རྡོ་རྗེ་རིན་ཆེན་གྱིས།
——————–
རྒྱ་དང་རྒྱ་མོ་གཉིས་ང་ཡོད་སར་སླེབས་བྱུང་། ང་བོད་པ་ཡིན་ཞེས་བཤད་སྐབས་ཁོང་ཚོས་བོད་ཀྱི་སྐོར་ལ་གླེང་སློང་བྱེད་འདོད་ཡོད་ཅེས་ཟེར། རྒྱ་དེ་དང་རྒྱ་མོ་དེ་གཉིས་ལས་རྒྱ་དེ་ནི་སློབ་གྲྭའི་དགེ་རྒན་ཞིག་ཡིན་པ་དང་། ད་ལྟ་ཨ་རིའི་མཐོ་སློབ་ཏུ་མཁས་པ་བརྗེ་རེས་ཀྱི་ཚུལ་དུ་ཡོང་ཡོད། ཁོའི་ཨིན་ཇིའི་སྐད་དེ་རྒྱའི་ཨིན་ཇིའི་སྐད་རང་རེད། ལོ་ཡང་སུམ་ཅུར་ཉེ་འདུག རྒྱ་མོ་དེ་ནི་དེ་འདྲ་མ་རེད། ལོ་བཅུ་དགུ་ཡིན་པ་དང་དབྱར་ཁའི་འཛིན་གྲྭའི་ཆེད་ཨ་རིར་ཡོང་བ་རེད། དེ་རིང་ནི་ཨ་རིར་སླེབས་ཉི་མ་ཉི་ཤུ་བ་དེ་ཡིན་ཟེར། ང་ཚོས་གླེང་མོལ་བྱས་པ་རྣམས་ཁ་བརྡའི་ཚུལ་དུ་གཤམ་དུ་འདྲེན་གྱི་ཡིན།
- ཁྱེད་རང་བོད་པ་ཡིན་ནམ།
- ཡིན། ང་བོད་པ་ཡིན། སྔོན་མའི་ཨ་མདོ་རེད། དེང་སང་གི་མཚོ་སྔོན་ཞིང་ཆེན་ནས་རེད།
- བྱས་ན་ང་ཚོ་ལུང་པ་གཅིག་པ་རེད་པཱ།
- ང་ནི་ཕྱི་ལོགས་ཀྱི་རྒྱལ་ཁབ་ན་ཡོད་ཅིང་། ངའི་ཕ་མ་བོད་ན་ཡོད།
- ང་ཚོ་རྒྱ་ནག་གི་མི་དམངས་རྣམས་༧རྒྱལ་བ་རིན་པོ་ཆེ་ལ་དགའ་གི་མ་རེད། ཁྱོད་༧རྒྱལ་བ་རིན་པོ་ཆེའི་ཕྱོགས་འཛིན་པ་ཡིན་ནམ།
- མིན། ང་༧རྒྱལ་བ་རིན་པོ་ཆེའི་སློབ་མ་ཡིན། ཁྱོད་ཚོ་༧རྒྱལ་བ་རིན་པོ་ཆེ་ལ་ཅིའི་ཕྱིར་མི་དགའ་བ་རེད།
- ཁོང་གིས་བོད་རང་བཙན་རྩོད་ཀྱི་ཡོད་པ་རེད།
- བྱས་ན། ཁྱོད་ཀྱིས་བོད་ཀྱི་སྐོར་མཁྱེན་གི་ཡོད་དམ།
- ཏོག་ཙམ་ཤེས་ཀྱི་ཡོད།
- ༡༩༤༩ ལོའི་ ཟླ་ ༡༠ ཚེས་ ༡ ཉིན་ཀྲུང་གོ་རྒྱལ་ཁབ་དབུ་བརྙེས་པ་རེད།
- རེད། ངས་ཤེས་ཀྱི་ཡོད།
- ཉི་མ་དེ་ལ་བོད་རྒྱ་ཁོངས་ན་ཡོད་པ་མ་རེད། རྒྱབ་ཁབ་བཙུགས་ནས་ཅང་མ་འགོར་བར་བཅིངས་འགྲོལ་དམག་བོད་ལ་བསྐྱོད་པ་རེད་ལ། ༡༩༥༡ ལོར་གཞི་ནས་གྲོས་མཐུན་དེ་བཞག་པ་རེད། དེ་ནས་ ༡༩༥༩ ལོར་༧རྒྱལ་བ་རིན་པོ་ཆེ་བཙན་བྱོལ་ལ་ཕེབས་པ་རེད།
