༄༅། །རྒྱ་ཆེའི་ཀློག་པོ་སྤྱི་དང་ཤེས་བྱའི་གནས་ལ་འབད་འབུངས་གནང་བཞིན་པའི་མ་འོངས་སོན་རྩ་རྣམས་ལ་ཞུ་རྒྱུར། ཁྱེད་རྣམ་པས་མཁྱེན་གསལ་ལྟར། ཕ་ཡུལ་ཤེས་བྱའི་བང་མཛོད་ནི། མ་འོངས་བོད་ཀྱི་སོན་རྩ་རྣམས་ཀྱི་བོད་ཀྱི་ཐུན་མོང་མ་ཡིན་པའི་སྐད་ཡིག་གཙོས་པའི་ཤེས་ཡོན་ཡར་རྒྱས་གཏོང་རྒྱུའི་ཆེད་དུ་ཡིན་པས། འདིར་ང་ཚོས་འཕྲོད་བསྟེན་དང་། གནའ་དེང་གི་རྒྱུན་ཤེས། མཚར་གཏམ། བརྩམས་སྒྲུང་དང་། དེ་བཞིན་ཚན་རིག་ཤེས་བྱ་ལ་སོགས་པའི་སྒྱུར་རྩོམ་རིགས་བཅས་སློབ་ཕྲུག་གི་ཁམས་དང་མོས་པ་གཙོ་ཆེར་དམིགས་ནས་པར་སྐྲུན་ཞུས་དང་ཞུ་བཞིན་ལགས་ན། དམིགས་ཡུལ་དེ་ཉིད་འགྲུབ་པར་ཁྱེད་རྣམས་ཀྱི་ཕྱར་གྲུ་མཉམ་འདེགས་ནི་མེད་དུ་མི་རུང་བའི་ཆ་རྐྱེན་དུ་འགྱུར་ཡོད། དེར་བརྟེན་རང་རེའི་སློབ་མ་རྣམས་ཀྱི་རྣམ་དཔྱོད་སྒོ་འཕར་འབྱེད་པའི་འགན་འཁྲི་མངའ་བའི་རྩོམ་པ་པོ་ཡོངས་དང་། ཤེས་རིག་གི་ལམ་བུར་གོམ་སྟབས་སྒྱུར་བཞིན་པའི་སློབ་མ་རྣམས་ཀྱིས་འདི་གའི་དམིགས་ཡུལ་དང་འཚམས་པའི་འབྲི་རྩོམ་ཞལ་འདེབས་ཆུ་མོའི་རྒྱུན་ལྟར་གནང་བའི་ཐོག དོ་བདག་གི་སྡོད་གནས་ཁ་བྱང་གསལ་པོ་དགོས་གལ་ཆེ། ང་ཚོས་ཁྱེད་རྣམས་ཀྱི་འབྲི་རྩོམ་འདོན་ཐེངས་གང་དུ་ཐོན་པ་དེ་ཉིད་རྩོམ་ཕུད་དོད་དུ་ཁ་གྲངས་ ༣ རེ་གཏོང་རྒྱུ་ལགས། དེ་བཞིན་དེང་གི་དུས་སུ་གློག་འཕྲིན་འཕེལ་རླབས་དང་འབྲེལ་ནས་གློག་འཕྲིན་གཏོང་གནང་བ་ཕལ་མོ་ཆེ་ཨིན་ཡིག་ལམ་ནས་གནང་བ་ཤས་ཆེ་བས། འདི་གའི་བརྙན་དེབ་ཀྱི་སྨྱུག་གྲོགས་ཚན་པ་བརྒྱུད་ནས་སྨྱུག་གྲོགས་འཚོལ་འདོད་མཆིས་ཚེ། བོད་ཡིག་ཐོག་སྨྱུག་གྲོགས་བཟོ་རྒྱུའི་དགོས་དམིགས་དང་། དོ་བདག་གི་ཁ་བྱང་ཁ་གསལ་བཀོད་དེ། གཤམ་གྱི་ཁ་བྱང་དང་པོའི་ཐོག་ཤེས་རིག་ལས་ཁུངས