༄༅། །ས་སྐྱ་༧གོང་མ་ཕུན་ཚོགས་ཕོ་བྲང་བདག་ཆེན་འཇིགས་བྲལ་ཕྱོགས་ལས་རྣམ་རྒྱལ་
དཔལ་བཟང་པོ་མཆོག་ལ་ཞབས་བརྟན་གསོལ་འདེབས་
རིན་ཆེན་སྒྲོན་མེ་ཞེས་བྱ་བ་བཞུགས་སོ།།
ན་མོ་གུ་རུ་ཨེ་མ་ཧོ།
ཀ་དག་རྒྱལ་བའི་དགོངས་པ་དེ་ཉིད་གཟིགས། །
ཁ་སྦྱོར་ཡན་ལག་བདུན་ལ་དབང་འབྱོར་བའི། །
ག་བུར་སྨན་མཆོག་ཇི་བཞིན་དགེ་བའི་བཤེས། །
ང་རྒྱལ་རྣམ་དག་ས་སྐྱ་༧གོང་མ་རྒྱལ། །
ཅ་དག་གོས་དཀར་བསྟན་པའི་རྒྱལ་མཚན་འཛིན། །
ཆ་ཤས་ཡོན་ཏན་ཕུན་ཚོགས་བདག་ཉིད་ཆེ། །
ཇ་ཆང་འདོད་ཡོན་འཇིགས་བྲལ་རྒྱན་ཏུ་ཤར། །
ཉ་གང་ཕྱོགས་ལས་རྣམ་རྒྱལ་རྒྱལ་གྱུར་ཅིག །
ཏ་ཐྰ་ག་ཏའི་བསྟན་པ་རིན་ཆེན་ལ། །
ཐ་ཤལ་ཆོས་བརྒྱད་འཆིང་བས་མ་གོས་པའི། །
ད་ལྟའི་དུས་འདིར་སྔགས་འཆང་མཚན་ཉིད་པར། །
ན་མོ་རྨི་ལམ་དད་གུས་རྒྱན་ཏུ་རོལ། །
པ་ར་མི་ཏའི་ཕྱིན་དྲུག་སྤྱོད་པ་མཛད། །
ཕ་མའི་ཀྱེ་རྡོར་ཟུང་འཛུག་མངོན་གྱུར་པའི། །
བཛྲ་ཐེག་པའི་བརྒྱུད་འཛིན་རིན་པོ་ཆེ། །
མ་ལུས་འགྲོ་བའི་མགོན་དུ་རིང་འཚོ་ཤོག །
ཙ་རི་ཊྰ་སོགས་སྦས་ཡུལ་མཁའ་འགྲོ་གཙོ། །
ཚ་གྲང་འཁོར་བའི་སྡུག་བསྔལ་བསལ་བའི་གཉེན། །
ཛ་ཡའི་བསྟན་པའི་སྙིང་ནོར་འཛིན་པར། །
ཝ་ལེར་སྙིང་གི་རྒྱན་ཏུ་བཞུགས་སུ་གསོལ། །
ཞྭ་མདོག་ཁྱད་མེད་དད་པ་དག་སྣང་མཛད། །
ཟ་མ་མོ་ལ་བདག་མོའི་ཐོབ་ཐང་སྤྲད། །
འ་ཅག་བསྟན་སྲིད་འཛིན་པའི་དཔའ་བོ་ཆེ། །
ཡ་རབས་རྒྱུད་འཛིན་གོང་མ་རིན་ཆེན་རྒྱལ། །
ར་བ་གངས་རིས་བསྐོར་བའི་ཕ་ཁྱིམ་དུ། །
ལ་རྒྱའི་ཆོས་རིགས་སྤེལ་བའི་འདྲེན་པ་མཆོག །
ཤ་ཁྲག་རུས་པའི་གདུང་སྲས་སྐུ་འཁོར་བཅས། །