- ཨ་ལེ། ངས་དེ་ཚོ་ཤེས་ཀྱི་མེད།
- ད་གིན་ཁྱེད་རང་གིས་༧རྒྱལ་བ་རིན་པོ་ཆེས་རང་བཙན་རྩོད་ཀྱི་འདུག་ཅེས་བཤད་སོང་། ༡༩༧༩ ལོ་ནས་རྒྱལ་བ་རིན་པོ་ཆེས་རང་བཙན་རྩོད་ཀྱི་ཡོད་པ་མ་རེད།
- དངོས་གནས།
- རེད། ཧོང་ཀོང་གི་རྒྱལ་ཁབ་གཅིག་ལ་ལམ་ལུགས་གཉིས་ཟེར་བ་དེ་ཤེས་སམ།
- དེ་ཤེས།
- ཨོ་ དེ་འདྲ་བོ་ཞིག་རྩོད་ཀྱི་ཡོད་པ་རེད། ད་དུང་ཁྱེད་ཀྱིས་ རྒྱ་ནག་མི་དམངས་ས་ཡ་དྲུག་༧རྒྱལ་བ་རིན་པོ་ཆེ་ལ་དགའ་གི་མ་རེད་ཅེས་ལབ་སོང་། ངའི་བསམ་ཚུལ་བྱས་ན། ཁྱེད་ཀྱིས་ “རྒྱ་ནག་མི་དམངས་”ཟེར་བ་དེའི་ནང་ལ་བོད་མི་དམངས་ཀྱང་ཚུལ་ཡོད་པ་རེད། རེད་པཱ།
- རེད། དེ་ལོས་ཚུད།
- བོད་མི་རྣམས་རྒྱལ་བ་རིན་པོ་ཆེ་ལ་དགའ་ནས་ཤི་འགྲོ་གི་རེད།
- ཇོ་ལགས། དགོངས་དག་ ད་ང་འགྲོ་རན་སོང་། ངའི་གྲོགས་པོས་ང་ལ་སྒུག་བསྡད་ཡོད། ཁྱེད་དང་སྐད་ཆ་བཤད་པ་ལ་དགའ་བོ་བྱུང་།
- ཡ་ཡ། ཕེབས་དང་། དེང་སང་ཁྱེད་རང་རང་དབང་ལུང་པ་ཞིག་ལ་ཡོད་སྟབས། གནས་ཚུལ་གསར་པ་མང་པོ་ཤེས་ཐུབ་ཀྱི་རེད། ག་ལེར་ཕེབས་ཨ།
གྲོགས་པོ་ཚོ། གོང་གསལ་གླེང་མོལ་འདི་འདྲ་ཞིག་རེད། ༧རྒྱལ་བ་རིན་པོ་ཆེས་རང་བཙན་རྩོད་ཀྱི་ཡོད་མེད་འདི་ང་ཚོ་ལ་གསལ་ཐག་ཆོད་ཡོད། སྐད་ཆ་འདི་རྒྱ་བོད་ཀྱི་འཐབ་རྩོད་ནང་ཕྱིན་པ་ཡིན་ན། ང་ཚོ་བརྒྱ་ཆ་བརྒྱ་ཐམ་པ་ཤོར་མི་འདུག་གམ།
རྡོ་རྗེ་རིན་ཆེན་གྱིས་གནད་འགག་ཅན་གྱི་སྐད་ཆ་ཞིག་བཤད་འདུག