ཝུན་གྱི་བོད་ཁུལ་གྱི་འཁྲབ་སྟོན་མཐའ་མ།

Comments (27) on “ཝུན་གྱི་བོད་ཁུལ་གྱི་འཁྲབ་སྟོན་མཐའ་མ།”

1. འགྲེལ་བཤད་གཅིག་ར་མེད་ནོི་ཅི་རེད་ཡ།

2. ད་ལོ་ཡང་བོད་ལ་རྒྱའི་མག་པ་ཞིག་ཡོང་འདུག་ག མིང་ལ་བུན་ཅ་པོ་ཟེར། ད་དུང་བོད་མིང་ཡོད་མེད་ཤེས་མ་སོང་། ད་ལོ་རེ་རེར་རྒྱའི་མག་པ་ཇེ་མང་དང་ཇེ་མང་རེད་ཟེར། བོའུ་པང་གོ་ཟེར་བ་ཞིག་ཀྱང་ཡོང་གི་ཡོད་བ་རེད་ཟེར།
   ད་བོད་པ་ཚང་མག་པའི་འཛིན་རྒྱུ་རེད། བོད་པའི་གསར་བུ་ཚོ་བོད་མོ་ཚོར་བདག་བྱེད་མི་ཐུབ་བམ།
   རྒྱ་མག་ཕྱི་ལ་ཐོན་དང་ཐ། གྱོན་པ་རྒྱ་བོད་ཟུང་སྒྲིལ་རེད། །གསུངས་སྐད་སྒྲག་སྐད་འདྲེས་མ་རེད། །དམ་ཚིག་ཆུ་ཡི་རི་མོ་ཡིན། །བུ་མོའི་སེམས་ཀྱི་སྡུག་བསྔལ་ལས། །མ་འོངས་བོད་པ་ཉམས་རྐྱེན་རེད། །ཕྱིན་ཆད་རྒྱ་མག་དོགས་ཟོན་བྱས།

3. གྲོགས་པོ་ཚོ་ངོ་མ་ལོས་ཡིན། རྒྱའི་མག་པ་ཇེ་མང་རེད། བོད་ཀྱི་སྐྱེས་པ་ཇེ་ཉུང་རེད། སྔོན་མ་དགེ་ཆོས་ཀྱིས། སྐྲ་སེར་སྤྲེའུ་རིགས་ལ་དོགས་ཟོན་བྱས་གསུངས་པ་རེད། ད་ལྟ་རྒྱ་མག་གཡོ་ཅན་རིགས་ལ་དོགས་ཟོན་བྱེད་དགོས་འདུག

4. དྲང་པོའི་མི་ལ་འཁྱོག་པོའི་ལམ་བསྟན་པ། །སྐྲ་སེར་སྤྲེའུའི་རིགས་ལ་བློ་མ་གཏད། །ཅེས་པ་དེ་ནི་དགེ་ཆོས་ཀྱིས་འབྲུག་པ་དྲག་ཤོས་ཕྲིན་ལས་སྟོབས་རྒྱལ་ལ་འཕྲིན་ཡིག་གི་ལམ་ནས་གསུངས་པ་རེད་ཟེར། དེ་ལ་ཕྱི་མིག་ཅིག་བལྟས་པ་ཡིན་ན་དེ་དུས་འབྲུག་པ་རྣམས་ཀྱིས་རྒྱ་གར་དུ་ཡོད་པའི་དབྱིན་ཇི་རྣམས་དང་མཐུན་ལམ་གང་ཟབ་བྱེད་ཀྱི་ཡོད་པའི་དུས་ཤིག་རེད། དེ་ཡིན་དུས་གོང་གི་འཕྲིན་ཡིག་དེས་འབྲུག་པ་ཚོ་དབྱིན་ཇི་རྣམས་དང་འབྲེལ་བ་མ་བྱེད་རོགས་ཞེས་བསྐུལ་བ་ཡིན་པ་རེད། དགེ་ཆོས་ལགས་མཁས་དབང་ཞིག་ཡིན་པར་ཡོངས་སུ་གྲགས་ཀྱང་གོང་གི་བསླབ་བྱ་དེ་ཁོང་གིས་གནང་བ་ཡིན་པར་བདེན་ན་དེ་དུས་ཀྱི་ཁོང་གི་ལྟ་སྟངས་ནི་ཏན་ཏན་གྱི་ནོར་བ་ཐེབས་འདུག། གལ་ཏེ་དེ་དུས་འབྲུག་པའི་རྒྱལ་བློན་རྣམས་ཀྱིས་དབྱིན་ཇི་དང་འབྲེལ་བ་དམ་ཟམ་མ་བྱས་ན་དེང་སང་འབྲུག་ཡུལ་དེ་རྒྱ་དཀར་ནག་གང་རུང་ཞིག་གི་འོག་ཏུ་བསྡད་དགོས་བྱུང་ཡོད་ངེས་རེད།

