མ་ཎི་འཁོར་ལོ།

སོག་མདའ།

མ་ཎི་འཁོར་ལོ། ཨོཾ་མ་ཎི་པདྨེ་ཧཱུྃ་
ཨ་མའི་སེམས་ངོགས་ན་འཁོར་བའི་མ་ཎི་འཁོར་ལོ།།
ཨ་མྱེས་ལག་ཟུང་ན་འཁོར་བའི་མ་ཎི་འཁོར་ལོ།།
སྲིང་མོའི་དབུ་ཐོད་ན་འཁོར་བའི་མ་ཎི་འཁོར་ལོ།།
ཕུ་བོའི་དད་ངོགས་ན་འཁོར་བའི་མ་ཎི་འཁོར་ལོ།།
མ་ཎི་འཁོར་ལོ། ཨོཾ་མ་ཎི་པདྨེ་ཧཱུྃ་
དགོན་པའི་བསྐོར་འདབས་ན་འཁོར་བའི་མ་ཎི་འཁོར་ལོ།།
རྫ་་རིའི་ཉག་ལུང་ན་འཁོར་བའི་མ་ཎི་འཁོར་ལོ།
ཆུ་ཆེན་འདྲེས་མདོ་ན་འཁོར་བའི་མ་ཎི་འཁོར་ལོ།
རི་གསུམ་རྩེ་མོ་ན་འཁོར་བའི་མ་ཎི་འཁོར་ལོ།
མ་ཎི་འཁོར་ལོ། ཨོཾ་མ་ཎི་པདྨེ་ཧཱུྃ་
ཁ་བའི་ལས་དབང་ལྷན་འཁོར་བའི་མ་ཎི་འཁོར་ལོ།།
ཤི་བོའི་རྣམ་ཤེས་ལྷན་འཁོར་བའི་མ་ཎི་འཁོར་ལོ།།
རིགས་དྲུག་ཞིང་ཁམས་ན་འཁོར་བའི་མ་ཎི་འཁོར་ལོ།།
འདི་ཕྱིའི་སྐྱབས་རྟེན་ན་འཁོར་བའི་མ་ཎི་འཁོར་ལོ།
མ་ཎི་འཁོར་ལོ། ཨོཾ་མ་ཎི་པདྨེ་ཧཱུྃ་
ཆུ་ཆེན་གཙང་པོའི་ཁར་འཁོར་བའི་མ་ཎི་འཁོར་ལོ།།
ཐབ་ཆེན་མེ་ཁ་ན་འཁོར་བའི་མ་ཎི་འཁོར་ལོ།།
རླུང་ཁའི་དར་ལྕོག་ལྷན་འཁོར་བའི་་མ་ཎི་འཁོར་ལོ།།
སྦྲ་ནག་གྲུ་བཞི་ན་འཁོར་བའི་མ་ནི་འཁོར་ལོ།།
མ་ཎི་འཁོར་ལོ། ཨོཾ་མ་ཎི་པདྨེ་ཧཱུྃ་
མ་ཎིའི་དབྱངས་རྟ་ལྷན་འཁོར་བའི་མ་ཎི་འཁོར་ལོ།།
དྲིལ་བའི་སྒྲ་དབྱངས་ལྷན་འཁོར་བའི་མ་ཎི་འཁོར་ལོ།
མཆོད་མའི་འོད་སྣང་ལྷན་འཁོར་བའི་མ་ཎི་འཁོར་ལོ།།
རིན་ཆེན་མནྡལ་ལ་ལྷན་འཁོར་བའི་མ་ཎི་འཁོར་ལོ།།
མ་ཎི་འཁོར་ལོ། ཨོཾ་མ་ཎི་པདྨེ་ཧཱུྃ་
བླ་མའི་ཐུགས་རྒྱུད་ན་འཁོར་བའི་མ་ཎི་འཁོར་ལོ།།
སློབ་མའི་དད་སེམས་ན་འཁོར་བའི་མ་ཎི་འཁོར་ལོ།།
དམ་ཚིག་འགྱུར་མེད་ན་འཁོར་བའི་མ་ཎི་འཁོར་ལོ།།
ཡང་དག་བྱིན་རླབས་ཀྱིས་འཁོར་བའི་མ་ཎི་འཁོར་ལོ།།
མ་ཎི་འཁོར་ལོ། ཨོཾ་མ་ཎི་པདྨེ་ཧཱུྃ་
ཇོ་བའི་སྐུ་མདུན་ན་འཁོར་བའི་མ་ཎི་འཁོར་ལོ།།
ཐང་ཀའི་ཞལ་ངོགས་ན་འཁོར་བའི་མ་ཎི་འཁོར་ལོ།།
གླེགས་བམ་བར་གསེང་ན་འཁོར་བའི་མ་ཎི་འཁོར་ལོ།།
འདོན་རྟའི་དབྱངས་རིམ་ན་འཁོར་བའི་མ་ཎི་འཁོར་ལོ།
མ་ཎི་འཁོར་ལོ། ཨོཾ་མ་ཎི་པདྨེ་ཧཱུྃ་
ལོ་རྒྱུས་ཆབ་རྒྱུན་བཞིན་འཁོར་བའི་མ་ཎི་འཁོར་ལོ།།
དུང་བ་མུ་ཏིག་བཞིན་ཟབ་པའི་མ་ཎི་འཁོར་ལོ།།
རེ་སྒུག་གྲངས་མེད་ལྷན་འཁོར་བའི་མ་ཎི་འཁོར་ལོ།།
ཁ་བ་བོད་ཡུལ་ན་འཁོར་བའི་མ་ཎི་འཁོར་ལོ།།
མ་ཎི་་འཁོར་ལོ། ཨོཾ་མ་ཎི་པདྨེ་ཧཱུྃ་