བོད་བརྙན་དྲ་བས་མཉེན་ཆས་བོད་འགྱུར་ལས་གཞི་དངTEDབོད་འགྱུར་ལས་གཞིའི་མགོ་བརྩམས།

   ད་རེས་ཀྱི་སློབ་སྐབས་འདི་ནས་བོད་བརྙན་གྱིས་མཉེན་ཆས་བོད་འགྱུར་ལས་གཞི་དངTEDབོད་ འགྱུར་ལས་གཞི་སོགས་ལས་ཀའི་རྣམ་གྲངས་ཁ་ཤས་ཤིག་སྒྲུབ་མགོ་བརྩམས་པ་ལ། མིང་དང་བརྡ་ཆད་སོགས་གང་ཞིག་བོད་དུ་བསྒྱུར་ཡང་ཀུན་གྱི་ཐོག་མ་ལ་ལོ་ཙཱ་བའི་ལག་ ཆ་སྟེ།  མིང་མཛོད་ཁ་ཚང་ཞིག་མཁོ་ཆེ་བ་ནི་ཤིན་ཏུ་ནས་ཀྱང་སྨོས་མ་དགོས་པས། Goldendictའམ་གསེར་ལྡན་མིང་མཛོད་ཟེར་བ་བོད་ཡིག་ཏུ་བསྒྱུར།

དེ་ཡང་གསེར་ལྡན་མིང་མཛོད་ཅེས་པ་འདི་ནི་དེང་སྐབས་འཛམ་གླིང་ཁྱོན་ལ་སྐད་གྲགས་ཡོད་ཅིང་བྱེད་ནུས་འཐུས་ཚང་བའི་མིང་མཛོད་མཉེན་ཆས་ཤིག་སྟེ།  མཉེན་ ཆས་འདི་ནི་མིང་མཛོད་ཡིག་ཆ་ཁ་འབྱེད་བྱེད་ཅིག་ཡིན་པས། ང་ཚོས་རང་ལ་མཁོ་བའི་རྒྱ་བོད་དབྱིན་གསུམ་སོགས་མིང་མཛོད་སྣ་ཚོགས་གསེར་ལྡན་ མིང་མཛོད་འདི་ལ་བརྟེན་ནས་བེད་སྤྱད་ཆོག   མཉེན་ཆས་འདི་ནིUTF-8སྤྱོད་ མཁན་ཞིག་ཡིན་པས་ཡིག་རིགས་སྣ་ཚོགས་ཀྱི་མིང་མཛོད་གང་མང་དུས་གཅིག་ལ་ཁ་ཕྱེ་བ་ དང་བཤེར་འཚོལ་བྱེད་ཐུབ་པར་མ་ཟད། མིང་མཛོད་ཡིག་ཆེའི་རྣམ་གཞགBabylonཡི.BGLཡིག་ཆ།  StarDictཡི.ifo/.dict/.idx/.synཡིག་ཆ། Dictdཡི.index/.dict(.dz)ཡིག་ཆ། ABBYY Lingvoཡི.dsl/.lsa/.datཡིག་ཆ་སོགས་སྣ་ཚོགས་ཀྱིས་རྒྱབ་སྐྱོར་བྱེད་ལ། དེ་མིན། ཝེ་ཁེ་རིག་མཛོད་སོགས་དྲ་བར་ཡང་འཚོལ་ཐུབ་པ་སོགས་དགེ་མཚན་ཆེན་པོ་ཡོད།