5. ཝུན་ཅའོ་སྙིང་གཅེས། བོད་ཡ་རབས་ཀྱི་ཕྱུ་པ་གྱོན་ན། ཁོ་ཡ་རབས་ཟེར་ཡོང་རེ་བ་རེད། ཆབ་སྲིད་གཡོ་བྱུས་ཀྱིས་ཀྱང་། བོད་ལ་མི་དགའ་བ་མི་འདུག་སྙམ་པ་བཟོ་འདོད་ནས་རེད། ཧ་། ཧ། ཧུ། ཧུ།

6. ངས་སྐད་ཆ་དྲང་མོ་ཞིག་ན། ཝུན་ལ་འུ་ཚོའི་ཆས་གོས་འདི་གོན་རྒྱུའི་ཐོབ་ཐང་མེད་ཀི་བསམ། མ་མཐའ་ན་ནིང་ད་ལོ་ལ་བལྟས་ནས་བཤད་ན་དེ་བས་མེད་ཀི། ཁྱེད་ཚོས་ག་འདྲ་བསམ་ཀི་འདུག？

7. བརྩེ་བའི་ཤ་རུས་གཅིག་པའི་སྤུན་ཟླ་རྣམས་དང་བོད་ཀྱི་བློ་དཀར་གྲོགས་པོ་ཤ་ཞེན་ཅན་བཅས་ཀྱི་སྙན་ལམ་དུ་
   དེང་གི་བོད་མིའི་མག་པ་གཡོ་ཁྲམ་ཅན་འདྲ་མིན་གྱིས་ང་ཚོའི་གཅུང་མོ་མཛེས་མ་རྣམས་བེད་སྤྱད་ནས་བོད་མིའི་ངོ་བོ་རྩ་རླག་གཏོང་ཐབས་ཀྱི་གཡོ་བྱུས་གསར་པ་ཞིག་འཁྲབ་སྟོན་བྱ་བཞིན་ཡོད་པ་དེ་ལ་དྭོགས་གཟོན་ཆེན་པོ་དང་ནན་པོ་གནང་རྒྱུ་ནི་ཤིན་ཏུ་གལ་འགངས་ཆེན་པོ་རེད་རྒས་པོ་ངས་ལོ་རྒྱུས་དངོས་ལ་བརྟེན་ནས་དྲན་གསོ་ཞུས་ན་རྒྱ་དམར་ནི་ཆེས་གཡོ་སྒྱུ་ཆེ་བའི་དུག་སྦྲུལ་གདུག་རྩུབ་ཅན་ཞིག་རེད་དེ་ནི་སྔར་གྱི་ལོ་རྒྱུས་ཀྱི་དོན་དངོས་ལ་གཟིགས་རོགས་གནང་ཞུ་སྤྱི་ལོ་༡༩༥༠ལོ་རྒྱ་དམར་ཤོག་ཁག་གིས་ཐོག་མར་ག་རེ་བཤད་པ་རེད་དམ་གཉིས་པ་ག་རེ་བྱས་ཡོད་རེད་དམ་གསུམ་པ་དེང་སྐབས་བོད་འདི་གང་འདྲ་ཞིག་ལ་གནས་ཡོད་དམ་བཞི་པ་མཐར་བོད་འདི་གང་དུ་འགྲོ་གི་རེད་དམ་རྒྱ་དམར་གཡོ་སྒྱུ་