ནང་མི་རེ་ལ་དགའ་ཕྱོགས་ཐ་དད་རེ།

Comments (18) on “ནང་མི་རེ་ལ་དགའ་ཕྱོགས་ཐ་དད་རེ།”

1. སྙན་ངག་པ་འབའ་སྲས།

   ཨ་མདོ་ནས་ཨ་མའི་མངལ་དུ་སྦྲུམས།།
   ཁམས་ཕྱོགས་ལ་ཁམས་བསང་བྱས་ཏེ་འོང་།།
   དབུས་གཙང་གི་དབུས་ལ་མཇལ་ནས་ཐོན།།
   ཁྱོད་ཉིད་ཀྱིས་ཁྱོད་ལ་མཐོང་རྒྱ་བསྐྱེད།།

   འབའ་ཡུལ་ནས་འབའ་བའི་སྙན་ངག་པ།།
   ལྷ་ས་ནས་ལྷ་ཡི་བྱིན་རླབས་ཞུས།།
   བལ་ཡུལ་ནས་བལ་བོའི་མཐོང་ཐོས་རྙེད།།
   རྒྱ་གར་ནས་རྒྱ་ཆེན་ཕྱག་ལས་གནང་།།

   ཁ་་་་བ་ཡི་ཁ་དོག་སེམས་ལ་གནས།།
   སྒང་་་་་བ་བོད་སྒང་གཞུང་མེད་པར་བྱམས།།
   བསམ་་་་པ་ཡི་བསམ་དོན་རྒྱ་ཆེ་བ།།
   གཏན་་་་་ཏུ་ནས་གཏན་ཏུ་དོན་གྱིས་ཕྱུག།

   སྙན་ངག་གི་སྙན་ངག་འབྲི་ལ་མཁས།།
   རྩོམ་རིག་གི་རྩོམ་རྩལ་ཁྱད་དུ་འཕགས།།
   རིག་གནས་ལ་རིག་པའི་དབང་ཕྱུག་སྟེ།།
   འབའ་སྲས་ཀྱི་འབའ་སྒྲ་ཕྱོགས་སུ་གྲགས།།

   བྱམས་བརྩེ་ཡིས་ནང་མི་དགའ་ཞིང་སྐྱིད།།
   ཕྱི་ཐག་གིས་གྲོགས་ཀྱི་དུང་བ་བཟུང་།།
   བློ་གྲོས་ཀྱིས་ཤེས་བྱའི་གནད་འགག་ཕུག།
   ཁྱོད་ཉིད་ཀྱི་ཡོན་ཏན་བརྗོད་དཀའ་ཡང་།།

   དེ་རིང་ངས་ཁྱེད་ཀྱི་མཚན་ཐོག་ནས།།
   ཕུལ་བ་ཡི་སྙན་ངག་ཚིག་བཅད་དག།
   ཁྱེད་རང་གི་སྙན་ངག་ཀློག་པ་པོ།།
   གནམ་བུ་ཡི་སེམས་ཀྱི་དགའ་བ་ཡིན།།

2. འབའ་སྲས་ཀྱིས་ཡག་ཐག་ཆོད་བྲིས་འདུག དགའ་སོང་།

3. འགྲིག་འདུག

4. གཞན་གྱི་དགའ་བ་རང་གིས་མ་བཟོད་ན།།
   རང་གི་དགའ་བ་གཞན་གྱིས་མ་བརྩི་ན།།
   འཚོ་བ་གོུ་དོག་ཁབ་མིག་འདྲ་འདྲ་དང་།།
   སྒེར་གཅོད་སྒེར་གཅོད་ཟེར་བ་དེ་ལས་ཅི།།

   ཁྱིམ་ཚང་སློབ་གསོ་སྒེར་གཅོད་ཡིན་དང་ན།།
   གཞུང་གི་ལམ་སྲོལ་མང་གཙོ་ཡིན་ཀྱང་རུང་།།
   དོན་གྱིས་རྒྱ་དམར་ཚང་དང་ཁྱད་པར་མེད།།
   ཞབས་འདྲེན་ད་དུང་ཞུ་ན་རང་གིས་ལྟོས།།

   མི་ཡི་དགའ་ཁ་བསད་བཏང་ན།།
   མི་ཡི་ནུས་པ་བསྡམས་པ་རེད།།
   མི་ལ་རང་དབང་དགོས་དོན་ཡང་།།
   མི་ཡི་དགའ་ཁ་སྐྱོང་གི་ཕྱིར།།

   མང་གཙོ་མང་གཙོ་ཟེར་བ་དེ།།
   ས་དང་རྡོ་ཞིག་གང་ནས་ཡིན།།
   རང་དབང་འདྲ་མཉམ་གུ་ཡངས་གསུམ།།
   མང་གཙོ་ཚང་གི་རྒྱན་ཆ་ཡིན།།

