Skip to content
  • མདུན་ངོས།
  • ཁ་བརྡའི་དམིགས་ཡུལ།
  • འབྲེལ་གཏུགས།
  • གསར་འགྱུར།
  • རྩོམ་རིག
  • བསམ་ཚུལ།
  • སྣ་ཚོགས།
  • འགྱུར་རྩོམ།
  • དཔྱད་རྩོམ།
  • ངོ་སྤྲོད།

ཉིན་མཚན་རིང་པོའི་ཚ་གྲང་།

Posted on 2012-12-132012-12-13 By ཁ་བརྡ་ 15 Comments on ཉིན་མཚན་རིང་པོའི་ཚ་གྲང་།

སྐྱོ་བྲག་དགའ་དབང་།

NASAསྟེ་ཨ་རིའི་མཁའ་དབྱིངས་སྤྱི་ཁྱབ་དོ་དམ་ཁང་གིས་ནན་གྱིས་བརྗོད་དོན། ༢༠༡༢/༡༢/༢༡ཉིན་བསྐལ་བ་འཇིག་པའི་ཉིན་མོ་མིན་ཡང་གོ་ལ་འདི་ལ་འགྱུར་བ་ཆེན་པོ་འགྲོ་ངེས། མཁའ་དབྱིངས་ཚད་རིམ་གསུམ་པ་ནས་ཚད་རིམ་བཞི་ལ་འགྱུར་བ་དང་། ཉིན་གསུམ་གྱི་རིང་ལ་གོ་ལ་མཁའ་དབྱིངས་ཚད་རིམ་གསུམ་པའི་ནང་གི་ཚད་རིམ་གོར་ཐིག་ནང་གནས། བསྟུད་མར་ཉིན་གསུམ་ལ་གོ་ལ་མཚན་མོར་འགྱུར། གོ་ལའི་དུས་རབས་བརྗེ་རན་ལ་སླེབས་པ་ཡིན་པ་དང་། ཉིན་གསུམ་ལ་ཉི་མ་མཐོང་མི་ཐུབ། ཉིན་མཚན་གཉིས་རྒྱུན་ལྡན་མིན་པ་དང་ཉིན་གསུམ་གྱི་རྗེས་ནས་ཡོངས་སུ་མཚམས་འཇོག་ངེས། ཉི་མར་ཁ་ཕྱོགས་པའི་ཨ་རི་ནི་ཉིན་གསུམ་པོར་ཉིན་དཀར་ཡིན་པས་ཉི་མར་ཧ་ཅང་གི་ཚ་ཤུགས་ཆེན་པོ་ཡོད། ཉིན་གསུམ་པོར་ཚ་བ་ཆེན་པོ་ཡོད། དྲོད་ཚད་ ༤ ནས་ ༥༠ ལ་བསླེབས་པ་དང་ཚ་བས་མི་ཤི་ཉེན་ཡོད། ཉི་མར་རྒྱབ་ཕྱོགས་པའི་སྐབས་ཉིན་ཞག་གསུམ་པོར་མཚན་མོར་འགྱུར་གྱིན་ཡོད་པས་ཀྲུང་ཀོ་དང་ཨོའོ་གླིང་སོགས་རྒྱལ་ཁབ་མང་བོ་ཞིག་ལ་གྲང་ངར་ཧ་ཅང་ཆེན་པོ་ཡོད། དྲོད་ཚད་དེ་ཕལ་ཆེར་གོར་ཐིག་མན་གྱི་ ༢༠ ནས་ ༣༠ འགྱུར་ངེས། ཡིན་ཡང་དངངས་སྐྲག་མ་སྐྱེས་དུས་རྒྱུན་དེ་འདྲ་བྱས་ནས་འདུག་གི་མ་རེད། ཉིན་གསུམ་གྱི་རྗེས་ནས་ག་ལེར་སླར་གསོ་བྱུང་སྟེ་གཟའ་འཁོར་གཅིག་ནས་ཉིན་བཅུའི་བར་ཡོངས་སུ་ཡང་བསྐྱར་རྒྱུན་ལྡན་དུ་ཆགས་ངེས། དེས་ན་ཉིན་གསུམ་པོ་དེས་ང་ཚོ་ཕྱི་ལོགས་དང་གང་ས་གང་ལ་ཡང་འགྲོ་མི་ཉེན་པ་དང་ནང་ན་འདུག་དགོས་པ་དེ་སྟོན་གྱིན་ཡོད། གནས་ཚུལ་འདི་བདེན་རྫུན་གང་ཡིན་ཡང་ང་ཚོས་ཉམས་འཇོག་ཆེན་པོ་གནང་དགོས། གྲ་སྒྲིག་མ་བྱས་པ་ལས་བྱས་པས་བཟང་། ཉེ་འཁོར་གྱི་ཉེ་དུ་སོགས་ལ་བཤད་དེ་མ་ཐ་ཡང་ཁོང་ཚོར་སེམས་ནས་གྲ་སྒྲིག་ཞིག་ཡོད་པར་བྱེད་དགོས། ཟ་མ་དང་གོན་པ། ཞག་སྒྲོན་དང་འབར་ཞུན་སོགས་སྒྲིག་དགོས། ཆུ་དང་གློག་སོགས་མེད་པར་འགྱུར་ངེས་པས་གནས་ཚུལ་བདེན་རྫུན་གང་ཡིན་ཡང་སེམས་སུ་གྲ་སྒྲིག་ཡག་པོ་ཞིག་ཡོད་དགོས།

