ཨོ་རྩལ་འགྲན་བསྡུར་བ་བོད་མོ་ཤི་ལོག་སྐྱིད།

Comments (29) on “ཨོ་རྩལ་འགྲན་བསྡུར་བ་བོད་མོ་ཤི་ལོག་སྐྱིད།”

1. རིག་རྩལ་ལྡན་པའི་བོད་ཀྱི་བུ་མོ་ཆོས་དབྱིངས་སྐྱིད།
   མི་རིགས་བང་རྒྱུག་འགྲན་རྩལ་ཆེན་མོ་བྱེད་པ་ན།
   བང་རྒྱུག་བྱེད་པོ་ཀུན་ལས་ལེགས་པར་རྒྱལ་བ་འདིས།
   གངས་ཅན་བོད་རིགས་ཀུན་ལ་བཀྲ་ཤིས་བདེ་ལེགས་འཕེལ།།

2. བོད་མོ་ཤི་ལོག་སྒྲོལ་མའི་ལུས་པོ་མཐོང་ཙམ་གྱིས། །
   ཨབ་ཏང་འཆང་འགྲན་མི་མོ་གཞན་རྣམས་བག་འཁུམས་གྱུར། །

3. དྲ་གྲོགས་ཚོ་བསྟོད་མ་སྔ། གལ་ཏེ་བསྟོད་ཀྱང་བསྟོད་ལུགས་བསྟོད་སྟངས་ཞིག་ཡོད་པ་སེམས་ལ་ངེས་པར་གྱིས། དེ་རིང་ཡང་འདི་ན་བསྟོད་པ་ཚད་མེད་པ་གཏོང་བཞིན་འདུག འདིའི་རིགས་ནི་ང་ཚོའི་མི་རིགས་འདི་ལ་ད་བར་གང་ཡང་ཡོད་མ་མྱོང་པའི་སྤྲང་རྟགས་ཤིག་ང་ཚོས་བསྟན་པ་ཙམ་རེད། གལ་ཏེ་སངས་ཉིན་འཛམ་གླིང་གི་ཨོ་རྩལ་འགྲན་བསྡུར་ནང་ཨང་དང་པོའི་རྟགས་མ་ལོན་ན། སྐབས་དེར་ང་ཚོས་བསྟོད་ཀྱང་འོས་པ་རེད། ད་དུང་གང་ཡིན་མ་ཤེས་སྔོན་ལ་ཆེ་བསྟོད་ཚད་མེད་འདི་ཚོ་སྤྲང་པོའི་སྤྲང་རྟགས་རང་ལས་གཞན་ཅི། དཔེར་ན་ཁ་སང་ཁ་བརྡ་དྲ་ཐོག་ན་བསམ་མེད་རེ་ཟུང་གིས་མཁན་ཚུལ་བློ་ས་སྟེང་རྒྱལ་བསྟན་ཡོངས་རྫོགས་ཀྱི་དབུ་ཁྲིད་ཆགས་གི་རེད། ཟེར་བ་དང་གཅིག་མཚུངས་རེད། ང་རིགས་ཀྱིས་ངོ་ཚ་མེད་པར་སྤྲང་རྟགས་བསྟན་པ་ལས་གཞན་གང་ཡང་མ་རེད།

4. བུ་མོ་ཤི་ལོག་སྐྱིད་ཨོ་རྩལ་འགྲན་ཁྲོད་ཞུགས་ཐུབ་པར་སྙིང་ནས་རྟེན་འབྲེལ་ཞུ། འཆི་ས་ནས་སླར་གསོན་པར་ཤོག

5. བོད་མོ་ཞིག་འདི་ལྟར་རྒྱལ་སྤྱིའི་རྩེད་འགྲན་གར་སྟེགས་སྟེང་ནས་གཟེངས་སུ་ཐོན་པར་དངོས་གནས་དགའ་འོས་པ་ཞིག་རེད། ཡིན་ཡང་ཟུར་གཞན་ཞིག་ནས་བསམ་ན། ཁོ་མོར་རང་ཉིད་བོད་མོ་ཞིག་ཡིན་པའི་སྙིང་རུས་མཁྲེགས་པོ་ཞིག་མེད་པ་ཡིན་ན། དམིགས་བསལ་དགའ་རྒྱུ་ཅང་མེད་ཀི མོ་ལ་རང་ཉིད་བོད་མོ་ཞིག་ཡིན་པའི་སྙིང་རུས་ཤིག་ཅིས་ཀྱང་མངའ་ནས་ཡོད་པར་ཤོག

