དེབ་གསར་འགྲེམས་བསྒྲགས་ལེགས་གྲུབ། རྫ་ཚེ་རིང་བཀྲ་ཤིས།

Comments (18) on “དེབ་གསར་འགྲེམས་བསྒྲགས་ལེགས་གྲུབ། རྫ་ཚེ་རིང་བཀྲ་ཤིས།”

1. ངར་བ་རེད། བཀའ་དྲིན་ཆེ་ཞུས་པ་དང་ལྷན་དུ་དེབ་དེ་མྱུར་དུ་མཇལ་བར་སྨོན། འོན་ཀྱང་ང་ཡོད་ས་འདིར་བོད་ཡིག་གི་དཔེ་དགོས་མཁོ་བྱུང་ན་གཡར་བོ་བྱེད་སའང་ཅུང་ཐག་ཙམ་འདུག་ཡ།
   སྦྲགས་ཐོག་ནས་སྦྲ་གླ་ཡོད་པའི་སྒོ་ནས་སྐུར་གནང་ཐུབ་ན་ཅི་མ་རུང་། ཡང་གོང་ཆེན་པོ་ཡིན་ན་ང་སློབ་མའི་ངོ་བ་ན་ཡོད་པས་ཉོ་མི་ཐུབ་ཀི
   ཀུ་རེ་ཡིན།

2. བྱིས་བ་ཆུང་ཆུང་ལ། བྱིས་སྒྲུང་རང་བྲིས་ཡོད་པའི་ཡིད་ཆེ་ཡོད། རྒྱབ་ཤོག་སྟེང་ན་སྐུ་ཉིད་ཀྱི་སྐུ་པར་ཞིག་ཡོད་པ་ཨེ་རེད།

3. རྫ་ཚེ་རིང་བཀྲ་ཤིས། མི་བཀྲ་ཤིས། རྩོམ་བཀྲ་ཤིས། དེབ་བཀྲ་ཤིས།་བཀྲ་ཤིས་སྣ་མང་ལྡན་པའི་རྩོམ་དེབ་གསར་པ་ཞིག་ཐོན་པར་བཀྲ་ཤིས་བདེ་ལེགས་ཞུ། འོན་ཀྱང་བཀྲ་ཤིས་རྩོམ་ཞིག་བཀྲ་མ་ཤིས་པའི་དྲ་རྒྱ་ཞིག་ནང་ལ་ངོ་སྤྲོད་གནང་བ་འདི་མ་བཟང་། ཐལ། རྗེས་ནས་ཁ་མ་དགེ་བའི་དྲ་རྒྱ་འདིའི་ནང་ངོ་སྤྲོད་མི་གནང་བ་འཚལ། རྒྱུ་མཚན་གཞན་དུ་ཞུ་ཆོག མ་གཞི་སྐུ་ཉིད་ཀྱིས་ཀྱང་དྲ་རྒྱ་འདིའི་མགོ་གཞུག་ལ་བལྟས་ན་ཤེས་ཐུབ།

4. གྲོགས་ཀྱི་དཔེ་དེབ་ལེགས་འགྲུབ་བྱུང་བར་རྟེན་འབྲེལ་ཞུ། མ་ཟད་བྱིས་སྒྲུང་ནི་དེང་གི་དུས་སུ་བོད་ཀྱི་སློབ་ཕྲུག་ཚོ་ལ་དུས་ཐོག་ཆར་བ་རང་དུ་སོང་ཡོད་པས་ཁ་ཚ་དགོས་གཏུགས་རང་རེད། སྙིང་ནས་རྗེས་སུ་ཡི་རང་ཞུ་རྒྱུ་དང་། དེ་ལགཞན་་རྗེས་སུ་ཉིད་ལ་ལྷོད་ཀྱིས་ཞུ་ཆོག་པ་གནོངས།

5. ཝ་ར་ན་སིའི་དགེ་རྒན་ལགས། །
   རྡ་རམ་ས་ལའི་སྤྱི་མཐུས་ལགས། །
   སེ་ར་དགོན་པའི་དགེ་བཤེས་ལགས། །
   མན་ཇུ་ཊི་ལའི་སྙན་ངག་མཁན།།

