སྐར་ཁུང་དྲ་བ་སྒོ་ཕྱེས་ཡོད་།

Comments (39) on “སྐར་ཁུང་དྲ་བ་སྒོ་ཕྱེས་ཡོད་།”

1. ཡག་པོ་རེད། ཡར་རྒྱས་ནས་ཡར་རྒྱས་འགྲོ་བ་སྨོན།

2. ཐུགས་རྗེ་ཆེ། ཡིན་ནའང་སྨྱུག་མིང་འོག་སླེབས་མི་ཆོག་ན་དགོངས་པ་ཞུ་རྒྱུ་རང་རེད། ད་བར་དྲྭ་རྒྱ་དེ་མཐོང་མ་སོང་ལ་མཐོང་འདོད་ཀྱང་མིན་འདུག
   ད་བར་དུ་བཅུན་ཆེ་ནས་ད་བཅུན་ས་དེ་ཚོར་ཡི་ག་ལོག་གི་འདུག
   ཁ་བརྡ་འདི་བཀའ་དྲིན་ཆེ།

3. བོད་ཕྱི་ནང་གཉིས་ལ་མེད་པའི་ཡིག་བསྒྱུར་གྱི་དྲ་རྒྱ་འདི་འདྲ་ཞིག་སྒོ་ཕྱེས་པར་དགའ་བསུ་དང་ཆགས་ཅིག་དྲ་བ་འདིས་བྱ་བཞག་རླབས་ཆེན་སྒྲུབ་ཐུབ་པའི་རེ་བ་ཆེའོ།

4. སྐར་ཁུང་དྲ་བ་སྒོ་ཕྱེས་གནང་བ་ལ་འཚམ་ཕྲིན་བཀྲ་ཤིས་བདེ་ལེགས་གང་མང་དང་འབྲེལ། སྐད་རིགས་གཞན་ནས་སྒྲུང་གཏམ་སོགས་ཕབ་བསྒྱུར་བྱས་པ་ལས། ༧གོང་ས་༧སྐྱབས་མགོན་ཆེན་པོའི་ཕུགས་ཀྱི་ཐུགས་དགོངས་བཞིན་ཚན་རིག་གི་སྐོར་ལ་ཤེས་བྱ་མང་ཙམ་ནང་འདྲེན་ཞུ་ཐུབ་ན་ཁ་ཚ་དགོས་གཏུགས་ཀྱི་ཕན་ཐོགས་ཆེ་བར་སྙམ།

5. སྐར་ཁུང་དྲ་བ་སྒོ་ཕྱེས་པར་ཡིད་དགའ་ཞིང་རྟེན་འབྲེལ་ཞུ།
   སྐར་ཁུང་དྲ་བ་དེར་མཆན་བུ་འདེབས་པར་དངོས་མིང་སྤྱོད་དགོས་པ་དེ་ནི་དགའ་སྣང་སྐྱེ་བ་ཞིག་རེད། ད་དུང་གཏམ་ཉག་ཉོག་མི་བཤད་པའི་ཆེད་དུ་གཞན་རྩོམ་ཡག་པོ་ཀློག་དགོས་སྐོར་གསུང་བ་འདི་ཡང་དུས་ལ་བབ་པའི་རེ་སྐུལ་དང་དགོས་འདུན་ཡིན་ན། དེ་དེ་བཞིན་དུ་བྱའོ། ། སྐར་ཁུང་ལ་བསྐྱར་དུ་རྟེན་འབྲེལ་ཞུ།

6. སྐར་ཁུང་དྲ་བར་བཀྲ་ཤིས་བདེ་ལེགས་ཡོད། སྐར་ཁུང་དྲ་བ་ནང་དུ་མཆན་འདེབས་ན་དངོས་མིང་སྤྱོད་དགོས་པར་བསམ་འཆར་གང་ཡང་ཞུ་མི་སྤོབས་སོ།