ཞེས་པའི་ཡིག་འཁྱལ་ཞིག་དེང་སྐབས་བོད་ལ་ཁྱབ་སྟེ། གནའ་དེང་གི་ཤེས་བྱས་དབུལ་བའི་མི་མང་རྣམས་དངངས་ཤིང་སྐྲག་ནས་བཟའ་བཏུང་དང་ཡང་ལ་སོགས་འཚང་ཁ་ཆེན་པོས་ཉོ་བཞིན་ཡོད་པ་ནི་དོན་གྱི་གནས་ལུགས་ལ་དཔྱད་པ་མེད་པའི་རྨོངས་པས་རང་ཉིད་སྡུག་བསྔལ་གྱི་མེ་དོང་ལ་འཕེན་པའི་རང་སྡུག་ཙམ་ལས་འབྱུང་རྒྱུ་ཡོད་པའི་གནས་ཚུལ་ཞིག་མ་རེད།

ཨ་རིའི་ན་ས་ཞེས་པའི་མཁའ་དབྱིངས་བརྟགས་དཔྱད་ཚོགས་པ་དེ་སྙན་གྲགས་ཆེ་བའི་མཁའ་དབྱིངས་ཞིབ་འཇུག་པ་ཡིན་ཕྱིར། ཁོ་ཚོས་བཤད་ན་ཁོ་རང་ཚོའི་དྲ་རྒྱ་དང་། ཚད་འཛིན་འོས་པའི་གསར་ལམ་ཁག་ཏུ་ཡོད་ངེས་མོད་གང་ནའང་ཡོད་སྐད་མི་བདོག་ཅིང་།

དེང་གི་ཚན་རིག་འཕྲུལ་རྩལ་ལ་བརྟེན་ནས་མཐོང་བ་ལྟར་ན། རྒྱུ་སྐར་ཕན་ཚུན་འཐེན་ཤུགས་ཆ་སྙོམས་ཀྱིས་འཁོར་བཞིན་ཡོད་པས་ནམ་ཞིག་འཁོར་མཚམས་ཆད་པ་ན་སྐར་མ་དེ་འཐོར་འགྲོ་བ་ལས་རང་དགར་གནས་མི་ཐུབ། འཛམ་གླིང་དང་ཉི་མའི་བར་དུ་སྔར་མེད་ཀྱི་རྒྱུ་སྐར་ཆེན་པོ་ཞིག་སླེབ་པའི་དབང་དུ་བཏང་ན་འཁོར་སྐར་འདི་ཉིད་རྔུབ་འགྲོ་ཞིང་། གལ་ཏེ་མ་རྔུབ་ནའང་ས་སྒོང་ཧྲིལ་པོར་མུན་རུབ་འགྲོ་བ་ལས་ཤར་ནུབ་ཀྱི་ཁྱད་པར་ཡོང་མི་སྲིད།

སྤྱིར་ནང་ཆོས་ཀྱི་འཁོར་བ་ཞེས་པ་ཕྱི་ནང་སྣོད་བཅུད་ཐམས་ཅད་འཁོར་བཞིན་འགྲོ་བ་ལས་གཏན་དུ་སྡོད་པ་ཞིག་མེད་པ་ལ་གོ་དགོས་ཤིང་། ལྷག་ཏུ་གསང་སྔགས་ལས་སེམས་ཅན་གྱི་ལྟེ་བའི་རྩ་འཁོར་དུ་རླུང་འཕོ་བའི་སྟོབས་ཀྱིས་ཕྱི་རོལ་འཁོར་བ་དམིགས་པར་བཤད་པས་ནམ་ཞིག་ཕྱི་རོལ་འཁོར་མཚམས་ཆད་པ་སྣང་བ་ན་ནང་གི་རླུང་གི་རྒྱུ་བ་ཆད་ནས་ཤི་བ་ཡིན་ཕྱིར། འཛམ་གླིང་འཁོར་མཚམས་ཆད་པ་དམིགས་སྐབས་འཛམ་གླིང་ན་གནས་པའི་སེམས་ཅན་རྣམས་ཤི་དགོས་ཀྱི་ཡོད།