་སུ་གཏོང་རྒྱུ་དང་། བརྙན་དེབ་འདི་ཉིད་མངགས་ཉོ་གནང་འདོད་མཆིས་ཚེ། ཁ་བྱང་གཉིས་པའི་ཐོག་ཤེས་རིག་པར་ཁང་ལ་འབྲེལ་བ་གནང་དགོས་པ་དགོངས་འཇགས་ཞུ། ཤེས་རིག་ལས་ཁུངས་ཀྱི་རྩོམ་སྒྲིག་ཚན་པ་ནས་ཕ་ཡུལ་ཤེས་བྱའི་བང་མཛོད་ཀྱི་རྩོམ་སྒྲིག་པས།
ཕ་ཡུལ་ཤེས་བྱའི་བང་མཛོད་ཀྱི་ཡིག་འབྲེལ་ཚང་མ་གཤམ་གསལ་ཁ་བྱང་ཐོག་ཡོང་བ་ཞུ།
The Editor
PHAYUL Shejai Bangzod
DoE, Gangchen Kyishong,
Dharamsala-176215
Distt. Kangra (H.P.) India
Fax: +91 (1892) 223481
Back Issues at:www.tcewf.org
བོད་ཡིག་གི་དྲ་གནས། www.sherig.org/tb
E-mail: phayulshezod@gmail.com/yahoo.com
མངགས་ཉོའི་ཡིག་འབྲེལ་ཚང་མ་གཤམ་གསལ་ཁ་བྱང་ཐོག་ཤེས་རིག་པར་ཁང་ལ་གནང་རོགས།
Sherig Parkhang/TCRPC
R-28 Ramesh Park
Laxmi Nagar
New Delhi 110092
Tel: 22453672 E-mail: tcrpc@rediffmail.com
་་་་ འཕྲོད་བསྟེན་དང་། གནའ་དེང་གི་རྒྱུན་ཤེས། མཚར་གཏམ། བརྩམས་སྒྲུང་དང་། དེ་བཞིན་ཚན་རིག་ཤེས་བྱ་ལ་སོགས་པའི་སྒྱུར་རྩོམ་རིགས་བཅས་སློབ་ཕྲུག་གི་ཁམས་དང་མོས་པ་གཙོ་ཆེར་དམིགས་ནས་པར་སྐྲུན་ཞུས་དང་ཞུ་བཞིན་ལགས། ་་་་་་
ཡི་གེ་རིང་ཐུང་གང་དང་ཅི་ཞིག་བྲསི་ཀྱང་༼དེ་བཞིན་ ་་་་་་་་ དེ་བཞིན་་་་་༽་ཞེས་པ་མང་པོ་བྲིས་ཡང་གི་འདུག དེ་བཞིན་ཟེར་བའི་དེ་དང་བཞིན་གྱི་སྙེགས་ས་དང་དོན་གང་དང་ཅི་ཞིག་སྟོན་གྱི་ཡོད་མེད་མི་གསལ་བ་འདུག
འགྱུར་དང་གྱུར་ལའང་ཁྱད་པར་ཆེན་པོ་ཡོད། ད་དུང་༼གློག་འཕྲིན་འཕེལ་རླབས་དང་འབྲེལ་ནས་གློག་འཕྲིན་གཏོང་གནང་བ་ཕལ་མོ་ཆེ་ཨིན་ཡིག་ལམ་ནས་གནང་བ་ཤས་ཆེ་བས།༽ ཟེར་བ་འདི་འདྲ་བ་དོན་མི་གསལ་ཞིང་ཀློག་མི་བདེ་བར་འདུག
