བཙོན་འོག་ཚུད་པའི་རྩོམ་པ་པོའི་ཉིན་མོ་སྲུང་བརྩི་དང་འབྲེལ་བའི་བགྲོ་གླེང།

Comments (18) on “བཙོན་འོག་ཚུད་པའི་རྩོམ་པ་པོའི་ཉིན་མོ་སྲུང་བརྩི་དང་འབྲེལ་བའི་བགྲོ་གླེང།”

1. ཁ་ཚ་དགོས་གཏུགས་ཀྱི་བགྲོ་གླེང་ཞིག་རེད། རྩོམ་པ་པོའི་མཐུན་ཚོགས་འཕག་ཚག་བརྒྱབ་པ་ཡག་པོ་རེད།

2. རང་གིས་རང་ལ་བོད་རིག་པ་ཉམས་ཞིབ་པ་ཟེར་བ་འདི་གད་མོ་སློང་སྤྱད་རེད། སྤྲོ་ཚིགས་ཆོས་གྲགས་ཀིརྟི་གྲྭ་ཚང་གི་གྲྭ་ལོག་ཅིག་དང་རྩོམ་ཡིག་ཐ་ཐོར་འབྲི་མཁན་ཅིག་ཡིན་པ་བདེན་ཡང། བོད་རིག་པ་ཉམས་ཞིབ་པ་ཡིན་པའི་དཔང་རྟགས་གང་ཡང་མེད་སྟབས། མིང་འདི་འདོགས་རྒྱུ་རྦད་དེ་སྔ་སོང། གཉིས་ནས་རང་གི་ལག་ལ་དབང་ཡོད་དུས་རང་གིས་རང་ལ་མིང་འདི་ལྟར་འདོགས་པ་ནི་ངོ་ཚ་མེད་པའི་རྟགས་ཤིག་ཀྱང་མངོན་པ་རེད་འདོད།།

3. སྤྲོ་ཚིགས་ཆོས་གྲགས་ཀྱི་དཔེ་དེབ་དག་ལ་ལྟོས་དང་གཟིགས་དང་། ཉམས་ཞིབ་པ་ཞིག་ཡིན་མིན་གསལ་བར་ཤེས་སླ། དེར་མ་ཟད་བཙན་བྱོལ་སྤྱི་ཚོགས་ཀྱི་ཤེས་ལྡན་མི་སྣ་གཙོས་སྙུག་ཐོགས་པ་ཡོངས་ལ་དཔྱད་རྩོམ་འགྲན་བསྡུར་གྱི་གོ་སྐབས་ཐེངས་མང་སྤྲད་སྐབས་བྱ་དགའ་ཨང་དང་པོ་ཐོབ་པའི་རྩོམ་ཡིག་ལ་ལྟོས་དང་དེ་ནས་ཁྱེད་ལ་གསལ་བོར་ཤེས། དེར་མཉམ་ཞུགས་གནང་མཁན་བོད་ཀྱི་རྩོམ་པ་པོ་ག་ཚོད་ཅིག་འདུག གཞན་གྱི་ཅི་བྱས་གངས་རི་སྔོན་པོར་སྣང་བའི་དབང་ཤེས་ལྟར་མ་འགྲོ། དཔྱད་པ་སྔོན་དུ་བཏང་། དེའི་རྗེས་ལག་འགུལ་རྒྱུ་གལ་ཆེ། ཀིརྟི་གྲྭ་ཚང་ནས་གྲྭ་བ་ལོག་སོང་ན་ལྐོག་པ་ཆགས་འགྲོ་ཨེ་རེད། སྣང་བ་མི་འགྲོ་བ་མཐོང་བ་ཙམ་གྱིས་ཕྲག་དོག་གི་མདའ་མོ་ཞིག་ཡིན་པ་ཤེས་པའི་རིགས་ལ་མ་འབད་རོགས་ཞུ། བཙན་པོ་ལགས།