དྲ་རྒྱ་སོགས་བརྒྱུད་ལམ་གོང་འཕེལ་དུ་སོང་བ་འཛམ་གླིང་གི་གནས་ཚུལ་ངོ་མ་ཤེས་པའི་བཟང་གྲོགས་སུ་མ་སོང་བར་དོན་མེད་འུར་འདྲོགས་ཀྱི་དཀྲོག་རྐྱེན་དུ་སོང་བ་ཀྱེ་མ་ཧུད།

དུས་རྒྱུན་ཨ་རི་སོགས་ན་ཡོད་པའི་གསར་ཤོག་དོན་གཉེར་བ་ཁག་གཅིག་གིས་སོ་སོའི་ཚགས་ཤོག་བྲིམ་ཆེད་ཧོན་འཐོར་བའི་རྩམ་སྒྲུང་ཁྱད་མཚར་རེ་འབྲི་ཡི་ཡོད་པ་བཞིན་འདི་ཡང་ཨ་རི་བའི་རྫུན་སྒྲུང་རྒྱ་སྐད་དུ་བསླེབས་རྗེས་བོད་མི་རྣམས་འུར་འདྲོགས་བྱས་པ་འདྲ་བས་རང་རིགས་བོད་པ་ཚོ་དོན་མེད་ཅལ་འདྲོགས་ཀྱི་དཀའ་རྙོག་རང་ཐོག་ཏུ་མ་བླངས་ན་ལེགས་པར་སེམས་སོ། །

མཚར་གཏམ།

Post navigation

Previous Post: བོད་དང་དད་པ་གཉིས་མཉམ་གནས་ཡོང་དགོས།
Next Post: ཞིས་ལ་ཕུལ་བའི་སྙན་ཞུ་ཆ་ཚང། An open letter to Xi Jinping

Comments (15) on “ཉིན་མཚན་རིང་པོའི་ཚ་གྲང་།”

  1. མངའ་རིས་ཕྲིན་ལས། says:
    2012-12-14 at 12:46 am

    ཕལ་ཆེར་ཨ་རིའི་མཁའ་དབྱིངས་སྤྱི་ཁྱབ་དོ་དམ་ཚན་པ་ནས་ཉེན་བརྡ་བཏང་ཡོད་པ་དངོས་ཡོད་རེད་འདུག CNN དྲ་རྒྱ་ལ་གཟིགས་དང་དེར་གསལ་པོ་འདུག་ལགས། བདེན་རྫུན་དབྱེ་དཀའ་ཡང་གྲ་སྒྲིག་བྱས་ན་ལེགས། བོད་དུ་འུར་ཟིང་ལང་བཞིན་པ་ནི་༢༠༡༢ ཟླ་ ༡༢ ཚེས་ ༡༢ ཆུ་ཚོད་ ༡༢ ལ་དུས་འགྱུར་ཡོང་ཟེར་བའི་ཡིག་རྫུ་ཞིག་གསེར་རྟའི་མཁན་ཆེན་གྱི་བཀའ་ཡིན་པར་གྲགས་པ་དེས་རྐྱེན་པས་དད་པ་དང་རྨོངས་དད་ཆེ་བའི་ས་ཁུག་ལུང་ཁུག་དག་ལ་དངོས་པོ་དང་ཆོས་བཙོང་མཁན་ཚོ་ལམ་འགྲོ་རྒྱུག་བཞིན་ཡོད་སྐད།