7. མི་ཞིག་གིས་མིང་ཞིག་བཀོལ་ནས་སླེབས་དུས་དངོས་མིང་ཡིན་མིན་ཤེས་པར་ཤོག
   དེ་མིང་རྫུན་མིན་པར་ཤོག

8. སྐར་ཁུང་གི་སྐྱེ་སྐར་ལ་རྟེན་འབྲེལ་ཞུ། བསྐལ་བ་མ་སྟོང་བར་ཏུ་འཚོ་བར་ཤོག

9. དམིགས་དོན་འགྲུབ་པར་སྨོན།

10. སྐར་ཁུང་ཟེར་བ་འདི་ལ་འགྲེལ་བ་རིགས་གསུམ་རྒྱས་བ་ཞིག་ཡོད་པར་ཞུ།

    རྟ་མགྲིན་མགོན་པོ་ཕྱག་རྡོར་དཔང་ཕྱུག་ལ་སོགས་མདོ་ཁམས་སྒང་གི་ལྟེ་བ་གང་ནས་ཡོད།།
    པ་སངས་མིག་དམར་ལྷག་པ་ཕུར་བུ་དབུས་གཙང་རུ་བཞིའི་ཕྱོགས་མཚམས་ཀུན་ན་རྩི་ཐབས་མེད།།
    སྒྲོལ་མ་འཕགས་མོ་གདུགས་དཀར་ལྷ་མོ་ཆོལ་གསུམ་རིས་མེད་གང་ས་གང་ན་མེད་ས་མེད།
    བསྟན་འཛིན་རྒྱ་མཚོ་འབུམ་ཁྲིར་བརྒལ་བའི་ཡུལ་གྲུ་འདི་ནས་དངོས་མིང་བཀོད་པའི་དགེ་བ་ཅི།།

    དེ་ནས་རྩོམ་ལ་རྩོམ་ཡོན་ཡོད་ན་མཆན་ལ་མཆན་ཡོན་མི་འབབ་པ་ཅི་ཕྱིར།

    དྲ་བདག་པ་ཚང་མར་ལམ་འགྲོ་ཡོངས་བར་ཤོག
    སྨྱུག་མིང་འཛིན་པ་ཐམས་ཅད་ཡུན་གིས་རྒྱལ་བར་ཤོག

11. ༼ སྐར་ཁུང་དུ་ཐོན་པའི་རྩོམ་རྣམས་ལ་མཆན་བུ་བཏབ་ལོས་ཆོག་ཀྱང་དངོས་མིང་བེད་སྤྱོད་གཏོང་མཁན་ཚོར་མ་གཏོགས་མཆན་བུའི་གོ་སྐབས་མེད། ༽ཚིག་རྐང་འདི་ལ་ཉེན་ཁ་ཆེ་ཡ་དཔེར་ན་ བན་དེ་བ་དང་ གཞོན་ནུ་ཟླ་མེད་ ལ་སྟོད་བུ་ གཡུ་འབྲུག་དཀར་པོ་ མེ་ཏོག་དཀར་པོ་སོགས་ག་རེ་གནང་གི་རེད་དངོས་མིང་མིན་པ་དྲྭ་འབུ་ཚང་མའི་ཤེས་གསལ་རེད།ས་མཚམས་ག་འདྲ་བྱེད་ཡཱ།

12. ན་ག ཁུང་དུ་ཐོན་པའི་རྩོམ་རྣམས་ལ་མཆན་བུ་བཏབ་ལོས་ཆོག་ཀྱང་དངོས་མིང་བེད་སྤྱོད་གཏོང་མཁན་ཚོར་མ་གཏོགས་མཆན་བུའི་གོ་སྐབས་མེད།