4. གང་ཟག་ལ་མི་རྟོན་ཆོས་ལ་རྟོན། ཟེར་བ་བཞིན་ལས་དོན་དངོས་ལ་ལྟ་རོགས་འཚལ། ལས་འགུལ་འདི་རིགས་གང་ཟག་སྒེར་བའི་དོན་དག་ཅིག་མིན། ཕན་འདོགས་མི་ནུས་ན་ཡང་གནོད་མི་སྐྱེལ་རྒྱུ་འདི་བོད་མི་ཞིག་གི་དམ་བཅའ་ཡིན་འོས།

5. བཙན་པོ་ལགས། གསལ་བསྒྲགས་འདི་རྩོམ་པ་པོའི་མཐུན་ཚོགས་ཡིག་ཚང་ངོས་ནས་སྤེལ་པ་ལས་སྤྲོ་ཚིགས་ཆོས་གྲགས་སྒེར་ངོས་ནས་སྤེལ་བ་དེ་འདྲ་མ་རེད། གོང་དུ་ཨ་རིག་དགེ་མཐོང་ལགས་ཀྱི་གསུངས་པ་བཞིན་སྤྲོ་ཚིགས་ཆོས་གྲགས་བོད་རིག་པ་ཉམས་ཞིབ་པ་གང་འདྲ་ཞིག་ཡིན་མིན་ཁོང་གིས་བྲིས་པའི་དཔྱད་རྩོམ་ཁག་རྡ་ས་དཔེར་མཛོད་ཁང་ནས་དཔར་སྐྲུན་བྱས་ཡོད་པ་དེར་ལྟོས་དང་དེ་ནས་ཧ་གོ་གི་རེད། མི་ཞིག་སྤྱི་ཚོགས་ནང་འབུར་དུ་ཐོན་ཡོང་དུས་འབུར་འཇོམས་བྱེད་ཨེ་ཐུབ་ལྟ་བ་འདི་བོད་མིའི་ཞན་ཆ་གཙོ་བོ་ཞིག་རེད། ཤེས་ཡོན་ཅན་གྱི་མི་སྣ་འདི་དག་ལ་ང་ཚོས་རྒྱབ་སྐྱོར་བྱེད་རྒྱུ་གལ་ཆེན་པོ་རེད། སྤྲོ་ཚིགས་ཆོས་གྲགས་ད་དུང་སྨོན་ལམ་བོད་ཀྱི་བརྡ་འཕྲིན་ཞིབ་འཇུག་ཁང་གི་དྲུང་ཆེ་དང་ཚིག་མཛོད་རྩོམ་སྒྲིག་པ་རེད།

6. འབའ་བ་སྐལ་བཟང་རྒྱལ་མཚན་ལགས་ལའང་གསལ་བསྒྲགས་དེའི་ཐོག་ཏུ་རྒྱ་ནག་སྐོར་གྱི་ཉམས་ཞིབ་པ་ཞེས་བྲིས་འདུག། དེ་ལྟར་མི་སོ་སོའི་ཁྱད་ཆོས་ངོ་སྤྲོད་བྱས་ན་ཡག་པོ་རེད། ནུས་པ་ཐོན་པར་ཕན་ཐོགས་ཡོད་པ་རེད་དྲན།

7. བཀྲ་ཤིས་བདེ་ལེགས།

8. རྩོམ་པ་པོའི་མཐུན་ཚོགས་ངོས་ནས་ཁ་ཚ་དགོས་གཏུགས་དང་གལ་ཆེའི་ལས་འགུལ་འདི་ལྟ་བུ་སྤེལ་བར་རྒྱབ་སྐྱོར་ཡོད། ཐུགས་རྗེ་ཆེ།

9. ལས་འགུལ་འདི་འདྲ་སྤེལ་ཕེན་ཟེར་ནས་བཏགས་པ་དོན་ཡོད་རེད། དེ་མིན་ཚོགས་པ་འདི་ཕྱི་རྒྱལ་ལ་འགྲོ་སའི་ཐེམ་སྐས་ལྟ་བུར་ཞིག་ལ་བེད་སྤྱོད་བཏང་ན། དོན་ཆུང་རེད།

10. བཀྲ་ཤིས་སྒྲོལ་མ་ཟེར་བ་འདི་སྔོན་མ་ཞིག་ལ་གྲོངས་ཟིན་པ་ཞིག་ཡོད་པ་དེ་ཡིན་ནམ། གོང་དུ་བརྗོད་གཞི་དང་འབྲེལ་བའི་བསམ་འཆར་གང་མང་བཏོན་པ་ལེགས།

