ཁོང་མོས་ཕ་མ་གཉིས་ཟི་ལིང་སྨན་ཁང་ལ་སོང་ཤུལ་ནས་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་བྱས་ཏེ་སྐུ་གྲོངས་ཡོད་པ་དང་། མེར་བསྲེགས་གནང་ས་དངོས་ནི་ནང་མིའི་ཁང་བའི་ལྟག་རྒྱབ་ཡིན་འདུག ཁོང་ཚང་གི་ཁྱིམ་ཚང་ཡོད་ས་ནི་མགོན་ཤུལ་ལ་ནག་རོ་ཞེས་པ་དེའི་མདོ་ཁ་ཡིན་འདུག མེར་བསྲེགས་མ་གནང་སྔོན་ལ་རྒྱལ་བ་རིན་པོ་ཆེ་སྐུ་པར་ཆེན་པོ་ཞིག་ཡོད་པ་དེ་འཁྱེར་ནས་སྒོར་སོང་ཡོད་པ་དང་། ཁྱིམ་ཚང་གི་ལྟག་རྒྱབ་ནས་སྐུ་པར་བཤམས་ཏེ་ཕྱག་འཚལ་ནས་སྨོན་ལམ་གནང་གིན་པ་མཐོང་འདུག་མོད། དོ་སྣང་བྱས་མི་འདུག་ལ། དེ་མ་ཐག་སྐུ་ལུས་མེར་བསྒྲོན་ཡོད་འདུག རྒྱལ་བ་རིན་པོ་ཆེ་ཞེས་སྐད་ཤུགསཀྱིས་འབོད་ཀྱིན་པའང་མིང་སྲིང་ཚོས་གསལ་པོར་ཐོས་ཡོད་འདུག
ཁོང་མོ་འདས་གྲོངས་ཕྱིན་རྗེས་ཁ་ཆེམས་ཡི་གེ་བྲིས་ཡོད་པ་དང་། ཁ་པར་ནང་སྔོག་དུས་ལག་པ་གཡོན་པའི་སྟེང་ “ བོད་རང་བཙན་རྒྱལ་ཁབ” ཞེས་བྲིས་པའི་འདྲ་པར་འདི་འདྲའང་ཁ་ཤས་བརྒྱབ་ནས་བཞག་ཡོད་བཅས་རྙེད་འདུག
འབྲེལ་ཡོད་ནས་ཁོང་མོའི་ཕ་ལགས་སུ་བཙུན་མ་སངས་རྒྱས་སྒྲོལ་མས་རང་ལུས་མེར་བསྲེགས་བཏང་སྐོར་སྐད་ཆ་འདྲི་དུས། བོད་བསྟན་སྲིད་ཆེད་དུ་འདོད་དོན་ཆེན་པོ་ཞིག་འགྲུབ་ཡོད་པས། དམིགས་བསལ་ཞུ་རྒྱུ་མེད་མོད། ངེད་བཟའ་ཟླ་གཉིས་ལ་མཚོན་ན། ཁོག་གི་སྙིང་བྲུས་པ་དང་གཅིག་པ་རེད། ཅེས་བཤུམ་སྟེ་སྐད་ཆ་བཤད་ཐུབ་མི་འདུག འབྲེལ་ཡོད་ནས་རྒྱུས་ལོན་ལྟར་ན། དེང་སྐབས་མིང་སྲིང་ཚོ་ཉིན་མཚན་མེད་པར་ངུ་ངག་གི་ཁྲོད་འཚོ་ཞིང་། སྐད་ཆའང་སྨྲ་ཐུབ་ཀི་མེད་པས་ཕ་མ་གཉིས་ལས་ཀྱང་མིང་སྲིང་ཚོའི་སེམས་ཁྲལ་ཆེས་ལྕི་བའི་སྣང་བ་བྱུང་ཡོད་འདུག་ལ། རྒྱ་གཞུང་གིས་མགོན་ཤུལ་ལ་འགྲོ་སའི་ལམ་འགག་ཆ་ཚང་བཀག་ནས་ནང་མིར་ཐུགས་གསོ་དང་། མཆོད་མེ་ཞལ་འདེབས་འབུལ་བར་འགྲོ་མཁན་རྣམས་ཀྱང་བཀག་ཡོད་པ་དང་། ཐ་ན་རྐང་ཐང་ལ་རི་ལུང་བསྐོར་ནས་