དངོས་གནས་ང་ཚོ་བཙན་བྱོལ་ཏུ་འབྱོར་ནས་མང་གཙོ་ལོངས་སུ་སྤྱོད་རྒྱུ་བྱུང་ཡང། མང་གཙོའི་སྤྱི་ཚོགས་ནང་རང་གི་ལྟ་གྲུབ་དང་མི་མཐུན་པའི་ལྟ་གྲུབ་གཞན་ལ་བརྩི་བཀུར་མི་བྱེད་པ་དང། བསམ་སྤྱོད་གཉིས་ནས་ལྟ་གྲུབ་གཞན་ལ་ཆེད་དུ་བར་ཆད་དང་གེགས་རྐྱེན་བཟོ་པ་འདི་དངོས་གནས་ཐབས་སྐྱོ་བོ་རེད། ཆེས་ཐབས་ཆག་གི་བསམ་སྤྱོད་འདིའི་མཇུག་འབྲས་གོང་དུ་བཤད་པ་བཞིན་༧རྒྱལ་བ་རིན་པོ་ཆེས་རང་བཙན་རྩོད་ཀྱི་ཡོད་པ་ལྟ་བུར་གོ་ནོར་ཐེབས་པ་དེ་རེད། བོད་རང་བཙན་རྩོད་ཀྱི་ཡོད་ཟེར་མཁན་འཇམ་ནོར་མགོ་བཟུང་ནས་རྩིས་ན། མཚམས་རེར་དངོས་གནས་མི་གཤིས་ཁྱོན་ནས་མེད་པའི་སྐད་ཆ་དེ་རྫུན་མ་རྫུན་རྐྱང་དེ་འདྲ་བཤད་ཀྱི་ཡོད་པ་རེད། འཇམ་ནོར་གྱིས་ཨ་རི་ནས་རྒྱ་མི་ཤེས་ཡོན་ཅན་ཞིག་ལ་བོད་མི་བརྒྱ་ཆ་༩༠ རང་བཙན་ལ་རྒྱབ་སྐྱོར་ཡོད་པ་རེད། ཡིན་ནའང། རྨོངས་དད་ཆེ་བས་༧ཏཱ་ལའི་བླ་མའི་གང་གསུངས་ལ་ཉན་གྱི་འདུག ཆབ་སྲིད་ཀྱི་འཐབ་རྩོད་ཁྱོན་ནས་བྱེད་ཤེས་ཀྱི་མི་འདུག་ཅེས་བཤད་པ། ཕྱིས་སུ་རྒྱ་མི་དེ་རྡ་ས་གཞུང་དང་གཞུང་འབྲེལ་མིན་པའི་ཚོགས་པ་ཁ་ཤས། དེ་བཞིན་སྒེར་པ་ཤེས་ཡོན་ཅན་མི་སྤུས་ཡོད་མཁན་དེ་འདྲ་ཞིབ་འཇུག་གིས་ཐུག་སྟེ་སྐད་ཆ་འདྲི་སྐབས་གཞི་ནས་རྫུན་རྐུབ་རྡོལ་འདུག དེ་འདྲའི་དབང་གིས། ད་བར་ང་ཚོའི་རྩ་དོན་ལ་ནུས་པ་མ་ཐོན་པ་དང། བོད་རྒྱ་འབྲེལ་མོལ་ལ་ནུས་པ་མ་ཐོན་པ། རྒྱ་ནག་གཞུང་ལའང་དོགས་པ་བྱུང་བ་བཅས་བྱུང་འདུག་པ་ནི་ཚང་མས་ཤེས་གསལ་ཡིན་སྟབས། ད་ནས་བཟུང།
༡ བོད་མི་ཚོས་རང་བཙན་ཡིན་ཟེར་མཁན་རང་དོན་སྒྲུབ་མཁན་དེ་ཚོར་འབྲེལ་བ་བྱས་ན་རྩ་དོན་བརླག་ཉན་འདུག
༢ རང་བཙན་འདོད་ཀྱང་༡ འཐབ་རྩོད་ཀྱི་དགོས་དམིགས། ༢ རྩོད་མཁན་གྱི་སྒྲིག་འཛུགས། ༣ རྩོད་པའི་ཐབས་ལམ་མེད་མཁན་ཞིག་ཡིན་ན་བོད་མི་ཚོ་རྩ་བ་ནས་མགོ་འཁོར་ཉན་གྱི་མི་འདུག