ས་སྟེང་སྐྱེ་རྒུའི་མགོན་དུ་རྟག་འཚོ་ཤོག །
ཧ་ཅང་གསལ་བའི་རྨི་ལམ་སྣང་བ་དང་། །
ཨ་ལགས་ཆོས་མཆེད་འགའ་ཡིས་སྐུལ་བའི་ངོར། །
ཧ་ཤང་བླ་མའི་རྟུལ་ཞུགས་དགྱེས་རྡོར་གྱིས། །
ཨ་ཧོ་བདེན་ཚིག་སྨོན་ལམ་དེ་ལྟར་ཐལ། །
ཨི་ལྡན་དབྱངས་གསལ་མཛེས་པའི་ཞབས་བརྟན་དང་། །
ཨུ་རྒྱན་རིག་འཛིན་བརྒྱུད་པའི་བདེན་སྨོན་གྱིས། །
ཨེ་མ་ས་སྐྱ་ཕུན་ཚོགས་ཕོ་བྲང་ཉིད། །
ཨོ་ཌྰི་ཡ་ནའི་གསང་གསུམ་མངོན་གྱུར་ཤོག །
ཅེས་པ་འདི་ཡང་རབ་རྒྱན་ཆུ་འབྲུག་རྒྱལ་ཟླའི་དབང་ཕྱོགས་མཁའ་འགྲོ་འདུ་བའི་དུས་ཀྱི་ཐོ་རངས་ལ་རྨི་ལམ་བཟང་པོ་དུ་མ་ཞིག་རྨིས་པ་དང་། སེམས་དཔའ་ཆེན་པོ་ཀླུ་སྨྱོན་ཧེ་རུ་ཀ་དང་རྫོགས་ཆེན་སྤྲུལ་སྐུ་དབང་ཆེན་གྱི་ཀ་རྩོམ་གྱི་ཞབས་བརྟན་མཇལ་བའི་རྐྱེན་ལས་སྣང་སྲིད་གླུ་དབྱངས་སུ་ལེན་པར་མཁས་པའི་མཁན་ཆེན་བླ་མ་འམ་རྨི་ལམ་དབང་ཕྱུག་གིས་དབྱིན་ཡུལ་བོད་བརྒྱུད་རྣལ་འབྱོར་ཆོས་ཚོགས་ཁང་ནས་གསོལ་བ་འདེབས་པ་དགེའོ། །
ཕུན་ཚོགས་ཕོ་བྲང་གི་ཕྱི་རྒྱལ་ཁག་ལ་བོད་བརྒྱུད་ནང་བསྟན་སྤེལ་བའི་བྱས་རྗེས་རླབས་ཆེན་གང་ཡང་མེད། བཙན་བྱོལ་དུ་དགོན་པ་ཆགས་བཏབ་ནས་དགེ་འདུན་གྱི་བསླབ་པ་སློབ་གཉེར་སྤེལ་བའི་རྣམ་ཐར་ཡང་མེད། དེ་མིན་བོད་མིའི་ཆབ་སྲིད་ཀྱི་བསྐོར་ལ་ཕྱག་ལས་གནང་བ་གང་ཡང་མེད། རྒྱུ་མཚན་དེ་འདྲར་བརྟེན་བཏང་སྙོམས་ཡིན་ནོ།
ཨ་ལགས་ཆོས་མཆེད་འགའ་ཡིས་སྐུལ་བའི་ངོར། །
ཧ་ཤང་བླ་མའི་རྟུལ་ཞུགས་དགྱེས་རྡོར་གྱིས། །
ཨ་ཧོ་བདེན་ཚིག་སྨོན་ལམ་དེ་ལྟར་ཐལ། །
ཨི་ལྡན་དབྱངས་གསལ་མཛེས་པའི་ཞབས་བརྟན་དང་། །
ཨུ་རྒྱན་རིག་འཛིན་བརྒྱུད་པའི་བདེན་སྨོན་གྱིས། །