  2. གཡུ་བྲག་པ says:
    2012-12-14 at 12:59 am

    གསེར་རྟའི་མཁན་པོ་ཚུལ་བློས་བཀའ་ཡིན་ཚུལ་བསྒྲགས་པའི་ཡིག་འཁྱམས་དེ་ངས་མཐོང་སོང་། ངས་དེ་གསེར་རྟའི་གནད་ཡོད་མཁན་པོ་ཞིག་ལ་སྐད་ཆ་དྲིས་ཡིན། ཁོང་གིས་དེང་དང་མཁན་པོའི་མཛད་པ་ཕྲིན་ལས་ལ་འགོག་རྒོལ་དང་ནག་ཐིག་ཕབ་མཁན་ཁ་ཤས་ཡོད་རེད་དེ་ཚོས་སྤེལ་བ་རེད་གསུངས་སོང་། རྗེས་སུ་མཁན་ཚུལ་བློ་ཁོང་གིས་ཀྱང་པོད་ཕྲན་ནང་གསལ་བཤད་གནང་འདུག དེ་སྤེལ་མཁན་གྱི་མི་དང་ས་ཕྱོགས་སོགས་ཚང་མ་ཤེས་སོང་མོད་འདིར་འབྲི་བ་ལ་དགོས་པ་མི་འདུག ངས་འདིར་བཤད་པའི་རྒྱུ་མཚན་ནི་ཡང་གཡམ་རྒྱུག་དྲ་འབུ་ཚོས་དོན་མེད་སྐུར་འདེབས་དང་དམའ་འབེབ་བྱེད་སྲིད་པས་ན་ངོ་སྤྲོད་ཙམ་བྱས་པ་ཡིན། ད

  3. འཇམ་གཅེས says:
    2012-12-14 at 9:10 am

    ཨ་མ་མ་མ་མ་མ་་་་་ཡིག་ཉོག་འདི་དང་པོར་མཐོང་དུས་་་་་་ངོ་མ་སྙིང་གས་དྲག་བཟོས་སོང་་་་་་ལྟས་ངན་འདི་ཚོས་ག་རེ་འུར་རྒྱག་གི་ཡོད་པ་རེད་་་་་་་

  4. བན་དེ་བ། says:
    2012-12-14 at 9:31 am

    དད་པས་་བྱས་པ་རེད།
    གཅིག་བྱེད་ན་གནམ་ཡིག་ཡིན་སྲིད་
    རྨོངས་དད་པ་དེ་ཚོར་མགོ་སྐོར་གཏོང་རྒྱུ་ལས་སླ་མོ་རེད།

  5. མེ་ཏོག་དཀར་པོ says:
    2012-12-14 at 9:32 am

    རེད་ཏག་ཏག་རེད། ད་ཤི་ན་ཡག་ས་རེད། མི་ཚེ་འདི་ཐང་ཆད་སོང་། ངལ་སོང་།

  6. འཇམ་གཅེས says:
    2012-12-14 at 11:29 am

    དྲ་འབུ་དག་སྔོ་མར་ཤི་སོང་ན་སྤྱི་ཚོགས་བདེ་འཇག་ལ་ཕན་ས་རེད་

  7. མེ་ཏོག་དཀར་པོ says:
    2012-12-14 at 11:45 am

    བདེན་པ་རེད། དྲྭ་འབུ་དང་པོ་ཤི་དགོས་ན་དང་ཤོས་དེ་འཇམ་གཅེས་ཡིན་ངེས་རེད།

  8. མངའ་རིས་ཕྲིན་ལས། says:
    2012-12-14 at 10:18 pm

    ག་བ་ག་བ་འཇམ་གཅེས་ཤི་ན་ཁ་བརྡ་དྲ་བའི་ནང་སྨྲ་བརྗོད་རང་དབང་འཕེལ་སྲིད་པ་རེད། ད་ལྟ་ཁོ་བས་སྐྱག་པ་དང་། སྐྱག་དྲི། ཉུལ་མ་དང་། དོགས་ཅན་སོགས་སོ་སོའི་ལྟ་སྤྱོད་མ་མཐུན་པ་དག་ལ་དངོས་ཡོད་བདེན་པ་ཇི་ལྟར་ཡོད་ཀྱང་སྡུག་ཚད་བཤད་ནས་ཤེས་ཡོན་ཅན་དང་། ལྷག་བསམ་ཅན་སོགས་ཀླག་རྙིང་ལ་ཡིད་ཐང་ཆད་པའི་ན་གཞོན་མང་ཆེ་བ་འདིར་ཡོང་ཙམ་རེ་བྱས་ནས་ཁོ་པ་མཐོང་པ་དང་སྣ་བཀབ་ནས་ཕྱིར་ཕྱོགས་བཞིན་ཡོད།

  9. རིག་བློ says:
    2012-12-15 at 12:27 am

    ཁྱེད་དྲ་འབུ་ཚོ་ཚང་མ་ཤི་སོང་ན་ངས་ཁ་བརྡ་ནང་རྩེད་མོ་རྩེད་ནས་བསྡད་ན་སྐྱིད་རྒྱུ་རེད། ཧཧཧཧཧཧཧཧ

