བསམ་གླིང་ཚེ་རིང་ལྷ་མོ།
རྒྱང་རིང་རི་གྲོང་སྨུག་སྤྲིན་སྟུག་པོས་སྒྲིབ།།
ཤང་ཤང་ཟེར་བའི་ཆུ་མོའི་སྐད་སྒྲ་ཙམ།།
དར་ལྗང་སྣུམ་པར་ཀླུབ་པའི་ནགས་ལྗོངས་དག།
འདྲེན་བྱེད་ཡུལ་དུ་སྣང་བའི་སྐབས་མ་ཤར།།
སྤང་རིའི་མཛེས་ལྗོངས་ཡིད་དུ་མཚར་ནའང་།།
ཆུ་ཡི་གཞོན་པས་ཡོངས་སུ་བཀབ་པར་བྱས།།
རི་སྐྱེས་མེ་ཏོག་མཛེས་ཉམས་ལྡན་ནའང་།།
རྒྱ་མཚོའི་རླངས་པས་མཇལ་བའི་སྐབས་མ་སྟེར།།
རི་རྒྱལ་ལྷུན་པོའི་རྩེ་མོ་མཐོ་ནའང་།།
རླུང་གི་ཤིང་རྟས་ཡོངས་སུ་འཁྱུད་པར་བྱས།།
ལྗང་མདོག་ཚེ་སྲོག་ཡིད་ལ་མཛའ་ནའང་།།
སྨུག་སྤྲིན་ལྷེབ་མོའི་སེང་རས་འོག་ཏུ་ཚུད།།
སྔོ་བསངས་ནམ་མཁའི་དཀྱིལ་འཁོར་མཛེས་ནའང་།།
ཆུ་འཛིན་ཕོན་པོས་ཡོངས་སུ་ཀླུབ་པར་བྱས།།
ཉི་ཟླའི་འཁྱུག་གྲོས་ཝ་ལེར་འཆར་ནའང་།།
ལྟ་བའི་འདྲེན་བྱེད་རླུང་གི་ཤིང་རྟས་འགེབས།།
སྤུ་སྡུག་བཀྲ་བའི་བྱིའུ་ཆུང་གསུང་སྙན་ཡང་།།
ནགས་ལྗོངས་སྟུག་པོ་སྨུག་སྤྲིན་ཡོལ་བས་སྒྲིབ།།
སྐྱུར་སྐྱུར་མགྲིན་སྒྲ་རྣ་བར་སྙན་ནའང་།།
མཇལ་འཕྲད་མིག་གི་དགའ་སྟོན་དེ་བས་དཀའ།།
བསམ་གླིང་ཚེ་རིང་ལྷ་མོ་ལགས། ག་རེ་གཟིགས་མ་སོང་ངམ།
ན་ག་ནོག་གེ་འདི་འདྲ་བྲིས་ནས་ཁ་བརྡ་དྲ་བའི་ས་མིག་འཕྲོ་བརླག་ཏུ་མ་གཏོང་རོགས། བཙན་བྱོལ་བུད་མེད་ཚོའི་ནང་ཡི་གེ་རང་འགོ་ཐོན་མཁན་ཞིག་མེད་པ་འདི། ཐབས་སྐྱོ་བོ་མ་རེད་དམ།
བསམ་གླིང་བུ་མོ་ལྷ་ལས་མཛེས་ན་ཡང་། །
ནམ་ཞིག་མི་སྡུག་རྒན་མོར་གྱུར་ནས་འགྲོ། །
བརྗོད་བྱེད་ཚིག་གི་ཁུ་བྱུག་སྙན་ན་ཡང་། །
བརྗོད་བྱ་སེམས་མེད་ནགས་ཀླུང་སྤྲིན་གྱིས་གཡོག །
སྨུག་སྤྲིན་སྟུག་པོས་མིག་ལམ་ཡོངས་སུ་བཀག།
མཛེས་པའི་གངས་ལྗོངས་ཡིད་ལ་ཝ་ལེར་འཆར།།
གཟུགས་མེད་སེམས་ལ་སྡུག་གི་ཁུར་བོ་ལྕི།།
ཀྱེ་ཧུད་ས་མཐའི་མི་ཡི་ལས་དབང་འདི།།
