གནས་ཚུལ་མཁོ་འདོན་པ། བསོད་ནམས།
དེ་རིང་ཕྱི་ཟླ་༡༡པའི་ཚེས་༩སྟེ་བོད་ནང་གི་ཞོགས་པ་ཆུ་ཚོད་༥པ་ཡས་མས་སུ་རེབ་གོང་སྟེ་རྨ་ལྷོ་ཁུལ་ཐོག་ཏུ་རེབ་གོང་ཐུན་རིན་རྫོང་མི་རིགས་སློབ་འབྲིང་དང་པོ་དང་། ཐུན་རིན་རྫོང་དབྱི་ཧྥུ་མི་རིགས་སློབ་འབྲིང་། ཐུན་རིན་རྫོང་བཅའ་སྡོད་སློབ་གྲྭ་། ཐུན་རིན་རྫོང་ཕྱི་ལུགས་གསོ་རིག་སློབ་གླིང་། རྨ་ལྷོ་ཁུལ་མི་རིགས་དགེ་ཐོན་སློབ་གྲྭ། ལས་རིགས་སློབ་གྲྭ་དང་ལག་རྩལ་སློབ་གྲྭ་སོགས་མཉམ་རུབ་ཐོག མི་རིགས་འདྲ་མཉམ་་་་སྐད་ཡིག་རང་དབང་། ལྡོག་རྩ་གཅིག་སྒྲིལ། ཞེས་སྐད་འབོད་བརྒྱབ་འདུག་ལ། དེ་དང་དུས་མཚུངས་སུ། ཕྱི་ཚེས་ ༨ ཉིན་རྒྱལ་གཅེས་དཔའ་བོ་སྐལ་བཟང་སྦྱིན་པ་ལགས་ཀྱིས་རང་ལུས་མེར་བསྲེགས་ཀྱིས་སྐུ་གྲོངས་ཡོད་པ་ལྟར། དཔའ་བོ་དམ་པ་ཁོང་གི་གདུང་ཐལ་ཡུལ་མི་དང་མདོ་བ་རོང་འབྲོག་གི་དགེ་འདུན་པ་དང་། སྡེ་དཔོན་དང་སྡེ་བ་གཅིག་པ་ཤ་ཉེ་རིང་བཅས་མི་དམངས་བརྒྱ་ཕྲག་བརྒལ་བ་ནས་གངས་རི་མ་སོགས་གོང་ས་མཆོག་གི་ཞབས་བརྟན་གསོལ་འདེབས་དང་མ་ནི་དབྱངས་སུ་གྱེར་བཞིན་རང་ཁྱིམ་དུ་གདན་འདྲེན་ཞུས་འདུག
དེ་རིང་སྐད་འབོད་རྒྱག་དགོས་པ་ནི་ཕྱི་ཟླ་༡༡་པའི་ཚེས་༧རེབ་གོང་མདོ་བ་ཞང་ནས་ཡིན་པ་དཔའ་མོ་རྟ་མགྲིན་འཚོ་ལ་གདུང་སེམས་མཉམ་སྐྱེད་དང་སྦྲགས། ཁོ་མོའི་དགོས་འདུན་འགྲུབ་ཆེད་སློབ་ཆུང་སློབ་མ་སོགས་ཀྱིས་སྐད་འབོད་དང་རྒྱ་མིའི་དར་ཆ་མར་ཕབ་སྟེ་བོད་ཀྱི་དར་བསྒྲེངས་འཛུགས་ཀྱི་ལས་འགུལ་སྤེལ་བ་རེད་འདུག་ལ། དེ་རིང་ཡང་རོང་བོ་གྲོང་ཁྱེར་གྱི་ལྟེ་གནས་སུ་ཡོད་པའི་སློབ་གྲྭ་ཁག་ནས་ངོ་རྒོལ་དགོས་དོན་དཔའ་བོ་རྟ་མགྲིན་འཚོ་དང་། ཕྱི་ཚེས་ ༨ ཉིན་རྒྱལ་གཅེས་དཔའ་བོ་སྐལ་བཟང་སྦྱིན་པ་ལགས་ཀྱིས་རང་ལུས་མེར་བསྲེགས་ཀྱིས་སྐུ་གྲོངས་ཡོད་པ་ལྟར། ཁོང་གི་ཁ་ཆེམས་ཡི་གེའི་ནང་ “མི་རིགས་འདྲ་མཉམ་ཡོང་དགོས། བོད་ལ་རང་དབང་དགོས། བོད་ཡིག་དར་སྤེལ་བྱེད་དགོས། ༸རྒྱལ་བ་བསྟན་འཛིན་རྒྱ་མཚོ་བོད་ལ་ཕེབས་དགོས། བོད་རང་དབང་གི་ཆེད་དུ་ངས་རང་ལུས་མེར་སྲེག་གཏོང་རྒྱུ་ཡིན།” ཞེས་འཁོད་ཡོད་འདུག་པར་བརྟེན། དེར་དེ་རིང་བསྐྱར་དུ་རེབ་གོང་རོང་བོ་གྲོང་ཁྱེར་ལྟེ་བ་ནས་དཔའ་བོ་དཔའ་མོ་ཁོང་རྣམས་ལ་གདུང་སེམས་མཉམ་བསྐྱེད་མཚོན་བྱེད་དང་ཁོང་རྣམས་པའི་རེ་འདུན་དགོས་འདུན་འགྲུབ་ཆེད་ཡིན་ལ། ངོ་རྒོལ་འདིའི་འབྱུང་ཁུངས་ནི་ཕྱི་ལོ་༢༠༡༠ལོའི་ཟླ་འཇུག་ལ་མཚོ་སྔོན་ཞིང་ཆེན་གྱི་སྐད་ཡིག་བསླབ་གཞིར་བཅོས་བསྒྱུར་ཐད་ལ་སྲིད་ཇུས་གཏན་འབེབས་དང་བོད་རིགས་སློབ་གྲྭ་ཁག་གི་སློབ་གསོ་ལ་བཙན་དབང་གིས་བསྒྱུར་བཅོས་བཏང་བ་སོགས་ལས་བརྟེན་ནས་གོང་གི་སློབ་གྲྭ་ཁག་གི་སློབ་མས། སྐད་ཡིག་རང་དབང་དང་་་་མི་རིགས་འདྲ་མཉམ་ཞེས་སྐད་འབོད་བརྒྱབ་པ་དང་། ད་ལོ་ཕྱི་ཟླ་༣པའི་ཚེས་༡༤་ རེབ་གོང་རོང་བོ་དགོན་ཆེན་གྱི་གྲྭ་འཇམ་དབྱངས་དཔལ་ལྡན་ལགས་ཀྱིས་རོང་བོ་དགོན་པའི་མདུན་ཐང་དུ་རྒྱ་ནག་གཞུང་ལ་ངོ་རྒོལ་གྱིས་རང་ལུས་མེར་བསྲེག་བཏང་བ་དང་དུས་མཚུངས་སུ། ཕྱི་དྲོའི་ཆར། རེབ་གོང་རྫོང་མི་རིགས་སློབ་འབྲིང་དང་། དབྱི་ཧྥུ་སློབ་འབྲིང་གཉིས་ཀྱི་སློབ་མ་རྣམས་ཁྲོམ་གཞུང་དུ་ཐོན་ནས། ངོ་རྒོལ་ཁྲོམ་སྐོར་གྱི་ལས་འགུལ་སྤེལ་ནས་སྐད་བརྒྱབ་པ་དང་། གཞན། ཉིན་དེར་རེབ་གོང་རྩེ་ཁོག་རྫོང་མི་རིགས་སློབ་འབྲིང་དང་པོ་དང་། རྩེ་ཁོག་རྫོང་མི་རིགས་སློབ་འབྲིང་གཉིས་པ། ལག་ཤེས་ལས་རིགས་སློབ་གྲྭ་བཅས་ཀྱི་སློབ་མ་ ༢༥༠༠ ཙམ་གྱིས། རྩེ་ཁོག་རྫོང་གི་ཁྲིམ་གཞུང་དུ་ཐོན་ཏེ། “སྐས་ཡིག་རང་དབང་། མི་རིགས་འདྲ་མཉམ། འཐབ་ར་གཏོར་དགོས” ཞེས་སྐད་འབོད་རྒྱག་བཞིན་རྫོང་མི་དམངས་སྲིད་གཞུང་དང་། རྫོང་ཉེན་རྟོག་ལས་ཁུངས། རྫོང་དྲག་ཆས་ལས་ཁུངས་བཅས་ཀྱི་སྒོ་ཁར་བསྐྱོད་དེ་སྐད་འབོད་བྱས་ཡོད་པ་དང་། དྲག་ཆས་ལས་ཁུངས་ཀྱི་སྒོ་ཁར་འཐབ་ར་ཞིག་བརྒྱབ་ཡོད་པ་དེ་ཡང་གཏོར་ཡོད་འདུག་པའི་གནས་ཚུལ་བྱུང་ཡོད་ལ།
