ཀླུ་སྨྱོན་ཧེ་རུ་ཀ
—གྲྭ་ས་ཁག་ཅིག་ནས་ཀུ་ཤུ་གློག་ཀླད་འགོག་པའི་ཚ་རླབས་འཕྱུར་བ་ཐོས་རྗེས།
སྔོན་བྱོན་མཁས་གྲུབ་དུ་མས་བཀའ་བསྒོས་ཏེ། །
བསྟན་པ་གཉེར་དུ་གཏད་པའི་ཆོས་སྐྱོང་ཚོགས། །
བསྟན་པའི་དགྲ་བོ་ཀུ་ཤུ་གློག་ཀླད་འདི། །
རྩ་མེད་གཙང་དག་བཟོ་བའི་འཕྲིན་ལས་མཛོད། །
ན་གཞོན་གྲྭ་རྒོད་དུ་མའི་ཀླད་པའི་ནང་། །
དེང་རབས་རིག་གསར་གད་སྙིགས་ཚོད་མེད་དུ། །
བྱོ་བའི་བསྟན་དགྲ་ཀུ་ཤུ་གློག་ཀླད་འདི། །
ལོ་དང་ཟླ་བར་མ་འཇོག་ཚར་ཆོད་ཅིག །
མཛེས་མའི་གཟུགས་ལ་འདོད་ཆགས་མེ་ལྟར་འབར། །
ཆོས་གྲོགས་དག་ལ་ཞེ་སྡང་ཆུ་བཞིན་ཁོལ། །
བཀའ་པོད་ལྔ་ལ་གཏི་མུག་མུན་ལྟར་འཐིབས། །
དུག་གསུམ་བསྡུས་གཟུགས་ཀུ་ཤུ་གློག་ཀླད་རེད། །
ཀུ་ཤུ་གློག་ཀླད་ཅན་གྱི་གྲྭ་པ་ཚོས། །
དཔེ་ཆ་གཡས་བསྐྱུར་ཕྲེང་བ་གཡོན་བསྐྱུར་གྱིས། །
དེང་རབས་ཤེས་བྱ་འཚོལ་ལ་བྲེལ་བ་འདི། །
བསྟན་དགྲ་འདི་ཡི་ནག་ཉེས་དང་པོ་ཡིན། །
བསླབ་གསུམ་རྒྱན་ལྡན་གྲྭ་པ་ལོ་ཆུང་ཚོས། །
ངོ་དེབ་སོགས་སུ་མཛེས་མའི་པར་བཞག་སྟེ། །
རང་ཉིད་ཡིན་ཁུལ་བརྫུས་པའི་གཡོ་སྒྱུ་འདི། །
བསྟན་དགྲ་འདི་ཡི་ནག་ཉེས་གཉིས་པ་ཡིན། །
རྒྱ་མོ་ཕྱི་མོ་མཛེས་དང་མི་མཛེས་ཀུན། །
གྲྭ་གཞོན་བརྒྱ་སྟོང་དུ་མར་སེམས་ཤོར་ནས། །
ཉིན་མཚན་མེད་པར་ཀུ་ཤུ་གློག་བརྙན་སྣོག །
བསྟན་དགྲ་འདི་ཡི་ནག་ཉེས་གསུམ་པ་ཡིན། །
ཆོལ་ཁ་ཆོས་ལུགས་བར་གྱི་ཞེ་འཁོན་དང་། །
ཆོས་གྲོགས་སློབ་གྲོགས་བར་གྱི་ཕྲག་དོག་དག །
གྲྭ་པ་འདི་ཚོས་ཀུ་ཤུ་གློག་ཀླད་ནང་། །
གཡོས་བཞིན་རྫོང་བ་ནག་ཉེས་བཞི་པ་ཡིན། །
མཚན་གང་གློག་ཀླད་བསྔོགས་པའི་ངལ་དུབ་ཀྱིས། །
ཉིན་གང་ཉོབ་ནས་དཔེ་ཆར་མི་ལྟ་ཞིང་། །
ཆོས་གྲྭའི་ནང་དུ་ཀུ་ཤུ་གློག་ཀླད་དྲན། །
འདི་ནི་བསྟན་དགྲའི་ནག་ཉེས་ལྔ་པ་ཡིན། །
མདོར་ན་བདུད་དམག་དུང་ཕྱུར་བརྒྱད་བརྒྱ་ལས། །
ཀུ་ཤུ་གློག་ཀླད་གཅིག་གི་གནོད་པ་འདི། །
ཚབས་ཆེའི་གནས་ལུགས་རྟོགས་པའི་ཆོས་སྐྱོང་ཚོ། །
ད་ནི་བསྟན་དགྲ་གློག་ཀླད་ཆོག་ག་ཐོངས། །
ཀུ་ཤུ་རྟགས་ཅན་བསྟན་པའི་དགྲ་བོ་འདི། །
ཀུ་ཤུ་བཞིན་དུ་པགས་པ་བཤུས་ནས་སོད། །
ཀུ་ཤུ་བཞིན་དུ་ཟོ་རྒན་བཏབ་ནས་ཟོ། །
ཀུ་ཤུ་བཞིན་དུ་མིད་པའི་འཕྲང་ལ་དྲོངས། །
ཀུ་ཤུ་བཞིན་དུ་རྒྱུ་མའི་མཐིལ་དུ་འཕོངས། །
དགོན་སྡེ་དེང་རབས་ཅན་དུ་འགྱུར་དང་གཅིག།
གྲྭ་པ་གློག་ཀླད་ཅན་དུ་འགྱུར་དང་གཉིས། །
གློག་ཀླད་ཀུ་ཤུ་ཅན་དུ་འགྱུར་བ་གསུམ། །
བསྟན་པ་འཇིག་པའི་སྔ་ལྟས་མ་ཡིན་ནམ། །
རྒྱུགས་རྒྱུགས་མཆོངས་མཆོངས་ཆོས་སྐྱོང་སྲུང་མའི་ཚོགས། །
རྒྱོབས་རྒྱོབས་སོད་སོད་ཀུ་ཤུ་གློག་ཀླད་སོད། །
ཆོགས་ཆོགས་གཉོགས་གཤོགས་ཀུ་ཤུ་གློག་ཀླད་གཉོགས། །
དམ་ལས་མ་འདས་བཛྲ་ས་མ་ཡ། །
སྙན་པ་ལ་ཅིག་ཟིག་མ་རེད། ཨ་ཁུ་ལགས།
ཀུ་ཤུ་གྲྭ་བར་མི་ཕན་ཀུན་ལ་ཕན།།
ཀུ་ཤུའི་ཕན་པ་གྲྭ་བས་ལེན་མི་ཉན།།
ཀུ་ཤུ་ཟས་བའི་ཉེས་བའི་ཉེས་ཆད་འདི།།
འཇིག་རྟེན་ཆོས་ལུགས་ཀུན་བཤད་རྒྱུ་ཡོད།།
སེམས་ལ་སྣ་ཚོགས་སྣང་ཚུལ་དག
བློ་ཡིས་སྦྱངས་པ་མ་བྱས་ན།
དབེན་པར་བསྡད་ཅིང་གོས་དམར་གྱོན།