11. དང་པོ། ཕྱི་སྡོད་པེན་བོད་ཀྱི་རྩོམ་པ་པོའི་མཐུན་ཚོགས་ཀྱི་རྒྱུན་ལས་གསར་བ་རྣམས་ལ་འཚམས་འདྲའི་བཀྲ་ཤིས་བདེ་ལེགས་ཞུ།

    གཉིས་པ། ཕྱི་སྡོད་པེན་བོད་ཀྱི་རྩོམ་པ་པོའི་མཐུན་ཚོགས་འདི་རྒྱལ་སྤྱིའི་རང་བཞིན་གྱི་ཚོགས་པ་སྒེར་གལ་ཆེ་ཤོས་ཤིག་དང་། བོད་མི་རིགས་རིག་གཞུང་དང་བཅས་པའི་ཁ་སྟབས་དང་གནས་སྟངས་འདི་འདྲའི་ཐད་ནུས་པ་རླབས་ཆེན་འདོན་ཐུབ་པའི་སྨྱུག་ཚོགས་ཤིག་ཆགས་ཡོད་ཀྱང་། དེ་སྔོན་ཚོགས་པའི་མིང་གནས་དང་འཚམས་པའི་ལས་དོན་ཞིག་འཁྱོང་ཡོད་མེད་གང་ལྟར་ཀྱང་། མ་འོངས་པར་རྒྱུན་ལས་གསར་བ་ཚོས་ངོས་ནས་ཤུགས་སྣོན་རྒྱག་རྒྱུའི་རེ་བ་ཆེ་ལ། ད་ལྟའི་རྒྱུན་ལས་གསར་བ་ཚོར་བལྟས་ན་མིང་དོན་མཚུངས་པའི་རྩོམ་པ་པོའི་མཐུན་ཚོགས་ཤིག་བཟོ་རྒྱུའི་ཡིད་ཆེས་ཀྱང་འདུག
    གསུམ་པ། མཐུན་ཚོགས་ཀྱི་ངོས་ནས་ལས་འགུལ་འདི་ལྟ་བུ་སྤེལ་རྒྱུ་གལ་ཆེན་པོ་རེད་ལ། ལྷག་པར་དུ་རྒྱལ་སྤྱིའི་རང་བཞིན་གྱི་དུས་དྲན་འདི་ལྟ་བུ་བོད་དང་འབྲེལ་བའི་སྒོ་ནས་སྤེལ་རྒྱུ་ཧ་ཅང་གལ་ཆེན་པོ་རེད།
    བཞི་པ། དེ་བཞིན་བཙན་བྱོལ་ནང་གི་རྩོམ་པ་པོ་དང་ཤེས་ཡོན་ཅན་ཚང་མའི་ངོས་ནས་མཐུན་ཚོགས་འདིར་རྒྱབ་སྐྱོར་དང་། མཐུན་ཚོགས་འདི་བཞིན་རྒྱལ་སྤྱིའི་པེན་རྩོམ་པ་པོའི་ཡན་ལག་ཚད་ལྡན་ཞིག་ཏུ་འགྱུར་རྒྱུར་ངེས་པར་སྤྱི་སྒེར་ཚང་མའི་མཐུན་སྦྱོར་གནང་དགོས།
    ལྔ་བ། པེན་བོད་ཀྱི་རྩོམ་པ་པོའི་མཐུན་ཚོགས་འདི་བཞིན་རྒྱལ་སྤྱིའི་པེན་རྩམ་པ་པོའི་མཐུན་ཚོགས་ཚད་ལྡན་ཞིག་ཏུ་སྨོན་འདུན་ཞུ། རྗེས་ཕྱོགས་བསམ་ཚུལ་མང་ཙམ་འདོན་རྒྱུའི་འབད་རྩོལ་བྱེད་ཀི་ཡིན།