13. གངས་ལྗོངས་རྒྱལ་སྲས་ལགས། ང་ལ་སེམས་ཁྲལ་མི་དགོས། ང་དེར་འགྲོ་འདོད་མེད་ཅེས་མཆན་དང་པོ་ནང་བཤད་ཟིན། རྒྱུ་མཚན་ནི་དྲྭ་ཚིགས་དེ་སྡུག་ཆེ་ནས་མིན་ཏེ། དེའི་སྒྲིག་འཛུག་ཁུར་མི་ཐུབ་པས་ཡིན། གངས་ལྗོངས་རྒྱལ་སྲས་ཟེར་བ་དངོས་མིང་ཡིན་པར་ཤོག

14. སྐར་ཁུང་། ཟེར་བའི་མིང་དེ་སྣང་བ་འགྲོ་བོར་མཐོང་་་་་་སྔ་ས་ཞིག་ནས་་་་་་་ལེགས་པོ་བཏགས་འདུག

    དངོས་མིང་དགོས་ཞེས་པའང་དོན་དུ་མི་འཚམ་མི་འདུག

    ང་ཚོ་བོད་པར་བཀར་ས་ཞིག་མེད་ན་གང་བྱུང་དུ་སྨྲ་བ་ཡིན་པས་་་་་་་་

    སྐར་ཁུང་དྲ་བར་བཀྲིས་བདེ་ལེགས་ཡོད།

15. སྐར་ཁུང་དྲ་བས་མི་རིགས་གཞན་གྱི་རིག་གནས་བོད་ཡིག་ཏུ་འགྱུར་ནས་ནང་འདྲེན་བྱེད་འཆར་ཡོད་པ་དེར་དགའ་བསུ་ཞུ། དེ་ནི་དགོས་ངེས་ཀྱི་བྱ་བ་ཞིག་རེད། ཁྱེད་རྣམས་ལ་བཀྲ་ཤིས་བདེ་ལེགས་ཞུ།

16. སྐར་ཁུང་དེ་མཐོང་རྒྱ་སྐྱེད་པའི་སྒོ་ཆེན་དུ་འགྱུར་བར་གྱུར་ཅིག་གུ། ཁ་དྲོ་བཀྲ་ཤིས།

17. སྨྱུག་མིང་དེ་མེད་ན་ཐབས་མེད་ཞིག་རེད། དཔེར་ན་ཆབ་སྲིད་གི་གསར་བརྗེའི་ངོ་རྒོལ་བའི་བསླབ་བྱ་འདྲ་ཡོད་ན་སྨྱུག་མིང་དེས་སོ་སོར་སྲུང་སྐྱོབས་བྱེད་ཐུབ། ད་དུང་མིང་ནས་སྨོས་འདོད་མེད་པའི་མཆན་བུ་བ་དག་ལ་ཡང་ཕན་ཐོག་ཆེན་པོ་ཡོད། སྐར་ཁུང་དྲྭ་བ་དེའི་བོད་རིགས་བརྩོམ་པ་པོ་དེ་དག་དགྲ་ལག་སྤྲོད་འདོད་ཡོད་ན་དངོས་མིང་ཡོད་པ་མ་གཏོག་སྨྱུག་མིང་འཛིན་མཁན་ཚོ་སྤྲོད་མི་ཐུབ། ཡིན་ན་ཡང་འདིས་ཀྱང་བོད་བསྟན་པ་ཆབ་སྲིད་ལ་གནད་དུ་སྨིན་པའི་གསོས་སུ་འགྱུར་བའི་སྨོན་ལམ་ཡོད།