ཀུ་ཤུ་གློག་ཀླད་མ་གོས་ཅི།།
ཀླུ་སྨྱོན་ཡོད་ན། སྙན་རྩོམ་ཡོད་པས་ཁྱབ་ཟེར་བ་ལྟ་བུ་རེད། སྙན་པོ་བྱུང་། ཐུགས་རྗེ་ཆེ།
ད་ཉིན་གཅིག་ཀུ་ཤུའི་གློག་ཀླད་ཚབ་ལ། ཀླུ་སྨྱོན་སྙན་ངག་ཟེར་ནས་བྲིས་དགོས་རྒྱུ་རེད་འདུག
ཡེ་ཤུ་ཆོས་ལུགས་པ་ཚོས་ཀུ་ཤུ་འདི་གནའ་སྔ་མོ་ནས་འཇིག་རྟེན་འཁོར་བའི་སྡུག་བསྔལ་ཐམས་ཅད་སྣ་འདྲེན་བྱེད་ཞིག་ཡིན་པར་གསུངས་ཡོད་ཚོད། དཀོན་མཆོག་གིས་བུ་དང་བུ་མོ་གཉིས་འཇིག་རྟེན་དུ་བཀོད་པ་ན་ཁོང་གཉིས་དགའ་སྤྲོའི་དཔལ་ལ་རོལ་ནས་དུས་འདའ་བར་བྱེད། ཉིན་ཞིག་ཁོང་གཉིས་ཀས་ཀུ་ཤུ་ཟོས་པ་ན་སྔ་ན་མེད་པའི་ཆགས་པ་སླེབས་ནས་སྡོད་མ་ཚུགས་པར་གྱུར། དེ་ནས་ཁོང་གཉིས་ཀས་གཅིག་གིས་གཅིག་ལ་འཐམ་འཁྱུད་དང་འཇིག་རྟེན་གྱི་བདེ་བ་ལོངས་སུ་སྤྱོད་པའི་འགོ་ཚུགས་ཞིང་། མི་རབས་ཚ་བརྒྱུད་རིམ་གྱིས་འཕེལ་བར་གསུངས་ཡོད་ས་རེད།
བླ་མ་ཀླུ་སྨྱོན་ཚང་གིས་ཡེ་ཤུ་ཆོས་གཞུང་དང་མཐུན་པའི་སྒོ་ནས་གསུངས་པ་ཡིན་རྒྱུ་རེད། ནང་པའི་གཞུང་ལུགས་ན་ཀུ་ཤུ་ལ་དེ་འདྲ་སྡིག་ཉེས་ཆེན་པོ་ཡིན་པར་གསུངས་ཡོད་ས་མ་རེད་པ།
ལ་ལའི་སྨན་ལ་ལ་ལའི་དུག །ཅེས་དང་།
ཡང་། བུ་སྣང་བས་མི་འཆིང་ཞེན་པས་འཆིང་། །
ཞེན་པ་ཆོད་ཅིག་ཀླུ་སྨྱོན་ལགས། །ཞེས་ཞུའོ།།
ཀུ་ཤུ་མ་སྨད་ཀུ་ཤུར་བསྟོད།
དུས་རབས་གསར་པའི་འགྱུ་འགྲོས་རེད།
ཨ་ཁུ་ཀླུ་སྨྱོན་ཁ་རོག་བཞུགས།
ཕྱག་ཏུ་གློག་ཀླད་ཡོད་ཡོད་རེད།
གལ་ཏེ་གློག་ཀླད་མེད་གྱུར་ན།
ཨ་ཁུ་ཀླུ་སྨྱོན་སུས་ཤེས་སམ།
གློག་ཀླད་དགོས་ན་ཀུ་ཤུ་རྟགས་ཅན་དགོས།། ཀུ་ཤུ་ནང་གི་ཐོན་གསར་དེ་བས་དགོས།། ཁ་པར་དགོས་ན་ཀུ་་ཤུ་རྟགས་ཅན་དགོས།། ཀུ་ཤུའི་ནང་གི་ལྔ་པ་སྒུག་ནས་ཡོད།།
ཀུ་ཤུའི་སྦྱིན་བདག་འཆི་མའི་ལམ་དུ་བཤེགས། །
ཀུ་ཤུའི་ལག་རྩལ་རྒྱ་དམར་ཇག་པས་བརྐུས། །
ཀུ་ཤུའི་ཚོང་ལ་ཉམ་ཉེས་བྱུང་བའི་དུས། །
ཀུ་ཤུར་མ་སྨོད་ཨ་ལག་སྙིང་རྗེ་ཅན། །
འཛམ་གླིང་མཛེས་མའི་གཙུག་གི་རྒྱན་གྱུར་པ། །
བོད་ཡིག་བོད་སྐད་ཤོད་ལ་ཆེད་སྤོབས་པ། །
ཨ་ལག་ཀླུ་ཡི་ཡིད་དམ་ཀུན་གྱི་མཆོག །
ཚེ་རིང་སྐྱིད་ཀྱིས་ཀུ་ཤུའི་ཀློག་ཀླད་བསྣམས། །
ན་ནིང་གི་ཉིན་ཐོ་ཞིག་ཏུ་ཀུ་ཤུ་མེད་ན་མི་གྲལ་དུ་མི་ཚུད་རབས་གསུངས་ནས་ཀུ་ཤུ་ཉོས།
མི་མང་པོས་དེ་ལ་དཔེ་བླངས་ནས་བསགས་ཚད་ཀུ་ཤུར་སྟེར།
ད་ཡང་གྲྭ་པས་ཀུ་ཤུ་ཉར་བ་ཉེས་པ་རེད་གསུངས་པ་འདི་དག་༌༌༌༌༌༌
དངུལ་ཡོད་ན་ཀུ་ཤུ་ལོས་ཉོ་ཆོག
སྡུག་སེམས་བསྣན་དང་མ་སྣོན་ལས་ཀུ་ཤུའི་འགལ་རྐྱེན་མ་མཐོང་།
རང་རེའི་སྨྱོན་པ་འདི་ལའང་ནོ་འེར་རྩོམ་རིག་བྱ་དགའ་རག་པའི་རྩོམ་རྩལ་དངོས་གནས་འདུག འོན་ཀྱང་ཕང་པ་ཞིག་ལ་གླིང་འདིར་རང་ཅག་ཁ་བ་རི་པའི་ཡི་གེ་འབྲི་ཀློག་ཤེས་མཁན་ཤིན་ཏུ་ཉུང་བས་བྱ་དགའ་དེ་ཐོབ་རེ་དང་བྲལ། དེ་ལས་མིང་ལ་ཐོན་མིའི་རྩོ་རིགས་བྱ་དགའམ། དགེ་ཆོསརྩོམ་རིགས་བྱ་དགའ། ཡང་ན་ཏ་ལའི་བླ་མའི་རྩོམ་རིག་བྱ་དགའ་ཞེས་པའི་མིང་ཐོག་ནས་ཀླུ་སྨྱོན་ལ་བྱ་དགའི་བུམ་པ་ཞིག་བཟོས་ནས་ཕུལ་ན་གང་འདྲ་འདུག་གམ་ལྷན་རྒྱས་ཚོ།
ངོ་མ་འཕྲིན་བཅོལ་ཡག་པོ་ཞིག་བྲིས་འདུག་ག ཨ་ཁུ