6. རྫ་ཚེ་རིང་བཀྲ་ཤིས་ལགས་ཀྱིས་རྩོམ་གནང་མཛད་པའི་ཞེས་པའི་བྱིས་སྒྲུང་གི་དེབ་གསར་ཞིག་འབྲི་རྩོམ་གནང་བར་བཀྲ་ཤིས་པའི་རྟེན་འབྲེལ་ཞུ་བ་དང་ཆབས་ཅིག མི་རིགས་རང་གི་སྐད་ཡིག་སློབ་གསོའི་ས་བོན་བཟང་བོ། རང་རེའི་གཞོན་སྐྱེས་རྣམས་ཀྱི་ཤེས་ཡོན་གྱི་གཤིན་ས་ཆེར་མོར་མྱུར་དུ་འབུས་པའི་སྨོན་འདུན་དང་། རྫ་ཚེ་རིང་བཀྲ་ཤིས་ནི་དངོས་གནས་ཚེ་རིང་རྒྱུའི་མི་ཞིག་རེད། ནམ་རྒྱུན་ནས་གྲག་འགུལ་ཆེ་བའི་མི་གསོན་ཉམས་དོད་པོ་དང་ལག་རྗེས་ཡོད་མཁན་ཞིག་ཏུ་མཐོང་བས་མུ་མཐུད་དུ་འབད་བརྩོན་གནང་རོགས་ཞུ་འདོད་བྱུང་། ཚེ་རིང་། ལོ་བརྒྱ། བསམ་དོན་འགྲུབ་པར་ཤོག །

7. བྱིས་སྒྲུང་ཞིག་བཏོན་པར་སྙིང་ནས་དགའ། ངས་ཀྱང་བྱིས་སྒྲུང་འགའ་བསྒྱུར་མྱོང་བ་མ་ཟད་བརྩམས་ཀྱང་མྱོང་། བྱིས་སྒྲུང་འབྲི་བ་ལ་བྱིས་བའི་སེམས་ཁམས་སྐོར་ལ་ཐོས་རྒྱ་གང་འཚམས་དགོས་བ་མ་ཟད་བྱིས་སྒྲུང་འབྲི་སྟངས་ཀྱི་རིག་ལམ་དེ་ཡང་གལ་ཆེ། བྱིས་སྒྲུང་འདི་མ་ཀློག་སྔོན་ལ་བསམ་ཚུལ་གཉིས་དང་དོགས་འདྲི་གཅིག་བྱུང་།

   དང་པོ།
   བཀྲ་ཤིས་ཀྱིས་བཀྲ་ཤིས་བཤད་པ་ཟེར་ན། འདི་བྱིས་བའི་བློ་ལ་འགྲོ་བའི་ཁ་བྱང་ཞིག་མ་རེད། ཁ་བྱང་གཅིག་པོའི་ཐོག་ན་དཀའ་ངལ་ཞིག་འདུག བྱིས་བ་ཚོས་སྒྲུང་འདི་མ་ཀློག་སྔོན་ནས་མིང་གཅིག་པའི་བཀྲ་ཤིས་གཉིས་ཡོད་པ་འདི་དཀའ་ངལ་ཆགས་འདུག ལྷག་པར་དུ། བྱིས་སྒྲུང་འདིའི་ནང་དུ།
   བཀྲ་ཤིས་ཀྱིས་བཀྲ་ཤིས་བཤད་དུས། གང་ཟག་གི་མིང་ཚབ་བེད་སྤྱོད་ཇི་ལྟར་བྱས་ཡོད་དམ། བཀྲ་ཤིས་ཀྱིས་བཀྲ་ཤིས་བཤད་པ་འདིའི་ཚབ་ལ། བཀྲ་ཤིས་ཀྱིས་ལྷ་མོར་བཤད་པ་ཟེར་ན། མི་སྣ་གཉིས་དེ་དབྱེ་འབྱེད་སླ་བ་མ་ཟད་མི་སྣའི་མཚན་མ་ཡང་གསལ་བོར་བྱས་ཡོད།
   བཀྲ་ཤིས་ཀྱིས་བཀྲ་ཤིས་བཤད་པ་ཟེར་དུས། སྒྲུང་འདིའི་ནང་དུ་བཀྲ་ཤིས་གཉིས་ཡོད་དམ་ཡང་ན་བཀྲ་ཤིས་གཅིག་ཡོད། དེ་ཡང་གསལ་བོ་མེད། ཁ་བྱང་གསལ་བོ་དགོས་རྒྱུ་དེ་ཧ་ཅང་གལ་ཆེ། བྱིས་སྒྲུང་གི་ཁ་བྱང་ནི་སྒྲུང་གི་འདོགས་ཐག་ལྟ་བུ་ཡིན། གང་ལྟར། ཁ་བྱང་འདོགས་སྟངས་ཀྱི་སྟངས་ནས་མ་དགོས་བའི་དཀའ་ངལ་དཀའ་བཟོས་འདུག་དྲན།

