གཅན་ཡེ་རྒྱམ། ༢༠༡༢ལོའི་ཟླ་ ༡༠ བའི་ཚེས་ ༢༠ ཉིན།
བྱང་ཨ་རིའི་བདེན་པའི་མེ་ལྕེ་སྐོར་བསྐྱོད་དེ་ཝེ་སི་ཀོན་སིན་གྱི་གྲོང་ཁྱེར་མེ་ཌེ་སིན་དུ་འབྱོར་ནས་༢༠༡༢ལོའི་ཕྱི་ཟླ་༡༠བའི་ཚེས་༢༠ཉིན་ UWགཙུག་ལག་སློབ་གྲྭའི་དཔེ་མཛོད་ཆེན་མོའི་མདུན་ཐང་དུ་གྲོང་ཁྱེར་སྤྱི་ཁྱབ་ཇོ་ཕུ་རི་སི་མཆོག་དང་། ས་གནས་སྤྱི་མཐུན་ཚོགས་པའི་ཚོགས་གཙོ་ཁམས་ལུང་སྤྲུལ་སྐུ་མཆོག་གིས་གཙོ་བའི་འཐུས་མི་ལྷན་རྒྱས་དང་། དགེ་འདུན་པ། སློབ་ཕྲུག་དང་མི་མང་ཁྱོན་བསྡོམས་མི་གྲངས་ཉིས་བརྒྱ་ལྔ་བཅུ་ལྷག་གིས་ཕྱོགས་གཉིས་སུ་གྲལ་བསྟར་བའི་དཀྱིལ་ནས་ཕེབས་བསུས་ཀྱིས་གྲོང་ཁྱེར་སྤྱི་ཁྱབ་ཇོ་ཕུ་རི་སི་མཆོག་གི་ཕྱག་ཏུ་ཕུལ་ནས་མཛད་རིམ་གྱི་མགོ་ཚུགས།
བོད་རྒྱལ་ཁབ་ཆེན་པོའི་རྒྱལ་གླུ་དང་ཨ་རིའི་རྒྱལ་གླུ བདེན་ཚིག་སྨོན་ལམ་སོགས་བཏང་རྗེས་རྒྱལ་གཅེས་དཔའ་བོ་དཔའ་མོ་རྣམས་ཀྱི་ཆེད་ངག་བཅད་ཀྱིས་སྐར་མ་གཅིག་རིང་མྱ་ངན་ཞུས།
རིམ་པར་ཚོགས་གཙོ་མཆོག་གིས་བདེན་པའི་མེ་ལྕེའི་སྐོར་སྐྱོད་འདི་བོད་མི་མང་གྲོས་ཚོགས་ཀྱིས་སྣེ་འཁྲིད་དེ་འཛམ་གླིང་ཤར་ནུབ་ཀུན་ཏུ་སྐོར་སྐྱོད་བྱེད་བཞིན་ཡོད་ལ། བདེན་པའི་མེ་ལྕེ་འདི་རང་ལུས་མེ་རུ་བསྒྲོན་པའི་དཔའ་བོ་དཔའ་མོ་དེ་དག་གི་མཚོན་དོད་ཡིན། འདི་དཔའ་བོ་དཔའ་མོ་དེ་དག་གི་མངོན་འདོད་སྒྲུབ་བྱེད་ཀྱང་ཡིན་པས་ང་ཚོས་ཀྱང་མེ་ལྕེ་འདི་དང་མཉམ་དུ་དྲིལ་བསྒྲགས་ཤུགས་ཆེན་བྱེད་པ་དང་། མཚན་རྟགས་བསྡུ་རུབ་ཤུགས་ཆེན་བྱས་ནས་ཕྱི་ཟླ་བཅུ་གཉིས་པའི་ནང་མཉམ་འབྲེལ་རྒྱལ་ཚོགས་ལ་བོད་ཀྱི་དཔའ་བོ་དཔའ་མོ་རྣམས་ཀྱི་མངོན་འདོད་དང་བོད་མི་མང་གི་མངོན་འདོད་སོགས་འབུལ་རྒྱུ་ཡིན་པའི་བཀའ་སློབ་གནང་བ་དང་།
དེས་རྗེས་གྲོང་ཁྱེར་སྤྱི་ཁྱབ་ཇོ་ཕུ་རི་སི་མཆོག་གིས་དེ་རིང་བདེན་པའི་མེ་ལྕེ་འདི་དང་མཉམ་དུ་ཡང་བསྐྱར་བོད་རིགས་གྲོགས་པོ་ཚོ་དང་ཐུགས་བྱུང་བས་དགའ་སྤྲོ་ཚད་མེད་བྱུང་སོགས་དང་། ད་ལྟའི་བར་ཡ་ང་སྙིང་རྗེ་མེད་པར་སྡུག་སྦྱོང་ཚད་མེད་བའི་འོག་བོད་མི་ས་ཡ་གཅིག་ལྷག་འདས་གྲོངས་སུ་ཕྱིན་པ་དང་། ད་དུང་ཡང་སྡུག་སྦྱོང་ཚད་མེད་འོག་རང་ལུས་མེ་རུ་བསྒྲོན་ནས་དཔའ་བོ་ང་ཅུ་ང་གྲངས་ཕྱིན་པ་འདི་བསམ་ན་སེམས་ནས་བཟོད་གླགས་དཀའ་བས་ན་གང་མགྱོགས་འདི་མཚམས་འཇོག་ཡོང་བའི་རེ་འབོད་ཡོད་སོགས་གསུངས་སོང་།