6. བོད་མོ་ཞིག་ཡིན་ཙམ་གྱི་དགའ་འོས་པ་རེད་་་

7. བཀྲ་ཤིས་ཚིག་བཟང་སྔོན་དུ་བཏང་། །
   རེ་བ་ཞིག་གིས་རྗེས་ནས་སྒུགས། །
   ས་ཡ་དྲུག་གི་རྐང་གཅིག་ཁྱོད། །
   ཚེ་རིང་ནད་མེད་བཀྲ་ཤིས་ཤོག །

8. ཡག་པོ་རེད། བོད་མི་ཞིག་ཐོན་པ་ལ་ངོ་མ་དགའ། བཀྲ་ཤིས་ལམ་ལྷོངས་ཡོང་བར་སྨོན། སྙིང་ཁམས་མ་ཆུང་། སྙིང་སྟོབས་སྐྱེད། བོད་མི་ཞིག་ཡིན་ཕྱིན་ལ་རྒྱ་མེད་པ་གཏན་ནས་མི་སྲིད། ཡིན་ན་ཡང་། ལ་རྒྱ་ཁྱབ་ཆེ་ཆུང་གིས་ཁྱད་པར་ཙམ་རེད། འགའ་ཞིག་ནི་ལུང་ཁུགས་ལ་ལ་རྒྱ་ཆེ་མོད། ཆེ་ས་ལ་སྣང་མེད། ཡང་འགའ་ཞིག་ནི་དེ་ལས་ལྡོག་སྟེ་ཡོད།

9. བོད་མི་ལ་གོ་སྐབས་རེག་ན་འཇོན་མི་འཇོན་ད་རེ་ལྷང་ལ་འབུད་རྒྱུ་རེད། སྒུག་ནས་བསྡད་ཡོད། བགེགས་དང་བར་ཆད་མེད་པའི་སྨོན་ལམ་འདེབས། ཁ་ལས་རླུང་རྟ་དར་བའི་སྨོན་ལམ་འདེབས། ཁ་རྗེ་དབང་ཐང་རྒྱས་པའི་སྨོན་ལམ་འདེབས།

10. རྒྱ་མི་དུང་ཕྱུར་མང་པོའི་ནང་ནས་བོད་པའི་གཞོན་ནུ་མ་ཨོལ་རྩེད་འགྲན་ཚོགས་ལྡིང་ཆགས་སྟེང་འགྲོ་ཐུབ་པ་བྱུང་ནི། བོད་མི་གཞི་བྱེས་ཡོངས་ནས་བློ་སྤོབས་སྐྱེ་འོས་པ་ཞིག་རེད། བོ་མོ་ཤི་ལོག་སྐྱིད་ནི་ཀོང་པོ་ནས་ཡིན་པ་འདྲ་ཡང༌། བོ་མོ་ཆོས་དབྱིངས་སྐྱིད་གང་ཞིག་ནས་ཡིན་མིན་མཁྱེན་མཁན་ཡོད་པས།

11. འགྲན་རྩོད་པ་བོད་པའི་བུ་མོ་ཆོས་དབྱིངས་སྐྱིད་ལ་རྒྱལ་ཁ་ཐོབ་པའི་རེ་སྒུག་ཞུ་ནས་སྡོད་ཡོད།
    རྩོམ་སྒྲིག་པས་ཁོང་གི་མིང་ལ་ཤི་ལོག་སྐྱིད་ཞེས་འབོད་པ་རྒྱ་མཚན་གང་ཡོད་ཞིག་གསུང་དང་།
    ཅི་བྱས་ན་དྲ་རྒྱ་འདི་མ་ཉེས་སྐྱོན་འཛུགས་ཤ་རྟག་སྤེལ་སའི་ལྡུང་ར་ཞིག་ཡིན་དུས་ཁོང་ལ་ཡང་ཅི་ལབ་མེད་པ་མིང་འདོག་འདི་འདྲ་ཞིག་བཏགས་པ་ཨེ་ཡིན་བསམ།