གོང་གསལ་ཚིགས་བཅད་རྣམས་མངོན་བརྗོད་སྣ་ཚོགས་བཀོད་ནས་བྲིས་པས། མངོན་བརྗོད་མ་སྦྱངས་པ་ལ་གོ་དཀའ། བོད་ཀྱི་བུད་མེད་ཁྲོད་ན་འདི་ཙམ་འབྲི་མཁན་ཡོད་པ་ལ་བློ་གྲོས་ཀྱི་མིག་ཡོད་ན། ལེགས་པར་བཀླགས་ཏེ་དགའ་བ་སྐྱེད་དགོས་པར་མཐོང་།
དེ་མིན་ས་པཎ་གྱིས། ལེགས་བཤད་དུ།
ངན་པ་ཕལ་ཆེར་རང་གི་སྐྱོན།
གང་ཡིན་གཞན་ལ་འགོད་པར་བྱེད།
ཁྭ་ཏས་མི་གཙང་ཟོས་པའི་མཆུ།
ས་གཙང་གཞན་ལ་རྦད་ནས་འཕྱིད།། ལེ་ ༣ ཙིགས་ ༥
ཆུ་ཡི་གཞོན་པས། ཞེས་པར་ཆུ་ཡི་བཞོན་པས། ཞེས་དགོས་སྙམ། དེ་བཞིན་དུ། འཁྱུག་གྲོས། འཁྱུག་འགྲོས། ཞེས་པ་མ་ཡིན་ནམ། འདི་དག་ལ་གསལ་བཤད་རེ་དགོས་སོ།།
རྒན་ལ་དྭག་བློ་བཟང་འཇམ་དཔལ་ལགས་ཀྱིས་གསུང་པ་དེ་བདེན་པ་རེད། ཚེ་རིང་ལྷ་མོ་ལགས་ནི་ནམ་ཡིན་ཡང་བོད་ཡིག་གི་ཐོག་ནས་རྩོམ་འབྲི་གནང་མཁན་གྱི་བུད་མེད་ཞིག་ཡིན་པས་རྗེས་སུ་ཡི་རང་ཡོད། དེ་མིན་བཙན་བྱོལ་ཁྲོད་ཀྱི་བུད་མེད་དེ་ཚོ་ལ་བལྟོས་དང་། ཡིད་སྐྱོ་བ་ཞིག་རེད།
ཡང་ལུང་རྟོགས་ཀྱིས་བཙན་བྱོལ་ཅིག་ཅིག་མག་མག་ཟེར་འདུག
ལྟོས་དང་། ངས་ད་ལྟ་རང་མཆན་བུ་ཞིག་བཏགས་ནས་གླིང་དཀར་ལྷ་རྗེ་དང་བགྲོ་གླེང་བྱེད་བཞིན་པ་ཡིན། ཁྱོད་ཚོས་ ༥༩ དང་ ༠༡ བསྡུར་ཡོང་གིས། དེ་དངོས་གནས་ཚད་ལྡན་རེད་དམ།
ཤེས་ཡོན་པ་ཁ་ཤས་ཤིག་གིས་ཆང་ཧུབ་གང་གི་ཚབ་དུ་བསྟོད་ན་ཐང་རེད། ང་ལ་མཚོན་ན་ནི་སེམས་ཤུགས་གཅོག་སྤྱད་དང་ཆུ་ཚོད་འཕྲོ་རླག་གཏོང་སྤྱད་རང་རེད་འདུག ཨ་ཆེ་ཁྱོད་མཁས་བའི་གྲལ་དུ་ཚུད་པ་ལ་བཀྲ་ཤིས་བདེ་ལེགས་ཡོད།
བཅོམ་ལྡན་འདས་མ་ལྷ་མོ་དབྱངས་ཅན་མ་ལ་ཕྱག་་་་་་་་་་་་་་་་་་་་་་་་་་་་་་་་་་་་་་
བསམ་བསམ་བློ་ཡི་དྭངས་གཙང་ཡོལ་བའི་སྟེང་།
གླིང་གླིང་ཕྱོགས་ཀྱི་རྒྱབ་རི་མཐོང་བར་འདོད།
ཚེ་ཚེ་སྐད་ཅིག་མི་སྒུག་ཐུགས་བྲེལ་གྱིས།
རིང་རིང་རྒྱབ་རིའི་ནང་ལྗོངས་མཇལ་བར་འབད།