ཨེ་མ་ས་སྐྱ་ཕུན་ཚོགས་ཕོ་བྲང་ཉིད། །
ཨོ་ཌྰི་ཡ་ནའི་གསང་གསུམ་མངོན་གྱུར་ཤོག །
ཅེས་པ་འདི་ཡང་རབ་རྒྱན་ཆུ་འབྲུག་རྒྱལ་ཟླའི་དབང་ཕྱོགས་མཁའ་འགྲོ་འདུ་བའི་དུས་ཀྱི་ཐོ་རངས་ལ་རྨི་ལམ་བཟང་པོ་དུ་མ་ཞིག་རྨིས་པ་དང་། སེམས་དཔའ་ཆེན་པོ་ཀླུ་སྨྱོན་ཧེ་རུ་ཀ་དང་རྫོགས་ཆེན་སྤྲུལ་སྐུ་དབང་ཆེན་གྱི་ཀ་རྩོམ་གྱི་ཞབས་བརྟན་མཇལ་བའི་རྐྱེན་ལས་སྣང་སྲིད་གླུ་དབྱངས་སུ་ལེན་པར་མཁས་པའི་མཁན་ཆེན་བླ་མ་འམ་རྨི་ལམ་དབང་ཕྱུག་གིས་དབྱིན་ཡུལ་བོད་བརྒྱུད་རྣལ་འབྱོར་ཆོས་ཚོགས་ཁང་ནས་གསོལ་བ་འདེབས་པ་དགེའོ། ། ཟེར།
ས་སྐྱ་ཕུན་ཚོགས་ཕོ་བྲང་དེ་ཚེ་རིང་ལོ་བརྒྱ་ཐུབ་པར་ཤོག
ད་ཞབས་བརྟན་འབུལ་ཡུལ་མང་བ། འབུལ་མཁན་ཉུང་བའི་དབང་དུ་སོང་ནས། ངས་འདིར་བསྟན་པའི་རྩ་ལག་རྣམས་ལ་ཞབས་བརྟན་རྣལ་མ་ཞིབ་འབུལ་གྱི་ཡིན། ཁྱེད་ཚོས་ཀྱང་སྨོན་ལམ་སྐྱོན་ཤོག་ཨ།
བོད་ཡིག་ཡག་པོ་ཤེས་ཀྱི་ཡོད་མ་རེད་ད། དག་ཆ་དཔེ་སྐྱོ་པོ་ཡིན་དུས། ནོར་འཁྲུལ་ཡོང་གི་རེད་ད། དམ་ཚིགས་སྲུང་ཤོག་ཨ། ངའི་རྗེས་ལ་ཁྱེད་ཚོས་ཀྱང་མུ་མཐུད་ཞབས་བརྟན་འབུལ་ཤོག་ཨ།
ཨོ་ཨ་ཧུ། སྦིང་སྦིང་རིང་པོ་ཆེ་ལ་ཕྱག་འཚལ་ལོ།
དབྱིན་མོའི་བདག་པོ་སྨྱོན་གཟུགས་དགྱེས་རྡོར་དང་། གསང་ངག་མདོ་མཇེ་འཛིན་པ་ཀླུ་སྨྱོན་ཞབས།
རྫབ་ཆེན་འགྲོ་བའི་མགོན་པོ་དབང་ཆེན་མཇེ། འགྲོ་བའི་སྟོན་པ་གསུམ་ལ་ཞབས་བརྟན་འབུལ།
ཨ་ནི་སྨྱོན་པའི་རྣམ་སྤྲུལ་ཨ་ཕྱི་ཆོས། ཁ་སྤྱོད་རྣ་སྤྱོད་ངར་མ་ནག་ཐར་སྐྱིད།
ཞར་དང་ཞོར་ལ་སྨྱོ་བ་ཁ་བ་འཚོ། མཁའ་སྤྱོད་རྣ་སྤྱོད་གསུམ་ལ་ཞབས་བརྟན་འབུལ།
བན་ལ་སྡང་བ་བན་དེ་བོན་རྒན་དང་། བོན་པོའི་མག་པ་Bonpoཅན།
