ཕྱི་ལོ་ ༢༠༡༢ ཟླ་ ༡ ཚེས་ ༢༣ ཉིན་སྟེ་རྒྱ་ནག་གི་དཔྱིད་གསར་དུས་ཆེན་ཉིན་རྔ་པ་རྫོང་རྨེའུ་རུ་མའི་ཞང་ཐོག་ནས་མི་མང་བརྒྱ་ཕྲག་བརྒལ་བས་ངོ་རྒོལ་སྐད་འབོད་བྱས་སྐབས་༸གོང་ས་མཆོག་གི་སྐུ་པར་ལག་ཏུ་བཟུང་ནས་མི་མང་གི་སྣེ་ཁྲིད་པའི་ཉེས་མིང་འོག་རྨེའུ་མ་ཞང་རུ་ཆེན་དང་པོའི་དཔལ་ལྡན་ཚང་གི་མག་པ་ལོ་བརྒྱ། རང་ལོ་ ༣༣ ཡིན་པ་ཁོང་ལ་ལོ་ ༤ བཙོན་འཇུག་ཁྲིམས་ཐག་བཅད་ཡོད་འདུག དཔྱིད་གསར་དུས་ཆེན་རྗེས་ལོ་བརྒྱ་དང་རྒྱལ་གཅེས་དཔའ་བོ་གཅོད་པ་ལགས་སོགས་ཉིན་དེའི་ངོ་རྒོལ་སྐབས་ཀྱི་མི་སྣ་གཙོ་བོ་སྐོར་ཞིག་རྒྱ་གཞུང་གི་ཉེན་རྟོག་མི་སྣས་ཐེངས་འགར་བརྩད་གཅོད་བྱས་ཀྱང་བྲོས་བྱོལ་བྱས་སྟབས་ལག་སོན་བྱུང་མི་འདུག་ཀྱང་། རྗེས་སུ་ལོ་བརྒྱ་རྨ་ཆུ་རྫོང་སྨད་མ་ཞང་ནས་འཛིན་བཟུང་གིས་རྔ་པ་རང་སྐྱོང་ཁུལ་གྱི་ལྟེ་གནས་འབར་ཁམས་ནས་ཟླ་བ་ཁ་ཤས་རིང་བཀག་ཉར་འོག་མནར་གཅོད་མང་པོ་མྱངས་མཐར། འབར་ཁམས་ནས་ལོ་ ༤ བཙོན་འཇུག་ཁྲིམས་ཐག་བཅད་དེ་སུ་ཁྲན་མེན་ཡང་བཙོན་ཁང་དུ་བསྐྱལ་ཡོད་འདུག ཁོང་ལ་ཁྲིམས་ཐག་གཅོད་སྐབས་འབྲེལ་ཡོད་ནང་མི་སོགས་ལ་བརྡ་ལན་མ་སྤྲད་པར་ཁྲིམས་འཛིན་མི་སྣས་གང་འདོད་བྱས་པ་ལས། ཁྲིམས་ལུགས་ཀྱིས་ཁོང་ལ་སྤྲད་པའི་ཐོབ་ཐང་གཅིག་ཀྱང་ལག་བསྟར་བྱེད་བཅུག་མེད། ཁོང་ལ་ཤུལ་དུ་ཕྲུ་གུ་གསུམ་དང་། བཟའ་ཟླ། རྒས་གཅོང་མནར་འོག་ཡོད་པའི་བཟའ་ཟླའི་ཕ་མ་གཉིས་བཅས་ཡོད་འདུག
དེ་མིན་རྨ་ཆུ་རྫོང་སྨད་མ་ཞང་བྲག་ཐོ་རུ་ཆེན་གྱི་གྲུ་ཐོག་སྡེ་བའི་སུ་དྷི་ཚང་གི་བུ་ཚེ་རིང་༼གདུགས་དཀར་༽ཡང་ལོ་བརྒྱ་དང་མཉམ་དུ་སྐབས་ཐོག་དེར་འཛིན་བཟུང་བྱས་ཏེ་རྗེས་སུ་རྔ་པ་རང་སྐྱོང་ཁུལ་གྱི་ལྟེ་གནས་འབར་ཁམས་ནས་ལོ་བརྒྱ་སྦས་སྐུང་བྱས་པའི་ཉེས་མིང་འོག་ལོ་ ༢ ཀྱི་བཙོན་འཇུག་ཁྲིམས་ཐག་བཅད་བཙོན་འཇུག་བྱས་ཡོད་ཀྱང་ཞིབ་ཕྲའི་གནས་ཚུལ་ཤེས་རྟོགས་མ་ཐུབ།
དེ་བཞིན་ལོ་བརྒྱ་དང་ཕ་མ་གཅིག་པའི་སྲིང་མོ་བྱམས་པ། རང་ལོ་ ༣༨ ཡིན་པ་ཁོ་མོ་དཔྱིད་གསར་དུས་ཆེན་ཉིན་འཛིན་བཟུང་གིས་ཟླ་བ་གཅིག་ལྷག་བཀག་ཉར་བྱས་རིང་གཅར་རྡུང་མནར་གཅོད་དྲག་པོ་བཏང་བར་བརྟེན། དེང་སྐབས་ད་རུང་དྲག་བསྐྱེད་མ་བྱུང་བར་རང་ཁྱིམ་དུ་ནད་མནར་འོག་ལྷག་ཡོད་ཅིང་། ཁོ་མོར་ཕྲུ་གུ་གསུམ་ཡོད། ལོ་བརྒྱ་དང་ཁོའི་སྲིང་མོ་བྱམས་པ་གཉིས་ཀྱི་ཕ་མིང་ལ་མཛུག་པོ་དང་། མ་མིང་ལ་རིག་ལི་ཡིན་འདུག་པ་བཅས།
བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་དང་ཀ་ཉག་ཚེ་རིང་གཉིས་ཀྱིས། ཕྱི་ལོ་ ༢༠༡༢ ཟླ་ ༨ ཚེས་ ༡༥ ལ།
ཀ་ཉག་ཚེ་རིང་དང་བློ་བཟང་གཉིས་ཀྱིས་གུས་པས།
མེར་སྲེག་ལས་ལ་དགའ་བའི། །ཀརྟི་བྱེས་པ་གྲ་ཚང་། །མེར་སྲེག་ལས་ཁུངས་ཡན་ལག །རྔ་པའི་ཁུལ་དུ་བཙུགས་སོང་། །ཨ་རི་ཆབ་སྲིད་ཚོགས་པས། །བློ་སེང་བརྒྱུད་ནས་བཏང་བའི། །ཨ་སྒོར་ག་ཚོད་བྱུང་སོང་། །ལོ་འཇུག་བྱུང་སོང་རྩིས་ཁྲ། །ལྷག་མ་ཀརྟི་བླ་མར། །
བརྟན་ཞུགས་ཕུལ་ན་མ་གཏོགས། །མགྱོགས་པོ་དམྱལ་བར་འགྲོ་ངེས། །ལྷག་བསམ་རྣམ་དག་ཐོག་ནས། །དྲང་པོ་དྲང་ཤག་ཞུས་ཡོད།།
གནའ་མི་བོད་ཀྱི་གཏམ་དཔེར། །དྲང་པོ་བཤད་ན་མི་མི་དགའ། །དབྱུགས་པ་འཁྱེར་ན་ཁྱི་མི་དགའ། །ཇི་སྐད་གསུང་པ་ནང་བཞིན། །
ཁྱེད་ཀྱི་ཐུགས་་ལ་ཕོག་ངེས། །འོན་ཀྱང་དགོངས་པ་ཞིབ་མོར། །བཞེས་ན་བདེན་ཁ་སྦྱིན་ངེས། །བུ་ཆུང་ང་ཡི་རེ་བར། །མེར་སྲེག་ལས་ཀ་དེ་ནི། །མགྱོགས་ནས་མྱུར་དུ་མཚམས་འཇོག །དགོས་པའི་བཀའ་སློབ་གནང་རོགས། །དེ་མིན་བོད་ཀྱི་བླ་མ། །དགོས་འཁོ་དེ་ཙམ་མི་འདུག །དགོས་པའི་དུས་ལ་མེད་ན། །མཆིལ་མ་བཞིན་དུ་འདོར་ངེས། །
ཡ་དེ་རིང་ས་ཀིརྟི་དང་གནམ་ཀིརྟི་ཟེར་མཁན་ཚོ་ག་བར་ཕྱིན་པ་རེད། ཨ་རྡུ་མན་ཟེར་བ་འདིས་༧སྐྱབས་རྗེ་
ཀིརྟི་རིན་པོ་ཆེ་ལ་ག་ས་ག་བར་ཁ་བཏང་དང་གཏོང་བཞིན་པ་འདི་མ་མཐོང་བ་རེད་པས། ཕྲན་གྱིས་ཕ་རོལ་
བོའི་ཁ་ལ་མི་སྨྲ་བའི་རྒྱས་འདེབས་སྙིང་བྲོ་ཡང་། ད་ཐེངས་ཁྱེད་རང་ཚོའི་སྐལ་བར་བཞག་ཡོད་དོ། །