ལྷ་ལྷའི་ཞབས་ཀྱི་འགེགས་ཉམས་ཕྲ་མོ་དེ།
མོ་མོས་གསུངས་འཕྲིན་ཉན་ཡང་མ་མཇལ་ཐལ།
དང་པོ་དང་བཞི་པ་ལས་གཞན་སྒྲ་རྒྱན་འདི་བཙན་དབང་རང་རེད་འདུག
རྒན་ལ་དྭགས་པས་གསུངས་པ་ལྟར། རིག་གནས་ཆུང་བ་ལྔའི་ནང་ཚན་མངོན་བརྗོད་མཁས་པའི་བསྟན་བཅོས་ནང་གི་མིང་ཚིག་གི་བྱུང་འཕེལ་དེ་དག་དེང་དུས་ཀྱི་ཚན་རིག་དང་མཐུན་པ་དཔེར་ན། ནམ་མཁའི་སྤྲིན་པ་ལ “ཆུ་འཛིན” དང་། རྒྱ་མཚོ་ལ་“སྤྲིན་གྱི་མ”ཞེས་པ་ལྟ་བུ་རྒྱ་མཚོ་ལས་སྤྲིན་པ་བྱུང་བ་ལྟ་བུ། སྐྱེས་དངོས་དང་ཁྱད་ཆོས་བཟོ་དབྱིབས་སོགས་དོན་གཅིག་ལ་མིང་གི་རྣམ་གྲངས་མི་འདྲ་བ་དང་། ཚན་རིག་གི་རྩིས་དང་མཐུན་པ་མང་དུ་བྱུང་འདུག
དང་པོའི་སངས་རྒྱས་ལས།
སྟོང་བ་སྟོང་བ་མཁའ་ཀླུ་ལག་པ་ཐུབ་པ་རི་བོང་ཅན་ནི་རྫོགས་ལྡན་དུས་ཀྱི་ཚད་ཡིན་ནོ།།
མཁའ་མཁའ་སྟོང་བ་རོ་དང་དགུ་དང་ཉིན་མོར་བྱེད་པ་གསུམ་ལྡན་ལོ་ཡི་གྲངས་སུ་རབ་ཏུ་གྲགས།།
སྟོང་བ་སྟོང་བ་མཁའ་དང་རིག་བྱེད་རོ་དང་ལག་འགྲོ་ཞེས་བྱ་གཉིས་ལྡན་ལོ་ནི་ཡང་དག་གོ།
སྟོང་བ་ནམ་མཁའ་མཁའ་དང་མིག་དང་ཡོན་ཏན་ཆུ་གཏེར་རྩོད་ལྡན་ལོ་ཡི་གྲངས་སུ་འགྱུར།།
ཞེས་པའི་དོན་ཇི་ལྟར་འགྲེལ། རྫོགས་ལྡན་ལ་མི་ལོ་(1728000)། གསུམ་ལྡན་ལ་ (1296000)། གཉིས་ལྡན་ལ་ (864000། རྩོད་ལྡན་ལ་(432000)ཏེ་དུས་བཞི་ལ་མི་ལོ་གྲངས་(43200000)་འབྱུང་བ་གོང་གི་རྩ་ཚིག་དང་སྦྲགས་ནས་གྲངས་རིག་གསུང་ཐུབ་མཁན་ཨེ་ཡོད།
སྟོང་བ་སྟོང་པ་ཡིན་དྲོ།
རབ་བརྗིད་མ་སུ་རི་ཡི་རྩེད་མོ་ན། །
ལྷུན་ཆགས་གངས་ཕྲུག་གཞོན་ནུའི་རྩེད་རྭ་རུ། །
ཞལ་རས་ཟླ་བ་ནུ་འབུར་རབ་རྒྱས་པའི། །
བཞིན་བཟང་ཉམས་ལྡན་མཛེས་མ་ཁྱོད་ལ་བསྟོད། །
རྒྱལ་པོའི་བཀའ་ཐང་ལས།
མཚོ་ཡི་རླངས་པས་མཁའ་ལ་སྤྲིན་དུ་ཆགས།།
འབྱུང་བ་ཚ་གྲང་འཐབ་པས་གློག་ཏུ་འཁྱུག།
དེ་ཉིད་འཐབ་པས་མཁའ་ལ་འབྲུག་སྒྲ་སྒྲོག།
