སྙན་ངག་མཁན། ཋཱ་ཀུར། (Tagore) སྒྱུར་མཁན། ཟླ་བ་གཞོན་ནུ།
མེ་ཏོག་རྐང་དང་བོ་མོ།
མིན། བདག་གི་མཛའ་བཤེས་རྣམ་པ་ཚོ། ང་ནམ་ཡང་དཀའ་ཐུབ་པ་ཞིག་བྱེད་རྒྱུ་མིན། ཁྱོད་ཚོས་ཅི་ཞིག་བཤད་ཀྱང་བཤད།
གལ་ཏེ་མོས་ང་དང་མཉམ་དུ་དཀའ་ཐུབ་ཀྱི་སྡོམ་ཁྲིམས་མ་བཞེས་ན་ནི་ང་ནམ་ཡང་དཀའ་ཐུབ་པ་ཞིག་བྱེད་རྒྱུ་མིན།
གལ་ཏེ་བདག་ལ་བསིལ་གྲིབ་སྟུག་པའི་གྲིབ་འོག་ཅིག་དང་། ང་དང་མཉམ་དུ་དཀའ་ཐུབ་ལ་སྡོད་མཁན་ཞིག་མ་རྙེད་པ་ཡིན་ན་ང་རང་དཀའ་ཐུབ་པ་ཞིག་བྱེད་རྒྱུ་མིན་ཞེས་སེམས་ཐག་ཆོད་པ་ཡིན།
མིན། བདག་གི་མཛའ་བཤེས་རྣམ་པ་ཚོ། གལ་ཏེ་ནགས་ཚལ་གྱི་བསིལ་གྲིབ་སྟུག་པོ་དེར་བདག་གིས་སུ་ཞིག་གི་དགོད་སྒྲའི་བྲག་ཆ་ཐོས་རྒྱུ་མེད་པ་དང་། གལ་ཏེ་སུ་ཞིག་གི་གེ་ས་རིའི་མདོག་ཅན་གྱི་སཱ་རས་རླུང་ཁྲོད་དུ་ལྷབ་ལྷུབ་སྐྱོད་པ་མ་སྲིད་པ;
གལ་སྲིད་སྒྲ་ཤིན་ཏུ་མཉེན་པའི་གསང་གཏམ་ཤབ་ཤུབ་ཀྱི་སྒོ་ནས་ས་དེའི་ལྷིང་ཇེ་འཇགས་སུ་གཏོང་རྒྱུ་མ་སྲིད་ན།
ང་རང་རང་ཁྱིམ་དང་ཁ་བྲལ་ཏེ་དབེན་འཇགས་ཀྱི་ནགས་ཚལ་དུ་གནས་རྒྱུ་མིན་ལ། དཀའ་ཐུབ་པ་ཞིག་ནམ་ཡང་བྱེད་རྒྱུ་མིན།
མེ་ཏོག་རྐང་གཉིས་པ་མོ།
ཀྱེ། བདག་ཉིད་ཆེན་པོ། ཉེས་ཅན་འདི་གཉིས་གུ་ཡངས་སུ་གཏོང་རོགས།
དིང་གི་དཔྱིད་རླུང་རབ་ཏུ་བཟི་སྟེ་གཡུག་གིན་འདུག, ཐལ་རྡུལ་དང་ལོ་མ་རྙིད་པ་དག་འཁུར་གྱིན་འདུག, དེ་དག་དང་ལྷན་དུ་ཁྱེད་ཀྱི་ཁྲིད་ཚན་ཡང་བརླག་སོང་།
ཡབ་ཆེན་ལགས། མི་ཚེ་ལ་སྙིང་བོ་མི་འདུག་ཅེས་མ་གསུངས་རོགས།