རིས་མེད་རྣ་མེད་རང་རིགས་སྡང་བའི་ཞབས། ཁ་བརྡའི་མཆན་པོ་རྣམས་ལ་ཞབས་བརྟན་འབུལ།
དབུ་མའི་ཐུག་པ་དཀྲུག་མཁན་ཤར་ཁུག་དང་། རང་བཙན་གཞན་སྟོང་སྨྲ་བ་ཀླུ་ཁར་འབྱམས།
སེམས་ཙམ་ལྟ་བའི་བདག་པོ་བསྟན་རྩོན་འགྲུས། ལྟ་བའི་མེས་པོ་གསུམ་ལ་ཞབས་བརྟན་འབུལ།
ཁམས་གསུམ་འཕྲིན་ལས་རྒྱལ་པོ་སྐལ་ལྡན་མཇེ། འཛམ་གླིང་མཇེ་ཡི་བདག་མོ་ལི་ལི་སྦིང་།
ཕ་རོལ་གསང་བ་འདོན་མཁས་དབྱངས་ནོར་མཇེ། གསང་བའི་བདག་པོ་གསུམ་ལ་ཞབས་བརྟན་འབུལ།
ད་དུང་གཞན་སུ་ལྷག་འདུག ཧ་ཧ་
ས་སྐྱ་ཕུན་ཚོགས་ཕོ་བྲང་ཞེས་དེ་དིང་སྐབས་བོད་པའི་སྤྱི་
ཚོགས་ཐོག་ཕན་ཐོག་གང་ཡང་མེད་པའི་ཐོག་ཕྱེ་རྒྱལ་བར་མགོ
སྐོར་གཏོང་མཁན་ཞིག་ཡིན་པ་བོད་པ་མང་ཆེ་བས་ཤེས་ཀྱི་ཡོད་
ཡིན་ལུགས་དོན་ལ་རྨོངས་པའི་མ་རིག་རྒད་པོ་དང།
སྣང་ལུགས་དགྲ་རུ་མཐོང་བའི་ཞེ་སྡང་ཨ་ཕྱི་ཆོས།
ཤར་ལུགས་ཆགས་ཞེན་འདོད་ཆགས་ཨོ་ཉི་སྤྲུལ།
གང་ལ་རྨོངས་པའི་གཡུ་འབྲུག་གཏི་མུག་བཅས།
བ་མོའི་ཁར་གྱེས་བྱ་ཕག་སྦྲུལ་གསུམ་ཡིན།
ཐ་སྙད་ཚད་མའི་བདག་པོ་གཟམ་གདོང་ཞབས། གསུང་དང་ལག་ལེན་མ་མཐུན་བློ་སེང་རྗེ།
རྒྱལ་བའི་དགོངས་པ་དཀྲུག་མཁས་སྤྱི་འཐུས་ཚོ། སྲིད་པའི་བློན་པོ་གསུམ་ལ་ཞབས་བརྟན་གསོལ།
འཛམ་གླིང་བུ་ལོན་བདག་པོ་ཨ་རིའི་གཞུང་། སྤྱི་རྫས་སྒེར་ལ་དབང་བ་རྒྱ་ནག་གཞུང་།
མྱོས་ཆང་རྗས་ཀྱིས་འཐོམས་པ་རྒྱ་གར་གཞུང་། གཞུང་ཆེན་སྲོལ་མཛད་གསུམ་ལ་ཞབས་བརྟན་གསོལ།
གདམ་ངག་སྡོམ་པ་སྤོངས་མཁན་སྤྲུལ་སྐུའི་ཚོགས། དད་པ་མོས་པ་དཀོན་པ་གྲྭ་མང་ཚོ།
