ཚངས་པ་རྒན་པོའི་བདེན་ཚིག

Comments (27) on “ཚངས་པ་རྒན་པོའི་བདེན་ཚིག”

1. ས་སྐྱ་བདག་ཉིད་ཆེན་པོར་བཀྲ་ཤིས་བདེ་ལེགས་ཀྱི་སྨོན་འདུན་ཞུ།

2. བླ་མ་ཀླུ་སྨྱོན་སྐབས་འགར་དངོས་གནས་སྨྱོན་པའི་ཚུལ་བཟུང་སེམས་ལ་གང་དྲན་འབྲི།
   འོན་ཀྱང་ད་རེས་ཡ་རབས་ཚུལ་བཟུང་༧ས་སྐྱ་གོང་མ་རྡོ་རྗེ་འཆང་ཆེན་པོར།
   བརྟན་བཞུགས་གསོལ་འདེབས་ཀ་བཤད་དུ་བཀོད་ཚངས་པ་རྒན་པོའི་བདེན་ཚིག་ཅེས་བྱ་བ།
   ཡིད་འཕྲོག་ཀ་འཕྲེང་བྲིས་པའི་གཟི་བྱིན་འོད་འཕྲོས་བླ་མའི་བྱིན་རླབས་འགུག་ལ་བསྔགས།།

   མིང་ཚིག་འགའ་ལ་རྟོག་དཔྱོད་དགོས་པར་མཐོང་། ཏྰ་ལའི ཞེས་པ་ཧོར་ཚིག་ཡིན་པས། འ་ཆུང་ཏ་ཡི་འོག་ཏུ་མེད་པར་ཏ་ལའི་ཞེས་ཀྱང་ཆོག་གམ་སྙམ། པ་ར་མི་ཏའི་ ཞེས་པ་ལེགས་སྦྱར་ཚིག་སྟེ། དག་པར་འབྲི་ན། པཱ་ར་མི་ཏཱ་ ཞེས་དགོས་སོ། འཚམ་པར་སྩོལ་ ཞེས་པར་འཚམས་པར་དང་། འདི་བ་ནི་ ཞེས་པར་འདི་པ་ཞེས་པ་ང་ཡི་ཁ་སྐད་ལགས། རིགས་དང་མི་རིགས་གཞུང་དཔེར་གཟིགས་ལ་དཔྱད་དགོས་སོ།

3. ས་སྐྱ་བདག་ཆེན་རིན་པོ་ཆེས་ད་ལོ་རྒྱལ་བའི་ཞབས་བརྟན་གྱེར་བཞིན་པའི་མཛད་འཕྲིན་དེ་གཡུ་ཐུབ་ནང་ནས་མཇལ་རྒྱུ་བྱུང་། རིན་པོ་ཆེས་གོང་ས་མཆོག་སྐུ་ཚེ་ཞབས་པད་བརྟན་གྱུར་ཅིག་ཅེས་སྨོན་ཚིག་མཇུག་བསྡུ་བའི་སྐབས་སུ་གསུངས་འདར་ཤུམ་དང་བཅས་སྤྱན་རྩ་རླན་པ་མཐོང་དུས་ང་མིག་ཆུ་ཤོར་སོང་། ཅི་འདྲའི་བླ་མ་བཟང་པོ་ཞིག་རེད་ཨ། སྐུ་ཚེ་རིང་པོར་བཞུགས་པར་ཤོག འདི་ནི་ངས་ཀ་ཕྲེང་ཐོག་ནས་བརྩམས་པའི་ཞབས་བརྟན་མཐོང་བ་དང་པོ་དེ་ཡིན་ས་རེད། རང་ཉིད་ཐོས་པ་ཉུང་བས་ལན། དཔེ་སྙན་པོ་འདུག