  10. ལེགས་བཤད། says:
    2012-12-15 at 1:01 am

    ཀྲུང་ཀོ་དང་ཨོའོ་གླིང་སོགས་རྒྱལ་ཁབ་མང་བོ་ཞིག་ལ་གྲང་ངར་ཧ་ཅང་ཆེན་པོ་ཡོད། དྲོད་ཚད་དེ་ཕལ་ཆེར་གོར་ཐིག་མན་གྱི་ ༢༠ ནས་ ༣༠ འགྱུར་ངེས། ཞེས་ཟེར། དེ་ལྟར་ཡིན་ན་མི་རྣམས་གྲང་ངད་ཀྱིས་འཁྱགས་རེངས་སུ་འགྱུར་ངེས་བས། སྔ་ནས་མེ་དྲོད་གྲ་སྒྲིག་བྱེད་རན་རེད།

  11. བན་དེ་བ། says:
    2012-12-15 at 1:42 am

    ཀྲུང་གོའི་མི་རྣམས་གྲང་ངད་ཀྱིས་ཤི་ན་བསམ་དོན་གྲུབ་པ་རེད། སང་ཉིན་ནས་བོད་ལ་ལོག་ཀྱང་ཡིན།

  12. འཇམ་གཅེས says:
    2012-12-15 at 2:09 am

    ང་ཤི་ན་བསམ་མཁན་མང་ནི་རེད་་་་ཡིན་ཡང་ད་ལྟ་ན་གཞོན་ལོ་ཆུང་ཞིག་ཡིན་པ་ཤེས་དགོས

  13. མེ་ཏོག་དཀར་པོ says:
    2012-12-15 at 2:16 am

    ཧ་ཧ་ཧ་

  14. བན་དེ་བ། says:
    2012-12-15 at 3:32 am

    འཇམ་གཅེས་འདི་ཡིས་འཆི་བ་མི་རྟག་པ་དགུ་ཕྲུགས་ཟེར་བ་མ་གོ་མ་ཐོས་ཐག་ཆོད་རེད་འདུག

  15. ཏི་སི། says:
    2013-08-23 at 1:45 am

    གཡུ་བྲག་པས་གསུངས་པ་བདེན། ངས་མཁན་ཆེན་ཁོང་གི་འབྲེལ་འདྲེས་མཁན་པོ་ཞིག་ཏུ་ཁ་བརྡ་བྱུང་། ཁོང་གིས་དེང་ཆར་མཁན་པོ་ཁོང་ལ་ཆོས་ལུགས་ཆགས་སྡང་སོང་སྟེ་རྒོལ་མཁན་རེ་གཉིས་ཡོད་དེས་བྱས་ཏེ་དོན་མེང་དྲ་རྒྱ་སོགས་ལ་བཏོན་པ་རེད། ཉི་ཟེར་ལ་སྦར་མོ་མི་ཁེབ་བཞིན་རྗེས་སུ་ཡིན་མིན་རྟོགས་ནས་དོན་རྩ་ནི་ཆོས་ལུགས་ལ་ཆགས་སྡང་དབང་གིས་བྱས་སོ།