ཅན་གྱི་ལྐོག་གཡོའི་བྱ་ཐབས་ལ་ཡིད་ཆེས་གནང་མི་རུང་བས་བློ་རིགས་གསལ་པོའི་སྒོ་ནས་སྤྱང་གྲུང་འཛོམས་པོ་གནང་གལ་རེད་ང་ཚོ་ཚང་མས་ལོ་རྒྱུས་དངོས་ལ་སློབ་སྦྱོང་གཟབ་ནན་གནང་དགོས་པ་འདུག་དེ་ཡང་གཡོ་ཁྲམ་ཅན་གྱི་འཕར་སྤྱང་གི་གདོང་རིས་ངོ་མ་ཤེས་དགོས་ལ་དེའི་གཡོ་ཐབས་གསལ་པོ་དང་མཐར་ཕྱིན་པ་མཁྱེན་གལ་རེད་ང་ཚོའི་དགྲ་བོའི་གཞན་དབང་དུ་འདུ་བའི་འཐབ་བྱུས་ནི་འཇམ་རྩུབ་གཉིས་སྤྱོད་དང་རྒྱུ་དངོས་གཉིས་སྤྱོད་དང་གཏམ་སྙན་དང་ཤ་ཞེན་ཡིན་མདོག་འདྲ་ཆགས་ཀྱི་རྣམ་པ་འདྲ་མིན་སྤྱད་ནས་རང་རྒྱལ་གཞན་བཅོམ་བྱས་ཡོད་པར་དྲན་གསོ་དང་སྦྲག་ང་ཚོ་རྒན་
   གཞོན་བར་བཅས་ཀྱིས་བོད་རྒྱ་གཉིས་ཀྱི་ལོ་རྒྱུས་ཐ་དད་ཡིན་པའི་སྐོར་ལ་སློབ་སྦྱོང་གནང་དགོས་གལ་ཆེ་བ་དང་བོད་གཞུང་དགའ་ལྡན་ཕོ་བྲང་རང་བཙན་ལྡན་པའི་རྒྱལ་ཁབ་ཀྱི་སྒྲིག་གཞི་དང་བོད་གཞུང་གི་དམག་སྒར་ཁག་སོགས་ཀྱི་སྐོར་ཤེས་དགོས་པ་གལ་ཆེ་འདུག་སྙམ་པ་བཅས་སོ་།།སླར་ཡང་མཇལ་བའི་སྨོན་འདུན་ཞུ་བཞིན་ཡོད་།

8. ཕལ་ཆེར་ཡུལ་ཤུལ་གྱི་སྡེ་བ་ཞིག་གི་ནང་ན་མག་པ་བསྡད་འདུག་ཟེར་གསལ་བོ་ཤེས་མ་སོང་། དཔོན་པོའི་གོ་གནས་ཡོད་དུས་མག་པ་བསྡད་པ་ཡིན་དུས་ཁྱིམ་ཚང་དགའ་ཞིག་བདམ་ཡོད་ཀྱི་རེད།

9. དངོས་གནས་དབུ་མ་འདི་རེད་ལམ་དབུ་མ་ཟེར་བ་ནི་རྒྱ་མིས་བོད་ཆས་གྱོན། བོད་མིས་རྒྱ་སྐད་རྒྱག་བྱེད་ཡ་རེད་པ།