4. ་་་་ཨ་རིའི་ཡུལ་འདིར་སྐལ་བ་བཟང་པོས་མཇལ་ཏེ་མི་ལོ་བཅུ་ཕྲག་འཁོར། །
   ཨ་མདོའི་སྤྲུལ་སྐུ་ཡེ་ཤེས་བདག་ཀྱང་དེང་ནས་གདོད་མའི་ས་ཐོབ་བར། །
   ཧ་རིས་བཏེགས་པའི་རྡོ་རྗེའི་ཁྲི་ནས་བརྩེ་བའི་ཐུགས་ཀྱིས་མི་འདོར་ཤོག །
   *བདག་ཆེན་རིན་པོ་ཆེ་འདི་བ་ནི་ས་སྐྱའི་ལོ་ངོ་དགུ་བརྒྱའི་ལོ་རྒྱུས་ཁྲོད་ཀྱི་ས་སྐྱ་གོང་མ་སྐུ་ཚེ་རིང་ཤོས་དེ་ཡིན་ཞིང་། ཞིང་གཤེགས་གསེར་རྟའི་མཁན་ཆེན་འཇིགས་མེད་ཕུན་ཚོགས་སོགས་སྐྱེས་ཆེན་དུ་མས་རྩོད་མེད་དེང་དུས་ཀྱི་གྲུབ་པ་མཆོག་གི་སྐྱེས་བུ་ཞིག་ཏུ་ངོས་འཛིན་ཞུས་དང་ཞུ་བཞིན་པའོ།། །།་་་་་་་ཟེར།

5. ཀ་བཤད་ཀྱི་བརྟན་ཞུགས་འདི་སྙན་པོ་དང་གོ་བདེ་པོ་འདུག། རྗེས་སུ་ཡི་རངས་དང་སྨོན་ལམ་དེ་ལྟར་གྲུབ་གྱུར་ཅིག

6. འདི་ཚང་ཨ་བྱང་ཨ་མེ་རི་ཁར་བཞུགས་གདན་འཇགས་བཞག་པ་དེས་ཅིག་འགྲིགས་མི་འདུག རབ་ན་བོད་ལ་ཕེབས་ནས་གདན་ས་སྐྱོང་ཐུབ་པ་ཞིག་གམ་མ་མཐའ་ཡང་རྒྱ་བལ་གང་རུང་ཞིག་ཏུ་དགོན་པ་རེ་བཏབ་ནས་བཞུགས་ན་གདུལ་བྱ་དར་སྟངས་དེ་འདྲ་གི་མ་རེད་བསམ། ས་སྐྱ་གོང་མ་འདི་གོ་ཐོབ་མཐོ་དོན་ནི་བོད་ཀྱི་ཆོས་སྲིད་ལོ་རྒྱུས་ལས་བྱུང་བ་ཞིག་ཡིན་དུས་བརྩི་བཀུར་གྱི་མགོ་བོད་ཀྱི་སྤྱི་ཚོགས་ནས་ཚུགས་དགོས་རེད། ཨ་མེ་རི་ཁ་ན་ས་སྐྱ་གོང་མ་ཡིན་ནས་དམིགས་བསལ་ཞེད་པོ་ཞིག་བརྩི་མཁན་འདྲ་མེད་པ་རེད། བཟང་ངན་ནི་ང་ལ་གླེང་རྒྱུ་ཅི་ཡང་མེད། ཀླུ་སྨྱོན་རང་གིས་ཀྱང་སྲོལ་རྒྱུན་བསྟོད་རྩོམ་གྱིས་སྲོལ་བསྐྱངས་ནས་སྐུ་གསུང་ཐུགས་གསུམ་དང་། མཁས་བཙུན་བཟང་གསུམ། འཆད་རྩོད་རྩོམ་གསུམ་སོགས་གཟུངས་སྔགས་འདྲ་བོ་མང་པོ་ཞིག་གིས་བསྟད་བསྟད་ནས་མཇུག་དྲིལ་དུས་གསེར་རྟའི་མཁན་ཆེན་འཇིགས་མེད་ཕུན་ཚོགས་ཀྱིས་ཡར་བཀྱག་བཞག་པ་དེ་ཙམ་ལས་ཁོ་རང་ལ་ངེས་ཤེས་བརྟན་པོ་ཞིག་མེད་པའི་རྡར་སྐད་ཤོར་མི་འདུག་གམ།་སྙམ། ཀུ་རེ་ཞུས་པ་ཡིན། ཟུར་ཟ་སོགས་གང་ཡང་མིན།

7. ༼ཆ་རྫོགས་མཛད་འཕྲིན་ཟླ་བ་གཞོན་ནུ་བཅུ་ཕྲག་ལྔ་ལྷག་བརྒལ་བའི་ལོར། །༽
   འདི་ཡི་དོན་ཅི་ཡིན་ནམ། བཅུ་ཕྲག་བརྒྱད་ལྷག་བརྒལ་བ་མིན་ནམ།