18. སྙིང་ཐག་པ་ནས་རྟེན་འབྲེལ་ཞུ།

19. འཆར་གཞི་ཁྱེར་ཡོང་སྟངས་དེར་བལྟས་ན་ཡག་པོ་ཡོད་པ་འདྲ། འོན་ཀྱང་བཤད་པར་མི་བལྟ་ལས་པར་བལྟ་ཞེས་པ་ལྟར་རིམ་པས་བལྟ་གི་ཡིན། དྲི་བ་གཞན་ཞིག་ཡོད་པ་ནི། གཞན་ཞིག་ནི་ཁྱེད་ཅག་རྩོམ་སྒྱུར་བ་རྣམས་ཕུད་དེ་མིན་བོད་རིགས་གཞན་གྱིས་ཆེད་རྩོམ་སྤུས་ལེགས་བསྒྱུར་ཚེ་ཁྱེད་ཚོས་འདོན་ངེས་ཡིན་དང་མིན། གོང་དུ་སྨྲས་པའི་ཡིག་སྒྱུར་བ་དེ་དག་གི་ཁྲོད་ནས་ཆད་ལྡན་ག་ཚོད་ཡོད་དམ། དེ་ལ་ང་དོག་པ་ཡོད། གནས་སྐབས་དེ་ཙམ་ཡིན།

20. སྐར་ཁུང་དྲ་བ་གསར་དུ་སྒོ་ཕྱེས་པར་དགའ་བསུ་དང་རྟེན་འབྲེལ་ཞུ། ཁྱེད་དྲ་བའི་སྒྲིག་གཞི་དང་དམིགས་ཡུལ་ལ་རྒྱབ་སྐྱོར་ཡོད། ཡིན་ན་ཡང་གུས་པས་སྐར་ཁུང་ཞེས་པའི་མིང་ཚིག་གི་གོ་དོན་ཇི་བཞིན་ཡིད་ལ་ངེས་དཀའ་བས་ན་ཅི་ཞིག་ལ་སྐར་ཁུང་ཟེར་རམ། ཡང་ན་སྐར་ཁུང་ཞེས་པའི་མིང་གི་བསྟན་དོན་ལ་མཆན་འགྲེལ་ཐུང་ངུ་ཞིག་ཡོད་པ་ཞུ།
    ཕལ་ཆེར་དཀར་ཁུང་དང་དོན་གཅིག་མིན་ལས་ཆེ་སྙམ།

21. སྐར་ཁུང་ཨང་། གླང་ཆེན་སྐར་ཁུང་ནས་འཛུལ་ཀྱང་མཇུག་མ་སྐར་ཁུང་ལ་ཐོགས་པའི་རྒྱལ་པོ་ཀྲི་ཀྲིའི་རྨི་ལྟས་དེ་མངོན་འགྱུར་ཡོང་བཞིན་འདུག་ཨང་།

22. ཧྲ་ཀི་ཧྲ་ཀི

23. ཨོ་ད་འདི་ན་ཡང་དགེ་སྐོས་བཙན་པོ་ཞིག་འདུག་ད། དངོས་མིང་པ་མ་གཏོགས་ཡོང་ས་མེད། སྡོམ་པ་ཡོད་མཁན་མ་གཏོགས་ཡོང་ས་མེད། དེ་བྱེད་དུས་ཁག་སེ་ཡིན་དྲོ། གཅིག་བྱས་ནས་ཀླུ་སྨྱོན་མ་གཏོགས་ཡོང་མི་ཐུབ། ཡིན་ནའང་ཀླུ་སྨྱོན་ཅེས་པའང་དངོས་མིང་མ་རེད།