སོང་ནའང་གསང་ཉུལ་བ་དང་སོ་སྲུང་བ་སྐྱ་འཐབ་ཀྱིས་ནང་མིར་ཐུག་འཕྲད་བྱེད་འཇུག་གི་མེད་འདུག་པ་མ་ཟད། བརྒྱུད་ལམ་ཆ་ཚང་བཀག་འགོག་དང་ཁ་པར་ལས་ནང་ཁུལ་ལ་སྐད་ཆ་བཤད་དུས་ཀྱང་སོ་ཉུལ་བས་རྩད་གཅོད་བྱེད་པ་སོགས་དམ་དྲག་གི་གནས་སྟངས་ཆགས་ཡོད་འདུག
ཨ་ནི་སངས་རྒྱས་སྒྲོལ་མ་ནི་རེབ་གོང་རྩེ་ཁོག་མགོན་ཤུལ་བར་སྐོར་ནས་ཡིན་ལ། ཕྱི་ཚེས་ལྟར་ན་ལོ་༡༦ དང་བོད་རྩིས་ལྟར་ན་ལོ་ ༡༧ ཡིན་པ་དང་། ཁོ་མོའི་ཕ་བསོད་ནམས་རྒྱལ་ལོ་ ༤༠ མ་དོན་གྲུབ་འཚོ་ལོ་ ༤༣ གཅེན་མོ་ལྷ་མོ་འཚོ་ལོ་ ༢༢ གཅེན་མོ་རིག་བྱེད་དབང་མོ་ལོ ༢༠ གཅུང་པོ་འཇམ་དབྱངས་ནོར་ལྡན་ལོ་ ༡༥ དང་། གཅུང་པོ་དབང་ཕྱུག་ཚེ་རིང་ལོ་ ༡༤ ཡིན་འདུག
གནས་ཚུལ་ཕྱོགས་སྒྲིག་པ་བོན་རྒྱ་བསྟན་འཛིན་རབ་རྒྱས།
དཀོན་མཆོག་མཁྱེན་ནོ་
ཁྱེད་ཀྱི་བློ་སྟོབས་ལ་རྗེས་སུ་ཡིད་རང་དང༌། བསམ་དོན་མྱུར་དུ་འགྲུབ་པའི་སྨོན་འདུན་ཞུ་རྒྱུ་ཡིན།ཨོཾ་མ་ཎི་པད་མེ་ཧཱུཾ༔ ཨོཾ་མ་ཎི་པད་མེ་ཧཱུཾ༔ ཨོཾ་མ་ཎི་པད་མེ་ཧཱུཾ༔ ཨོཾ་མ་ཎི་པད་མེ་ཧཱུཾ༔ ཨོཾ་མ་ཎི་པད་མེ་ཧཱུཾ༔
བློ་སྟོབས་ལ་རྗེས་སུ་ཡི་རང་དང༌། བསམ་དོན་མྱུར་དུ་འགྲུབ་པའི་སྨོན་འདུན་ཞུའོ། །
བོད་རང་བཙན་རྒྱལ་ཁབ། རེད། ཁྱེད་ཅག་གིས་ཅི་ཞིག་ལ་རང་ལུས་ཚུན་ཆད་ཕུལ་བཞིན་པ་འདི། འཇིག་རྟེན་ཧྲིལ་བོ་དང་ནང་དགོས་སུ་བཙན་བྱོལ་སྒྲིག་འཛུགས་གིས་གོ་ཤེས་ཞིག་ཡོད་ཚོད་ཡིན་ན་ཅི་མ་རུང་།
བཙུན་མ་ཁྱོད་དང་ཁྱེད་ཅག་གིས་འདི་འདྲ་ཞིག་གསལ་གསལ་ཐང་ཐང་དུ་བྲིས་ནས་བུད་སོང་བ་འདིས། བོད་འདི་སྲོག་དང་ཁྲག་གིས་འཐབ་ནས་ལེན་དགོས་བ་དེ་ཡང་གསལ་གསལ་ཐང་ཐང་དུ་བཞག་ཡོད། ཁྱེད་ཅག་གི་བཞུད་ཤུལ་ནས་ངས་ཁྱེད་ཅག་གི་བསྒྲགས་ཚིག་ལ་ཁ་ཡ་བྱེད་ནི་རེ་ཨེ་ཡོད་འཚོལ་བཞིན་ཡོད།
ད་ཞལ་ཆེམས་ལ་དོགས་པ་ཟ་དགོས་མི་འདུག ཁ་བསྒྱུར་བྱེད་ས་མི་འདུག གཙོ་བོ་ཤུལ་ལུས་པ་དག་གི་བློ་ཁོག་ལ་ཐུག་འདུག
བློ་གསལ་རིག་བཟང་སྙིང་སྟོབས་ཟླ་མེད་པའི། །
རྒྱལ་གཅེས་དཔའ་མོ་སངས་རྒྱས་སྒྲོལ་མ་མཆོག །
གངས་ཅན་འགྲོ་བའི་རང་དབང་བདེ་སྐྱིད་སླད། །
གཅེས་པའི་སྲོག་དང་ལུས་ཀྱང་ཡོངས་བཏང་བ། །
ཞིང་མཆོག་བདེ་བ་ཅན་དུ་མྱུར་སྐྱེ་ནས། །
བསམ་པའི་དོན་རྣམས་ཡིད་བཞིན་འགྲུབ་པར་སྨོན། །
འདིས་བོད་རང་བཙན་གྱི་ཆེད་དུ་རང་སྲོག་བློས་གཏོང་བྱས་པ་གསལ་པོ་རེད་འདུག ད་ང་ཚོས་རང་དབང་གི་ཅེས་པའི་ཆེད་དུ་ག་ཚོད་དང་། རང་བཙན་གྱི་ཆེད་དུ་ག་ཚོད། དབུ་མའི་ལམ་གྱི་ཆེད་དུ་ག་ཚོད། ང་ཚོས་ངེས་པར་དུ་ཤི་བོ་འདི་དག་གི་ཁ་ཆེམས་ལ་བདག་པོ་རྒྱག་དགོས་པ་དང་། བདག་པོ་དེ་ཡང་ཁོ་རང་གི་མངོན་འདོད་དང་འཚམས་པར་བཟོ་དགོས་པ་ལས་གཡས་དཀྱུ་དང་གཡོན་དཀྱུ་མི་རུང་བར་སེམས།
དཔལ་མོ་འདི་ཡི་བསམ་དོན་འགྲུབ་པ་ཤོག ང་ཚོའི་མངོན་འདོད་འགྲུབ་པར་ཤོག བོད་རང་བཙན།
ཁྱེད་ཀྱིས་མཛད་རྗེས་ལ་གུས་བཏུས་དང་མྱ་ངན་ཞུ་བ་སྔོན་དུ་བཏང་ནས། དལ་བརྟེན་རིམ་བརྒྱུད་ཀྱི་སྒོ་འཕང་དང་འབྲེལ་མཐོ་སྒང་ཡུལ་དུ་ཡང་བསྐྱར་བྱོན་ནས་བོད་དང་བོད་མི་རིགས་ཀྱི་བདེན་པའི་འཐབ་རྩོད་ཀྱི་རྒྱལ་ཁ་ལེན་པའི་རེ་སྨོན་ཞུ།
ད་དུང་ཁྱེད་ཀྱི་ཕྱག་སྟེང་གི་ཕྱག་བྲིས་ཕྱག་བསྟར་མ་དེས་མངོན་འདོད་གསལ་པོ་མཚོན་འདུག་ཀྱང་མཐོ་སྒང་མི་རིགས་ཀྱི་མི་གཤིས་དང་ཁྲག་རྒྱུན། གདུང་ཞེན་དང་ལ་རྒྱ་ཡོད་ཚད་བོར་ཟིན་པའི་མི་བུ་ཚོས་ངོས་ལེན་བྱེད་མི་སྲིད་ཀྱང་དེ་ནི་ཏང་གི་རྐུབ་ལ་ལྕེ་ལྡག་རྒྱག་མཁན་ཁ་ཤས་མ་གཏོག་ངེད་མི་དམངས་ཚོ་ཁྱེད་ཚོའི་རྒྱབ་ཏུ་ཡོད་པས་ཐུགས་བློ་བདེ་པོ་གནང་རོགས།
རྒྱལ་གཅེས་དཔའ་མོ་སངས་རྒྱས་སྒྲོལ་མ་མཆོག་ལ་གུས་འདུད་ཞུ་བ་དང་ཆབ་ཅིག། དྲ་གྲོགས་ཚོས་དཔའ་མོ་ཁོང་གི་ལག་པའི་ལྒང་ལ་བྲིས་ཡོད་པའི་བོད་རང་བཙན་རྒྱལ་ཁབ་ཞེས་པ་དེ་བེད་སྤྱོད་ལོག་པར་དང་ནས་བོད་མི་ནང་ཁུལ་ཕན་ཚན་སྐྱོན་འཛུགས་བྱེས་ན་དེ་ནི་ཧ་ཅང་མ་རོང་པ་