12. བོ་མོ་བུ་མོ་ཆ་རེད། །
    སྟུ་རྐུབ་ཡོད་པ་ཆ་རེད། །ཧ་ཧ་ཧ་ཧ་

13. ཤི་ལོག་སྒྲོལ་མ་ ཤི་ལོག་སྐྱིད་ དོན་གཅིག་མིག་གི་རྣམ་གྲངས་སོ། ཧ་ཧ་ཧ་ཧ་ཧ་

14. ༼ཤི་ལོག་སྒྲོལ་མ་ ཤི་ལོག་སྐྱིད་ དོན་གཅིག་མིག་གི་རྣམ་གྲངས་སོ། ཧ་ཧ་ཧ་ཧ་ཧ་༽ ཧ་ཧ་ཧ་ཧ

15. རྟཊ་མ་ལོན་མིན་གཙོ་བོ་མ་རེད། འདིའི་སྟེང་དུ་བོད་ཅིག་ཡོད་པ་ངོ་མ་གཟི་བརྗིད་རེད། ང་ཚོས་ག་ལེར་ག་ལེར་འགོ་བརྩམ་ཆོག

16. བོད་རྒྱལ་ལོ། བཙན་པོ་གདུང་བརྒྱུད་བོད་མོ་ཤི་ལོ་སྒྲོལ་མ་ལགས་ཀྱིས་རྒྱལ་སྤྱིའི་རྩེད་འགྲན་ཆེ་མོ་སྐབས་གསེར་གྱི་གཟེངས་རྟགས་ཐོབ་པར་བཀྲ་ཤིས་བདེ་ལེགས་ཞུ་བ་དང་འབྲེལ། བོད་མོ་ཁྱེད་ཀྱི་ཤ་དང་ཁྲག་རྒྱུན་གངས་ནས་བྱུང་བ་ཡིན་མིན་མ་བརྗེད་རོགས།།

17. ཨོ་རྩལ་འགྲན་བསྡུར་ཁྲོད་གསེར་གྱི་གཟེངས་རྟགས་ཐོབ་པར་སྨོན།

18. བཀྲ་ཤིས་བདེ་ལེགས་གྲངས་མེད་ཡོད།

19. བོད་འཛངས་མོ་ཤི་ལོག་སྐྱིད་ལ། །བཀྲ་ཤིས་པའི་མེ་ཏོག་ཐོར་ནས། །བདེ་ལེགས་ངང་རྒྱལ་ཁ་འཐོབ་པ། །གུས་སྨོན་འདེབས་རྟག་ཏུ་ཞུ་ཆོག། །།

20. གྱད་མོ་ཤི་ལོག་སྒྲོལ་མ་དང། རྒྱང་རྒྱུགས་བུ་མོ་ཆོས་དབྱིངས་སྐྱིད། རྒྱལ་སྤྱིའི་རྩེད་འགྲན་ཆེན་མོའི་ཁྲོད། རྒྱལ་ཁའི་གཟེངས་རྟགས་འཐོབ་པར་སྨོན།

    ཤི་ལོག་སྐྱིད་ཅེས་བཏགས་དོན་ཅི།

21. དོན་དངོས་གནས་ཤི་ལོག་སྒྲོལ་མ་རེད་དམ་ཤི་ལོག་སྐྱིད་རེད། དྲ་གྲོགས་ཚོས་གང་བྱུང་མ་བཏགས་ན་བསམ་སོང། གང་ལྟར་བུ་མོ་འདི་ཕ་ཡུལ་གོང་པོ་ནས་རེད། བུ་མོ་ཆོས་དབྱངས་སྐྱིད་ནི་ཕ་ཡུལ་ཨ་མདོ་མཚོ་སྔོན་འདབ་བཞི་ནས་རེད། བུ་མོ་འདི་གཉིས་ཀྱིས་འཛམ་གླིང་གི་གར་སྟེགས་འདི་བརྒྱུད་ནས་ཤ་ཁྲག་གཅིག་པའི་ཆོལ་གསུམ་ཟླ་ཚོ་ལགས་སྐྱེས་ཞིག་ཕུལ་ཐུབ་པའི་རེ་བ་སྐོམ་པ་ཆུ་ལྟར་སྒུག་ནས་ཡོད། བུ་མོ་འདི་གཉིས་ཀྱི་བསམ་དོན་འགྲུབ་པའི་སྨོན་འདུན་གྲངས་མེད་ཞུ་ཞུ་ཞུ།