10. བོད་མི་རྒྱ་དགའ་རིགས་རྣམས་བྱེད་རྒྱུ་མ་མང་། གཡོ་བྱུས་འོག་ཏུ་ཚུད་ཡོང་།

11. བོད་ལྭ་གྱོན་པ་ཙམ་གྱི་ཡག་པོ་བརྩི་མཁན་རིགས་གཅིག་ཡོད། ཁོང་ཚོར་དཔར་འདི་མཆོད་གཤོམ་ནང་དུ་བཞག་རོགས།

12. བོད་རང་ས་དང་རང་ལག་གི་ཐོན་བསྐྱེད་གྱོན་གོས་ཤིག་རྒྱ་དཔོན་འདི་ལ་བསྐོན་ན་ཁོས་བསམ་བློ་གཏོང་དགོས་པ་ཞིག་གཏན་གཏན་ཡོང་གི་རེད། གཞན་རྒྱ་ནག་ནས་ཐོན་པའི་གོས་ཆེན་རྫིག་པོ་ཞིག་གི་བོད་ལུགས་ཕྱུ་བ་བཟོས་ནས་སྐོན་ན་ད་དེ་འདྲ་དེ་འདྲ་རེད། །

13. ཝུན་ཅ་པོས་འཛུམ་ཤོར་མདོག་བྱས་པ་མ་གཏོགས། མིག་གི་མདུན་ལ་ཕྱུ་པ་དེ་མེ་འབར་བཞིན་ཡོད་ཀྱི་རེད། ཁོ་ཚིག་ནས་རྔུལ་ཆུ་ཡང་བཞུར་ཡོད་འགྲོ། ཁོ་ལ་མིང་འདོགས་ཞིག་ཡོད་པ་ནི་འཁྲབ་སྟོན་པ་རེད། རྒྱ་ནག་འགོ་དཔོན་ནང་ནས་འཁྲབ་སྟོན་མཁས་ཤོས་རེད། ཡ། ཨ་ཁུ་མ་རྗེད་ཨ། རྒྱ་རྒན་དེ་སོང་ཚར་རྗེས་ཕྱུ་པ་དེ་ཡང་སྐྱག་ཁང་ནང་དུ་སྐྱུར་ཐོང་།

14. ལུག་ལྤགས་གྱོན་པའི་སྤྱང་ཀི་ཁོར་རྒྱུས་ཡོད།

15. ཝིན་ཅོའོ་བྱབ་ཆུང་།
    གོ་ཆེན་བྱབ་ཆུང་།
    གྱོན་མཁན་བྱབ་ཆུང་།
    གྱོན་པ་བྱབ་ཆུང་།
    བཀོན་ས་བྱབ་ཆུང་།
    བཀོན་མཁན་བྱབ་ཆུང་།
    པར་པ་བྱབ་ཆུང་།
    མཁོ་འདོན་བྱབ་ཆུང་།
    ལྟ་མཁན་བྱབ་ཆུང་།
    འབྲི་མཁན་བྱབ་ཆུང་།
    ང་ཡང་བྱབ་ཆུང་།
    འཁོར་བ་བྱབ་ཆུང་།

16. ཡ་རབས་ཀྱི་ཕྱུ་པ།
    མ་རབས་ཀྱིས་གོན་འདུག
    ཕྱུག་པོའི་གོས་ཆེན།
    སྤྲང་རྒན་གྱིས་གོན་འདུག
    བོད་པའི་ཕྱུ་པ།
    རྒྱ་མི་ཡིས་གོན་འདུག
    བོད་པའི་ས་ཆ།
    རྒྱ་རིགས་ཀྱིས་འཕྲོག་འདུག
    བོད་པའི་ཁ་ཟས།
    རྒྱ་རིགས་ཀྱིས་ཟ་བགྱིད།
    བོད་པའི་སྐད་ཡིག
    རྒྱ་གཞུང་གིས་བཀག་བགྱིད།
    བོད་ཀྱི་བོད་མི།
    བོད་ནས་ཕུད་བགྱིད།
    བོད་ཀྱི་བདག་པོ།
    བོད་ནང་ཡོད་དམ།