༣ ༧གོང་ས་མཆོག་གིས་རང་བཙན་རྩོད་ཀྱི་འདུག་ཅེས་པ་དེའི་ཡོང་རྐྱེན་གཅིག་བཙན་བྱོལ་ནང་གི་རང་བཙན་པ་འཇམ་ནོར་དང་ལྷ་བཟང་སོགས། བོད་གཞུང་དང་༧རྒྱལ་བ་རིན་པོ་ཆེ། དེ་བཞིན་བོད་ཀྱི་རིག་གནས་དང་བཅས་པར་མི་གཤིས་དང་དམ་ཚིག་གང་ཐད་ནས་ཅི་ཡང་མེད་མཁན་ཚོའི་བྱས་འབྲས་ཡིན་པས། དེ་དག་སྐྱག་ལངས་ལ་བཏང་རིན་ཁྱོན་མིན་པ་ཤེས་དགོས་པ་རེད།
༤ འཇམ་ནོར་དང་ལྷ་བཟང་ཟེར་བ་འདི་དག་གིས་ད་བར་ལོ་ལྔ་བཅུའི་ནང་བོད་གཞུང་དང་༧གོང་ས་མཆོག་ལ་གནས་དུས་ཚོད་རྩིས་རྐྱང་རྐྱང་བྱས་འདུག་པ་ཧ་ཅང་གསལ་བོ་རེད་འདུག་པས། མི་རབས་གསར་པས་མི་འདི་དག་གི་ངོ་བོ་དང་དགོས་དམིགས་ཅི་ཡིན་ཞིབ་འཇུག་མཐར་ཕྱིན་པ་ཞིག་བྱེད་དགོས་ཚོད་གདའ།
༥ རང་བཙན་ནི་ཚོར་བ་ཙམ་དང། ཐོབ་ཐང་ཙམ་རེད་ཅེས་རྩད་བསྡད་ན། དངོས་གནས་ངོ་ཚ་བོ་དང་ཐབས་སྐྱོ་བོ་ཞེ་དྲག་རེད། དངོས་གནས་ང་ཚོ་དྲག་པོའི་ལམ་དུ་སོང་རང་བཙན་བཤད་ཁུལ་བྱས་ན། མི་གསོད་ཁྲག་སྦྱོར་ཚད་ལས་བརྒལ་བ་ཞིག་བྱས་རྗེས་ཅི་གང་མེད་པའི་མཇུག་འབྲས་ཤིག་ཐོབ་པ་གསལ་བོ་རེད། སྡུག་ས་ནས་བཤད་ན། རྒྱ་གར་ཕར་བཞག་ཞོག ཕྱི་རྒྱལ་ཁག་གི་མི་སེར་ཆགས་ཟིན་པའི་བོད་མི་ཚོའང་འདུག་ས་མེད་པ་ཞིག་བཟོ་བ་གསལ་བོ་རེད།
༦ ཕྱོགས་གང་ནས་བལྟས་ཀྱང་ང་ཚོར་རང་བཙན་ཐོབ་ཀྱི་མ་རེད་མོད། ཆབ་སྲིད་ཀྱི་ཚོང་དང་དམག་ཅིག་རྒྱུད་ན་རེ་བ་འདྲ་ཞིག་ཡོད་ན། འཚེ་བ་ཅན་གྱི་ལས་བྱེད་མཁན་དེ་འདྲ་ཡོང་སྲིད་པ་རེད་མོད། ད་ལྟ་ང་ཚོ་བོད་ལ་ལྟ་ས་ཅི་ཞིག་ཡོད་དམ། གང་ཡང་མེད་པ་གསལ་བོ་རེད། མེད་པ་འདི་འདི་ནས་ལོ ༡༠ དང་༡༥ བར་བསམ་བློ་བཏང་ན་ཡར་རྒྱས་སུ་འགྲོ་ཡི་རེད་དམ། གཏན་ནས་འགྲོ་ཡི་མ་རེད། ངས་བལྟས་ན་བོད་མི་བཙན་བྱོལ་བ་ཚོའི་དུས་ཚོད་ཡག་ཤོས་རྒྱལ་བ་རིན་པོ་ཆེ་ཞལ་བཞུགས་དུས་ཡིན་པ་རེད། དེས་ན་ཚོད་དཔག་ཅིག་གནང་རོགས། ལོ་ག་ཚོད་འགོར་ས་རེད། རང་བཙན་གང་ནས་ཡོང་གི་རེད།