24. སྐར་ཁུང་དྲྭ་བ་ལས་མི་ཡོངས་ལ་བཀྲ་ཤིས་བདེ་ལེགས་ཡོད། ཁྱེད་རྣམས་པའི་བྱ་བ་ལེགསའགྲུབ་དང་རྒྱུན་འཁྱོངས་ཡོང་བའི་སྨོན་འདུན་ཞུ། ད་དུང་སྐར་ཁུང་དྲྭ་བར་མཆན་རྒྱབ་པའི་ཆ་རྐྱེན་དང་པོ་དེ་དངོས་མིང་ངེས་པ་སྤྱོད་དགོས་གསུང་པ་དེ་ཧ་ཅང་གི་བྱ་བ་རླབས་ཆེན་ཞིག་མཐོང། གང་ཡིན་ཞེ་ན། མིའི་བཟང་སྤྱོད་དང་བྲལ་བའི་སྨྱུག་འཛིན་པ་འགའ་ཞིག་གིས་རང་ཉིད་མ་གཏོགས་མི་ཤེས་པའི་མིང་རྫུན་གྱི་འོག་ནས་འགན་འཁུར་མེད་པའི་དཀྲོག་གཏམ་མང་དུ་འགྲོ་བཞིན་པའི་འདི་ཡིས་སོ། དཔེར་ན། རྩོམ་པ་པོ་གང་ཞིག་གིས་རྩོམ་ཡིག་ཕུལ་བྱུང་ཞིག་བྲིས་ཏེ་གླེང་སློང་བ་ཡིན་ན་ཡང་། དྲྭ་མཆན་པ་འགའ་ཞིག་གིས་བརྗོད་གཞི་དང་འབྲེལ་བ་གང་ཡང་མེད་པའི་དོན་མེད་ཀྱི་རྙོག་གཏམ་ཁོ་ན་བཤད་དེ་དུས་འདའ་བའི་དངོས་ཡོད་ཀྱི་གནས་ཚུལ་ཡང་ཡང་ཡོང་བཞིན་པ་འདིས་ཤེས་ཐུབ། རྩོམ་གང་ཞིག་གི་བརྗོད་བྱ་དང་འབྲེལ་བ་མེད་པའི་མཆན་རྣམས་ནི་འབྲེལ་མེད་དོན་གཞན་རང་རེད། རྩོམ་བྲིས་པ་དེ་སྤྱི་ཚོགས་ཡར་རྒྱས་དང་། མིའི་ཤེས་ཡོན་དང་བཟང་སྤྱོད་ཡར་རྒྱས། ད་དུང་སྤྱི་ཚོགས་ནང་གི་དངོས་ཡོད་ཀྱི་་སྐྱོན་རྣམས་གཟུར་བོ་གནས་པའི་སྒོ་ནས་ལེགས་སྤེལ་ཉེན་འགོག་བྱེད་དགོས་པ་དེ་བོད་ཀྱི་སྨྱུག་ཐོག་པ་རྣམས་ཀྱི་ཁུར་དུ་བབ་པའི་འོས་འགན་གཙོ་བོ་དེ་རེད་སྙམ་མོ།

25. སྐར་ཁུང་དྲ་བའི་རྩོམ་སྒྲིག་པ་ཡོངས་ལ་ཐུགས་རྗེ་ཆེ། སྨྱུག་མིང་ངོས་ལེན་མེད་ཟེར་བ་འདི་ཧ་ཅང་ལེགས། ད་གདོང་སྟོན་ཕོད་མཁན་ཚང་མ་ཕེབས་ཤོག དྲ་འབུ་ཚོ་ཡང་རང་ཉིད་ཀྱི་ངོ་གདོང་གི་སྟེང་ནས་ཕེབས་ཤོག ངས་བལྟས་ན། དངོས་མིང་གི་ངོ་བོ་ནས་མཆན་སྤེལ་བའི་འཆར་གཞི་འདིའི་ཆ་ཤས་གཅིག་ལ། ད་འདྲ་པར་རེ་ཡང་ལྷན་དུ་ཡོད་པ་ཞིག་གི་རྣམ་པ་ལྡན་པ་ཞིག་ཡིན་ན་ཧྲ་ག

26. ལྷོ་པ་ལུང་རིགས་ལགས། ཉིད་ཀྱི་དངོས་མིང་། འདྲ་པར་ཞིག་ཁ་བརྡའི་སྟེང་བཞག དེ་དང་མཉམ་དུ་གོང་གི་མཆན་དེ་འགོད་ན་དགའ་བསུའི་ཐལ་མོ་བརྡེབ།
    དེ་མིན་ངུ་བྲོ་བ་ཙམ་དུ་ཟད།

27. དངོས་མིང་ཡིན་མིན་ག་འདྲ་སུ་ཤེས་ནི་རེད།
    དཔེར་ན་ངའི་དངོས་མིང་ལ་རིན་ཆེན་རེད་ངས་བསྟན་པ་ཡིན་ཟེར་ན་སུས་ཤེས་ནི་རེད།