8. ཁོང་ཨ་རིར་ཕེབས་ནས་ལོ་ལྔ་བཅུ་ང་ལྔ་བརྒལ་པས་སོ།།

9. ངས་བལྟས་ན་རྩོམ་པ་པོས་དོན་གནད་གཉིས་ལ་གདེངས་འཇོག་ཆེན་པོ་གནང་གི་འདུག དེ་ནི་འདས་པའི་ས་སྐྱ་གོང་མ་བྱོན་ཚད་ཀྱི་ནང་ནས་སྐུ་ཚེ་རིང་ཤོས་ཡིན་པ་དང་། མཁན་པོ་འཇིགས་མེད་ཕུན་ཚོགས་ཀྱིས་གདེངས་འཇོག་ཆེན་པོ་གནང་བ་དེ་གཉིས་རེད་འདུག དོན་གནད་དེ་གཉིས་ལ་སྐར་རྟགས་བཀོད་ནས་མཇུག་ཏུ་འགོད་པ་ཙམ་མ་ཡིན་པར། དོན་གནད་དེ་གཉིས་ལ་སྦྱར་བའི་ཚིག་སྙན་དོན་ཟབ་ཀྱི་ཤོ་ལོ་ཀ་གཉིས་སྙན་ངག་ཀྱི་དཀྱུས་སུ་ཡོད་པ་བྱས་ན་དེ་ལས་འདྲ་ཆགས་འབྲེལ་ཡོད་དང་དང་བ་སྐྱེས་འོས་པར་འགྱུར་སྙམ། དེ་ནི་བསམ་ཚུལ་ཡིན་མ་གཏོགས་སྐྱོན་རྗོད་སོགས་ནི་མིན།

10. ཀ་རྩོམ་དེ་མདང་དགོང་ཉལ་ཁར་སྐར་མ་འགའི་རིང་གཉིད་ཀྱིས་དུབ་བཞིན་བྲིས། མཇུག་གི་ཡིག་ཕྲེང་དེ་གཉིས་དེ་རིང་ཉིན་གུང་དྲ་ངོས་སུ་འཇོག་ཁར་བྲིས། དེ་གཉིས་ལྷན་དུ་སྦྱར་ནས་ཅིག་འབྲི་ཐུབ་མ་སོང་།

11. དེང་སྐབས་རྩོམ་པ་པོ་རྒན་པའི་མིང་ཞིག་ཐོགས་ཡོད་ཚེ་ཀ་རྩོམ་བྲིས་ན་ངོ་ཚར་རྩི་བའི་ལུགས་སྲོལ་ཞིག་ཕལ་ཆེར་འདུག་པས། ངོ་ཚ་དེ་རྒྱབ་ལ་བསྐྱུར་ནས་ཀ་རྩོམ་རེ་ཟུང་འབྲི་བར་ཐལ་ཅིང་། ལྷག་པར་དུ་ས་སྐྱ་གོང་མ་དང་མཁན་པོ་ཚུལ་ཁྲིམས་བློ་གྲོས་གཉིས་ལ་བསྔགས་པའི་ཀ་རྩོམ་གཉིས་ནི་དུས་ཚོད་ཐུང་ཐུང་ཞིག་གི་ནང་རང་གི་འདོད་པ་ཅུང་ཚིམ་པའི་ཚིགས་སུ་བཅད་པ་བྲིས་པ་རེ་བྱུང་བའི་ཁྲོད་ཀྱི་གཉིས་ཡིན་ནོ།།

12. ཀ་རྩོམ་བྲིས་ན་ངོ་ཚར་སུས་བརྩིས་པ་རེད། ཀ་རྩོམ་འདི་བོད་ཀྱི་སྐད་ཡིག་དང་དེ་ལ་མཀས་པ་ཚོའི་ཐུན་མོང་མིན་པའི་རྩོམ་རྩལ་ཁྱད་དུ་འཕགས་པ་ཞིག་མ་རེད་དམ། དེ་བྲིས་ན་ངོ་ཚར་རྩི་མཁན་ཞིག་ཡོད་པའི་ལྟས་ངན་འདི་དེ་རིང་མ་གཏོགས་གོ་ཡང་མ་མྱོང་། དེ་སུ་ཡིན་ང་ལ་ཤོད་དང་དེའི་འཕོང་ཤ་རིལ་པོའི་ཐོག་ལ་ལྕགས་ཚན་ཞིག་འབྲབ་གི་ཡིན།