17. དགྲ་ལ་སྐྱོན་བརྗོད་བྱེད་དུས་ངར་ནའང་རང་གི་སྐྱོན་དེ་ཤེས་ན་ཡག་པོ་ཡོད་། ཡུལ་ཤུལ་ས་ཡོམ་སྐབས་རང་དབང་ལུང་པ་ནས་གདུང་སེམས་མཉམ་སྐྱེད་ཀྱི་ཞལ་འདེབས་བསྡུས་པ་དེ་ད་བར་ས་གནས་ས་ཐོག་ཏུ་སྒོར་གཅིག་འབྱོར་མེད་པ་དེ་ཧ་གོ་གི་ཡོད་པས་།

18. གེ་སར་བདེན། ཡུལ་ཤུལ་ས་ཡོམ་གྱི་སྐོར་ལ་ཞལ་འདེབས་བསྡུས་པ་དེ་ངོ་མ་གང་ཞིག་ན་ཡོད་པ་རེད། པན་ཆེན་རིན་པོ་ཆེ་གློད་གྲོལ་གཏོང་བའི་ཆེད་དུ་ཞལ་འདེབས་བསྡུས་བསྡད་པ་དེ་ཚོ་སུ་གང་ཞིག་ཏུ་སོང་བ་རེད།

19. ཞལ་འདེབས་སྡུད་མཁན་གྱི་ཚོགས་པའི་མིང་ང་དོ་བདག་དེའི་མིང་དང་ཁ་བྱང་སྨྲོས་ཐུབ་ན་ཡག་པོ་ཡོད་རེད། དེ་མིན་རང་གཞན་གཉིས་ཀར་གནོད་པ་ཙམ་ཕན་པ་་ཏིལ་འབྲུ་ཙམ་ཡང་མེད་པ་དེ་ཡང་ཤེ་དགོས། །

20. ངས་བལྟས་ན་ཁོ་པས་བོད་ཀྱི་ཕྱུ་པ་གྱོན་ཁུལ་བྱས་པ་དེ་ནི་རྒྱ་ནག་གི་མཐོ་རིམ་དཔོན་རིགས་རྣམས་ཀྱིས་བོད་ཀྱི་ཡུལ་གྱི་གོམས་པའི་གཤིས་ལུགས་ལ་མཐོང་ཆེན་བྱེད་ཀྱི་ཡོད་མདོག་དང་བོད་ཀྱི་རིག་གནས་ཆས་གོས་སོགས་ནི་ཀྲུང་གོའི་རིག་གཞུང་གི་ཆ་ཤས་ཡིན་པས་དགའ་མོས་བྱེད་ཀྱི་ཡོད་མདོག་གི་སྲིད་དོན་འཁྲབ་པ་ཞིག་རེད།།

21. ཝུན་ཅ་པའོ་བོད་དུ་ལོག་པ།

    པེ་ཅིན་མཁར་ནས་གནམ་གྲུར་བསྡད་དེ་མཐོ་སྒང་ཡུལ་ཤུལ་གསར་བར་ཕེབས།།
    སྟག་སྡེར་རི་རྩེར་མནན་གྱིས་འགོས་ཏེ་རས་གུར་དགུང་ལ་འཕུར་ཤུལ་བལྟ།།
    རས་དཀྲིས་དམར་པོས་སྐེ་རྩ་བསྡམས་པའི་དར་དམར་སློབ་ཆུང་ར་བསྐོར་དུ།།
    དྭ་ཕྲུག་བྱིས་པ་སྣབས་ལུག་རྣམས་དང་ཉམ་ཆུང་བོད་ལ་ཞབས་བྲོ་འཁྲབ།།

