ཐེ་བོ་ཤེས་རབ་རྒྱ་མཚོ།
<<བོད།-དུས་རབས་ཉེར་གཅིག་པའི་རྒྱ་ནག་གི་རྩིབ་རུས་གཉེན་པོ>> །ནི་ངས་ཐེངས་དང་པོ་ བཀླགས་པའི་ཝང་ལི་ཞུང་གི་རྩོམ་ཡིག་ཡིན་ལ།རྩོམ་ཡིག་དེའི་མགོ་ནས་མཇུག་བར་ བཀླགས་ཚར་དུས་ངས་ངོ་གདོང་གཏན་ནས་མཐོང་མ་མྱོང་ཡང་རྒྱ་མི་གཞན་དག་ལས་ཁྱད་དུ་ འཕགས་པའི་ཝང་ལི་ཞོང་གི་རྩོམ་ཡིག་དེའི་གནད་དོན་ལ་དཔྱད་ཞིབ་བྱེད་སྐབས་བརྗོད་ ཚིག་རེ་ཟུང་ཐད་ནས་ཅུང་ཟད་ཐལ་ཆ་ཆེ་ཞིང་།ཞིབ་འཇུག་བྱེད་སྟངས་ཐད་ཕྱོགས་རེ་བའི་ ཆ་འགའ་རེ་ཡང་མཐོང་བ ྱུང་།དེ་ལྟ་ནའང་།གཞི་རྩའི་ཆ་ནས་ཁོང་གིས་དྲང་ཚུགས་བཟུང་ཞིང་།དངོས་ཡོད་དང་ བདེན་པ།་ལོ་རྒྱུས་དངོས་ལ་ཁ་ཕྱོགས་ཡོད་པ་དང་དྲང་བདེན་ཁས་ལེན་མཁན་ཞིག་ཡིན་པས་ ངས་ཁོང་ལ་སེམས་ཁོང་ནས་གདེང་འཇོག་བྱས་ཤིང་།ངས་ཁོང་ལྟ་བུའི་རྒྱ་མིའི་རྩོམ་པ་ པོ་ཞིག་ལ་སེམས་གཏིང་ནས་རེ་བ་བཟུང་བ་ཡིན།མ་ཟད་ང་ལ་ཁོང་རང་ཅིས་ཀྱང་རང་རེའི་ བཙན་བྱོལ་སྤྱི་ཚོགས་ཁྲོད་དངོས་སུ་ཡོང་དགོས ་ངེས་ཀྱི་རྒྱ་མིའི་རྩོམ་པ་པོ་ཞིག་ཡིན་པའི་བསམ་ཚུལ་སྐྱེས་ཤིང་།རོགས་པ་ཚོར་ ཡང་དེ་ལྟར་བཤད་པ་ཡིན།་མ་གཞི་གོང་གི་རྩོམ་ཡིག་དེ་ནི་ཁོང་གིས་རང་དབང་གི་ཉི་ འོད་མེད་པའི་ཁོར་ཡུག་ཅིག་ནས་བྲིས་པ་ཡིན་སྟབས།ཐལ་ཆ་ཆེ་བའི་བརྗོད་ཚིག་དང་ཞིབ་ འཇུག་བྱེད་སྟངས་ལ་ཕྱོགས་རེ་བའི་ཆ་འདྲེས་པར་བདག་གིས་བསམ་ཤེས་བྱེད་ཐུབ།
ད་ ལྟ་ངའི་ཡིད་ལ་གསལ་པོ་ཞིག་མི་ངེས་ན་ཡང་།དེ་ནི་ཧ་ལམ་ལྔ་དྲུག་ཙམ་གྱི་ཡར་སྔོན་ ཡིན་པ་འདྲ།སྐབས་དེར་ངས་རྡ་རམ་ས་ལ་ཀིརྟིའི་བྱེས་པ་གྲྭ་ཚང་དུ་སློབ་གཉེར་བྱེད་ བཞིན་ཡོད་ལ།དེ་ནས་བཟུང་ངས་བོད་སྒྱུར་བྱས་པའི་ཝང་ལི་ཞོང་གི་རྩོམ་ཡིག་ཡོད་ཚད་ བཀླགས་ཤིང་ནང་དོན་ལ་དཔྱད་ཞིབ་མཐིལ་ཕྱིན་བྱས་པ་ཡིན།ས་བྱི་ལོའི་ཞི་རྒོལ་ཆེན་ མོའི་རྗེས་སུ་བྲིས་པའི་<<རང་བཙན་གྱི་ལམ་ཡིག་>> གིས་ང་ལ་དེ་རིང་རྡ་རམ་ས་ལ་ན་ཡོད་པའི་ཝང་ལི་ཞོང་གི་བོད་རྒྱའི་བར་གྱི་གནད་དོན་ཐད་ལྟ་ཚུལ་འཛིན་སྟངས་འདི།དེ་སྔ་