13. ༡ ས་སྐྱ་༧གོང་མ་རིན་པོ་ཆེ། ༢ ༧གོང་མའི་གོང་ཕྲུག་རིན་པོ་ཆེ། ༣ ༧གོང་མའི་གང་བདག་རིན་མོ་ཆེ། ༤ ༧གོང་མའི་གོང་བློན་རིན་པོ་ཆེ། །༥ ༧གོང་མའི་གོང་སློབ་རིན་པོ་ཆེ། ༦ ༧གོང་མའི་གོང་ཆོས་རིན་པོ་ཆེ། ༧ ༧གོང་མའི་གོང་ནོར་རིན་པོ་ཆེ། ༧གོང་བདུན་པོར་སྐུ་ཚེ་བརྟན་པར་ཤོག འགྲོ་དོན་བོད་ལ་འབྱུང་བར་ཤོག །

14. གོང་མ་རིན་པོ་ཆེའི་སྤྱན་ཆབ་དེ་ཡང་ཆོས་དང་ཆབ་སྲིད་གང་དཔྱད་ན་འོས།

15. ས་ཆེན་གོ་ལའི་ས་ཡི་ལྟེ་བ་ན།། ས་སྒང་བོད་ཀྱི་གཙང་གི་ས་ཕྱོགས་སུ།།
    ས་ཆེན་གོང་མའི་རྒྱུད་པའི་ས་པཎ་སོགས།། ས་གསུམ་གང་ན་ས་སྐྱ་པ་ཞེས་གྲགས།།

16. ད་རེས་ཀླུ་སྨྱོན་ནས་བྱ་བ་ཡག་པོ་ཞིག་བསྒྲུབས་འདུག

17. གོང་མ་རིན་པོ་ཆེའི་སྤྱན་ཆབ་དེ་ཡང་ཆོས་དང་ཆབ་སྲིད་གང་དཔྱད་ན་འོས། ཅེས་བྲིས་འདུག་དྲྭ་འབུ་འདི་ཚོ་ལ་ངོ་ཚ་འདུག་གམ།

18. གོང་མ་འདི་པ་དང་ས་སྐྱ་བདག་ཁྲི་རིན་པོ་ཆེ་སྤུན་རྒན་གཞོན་རེད་དམ། ས་སྐྱ་བདག་ཁྲི་རིན་པོ་ཆེ་དགོངས་པ་རྫོགས་ཚེ། ཐེངས་རྗེས་མ་དེ་ཁོང་གི་བུ་ཚ་ཚོས་ས་སྐྱའི་ཁྲི་ལ་ཕེབས་ཀྱི་རེད་དམ། 

19. གོང་མ་བདག་ཆེན་གྱི་སྤྱན་ཆབ་དེས་སྔ་འགྱོད་ཕྱིར་སྡོམ་གྱི་ཚོར་བའི་རྣམ་པ་་ཞིག་ཡིན་འགྲོ། ས་སྟེང་རྒྱལ་བསྟན་གྱི་བདག་པོ་དང་ཕར་ཙམ་རེད། ས་ཁུལ་རང་བསྟན་གྱི་བདག་པོ་མ་ཐུབ་པས་རང་ཁྲི་སྒྲོལ་ཕོར་ཤོར་སོང་ནི་མ་རེད་དམ། ད་དུང་བདག་ཁྲི་འཛིན་རྒྱུར་མི་ཐོག་གང་ནས་ཡིན་ནམ། ཧཧཧཧཧ