རྩོམ་པ་པོ་ཀླུ་སྨྱོན་གྱི་སྙན་ཚིག་དུམ་བུ་འདིས་གཞན་ལ་མྱོང་ཚོར་གྱི་བདེ་སྡུག་གང་ཞིག་སྤྲད་ཡོད་མེད་ལ་མ་བལྟོས་པ་ཕྲན་གྱི་ཡིད་སྣང་ལ་ཆེས་འོས་ཤིང་འཚམས་པར་གྱུར་་་་་་་དེར་བརྟེར་རྗེས་ཕྱོགས་ཁོམ་ལོང་ནམ་ཡོད་ལ་སྐུ་ཉིད་ཀྱིས་རྩོམ་ཡིག་གང་མང་ཞིག་རྒྱ་ཆེ་ཀློག་པ་པོའི་སྤྱན་ལམ་དུ་བསྟར་ཐུབ་པའི་རེ་བ་ཆེ།
གཞན་གང་ཤེས། ནོ་འེར་རྩོམ་རིག་བྱ་དགའ་དང་། ཐོན་མིའི་རྩོ་རིགས་བྱ་དགའ་གཉིས་ཕུལ་ན་འགྲིག ཕུལ་མཁན་ཁྱོད་རང་ཡིན།
ཀུ་ཤུ་གློག་ཀླད་མ་གཏོགས་གློག་ཀླད་གཞན་པ་རྣམས་བསྟན་པའི་དགྲ་བོ་མིན་པ་འདྲ། དེ་ལྟར་ཨི་རེད་་་ཨ་ཁུ་ཀླུ་སྨྱོན་ལགས།།
ཀུ་ཤུའི་རྟགས་ཅན་འཕྲུལ་གྱི་བརྒྱུད།
ཀུ་ཤུའི་མདངས་ལྟར་བལྟ་ན་སྡུག།
ཀུ་ཤུའི་རོ་བཞིན་སྙན་པའི་ངག
འབྲི་ལ་མཁས་པའི་ཀླུ་སྨྱོན་བསྔགས།
ཀུ་ཤུ་མ་ཉེས་ཀུ་ཤུ་བཟང་།།
ཀུ་ཤུས་ལུས་ཟུངས་བསྐྱེད་པར་བྱེད།།
ཀུ་ཤུ་འཚོ་བཅུད་བཟང་པོའི་མཆོག།
ཀུ་ཤུ་ལྷ་ཚོགས་མཆོད་པའི་རྫས།།
ཀུ་ཤུ་མ་ཉེས་ཀུ་ཤུ་བཟང་།།
ཀུ་ཤུའི་དགྲ་ལྷའི་ཟས་ཁ་ཆོད།།
ཀུ་ཤུའི་དཔོན་ཁ་སྡེ་ཁ་ཐུལ།།
ཀུ་ཤུའི་འདོད་དོན་ལྷུན་གྱིས་འགྲུབ།།
ཀུ་ཤུ་མ་ཉེས་ཀུ་ཤུ་བཟང་།།
ཀུ་ཤུས་ཨ་ཁུ་གླིང་ལ་འཁྱེར།།
ཀུ་ཤུས་མི་ཚོགས་འདིར་བསྐུངས་ཏེ།།
ཀུ་ཤུས་སྨྱོན་པའི་ངོ་མཚར་སྒྲོགས།།
ཀུ་ཤུ་མ་ཉེས་ཀུ་ཤུ་བཟང་།།
མི་ཁ་ཁྱི་ཁ་འདི་ནས་བསྒྲིགས།།
དགྲ་ཁ་ལྷ་ཁ་འདི་ནས་འདུམ།།
མདོར་ན་འདི་འབྱུང་འདིར་འདུས་པ།།
ཡོད་ཚད་ཀུ་ཤུར་བརྟེན་པ་ཡིན།།
ཀུ་ཤུ་རྟགས་ཅན་འཛམ་གླིང་མཐོང་བྱེད་ཡིན།།
ཀུ་ཤུ་རྟགས་ཅན་གནས་ཚུལ་ཐོས་ས་ཡིན།།
ཀུ་ཤུ་རྟགས་ཅན་ཕོ་མོ་འཕྲད་ས་ཡིན།།
ཀུ་ཤུ་མེད་ན་ཁོར་ཡུག་སྟོང་བ་ཡིན།།
ཀུ་ཤུ་རྟགས་ཅན་སྙན་ངག་འབྲི་བྱེད་ཡིན།།
ཀུ་ཤུ་རྟགས་ཅན་སྙིང་གཏམ་གླེང་བྱེད་ཡིན།།
ཀུ་ཤུ་རྟགས་ཅན་འགྲོ་རོགས་འདུག་རོགས་ཡིན།།
ཀུ་ཤུ་མེད་ན་སེམས་པ་སྟོང་བ་ཡིན།།
མདུན་ཅོག་ཅིག་གི་སྟེགས་བུ་མི་དགོས་ཤིིང་།།
རྒྱབ་ཁུག་ཆེན་པོས་འཁུར་ཡང་མི་དགོས་པའི།།
ཀུ་ཤུ་རྟགས་ཅན་ཁ་པར་བཀོད་བདེ་འདི།།
བདག་གི་མཛུབ་མོའི་སྣེ་ན་བདེ་བདེ་ཞིག །
སྙིང་ཉེ་བའི་དྲ་གྲོགས་ཚོ་ཕེབས་ནས་དགོངས་ཚུལ་གསུངས་པ་དང་དྲི་བ་འདོན་པ་སོགས་གནང་བར་ཐུགས་རྗེ་ཆེ་ཞུ། དྲང་མོར་བཤད་ན་ངས་ཀུ་ཤུ་ཕར་མ་བསད་གོང་ཀུ་ཤུས་ང་ཚུར་གསོད་ན་ཐང་ཀི ཐུགས་དམ་སྐྱབས་འཇུག་རེ་མ་འཆུགས།
ཀླུ་སྨྱོན་ཁ་བདེ་དྲན་རིག་རྣོ་བའི་བུ། །གང་དྲན་ཐོལ་བྱུང་དྲ་རྒྱར་འགོད་པའི་བུ། །ཉིན་རེའི་ཚོར་འདུ་ཕྱི་རུ་འདོན་པའི་བུ། །འདི་ཉིད་ཁོང་གི་ལྟ་གྲུབ་ཕལ་ཆེར་མིན། བོད་ཡིག་འཕྲུལ་དུ་འགོད་སླའི་གློག་ཆས་ཞིག ཀུ་ཤུ་རྟགས་ཅན་འདྲ་བ་གང་དུ་ཡོད། སི་ཏྲེབ་ཇོབ་ཅེས་ཐོན་མི་གཉིས་པ་ཞིག །སྔ་ནས་ད་བར་ས་སྟེང་འདི་རུ་དཀོན། ཀླུ་སྨྱོན་ཧཱོུ་དང་ཕཏ་ཀྱི་སྒྲ་དང་བཅས། །ཁོང་ཉིད་དག་པའི་ཞིང་དུ་འདྲེན་རོགས་གནོངས། ལས་ཀྱི་མཁའ་འགྲོ་ཚེ་རིང་སྐྱིད་སོགས་ལྷན། །ཟག་མེད་ལྷན་སྐྱེས་དགའ་བའི་དཔལ་ལ་སྦྱོར། ཧཧཧཧཧཧཧ
ཀླུ་སྨྱོན་ལགས་ཡག་པོ་འདུག