ཡོན་ཏན་མཐའ་དག་བསུན་བྱིན་དགེ་བཤེས་ཀུན། བསྟན་པའི་སྙིང་པོ་གསུམ་ལ་ཞབས་བརྟན་གསོལ།
འགྲོ་བའི་མིག་གཅིག་༧ཡིད་བཞིན་ནོར་བུ་མཆོག
བསྟན་པའི་ཀ་བ་ཨུ་རྒྱན་འཕྲིན་ལས་ཞབས།
གོས་དཀར་བསྟན་པའི་བདག་པོ་ས་སྐྱའི་ཞབས།
བསྟན་པའི་དཔལ་འགྱུར་གསུམ་ལ་ཞབས་བརྟན་གསོལ།
འགྲོ་བའི་མགོན་པོ་རྒྱལ་བ་འབྲི་གུང་པ། །
བསྟན་པའི་བདག་པོ་འགྲོ་མགོན་བཀའ་བརྒྱུད་པའི། །
རྒྱུད་པ་ཡང་དག་འཛིན་པའི་སྐྱབས་མགོན་རྣམས་། །
སྐུ་ཚེ་བརྟན་ཅིང་འགྲོ་དོན་མཐར་ཕྱིན་ཤོག །
དམུས་ལོང་གཡང་སར་རྒྱུ་བའི་ཀ་ལོག་པ། །
ནག་ཚོང་སྡིག་པའི་ཁ་ལོ་བསྒྱུར་མཁས་པའི། །
ཆོས་ཀྱིས་འཇིག་རྟེན་སྒྲུབ་པའི་རྐུན་ཇག་རིགས། །
འཇིག་རྟེན་ཁམས་སུ་སྣང་བར་མ་གྱུར་ཅིག །
བསྟན་འཛིན་སྐྱེས་བུ་ཐམས་ཅད་༸སྐུ་ཁམས་བཟང་། །
༇། །ཕུན་ཚོགས་ཕོ་བྲང་༸སྐུ་ཚེ་ཡུན་བརྟན་ཤོག །
རྒད་པོ་ལེགས་སོ། ཡིན་ན་ཡང་བོད་སྲིད་སྐྱོང་ལ་ཅོ་འདྲི་བ་ཐ་ཆད་རེད། ལམ་སང་གྲུབ་འབྲས་ཐོན་ཁེག་པོ་རེད། ༧གོང་ས་མཆོག་གིས་ཀྱང་རིང་ནས་ཐུགས་སུ་དགོངས་པའི་དོན་འབྲས་ནི་ད་རིས་མི་དམངས་ཀྱི་འོས་འདེམས་པའི་སྲིད་སྐྱོང་འདི་ཡིན་པར་གསུང་གི་མི་འདུག་གམ། འགྲོ་བའི་མིག་གཅིག་གི་གསུང་ལ་རྒྱབ་འགལ་སྨྲས་ནས་ཞབས་བརྟན་བྲིས་ཀྱང་སྙིང་པོ་འདུག་གམ། གང་ལྟར་དད་གུས་ཟེར་བ་གཞན་གྱིས་བཙན་ཤེད་དུ་སོང་ན་ཐ་ཆད་པས་རང་གིས་ཚོར་འདུ་ཞིག་བྲིས་ན་འདི་ལྟར་རོ། །
ཨོཾ་ཨྰཿཧྰུྃ།
དགེ་སློང་ཡང་དག་སྤྲུལ་སྐུ་དབང་ཆེན་དང་། །
བྱང་ཆུབ་སེམས་དཔའ་ཀླུ་སྨྱོན་ཧེ་རུ་ཀ །
རྡོ་རྗེ་འཆང་ཆེན་རིག་འཛིན་དཔལ་དགྱེས་པ། །
ཐེག་གསུམ་བསྟན་པའི་སྒྲོན་མེ་ཞབས་བརྟན་ཤོག །
པདྨས་སོ། །