20. ད་བར་དུ་མཁས་བླུན་དབྱེར་མེད་པའི་ཀ་རྩོམ་མི་ཉུང་བ་ཞིག་མིག་འོག་ནས་བཞུར་ཕྱིན་མོད། དྲན་ལམ་ན་ད་ལྟ་ཡང་གཟུགས་སུ་གྲུབ་པ་ལྟར་འབུར་རེར་འགྱིངས་པ་དེ་ནི་དགེ་ཆོས་ཀྱི་བླ་བྲང་ལ་བསྐུར་བའི་འཕྲིན་ཡིག་དེ་དང་རང་གྲོལ་གྱི་ཀ་རྐྱང་ལེགས་བཤད་དེ་རེད་འདུག ཨོ་ད་དུང་མི་རིང་བའི་སྔོན་ཀརྨ་པའི་ཀ་རྩོམ་ཞིག་ཀྱང་དྲ་ཐོག་ནས་མཇལ་མོད། དྲང་པོར་བརྗོད་ན་དེའི་ནང་དུ་ཅི་ཞིག་བརྗོད་ཡོད་པ་ད་ལྟ་གསལ་ཆ་མི་འདུག ཕལ་ཆེར་ཁོང་ལ་འཆང་བའི་དད་པ་དེའམ་ཀརྨ་པའི་ཀ་རྩོམ་ཟེར་བའི་མིང་ཆེན་པོ་དེས་དྲན་པ་ན་གོ་ས་ཞིག་བཟུང་ཡོད་ས་རེད། རྩོམ་ཟེར་བ་འདི་ཡང་སྐབས་རེ་ཟས་སྣ་རང་ལ་མཐོང་གི་འདུག ཞིམ་པ་དེ་ཚོ་ནི་ཡང་ཡང་ཟ་དགོས་པ་དང་། རྐྱང་རྐྱང་དེ་ཚོ་ནི་ལྟོགས་སེལ་ཆེད་ཙམ་དང་། མི་ཞིམ་པ་དེ་ཚོ་ལ་སྣ་ཡང་འགེབས་རྒྱུ་འཁེལ། སྐབས་རེ་བག་ལེབ་མངར་མོ་ལ་སོ་འདེབས་པ་བཞིན་ཕྱི་རྩོམ་གྱི་བྲོ་བ་ཡང་མྱོང་རྒྱུ་ཡོད་མོད། དེ་དག་གིས་ནམ་ཡང་ཕ་སྐད་ལམ་ནས་བྲིས་པའི་ཚབ་བྱེད་མི་ཐུབ་པ་ནི་རྒྱ་གར་གྱི་གླང་ཤ་ཇི་ལྟར་ཞིམ་ཡང་། བོད་ཀྱི་ལུག་ཤ་ཚོན་པོ་དེ་དང་གཡག་ཤ་ཁེངས་པ་དེའི་བྲོ་བ་ལ་འགྲན་དུ་མེད་པའི་ཚོད་དུ་མཆིས། དེ་ནི་ཁྲག་གི་དངས་ཁ་དང་རུས་པའི་ཡིད་ཀ་ཟེར་བ་དེ་ཡིན་ས་རེད། དེར་བརྟེན་བོད་ཀྱི་རྩོམ་རིག་ལོ་རྒྱུས་ཐོག་ཞབས་རྗེས་འཇོག་དང་འཇོག་བཞིན་པའི་མཁས་པ་བླ་མ་སུ་ཡིན་པའམ། གསར་རྩོམ་གྱི་ལམ་དུ་འཇུག་དང་འཇུག་བཞིན་པའི་གསར་བུ་གསར་མོ་སུ་ཡིན་ཀྱང་རུང་མུ་འཐུད་སྨྱུག་རྩེ་ཁ་བ་ལ་གཏད་ནས་བདེ་སྡུག་གི་གཏམ་རྒྱུད་མུ་འཐུད་སྤེལ་བ་དང་། སྤེལ་ཐུབ་པའི་ཕྱོགས་སུ་འབད་པ་བྱེད་རོགས་ཅེས་བརྗོད་འདོད་བྱུང་།

    ་

21. ཁྲག་གི་དངས་ཀ་ཡི་ད་དེའི་འོག་ཏུ་ཝ་ཟུར་ཞིག་དང་དེ་ནས་རུས་པའི་ཡིད་ཀ་ཟེར་བ་དེ་རུས་པའི་ཡི་ག་ལ་བཅོས་རོགས། ཝ་ཟུར་རྙེད་མ་སོང་། དགོངས་དག

22. ངོ་ལུག་ནས།
    སྤྱི་ལོ་ ༢༠༡༣ ཟླ་ ༡ ཚེས་ ༩ གི་ཆུ་ཚོད་ ༡༦ སྐར་མ་ ༢༨
    ཁྲག་གི་དངས་ཀ་ཡི་ད་དེའི་འོག་ཏུ་ཝ་ཟུར་ཞིག་དང་དེ་ནས་རུས་པའི་ཡིད་ཀ་ཟེར་བ་དེ་རུས་པའི་ཡི་ག་ལ་བཅོས་རོགས། ཝ་ཟུར་རྙེད་མ་སོང་། དགོངས་དག
    དྭངས་ཀ། ད་ཡིག་རྒྱབ་རྗེས་དེ་མ་ཐག་ཏུ་ཝ་ཟུར་ཆེད་wནོན་དང་། དའི་འོག་ཏུ་ཝ་ཟུར་འཐོན་ནོ།