   གཉིས།
   དེང་གི་སྐབས་སུ་བྱིས་སྒྲུང་དེ་དངོས་ཡོད་འཚོ་བ་ལ་ཅི་ཙམ་ཐག་ཉེ་ན། དེ་ཙམ་གྱིས་བྱིས་སྒྲུང་ཀློག་མཁན་ཚོར་ཕན།
   བུ་བཀྲ་ཤིས་ལྷ་ཡུལ་དུ་ཕྱིན་པ་ཟེར་བའི་ཚབ་ལ། བུ་བཀྲ་ཤིས་ལྷ་སར་ཕྱིན་པ། བུ་བཀྲ་ཤིས་བོད་ལ་ཕྱིན་པ། ཡང་ན་བུ་བཀྲ་ཤིས་ཁམས་སྡེ་དགེ་ལ་ཕྱིན་པ་སོགས། རྩོམ་པ་པོས་གང་དུ་འགྲོ་སའི་ཡུལ་དེའི་གལ་ཆེ་ཆུང་ལ་བསམ་བློ་བཏང་ཡོད་དམ།

   གསུམ།
   བྱིས་སྒྲུང་འབྲི་དུས། མིང་ཚིག་དང་བྱ་ཚིག རྒྱན་ཚིག་གསུམ་གྱི་གྲངས་ཀའི་སྟངས་འཛིན་དེ་ཧ་ཅང་གལ་ཆེན་པོ་ཡིན། དེའི་རྒྱུ་མཚན། བྱིས་བ་མང་ཆེ་བའི་བློ་ངོར། མིང་ཚིག་དང་བྱ་ཚིག རྒྱན་ཚིག་སོགས་གྲངས་ལྔ་བརྒྱ་ལས་མང་བ་ཡོད་མ་རེད། དེས་ན། གོང་གི་བྱིས་སྒྲུང་རྩོམ་པ་པོས་བྱིས་སྒྲུང་འདི་མིང་ཚིག་དང་བྱ་ཚིག རྒྱན་ཚིག་ཅི་ཙམ་གྱིས་གྲུབ་དགོས་མིན་ཐད་བསམ་བློ་བཏང་ཡོད་དམ།
   འདི་ཞོར་ནས་དོགས་འདྲི་ཡིན།

   མཐར་ཁྱེད་ཀྱིས་བྱིས་སྒྲུང་ཞིག་བརྩམས་གནང་བར་ཁ་བྲོ།

8. རྫ་བ་ལགས། བྱིས་སྒྲུང་རྩམ་པར་བཀྲ་ཤེས་བདེ་ལེགས་ཡོད་ད ། རང་ཉིད་དྲིལ་སྒྲོག་བྱེད་པའི་ཐབས་ལམ་ཡག་ཤོས་དེ་ད་ཁྱོད་ཀྱིས་རྙེད་ཚར་བྱ། དེ་ཡང་ཕྱི་ལ་འཁྱམས་པའི་འབྲས་པུ་ཡིན་རྒྱུ་རེད། རང་ལ་མིའི་འགྲོ་སྟབས་མ་ལབ་ཀྱང་ཤེས་བྱ། དེ་ཡང་ཡག་པོ་རེད། རྟེན་འབྲེལ་ཞུ། རང་ཡང་མ་འོངས་པར་མི་ཡག་པོ་ཞིག་ཆགས་རྒྱུ་ཡིན་པར་ང་ལ་ཡོིད་ཅེས་ཡོད།

9. ཁ་བྲོ།

10. ཁ་བྲོ།

11. ཀློག་པ་པོ་ཡོངས་ལ་འཚམས་འདྲི་ཞུ། ཡིག་སྒྱུར་བས་གོ་ནོར་ཐེབས་པའི་དྲི་བ་ཞིག་དྲིས་འདུག བཀྲ་ཤིས་ཀྱིས་བཀྲ་ཤིས་བཤད་པ་ཟེར་བ་དེ་དེབ་ཀྱི་ཁ་བྱང་མ་རེད། ཉིན་དེའི་གཏམ་བཤད་ཀྱི་བརྗོད་གཞིའི་ཁ་བྱང་རེད།
    གཞན་གསལ་བཤད་མང་པོ་མི་དགོས་པ་བྱེད།