   ཁྱོད་ཀྱིས་གཅིག་གཞོག་གཉིས་གཞོག་མ་བྱེད་དང་།།
   གཞོགས་ནོ་མང་ནི་མེད་ན་ཉུང་ནི་མེད།།
   གཞོག་གི་གཞོག་གི་མཐའ་མ་ཚད་འདི་སྐྱེལ།།
   ད་དུང་ད་དུང་གཞོག་མིན་འདང་ཞིག་རྒྱོབ།།

   ཡར་ལ་ལྟོས་ནས་འདང་ཞིག་རྒྱོབ།།
   གསར་གཏོད་ཉི་ཟེར་མེད་པ་ཅི།།
   མར་ལ་ལྟོས་ནས་བློ་ཞིག་འགུལ།།
   རང་ཚུགས་ཅན་ནི་ག་ཚོད་ཡོད།།

   དགའ་ཁ་མེད་ན་རང་གཤིས་མེད།།
   རང་གཤིས་མེད་ན་རང་ཚུགས་མེད།།
   དགའ་ཁ་སྡང་བའི་གཏེ་བོ་རྣམས།།
   མང་གཙོ་གསོད་ཀྱི་སྟ་རེ་ཡིན།།

   ཚང་མ་འདྲ་འདྲ་ཆགས་དོན་དང་།།
   ལས་ཀ་མེད་པའི་འགག་རྩ་ཡང་།།
   མདོར་ན་དགའ་ཁ་མེད་པའི་རྒྱུ་མཚན་དང་།།
   དགའ་ཁ་བཅོམ་པའི་ནག་ཉེས་ཡིན།།

5. ངེས་གཏན་མེད་པའི་འཇིག་རྟེན་ཟླུམ་པོ་འདིར།།
   གྲངས་མེད་མི་བུ་སྣ་ཚོགས་ཀྱིས་གངས་བས།།
   མི་བུ་སོ་སོར་བསམ་ཚུལ་སྣ་ཚོགས་པས།།
   དགའ་མོས་ཡོད་མེད་ཐ་དད་ཡོད་མེད་ཀྱང་།།
   རང་རང་སོ་སོའི་དགའ་མོས་གང་ཡོད་ལ།།
   སྟངས་སྟབས་ལེགས་པོས་ལོངས་སུ་སྤྱོད་པ་དང་།།
   གཞན་གྱི་དགའ་མོས་རང་གི་དགའ་མོས་ལས།།
   གཞན་ཞིག་ཡིན་ཡང་དེ་ལ་བརྩི་མཐོང་གིས།།
   མངོན་པར་བསྟོད་ན་ད་གཟོད་སྡུག་ཆུང་ལ།།
   ཕན་ཚུན་དབར་ལ་རྙོག་གླེང་ཆེས་ཉུང་བས།།
   མི་རྣམས་རང་རང་དགའ་མོས་མི་འདྲ་ཡང་།།
   རང་རང་གང་དགའི་ལས་ལ་འཇུག་པ་ལ།།
   གཅིག་གིས་གཅིག་ལ་ཕྲག་མི་བྱེད་པར།།
   གུ་ཡངས་དང་ནི་བསམ་ཤེས་བྱས་ན་བདེ།།

6. ཁ་བརྡ་དྲྭ་བདག་ལགས། ངའི་ཨ་པེའུ་ནང་ནས་ཟིན་བྲིས་ཁ་ཐུག་འགྲོ་ཐུབ་ཀྱི་མི་འདུག་ག་རེ་ཡིན་ནམ།

7. ཨ་ཕ་རྒྱ་ཡི་རྒྱུག་ཁྱི་བྱེད་ལ་དགའ། །
   ཨ་མ་བོད་པར་སྤྲུག་ཤིང་བཟོ་ལ་དགའ། །
   བུ་ཕྲུག་ཨ་རིར་གསང་སྤྱོད་འཁྲུ་བར་དགའ། །
   ཕ་མ་བུ་གསུམ་དགའ་ཕྱོགས་སོ་སོ་རེད། །

8. ཨ་ཕ་ཤོ་སྦགས་རྒྱན་རྩེད་རྩེ་བར་དགའ། །
   ཨ་མ་འདྲ་མིན་བཤད་ཡམ་འཐེན་ལ་དགའ། །
   བུ་ཕྲུག་འཁྱམ་ཁྱི་བཞིན་དུ་རྒྱུག་ལ་དགའ། །
   ཕ་མ་བུ་གསུམ་དགའ་ཕྱོགས་སོ་སོ་རེད། །