12. ལས་འགུལ་འདི་ནི་ངོ་མ་ཡི་རང་ཞུ་དགོས་པ་ཞིག་རེད། དེ་བས་ངའི་ངོས་ནས་ཐུགས་རྗེ་ཆེ་ཞུས་པ་ཡིན། འོན་ཀྱང་བཙན་པོ་ལགས་ཀྱིས་གསུངས་པ་ལྟར། བཙན་བྱོལ་སྤྱི་ཚོགས་ནང་མི་སྒེར་སོ་སོས་མིང་རྫིག་པོ་གང་འདོད་འདོད་དུ་བཏགས་ནས། ཤེས་ཡོན་པ་དང་སྙན་ངག་པ་སོགས་སྐྱབས་བྱོལ་བའི་གཞིས་ཆགས་ཆུང་ཆུང་འདི་ཚོས་མི་ཐེག་པའི་ཚད་དུ་འདུག དོན་གྱིས་སྙན་ངག་པ་དང་ཤེས་ཡོན་པ་རྩོམ་པ་པོ་ཞེས་པའི་མིང་ཚིག་རླབས་པོ་ཆེ་འདི་དག་ལ་དམའ་ཕབ་པ་ཙམ་རེད། ཁྱོད་རང་སྙན་ངག་པ་དང་ཉམས་ཞིབ་པ་ཡིན་མིན་དེ་སྤྱི་ཚོགས་ཀྱིས་ཐག་གཅད་ཡོང་གི་རེད་པས་བྲེལ་བ་གནང་དགོས་དོན་མེད་སྙམ།

13. རང་རིགས་ཀྱིས་རང་རིགས་འབུར་འཇོམ་བྱེད་པར་རྒྱབ་སྐྱོར་ཡོད། དེ་ལྟར་མ་བྱས་ན་མི་རིགས་འདིའི་ཁ་ཐུར་དུ་ཇི་ལྟར་འགྲོ

14. བརྗོད་གཞི་གཉིས་པ་དང་གསུམ་པ་ལོཊ་སུ་དབྱེ་དགོས་དོན་མི་འདུག མི་གཅིག་གིས་བཤད་ན་ཏག་ཏག་འགྲིག་གི་རེད་བསམ་གྱི་འདུག བོད་དང་མི་རིཊ་གཞན་པ་གཉིས་བསྡུར་ནས་བཤད་ན། བཤད་མཁན་ལའང་བདེ་བོ་ཡོང་གི་རེད། འདི་སྒེར་གྱི་བསམ་ཚུལ་ཙམ་ཡིན།

15. དྲ་གྲོགས་ཁ་ཤས་ཀྱི་ལམ་སང་ཁ་བཙགས་འབིགས་བཙགས་བྱེད་པ་
    གོམ་ལོབ་ཏུ་སོང་ཡོད་པ་འདྲ།

16. ཀླུ་སྨྱོན་པའི་གཏམ་ལ་རྒྱབ་སྐྱོར་ཡོད།

17. བཙོན་དུ་ཚུད་པའི་རྒྱལ་སྤྱིའི་རྩོམ་པ་པོའི་ཉིན་མོ་དང་འབྲེལ་ནས་བཀུར་འོས་དྲ་གྲོགས་རྣམ་པས་རང་རེའི་རྩོམ་པ་པོ་དང་། གསར་འགོད་པ། གཞས་པ། སྒྱུ་རྩལ་བ་སོགས་གང་ཤེས་ཀྱི་སྐུ་པར་དང་མཉམ་ངོ་སྤྲོད་གནང་ཐུབ་ན། རིམ་པས་རྒྱལ་སྤྱིའི་པེན་གྱི་ཁྱབ་ཁོངས་བཙོན་འོག་གི་རྩོམ་པ་པོའི་སྡེ་ཚན་WiPCལ་ངོ་སྤྲོད་བྱེད་ཐུབ།

18. བཙོན་འོག་ཏུ་ཚུད་པ་གཅིག་པོ་མིན་པར་བཙན་འོག་ཏུ་ཚུད་པ་ཆ་ཚང་ལ་ལ་རྒྱ་མཉམ་འཛིན་བྱས་ཡོད། སེང་རྡོ་དང་ཚེ་རིང་དོན་གྲུབ། སྒྲེན་པོ། ཐེ་རང་སོགས།