༧ ང་ཚོ་བོད་མི་ཚོར་སྐྱོན་གཉིས་ཡོད་པ་ནི། རང་སྐྱོན་ཁས་མི་ལེན་པ་དང་རང་ལ་མེད་ནའང་ཅིག་ཡོད་མདོག་མདོག་བྱེད་པ་འདི་གཤིས་ཀ་རང་ལ་འཐིམས་བསྡད་ཡོད་པ་རེད། དེར་འགྱུར་བ་གཏོང་དགོས་ཀྱི་འདུག ང་ཚོ་བོད་ལ་ལྗིད་ཁོག་ག་ཚོད་འདུག་ལྟ་དགོས་ཀྱི་འདུག བཙན་བྱོལ་ནང་གི་གཞིས་ཆགས་ཚོར་ལྟོས་དང། བོད་ནང་གི་གྲོང་པ་དེ་ཚོ་བསྡུར་ས་འགྲོ་ཡི་མ་རེད། བོད་ནང་འཚོ་བའི་ཕྱོགས་རང་འགོ་རང་ཐཽན་རེད། དེ་ནས་སྐད་ཡིག་རིག་གནས་རྒྱུད་འཛིན་ཐད་གཟིགས་དང། བཙན་བྱོལ་ནང་ངོ་ཚ་བོ་ཞེ་དྲག་རེད། གནས་བབ་འདིའི་འོག་དངོས་གནས་བྱས་ན། ང་ཚོར་བོད་ནང་གི་གནས་ཚུལ་ཤེས་རྒྱུའི་ཆ་རྐྱེན་མེད་པ་དེའང་གསལ་བོ་རེད། དེས་ན་ཁོང་ཚོའི་དོན་དག་ཅིག་བཤད་རྒྱུའི་གནས་ཚད་ག་འདྲ་ཞིག་ཡོང་གི་རེད་དམ།
༨ བོད་ནང་དུ་བསམ་བློ་གཏོང་ཤེས་མཁན་དང་ཡང་ན་གནས་སྟངས་མཁྱེན་མཁན་ཞིག་ཡིན་ན། རང་བཙན་ཟེར་གྱི་མ་རེད། རང་སྲེག་གཏོང་མཁན་བརྒྱ་ཆ་ ༩༩ རང་བཙན་ཁྱོན་ནས་གསུང་གི་ཡོད་པ་མ་རེད། པཎ་ཆེན་རིན་པོ་བཙོན་གྲོལ་ཐོབ་རྗེས་དང། བོད་རྒྱ་ཞི་མོལ་དང་པོ་མགོ་ཚུགས་རྗེས་ནས་བོད་རང་བཙན་ཟེར་བ་དེ་བོད་ནང་ནས་ཡལ་ཚར་བ་རེད། དེ་རྒྱུ་མཚན་ཞིག་གི་ཐོག་ནས་ཡལ་བ་རེད། དེས་རྐྱེན། ང་ཚོས་ཁོང་རྣམས་པའི་འདོད་དོན་ལ་བརྩི་བཀུར་བྱ་ན་མགྲིན་ཚབ་བྱ་ན་འདི་ནས་འདྲ་མི་འདྲ་ལབ། རང་བཙན་ལབ་བསྡད་ན་ག་བ་ཡོང་གི་རེད།
༩ མདོ་ཁམས་སྨད་ཕྱོགས་ལ་མཚོན་༧རྒྱལ་བ་པཎ་ཆེན་གྱི་གཟི་དཔལ་མཛད་འཕྲིན་ལ་བརྟེན་ནས་སྡེ་པ་གཞུང་དང་བརྩི་བཀུར་བྱེད་ཀྱི་ཡོད་པ་རེད། འདི་ནས་རང་བཙན་པ་ཚོས་༧རྒྱལ་བ་རིན་པོ་ཆེར་ཁ་བཏང་སྐུར་འདེབས་བྱས་ན། ཁོང་ཚོས་ག་རེ་དགོངས་ཀྱི་རེད་དམ། ཁོང་རྣམ་པ་ཚོས་ག་རེ་བྱས་ནས་བོད་དོན་ལ་ད་བར་ཤུགས་རྒྱབ་པ་རེད་དམ།