རྒྱུ་མཚན་ནི་བདག་ཅག་གིས་འཆི་བ་དང་ལྷན་དུ་ཞི་མོལ་བྱས་ཟིན་ལ། ད་དུང་དུས་ཡུན་ཐུང་ཐུང་ཞིག་གི་རིང་ལ་ངེད་གཉིས་ལ་འཆི་མེད་ཀྱི་གོ་འཕང་ཐོབ་པར་བྱས་ཡོད་པས་ཡིན།
བརྒྱ་ལ་རྒྱལ་བོའི་དམག་དཔུང་ཐོན་ཏེ་ངེད་གཉིས་ལ་ཤུགས་ཀྱིས་རྒོལ་འཛིང་བྱེད་ན་ཡང་། ངེད་གཉིས་ཀྱིས་སྐྱོ་བའི་ཉམས་དང་བཅས་ཏེ་མགོ་བོ་གཡུག་ཞོར་འདི་སྐད་དུ། སྤུན་མཆེད་ཚོ། ཁྱོད་ཚོས་ངེད་ཅག་གི་ལྷིང་འཇགས་དཀྲོག་གིན་འདུག གལ་སྲིད་ངེད་ཅག་དང་ལྷན་དུ་ཅ་ཅོའི་རྩེད་མོ་འདི་ངེས་པར་རྩེ་རྒྱུ་ཡིན་ན་ནི། སོང་ཞིག རང་རང་གི་མཚོན་ཆ་ས་གཞན་ཞིག་ཏུ་བརྡབས་རོགས་ཞེས་བརྗོད་ཆོག
རྒྱུ་མཚན་ནི་དུས་ཡུན་ཐུང་ཐུང་ཞིག་གི་རིང་ལ་ངེད་གཉིས་ལ་འཆི་མེད་ཀྱི་གོ་འཕང་ཐོབ་པར་བྱས་ཡོད་པས་ཡིན།
གལ་ཏེ་སྙིང་ཉེ་བའི་མི་རྣམས་ཕེབས་ཏེ་ངེད་གཉིས་བསྐོར་བར་བྱས་ན་གུས་འདུད་དང་བཅས་མངོན་པར་དགའ་བར་བྱས་ཏེ་འདི་སྐད་དུ། ཁྱད་དུ་འཕགས་པའི་བསོད་ནམས་འདི་བདག་ཅག་ལ་མཚོན་ན་ཁ་སྐྱེངས་བྱེད་ཅིག་རེད། ངེད་གཉིས་གནས་སའི་མཐའ་མེད་པའི་ནམ་མཁར་དགོད་བྲོ་བ་ཞིག་ལ་བར་སྟོང་ཁྱོན་ནས་མི་འདུག
རྒྱུ་མཚན་ནི་དཔྱིད་དུས་ཀྱི་མེ་ཏོག་ཚོགས་འཚང་ཁ་ཤིག་ཤིག་ཐོན་བྱུང་ལ། བྲེལ་འཚུབ་ཆེ་བའི་སྦྲང་མའི་གཤོག་པ་དག་ཀྱང་ཕན་ཚུན་གཙུབས་བརྡར་བྱེད་ཀྱིན་འདུག
ངེད་གཉིས་ཀྱི་དག་ཞིང་ཆུང་ཆུང་སྟེ། གང་དུ་འཆི་བ་མེད་པའི་ངེད་གཉིད་ཁོ་ན་གནས་ས་དེ་དགོད་བྲོ་བ་ཞིག་ལ་ཧ་ཅང་དོག་པོ་འདུག་ཅེས་བརྗོད་ཆོག
མེ་ཏོག་རྐང་གསུམ་པ་མོ།
མཚན་གྱི་ཆུ་ཚོད་འདི་འདྲ་འཕྱི་བོ་ཞིག་ལ་ཁྲོམ་རའི་སྒོ་ཡང་བརྒྱབས་ཡོད་པས་ཁྱེད་ཀྱིས་སླེ་བོ་ཞིག་བཟུང་སྟེ་གང་ཞིག་ལ་བྲེལ་འཚུབ་ཀྱིས་བཞུད་ཀྱིན་ཡོད?