9. ཧ་ཧ་ཧ……..དེ་བས ཁ་དཔེར་
   མི་སུམ་ཅུ་བསམ་བློ་སུམ་ཅུ།།
   མཛོ་སུམ་ཅུ་རྭ་ཁ་སུམ་ཅུ།།
   ཟེར་བ་མ་ཡིན་ནམ།

10. ངའི་ནང་མིའི་་་་
    ང་ནི་སྦི་ཨར་འཐུང་ལ་དགའ། །
    མོ་ནི་ཁོ་ཕི་འཐུང་ལ་དགའ། །
    བུ་མོ་ཐུགས་སྤྲོ་གཏོང་ལ་དགའ། །
    བུ་ནི་ཡོད་ཚད་འཐུང་ལ་དགའ། །

    ང་ཚོ་བཞི་ཡི་དགའ་ཕྱོགས་བཞི། །
    བཅོས་མའི་དགའ་ཕྱོགས་ཐ་དད་བཞི། །
    འབྲི་རྒྱུ་ཟད་ནས་བྲིས་པ་ཡིན། །
    ཀློག་རྒྱུ་ཟད་པས་ཀློག་པར་འཚལ། །

11. ཆུང་མ་ལ་མ་དགའ་གཏན་ནས་མིན།།
    བུ་ཕྲུག་ལ་བྱམས་སྐྱོང་མེད་པ་མིན།།
    ནང་མི་རེར་དགའ་ཕྱོགས་ཐ་དད་རེ།།
    སྙན་ངག་གིས་བཤད་ན་ཅི་ལ་སྐྱོན།།

12. འབའ་སྲས་ལགས། ཉི་མ་ལྷ་ས། ཡག་པོ་ཞེ་དྲག་བྲིས་འདུག། ངག་བདེ་བོ་ཞེ་དྲག་མེད་ཐལ། སྐད་མགོ་མཐོ་པོས་རྡུང་ལེན་གླུ་ངག་ལ་བཅངས་ནས་ཡག་པོ་ཞིག་འཐེན་ཐུབ་སོང་བསམ།
    འབའ་སྲས་ལག་གི་དག་ཆ།།
    འབའ་སྲས་ངག་གི་སྒྲིག་སྦྱོར།།
    འབའ་སྲས་ཡིད་གི་འཆར་སྣང་།།
    ང་རང་དགའ་སའི་གླུ་རེད།

13. འབའ་སྲས་དབུས་གཙང་མི་ལ་སྡང་པོ་རེད་ཟེར་བ་བདེན་པ་རེད་དམ།

14. རང་གི་ནང་མིའི་གནས་སྟངས་ཤིག།
    ལག་སོའི་རོལ་མོ་ལ་ཆགས་པས།།
    ཀློག་པ་བོ་ཡི་རྣ་བ་ཟུང་། །
    སྙན་པའི་གཏེར་ཏུ་བྱས་པར་མཚར། །

15. Tama ཨ་མདོ་བ་ལ་ཕྲག་དོག་བྱེད་གི་རེད་ཟེར་བ་བདེན་ནམ།

16. ཨ་ཕ་ཕྱི་ནས་དགའ་རོགས་འཚོལ་ལ་དགའ།།
    ཨ་མ་ལྐོག་ནས་འཛེག་རེ་རྒྱག་ལ་མཁས།།
    བུ་ཆུང་ཚོ་ནི་ཁ་རྩོག་ཉན་ལ་དགའ།།
    ཐ་དད་དགའ་ཕྱོགས་མང་ན་རྙོག་དྲ་རེད།།

    ཨ་ཕ་མཛེས་མའི་གདོང་ལ་བལྟ་བར་དགའ།།
    ཨ་མ་དོན་མེད་ཕྲག་དོག་བྱེད་ལ་དགའ།།
    བུ་ཕྲུག་དེ་ཚོ་གསང་བཤད་ལ་དགའ།།
    ཐ་དད་དགའ་ཕྱོགས་མང་ན་ནང་འཁྲུག་རེད།།

17. རེབ་ཐོག་མདའ་་་འབོད་པའི་སེམས་ཅན་ཁོ་་ཡང་གྲི་དང་སྟ་རེ་གཉའ་ལ་བཀྱགས་ནས་་ཟུར་གཞོག་མགོ་གཅོད་ཀྱི་གཏེ་བོ་ཞིག་ཡིན་པར་སྙམ།།

18. གནམ་བུ་ཡིས་རྣམ་པར་བསྟོད་པ་དང་། །
    ཁ་ཅིག་གིས་ཁ་དམེ་བྱེད་པ་གཉིས།།
    དོན་དངོས་སུ་དོན་ལ་གནས་པ་གང་།།
    མ་འཚལ་ཡང་ཚང་མར་ལགས་སོ་ཞུ།།