རེད། དཔའ་མོ་སངས་རྒྱས་སྒྲོལ་མ་མཆོག་ནི་བོད་མི་རིགས་དང་རྒྱལ་ཁབ་གྱི་ཆེད་དུ་རང་ལུས་མེ་བསྲེགས་བཏང་བ་རེད། བོད་ཆོལ་ཁ་གསུམ་པའི་རང་དབང་གི་ཆེད་དུ་རང་ལུས་ཤོར་པ་རེད། བོད་མི་ས་ཡ་དྲུག་གི་བདེ་སྡུག་གི་ཆེད་དུ་རང་བསྲེགས་བཏང་བ་རེད། བོད་མི་ས་ཡ་དྲུག་པོས་འཆམ་པོ་དང་མཉམ་གནས་ཀྱི་ཆེད་དུ་རང་ལ་དབང་པའི་མི་ལུས་འདི་ཡང་འཇིག་རྟེན་འདི་ནས་ཁ་བྲལ་བ་རེད། ད་ང་ཚོ་བོད་ནང་དང་ཕྱི་ན་ཡོད་པའི་བོད་མི་ཚང་མའི་ནང་ཁུལ་འཆམ་པོ་དང་མཐུན་པོ་བྱེད་རྒྱུ་དེ་གལ་ཆེན་རེད་འདོད། ང་ཚོ་ཚང་མ་སེམས་ཚོར་དང་སྡུག་བསྔལ་ཡོད་པ་ཤེས་ཡོད། འོན་ཀྱང་ང་ཚོས་སེམས་ཚོར་དེ་བཟོད་སྒོམ་བྱེད་མ་ཐུབ་པར་བོད་མི་ནང་ཁུལ་ལ་སྐྱོན་འཛུགས་བྱེད་རེར་བྱེད་ན་མ་འོངས་པ་ང་ཚོ་ནང་ཁུལ་ལ་མཇུགས་འབྲས་ག་རེ་རག་ཡོངས། ད་ལྟ་བར་དུ་དཔའ་བོ་དང་དཔའ་མོ་བརྒྱ་བཅུ་གྱ་དགུ་ཡི་བོད་མི་རིགས་དང་རང་དབང་ཆེད་དུ་རང་ལུས་ཤོར་བ་རེད། དེ་དག་ལ་ལྟ་ཚུལ་ག་འདྲ་ཤིག་བཞག་ཡོང་བསམས་ནས་ང་ལ་སེམས་ཁྲལ་བྱེ་དྲག་ཡོང་གི་འདུག།
དཔའ་མོ་མཆོག་གིས་ལག་པའི་སྟེང་ལ་འདི་ལྟར་བྲིས་ཏེ་དཔར་བརྒྱབ་ནས་རང་ལུས་མེར་བསྲེགས་གནང་བ་འདིས། ང་ཚོར་གཞིས་ལུས་བོད་མི་ཚོའི་མངོན་འདོད་རེ་བ་ག་རེའི་ཆེད་དུ་མེར་བསྲེགས་གནང་བཞིན་པ་གསལ་པོ་བཟོས་པ་རེད་ལ། རང་བཙན་དང་རང་དབང་ཞེས་པའི་འབོད་ཚིག་གཉིས་པོ་གང་ཡིན་རུང་རྒྱ་ནག་གི་རྩ་ཁྲིམས་འོག་གི་མི་རིགས་ས་ཁོངས་རང་སྐྱོང་གི་གནས་བབ་ལ་དབུ་མའི་ལམ་ཞེས་འབོད་བཞིན་པ་འདིའི་རྭ་བ་ལས་བརྒལ་བའི་འབོད་ཚིག་ཡིན་པ་དེ་གསལ་པོ་དང་དོགས་པ་ཐེ་ཚོམ་རྩ་བ་ནས་མེད་པ་ཞིག་རེད། དེར་བརྟེན་གཞིས་ལུས་བོད་མིའི་འབོད་ཚིག་འདི་དག་གཞི་ལ་བཞག་པའི་ལམ་ཞིག་རྩོད་རྒྱུའི་གྲ་སྒྲིག་ང་ཚོ་ཚང་མས་བསམ་བློ་གཏོང་དགོས་པ་དེ་ཐུགས་ལ་འཛིན་དགོས།
དངོས་ཡོད་ཀྱིགནས་ཚུལ་གླེང་མོ་གནང་ན་ཡག་པོ་ཡོད་རེད།