Leave a Reply Cancel reply

Your email address will not be published. Required fields are marked *

འཚོལ།

ཉེ་ཆར་གྱི་མཆན་བུ།

  • རིན་ཆེན on ཆོལ་གསུམ་ཆིག་སྒྲིལ་དགོས་ན། གྲོས་ཚོགས་ར་བའི་ནང་གད་བརྡར་བྱེད་རན་འདུག
  • namgyal on ཆོལ་གསུམ་ཆིག་སྒྲིལ་དགོས་ན། གྲོས་ཚོགས་ར་བའི་ནང་གད་བརྡར་བྱེད་རན་འདུག
  • Sonam on ཆོལ་གསུམ་ཆིག་སྒྲིལ་དགོས་ན། གྲོས་ཚོགས་ར་བའི་ནང་གད་བརྡར་བྱེད་རན་འདུག
  • པ་རྡོ་རེ། on ཆོལ་གསུམ་ཆིག་སྒྲིལ་དགོས་ན། གྲོས་ཚོགས་ར་བའི་ནང་གད་བརྡར་བྱེད་རན་འདུག
  • གཞུང་པ་ཚེ་དབང་བསོད་ནམས། on ཆོལ་གསུམ་ཆིག་སྒྲིལ་དགོས་ན། གྲོས་ཚོགས་ར་བའི་ནང་གད་བརྡར་བྱེད་རན་འདུག
  • Dawa on ཡིག་སྒྱུར་གོ་བསྡུར། Subtitle བོད་སྐད་ལ་ཇི་ལྟར་འབྲི་འམ།
  • རིན་ཆེན on ཆོལ་གསུམ་ཆིག་སྒྲིལ་དགོས་ན། གྲོས་ཚོགས་ར་བའི་ནང་གད་བརྡར་བྱེད་རན་འདུག
  • Tseten Gyurmae on བྲོས་མི་ཆོག ནོར་འཁྲུལ་གཙང་མ་བཟོས། (ཞར་བཀོད་གཅིག)
  • Tseten Gyurmae on སྐལ་རྡོར་གྱིས་གོང་ས་མཆོག་གི་སྐུ་པར་ཕབ་པ་གསལ་པོ་ཆགས། སུས་ལན་གནང་ཐུབ་ན་མགྱོགས་པོར་ཡིན་ད།
  • པ་རྡོ་རེ། on བྲོས་མི་ཆོག ནོར་འཁྲུལ་གཙང་མ་བཟོས། (ཞར་བཀོད་གཅིག)
  • ཀུན་དགའ on སྐལ་རྡོར་གྱིས་གོང་ས་མཆོག་གི་སྐུ་པར་ཕབ་པ་གསལ་པོ་ཆགས། སུས་ལན་གནང་ཐུབ་ན་མགྱོགས་པོར་ཡིན་ད།
  • Tseten Gyurmae on ༢༠༢༡ ལོའི་སྲིད་སྐྱོང་འོས་གཞི་སྐལ་རྡོར་དང་། ཁ་མཆུ་ཨང་ ༢༠ པ།
  • བདེན་པའི་རྒྱབ་ལངས། on ད་རེས་དབུས་གཙང་སྤྱི་འཐུས་སུ་ངེས་པར་དུ་ཕེབས་དགོས་པའི་གཞོན་སྐྱེས་འབུམ་རམས་པ་རིག་འཛིན་ལྷུན་གྲུབ།
  • བདེན་པའི་རྒྱབ་ལངས། on ད་རེས་དབུས་གཙང་སྤྱི་འཐུས་སུ་ངེས་པར་དུ་ཕེབས་དགོས་པའི་གཞོན་སྐྱེས་འབུམ་རམས་པ་རིག་འཛིན་ལྷུན་གྲུབ།
  • བོད་ཕྲེང་འཛིན་ཅན། on སྐལ་རྡོར་གྱིས་གོང་ས་མཆོག་གི་སྐུ་པར་ཕབ་པ་གསལ་པོ་ཆགས། སུས་ལན་གནང་ཐུབ་ན་མགྱོགས་པོར་ཡིན་ད།