བསྟན་པའི་དགྲ་བོ་བརྡ་འཕྲིན་དུས་རབས།
བརྡ་འཕྲིན་དུས་རབས་འདི་འགོག་རོགས་ཀྱིས།།
བསྟན་འཛིན་རྫུན་མ་ཚོ་ཤེས་འགྲོ་གི།།
རང་གི་ཕོར་ཁ་ཡང་ཆག་འགྲོ་གི།།
བརྡ་འཕྲིན་དུས་རབས་འདི་འགོག་རོགས་ཀྱིས།།
བརྡ་འཕྲིན་དུས་རབས་འདི་འགོག་རོགས་ཀྱིས།།
དགེ་བཤེས་གོ་ས་དེ་ཤོར་འགྲོ་གི།།
སྐྱིད་ཉལ་བྱེད་རྒྱུ་དེ་མི་རག་གི།།
བརྡ་འཕྲིན་དུས་རབས་འདི་འགོག་རོགས་ཀྱིས།།
བརྡ་འཕྲིན་དུས་རབས་འདི་འགོག་རོགས་ཀྱིས།།
ཚན་རིག་རིགས་གསར་དེ་ཤེས་འགྲོ་གི།།
གདོང་སྐྱི་མཐུག་པོ་དེ་བཀོག་འགྲོ་གི།།
བརྡ་འཕྲིན་དུས་རབས་འདི་འགོག་རོགས་ཀྱིས།།
བརྡ་འཕྲིན་དུས་རབས་འདི་འགོག་རོགས་ཀྱིས།།
དགེ་ཕྲུག་མང་པོ་ཞིག་བརླག་འགྲོ་གི།།
དགེན་ལ་འཁོར་སུམ་དེ་མང་དྲགས་ཐལ།།
བརྡ་འཕྲིན་དུས་རབས་འདི་འགོག་རོགས་ཀྱིས།།
བརྡ་འཕྲིན་དུས་རབས་འདི་འགོག་རོགས་ཀྱིས།།
ཚན་རིག་འཛིན་གྲྭ་ཞིག་ཚུགས་འགྲོ་གི།།
བསྟན་པ་ཉམ་བྱེད་ཀྱི་རྒྱུ་ཡིན་པས།།
བརྡ་འཕྲིན་དུས་རབས་འདི་འགོག་རོགས་ཀྱིས།།
བརྡ་འཕྲིན་དུས་རབས་འདི་འགོག་རོགས་ཀྱིས།།
ང་ཡི་འཁྲབ་སྟོན་དེ་མི་འགྲིམ་གི།།
རྫིག་མདོག་སྟོན་ས་དེ་མི་རག་གི།།
བརྡ་འཕྲིན་དུས་རབས་འདི་འགོག་རོགས་ཀྱིས།།
བརྡ་འཕྲིན་དུས་རབས་འདི་འགོག་རོགས་ཀྱིས།།
ང་ཡི་ལ་རྒྱ་དེ་བརླག་འགྲོ་གི།།
སྦྱིན་བདག་དཀར་ནག་ཚོགས་བྲོས་འགྲོ་གི།།
བརྡ་འཕྲིན་དུས་རབས་འདི་འགོག་རོགས་ཀྱིས།།
བརྡ་འཕྲིན་དུས་རབས་འདི་འགོག་རོགས་ཀྱིས།།
དེང་གི་ན་གཞོན་ཚོ་ཤོར་འགྲོ་གི།།
ང་ནི་མིག་ནང་ལ་མི་འཇོག་གི།།
བརྡ་འཕྲིན་དུས་རབས་འདི་འགོག་རོགས་ཀྱིས།།
ཀླུ་སྨྱོན་ཧེ་རུ་ཀ་ལགས་ཀྱིས་བསྟན་པའི་དགྲ་བོ་ཀུ་ཤུ་རྟགས་ཅན་ཟེར་བ་ཞིག་བྲིས་འདུག། ངས་བསྟན་པའི་དགྲ་བོ་བརྡ་འཕྲིན་དུས་རབས་ཟེར་བ་ཞིག་བྲིས་པ་ཡིན།
སྤྱོད་ཤེས་ན་ཀུ་ཤུ་བདུད་རྩི་རེད།།
སྤྱོད་མ་ཤེས་ཀུ་ཤུ་དུག་ནག་རེད།།
སྤྱོད་ཤེས་ན་ཀུ་ཤུ་དགེ་རྒན་རེད།།
སྤྱོད་མ་ཤེས་ཀུ་ཤུ་སྡིག་གྲོགས་རེད།།
སོང་ན་འགྲོ་རོགས་ཀུ་ཤུ་རེད།།
བསྡད་ན་འདུག་རོགས་ཀུ་ཤུ་རེད།
འཛམ་བུ་གླིང་དུ་ཀུ་ཤུ་རེད།།
ཀུ་ཤུའི་དུས་རབས་རྒྱལ་གྱུར་ཅིག།
བསྟན་དགྲ་དངོས་གནས་དེ་ཀུ་ཤུ་མ་རེད་ཁྱོད་རང་རེད།
དྲ་རྒྱར་གྲྭ་པས་འཛུལ་ཉེས་ན། །
ཁས་བླངས་སྲུང་སྡོམ་ཤོར་ཉེན་ཡོད། །
དྲ་རྒྱར་ཁྱོ་གས་ཉུལ་མང་ན། །
གཏན་གྲོགས་བཟའ་ཟླ་བྲལ་ཉེན་ཡོད། །
དྲ་རྒྱར་ཆོས་པས་ལྟ་མང་ན། །
རྒྱུན་འདོན་ཁ་ཏོན་ཆད་ཉེན་ཡོད། །
དྲ་རྒྱ་ཁྱོན་ནས་མ་བལྟས་ན། །
འཛམ་གླིང་གར་སླེབས་འཐོམ་ཉེན་ཡོད། །
དྲ་རྒྱས་དབང་རྣོན་གྱིས་བལྟས་ན། །
སྟོང་གསུམ་སྒྱུ་མར་མཐོང་རེ་ཡོད། །
དྲེ་རྒྱས་དེ་དྲ་རྒྱར་བཅོས།
དྲ་རྒྱ་བཀག བརྡ་འཕྲིན་བཀག རྩིས་འཕྲུལ་བཀག ད་རྒྱ་དམར་གྱི་ལས་དཀའ་འདྲ་ཞིག་བྱེད་བསམ་ཡོད་པ་འདྲ།
གྲྭ་བའང་མི་ཡིན་པས་ཁོང་ཚོའི་མིའི་གཤིས་སྤྱོད་ལ་གུས་ཞབས་བྱེད་རོགས།
སྤྱིར་གཞན་ལ་བཤད་པའི་ཁ་ཡོད་ན། རང་ལ་ལྟ་བའི་མིག་དགོས།