ཕྱི་ཟླ་གསུམ་པའི་ནང་རེབ་གོང་སློབ་གྲྭ་ཁག་གིས་སྐད་འབོད་བརྒྱབ་པར་བརྟེན་རྒྱ་གཞུང་གིས་རེབ་གོང་ཐུན་རིན་རྫོང་བཅའ་སྡོད་སློབ་ཆུང་གི་སློབ་སྤྱི་པདྨ་ཚེ་བརྟན་དང་། དབྱི་ཧྤུ་སློབ་འབྲིང་གི་སློབ་སྤྱི་རྡོ་རྗེ་རྒྱལ། དགེ་འདུན་ཆོས་འཕེལ་སློབ་འབྲིང་གི་སློབ་སྦྱི། ཐུན་རིན་རྫོང་སློབ་གསོ་ཁང་གི་འགོ་ཁྲིད་ལྷ་འབུམ་མཁར་བཅས་ལས་གནས་ནས་ཕུད་ཡོད་པ་མ་ཟད། གཞན་ཡང་རྩེ་ཁོག་རྫོང་ཁོངས་ཀྱི་བོད་རིགས་སློབ་སྦྱི་ཁག་ཅིག་ཀྱང་གནས་དབྱུང་དང་གོ་གནས་ལས་མར་བབས་པའི་གནས་ཚུལ་ཐོན་ཡོད་ལ། རྒྱ་ནག་གི་སྲིད་ཇུས་དང་བྱ་སྦྱོད་ངན་པའི་རྒྱུ་རྐྱེན་མང་དག་གཅིག་ལ་བརྟེན་ནས་རེབ་གོང་སློབ་མས་ངོ་རྒོལ་རབ་དང་རིམ་པ་མང་པོ་སྤེལ་ཡོད་་པ་རེད།
དེ་རིང་སླར་ཡང་ངོརྒོལ་བྱས་པ་ལྟར་ན། རེབ་གོང་རྫོང་མི་རིགས་སློབ་འབྲིང་སོགས་སློབ་གྲྭ་ཁག་གི་སློབ་མ་སྟོང་ཕྲག་ལྔ་དྲུག་ཅིག་མཉམ་འཛོམས་ཀྱིས། ༸གོང་ས་སྐྱབས་མགོན་མཆོག་གི་ཞབས་བརྟན་གསོལ་འདེབས་ གངས་རི་ར་བས་བསྐོར་བའི་ཞིང་ཁམས་སུ།། ཕན་དང་བདེ་བ་མ་ལུས་འབྱུང་བའི་གནས།། སྤྱན་རས་གཟིགས་དབང་བསྟན་འཛིན་རྒྱ་མཚོ་ཡི།། ཞབས་པད་སྲིད་མཐའི་བར་དུ་བརྟན་གྱུར་ཅིག། ཅེས་པ་དབྱངས་འདོན་དང་། དེ་བཞིན་ མི་རིགས་འདྲ་མཉམ་བྱ་དགོས། རྡོག་རྩ་་གཅིག་སྒྲིལ། བོད་ལ་རང་དབང་དགོས། རྒྱལ་བ་རིན་པོ་ཆེ་བོད་ལ་ཕེབས་སུ་འཇུག་དགོས། ཞེས་སྐད་འབོད་བྱས་ཡོད་པ་རེད། དེ་རིང་གྲྭ་བ་དང་མི་མང་ཤུགས་ཆེར་འཛོམས་འདུག དེ་རིང་ཡང་གཅིག་ཁྲི་ལྷག་འཛོམས་ཡོད་ཚོད་འདུག
ད་ལྟ་འབྲེལ་བ་བྱས་དོན་ལ་ཉིན་གུང་ཆུ་ཚོད་༡༢ཡོལ་ཙམ་ལ་སློབ་མ་རྣམས་ཀྱིས་དེ་རིང་སྐད་འབོད་བརྒྱབ་པ་ཙམ་ལས་རྒྱ་གཞུང་གི་ལས་ཁུངས་སོགས་ཀྱི་སྒོ་དང་སྒེའུ་ཁུང་བཅག་པ། དམག་མི་ལ་རྡོ་གཞུས་པ་སོགས་གནས་ཚུལགང་ཡང་བྱུང་མེད་པ་མ་ཟད། སློབ་མ་རྣམས་སློབ་གྲྭའི་་ནང་དུ་དགེ་རྒན་ཚོས་བཀག་འདུག་པ་དང་། ཉིན་གུང་རྒྱབ་ལ་སློབ་གྲྭ་ཁག་ལ་གུང་གསེང་བཏང་སྟེ་སློབ་མ་རྣམས་རང་ཁྱིམ་དུ་མངགས་འདུག
དེ་རིང་ངོ་རྒོོལ་གྱི་སྐབས་དེར། དམག་མི་དང་ཉེན་རྟོག་པ་ཕོན་ཆེན་པོ་ཞིག་སླེབས་འདུག་མོད། དམིགས་བསལ་ཉེས་རྡུང་གཏོང་བ་སོགས་ཀྱི་གནས་ཚུལ་མེད་བྱུང་མི་འདུག