དེ་ དང་སྟབས་ལེགས་པ་ཞིག་ལ། ན་ནིང་སྐུ་ཞབས་ལུག་ལགས་ཀྱིས་དབུ་མཛད་དེ་དུང་དཀར་གྱི་ལམ་བུ་ཞེས་དུང་དཀར་མིང་ མཛོད་ཆེན་མོ་གློག་ཀླད་དུ་འཇུག་པའི་ལས་གཞི་ཞིག་བརྩམས་པར་བརྟེན། མིང་མཛོད་འདི་ཆ་ཚངwordཔར་ མ་རུ་གྲུབ་ཚར(ད་ལྟ་མཐའ་མའི་ཞུ་དག་གི་སྒང་སྟེ། མིས་འདང་གི་མི་འདུག་པས་འདི་ལ་ཞུ་དག་བྱེད་རོགས་ཞུ་རྒྱུ་མཁྱེན)ནས། བོད་བརྙན་གྱི་དགེ་ལེགས་ལ་སྤྲད་དེGoldendictཡི་ མིང་མཛོད་གཞི་གྲངས་སུ་བཟོ་རྩིས་ཀྱིས་ཀུན་གྱི་སྤྱན་སྔར་འཁྱེར་བདེ་འཆར་བདེ་ ཡོང་ངེས། འོན་ཀྱང་། གསེར་ལྡན་དུ་རྒྱ་དབྱིན་གཉིས་ཀྱི་མིང་མཛོད་མི་ཉུང་མོད། བོད་ཡིག་གི་དུང་དཀར་མིང་མཛོད་གཅིག་པུ་མ་གཏོགས་མེད་ན་ལོ་ཙཱ་བའམ་སྤྱོད་མཁན་ དག་གི་དགོས་མཁོ་ཡོངས་སུ་སྐོང་མི་ཐུབ་པས། དག་ཡིག་གསར་བསྒྲིགས་དང་། བོད་རྒྱ་མིང་མཛོད་ཆེན་མོ། རྒྱ་བོད་མིང་མཛོད་ཆེན་མོ།  དཔེ་ཆོས་ཚིག་མཛོད།  ཟློས་སྒྲའི་མིང་མཛོད།  བོད་ རྒྱ་དབྱིན་གསུམ་གྱི་གསར་བྱུང་རྒྱུན་བཀོལ་མིང་མཛོད། བོད་རྒྱ་དབྱིན་གསུམ་གྱི་ཆ་འཕྲིན་ལག་རྩལ་མིང་མཛོད། བོད་རྒྱ་དབྱིན་གསུམ་མམ་བོད་རྒྱ་གཉིས་ཀྱི་གྲངས་རིག  དངོས་ལུགས། རྫས་འགྱུར། ཁྲིམས་ལུགས། དངུལ་རྩ། ནང་དོན་རིག་པ། གསོ་རིག སྤྱིར་བཏང་གི་མིང་མཛོད་སོགས་བོད་ཡིག་གི་མིང་མཛོད་གང་ཡོད་ཡོད་རྣམས་ཕྱོགས་ གཅིག་ཏུ་བསྡུས་ཏེ།  ཆེད་ལས་མི་འདྲ་བའི་མི་ཐམས་ཅད་ཀྱིས་སྤྱོད་བདེ་བ་ཞིག་བཟོ་བསམ་ནའང་། ད་སྐབས་དེ་དག་གི་བཅོས་རུང་པར་མWordརྙེད་ཀྱི་མི་འདུག་པས།  གལ་སྲིད་སུ་ཞིག་གི་ཕྱག་ཏུwordབཅོས་རུང་པར་ཡོད་པའམ་གྲོགས་ཉེ་དགའ་སོགས་བརྒྱུད་ནས་རག་ཐུབ་ན་ཡིན་གཅིག་མིན་གཅིག་དྲ་བ་དེར་བསྐུར་བར་སྙིང་ཐག་པ་ནས་ཐུགས་རྗེ་ཆེ་ཞུའོ།  །

དེ་མིན།  དུང་དཀར་མིང་མཛོད་ལ་མཐའ་མའི་ཞུ་དག་བྱེད་མཁན་གྱི་མིས་འདང་གི་མི་འདུག་པས། བོད་ཡིག་ཆེད་ལས་ཡིན་པ་དག་ཞུགས་པར་འབོད་སྐུལ་བྱེད་ཀྱི་འདུག

འབྲེལ་བ་ཞུ་ཡུལ། gelek46@gmail.com