28. དངོས་མིང་ཡིན་མིན་དེ་རང་གི་ཤེས་པའི་ཐོག་ནས་དཀོལ་སྤྱོད་ཐུབ་ན་ད་གཟོད་བཟང་སྤྱོད་ལྡན་པའི་མི་བུ་དངོས་གནས་དེ་ཡིན་པ་འདོད། གལ་སྲིད་ཁྱོད་ཀྱི་མིང་ལ་ཉི་མ་ཟེར་གི་ཡོད་ན། ཁྱེད་ཀྱིས་བཀྲ་ཤིས་ཟེར་ནས་བྲིས་པ་ཡིན་ན་དངོས་མིང་མིན་པ་ཤེས་ལྡན་སུས་ཀྱང་ཤེས་ནུས་པས་སོ། དངོས་མིང་བེད་སྤྱོད་བྱེད་པའི་ཐོག་ནས་མཆན་བྲིས་པ་ཡིན་ན་དངོས་ཡོད་བདེན་པ་ལས་བརྒལ་མི་སྲིད་པ་མ་ཟད་མ་ཉེས་ཁག་གཡོག་ཀྱང་བྱེད་མི་སྲིད། གང་ཡིན་ཞེ་ན་རང་གི་གང་གླེང་བ་ཐམས་ཅད་རང་གི་འགན་འཁུར་ངེས་པ་བྱེད་དགོས་པའི་ཕྱིར་རོ། མདོར་ན་དྲྭ་མཆན་པ་ཚད་ལྡན་ཞིག་ཡིན་ཕྱིན་༼སེམས་ཚོར་དང་འགན་འཁུར་གཉིས་ལྡན་ཞིག་ཡིན་དགོས་༽པ་སེམས། དེ་ནི་སྤྱི་ཚོགས་ལ་དགོས་ངེས་ཅན་གྱི་ཁ་བའི་ལྗོངས་ཀྱི་མི་བུ་དག་མ་དེ་རེད་སྙམ་མོ། བདེན་པ་ཉིད་རྣམ་པར་རྒྱལ་གྱུར་ཅིག

29. སེར་བྱེས་ངག་དབང་སྟོབས་ལྡན་ཞེས་པ་འདི་མཆན་ ༢༨ འབྲི་བ་པོ་ཁྱོད་ཀྱི་དངོས་མིང་ཡིན་པ་ཀློག་པ་ཚོས་ཇི་ལྟར་ཤེས།

30. བཟང་གི བཀྲ་ཤིས་བདེ་ལེགས་ཡོད། དྲ་བ་དེར་ཐོག་མ་ནས་དངོས་མིང་བཀོལ་ནས་འཛུལ་གྱི་ཡིན།

31. ཐ་ན་གུས་པའི་ཉེ་འཁོར་ཏུ་ཡོད་པའི་མི་སྟོང་ཕྲག་ཁ་ཤས་ཀྱིས་གུས་པའི་དངོས་མིང་ཡིན་མིན་ཤེས་པས་དེས་ན་ང་ཡིས་གང་བཤད་པ་དེ་ང་ཡི་འགན་འཁུར་ངེས་པ་བྱེད་དགོས་ངེས་ཡིན། མེ་ཏོག་དཀར་པོ་ཤེས་མཁན་གང་ཟག་གཉིས་པ་ཞིག་ཡོད་དམ།

32. སྐད་གཉིས་སྨྲ་བའི་ལོ་ཙྭ་བ་གྲོགས་པོ་ཁ་བརྡ་ངོ་ཤེས་སྐོར་ཞིག་གིས་སྐར་ཁུང་དྲ་བ་གསར་དུ་དབུ་འབྱེད་གནང་བར་རྟེན་འབྲེལ་ཞུ།

