བྱང་པུཥྤ་ཧ་རི།

Comments (8) on “བྱང་པུཥྤ་ཧ་རི།”

1. ཡ་ཡ་དེ་འདྲ་བོ་འདུག། ཡིན་ནའང་། གཙོ་བོ་རུས་པའི་རྒྱན་ཅན་གྱིས་མགུར་དེ་གཞུར་བཟུང་ན་ལེཧས།

2. པུཥྤཧརི་གནས་མཆོག་དེ། །
   རྟག་པ་ཡིན་ན་དགའ་བ་ལགས། །
   མར་པ་ཆོས་ཀྱི་བློ་གྲོས་དེ། །
   ད་ལྟའང་ཡོད་ན་དགའ་བ་ལགས། །

   གདུང་སྲས་དར་མ་མདོ་སྡེ་དེ། །
   སྐུ་ཚེ་རིང་ཙམ་གནས་ན་ཨང་། །
   མི་ལ་བཞད་པ་རྡོ་རྗེ་ཁོང་། །
   དེ་རིང་མགུར་ཅིག་གསུངས་ན་ཨང་། །

3. ཕུ་ལ་ཧ་རི་དང་པུཥྤཧ་རི་གཉིས་གནས་གཅིག་གམ་སོ་སོར་རེད།

4. དེ་གཉིས་གཅིག་པ་རེད

   བོད་སྐད་དུ་མེ་ཏོག་མདངས་འཕྲོག་དགོན་པ་ཟེར

   པུཥྤ་ ཕུལ་ འདི་གཉིས་ཀ་མེ་ཏོག་ལ་ཟེར་གི་འདུག

5. མགོན་པོ་ལགས་ཀྱིས་གསལ་བཤད་གནང་བ་ལ་བཀའ་དྲིན་ཆེ། ངས་ཀློག་དུས། མར་པ་དབུས་དང་ཁ་ཆེར་བྱོན། ཁྱད་པར་པུཥྤ་ཧ་རིར་བཞུགས་ནས། ཞེས་པ་འདིས་དབུས་དང་ཁ་ཆེ་མ་ཡིན་པའི་པུཥྤ་ཧརི་ཅིག་ཡོད་གོ་ཐུབ་སྙམ་ལགས། བླ་མ་མར་པ་ལོ་ཙ་པ་རྒྱ་གར་དུ་ལན་འགའ་ཤས་ཕེབས་སྐབས། དགོན་པའི་སྒོ་སྲུང་དུ་བཞུགས་པའི་ན་རོ་པ་དེ་པུཥྤཧརི་དང་། དེ་ནས་གནས་ངེས་དུ་སྤྱོད་པ་ལ་གཤེགས་དུས་ཕུ་ལ་ཧ་རི་ཞེས་གནས་དེ་གཉིས་སོ་སོར་མེད་དམ་སྙམ་པས་དཔྱད་པར་མཛོད་ཅིགུ

6. བཀའ་རྒྱུད་ཆེ་བཞི་ཆུང་བཞིའི་ནང་ལ། བླ་མ་མར་པ་དང་། མི་ལ་རས་པ། རས་ཆུང་པ་དང་སྒམ་པོ་པ་ཁོང་བཞི་ཡི་ཡང་སྲིད་བླ་སྤྲུལ་མེད་དགོས་དོན་གང་ལ་ཐུག་པ་ཡིན་ནམ། ལགས། སུས་འགྲེལ་བཤད་གནང་ཐུབ་བམ།
   དེ་བཞིན་རྗེ་ས་སྐྱ་པཎ་ཆེན་དང་རྗེ་བླ་མ་ཙོང་ཁ་པའི་ཡང་སྲིད་ཀྱང་ཡོད་དམ་མེད། ཡོད་ན་ངོས་འཛིན་སུ་ལ་བྱེད། མེད་ན་མེད་དགོས་དོན་སུས་གསུངས་ཐུབ་བམ།

7. ཀ་རྡོ་ལགས་ཀྱིས་བླ་མའི་ཡང་སྲིད་ཀྱི་འདྲི་བ་འདི་གནད་འགག་རེད། མདོར་ན། རྩོད་མེད་ཀྱི་བླ་མ་མཁས་གྲུབ་གཉིས་ལྡན་རྣམས་ལ་ཡང་སྲིད་མེད། སྟོན་པ་དང་། འཇམ་དབྱངས་། སྤྱན་རས་གཟིགས། དེ་བཞིན་བྱམས་པ་དང་ཀླུ་སྒྲུབ་སོགས་ལ་རྒྱ་གར་ལ་ཡང་སྲིད་ཕེབས་པ་གསུངས་ཡས་མེད།

   བོད་ལ་བྱོན་པའི་གུ་རུ་རིན་པོ་ཆེ་དང་། རྗེ་ཨ་ཏི་ཤ། དེ་བཞིན་བོད་པའི་རྗེ་བློ་བཟང་གྲགས་པ། ས་སྐྱ་པན་ཊི་ཏ། དེ་བཞིན་མར་པ་དང་མི་ལ། ད་དུང་། སྙིང་མའི་འཇུ་མི་ཕམ་དང་ཚད་ལྡན་བླ་མ་མང་པོ་ཞིག་ལ་ཡང་སྲིད་བསྟན་རྒྱུ་མེད།

   ད་དེ་ནས་མར་རྩིས་པའི་སྤྲུལ་སྐུ་ལུང་སྐུ་ཆོས་སྐུ་དང་མང་པོ་ཞིག་འཁྲུངས་ཡོང་གི་འདུག། ཧ་ལམ་རྙིང་མའི་བླ་མ་ཚང་མའི་ཕྲུ་གུ་སྤྲུལ་སྐུ་རེད། བཀའ་བརྒྱུད་པའི་ནང་ལ་ཡང་ན་ཚ་དེ་བགོས་ཡོང་གི་འདུག

8. བཀྲ་ཤིས་ལགས་ཀྱིས། ཡང་སྲིད་ཡོད་མེ་སྐོར་ལ་རང་གི་བསམ་ཚུལ་གསལ་བཤད་གནང་བར་བཀའ་དྲིན་ཆེ། ང་ཚོ་ལ་སྤྱན་རས་གཟིགས་དང་འོད་དཔག་མེད་ཀྱི་ཡང་སྲིད་ངོས་འཛིན་ཐུབ་ན། རྙིང་མའི་སློབ་དཔོན་རིན་པོ་ཆེ་དང་སློབ་དཔོན་ཞི་བ་འཚོ་དང་། བི་རོ་ཙ་ན་སོགས་བཀའ་བརྒྱུད་པའི་མར་མི་དྭགས་གསུམ་དང་། ས་སྐྱའི་ས་པཎ་སོགས་འགའ་ཤས་དང་། དགེ་ལྡན་པའི་ནང་ལ་ཇོ་བོ་རྗེ་དང་། རྗེ་ཡབ་སྲས་གསུམ་གྱི་ཡང་སྲིད་ངོས་འཛིན་ཐུབ་ན་དད་པ་དག་སྣང་ལ་ཕན་པ་ལས་གནོད་ཆེ་བ་ཨ་ཡོད་སྙམ་མོ། །