    དེང་ཁ་དགོན་པའི་འདུ་ཁང་དཀྱིལ་དུ་མཇལ་དར་ཡུག་གཅིག་དགུང་ལ་བཏེགས།།
    གྲྭ་བཙུན་རྣམས་ལ་ཆོས་ལུགས་རིག་གནས་འདུལ་བའི་བསླབ་བྱ་ཉུང་ཙམ་ཁྲིད།།
    རི་བོའི་གཏོས་མཉམ་རྟེན་མཛོད་ཁང་དང་གེ་སེར་ཐང་ལ་ཞབས་ཀྱིས་བཅག།
    བོད་རིགས་གཙོ་བྱས་སྤུན་ཟླ་ཡོངས་ལ་ལོ་སར་བཀྲ་ཤིས་སྨོན་འདུན་ཞུས།།

    དམིགས་གསལ་ཁྱིམ་དུ་གདན་ཞུས་བྱས་ཏེ་རྒྱས་སྤྲོས་འཚོ་བའི་ཟུར་ཙམ་བསྟན།།
    བོད་ལྭ་ཤོམ་ཆེན་རྒྱབ་ལ་མནབས་པས་ཀུན་གྱི་མིག་དབང་འཕྲོག་པར་བྱས།།
    གནོད་ཤུལ་བསྐྱར་འཛུགས་རྣམ་པ་གསར་བས་ཙུང་ལིས་དག་ཞིང་འགྲིམས་སྣང་ཤར།།
    རང་གི་མིག་ལ་ཡིད་ཆེས་མེད་ཟོལ་འཁྲེང་ཞེན་མིག་གིས་ཡང་ཡང་བལྟ།།

    ཙུང་ལིས་ཝུན་ཅ་པའོ་ཡང་བསྐྱར་ཡུལ་ཤུལ་ཏུ་ཕེབས་ཏེ་ཞབས་བྲོ་འཁྲབ་པར་རྟེན་འབྲེལ་ཞུ།
    ༢༠༡༣་ལོའི་ཟླ་༡པའི་ཚེས་༣་ལ།

22. ང་ཚོས་བོད་པ་ཚོས་བོད་ལ་གོན་པར་སུན་སྣང་བྱེད་གི་ཡོད་པ་ཝུན་ཅ་པོ་ཡིས་ཤེས་སོང་ནི་ཡིན་རྒྱུ་རེད། ད་ཁྱོད་ཚོས་མི་གོན་ན་ངའི་གོན་འདྲ་དྲོན་པོ་འདུག་ཟེར་གི་ཡོད་ས་རེད། རང་དབང་ལོངས་པའི་ནང་གི་བོད་པ་རྒན་དར་གཞོན་གསུམ་གི་བོད་ལ་གོན་པ་སུན་སྣང་བྱེད་གི་ཡོད་རེད། ད་བལྟས་དང་རྒྱ་མིའི་ཡོངས་དེ་བོད་པའི་ལོ་ངོ་སྟོང་ཕྲག་གི་ལོ་རྒྱུས་ལྡན་པའི་བོད་ལྭ་ཡང་གོན་ནས་བསྡད་འདུག་ག།

23. ༢༡༽ ཨ་ཕྱི་ཆོས་སྒྲོན་ལགས་ཀྱིས།
    ཝུན་ཅ་པའོ་བོད་དུ་ལོག་པ། ཤོད་སྟངས་ལ་བལྟས་ན། བོད་འདི་ཝུན་ཅ་པའོ་ཕ་ཡུལ་ཡིན་པ་སྟོན་མི་འདུག་གམ། ད་དུང་ཡུལ་ཤུལ་དུ་ཕེབས་པར་རྟེན་འབྲེལ་ཞུ་སྟངས་ལ་བལྟས་ན། རྒྱ་གཞུང་དང་རྒྱ་དཔོན་རྣམས་བོད་ལ་བཀའ་དྲིན་ཆེན་པོ་སྟོན་འདུག་སྙམ་ལགས།
    གལ་སྲིད་དེ་ལྟར་ཡིན་ན། ངའི་སྙན་ཚིག
    བོད་པའི་ཕྱུ་པ།
    རྒྱ་མི་ཡིས་གོན་བགྱིད།
    བོད་པའི་ས་ཆ།
    རྒྱ་རིགས་ཀྱིས་འཕྲོག་བགྱིད།
    བོད་པའི་ཁ་ཟས།
    རྒྱ་རིགས་ཀྱིས་ཟ་བགྱིད།
    བོད་པའི་སྐད་ཡིག
    རྒྱ་གཞུང་གིས་བཀག་བགྱིད།
    བོད་ཀྱི་བོད་མི།
    བོད་ནས་ཕུད་བགྱིད།
    འདི་ཡང་སྦས་དགོས་པའི་དུས་ཚོད་ཆགས་མི་འདུག་གམ།