33. མེ་ཏོག་གངས་ལ་ཕོག་པ།
    ནམ་ཟླ་ཡལ་བའི་རྙིང་མ།
    གཡུ་སྦྲང་ང་ཡིས་ཤེས་ཀྱང།
    མེ་ཏོག་ནམ་ཟླ་ཡལ་སོང།

34. འཇིག་རྟེན་མཐོང་ཡོང་བསམ་ནས།
    སྐར་ཁུང་མདུན་དུ་སླེབས་ཡིན།
    ཁྲིམས་སྒྲིགས་ལྕགས་དྲས་གཡོགས་པས།
    བལྟ་བའི་གོ་སྐབས་མ་ཐོབ།

35. ལས་བྲེལ་གྱིས་ཞིབ་ལྟ་བྱེད་ཁོམ་མ་བྱུང་ཡང། ཇུས་འགོད་དང་དམིགས་ཡུལ་སོགས་དོ་སྣང་འདྲེན་པ་ཞིག་འདུག རྟེན་འབྲེལ་ཞུ།

36. ༧པཎ་ཆེན་གསང་ཡུམ་ཟེར་བ་དེ་ཚར་གཅིག་བཀླགས་ཟིན། ཞུ་དག་སོང་མི་འདུག གོ་ནོར་ཐེབས་པ་ཡོད་འདུག་སྙམ། གཅེན་པོ་རྒྱལ་ལོ་དོན་གྲུབ་སྤྲུལ་སྐུ་མ་རེད། དེ་ལྟག་འཚེར་རིན་པོ་ཆེ་ནོར་བ་མིན་འགྲོ དེ་འདྲ་འདུག འབྲི་མཁན་དང་བསྒྱུར་མཁན་སུས་ནོར་མིན་གང་ཤེས།

    གང་ལྟར་ཉུང་མཐའ་ལ་ཞུ་དག་ཡག་པོ་དང་བརྗོད་བདེ་བོ་ཞིག་བསྒྱུར་རྩོམ་ལ་འཛོམས་དགོས་ཀྱི་འདུག

37. སྐོམ་པར་ཆུ་དང་། ལྟོགས་པར་ཟས་ལྟར།
    སྐར་ཁུང་གི་དྲ་བ་ལས་ཕྱི་ནོར་ནང་འདྲེན་གནང་སྟངས་འདི་ནི་བོད་མི་རིགས་ཀྱི་སྐད་ཡིག་གི་གཞི་རྐང་བརྟན་དུ་འགྲོ་རྒྱུའི་མཐུན་རྐྱེན་སོགས་དགེ་མཚན་ཧ་ཅང་མང་བས།
    འབྲེལ་ཡོད་ཚང་མར་འཚམས་འདྲི་དང་བཀའ་དྲིན་ཆེ་ཞུ་འདོད་བྱུང་།

    ད་དུང་གཟབ་དགོས་པ་ཞིག་ལ་ནང་གི་ནོར་བུ་ཕྱིར་སྐྱེལ་མཁན་ཚོ་ཡང་ཐུགས་གཟབ་མ་གནང་ན་སྐད་ཡིག་གི་ཚེ་སྲོག་ལའང་གནོད་སྐྱོན་ཧ་ཅང་ཆེ། ནོར་བུ་ཕྱི་ལ་སྐྱེལ་བར་སྐྱེལ་སྟངས་རྣམ་པ་བཅོ་བརྒྱད་འདུག

    སྔར་གྱི་ལོ་ཙཱ་བ་ཚོས་ཕྱི་ཡི་ནོར་བུ་ནང་དུ་གདན་འདྲེན་གནང་བ་མང་ཞིང་། དེང་གི་ལོ་ཙཱ་བ་དེ་ཚོས་ནང་གི་ནོར་བུ་ཕྱི་ལ་བསྐྱལ་བ་མང་བ་མི་འདུག་གམ།