ཉེ་ཆར་གྱི་རྩོམ།

  • སྐྱོ་མ་གཡོ་མཁན་གྲོས་ཚོགས་ཀྱི་རྒྱུན་ལས་ཚོ་ཡིན་ཚེ། གཙང་བཟོ་གནང་མཁན་ཡང་རྒྱུན་ལས་ཚོ་ཉག་ཅིག་ཡིན།
  • སྤྱི་འཐུས་གྲོས་ཚོགས་ནས་ཆེས་མཐོའི་ཁྲིམས་ཞིབ་པ་ཆ་ཚང་འཕོ་འགྱུར་བཏང་བའི་སྐོར་ལ་དཔྱད་པའི་གཏམ།
  • ​«ཞར་ལའོ་ཁྲིའི་སྡོམ་ཐག»གི་བཀླགས་ཚོར་ཐན་ཐུན།
  • བསམ་གཞིག
  • ཆོས་ལུགས་ཀྱི་མཚམས་ལས་འདས་པའི་འཇིག་རྟེན་སྤྱི་སྨན་གྱི་བཟང་སྤྱོད་བཀླགས་པའི་བརྗེད་བྱང་། 9
  • ཆོལ་གསུམ་ཆིག་སྒྲིལ་དགོས་ན། གྲོས་ཚོགས་ར་བའི་ནང་གད་བརྡར་བྱེད་རན་འདུག
  • བྲོས་མི་ཆོག ནོར་འཁྲུལ་གཙང་མ་བཟོས། (ཞར་བཀོད་གཅིག)
  • གསོ་རིག་བཀླགས་བྱང་།
  • སྒེར་གཅོད་ཡིན་པ་འདྲ་འདྲ་རེད། སྨྲ་བརྗོད་རང་དབང་དང་འབྲེལ་བའི་རྩོམ་ཡིག་ཅིག
  • དེ་རིང་ “ ཁ་ཞིག་མི་གྲགས་ག་མེད་བྱུང་།,, ཨ་ཁུ་སྒོ་ཤེར་གྱི་རྩོམ་ཡིག་ཅིག་གི་ཁ་བྱང་གཡར་བ།
  • སྐལ་རྡོར་གྱིས་གོང་ས་མཆོག་གི་སྐུ་པར་ཕབ་པ་གསལ་པོ་ཆགས། སུས་ལན་གནང་ཐུབ་ན་མགྱོགས་པོར་ཡིན་ད།
  • སྒོ་ཤེས་རབ་རྒྱ་མཚོ་དང་ཁོང་གི་རིག་གཞུང་བསམ་བློའི་ཞིབ་འཇུག
  • སྒོ་ཤེར་གྱི་ལས་དབང་།
  • ཆོས་ལུགས་ཀྱི་མཚམས་ལས་འདས་པའི་འཇིག་རྟེན་སྤྱི་སྨན་གྱི་བཟང་སྤྱོད་བཀླགས་པའི་བརྗེད་བྱང་། 10
  • ད་རེས་དབུས་གཙང་སྤྱི་འཐུས་སུ་ངེས་པར་དུ་ཕེབས་དགོས་པའི་གཞོན་སྐྱེས་འབུམ་རམས་པ་རིག་འཛིན་ལྷུན་གྲུབ།

ཤོག་ངོས།

  • ཁ་བརྡའི་ཁྱབ་བསྒྲགས་གོང་ཚད།
  • འབྲེལ་གཏུགས།
  • ཁ་བརྡའི་དམིགས་ཡུལ།
    • ཁ་བརྡའི་རྩ་དོན་གསུམ།
    • ཁ་བརྡ་ལ་འཇུག་ཚུལ།
    • ཁ་བརྡའི་མཆན་གྱི་རྩ་འཛིན།
    • ཁ་བརྡའི་རེ་སྐུལ།

ཁ་བརྡའི་རྩ་དོན།

དང་པོ། རྩོམ་མཁན་གྱི་ལྟ་བ་དང་བསམ་ཚུལ་ལ་མོས་མཐུན་བྱེད་དཀའ་ན་ཡང་། རྩོམ་མཁན་དེ་ལ་མིའི་ཆེ་མཐོང་སྤྲོད་དགོས་པ་ནི་ཁ་བརྡའི་རྩ་དོན་ཡིན།

གཉིས་པ།  ཁ་བརྡའི་ཐོག་ལ་སྤྱི་དོན་དང་། དེ་བཞིན་རིག་གཞུང་དང་འབྲེལ་བའི་དོན་རྩ་དང་ལྟ་བའི་སྐོར་གྱི་རྩོམ་འགོད་པ་མ་གཏོགས།  མི་སྒེར་གྱི་དོན་དག་བཟང་ངན་གླེང་བཤད་རིགས་འགོད་སྤེལ་མ་ཡོང་བ་ལ་འབད་བརྩོན་བྱེད་དགོས།

གསུམ་པ། རྒྱུ་མཚན་ཅི་ཞིག་གི་ཐོག་ནས་ཀྱང་གང་ཟག་བྱེ་བྲག་པ་ཞིག་ལ་ཁྱད་གསོད་དང་དམའ་འབེབས་ཀྱི་ཚིག་སྦྱོར་རིགས་འགོད་སྤེལ་མེད་པ་དགོས།

བཞི་པ། ཁ་བརྡར་བཀོད་པའི་མཆན་དང་རྩོམ་རྣམས་ནི་ཁ་བརྡ་རྩོམ་སྒྲིག་ཚོགས་ཆུང་གི་བསམ་ཚུལ་ཡིན་པའི་ངེས་པ་མེད།