དྲག་ཅིང་བཙིར་ན་བར་ནས་ཐོག་ཏུ་འབབ།།
དཔེར་ན་མེ་ལྕགས་རྡོ་ལ་བརྡབ་པ་བཞིན།།
ཞེས་པས་མཚོ་ཡི་རླངས་པ་བར་སྣང་དུ་སོང་ནས་སྤྲིན་ཆགས་ཚུལ་དང་། འབྱུང་བ་ཚ་གྲང་གི་ཕོ་གློག་དང་མོ་གློག་གཉིས་འཐབ་པ་ལས་གློག་འཁྱུག་ཚུལ། གློག་དང་གློག་འཐབ་པས་འབྲུག་སྒྲ་སྒྲོག་ཚུལ། གློག་གི་ཤུགགས་ཚད་མཐོ་བ་གཉིས་ཕན་ཚུན་བཙིར་བརྡར་ལས་ཐོག་འབབ་ཚུལ་སོགས་ཚན་རིག་དང་མཐུན་པ་འདི་འདྲ་ང་ཚོའི་གནའ་བོའི་གསུང་རབ་དག་ན་གང་མང་མང་རེད།
མོའི་སྙན་ངག་འདི་ལ་རྒྱ་ནག་གི་སྙན་ངག་པའི་ཤན་ཤུགས་འདུག
༡༥༽ མིག་བརྒྱད་པའི་ལུང་དྲངས་པའི་སྙན་ངག་འདི་ཚན་རིག་དང་མཐུན། ཐུགས་རྗེ་ཆེ།
ཀྱེ་ཀྱེ་བློ་གསལ་མཁྱེན་ལྡན་ཁྱེད་ཉིད་ལ།།
ཅི་ཁེག་སྔོན་དུས་ཤེལ་དཀར་གླིང་བས་ཀྱང་།།
ལྷ་ས་དྲན་གླུ་ཞེས་པའི་སྙན་ངག་དེ།།
སྣང་ཚུལ་འདི་འདྲས་ཐོལ་གྱིས་ལྷུང་མིན་ནམ།།
ནགས་མོས་སྐ་རགས་བཅིངས་འདྲའི་ཡུལ་ལྗོངས་དེ།།
བརྒྱ་ལ་བཤད་ཀྱང་སླད་སྐྱོན་དེ་དག་གིས།།
སཱ་ལའི་སྨན་དང་ཁ་བའི་རྡུལ་བརྩེགས་ཀྱིས།།
རབ་མཛེས་གངས་ཅན་ཡུལ་ལ་འགྲན་ནུས་ཅི།།
རྩེ་དགའི་རི་བོར་སྨིག་སྤྲིན་ཁ་བས་གཡོགས།།
སྤང་གི་རི་བོར་འདབ་ལྡན་ཚོགས་ཀྱིས་སྒྲིབ།།
འདྲེན་བྱེད་དབང་པོར་སྣང་བ་བན་བུན་དུ།།
འདོད་ལྡན་མ་ཡི་སྙིང་ལ་ཟུག་ངུ་བསླངས།།
ཨ་ཅེ་ཚེ་རིང་ལྷ་མོའི་སྙན་ངག་འདི།།
རང་བྱུང་ཁམས་དང་ནང་གི་སེམས་པ་གཉིས།།
མི་མཐུན་འགལ་བའི་རྒྱན་གྱིས་ཡོངས་སྤུད་པའི།།
སྙན་ཚིག་ཕུལ་དུ་བྱུང་བར་བདག་གིས་འདོད།།
ལྕགས་མོ་འཚོའི་སྙན་ངག་ལས་ཁྱེད་ཀྱིས་མངོན་བརྗོད་མང་པོར་སྒྲིགས་ཡོད་ན་ཡང་ཁྱེད་ཀྱིས་ཡག་པོ་བྲིས་འདུག
མུ་མཐུད་ནས་བྲིས་དང་ཡག་པོ་ཡོང་བཟོད་འདུག
དབུ་རྩེ་ཁ་བ་དཀར་པོས་ལ་ཐོད་བཅིང་།།
ཚང་ཚིང་གཡུ་ལོ་འཁྲིགས་པའི་གོས་བཟང་ལ།།
སྣ་བརྒྱའི་འདབ་ལྡན་སྟོང་གིས་ཤམ་བུ་ཅན།།