38. འཆར་གཞི་ཁྱེར་ཡོང་སྟངས་དེར་བལྟས་ན་ཡག་པོ་ཡོད་པ་འདྲ། འོན་ཀྱང་བཤད་པར་མི་བལྟ་ལས་པར་བལྟ་ཞེས་པ་ལྟར་རིམ་པས་བལྟ་གི་ཡིན། དྲི་བ་གཞན་ཞིག་ཡོད་པ་ནི། གཞན་ཞིག་ནི་ཁྱེད་ཅག་རྩོམ་སྒྱུར་བ་རྣམས་ཕུད་དེ་མིན་བོད་རིགས་གཞན་གྱིས་ཆེད་རྩོམ་སྤུས་ལེགས་བསྒྱུར་ཚེ་ཁྱེད་ཚོས་འདོན་ངེས་ཡིན་དང་མིན། གོང་དུ་སྨྲས་པའི་ཡིག་སྒྱུར་བ་དེ་དག་གི་ཁྲོད་ནས་ཆད་ལྡན་ག་ཚོད་ཡོད་དམ། དེ་ལ་ང་དོག་པ་ཡོད། གནས་སྐབས་དེ་ཙམ་ཡིན།

    བཙན་པོའི་བུས་བཤད་པ་བདེན་པར་འདུག
    ཡིག་སྒྱུར་བ་དེ་དག་བོད་ཡིག་ཀྱང་རང་མགོ་འཁྱོངས་མཁན་ཞིག་མི་འདུག རིག་འབྱུང་ཟེར་བ་དེ་དང་འབྲོང་བུ་ཟེར་བ་སོགས་འདིའི་ཡིག་སྒྱུར་བའི་ཁོངས་སུ་འདུས་པ་ཚང་མ་སུ་ཇཱའི་སློབ་མ་ལོ་སུམ་ཅུ་བརྒལ་ཡོད་པ་རྐྱང་རྐྱང་ཡིན་འདུག་ནའང་བོད་ཡིག་རང་མགོ་ཐོན་ལ་མ་ཐོན་རྐྱང་རྐྱང་རེད་འདུག བོད་ཡིག་ཏུ་འཕྲིན་ཡིག་འབྲི་ཐུབ་པ་ཙམ་རེ་རེད། དེ་ལྟ་བུ་དག་གིས་སྒྱུར་རྩོམ་བོད་ལ་ཕན་པ་རེ་བསྒྱུར་ཡོང་གི་སྙམ་པའི་རེ་བ་སྔར་ནས་མེད།
    དབྱིན་རྒྱ་གཉིས་ནས་བསྒྱུར་རྒྱུ་ཡིན་ཟེར། དབྱིན་ཇི་ཨའུ་ཙམ་ཡིན་འགྲོ། འདིའི་ཁྲོད་དུ་རྒྱ་ཡིག་རང་མགོ་འཁྱོངས་ཤིག་མེད་ཅེས་བདག་གིས་ཁག་ཐེག་བྱེད་ཐུབ། ཡིག་སྒྱུར་བྱེད་མཁན་ཁེ་གྲགས་མི་གཉེར་བའི་ལྷག་བསམ་ཅན་གྱི་མི་སྒེར་བ་(དབྱིན་ཇིའི་སྐད་དུ་unsungཟེར)དེ་དག་ལེགས་པོ་འདུག་ལ། དེ་དག་ལ་རེ་བའང་ཆེན་པོ་བཟུང་ཡོད།
    དང་པོ་ནས་སྐད་རྒྱག་རྒྱུ་མི་དགའ་བར་གྲུབ་འབྲས་ངོ་མ་ཞིག་བསྟན་རྒྱུ་ཡོད་ན་ཅི་མ་རུང་། འུར་རྒྱག་མཁན་མང་མེད་ན་ཉུང་མི་འདུག

39. སྐར་ཁུང་དྲྭ་བའི་ལས་མི་ཡོངས་ལ་བཀྲ་ཤིས་བདེ་ལེགས་ཞུ།