སྐུ་ཞོགས་ལོ་ལོ། ཁྱེད་རང་གིས་ཀྱང་ཀུ་ཤུ་རྟགས་ཅན་རུམ་ནས་ཡོད་པ་ཚོར་དགོས། ཁྱེད་རང་ལ་ཀུ་ཤུ་རྟགས་ཅན་དགོས་ན། གཞན་ལ་མི་དགོས་རྒྱུ་མཚན་ཅི། ཁྱེད་རང་དྲ་ལམ་ལ་ཉུལ་འདོད་ན། གཞན་ཉུལ་མི་ཆོག་པའི་རྒྱུ་མཚན་ཅི། དུས་རབས་ཀྱི་འགྱུར་འགྲོས་ལ་བརྟེན་ནས་ང་ཚོའང་འགྱུར་དགོས་པ་དེ་ཆོས་ཉིད་དང་། རྟེན་འབྱུང་གི་རང་བཞིན་རེད།
གྲྭ་ས་ལ་ཀུ་ཤུ་རྟགས་ཅན་གྱིས་གནོད་པ་གང་ཡང་མི་ཐུབ།
རྒྱ་གར་གྲུབ་ཆེན་ཏི་ལླི་པས།
བུ་སྣང་བས་མི་བཅིང་ཞེན་པས་འཆིང༌། །ཞེན་པ་ཆོད་ཅིག་ནཱ་རོ་པ། ཞེས་གསུང་པ་བཞིན་དོན་ལ་གནས་སོ།
དེ་མིན་་ཀུ་ཤུ་རྟགས་ཅན་མ་ཟད་རྟགས་ཅི་འདྲ་ཡོད་ན་ཡང་ཕན་ཐོགས་ལས་གནོད་མི་ཐུབ། ད་དུང་འགྲེལ་བཤད་དགོས་ན་ཞུ་ཆོག
ཨ་རིའི་ཡུལ་ནས་ཐོན་པ་ཡི།།
ཀུ་ཤུ་རྟགས་ཅན་གྲགས་ཆེ་ཡང་།།
གྲྭ་རྐྱང་དཀྱུས་མར་དགོས་མཁོ་ཆུང་།།
གནོད་སྐྱོན་ཤོར་ཚེ་བཟོ་མཁན་དཀོན།།
ཀློག་ཀླད་རྒྱུ་ཆ་བཟང་མི་བཟང་།།
དེང་སང་ཡར་ཐོན་རྣམ་པ་ཡིན།།
ཁྲོམ་རའི་ཁེ་སྤོགས་འཐོབ་ཕྱིར་ཡིན།།
བརྡ་འཕྲིན་དུས་རབས་གསར་བ་འདིར།།
བླ་སྤྲུལ་ཕལ་ཆེར་སྨྱོ་ལ་ཁད།།
གྲྭ་རྐྱང་རྣམས་ལ་འབྲེལ་བ་ཆུང་།།
ཐོས་བསམ་སྒོམ་པ་ཉམས་བྱེད་མིན།།
ཁ་འདོན་དགེ་སྦྱོར་རྒྱུན་མི་ཆད།།
གྲྭ་སའི་གྲྭ་བ་སྒྲིག་ཁྲིམས་དམ།།
སྤྱི་ཡོངས་ཆ་ནས་གཞན་ལས་འཕགས།།
ཀ་ཁ་ག་ང་གྲྭ་བས་སྐྱོར།།
སུམ་རྟགས་དག་གསུམ་གྲྭ་བས་སློབ།།
སྙན་ངག་རིག་གནས་གྲྭ་བས་སློབ།།
མཚན་ཉིད་རྩོད་པ་ཨ་རྐྱང་རྐྱང་།།
ཡ་གུའི་སངས་རྒྱས་འཕགས་པ་ནས།།
སེམས་མེད་བེམ་པོ་གློག་འཕྲུལ་བར།།
གནའ་དེང་མི་ཡི་རིག་པའི་སྒོ།།
ཇི་སྙེད་ཡོད་པ་བསླབ་བྱ་ཡིན།།
ཀུ་ཤུ་ཟས་ན་ལང་ཚོའི་མེ་ཏོག་བཞད།།
ཀུ་ཤུ་མུར་ན་འགྲམ་སྟོང་འཕྲལ་དུ་ཡལ།།
ཀུ་ཤུ་སྤྱད་ན་དུས་རབས་མཉམ་དུ་སླེབ།།
ཀུ་ཤུ་མང་ན་མཁལ་མ་མཆིན་པའི་དགྲ།།
ཀུ་ཤུ་ཡོད་ན་བུ་མོས་འཛུམ་གྱིས་བསུ།།
ཀུ་ཤུ་ཉར་ན་ཕ་མ་བུ་ཕྲུག་རྗེད།།
ཀུ་ཤུ་བརླགས་ན་གློ་སྙིང་མཆིན་གསུམ་ན།།
ཀུ་ཤུར་ཉེ་ན་གཅིན་པ་མངར་གྱུར་ཉེ།།
ཀུ་ཤུ་རུམ་ན་ཆགས་པའི་རྒྱལ་མཚན་ལངས།།
ཀུ་ཤུ་གཡུགས་ན་སྲོལ་རྒྱུན་རྩམ་དྲི་བྲོ།།
ཀུ་ཤུ་རུལ་ན་ལྐོག་ཟ་རུལ་སུངས་འབར།།
ཀུ་ཤུ་གཉལ་ན་ཕྱི་ཉིན་ཚོགས་ཆོས་ལེགས།།
ཀུ་ཤུ་སྟེར་ན་ལྟག་སྒོའི་རྩིབ་མ་ཆག །
ཀུ་ཤུ་མེད་ན་དགོས་འདོད་ཀུན་འབྱུང་མེད།།
ཀུ་ཤུ་ཡོད་ན་བསམ་འཕེལ་ནོར་བུ་ཡིན།།
ཀུ་ཤུ་ལྡན་ན་ཀླུ་སྨྱོན་ཉམས་རྟོགས་འཕེལ།
ཀུ་ཤུ་མཐོང་ན་མཛེས་མ་ཚེ་སྐྱིད་དྲན།།
ཀུ་ཤུ་དེ་ཉིད་རཀྣསཾ་འཕེལ་དངོས།།
ཀུ་ཤུ་བདེན་གྲུབ་གྲྭ་བཙུན་བློ་ན་མེད།།
ཀུ་ཤུ་བདེན་སྟོང་དམིགས་པའི་ཡུལ་དུ་འོས།།
མདོར་ན་ཀུ་བདེ་སྟོང་དབྱེར་མེད་སྤུན།།
ཀུ་ཤུ་ཟས་ན་ལང་ཚོའི་མེ་ཏོག་བཞད།།
ཀུ་ཤུ་མུར་ན་འགྲམ་སྟོང་འཕྲལ་དུ་ཡལ།།
ཀུ་ཤུ་སྤྱད་ན་དུས་རབས་མཉམ་དུ་སླེབ།།
ཀུ་ཤུ་མང་ན་མཁལ་མ་མཆིན་པའི་དགྲ།།
ཀུ་ཤུ་ཡོད་ན་བུ་མོས་འཛུམ་གྱིས་བསུ།།
ཀུ་ཤུ་ཉར་ན་ཕ་མ་བུ་ཕྲུག་རྗེད།།
ཀུ་ཤུ་བརླགས་ན་གློ་སྙིང་མཆིན་གསུམ་ན།།
ཀུ་ཤུར་ཉེ་ན་གཅིན་པ་མངར་གྱུར་ཉེ།།
ཀུ་ཤུ་རུམ་ན་ཆགས་པའི་རྒྱལ་མཚན་ལངས།།
ཀུ་ཤུ་གཡུགས་ན་སྲོལ་རྒྱུན་རྩམ་དྲི་བྲོ།།
ཀུ་ཤུ་རུལ་ན་ལྐོག་ཟ་རུལ་སུངས་འབར།།