23. དྲྭ་གྲོགས་མང་པོ་ཞིག་གིས་ས་སྐྱ་བདག་ཆེན་དང་ས་སྐྱ་ཁྲི་ཆེན་གཉིས་དབྱེ་བ་ཕྱེ་མ་ཤེས་པའི་ཐོག་ལ་ཟུར་ཟ་བྱེད་མདོག་མདོག ཡང་འགའ་ཤས་ཀྱིས་ཕོ་བྲང་གཉིས་པོ་ཇི་ལྟར་ཡིན་མིན་ཡང་ཤེས་ཡོད་ཚོད་མི་འདུག་ལ་ས་སྐྱ་ཁྲི་འཛིན་དེ་ཇི་ལྟར་བྱེད་ནས་འགྲོ་དགོས་ཀྱི་ཡོད་མེད་དེ་ཡང་ཤེས་ཡོད་ཚོད་མི་འདུག གང་ལྟར་ཧོབ་བཤད་བཤད་ཀྱང་ཀྱང་རེད་འདུག་བ་གྲོགས་པོ་ཚོ། ཚེ་འདིའི་མི་ཁ་ལ་མ་འཇིགས་ཀྱང་ཕྱི་མའི་སྡུག་བསྔལ་ལ་བསམ་དགོས་རྒྱུ་རེད་ད།

24. ས་ལུགས་རང་ན་ས་སྐྱ་ཕུན་ཚོགས་ཕོ་བྲང་དང་ས་སྐྱ་སྒྲོལ་མ་ཕོ་བྲང་གཉིས་བར་རེས་མོས་བྱེད་ནས་ས་སྐྱ་བདག་ཁྲིར་ཕེབས་དགོས། ད་ལྟ་ས་སྐྱའི་ཁྲི་ཐོག་༤༢ པ་འདི་དངོས་གནས་བྱས་ན་ཕུན་ཚོགས་ཕོ་བྲང་ནས་ཕེབས་དགོས་ཚུལ་འདུག། འོན་ཀྱང་ས་སྐྱའི་ཆོས་ཕྱོགས་ཀྱི་མཐུན་སྒོ་འགའི་རྐྱེན་གྱིས་སྒྲོལ་མ་ཕོ་བྲང་ནས་ཕེབས་པ་རེད་གསུང་། མ་འོངས་པའི་ས་ཁྲི་༤༣ པ་དེ་སྒྲོལ་མ་ཕོ་བྲང་ནས་ཕེབས་པ་ཡིན་ན་ཕོ་བྲང་གཉིས་ཀྱི་རེས་མོས་ཀྱི་ས་སྐྱའི་བདག་ཁྲིར་ཕེབས་པའི་ལུགས་སྲོལ་དེ་ཇི་ལྟར་འགྱུར་མིན་དགོངས་ཚུལ་གསུང་རོགས།

25. ས་སྐྱ་བདག་ཁྲི་༤༡ དང་༤༢ ལ་བཅོས་རོགས།

26. ངའི་ལེབ་ཊོབ་ནང་གི་མཉན་ཆས་ལ་ད་ཡིག་རྗེས་Mཨེམ་མནན་ན་དྭངས་ཞེས་ཝ་ཟུར་ད་འོག་ཏུ་སྦྱར་ཐུབ་བགྱིད་འདུག་ཀྱང་་་་

27. བློ་བཟང་འཇམ་དཔལ་ལགས་དང་ཀརྡོ་གཉེར་ཕྱག་པ་རྣམ་གཉིས་ལ་བཀའ་དྲིན་ཆེ་ཞུ། ངའི་མཛུབ་མོ་འདི་ཁོབ་དྲག་པའམ་མཉན་ཆས་མི་འདྲ་བ་ཅི་ཡིན་མི་ཤེས་མོད་ཡོང་གི་མི་འདུག ད་རེ་ཞིག་ཝ་ཟུར་འདི་གཡོལ་གང་ཐུབ་ཡིན།