ཁ་བརྡའི་འཛིན་སྐྱོང་གིས་ སྤྱི་ལོ་ ༢༠༡༢ ལོའི་ཟླ་ ༣ ཚེས་ ༣༡ ཉིན་སྤེལ།

ཟླ་འདིའི་ཀློག་གྲངས་མང་ཤོས།

  • འཇུ་ཆེན་དང་སྤེན་ཚེ་གཉིས་གཅིག་པ་གཅིག་རྐྱང་རེད། (742)
  • སྐལ་རྡོར་གྱིས་གོང་ས་མཆོག་གི་སྐུ་པར་ཕབ་པ་གསལ་པོ་ཆགས། སུས་ལན་གནང་ཐུབ་ན་མགྱོགས་པོར་ཡིན་ད། (718)
  • ༢༠༢༡ ལོའི་སྲིད་སྐྱོང་འོས་གཞི་སྐལ་རྡོར་དང་། ཁ་མཆུ་ཨང་ ༢༠ པ། (459)
  • བྲོས་མི་ཆོག ནོར་འཁྲུལ་གཙང་མ་བཟོས། (ཞར་བཀོད་གཅིག) (446)
  • ཆོལ་གསུམ་ཆིག་སྒྲིལ་དགོས་ན། གྲོས་ཚོགས་ར་བའི་ནང་གད་བརྡར་བྱེད་རན་འདུག (330)
  • བཙན་བྱོལ་བོད་མིའི་མང་གཙོའི་གཤེད་མ་འཚོལ་ཞིབ། (325)
  • གྲོས་ཚོགས་ར་བ་ནི་གད་སྙིགས་ར་བ་ཞིག་རེད། (296)
  • དབུ་མའི་ལམ་གྱི་སྲིད་ཇུས་ལ་ལོག་ལྟ་བྱེད་མཁན་ཚོས་ཉོན་ཨ། (273)
  • བོད་རྒྱལ་ལོ་སྐོར་ལ་འཆད་ཁྲིད་ཐེངས་གཅིག (257)
  • འོས་ཤིང་འཚམ་པའི་དབུས་གཙང་སྤྱི་འཐུས་འོས་མི། (193)

དཀར་ཆག

  • གླུ་གཞས།
  • གློག་ཀླད་ཤེས་བྱ།
  • གློག་བརྙན་།
  • གསར་འགྱུར།
  • གསལ་བཤད།
  • གསལ་བསྒྲགས།
  • གསུང་བཤད།
  • གསོ་རིག
  • ངོ་སྤྲོད།
  • དཔྱད་བརྗོད།
  • དཔྱད་རྩོམ།
  • དཔལ་འབྱོར་རིག་པ།
  • དྲན་ཐོ།
  • དེབ་ཐེར།
  • པར།
  • བགྲོ་གླེང་།
  • བཅར་འདྲི།
  • བྱིས་རྩོམ་
  • བརྩམས་སྒྲུང་།
  • བསམ་ཚུལ།
  • མཚར་གཏམ།
  • ཚན་རིག
  • འགྱུར་རྩོམ།
  • འཕྲིན་ཡིག
  • འཕྲོད་བསྟེན།
  • རྩོམ་རིག
  • ལྷུག་རྩོམ།
  • ལོ་རྒྱུས།
  • སྙན་ངག
  • སྣ་ཚོགས།

ཡིག་མཛོད།

འབྲེལ་ཐག

  • ༸རྒྱལ་བ་རིན་པོ་ཆེ།
  • གཡུ་ཞུན་དྲ་བ།
  • ཕ་ཡུལ།
  • བཙན་པོ་དྲ་བ།
  • བོད་ཀྱི་ཆ་འཕྲིན།
  • བོད་ཀྱི་དྲ་སྣང་དུས་དེབ།
  • བོད་ཀྱི་དུས་བབ།
  • བོད་ཀྱི་དེ་ཕོ།
  • བོད་ཀྱི་བང་ཆེན།
  • བོད་མི་མང་སྤྱི་འཐུས་དྲ་བ།
  • བོད་མིའི་སྒྲིག་འཛུགས་དྲ་བ།
  • མཆོད་མེ་དྲ་བ།
  • མཆོད།
  • མི་རབས་གསར་བ།
  • འགྲོ་བ་མིའི་ཐོབ་ཐང་།
  • འཇམ་དབྱངས་ནོར་བུ།
  • འོད་ཟེར་ཟིན་བྲིས།
  • རང་བཙན་མཐུན་ཚོགས།
  • རི་མཐོ་ས་གཙང་།
  • ལ་རྩེ་དཔེ་མཛོད་ཁང་།
  • ལུག་ཚང་དཔལ་ཡོན།
  • ཤེས་རིག་ལས་ཁུངས་ཀྱི་དྲ་རྒྱ།

འཛིན་སྐྱོང་།

  • Log in

པར་སྐྲུན་བདག་དབང་ © 2021 ཁ་བརྡ་དྲ་བ་ཡོད།

Powered by PressBook Premium Child theme