ཁ་སྔོན་གྱི་གསལ་བརྡ་དེ་ལས་ཡར་རྒྱས་ཆེ་ཙམ་སོང་འདུག་པས་དགའ་སྤྲོ་སྐྱེས་སོང་། འདི་ཡང་ཡར་རྒྱས་ཀྱི་རྣམ་པ་ཞིག་རེད་ཡ།
རྩོམ་འཆལ་རེ་སྐུར་འདོད་ཀྱང་ཁྱོད་ཚོའི་དགོངས་པར་འཕྲོད་དཀའ་བས་ན་རེ་ཞིག་འཇོག་གི་ཡིན།
རྩོམ་པ་པོ་ཡིན་ཟེར་མཁན་ཚོས་ཆེན་པོ་རྐྱང་རྐྱང་འབྲི་བཞིན་ཡོད་པས་ཞ་ཡེ་ཆུང་ཆུང་ཚོ་ལ་ཁམས་ནོ་འབྲི་ཤེས་ནི་མ་རེད། བཙན་བྱོལ་ནང་མཚར་བའི་བྱིས་པ་ཚོའི་བོད་ཡིག་སྐྱོ་ནོའང་འདི་ལ་རག་ལས། ཐུགས་རྗེ་གཟིགས་བོད་པའི་ཞ་ཡེ་འདི་ཚོ་ལ་བསམ་པའི་རྒྱགས་ཕྱེ་གྱ་ནོམ་པ་རེ་གནོངས་རོགས་ཞུ།
ངའི་ཤིང་གི་མི་ལྷ་སར་གནས་སྐོར་ལ་སོང་བའི་སྒྲུང་དེ་བསྐུར་ས་ཞིག་རྙེད་སོང་།
ཨ་ཁུ་སྟོན་པའི་སྒྲུང་གཏམ་གསར་པ་ཞིག་བྲིས་ཡོད་ དེ་བསྐུར་ན་ཡག་རྒྱུ་རེད་བསམ་ཀི་ ཡང་མིན་ན་ཇོ་མོ་ཡང་དག་སྒྲོལ་མ་བསྐུར་ན་བྱིས་པ་དེ་ཚོ་དགའ་རྒྱུ་རེད་བསམ་ཀི་ ཧ་ཧ་ཧ་ གང་ལྟར་གཅིག་བསྐུར་རྒྱུ་ཡིན་
ང་ཚོས་ཕ་ཡུལ་ཤེས་བྱའི་བང་མཛོད་དུ་དུས་ནས་དུས་སུ་རྩོམ་སྐུལ་གསལ་བསྒྲགས་བཏང་དང་གཏོང་མུས་ཡིན། དེ་ཙམ་གྱིས་འདོད་པ་མ་ཚིམས་པར་ཤེས་རིག་ལས་ཁུངས་ཀྱི་དྲྭ་རྒྱ་དང་། ཁ་བརྡ་དྲྭ་རྒྱ་བརྒྱུད་ནས་ཀྱང་རྩོམ་སྐུལ་གསལ་བསྒྲགས་ཞུ་ཡི་ཡོད། འོན་ཀྱང་ད་ཕན་ལ་ཡ་ལན་གནང་མཁན་བྱུང་མ་སོང་། ད་ལན་མཆན་བུ་འདེབས་མཁན་བྱུང་བ་ཙམ་གྱིས་དགའ་པོ་བྱུང་། དེ་ནི་བཟང་ཕྱོགས་ཀྱི་རྣམ་པ་ཞིག་ཏུ་འཁུམས། མི་རིང་བར་རྩོམ་གྱི་ཞལ་འདེབས་གནང་མཁན་གང་མང་ཡོང་བའི་རེ་བ་ཆེ། ཀླུ་སྨྱོན་ལགས་ཀྱི་”ཤིང་གི་མི་ལྷ་སར་གནས་སྐོར་དུ་སོང་བའི་སྒྲུང་”ཁ་བརྡ་དྲྭ་རྒྱ་བརྒྱུད་ནས་བཀླགས་ཟིན། འོན་ཀྱང་རྩོམ་འབྲི་མཁན་གྱི་བཀའ་འཁྲོལ་མེད་པར་བེད་སྤྱོད་བྱེད་མི་བདེ་བ་དང་། འབྲེལ་ཡོད་ལ་ཐད་ཀར་འབྲེལ་བ་ཞུ་ས་མེད་པས་ནར་འགྱངས་སུ་ལུས་པ་རེད། ད་ལན་ཁྱེད་ཀྱི་འདོད་པ་ལྟར་མི་རིང་བར་དུས་དེབ་དུ་དགོད་རྒྱུ་ཡིན། ཁྱེད་ཀྱིས་ང་ཚོར་ཁྱེད་ཀྱི་མཚན་དང་། སྦྲགས་ཐོག་ཁ་བྱང་ཁག་གོང་གི་གློག་འཕྲིན་ཐོག་གཏོང་གནང་ཡོང་བ་ཞུ།
ང་ཚོས་རྩོམ་འབྱོར་རིགས་སློབ་ཕྲུག་གི་ཁམས་དང་གནས་ཚད་ལ་འཚམ་མིན་བལྟས་ཏེ། བདམས་པ་ལས་རྒྱུ་མཚན་གཞན་གང་གི་ཐོག་ནས་ཀྱང་འདེམས་ཀྱི་མེད། རྩོམ་ཡིག་འབྱོར་རིགས་པར་སྐྲུན་ཞུས་མིན་ལ་མ་ལྟོས་པར་ཕྱིར་སློག་བྱེད་ཀྱི་མེད་པ་དགོངས་འཇགས་ཞུ།
རེ་སྐུལ་ཞུ་རྒྱུ་གཞན་ཞིག་ནི། ང་ཚོས་ད་ཕན་ལ་ཕ་ཡུལ་ཤེས་བྱའི་བང་མཛོད་འདོན་ཐེངས་ ༡༤༨ དང་། ཕ་ཡུལ་ཕྱོགས་བསྒྲིགས་དེབ་ཕྲེང་ ༥༡། གངས་ལྗོངས་བརྙན་དེབ་ ༡༩། གླིང་སྒྲུང་ ༩། ཐ་སྙད་དེབ་ཕྲེང་ ༤། དེ་མིན་དཔེ་དེབ་གཞན་ ༡༣ བཅས་ཁྱོན་དེབ་གྲངས་ ༩༦ པར་སྐྲུན་ཞུས་ཡོད། འོན་ཀྱང་སློབ་གྲྭ་ཁག་གིས་མ་གཏོགས་རྒྱ་ཆེ་མི་མང་གིས་མཁྱེན་རྟོགས་ཅུང་ཞན་པས། ཁྱེད་རྣམས་ཀྱིས་ས་གནས་ས་ཐོག་ཏུ་རྒྱུས་མངའ་གནང་རོགས་གནང་།
ཕ་ཡུལ་ཤེས་བྱའི་བང་མཛོད་ཀྱི་རྩོམ་སྒྲིག་པས།
ཕ་ཡུལ་ཤེས་བྱའི་བང་མཛོད་ནང་གི་སྒྲུང་གཏམ་དང་ཚན་རིག་གི་པར་རིས་ནི་གྲྭ་ཆུང་རྣམས་ཀྱི་བློ་ལ་འབབ་ཤོས་དེ་ཆགས་འདུག
འོ་དེས་ན་རྩོམ་སྒྲིག་པ་ལགས་གོང་གི་རྩོམ་སྐུལ་གསལ་བསྒྲགས་དེ་ཁྱེད་ཀྱིས་བྲིས་པ་ཡིན་མིན་ཆ་མ་མཚལ་མོད་གང་ལྟར་ཚིག་སྦྱོར་དག་ཧ་ཅང་རྩིང་གི་དགོངས་པ་མ་འཚོམས་རོགས། ལྷག་པར་འབྲི་རྩོམ་ཟེར་ན་ཅི་འདྲའི་ཐ་སྙད་མི་བདེ་བ་ཞིག་རེད་ཨང་དེ་བས་རྩོམ་ཡིག་ཞེས་བཀོལ་རོགས། འབྲི་བ་དང་རྩོམ་པ་གཉིས་ནི་རང་བཞིན་གྱིས་ཐ་སྙད་མི་འདྲ་བ་གཉིས་ལགས་པས་འདི་ལྟར་བཙན་སྒྲིག་བྱེད་འོས་མ་མཆིས། ད་དུང་དབྱིན་ཇི་དང་དབྱིན་ཡིག་ཞེས་བོད་ཕྱི་ནང་གཉིས་སུ་ཅུང་གཏན་ཁེལ་ཏུ་བཀོལ་བཞིན་པའི་མིང་འདི་ལ་ཆེད་དུ་ཨིན་ཡིག་ཞེས་ལམ་འཁྱོག་ཞིག་འཐེན་ནས་འགྲོ་དགོས་དོན་ཅང་མཆིས་སམ། ལར་ནས་ཁྱེད་ཅག་གི་གསལ་བསྒྲགས་སུ་དེང་སྦྲགས་ཟམ་དུ་དབྱིན་ཡིག་བཀོལ་མཁན་མང་ཚུལ་ཙམ་ལས་བརྗོད་དགོས་ངེས་སུ་ཡོད་པའི་སྨྱུག་གྲོགས་དེ་དབྱིན་ཡིག་གི་ལམ་ནས་ཡིག་འབྲེལ་བྱེད་ཆེད་ཡིན་ནམ་ཡང་ན་བོད་ཡིག་གི་ལམ་ནས་ཡིན་ཡང་གསལ་ཁ་འདོན་ཐུབ་མེད་པ་ནི་གསལ་བསྒྲགས་འབྲི་བའི་རྩལ་རྫོགས་པའི་རྟགས་ཡིན་པ་འདྲ་ཧཧཧ། མི་འཇོན་ན་ལམ་མ་འགོག་དང་དེང་གི་བོད་འབྱོར་གཞོན་སྐྱེས་ཚོའི་ཁྲོད་ན་རྩོམ་རྩལ་ལེགས་པའི་མི་སྣ་མང་ཀི།
ཆ་མ་འཚལ།
དམར་ཁ་ཚ་ལགས།
དགོངས་ཚུལ་བཏོན་པར་ཐུགས་རྗེ་ཆེ། འབྲི་རྩོམ་ཞེས་པ་དེང་སང་སྤྱི་ཚོགས་སུ་གོ་བདེ་བ་བྱས་ནས་བེད་སྤྱོད་བྱེད་པ་བཞིན་བཀོད་པ་ཡིན། ཁྱེད་ལྟར་རྩོམ་ཡིག་ཅེས་བྲིས་ན་འགྲིགས་དང་འགྲིགས། ཨིན་ཡིག་ཅེས་པ་ཐ་སྙད་གཏན་འབེབས་སྡེ་ཚན་གྱིས་གཏན་ལ་ཕབ་པ་ལྟར། དབུས་བོད་མིའི་སྒྲིག་འཛུགས་ཀྱི་ལས་ཁུངས་འདིའི་ཕྱག་ལས་ལ་བརྩི་བཀུར་དང་། ལྷག་པར་དུ་རྒྱུ་མཚན་རྣལ་མའི་ཐོག་ནས་བལྟས་ཀྱང་། དབྱིན་ཡིག་དང་དབྱིན་ཇི་ཞེས་ལ་ལས་ཨིན་ཡིག་དང་ཨིན་ཇི་ཞེས་པ་སྒྲ་ཟོར་ཡང་ལ་འཇུག་བདེ་བས་བེད་སྤྱོད་བྱས་པ་ཡིན།
སྨྱུག་གྲོགས་སྡེ་ཚན་གྱི་དམིགས་ཡུལ་ནི། ཕྲུ་གུ་དེའི་རིགས་ཀྱིས་བོད་ཡིག་ཐོག་ནས་ཡིག་འབྲེལ་གནང་བའི་རེ་བ་བཅངས་ཏེ་སྡེ་ཚན་ཟུར་དུ་བཟོས་པ་ཞིག་རེད་ལ། བོད་ཡིག་ཐོག་གནང་རྒྱུར་ཇི་མ་ཇི་བཞིན་བྲིས་མེད་ཀྱང་བརྗོད་པ་དེ་ཉིད་ཀྱི་སྔ་ཕྱི་ཚིག་བར་ལ་ཡག་པོ་གཟིགས་ན་བོད་ཡིག་ཐོག་གནང་རྒྱུར་ཤུགས་ལ་གོ་བ་ཡིན།
