས་ཀྱང་སོ་སོའི་ལས་འགན་འབད་པས་བསྒྲུབས་ཏེ།
   དགོན་གོང་ཚང་གི་མི་རབས་དང་།
   ཡབ་ཆེན་གྱི་མཛད་རྗེས་ལ་ཞབས་འདེགས་ཅིས་ཀྱང་ཞུ་ངེས་པའི་ཆོད་སེམས་ལ།
   འགྱུར་བ་གཏན་ནས་མེད་པས།

   ངའི་མ་ཡུམ།
   ཁྱོད་ཉིད་དག་ཞིང་གང་དུ་ཡོད་ཀྱང་རུང་སྟེ།
   ཐུགས་དགྱེས་པར་བཞུགས་དང་།
   ངས་མི་ཡུལ་གྱི་གྲུ་ཁ་འདི་ནས་སླར་ཡང་འབོད་སྐུལ་ཞུ་བཞིན་ཡོད།

   11.8.2010

8. འ་ཛི་གྲོགས་པོ་ལགས་།

   བཀའ་དྲིན་ཆེ་ཞུ་རྒྱུ་ཡིན་་་་་་་་རྒྱས་པོ་བྲིས་བ་དེ་ལ་