ཀུ་ཤུ་གཉལ་ན་ཕྱི་ཉིན་ཚོགས་ཆོས་ལེགས།།
ཀུ་ཤུ་སྟེར་ན་ལྟག་སྒོའི་རྩིབ་མ་ཆག །
ཀུ་ཤུ་མེད་ན་དགོས་འདོད་ཀུན་འབྱུང་མེད།།
ཀུ་ཤུ་ཡོད་ན་བསམ་འཕེལ་ནོར་བུ་ཡིན།།
ཀུ་ཤུ་ལྡན་ན་ཀླུ་སྨྱོན་ཉམས་རྟོགས་འཕེལ།
ཀུ་ཤུ་མཐོང་ན་མཛེས་མ་ཚེ་སྐྱིད་དྲན།།
ཀུ་ཤུ་དེ་ཉིད་རཀྣསཾ་འཕེལ་དངོས།།
ཀུ་ཤུ་བདེན་གྲུབ་གྲྭ་བཙུན་བློ་ན་མེད།།
ཀུ་ཤུ་བདེན་སྟོང་དམིགས་པའི་ཡུལ་དུ་འོས།།
མདོར་ན་ཀུ་ཤུ་བདེ་སྟོང་དབྱེར་མེད་སྤུན།།
ཀུ་ཤུ་རྟགས་ཅན་བརྒྱུད་དེ་བགྲོ་གླེང་བྱེད།།
ཀུ་ཤུ་རྟགས་ཅན་ལམ་ནས་སྙན་ངག་འབྲི།།
ཀུ་ཤུ་རྟགས་ཅན་ངོས་སུ་རང་རྣམ་བཀོད།།
ཀུ་ཤུ་རྟགས་ཅན་ནང་ནས་ཉིན་ཐོ་སྤེལ།།
ཀུ་ཤུ་རྟགས་ཅན་དྲིན་གྱིས་བདག་མོ་ཐོབ།།
ཀུ་ཤུ་རྟགས་བརྒྱུད་དེ་འཛམ་གླིང་ཉུལ།།
ཀུ་ཤུ་རྟགས་ཅན་ཀློང་དུ་པར་རིས་བཀྲམ།།
ཀུ་ཤུ་རྟགས་རུམ་ནས་སྨྱོ་གཏམ་གླེང་།།
ཀུ་ཤུ་རྟགས་ཅན་ཆེད་དུ་རྒྱལ་ཁམས་ཉུལ།།
ཀུ་ཤུ་དོན་དུ་གསང་སྤྱོད་བཀྲུས།།
ཀུ་ཤུ་རྟགས་ཅན་ཐོབ་ཕྱིར་དབྱིན་མོར་སྦྱོར།།
ཀུ་ཤུ་རྟགས་ཅན་རེགས་ཕྱིར་བླ་གཟུགས་རྫུས།།
ཀུ་ཤུ་རྟགས་ཅན་མི་ཚེ་སྐྱེལ་རོགས་རེད།།
ཀུ་ཤུ་རྟགས་ཅན་གྲགས་སྙན་ངོམས་རོགས་རེད།།
ཀུ་ཤུ་རྟགས་ཅན་སློང་མོ་སློང་རོགས་རེད།།
ཀུ་ཤུ་རྟགས་ཅན་མེད་ན་ཀླུ་སྨྱོན་མྱོ།།
ད་དུང་བསྟན་པའི་དགྲ་བོ་ཡིན་ནོ་སྐད།།
ད་དུང་སློབ་པའི་གེགས་བྱེད་ཡིན་ནོ་སྐད།།
ད་དུང་ཚུལ་ཁྲིམས་འཆར་བྱེད་ཡིན་ནོ་སྐད།།
ད་དུང་ཆོས་སྐྱོང་སྲུང་མ་རྦད་དོ་སྐད།།
ཆོས་སྐྱོང་སྲུང་མར་རྦད་པས་མཐུ་ཡོད་ན།།
དང་པོ་ཁྱོད་ལ་ངེས་པར་རྟགས་ཤིག་འོང་།།
དེ་ནས་ངེད་ཚོར་གར་བྱེད་ལམ་ཞིག་དོད།།
དེ་དུས་ཁྱོད་ཀྱི་ཨ་ར་ཏོག་ངེས་ཡིན།།
ཆོས་གྲ་ཁག་གིས་ཀུ་ཤུ་རྟགས་ཅན་བཀག །དེང་རབས་ཤེས་བྱ་བོད་མིས་ཤེས་པར་དོག །རྒྱ་དམར་གཞུང་གིས་བོད་ལ་ཀུ་ཤུ་བཀག །འཛམ་གླིང་གནས་ཚུལ་བོད་ཀྱིས་ཤེས་པར་དོག །བསམ་པའི་ཀུན་སློང་ཁྱད་པར་ཡོད་སྲིད་ཀྱང་། འབྲས་བུ་རྨོང་པར་འཁྲིད་ལ་ཁྱད་འདུག་གམ།
༄དུས་རབས་འགྱུར་འགྲོས་དང་བསྟུན་པའི།
།ཀུ་ཤུ་ལ་སོགས་ཀློག་ཀླད་ཀུན།
།མེད་་དུ་མི་རུང་རང་གཞན་ཀུན།
།དགྱེས་སྤྲོའི་་ངང་ནས་སྤྱོད་རོགས་གནང་།
མིག་བརྒྱད་པས་མི་མཐོང་ན་སུས་མཐོང་། ངོ་མ་ཁྱོད་བདེན།
ན་ནིང་། ཀུ་ཤུའི་ལས་ཁུངས་ཀྱི་འགོ་འཛིན་འདས་གྲོངས་སུ་ཕྱིན་སོང་། ད། བྱས་དུས་ཀླུ་སྨྱོན་གྱིས་མཐུ་རྒྱབ་འདུག་གཱ སང་ཉིན་སུ་ཞིག་རྐྱེན་ལམ་དུ་སོང་རྒྱུ་རེད།
ཀུ་ཤུའི་ནང་ནས་བོད་ཡིག་བསླབ་མྱོང་ཞིང་། །
ཀུ་ཤུའི་ནང་ནས་བོད་སྐད་ཤོད་ཀྱང་མྱོང་། །
ཀུ་ཤུས་རང་རིགས་སྐད་ཡིག་སྲུང་སྐྱོར་ལ། །
ཀུ་ཤུས་ཞབས་ཞུ་བྱས་པ་ཉུང་ཉུང་མིན། །
ཀུ་ཤུ་ནང་ནས་ཕ་ཡུལ་བལྟ་ཐུབ་ཅིང་། །
ཀུ་ཤུའི་ནང་ནས་ཕ་མར་མཐོང་ཐུབ་ལ། །
ཀུ་ཤུའི་ནང་ནས་ཁ་བརྡ་ཡེད་ཐུབ་པས། །
ཀུ་ཤུ་ཁྱོད་ནི་རིན་ཆེན་ནོར་ལས་ལྷག །
ཀུ་ཤུའི་ནང་ནས་མནའ་མོ་རྙེད་མྱོང་ལ། །
ཀུ་ཤུའི་ནང་ནས་སྙིང་གཏམ་གླེང་མྱོང་ཞིང་། །
ཀུ་ཤུས་མཛའ་འཕྲིན་བདེ་ལེགས་སྐྱེལ་འགྲོ་བས། །