མཐའ་མ་ཞུ་རྒྱུ་ལ། “མི་འཇོན་ན་ལམ་མ་འགོག་དང་དེང་གི་བོད་འབྱོར་གཞོན་སྐྱེས་ཚོའི་ཁྲོད་ན་རྩོམ་རྩལ་ལེགས་པའི་མི་སྣ་མང་ཀི།”ཞེས་བཀོད་དེ་བཀའ་བཀྱོན་གནང་འདུག ཁྱེད་ཀྱི་ཚིག་འདི་བྱུང་ན་འདི་ལྟ་བུ་དགོས་ཀྱི་འདུག་སྙམ། “མ་འཇོན་ན་ལམ་མ་ཁོག་དང་། དེང་གི་བོད་འབྱོར་གཞོན་སྐྱེས་ཚོའི་ཁྲོད་ན་རྩོམ་ལེགས་པའི་མི་སྣ་མང་པོ་ཡོད།” ཅེས་དགོས་སྙམ།
ང་འདིར་འཇོན་དྲགས་ནས་བསྡད་མེད་ལ། ཡང་རྐུབ་བཀྱག་འདི་དབང་ཡོད་ཀྱིས་བཟུང་བ་ཡང་མིན། གོང་གིས་ལས་བགོས་གནང་བར་གུས་བརྩིའི་ཐོག་ནས་གང་ཐུབ་ཅི་ཐུབ་ཀྱིས་ལས་ལ་འཇུག་བཞིན་ཡོད། བོད་པའི་སྤྱི་ཚོགས་སུ་ཡག་པོ་ཡོད་པ་རྣམས་འདིར་ཕེབས་ན་དགའ་བསུ་ཡོད།
ལམ་མ་འགོག་ཅིག ལམ་མ་ཁོག་ཅིག་གང་བརྗོད་བདེ་བ་མཁྱེན་པར་མཛོད།མ་ཡིག་དགག་སྒྲ་འདི་འདས་པ་འགོག་པ་གཙོ་ཆེ་བ་དང་། མི་ཡིག་དགག་སྒྲ་འདི་ད་ལྟ་བ་དང་མ་འོངས་པ་འགོག་པར་གཙོ་བོར་བཀོལ་བ་ཡིན།(མི་སྐྱེ་ཞེས་མ་འོངས་པ་འགོག་པ་དང་མ་སྐྱེས་ཞེས་འདས་པ་དགག་པ་ཞེས་བོད་བརྡ་སྤྲོད་དུ་གསལ།) དེར་རྟེན་མི་འཇོན་ན་ཞེས་པས་འཇོན་མི་ཡོང་ན་ཞེས་པའམ་འཇོན་བཞིན་མི་འདུན་ན་ཞེས་ཟེར་བ་རེད། ཡི་གེ་དག་པ་ལ་དག་བཅོས་བྱེད་མི་དགོས་པ་ཡིན། ཐ་སྙད་གཏན་འབེབས་སྡེ་ཚན་དང་ཁྱེད་ལ་དཀྱུས་གཅིག་ཏུ་ཤོད་འདོད་པ་ནི་བོད་རྒྱ་ཆེའི་མི་མང་གིས་བཀོལ་ཞིང་ལམ་སྲོལ་དུ་གྱུར་བའི་ཚིག་འདི་དག་ནི་རང་སོར་འཇོག་རོགས་དང་བདེ་བ་ཡིན། དབྱིན་ཇི་བཀོལ་ཤུགས་ཆེ་འམ་ཨིན་ཇི་བཀོལ་སྲོལ་ཆེ་བ་ཡིན། གོང་ནས་སྦྲགས་ཟམ་དུ་དབྱིན་ཡིག་བཀོལ་བ་མང་ཚུལ་སོགས་བརྗོད་ནས་ཤུགས་སུ་བོད་ཡིག་སྨྱུག་གྲོགས་དགོས་པར་སྟོན་འདོད་པ་ནི་འདོད་པ་དབང་བཙན་པ་ཡིན་ཟེར་ན་ལས་ཤུགས་སུ་སྟོན་པའི་ནུས་པ་ཞ་འདུག སྤྱི་ཚོགས་སུ་གོ་བདེ་བ་ཙམ་གལ་ཆེ་པར་དགོངས་ན་essayབསྐུར་རོགས་ཞེས་སྦྲགས་འབྲི་བྱོས་དང་སྤྱི་ཚོགས་སུ་གོ་དེ་བས་བདེ་སྲིད། བོད་ཡིག་རྒྱལ་གྱུར་ཅིག རྩོམ་སྒྲིག་པ་རྒྱལ་གྱུར་ཅིག གསལ་བསྒྲགས་ལས་རྒྱལ་གྱུར་ཅིག