12. ཚང་མ་ལ་འཚམས་འདྲི་ཞུ། གསལ་བཤད་གཉིས།
    གཅིག དེབ་ཀྱི་རྒྱབ་ཀྱི་མདུན་ཤོག་ལ་ངའི་དཔར་ཡོད་པ་མ་རེད། འདི་གཏམ་བཤད་ཀྱི་རྒྱབ་ལྗོངས་ཀྱི་བཀོད་པ་རེད།
    གཉིས་པ། བཀྲ་ཤིས་ཀྱིས་བཀྲ་ཤིས་བཤད་པ་ཉིན་དེའི་གཏམ་བཤད་ཀྱི་བརྗོད་གཞི་ཡིན་པ་ལས་དེབ་མིང་མ་རེད། དེ་ཙམ་ཡིན་ལགས།

13. རྟེན་འབྲེལ་གྲངས་མེད་ཞུ། ངའི་ཤིང་གི་མི་ལྷ་སར་གནས་སྐོར་དུ་ཕྱིན་པའི་སྒྲུང་ཡང་ཉིན་ཞིག་དེབ་ཏུ་དཔར་ཐུབ་པའི་རེ་བ་ལྕི།

14. རྫ་ཚེ་ལགས་ཀྱིས་བྱིས་སྒྲུང་བརྩམས་གནང་བར་དགའ་བསུ་དང་འབྲེལ། བྱིས་སྒྲུང་དེ་བྱིས་པའི་སེམས་ཁམས་དང་མཐུན་པ་ཞིག་བྲིས་ཡོད་པའི་རེ་བ་ཡོད། རྒྱུ་མཚན་བཙན་བྱོལ་སློབ་གྲྭ་ཁག་གི་བྱིས་པའི་བསླབ་གཞིའི་སློབ་དེབ་ཕལ་ཆེ་བ་བྱིས་པའི་སེམས་ཁམས་དང་རྒལ་བའི་དགེ་སྡིག་དང་རྒྱུ་འབྲས་ཀྱི་རྣམ་གཞག་སོགས་མང་པོ་ཞིག་བྲིས་ཡོད་པ་རེད། དེ་ལྟར་མིན་པར་ཤོག།

    དེ་ནས་ཅུང་མིང་གྲགས་ཡོད་པའི་སྤྱི་ཟུར་བེ་རི་འཇིགས་མེད་ཀྱིས་རྫ་ཚེ་ལགས་ཀྱིས་ཁ་བརྡའི་དྲ་རྒྱ་འདིར་ངོ་སྤྲོད་གནང་བར་བཀྲ་མ་ཤིས་པའི་དྲ་རྒྱར་ངོ་སྤྲོད་བྱས་རབས་བཤད་པ་ནི་འོས་མཚམས་མིན་པའི་རྫིག་གཏམ་ཞིག་མ་རེད་པས། འོ་ན་བཀྲ་ཤིས་པའི་དྲ་རྒྱ་ཞིག་གང་ན་ཡོད་པ་རེད། ཕལ་ཆེར་གནམ་ས་བླ་འོག་ལྟ་བུའི་འགྱུར་ལྡོག་དང་འཕུར་མཆོངས་ལྟ་བུའི་འགྱུར་ལྡོག། ཡར་རྒྱས་རྐྱང་རྐྱང་འོག་དགའ་སྐྱིད་དང་བདེ་སྐྱིད་ཁོ་ན་གླེང་སྟེགས་ཀྲུང་གོའི་དྲ་རྒྱ་ཁོ་ན་མ་གཏོག་ཡོད་རྒྱུ་མ་རེད།