ངོ་མཚར་དཔལ་གྱིས་ཕྱུག་པའི་ཡུལ་འདི་བརྗིད།།
དྲ་གྲོགས་ལྷན་རྒྱས་ནས་ཡག་ཡག་ཉེས་ཉེས་གང་མོས་གླེང་གནང་བར་ཧ་ཅང་དགའ་པོ་བྱུང་།
སློབ་དཔོན་ལ་དྭགས་བློ་བཟང་འཇམ་དཔལ་ལགས་ཀྱིས་དག་བཅོས་གནང་བར་བཀའ་དྲིན་ཆེ།
གང་ལྟར་རང་དབང་ལུང་པའི་ནང་ཡོད་པའི་བོད་མའི་རྣམས་པས་རང་དབང་གི་རྩོམ་ཡིག་མང་པོ་འབྲི་བར་ཧ་ཅང་དགའ་བོ་བྱུང་་་
སྟོང་བ་༼ཀླད་ཀོར༽སྟོང་བ་༼ཀླད་ཀོར༽མཁའ་༼ཀླད་ཀོར༽ཀླུ་༼བདུན་༽ལག་པ་༼ལག་པ་གཉིས་༽ཐུབ་པ་༼བདུན་༽རི་བོང་ཅན་ནི་༼གཅིག་༽རྫོགས་ལྡན་དུས་ཀྱི་ཚད་ཡིན་ནོ།།
མཁའ་༼ཀླད་ཀོར་༽མཁའ་༼ཀླད་ཀོར་༽སྟོང་བ་༼ཀླད་ཀོར༽རོ་༼དྲུག་༽དང་དགུ་༼གྲངས་དགུ་༽དང་ཉིན་མོར་བྱེད་པ་༼གཅིག༽གསུམ་ལྡན་ལོ་ཡི་གྲངས་སུ་རབ་ཏུ་གྲགས།།
སྟོང་བ་༼ཀླད་ཀོར༽སྟོང་བ་༼ཀླད་ཀོར༽མཁའ་༼ཀླད་ཀོར་༽དང་རིག་བྱེད་༼བཞི་༽རོ་༼རོ་དྲུག༽དང་ལག་འགྲོ་༼བརྒྱད་༽ཞེས་བྱ་གཉིས་ལྡན་ལོ་ནི་ཡང་དག་གོ།
སྟོང་བ་༼ཀླད་ཀོར༽ནམ་མཁའ་༼ཀླད་ཀོར༽མཁའ་༼ཀླད་ཀོར༽དང་མིག་༼གཉིས་༽དང་ཡོན་ཏན་༼གསུམ་༽ཆུ་གཏེར་༼བཞི་༽རྩོད་ལྡན་ལོ་ཡི་གྲངས་སུ་འགྱུར།།
མཅུན་༡༢པའི་ཆེད་དུ་དང་། རྒྱས་པ་རྗེས་སུ་འགོད་རྒྱུ།
རང་བཞིན་གཟུགས་དང་བསེ་རུ་དང་། །ཟླ་བ་འོད་དཀར་རི་བོང་ཅན། །འདི་རྣམས་༡གཅིག་གི་མིང་དུ་གྲགས། །མིག་ཟུང་བགྲོད་པ་ཐབས་ཤེས་དང་། །འཁྲིག་སྦྱོར་གཤིན་རྗེ་མཚེ་མ་༢གཉིས། །འཇིག་རྟེན་ཚ་བ་ཡོན་ཏན་མེ། །སྲིད་པ་རྩེ་མོ་ཅན་རྣམས་༣གསུམ། །རྒྱ་མཚོ་ཆུ་གཏེར་ཆུ་བོ་བདུད། །རིག་བྱེད་སྡེ་པ་ཟུང་ལྡན་༤བཞི། །འདོད་ཡོན་ཉེར་སྤྱོད་ཕུང་པོ་མདའ། །འབྱུང་བ་དབང་པོ་༥ལྔ་ཡི་མིང་། །རོ་དུས་བྲོ་བ་མཚམས་རྣམས་༦དྲུག །རིན་ཆེན་ས་འཛིན་ཐུབ་པ་གླིང་། །དྲང་སྲོང་རེས་གཟའ་རྟ་རྣམས་༧བདུན། །ལྷ་ཀླུ་བཀྲ་ཤིས་གདེངས་ཅན་སྦྲུལ། །ལྟོ་འགྲོ་ནོར་ལྷ་ནོར་དབྱིག་༨བརྒྱད། །སྲིན་པོ་བུ་ག་གཏེར་རྩ་༩དགུ །འཇུག་པ་ཁྲོ་བོ་སྒྲ་སྒྲོགས་ཕྱོགས། །འབྱོར་པ་སྟོབས་དང་སོར་མོ་༡༠བཅུ། །དྲག་པོ་དབང་ཕྱུག་བདེ་བྱེད་དང་། །བདེ་འབྱུང་འཕྲོག་འབྱེད་༡༡བཅུ་གཅིག་གོ །ཉི་མ་རྟེན་འབྲེལ་ཁྱིམ་༡༢བཅུ་གཉིས། །གདུགས་རིམ་སྣ་ཚོགས་ལུས་མེད་དང་། །འདོད་པ་མྱོས་བྱེད་༡༣བཅུ་གསུམ་མིང་། །མ་ནུ་ཤད་བུ་ཡིད་སྲིད་པ། །སྲིད་པའི་གནས་རྣམས་༡༤བཅུ་བཞིའོ། །ཚེས་ཞེས་བྱ་བ༡༥བཅོ་ལྔའི་མིང་། །ཆ་ཤས་དང་ནི་རྒྱལ་པོ་དང་། །མི་བདག་ཅེས་པ་༡༦བཅུ་དྲུག་གོ །
ཉེས་སྐྱོན་ཁམས་རྣམས་༡༨བཅོ་བརྒྱད་དོ། །རྒྱལ་བ་ཡུལ་ནི་༢༤ཉེར་བཞིའོ། །དེ་ཉིད་༢༥ཉི་ཤུ་རྩ་ལྔ་སྟེ། །སྐར་མ་འཁོར་ལོ་༢༧ཉེར་བདུན་མིང་། །སོ་གཉིས་ཀྱེས་༣༢སུམ་ཅུ་གཉིས། །སྟོང་པ་ནམ་མཁའ་ཐིག་ལེ་སྟེ། །༼ཀླད་ཀོར་ལ་གོ་དགོས་༽གྲངས་ཀྱི་མིང་གི་རྣམ་གྲངས་སོ།
ངའི་བཤུ་སའི་ཁུངས་འདིར།༡༧དང་༡༩་༢༠་༢༡་༢༢་༢༣་གསལ་མི་འདུག་གོ །
ཀརྡོ་གཉེར་ཕྱག་པས་དྲིས་ལན་གནང་བར་ཐུགས་རྗེ་ཆེ་ཞུ།
དུས་འཁོར་ནས་བཤད་པའི་མི་རིགས་བཅུ་བཞི་ནི།
རྒྱལ་རིགས་ལ། རྐང་ཐང་། རྟ་པ། གླང་ཆེན། ཤིང་རྟ་པ་བཞི།
བྲམ་ཟེ་ལ། ནགས་གནས། ཁྱིམ་གནས། དཀའ་ཐུབ་པ་གསུམ།
རྗེ་རིགས་ལ། ཚོང་བ་དང་། ཡིག་མཁན། སྨན་པ་གསུམ།
དམངས་རིགས་ལ། ས་གཞི་རྨོ་བ། བ་ལང་སྐྱོང་བ། འཇམ་ལས་པ། ཁྱིམ་ལས་པ་བཞིའོ།།
ལུས་ལ་མི་སྡུག་པའི་ཉེས་པའམ་སྐྱོན་བཅོ་བརྒྱད་ནི།
གཟུགས་མི་སྡུག་པ། སྐྲ་བྱི་བ། དཔྲལ་བ་ཆུང་བ། མདོག་སེར་སྐྱ། སྨིན་མཚམས་མ་འབྱར་བ། སྣ་ལེབ་པ། སོ་སྟོ་བ། དིག་པ། མིག་ཟླུམ་པ། མིག་ཆུང་བ། ཕྱི་ནང་དུ་སྒུར་བ། ལྟོ་བ་ཆེ་བ། དཔུང་བ་དང་རྗེ་ངར་ཐུང་བ། སྤུ་ཅན། ལག་པ་དང་རྐང་པ་མི་མཉམ་པ། ཚིགས་སྦོམ་པ། ཁ་དང་ལུས་ལས་དྲི་ངན་འབྱུང་བ་སྟེ་བཅོ་བརྒྱད་དོ།།