22. ད་ཐེངས་བོད་རིགས་བུད་མེད་གཉིས་རྒྱལ་སྤྱིའི་སྡིངས་ཆའི་ཐོག་སླེབས་ཡོད་པ་ལས་ཨ་ཕོ་ཞིག་གི་གྲིབ་གཟུགས་ཙམ་ཡང་མེད་པས་ཁ་ཤོམ་ཞེ་དྲགས་འཐེན་ས་མི་འདུག་གཱ

23. ད་ལྟ་བོད་ཀྱི་ཕོ་སར་ལས་ཀྱང་བུ་མོ་འཇོན་པ་འདི་ནི་ཕོ་སར་ཚོ་མཚོན་མ་ཁ་སྐྱེངས་དགོས་བའི་དོན་ཞིག་རེད་ལ་བོད་མོ་མཚོན་ན་དགའ་འོས་བའི་དོན་ཞིག་རེད། བོད་ལ མཚོན་ན་བཀྲ་ཤིས་བའི་དོན་ཞིག་རེད་ལ། རྒྱ་ནག་ལ་མཚོན་ན་མི་རིགས་དབྱེ་འབྱེད་དེ་ཙམ་མེད་པའི་དོན་རེད། ཁོང་གཉིས་ལ་་མཚོན་ན་རང་གི་གཟི་བརྗིད་དང་མིི་རིགས་ཀྱི་གཟི་བརྗིད། འགྲན་སྡུར་སྐབས་རྒྱ་ནག་མི་མང་གི་་རེ་བ་བཅོལ་ཡུལ་དུ་གྱུར་ཡོད་པ་འདོད། ཨ་ལེ། ཁ་རྩེད་ཙམ་ཡིན། ཁོང་གཉིས་ཨོ་རྩེད་ཞིགས་རྒྱུའི་གོ་སྐབས་བྱུང་བ་ཧ་ཅང་དགའ་པོ་བྱུང་། ཁོང་གཉིས་ཡོད་པས་ད་རྒྱ་ནག་གི་རྩེད་འགྲན་ལ་རྒྱབ་སྐྱོར་མི་བྱེད་ཐབས་མེད་རེད། མ་མཐར་ཡང་ཁོང་གཉིས་ཞུགས་སའི་འགྲན་བསྡུར་ལ་སྐྱོབ་སྐྱོར་བྱེད་ངེས་ཡིན།

24. གནས་སྟངས་གང་འདྲ་ཞིག་ལ་འགྱུར་ཡང་ངས་མོ་རང་ལ་རྒྱབ་སྐྱོར་ཡོད། ལྷད་མེད་པའི་རྩ་ཐང་གི་བུ་མོ་ཆུང་ཆུང་དེ་འཛམ་གླིང་གི་སྡིང་ཆའི་སྟེང་དུ་ཐོན་ཐུབ་པ་དེས་ང་ཚོའི་མི་རིགས་དེ་རྗེས་ལུས་མིན་པ་མཚོན་པ་བྱས་ཡོད།