དེའི་རྗེས་གཞོན་ནུ་ཚོགས་གཙོ་མཆོག་གི་བཀའ་སློབ་དང་། བོད་རང་བཙན་སློབ་ཕྲུག་ཚོགས་པའི་རྒྱུན་ལས་ལོཡེ་སི་མ་ཊེ་ནོ་མཆོག་གིས་བཀའ་སློབ་གྲུབ་མཚམས་
བདེན་པའི་མེ་ལྕེ་དང་༧གོང་ས་མཆོག་གི་སྐུ་པར་མཐོང་གྲོལ་ཆེན་མོས་མདུན་བསུས། རང་ལུས་མེ་རུ་བསྒྲོན་པའི་དཔའ་བོ་དཔའ་མོ་རྣམས་ཀྱི་སྐུ་པར་ལག་ཏུ་བཟུང་ནས་གྲལ་བསྟར་ཏེ་ཁྲོམ་གཞུང་རྒྱུད་གོམ་བགྲོད་མགོ་ཚུགས་ཤིང་ ཁྲོམ་གཞུང་གི་མི་མང་བརྒྱ་ཕྲག་མང་པོར་བོད་ནང་གི་ཛ་དྲག་པའི་གནས་སྟངས་ཡིག་ཆ་ཁག་འགྲེམ་སྤེལ་དང་བོད་དོན་རྒྱབ་སྐྱོར་གྱི་མཚན་རྟགས་བསྡུ་རུབ་བྱེད་བཞིན་གྲོས་ཚོགས་ཀྱི་ཚོགས་ཁང་མདུན་དུ་འབྱོར། གྲོས་ཚོགས་ཀྱི་ཚོགས་ཁང་ལ་བསྐོར་བ་གཅིག་བྱས་ཏེ་མི་མང་གི་འདོད་མོས་ལྟར་བདེན་པའི་མེ་ལྕེ་མཉམ་དུ་སྐུ་པར་བསྒྲོན་ཟིན་པ་དང་དེ་རིང་གི་མཛད་རིམ་ལེགས་པར་གྲོལ།
སང་ཉིན་༢༠༡༢།༡ཨ།༢༢ཚེས་ཉིན་ཅེག་རྒྱལ་ཁབ་ནས། ཧང་གྷ་རིའི་རྒྱལ་ས་བུ་རྡ་པེས་ཊེ་ལ་བོད་མིའི་ཡུ་རོབ་སྤྱི་འཐུས་ཐུབ་བསྟན་དབང་ཆེན་ལགས་སོགས་ཀྱིས་བདེན་པའི་མེ་ལྕེ་དེ་འདིར་འཁོད་མི་མངས་འཐུས་མི་ཅིག་ལ་རྩིས་སྤྲོད་ལ་ཕེབས་གཏན་འཁེལ་བ་ལྟར་ང་ཚོ་བོད་རིགས་ཡོད་ཚད་དང་བོད་ཀྱི་གྲོགས་པོ་ཚོས་ཀྱང་ཕེབས་བསུ་དགའ་སྤོབས་ཆེན་པོའི་ངང་ནས་སྒུག་ནས་བསྡད་ཡོད་ལགས། གསར་འགྱུར་གྱི་ཚུལ་དུ་ཀརྡོས་ཕུལ། །
མདང་སྤྱི་ཚེས་༢༢གཅིག་དང་ཕྱེད་ཀའི་ཐོག ཡུ་རོབ་བདེན་པའི་མེ་ལྕེ་དེ་ཡུ་རོབ་སྤྱི་འཐུས་སྐུ་ཞབས་ཐུབ་བསྟན་དབང་ཆེན་ལགས་དང་། ཁོང་གི་ཕྱག་རོགས་མོ་ཊའི་བདག་པོ་སི་པེན་གྱི་མི་རིགས་ཡིན་པ་སྐུ་ཞབས་ཅ་བིའམ་ཁ་ཡར་བེ་ལགས་རྣམ་གཉིས་ནས། ཅེག་རྒྱལ་ཁབ་ནས་བདེན་པའི་མེ་ལྕེ་གདན་དྲངས་པས་ན།
ང་ཚོ་རང་རིགས་བོད་རིགས་དང་ཧང་གྷ་རི་པ། སོག་པོ་དང་རྒྱ་གར་སོགས་མི་སྣ་ཉི་ཤུར་ཉེ་བས་དགའ་སྤོབས་ཆེན་པོས་ཕེབས་བསུ་དང་། རྒྱབ་སྐྱོར་མཚན་རྟགས་བསྡུ་རུབ་དང་། ལྷན་ཚོགས་ཀུན་ལ་རིས་མེད་ཆོས་ཚོགས་ནས་གསོལ་ཇ་ཞལ་ལག་འབུལ་བཞེས་དང་།
དེ་རིང་ཞོགས་པ་ཚུ་ཚོད་བདུན་དང་ཕྱེད་ཀའི་ཐོག་ཕེབས་བསྐྱལ་གང་གཟབ་དང་སྦྲག་ཁྱིམ་མཚེས་རྒྱལ་ཁབ་ཨས་ཊོ་རི་ཡའི་རྒྱལ་ས་ཝེ་ནའི་ཕྱོགས་སུ་་ཆིབས་འཁོར་བསྒྱུར་གནང་བའི་གནས་ཚུལ་རག་བསྡུས་ཙམ་དུ་ཀརྡོས།