༡༠ ད་དུང་བཙན་བྱོལ་ནང་རང་བཙན་ཟེར་མཁན། བཙན་བྱོལ་སྤྱི་ཚོགས་ཀྱི་ནང་ཁུལ་ཆབ་སྲིད་ཕྱོགས་ཁག་ཁག་གི་གཡོ་འོག་ཏུ་ཚུལ་སྡོད་མཁན་ཞེ་དྲག་མང་པོ་ཡོད་ས་རེད། དེ་རྣམས་ཀྱིས་དངོས་གནས་བོད་དོན་ལ་འགན་འཁུར། བོད་མི་མང་ལ་མཐོང་ཆུང་མ་བཏང་ན་ཞེ་དྲག་ཡག་གི་རེད། དེ་མིན་ས་འོག་དར་ཐག་ལྟ་བུའི་ལས་ཀ་ཐབས་ཆག་བྱས་བསྡད་ན་ཁུངས་འཁྱོལ་གྱི་མ་རེད། ལས་རྒྱུ་འབྲས་འགྲོ་གི་མ་རེད། དེ་རྣམས་ཀྱིས་གཟབ་པར་འཚལ་ལོ།།།།།
དེ་ནི་རྒྱུན་ལྡན་ཞིག་རེད། དམིགས་བསལ་བ་གང་ཡང་མ་རེད། མགར་སྟོང་བཙན་ཨེ། སྡར་མ་ཞིག་ཅི་ལྟར་མགར་སྟོང་བཙན་ལ་ཆགས། ཞེ་བ་རྒྱ་ནག་ལ་མགོ་ཐོག མགོ་འདོགས་རྒྱུ་ག་དུས་ཡིན་ཡང་ཡོད་པ་རེད།
རྩོམ་འབྲི་བ་ཁྱེད་ཀྱི་གློག་འཕྲིན་ཁ་བྱང་འདིར་འགོད་རོགས། ངེད་ནས་ཁྱེད་ལ་གལ་ནད་ཅིག་གི་ཐད་གླེང་སློང་བྱེད་དགོས་ཡོད།
ནང་ཁུལ་གཅིག་གི་གཅིག་ལ་བཤད་ནས་མ་འདུག་དྲ་གྲོགས་ཚོ་ཐུགས་རྗེ་གཟིགས། རང་རང་སོ་སོའི་ཁྲག་ཏུ་བབས་པའི་ལས་དོན་ཡག་པོ་སྒྲུབ། ད་ལྟའི་དུས་འདིར་རྒྱ་གཞུང་གི་དབུ་མ་དང་རང་བཙན་གང་ཡིན་ཡང་ལྟ་ཚུལ་གཅིག་ལས་གཉིས་སུ་མཐོང་གི་མི་འདུག་དེ་ཤེས་པར་གྱིས།
རྩོམ་པ་པོ་ལ་ཞུ་རྒྱུར། རྩོམ་ཡིག་འདི་མཐོང་འཕྲལ་ང་ཅུང་ཟད་མཚར་བཅུག་སོང་། ག་རེ་རེད་ཟེར་ན། ད་ལྟ་རྒྱ་གར་ནང་གནས་སྡོད་ངེད་ཀྱི་གྲོགས་པོ་རྡོ་རྗེ་རིན་ཆེན་ཨ་རིར་ཕེབས་པ་མིན་འགྲོ་བསམ་སོང་། ཞལ་པར་གཏོང་དུས་ཁོ་བ་རྒྱ་གར་དུ་སྔ་མོའི་སྡོད་སར་བསྡད་འདུག