24. ཁྱིག་ལུ་ཆ་ཟིག་གིས། གཅིག་གིས་གཅིག་ལ་རྔ་མ་དབྱུག་རེས་བྱེད་ཀི་ཡོད་ས་རེད་ར། ནང་ཁྱོལ་རུལ་བའི་དམར་གཤོག་པ་ཞིག་ལ། གོས་ཆེན་དེ་འདྲ་ཞིག་གིས་བཏུམ་དང་མ་བཏུམ་ཡོད་ནི་མ་རེད།
    བླ་མ་ཞིག་ཡིན་རྒྱུ་ན། བཞེས་ལྷག་ཞིག་དང་བྱིན་རླབས་ཞིག། དད་པ་ཞིག་དང་མཛའ་བརྩེ་ཞིག་ཤུལ་ན་བཞག་ཡོད་པ་རེད། ཝུན་རྐུན་འདིའི་ཤུལ་ན་གོས་ལ་རྒྱ་དྲི་ཅན་ཞིག་ལས་གཞན་ག་རེ་ཡོད་བ་རེད།
    དེ་རིང་ནང་ཁའི་ལོ་རྒྱུས་ཀྱི་ངོ་གདོང་ངོ་མ་དེ། བརྫུན་བཟོ་མི་བྱེད་པར། རང་ཚུགས་བརྟན་པའི་བོད་མི་ཞིག་ཡིན་ན་འགྲིག་པ་ཨ།

25. ཝུན་ཅ་པའོ་ཡིས། སྔར་ཡུ་ཤུལ་ས་གུལ་བརྒྱབ་རྗེས་ལ་ཕྱོགས་དེར་ཕེབས་པར། ༸གོང་ས་མཆོག་གིས་བསྔགས་བརྗོད་ཡོད་ཅིག་ངས་དྲན་ཡང་་་་་་་་
    རྒྱ་གཞུང་གི་མྱུར་སྐྱོབ་དུས་ཐོག་ཏུ་མ་བསླེབས་པ་དང་། བོད་མི་གྲྭ་པས་རོགས་རམ་བྱེད་མཚམས་བཞག་དགོས་པ་དང་། རྒྱ་རིགས་བོད་མིའི་ཁྱི་ཕྲུག་རྐུ་བ་སོགས་གནས་ཚུལ་མང་དག་ཅིག་བྱུང་འདུག་པ་མིན་ནམ།

26. ཝུན་གྱི་བོད་ནང་འཁྲབ་སྟོན་མཐའ་མ་འདིའི་དམིགས་ཡུལ་གང་ཡིན་ནམ།

27. བོད་པས་རྒྱ་རིགས་ལས་བྱེད་དགའ་ཤོས་ཨང་དང་པོ་དེ་ཧུ་ཡོ་པང་ཨང་པོ་ཡིན་པ་འདྲ། ལས་བྱེད་གཉིས་པ་ཝུན་ཅ་པའོ་འཇོག་ཐུབ་བམ། ཡང་ན་གཞན་པ་ཅིག་ཡོད གསུམ་པ་དང་བཞི་པ་སོགས་སུ་སུ་རེད་དམ། ལགས།