འཛམ་གླིང་ཐོག་བོད་ཡིག་གི་གསར་ཤོག་ཐོག་མ་གང་ཡིན་ནམ། གསར་ཤོག་དེའི་རྩོམ་སྒྲིག་པ་སུ་ཡིན་ནམ།
འཛམ་གླིང་ཐོག་བོད་ཡིག་གི་གསར་ཤོག་མ་༼གསར་འགྱུར་མེ་ལོང་༽ཟེར། ཀ་ལིན་སྦུག་ཏུ་འདོན་སྤེལ་བྱེད་མཁན་ཁུ་ནུ་པ་སྦ་བུ་མཐར་ཕྱིན་ཟེར།
མངོན་བརྗོད་དུ་འབྲུག་སྒྲ་ལ། སྤྲིན་གྱི་སྒྲ་དང་དབྱར་སྐྱེས་རྔ་།།ཞེས་པ་ལྟར་ན་འབྲུག་ཞེས་པའི་སྲོག་ཆགས་ཤིག་འཛམ་གླིང་སྟེང་ཡོད་དམ་མེད། ནང་པའི་གཞུང་དང་ཚན་རིག་པ་གཉིས་ཀས་སྲོག་ཆགས་ཤིག་ཡིན་པར་མི་འདོད། ཡིན་ཡང་ལྷ་སྒྲུང་གི་རྣམ་པར་ཡོད་པའི་སྲོག་ཆགས་དེ་རྒྱ་ནག་དང་ཕྱི་གླིང་བར་དར་སྲོལ་ཆེན་པོ་བྱུང་འདུག །བོད་དང་རྒྱ་ནག་ལ་འབྲུག་རིས་འབྲི་སྲོལ་དར་ཡང་འབྲུག་དེ་སྤྲིན་པའི་ནང་ལ་མེད་པས། སྤྲིན་གྱི་སྒྲ་ལ་འབྲུག་སྒྲ་ཟེར་དོན་ཅི། ཉི་མ་ནི་ཁྱིམ་བཅུ་གཉིས་བདག་པོ་ཡིན་པས་བཅུ་གཉིས་བདག་པོ་ཟེར། ལོ་གཅིག་ལ་ཟླ་བ་བཅུ་གཉིས་ཡོད་པས་ཟླ་བ་རེ་རེ་ལ་ཁྱིམ་རེ་རེས་རྩིས་པའི་ལོའི་འཁོར་སྐྱོད་དེ་ལྟར་ཟེར། འདི་ཡང་ཚན་རིག་དང་མཐུན་ཏེ་ལོའི་འཁོར་སྐྱོད་ཉི་མས་དབང་སྒྱུར་བྱེད་པའི་ཕྱིར། ཡིན་ཡང་རྟ་བདུན་བདག་པོ་ཟེར་དུས་ཉི་མ་འདྲེན་བྱེད་ཀྱི་རླུང་གི་རྟ་བདུན་ནི། རླུང་དང་། ཡིད་མགྱོགས། མདོག་ལྔ་པ། ཐིག་ལེ་ཅན། ངེས་བརྗོད། ཤིན་ཏུ་རྒྱལ་མཚན། རི་འཇོམས་ཏེ་ལྔའོ།།རླུང་གིས་འཕུལ་བའི་སྟོབས་ཀྱིས་ཉི་མ་འཁོར་བར་བཤད་པ་ཡིན་ན་ཚན་རིག་དང་མི་མཐུན་ཏེ་ཚན་རིག་གིས་གཟའ་རྣམས་ཉི་མ་ལ་འཁོར་བར་བཤད་པས་སོ།།ཉི་མ་དང་ཟླ་བ་སྐར་མ་སོགས་ལྷ་ཡི་རྣམ་པར་འདོད་པ་རིག་བྱེད་ཀྱི་ཤན་ཞུགས་པ་མིན་ནམ་སྙམ། ཆོས་མངོན་པ་མཛོད་དུ་ཉི་མ་མེ་དང་ཟླ་བ་ཆུ་ཤེལ། ཉི་ཟླ་སྐར་གསུམ་གྱི་ཆེ་ཆུང་བཤད་པ་ཚན་རིག་དང་ཐག་ཉེ་བར་བསླེབས་འདུག །
ཀ་ལིའི་འདོད་གཏམ།
སྣྲོན་ངག་ཁྲི།
༡ཀ་ཅིའི་མདངས་ལྡན་༢ཁ་བའི་མཛེས་མ་ལ།།