གང་ནོར་འདུག
རྐུབ་སྟེགས རྐུབ་བཀྱག
གང་བརྗོད་བདེ
མ་འགོག་ཅིག མ་ཁོག་ཅིག
གང་བཀོལ་ཆེ
དབྱིན་ཇི ཨིན་ཇི
ཁ་སྐད་དུ།
རྐུབ་བཀྱག་ སྒང་ལ་ སྡོད་འདོད་ ཡོད་པའི་ ཨིན་ཇི་དེ་ ༼མ་ཁོག་༽མ་བཀག་ ཅིག
ཁྱེད་ཀྱིས་སྐབས་འདིའི་དང་སྒྲའི་ནུས་པ་ལ་ཐུགས་ཞིབ་གནང་ན། མ་ཁོག་དང་། ཞེས་དགོས་པ་མཁྱེན་དགོས། སྐབས་འདིར་འདས་མ་འོངས་སྐད་ཆ་ལྷག་མེད་དེ། སྐུལ་ཚིག་ངོ་བོར་གྱུར་ཟིན། བརྟག་པ་མཐའ་བཟུང་གི་སྐབས་སུ་འདས་པ་འབྲི་དགོས་པའང་མཁྱེན་དགོས་སྙམ། ཡང་”འཇོན་བཞིན་མི་འདུན་ན་”ཞེས་བརྟག་པ་མཐའ་བཟུང་གི་ཚིག་ལ་བཙན་གྱིས་འགྲེལ་བརྗོད་གཉིས་པ་གཅིག་ཀྱང་བྱས་འདུག་ཀྱང་། ཚིག་སྔ་ཕྱི་འབྲེལ་མི་བཟང་བའི་སྐྱོན་ཡང་ཞུགས་འདུག
དེང་སང་རྒྱུ་མཚན་ལ་དགའ་ཞིང་བོད་ཡིག་ལ་དུང་བ་ཡོད་པའི་བོད་རིགས་གཞིས་བྱེས་པ་མང་པོས་དབྱིན་ཇི་ལྟ་བུར་ཨིན་ཇི་ཞེས་པ་འབྲི་རྒྱུར་དགའ་བ་བྱེད་ཀྱི་འདུག ལར་ནས་ལམ་སྲོལ་དུ་གྱུར་པའི་ཚིག་ཡིན་ཡང་གསར་འདོད་ཀྱི་རྣམ་པ་དེ་ལ་རྒྱུ་མཚན་དང་ཁུངས་བཟང་བ་ཡོད་ན། འགྱུར་བ་བཏང་ཡང་དགེ་ལས་སྐྱོན་དུ་མི་འགྲོ་སྙམ། འདས་པའི་བོད་ཀྱི་སྐད་ཡིག་འཕེལ་རིམ་ནང་དུའང་དགོས་དབང་དང་དུས་སྐབས་སོགས་ལ་གཟིགས་ནས་སྐད་གསར་བཅད་གནང་འདུག་མ་གཏོགས། སྲོལ་རྒྱུན་ཡིན་པས་རང་སོར་འཇོག་དགོས་པའི་དགོངས་པ་བཞེས་མི་འདུག་སྙམ།