ཁོང་ཚོ་ཚང་མ་ཁུར་བོ་དང་ལྷན་དུ་ཁྱིམ་ལ་ལོག་བྱུང་ལ། ཟླ་བས་སྡེ་བའི་སྡོང་མགོ་ནས་ལྐོག་ལྟ་བྱེད་ཀྱིན་འདུག
གྲུ་གཟིངས་འབོད་ཀྱིན་པའི་བྲག་ཆ་ནི་ཆུ་མོ་ནག་པོ་དེ་བརྒྱུད་ནས་རྒྱང་རིང་གི་རི་སྐྱེས་ངང་བ་གཉིད་སའི་འདམ་རྫབ་ཡོད་སའི་བར་དུ་འཁྱིལ་གྱིན་འདུག
ཁྲོམ་རའི་སྒོ་ཡང་བརྒྱབས་ཡོད་པས་ཁྱེད་ཀྱིས་སླེ་བོ་བཟུང་སྟེ་གང་ཞིག་ལ་བྲེལ་འཚུབ་ཀྱིས་བཞུད་ཀྱིན་ཡོད?
ས་ཡི་གོ་ལའི་མིག་ཟུང་ནི་གཉིད་ཀྱི་མཛུབ་མོས་བཀབ་བྱུང་།
ཁ་ཏའི་ཚང་ཡང་ད་ནི་དལ་ཅག་གེར་གྱུར་སོང་ལ། སྨྱུག་མའི་ལྐོག་ལབ་ཤབ་ཤུབ་ཀྱང་དལ་རྨེག་གེར་གྱུར་སོང་།
ལས་ཀ་བ་རྣམས་ཞིང་ཁ་ནས་ཕྱིར་ཁྱིམ་དུ་ལོག་ཟིན་ནས་ལྷས་རར་རང་རང་གི་གདན་འདིང་གིན་འདུག
ཁྲོམ་རའི་སྒོ་ཡང་བརྒྱབས་ཡོད་པས་ཁྱེད་ཀྱིས་སླེ་བོ་བཟུང་སྟེ་གང་ཞིག་ལ་བྲེལ་འཚུབ་ཀྱིས་བཞུད་ཀྱིན་ཡོད?
དང་བོ་ཟེར་ན་གོ་གི་མིན་འདུག་དེ་ག་རེ་རས།
ངའི་གོ་བ་ལ་མེ་ཏོག་རྐང་ཟེར་མཁན་ཞིག་དང་མི་ཡིན་ནམ་ཁྱི་ཡིན་ནམ་བོ་མོ་ཟེར་མཁན་ཞིག་རེད་བསམ་བྱུང་། རྗེས་མ་ཀློག་ཡོང་དུས། གཉིས་པ་དང་གསུམ་པ་ཟེར་བ་མཐོང་སྐབས། གཞི་ནས་ངའི་གོ་བ་དེ་ཡོངས་སུ་ནོར་བ་ཤེས་བྱུང་།
དང་པོ་ཟེར་ན་ལེགས་པ་འདུག དཔེར་ན། རྗེ་རིན་པོ་ཆེ་བློ་བཟང་གྲགས་པའི་གསུང་ཆ་ཚང་ལ་དང་པོ་མ་གཏོགས་དང་བོ་མི་ཟེར། དེ་བཞིན་ས་དགེ་བཀའ་རྙིང་གི་མཁས་དབང་ཚང་མས་དང་པོ་ཟེར་བ་མང་པོ་མཐོང་མྱོང་། ད་དང་བོ་ཟེར་འབྲི་སྲོལ་དེ་ག་དུས་དར་བ་རས།
ཁྱོད་ཡིག་སྒྱུར་བྱེད་མཁན་གྱི་མི་ཞིག་ཡིན་ན། དང་པོ་རང་གི་ཡི་གེ་དེ་འབྲི་སྐབས་དོ་སྣང་མ་བྱས་ན། བསྒྱུར་གཞིའི་ཡི་གེ་གཏོར་བརླག་གཏོང་བའི་ཉེན་ཁ་ཡོང་སྲིད།