ངས་གྲོགས་པར་ཁྱེད་ཀྱིས་ཁ་བརྡའི་དྲ་བར་རྩོམ་ཡིག་དེ་འདྲ་ཞིག་བྲིས་འདུག་གཱ་ཟེར་དུས་ང་མིན་ཟེར། རེད་དེ་ཁོ་བ་མ་རེད། མ་གཞི་མིང་འདྲ་བོ་ཡོང་སྲིད་ཀྱང་སྔོན་མ་ཡང་ཁ་བརྡ་དྲ་ཐོག་ལ་འཇིགས་མེད་བློ་གྲོས་གཉིས་བྱུང་ནས་འཁྲུལ་གཞི་བྱུང་བ་རེད། རྒྱ་གར་དུ་གནས་སྡོད་ངེད་ཀྱི་གྲོགས་པོ་རྡོ་རྗེ་རིན་ཆེན་གྱིས་ད་བར་རྩོམ་ཡིག་མང་དག་ཞིག་བོད་ཀྱི་དུས་བབ་དྲ་བ་སོགས་སུ་ཐོན་དང་ཐོན་བཞིན་པ་དང་། དཔེ་དེབ་ཀྱང་གཉིས་གསུམ་ཞིག་འདོན་སྤེལ་བྱས་ཡོད་པ་རེད། ཉེ་ཆར་ཡང་སློབ་གཞི་དང་བསླབ་གཞིའི་དོགས་སློང་དང་། ཤེས་ཡོན་སྲིད་བྱུས་ཕྱིར་ལྟ། ཁ་བརྡ་དྲ་བར་མེ་ལྕེ་སོགས་ཐོན་པ་རེད། མིང་འདྲ་བོ་འདི་ལྟར་བྱུང་ན་རྩོམ་ཡིག་ལ་འགན་འཁྲི་ཡོད་པ་དང་། རྒྱ་ཆེའི་ཀློག་མཁན་རྣམས་ཀྱང་འཁྲུལ་གཞི་ཡོང་སྲིད། ང་ནི་རྟག་པར་བཙན་བྱོལ་ནང་གི་དྲ་ཚིགས་ཁག་ཀློག་མཁན་ཞིག་ཡིན་སྟབས། ཨ་རིའི་རྡོ་རྗེ་རིན་ཆེན་འདི་དང་ཐོག་མཐོང་བ་ཡིན། ཕལ་ཆེར་ཚང་མ་དེ་འདྲ་ཡིན་སྲིད། རེ་བ་ལ་ཁྱེད་ཀྱིས་རྗེས་སོར་རྩོམ་ཡིག་བྲིས་ཚེ་རང་མིང་ཐོག་ཁྱད་མིང་ཞིག་འབྲི་རོགས་ཞུ་བཞིན་ཡོད། དེ་མིན་ཁྱེད་གཉིས་འཁྲུལ་གཞི་ཡོང་གི་འདུག་ཞུ་ཀི་ཡོད།
ངོ་སྤྲོད་འདི་གསལ་པོ་ཞིག་མི་འདུག བརྡ་སྤྲོད་རིག་པའི་གཞུང་ལུགས་དང་མཐུན་གྱི་མི་འདུག ཕར་བཤད་པ་དེ་གང་ཡིན་དང་ཚུར་བཤད་པ་དེ་གང་ཡིན་ཤེས་མ་སོང་།
དྲི་བ་དྲིས་ལན་སྐོར་འགོད་སྐབས་རྒོལ་སྔ་ཕྱི་གཉིས་ཀྱི་དོན་རྟགས་གསལ་པོར་བཟོ་དགོས་པ་གལ་ཆེ།
བདེ་སྐྱིད་སྒྲོལ་མས་བཤད་པ་ལྟར་གོང་གསལ་རྩོམ་པ་པོ་ལ། ངས་ཀྱང་རེ་སྐུལ་ཞིག་ཞུ་བཞིན་ཡོད། མཚན་འདྲ་བོ་དེ་འདྲ་ལ་རྩོམ་འབྲི་བ་ཚོས་བསམ་བློ་གཏོང་དགོས། རྩོམ་ཡིག་བྲིས་རྗེས་རྩོམ་པ་པོ་ལ་འགན་འཁྲི་ཡོད་སྟབས་མཚན་འདྲ་བོ་བེད་སྤྱོད་བྱེད་མིན་ཉན། དེ་གོང་གསལ་རྩོམ་འབྲི་བ་དེས་སེམས་ལ་འཛིན་རོགས་ཞུ་བཞིན་ཡོད།