<<བོད།དུས་རབས་ཉེར་གཅིག་པའི་རྒྱ་ནག་གི་རྩིབ་རུས་གཉེན་པོ>>་ ལས་རྦད་དེ་ནམ་མཁའ་དང་ས་གཞི་ནང་བཞིན་བར་ཁྱད་ཆེན་པོ་བྱུང་ཡོད་པའི་ངོས་འཛིན་ ཐོབ་བྱུང་།ངེས་པར་དུ་བསམ་གཞིགས་བྱེད་ཤེས་པའི་མི་ཞིག་ཡིན་ཕྱིན་དོན་དངོས་འདི་ ཅིས་ཀྱང་ཁས་ལེན་དགོས་པ་ཞིག་ཡིན།དེ་ལྟར་ཁས་མ་བླངས་ན་དེ་ནི་ཟླ་བའི་དཀྱིལ་ འཁོར་གྱི་ནག་ཐིག་ལ་མཛུབ་མོས་བཙུགས་ནས་ཟླ་བའི་དཀྱིལ་འཁོར་ནི་ནག་པོ་རེད་ཅེས་ བཤད་པ་དང་ཅིས་མི་མཚུངས།
བདུན་ ཕྲག་ཁ་ཤས་ཀྱི་ཡར་སྔོན་རྡ་རམ་ས་ལ་ནས་ངའི་རོགས་པ་ཞིག་གིས་ཁ་པར་ནང་ངས་ལོ་འགའི་ ཡར་སྔོན་ནས་རང་རེའི་བཙན་བྱོལ་སྤྱི་ཚོགས་ཁྲོད་ཅིས་ཀྱང་རྒྱུས་ལོན་བྱེད་དུ་ ཡོང་ན་ལེགས་པའི་རེ་སེམས་བཅངས་མྱོང་བའི་རྒྱ་ནག་གི་རྩོམ་པ་པོ་གྲགས་ཅན་ཝང་ལི་ ཞོང་ཁ་རྩང་དངོས་སུ་རྡ་རམ་ས་ལར་སླེབས་ཡོད་པའི་གནས་ཚུལ་བཤད་བྱུང་བས།ཉིན་འདི་ ཚོའི་རིང་ངས་ལྷོ་ཕྱོགས་ནས་རྡ་རམ་ས ་ལར་ཁོང་ལ་གཟབ་ནན་གྱིས་ཉན་པ་ཡིན་ལ།་ཉིན་འདི་ཚོའི་རིང་ངས་ཁོང་ལ་ངོ་རྒོལ་ བྱེད་མཁན་ཚོར་དེ་བས་གཟབ་ནན་གྱིས་ཉན་པ་ཡིན།ངས་དེ་ལྟར་གཟབ་ནན་གྱིས་ཉན་སྐབས་ ཁོང་ལ་ངོ་རྒོལ་བྱེད་མཁན་ཚོའི་རྣམ་འགྱུར་སྟོན་སྟངས་ལ་ངང་ཐུང་དང་འཚང་འཚུབ། ཁོང་ཁྲོ་དང་ཧོལ་རྒྱུག་གི་ཆ་འདྲེས་ཤིང་།ཁོང་ཚོའི་བཤད་སྟངས་ལ་འུར་འདྲོག་དང་ མུན་འཐོམ་གྱི་ཆ་འདྲེས་པས་ངས་སྔོན་ཆད་རེ་བ་བཅངས་ མྱོང་ཞིང་ངའི་སེམས་ཁོང་ན་གོ་གནས་ངེས་ཅན་ཟིན་ཡོད་པའི་བཙན་བྱོལ་ནང་གི་གཞོན་ སྐྱེས་རྩོམ་པ་པོ་འགས་དེ་རིང་ང་ལ་ཡིད་ཆད་དུ་བཅུག་བྱུང་།སྦས་གསང་མེད་པར་བཤད་ ན་ཁོང་ཚོའི་བྱེད་སྟངས་དེ་ནི་དུས་རབས་སྔོན་མའི་ནང་དམར་པོའི་རིང་ལུགས་ལ་ཨ་ གསར་གྱིས་དབྱིངས་ཞུགས་པའི་དམར་སྲུང་དམག་མི་ཚོའི་བྱེད་སྟངས་ལས་ལག་ཏུ་སྨྱུ་ གུ་ཐོགས་མཁན་གྱི་དུས་རབས་གསར་པའི་ནང་གི་ན་གཞ ོན་གསར་པ་ཚོའི་བྱེད་སྟངས་ཤིག་དང་གཏན་ནས་མི་འཚམ།
གལ་ སྲིད་བོད་རྒྱའི་བར་གྱི་གནད་དོན་འདི་༸གོང་ས་མཆོག་གི་དགོངས་གཞི་ལྟར།་བོད་རྒྱ་ གཉིས་གདོང་དང་གདོང་ཐུག་ནས་ཁྲག་བཞུར་མ་དགོས་པར་དབུ་མའི་ལམ་ནས་བཀྲ་ཤིས་ལོ་ ལེགས་ཀྱིས་ཐག་གཅོད་བྱེད་དགོས་ན།་རྒྱ་བོད་སུ་ཡིན་ནས་གདམ་ག་གཉིས་པ་མེད་པ་ནི་ ཕན་ཚུན་བཟོད་བསྲན་དང་གུ་ཡངས་ཀྱི་ཐོག་ནས་གཅིག་གིས་གཅིག་ལ་དཀའ་ངལ་ཅི་ཡོད་ རྒྱུས་ལོན་བྱས་ཏེ་སྐད་ཆ་བཤད་རྒྱུ་འདི་ཡ ིན་ལ།འདི་ལ་ཇི་ལྟར་ཡོལ་གཟུར་བྱས་ན་བོད་རྒྱའི་བར་གྱི་གནད་དོན་ཐག་གཅོད་བྱེད་ རྒྱུར་དེ་ལྟར་འགོར་འགྱང་ཐེབས་ངེས་ཡིན་པས།དེ་ནི་ཧ་ཅང་མིག་རྒྱང་ཐུང་དྲགས་པའི་ བྱེད་སྟངས་ཤིག་ཡིན་པ་དང་།དེའི་མཇུག་འབྲས་ནི་བོད་རྒྱའི་བར་གྱི་ལོ་རྒྱུས་ནང་ ཡང་བསྐྱར་ཁྱོད་ཤི་ང་གསོན་གྱི་ཟུངས་ཁྲག་གི་ལེའུ་གཞན་ཞིག་གི་ཁ་ཕྱེ་བ་ཙམ་ཡིན་ པས་སྐབས་དེར་ཐོན་ན་ཅི་འདྲའི་སྐྱི་གཡའ་ཞ ིང་ཞེད་སྣང་སྐྱེ་དགོས་པ་ཞིག་ཡིན་ངེས་རེད།ཡང་གཅིག་བཤད་ན།དམངས་གཙོའི་ལམ་ལུགས་ ནང་ཕྱི་གསལ་ནང་གསལ་ཡིན་པ་ལས་སྦས་སྐུང་དང་བཙན་ཤེད་འགྲོ་ས་མེད་པ་ཡིན།་གལ་ སྲིད་ཁོང་རྒྱ་གཞུང་གིས་ཆེད་དུ་བཏང་བའི་བོད་མིའི་ནང་བསམ་བློའི་གསང་བ་སྔོག་ མཁན་ཞིག་ཡིན་པའི་དབང་དུ་བཏང་ན་ནི་ང་ཚོས་ཆེད་དུ་ཁོང་ལ་གསང་མྱུལ་བྱེད་པའི་གོ་ སྐབས་ཤིག་སྤྲོད་དགོས།་གང་ཡིན་ཞེ་ན། ད་ལྟའི་དུས་སུ་ང་ཚོ་ལ་རིང་པོ་རིང་པོ་དང་ཐུང་ཐུང་ཐུང་ཐུང་བྱས་ཏེ་འཁྱེར་ནས་ འགྲོ་མཁན་གྱི་རྒྱ་ནག་གི་གསང་མྱུལ་བ་ཞིག་ཧ་ཅང་མཁོ་ནས་བསྡད་ཡོད།