25. ཨ་རོགས་ཚོ། ༼བོད་རིགས་ཀྱི་བུ་མོ་ཤི་ལོག་སྒྲོལ་མས་ཐུར་ཁེའི་དབྱི་སི་ཏན་དུ་སྤེལ་བའི་༢༠༡༡ལོའི་མཛམ་གླིང་རང་བཞིན་གྱི་ཨབ་ཏང་འཆང་འགྲན་རྩོད་ཁྲོད་གསེར་གྱི་རྟགས་མ་བླངས་པ་རེད། ༽ འདི་དང་ཨོ་རྩལ་གཉིས་ཁ་ཁ་མ་རེད་པས། དེ་གསལ་བོ་ཤེས་ན་ལེགས་པར་སྙམ། གང་ལྟར་ཤི་ལོག་སྒྲོལ་མ་ལགས་ཀྱིས་རྒྱལ་སྤྱིའི་རྩེད་འགྲན་ཁྲོད་ནས་གསེར་གྱི་རྟགས་མ་བླངས་པ་འདི་གཟི་བརྗིད་ཅིག་རེད་ལ། བོད་ཀྱི་སྐྱེས་མ་ཚོ་སྐྱེས་པ་ལས་འགྲན་ཟླ་བྲལ་བའང་མཚོན་བཞིན་པས། ངོས་ལེན་གཙང་མ་བྱེད་པའི་དུས་ལ་འཁེལ་ཟིན་པ་མ་རེད་དམ།

26. དེ་རིང་ཏང་ཀྲུང་དབྱངས་ཀྱི་སྒྱུ་རྩལ་རྩེད་འགྲན་པ་ཚོས་གསེར་གྱི་རྟགས་མ་དྲུག་ལོན་ནས། ཨ་རི་གཙོས་པའི་རྒྱལ་ཁབ་ཁག་མང་པོ་ཞིག་ཁ་སྐྱེངས་དགོས་པ་བཟོས་འདུག དཔལ་འབྱོར་དང་སྒྱུ་རྩལ་ཁག་གང་གི་ཐད་ནས་ཏང་ཀྲུང་དབྱངས་འདི་གོང་འཕེལ་གྱི་ལམ་ལ་མདུན་བསྐྱོད་བྱེད་བཞིན་འདུག འདི་ལོ་ཡང་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩེད་འགྲན་པ་ཚོར་གསེར་གྱི་རྟགས་མ་མང་ཤོས་ཐོབ་ཏེ་སྙན་པའི་གྲགས་དཀར་ས་སྟེང་ཡོངས་རྫོགས་ཁྱབ་ངེས་ཡིན་པའི་ཚོད་དཔག་དང་གདེང་ཚོད་ཡོད་སྐོར་རྒྱལ་སྤྱིའི་རྩེད་མོའི་ཞིབ་དཔྱོད་རུ་ཁག་པ་ཚོས་སྔོན་བརྡ་ཡང་བཏང་ཚར་འདུག་གོ

27. བོད་པའི་བུ་གཉིས་རྒྱལ་སྤྱིའི་གར་སྟེགས་སྟེང་སླེབས་པ་ཙམ་གྱི་དགའ་ནི་བསྡད་ཡོད། གཞིས་བྱེས་བོད་མི་ཚང་མའི་ཁོང་གཉིས་ཀྱི་བྱ་བ་ལམ་འགྲོ་ཡོང་ཆེད་གསོལ་མཆེད་རེ་བྱེད་རྒྱུ་དང་སྨོན་ལམ་འདེབས་རོགས་གནང་། མི་རིགས་ཤིག་གི་ལ་རྒྱ་རེད།

28. ནོར་བཅོས། ༼བུ་གཉིས་༽བུ་མོ་གཉིས།

29. ངས་མཚོ་སྔོན་གྱི་བུ་མོ་དེའི་སྐོར་གྱི་མཚོ་སྔོན་བརྙན་འཕྲིན་གྱིས་སྤེལ་བའི་གནས་ཚུལ་ལྟས་པ་ཡིན། སྐབས་དེ་མཚོ་སྔོན་གྱི་མགོ་ཁྲིད་མཐོན་པོ་ཞིག་གིས་འདི་ནི་བོད་རིགས་ཤིག་ཝོ་ལམ་ཕིག་ལ་ཞུགས་པ་ཐོག་མ་ཡིན་ཞེས་ནན་བརྗོད་བྱེད་ཀྱིན་འདུག་བསམ་སོང་།
    མདོར་ན་ཤི་ལོག་སྒྲོལ་མ་སྐབས་འདིའི་ཨོ་རྩེད་ལ་ཞུགས་ཡོད་རེད་དམ་མ་རེད།
    བོད་རིགས་གཅིག་ཡོད་རེད་དམ་གཉིས་ཡོད་རེད།