༣ག་ལེར་འདོད་ལྡན་༤ང་ཡིས་ཆགས་སེམས་ཀྱིས།།
༥ཅ་ཅོས་བསྔགས་ཏེ་༦ཆ་ལུགས་དམར་རྗེན་ངང་།།
༧ཇ་ཡུན་ཙམ་ཞིག་༨ཉ་མོས་ཆུ་ལ་བཞིན།།
མ་སུ་རི་ཡི་རི་མགོ་ལ།། དབྱར་གྱི་ཆར་བ་བསིལ་བསིལ་འབབ།། བུད་མེད་སྨྱུག་ཐོག་ཚེ་ལྷ་ཡིས།།
སྙན་ངག་ཚིགས་སུ་བཅད་པ་སྤེལ།། ཕ་སྐད་ཐོག་ལ་འབད་པ་སྤུངས།། སྙིང་ནས་ཡི་རངས་ཞུ་བཞིན་ཡོད།།
འབྲུག་གི་སྒྲུང་ནང་ལ། འབྲུག་ཅེས་པའི་སྲོག་ཆགས་ཤིག་ཆར་དུས་སུ་མཚོ་ཁ་ནས་བར་སྣང་ལ་འཕུར་འགྲོ་བ་དང་བསྟུན་ནས་སྤྲིན་སྒྲ་ལ་འབྲུག་སྒྲ་ཞེས་བཏགས་པ་རེད་སྙམ།
ཡང་ཉི་མ་ལ་རྟ་བདུན་དབང་པོ་དང་རྟ་བདུན་བདག་པོ་གཙོ་བོ་ཕྱི་རོལ་པའི་གཏམ་བརྒྱུད་ནང་ལ་ཉི་མ་འཐེན་མཁན་རྟ་བདུན་ཡོད་པར་བཤད་པས་ཡིན་་ཡང་དོན་དངོས་ལ་ནི། ཉི་མ་ལ་འོ་ཟེར་གྱི་ཁ་དོག་རྣམ་གྲངས་བདུན་ཡོད་པ་འདི་ལ་ཐུག་པ་འདྲ། འདི་ནི་ཚན་རིག་དང་ཡང་མཚུངས་སོ། །
མཛེས་པའི་ཡུལ་ལྗོངས་ཆུ་འཛིན་ཕུང་པོས་བསྒྲིབས།།
རྒྱང་རིང་དགའ་མའི་བཞིན་རས་སེམས་ལ་ཐོག།
ཚེ་དབང་ལྷ་མོའི་སྙན་ངག་སྙན་ཞིང་འཇེབས།།
ཁ་བརྡ་དྲྭ་བར་སྣ་མང་ཤེས་བྱས་ཕྱུག།
ཚངས་ཚིང་ལྗོན་པ་སྨུག་པ་ཡིས་བསྟུམ་པས།
ལྗོན་གསེབ་ཕ་ཁྱིམ་འདྲེན་བྱེད་དུ་མ་ཤར།
དྭངས་གཙང་ཆུ་མོས་སྟེང་མ་ནས་རྙོགས་པས།
གསེར་མིག་ཅན་དེ་ཡིད་ཡུལ་ནས་ཡལ་སོང་།
༩ཏཱ་རེའི་མཛེས་སྡུག་འཕྲོག་མཛད་༡༠ཐ་མལ་ཚུལ།།
༡༡ད་ལམ་ང་ཡི་སྙིང་འཚིལ་༡༢ན་ཆུང་ཁྱེད།།
༡༣པ་སངས་མདངས་ལ་འགྲན་པའི་༡༤ཕ་མེས་སྤྱན།།
༡༥བ་མཆོག་མིག་ཟུང་གང་དེ་༡༦མ་རྐུས་སམ།།
སྤྲིན་དཀར་བང་རིམ་ལང་ལོང་དབུས་ཀྱི་མཛེས་སྡུག་བ་གམ་ཁང་བཟང་དེ།།
རེ་ཞིག་རྫས་རྡུལ་ཐལ་བས་གཡོགས་ཤིང་ནང་གི་ཕ་ནོར་ཕྱོགས་བཞིར་བརྡལ།།
བལྟ་བས་མི་བཟོད་ཡིད་ཀྱི་གདུང་བས་སྨྲེ་ངག་འབྲུག་སྒྲའི་དཔལ་ལ་འགྲན།།
དེ་ལྟ་མོད་ཀྱང་ཁྱེད་ཀྱི་བྱུང་རབས་འཛམ་གླིང་གོ་ལའི་ཁྱོན་ན་གསལ།།