བགྲོ་གླེང་གནང་མཁན་དང་། མཆན་ཞབས་པ་ལྷན་རྒྱས་ཧང་སྔས་དགོས་དགོས་དོན་གང་ཡང་མེད།
དེའི་ནང་ནི་སྐད་ཆ་དེ་དག་ནི་རྒྱ་མིའི་ནམ་རྒྱུན་གྱི་བསམ་བློ་གཏོང་སྟངས་དངོས་གནས་དེ་རང་རེད།
ང་ཚོས་༸གོང་ས་མཆོག་ནས་བོད་རང་བཙན་བརྩོད་གནང་གི་ཡོད་མ་རེད་ཅེས་བརྒྱ་ཕྲག་ཁྲི་ཕྲག་མང་པོ་འབྲེལ་བཤད་རྒྱབ་ནའང་། ཁོང་ཚོས་དེ་ནི་དངོས་དོན་མ་ཡིན་པའི་སྒྲོ་བཏགས་ཀྱི་མཛེས་བཟོ་ཙམ་ཞིག་རེད་དྲན་སྲིད་ལ་
གལ་སྲིད་བརྩོད་གནང་གི་མེད་པ་ཡིན་ནའང་། དེ་ནི་གནས་སྐབས་ཀྱི་དགོས་མཁོ་ཙམ་ཞིག་རེད་ལོས་བསམ་ཏེ།
བོད་རང་བཙན་ནི་བོད་པ་ཙམ་དུ་མ་ཟད་རྒྱ་མིས་ཀྱང་སེམས་ཀྱི་སྦུབས་ནས་མངོན་ར་གསལ་པོ་ཁྲོད་ཡོད་པས་སོ།
ཁོང་ཚོ་རྒྱ་མིའི་སེམས་ནང་དབུ་མའི་ལམ་ནི་རང་བཙན་གྱི་སྔོན་འགྲོའི་རིམ་པ་དང་པོ་ལྟ་བུར་ངོས་འཛིན་པ་ལས་རང་བཙན་དང་དབུ་མ་གཉིས་ང་ཚོས་ཚོས་རྩིས་པ་ལྟར་གྱི་ནང་འགལ་ཆེན་པོ་ཞིག་ཏུ་མཐོང་གི་མེད་ཅིང་། ལྷག་པར་དེ་གཉིས་ཀྱི་གཞི་རྩའི་ཁྱད་པར་ནི་དེ་བས་ཀྱང་འབྱེད་དཀའ་བའི་གནས་སུ་ལྷུང་ཡོད་སྟབས། ཤ་ཕར་སྤྲད་ནས་ཏི་ཀ་ཚུར་ལ་སློང་བ་འདི་འདྲ་མི་སྲིད་སྙམ་ནས་དོགས་པའི་གནད་འབའ་ཞིག་གིས་མགོ་བོ་ན་བཞིན་
གནས་ཡོད་ཅིང་། དོགས་པ་དེ་དག་སེལ་བར་ཉུང་མཐར་ཡང་མི་རབས་གཅིག་འགོར་སྲིད་པས། དེའི་ཐད་ནས་ང་ཚོར་ཁེ་གྱོང་ཅི་དང་ཅི་ཞིག་ཡོད་མིན་མནོ་བསམ་བཞེས་དགོས་པའི་དུས་ལ་བབ་ཡོད་པ་མཁྱེན་པྲ་མཛོད་ཅིག
ཧ་ཧ་་་ཆེས་ཐ་ཤལ་གྱི་བོད་མི་དེ་ཚོར་ལྟོས་དང་། དོན་དངོས་ཐོག་བོད་དོན་བསམ་བློ་གཏོང་མཁན་ཚོ་་་་དེང་སང་བོད་མིའི་སྒྲིགས་འཛུགས་ནང་དུ་མི་ཐ་ཤལ་དུ་བརྩིས་བཞིན་ཡོད། དངོས་གནས་ཕམ་བ་ལ་ཨ་་་་
ང་རང་ནི་སྐྱེ་བ་ཕྱི་མར་བོད་པའི་སྐྱེ་བ་མ་ལེན་པར་ཤོག །
ཡག་པོ་བཤད་གདུག་རྗེས་སུ་ཡིརང་ཡིན།