15. ཀླུ་སྨྱོན་གྱི་ཤིང་གི་མི་ལྷ་སར་ཕྱིན་ཚུལ་དེ་དཔེ་ཡག་པོ་འདུག ང་རང་བྱིས་པའི་སྐབས་སུ་དེ་ཉིད་ཀློག་སྐལ་མ་བྱུང་བར་ཅུང་ཟད་སེམས་ཕང་སྐྱེས། གང་ལགས་ཟེར་ན་ཆུང་དུས་ཤིང་ཏོག་སྣ་ཚོགས་ཟ་རྒྱུ་མེད་པས་སྒྲུང་དེ་ཉན་པ་བརྒྱུད་འཆར་ཡན་གྱི་བསམ་མནོ་མང་པོ་གཏོང་རྒྱུ་ཡོད་ས་རེད། རྫ་ཚེ་རིང་བཀྲ་ཤིས་ལགས་ཀྱི་དེབ་གསར་ལ་བཀྲ་ཤིས་བདེ་ལེགས། ཁ་བཤད་སྟོང་ལས་ལག་ལེན་གཅིག་དགའ།

16. དང་པོ།
    གཏམ་བཤད་ཀྱི་ཁ་བྱང་དང་དེབ་ཀྱི་ཁ་བྱང་གཉིས་ཀྱི་ཐད་ལ་ང་གོ་ནོར་ཐེབས་འདུག དེ་ལ་གསལ་བཤད་གནང་བར་ཐུགས་རྗེ་ཆེ། ཞོར་ནས་ངའི་དོགས་འདྲི་ལ་ལན་ཡོད་ན་དགའ་བ་སྒོམ། མེད་ན་བཏང་སྙོམས་སུ་འཇོག

    གཉིས།
    ཁ་སྣོན་དུ་ཞུ་རྒྱུར། ང་ཚོས་བྱིས་སྒྲུང་འབྲི་བ་དང་མཉམ་དུ་བྱིས་སྒྲུང་འབྲི་སྟངས་ཀྱི་རིག་ལམ་ལ་སློབ་སྦྱོང་བྱེད་དགོས་བ་མ་ཟད་སྐད་ཡིག་གཞན་པའི་ནང་དུ་བྲིས་བའི་བྱིས་སྒྲུང་གང་མང་ཀློག་རྒྱུ་ཡང་གལ་ཆེ། དེང་གི་སྐབས་སུ་བོད་རིགས་བྱིས་སྒྲུང་འབྲི་མཁན་ཚོའི་དཀའ་ངལ་གཅིག་ནི། བྱིས་སྒྲུང་སྐོར་ལ་ཤེས་ཡོན་གྱི་སྦྱོང་བརྡར་མེད་པ་དང་ཆེད་ལས་མེད་པ་འདི་རེད། འདིའི་དཔེ་མཚོན་གསོན་པོ་ཞིག་ནི། ཤེས་རིག་ལས་ཁུངས་ཀྱིས་བཏོན་པའི་བྱིས་སྒྲུང་གི་དེབ་དེ་ཚོ་རེད།

17. རྫ་ཚེ་བཀྲ་ལགས། ཡུན་རིང་མ་མཇལ་བར་ད་ལན་རྩོམ་དེབ་བསྐྲུན་པ་ལ་བཀྲིས་བདེ་ལེགས། ཁྱེད་ཀྱི་མགྱོགས་ཕྲིན་ཁ་བྱང་དེ་གནང་རོག་།

18. གནས་བརྟན་རྫ་བཀྲ་ཤིས་ཚེ་རིང་མཆོག་གིས་བོད་ཀྱི་བྱིས་པ་གཞོན་ནུ་རྣམས་ལ་སྨན་པའི་ཕྱིར་དུ། ༼བུ་བཀྲ་ཤིས་ལྷ་ཡུལ་དུ་ཕྱིན་པ་༽ཞེས་པ་ལེགས་གྲུབ་དང་། ད་དུང་། ད་ལྟ་དང་མ་འོངས་པ་ལ་དམིགས་ཏེ། བུ་བཀྲ་ཤིས་བོད་དུ་འགྲོ་བ། ཞེས་པ་དང་། བུ་བཀྲ་ཤིས་བོད་ཡུལ་ཡོངས་ཁྱབ་འགྱུར། ཞེས་སོགས་བོད་ཀྱི་རིག་གཞུང་དང་བཀའ་བསྟན་གསུང་འབུམ་གྱི་ཡི་གེའི་དག་ཆའི་ཉི་ཟེར་བོད་ཕྲུག་གཞོན་ནུ་ཡོངས་ཀྱི་བློ་གྲོས་ཀྱི་པད་ཚལ་སྐྱེད་པའི་གྲོགས་སུ་འགྱུར་བར་བཀྲ་ཤིས་བདེ་ལེགས་ཞུའོ།།