ཀུ་ཤུ་ཁྱོད་ཀྱི་སྐུ་ཚེ་བརྟན་པར་སྨོན། །
སྤྱི་ཚོགས་ནང་ལ་སེམས་ཆོས་མི་སྤེལ་ཞིང་།།
དྲ་ཐོག་ནང་ནས་འཁྲིགས་གཏམ་རྒྱུན་དུ་གླེང་།།
གྲྭ་སར་མི་བསྡོད་གྲྭ་རྐྱང་ཀུ་ཤུ་མགོ།
བསྟན་དགྲ་འདི་ཡང་ཚར་གཅོད་མྱུར་དུ་བྱོས།།
ཨོ། ད་ཀླུ་སྨྱོན་གྱི་རྒྱབ་ལ་གད་སྙིགས་ག་ཆེན་གཡུགས་འདུག་ག ད་མཆན་ཞོག་རྒྱུ་འཚམས་བཞག་ན་ཏག་ཏག་རེད།
གྲྭ་པའི་ཀུ་ཤུ་བཟུང་ན་བསྟན་དགྲ་མིན། གྲྭ་པའི་སྐད་ཡིག་སྤྱང་ན་བསྟན་དགྲ་མིན། གྲྭ་པའི་རྩོམ་ཡིག་བྲིས་ན་བསྟན་དགྲ་མིན།
འདི་ལྟར་མཐོང་བ་སུ་ཡི་མ་ཤེས་ན།གང་དྲན་གླེང་བ་དེ་བས་རིན་ཐང་མེད། གྲྭ་པའི་ཀུ་ཤུ་བཟུང་ན་བསྟན་དགྲ་ཟེར། གྲྭ་པའི་ཆོས་རྫུན་བཤད་ན་རིན་ཐང་གླེང་།གཉེར་གཅིག་དུས་ཀྱི་ཚ་རླབས་དྲོན་མོ་འདི། གང་དྲན་གླེང་སའི་འཐབ་འཛིང་བྱེད་ས་ཡིན།
གང་ལྟར་བོད་ཀྱི་ནག་ཆོས་འདི་དེང་རབས་ཀྱི་དགྲ་ཞིག་ཡིན་པའི་རང་གཟུགས་གསལ་ནས་གསལ་དུ་སླེབས་བཞིན་འདུག
ནོར་བཅོས
༤༢༽ རིག་པའི་བུ་ནས།
སྤྱི་ལོ་ ༢༠༡༢ ཟླ་ ༦ ཚེས་ ༣༠ གི་ཆུ་ཚོད་ ༡༠ སྐར་མ་ ༣༦
གང་ལྟར་བོད་ཀྱི་ནང་ཆོས་འདི་དེང་རབས་ཀྱི་དགྲ་ཞིག་ཡིན་པའི་རང་གཟུགས་གསལ་ནས་གསལ་དུ་སླེབས་བཞིན་འདུག
དུས་རབས་དང་མཐུན་པའི་འཛམ་གླིང་འགྱུར་འགྲོ་བས་ག་ཏེ་འཛམ་གླིང་འདི་སྟེང་
བོད་དང་བོད་མི་བོད་ཀྱི་རིག་གཞུང་བཅས་དུས་རབས་དང་མཐུན་པ་གནས་དགོས་ན་
དུས་རབས་གསར་པའི་སྤྱི་ཚོག་དང་མཐུན་པའི་ཤེས་བྱ་ལ་བརྩོན་དགོས། བྱས་ཙང་དུས་རབས་
འདི་དང་འབྱུང་འགྱུར་དུས་རབས་ནང་ཀློག་ཀླད་ནི་ཆེ་མཁོ་ཆེ་བའི་ཤེས་བྱར་མངོན་ སེམས་པ་
རང་སར་གནས་མི་གནས་ནི་གཙོ་བོ་གང་ཟག་རང་ཉིད་ལ་རག་ལས།
ཀུན་ཀྱང་ཀུ་ཤུ་ཐོབ་ནས་དགའ།
ཀུན་ཀྱང་ཀུ་ཤུ་ཐོབ་ན་རེ།
ཀུན་ཀྱང་ཀུ་ཤུ་རིག་ན་འདོད།
ཀུན་ཀྱང་ཀུ་ཤུ་རེག་པར་དགའ།
ཀུན་ཀྱང་ཀུ་ཤུ་པང་བར་འདོད།
ཀུན་ཀྱང་ཀུ་ཤུ་ངོམ་པར་དགའ།
ཀུན་ཀྱང་ཀུ་ཤུར་འཐོམས་ནས་བསྡད།
ཀུན་ཀྱང་ཀུ་ཤུར་རྩེས་ནས་དགོད།
ཀུན་ཀྱང་ཀུ་ཤུར་རྩེས་ནས་ངུས།
ཀུན་ཀྱང་ཀུ་ཤུས་བདེ་བར་སྦྱོར།
ཀུན་ཀྱང་ཀུ་ཤུས་སྡུག་ཏུ་སྦྱོར།
ཀུན་ཀྱང་ཀུ་ཤུས་སྐྱིད་སྣང་སྟེར།
ཀུན་ཀྱང་ཀུ་ཤུས་ཀུན་སྟོང་བྱས།
ཀུན་ཀྱང་ཀུ་ཤུས་རྐུ་མར་མངག
ཀུན་ཀྱང་ཀུ་ཤུས་རྐུབ་གཡོག་མངག
ཀུན་ཀྱང་ཀུ་ཤུས་རྐུབ་སྲུང་མངག
ཀུན་ཀྱང་ཀུ་ཤུས་དཀོར་ཉུག་མངག
ཀུན་ཀྱང་ཀུ་ཤུས་ལྐོག་ནས་བསད།
ཀུན་ཀྱང་ཀུ་ཤུས་རིག་ནས་བསད།
ཀུན་ཀྱང་ཀུ་ཤུས་ཤར་ལ་གཏོང་།
ཀུན་ཀྱང་ཀུ་ཤུས་ནུབ་ལ་གཏོང།
ཀུན་ཀྱང་ཀུ་ཤུས་སིལ་བུར་གཏོང་།
ཀུན་ཀྱང་ཀུ་ཤུས་ཉིན་མོར་སྙུལ།
ཀུན་ཀྱང་ཀུ་ཤུས་མཚན་མོར་སློང་།
ཀུན་ཀྱང་ཀུ་ཤུས་གྲོགས་སུ་སྒྲིག
ཀུན་ཀྱང་ཀུ་ཤུས་དགྲ་རུ་བགྱིས།
ཀུ་ཤུའི་ལས་དབང་ཀུན་དང་འཕྲད།
ཀུ་ཤུའི་རྣམ་སྨིན་ཀུན་ལ་འཁོར།
ཀླུ་སྨྱོན་གྱིས་སྙན་རྩོམ་འདི་ལྟར་འབྲི་བ་ནི། བསྟན་པའི་དགྲ་བོ་རྩད་ཆོད་པ་ཞེས་པའི་རྩོམ་དེ་མཐོང་མ་ཐག་ནང་དོན་ངོ་མ་ཇི་བཞིན་མ་རྟོགས་པའི་དབང་གིས་རེད།
ངས་ཀུ་ཤུ་དང་མཉམ་དུ་བཟའ་འཛིང་བྱེད་ཀི་ཡོད་མ་གཏོགས་བཟའ་འཐོར་བྱེད་ཀི་མེད། འདི་ཙམ་ཡང་མི་ཤེས་སམ།