ཡང་ཁྱེད་ཉིད་ཀྱིས། “སྤྱི་ཚོགས་སུ་གོ་བདེ་བ་ཙམ་གལ་ཆེ་པར་དགོངས་ན་essayབསྐུར་རོགས་ཞེས་སྦྲགས་འབྲི་བྱོས་དང་”ཞེས་རིགས་བསྒྲེས་ཐལ། བོད་ཀྱི་སྐད་ཡིག་ནང་དུ་གོ་བདེ་བ་གཙོ་བཟུང་སྐད་ཆ་བཤད་པར། ཨིན་སྐད་ཚིག་དོད་བེད་སྤྱོད་བྱོས་དང་གསུངས་པ་ཐལ་དྲགས་པ་རེད། དེ་བཞིན་”སྦྲགས་འབྲི་བྱོས་དང་”ཞེས་རྗེས་དཔག་ཚད་མས་གོ་བ་བླངས་པས་མ་གཏོགས་གོ་དོན་འགྲེལ་དཀའ།
མདོར་ན། ང་ཚོའི་བརྙན་དེབ་འདི་མཁས་པ་ཆེན་པོ་ཚོའི་ཆེད་དུ་མ་རེད། བོད་པའི་སློབ་མ་རྣམས་ཀྱི་ཆེད་དུ་རེད། དེ་ལ་དཔག་པའི་འབྲི་དགོས་པ་མ་གཏོགས་འབྲི་མཁན་གྱིས་ཤེས་ཚད་བརྙན་དེབ་དུ་བཀོད་ན་མི་འཚམ་པའི་གནས་སྟངས་སུ་འགྱུར་ངེས་སྙམ།
ཕ་ཡུལ་དྲ་རྒྱའི་སྒང་བལྟ་ས་ཡོད་དམ།
ར་ས་ཕོ་ཉ་ལགས།
ཕ་ཡུལ་ཤེས་བྱའི་བང་མཛོད་རྣམས་དྲྭ་ཐོག་ཏུ་བལྟ་ས་ཡོད། དྲྭ་གནས་http://www.sherig.org ཐོག་ཕེབས་ན། ཕ་ཡུལ་གྱི་འདོན་ཐེངས་གསར་ཤོས་དེ་མདུན་ངོས་ཀྱི་གཡས་ཕྱོགས་སུ་ཡོད། གལ་ཏེ་འདོན་ཐེངས་སྔོན་མ་རྣམས་དང་། ཕ་ཡུལ་ཕྱོགས་བསྒྲིགས་དེབ་ཕྲེང་སོགས་གཟིགས་འདོད་ན། གོང་གི་དྲྭ་གནས་ཀྱི་སྟེང་དུ་”བོད་ཡིག་”ཅེས་པར་བསྣུན་པའམ། དྲྭ་གནས་http://www.sherig.org/tb/ཐོག་ཐད་ཀར་ཕེབས་ཀྱང་གཟིགས་ཐུབ། དེའི་རྗེས་ལ་”དེབ་ཁག་”ཅེས་པའི་ནང་གསེས་”རྩོམ་སྒྲིག་ཚན་པའི་དེབ་རིགས་”ཞེས་པར་ཕེབས་ན། ཕ་ཡུལ་ཤེས་བྱའི་བང་མཛོད་དང་། གངས་ལྗོངས་བརྙན་དེབ། གླིང་སྒྲུང་དོན་བསྡུས་གཞོན་ནུའི་མགྲིན་རྒྱན་རྣམས་གཟིགས་ཐུབ། དེ་བཞིན་ཕ་ཡུལ་ཕྱོགས་བསྒྲིགས་མང་ཆེ་བ་གཟིགས་ཐུབ། རིམ་པས་ཕ་ཡུལ་ཕྱོགས་བསྒྲིགས་རྙིང་པ་རྣམས་ཀྱང་བཤེར་འབེབས་ཐོག་དྲྭ་ཐོག་ཏུ་འཇོག་རྒྱུའི་ལས་རིམ་བསྒྲིགས་ཡོད།
རྩོམ་སྒྲིག་པ་མགོ་མཁྲེགས་པོ་རྡོ་འདྲ་ཞིག་ཡོད་རེད། རྩོམ་ཡིག་བསྐུར་འདོད་ཀྱི་འདོད་པ་ཁྱོན་ནས་མེད། རྩོམ་སྒྲིག་པ་དག་ཀླད་པ་ལྗང་ཁུ་ཅན་ཡིན་ན་ད་རེ་བ་བྱེད་ས་ལྷག་མི་འདུག