བཟའ་འཐོར་བྱེད་འདོད་མེད་ན་བཟའ་འཛིང་ཡང་མ་བྱས་ན་ལོས་དགའ། བཟའ་འཐོར་བྱེད་འདོད་མེད་པའི་བཟའ་འཛིང་དེ་རང་སྡུག་རང་གིས་ཉོས་པ་མ་ཡིན་ནམ།
ཀུ་ཤུའི་མཚན་ཉིད་ཀུན་ལ་བསླབ་པ་ལས།
ལྐུགས་པ་འགའ་ཞིག་ཀུན་ཀྱང་དོན་མ་གོ
ཀུན་ཀྱང་ཞེས་པ་མང་པོའི་དོན་འཇུག་པས།
བཀོལ་སྤྱོད་མ་ནོར་ཡང་ཡང་སློབ་པར་བརྩོན།
ལྷག་བསམ་གྱི་འབོད་སྒྲ།
༄༅།།ཀུན་མཁྱེན་བུ་རམ་ཤིང་པའི་རྗེས་འཇུག་ཚོ།།
ཆོས་གོས་རྣམ་གསུམ་ལུས་ལ་གྱོན་བཞིན་དུ།།
དུག་གསུམ་བག་ཡང་ངང་དུ་སྤྱོད་པ་འདིས།།
མཐའ་མེད་འཁོར་བའི་གཏིང་རྡོ་མ་བྱས་སམ།།
ཁ་ནས་དགེ་སྡིག་བླང་དོར་བརྗོད་བཞིན་དུ།།
ཁོག་ན་རང་རྒྱལ་གཞན་ཕམ་ཁོ་ནར་སེམས།།
ལག་མ་ཎི་འཁོར་ལོ་བསྐོར་བཞིན་དུ།།
ཁ་ནས་དོན་མེད་ལོང་གཏམ་འབའ་ཞིག་སྨྲ།།
གང་ལ་གཞིག་ཀྱང་སྙིགས་དུས་ཆོས་གཟུགས་ཀྱིས།།
གང་དུ་བཅས་དང་རང་བཞིན་ཉེས་པའི་ཚོགས།།
གང་དཀར་སེམས་ཀྱི་ཟུར་ན་ཡོད་མོད་ཀྱང།།
གང་ཞིག་བསྲུང་སེམས་ཉིན་སྐར་ལས་དཀོན།།
ལྷག་པར་ད་དུས་ཕྱི་གླིང་སྲོལ་ངན་ལ།།
རབ་ཏུ་ཆགས་ནས་སྤུན་་མཆེད་སྒྲིག་ཞིས་པའི།།
ཚིག་འབྲུ་གཉིས་འདི་ཧ་ཅང་ཞེན་ཆེས་ནས།།
རྒྱལ་གསུང་བསྒོ་བ་རྣར་ཟོན་བྱེད་ལ་ལྟོས།།
རབ་ཏུ་བྱུང་སྟེ་ངུར་སྨིག་གོས་གྱོན་ནས།།
རབ་དཀར་དགེ་བའི་ལས་ཤིག་མི་བསྒྲུབ་པར།།
ར་རིའི་དྲི་མས་རང་སེམས་བསྒྲིབས་པ་ལ།།
རབ་མཛེས་གཞོན་ནུ་ཁྱོད་ཀྱི་མ་ཚོར་རམ།།
ཀ་གསར་ལང་ཚོ་ལྡན་པའི་བཙུན་ཆུང་ལགས།།
ཀ་འབོ་ཏྲར་སམ་གློག་ཀླད་འཕྲུལ་ཆས་ལ།།
ཀ་ཡིག་སུམ་བཅུ་སྦྱང་སྟར་འབད་པ་འདིས།།
མི་འདས་མྱང་འདས་སྒྲུབ་་ལ་ཅི་ཞིག་ཕན།།
རབ་བྱུང་རབ་བྱུང་ས་ལ་མི་གནས་པར།།
རབ་ཏུ་དབེན་པའི་དགོན་པ་བོར་ནས་ཀྱང་།།
རབ་་ཏུ་འཁྲུག་པའི་ཕྱི་རྒྱལ་ཡུལ་གྲུ་ལ།།
འགྲོ་ཕྱིར་བྱང་ཆུབ་སྒྲུབ་སྟར་བརྩོན་འདི་མཚར།།
ལྷག་པར་རྒྱ་བལ་འབྲུག་སོགས་གནས་པ་ཡི།།
སྟོན་པའི་རྗེས་འཛིན་རློམས་པའི་སེར་གཟུགས་རྣམས།།
སྐྲ་སེར་སྤྲིའུའི་རིགས་ལ་དད་པ་ཡི།།
འདི་ཕྱིའི་སྐྱབས་གནས་གཅིག་པུར་བཟུང་ལ་ལྟོས།།
གངས་ཅན་ས་ལའི་ལྗོངས་ཀྱི་བློ་ལྡན་པ།།
མཁས་དབང་དགེ་འདུན་ཆོས་འཕེལ་ཞལ་སྔ་ནས།།
ཕྱི་རབས་གངས་ཅན་པ་ལ་གདམས་པ་དེ།།
ཁྱོད་ཀྱི་ད་དུང་མ་ཐོས་ཤིན་ཏུ་མཚར།།
གཞན་ཕན་སྙིང་རྗེའི་རླན་དང་བྲལ་ན་ཡང་།།
རིགས་རྩལ་སྒྱུ་འཕྲུག་གློག་གི་ཆོ་འཕྲུལ་གྱིས།།
དྲང་པོའི་མི་ལ་འཁྱོག་པོའི་ལམ་སྟོན་པ།།
སྐྲ་སེར་སྤྲེའུའི་རིགས་ལ་དོགས་ཟོན་མཛོད།།
ཞེས་གསུངས་བརྩེ་བའི་གདམས་པ་ཟབ་མོ་འདི།།
སྤྱིར་ན་ས་ཡ་དྲུག་གི་བོད་མི་དང།།
ལྷག་པར་ངུར་སྨྲིག་བླ་གོས་འཆང་བ་ཡི།།
བསྟན་ལ་དད་པ་རྣམས་ཀྱིས་ཉམས་ལེན་མཛོད།།
འདི་ལྟར་འབྲི་བའི་རྣམ་དཔྱོད་མི་ལྡན་ཡང།།
བསྟན་པའི་བླ་བཙོང་འགའ་ཡི་ཡིད་དབྱུང་ལ།།
བརྟེན་ནས་རྣམ་དག་སེམས་ཀྱིས་བྲིས་པ་ལས།།
ནོངས་པར་གྱུར་ན་གཟུར་གནས་མཁས་ལ་བཤགས།།
གལ་ཏེ་འདི་ཙམ་སྤེལ་བའི་དགེ་རྩ་ཞིག།།
མཆེས་ཚེ་དེ་ཡང་རྒྱལ་བསྟན་ས་སྟེང་དུ།།
ཡུན་དུ་གནས་ཤིང་དེ་འཛིན་དགེ་འདུན་སྡེར།།
རྣམ་དག་བསླབ་ཁྲིིམས་འདོམས་པའི་རྒྱུ་བསྔོ།།