རྒད་པོ་ནི་རྒད་པོ་རང་རེད། ལབ་བརྡོལ་འབྱིན་གྱིན་འདུག
དང་བོ་སོགས་ཟེར་བ་དེ་དག་ཤེས་པ་ལ་མཐོང་རྒྱ་བསྐྱེད་དགོས་པ་རེད། སྐུ་འབུམ་དང་བཀྲ་ཤིས་འཁྱིལ་སོགས་ཀྱི་པར་ཤིང་དེ་དག་ལ་འདྲིས་ཆ་ཅུང་ཙམ་ཡོད་ན་འཐུས་ཡོང་།
འདི་ལ་གཅིག་གཅོད་ཀྱི་སྒེར་གཅོད་དེ་འདྲ་ཡོང་གི་མ་རེད།
འདི་ནི་བརྡ་སྤྲོད་དང་མཐུན་པ་ཙམ་མ་ཟད། རྟགས་མཚུངས་ཀྱང་ཡིན།
སྣང་བ་མི་འགྲོ་བའི་སྐད་ཆ། མགོ་ནག་བོད་པ་ཀུན་གྱི་དང་པོ་ལབ་དུས། མཐོང་རྒྱ་བྱེད་དགོས་རེད་ཟེར་བ་འདི་ཡ་མཚན་གྱི་སྐད་ཆ་རང་རེད། བཀའ་འགྱུར་བསྟན་འགྱུར་ཚང་མའི་ནང་ལ་དང་པོ་ཟེར་བ་མ་གཏོགས་དང་བོ་མིན་འདུག རྟགས་མཚུངས་མ་མཚུངས་ཀྱི་སྐད་ཆ་དེ་དེ་བས་ཡ་མཚན་རེད། བཀྲིས་འཁྱིལ་གྱི་དཔར་མའི་ནང་ལ། དང་བོ་ཟེར་ཡོད་ན། དེ་བཀྲིས་འཁྱིལ་གྱི་འབྲི་སྟངས་དེ་ནོར་བ་རེད།
ད་གཡུགས་ཞོག ཁྱོད་དང་བོ་ཟེར་བྲིས། ངས་དང་པོ་ཟེར་བྲིས། རྩོད་པ་མེད། ཁྱོད་ཀྱི་ཤོད་སྟངས་ལ་བལྟས་ན། གསུམ་མ་ཟེར་འབྲི་དགོས་པ་ལས། གསུམ་པ་ཟེར་ན་མི་འགྲིགས། བྱས་ན། ང་ཚོས། དཀོན་མཆོག་གསུམ་མོ་ཟེར་འབྲི་དགོས་སམ།
དཀོན་མཆོག་གསུམ་མོ་མཁྱེན་ཟེར་དགོས་སམ། དང་བོ་ཟེར་ན། རྟགས་ག་རེ་མཚུངས་ཀྱི་འདུག རྗེས་འཇུག་ང་ལ་བོ་ཟེར་ན། རྟགས་མཚུངས་པ་རེད་དམ།
རྒད་པོ་ཟེར་བ། བླུན་པོ་སྨྲ་བ་ཉུང་ན་མཛེས།
བཀའ་བསྟན་འགྱུར་ཚང་མར་དེ་བཞིན་བྲིས་ཡོད་པའི་དབང་དུ་བཏང་ཡང་དེ་ཡང་སྒྲུབ་བྱེད་ཡང་དག་ཏུ་མི་འགྲོ་སྟེ། ཞོལ་དཔར་མའི་ཞུ་དག་པ་བཅོམ་ལྡན་རིག་རལ་དང་སྡེ་དགེ་དཔར་མའི་ཞུ་དག་པ་སི་ཏུའི་སློབ་མ་ཚུལ་ཁྲིམས་རྒྱལ་བ་སོགས་ཡིན་པས་དེ་ཡང་གང་ཟག་གཅིག་གཉིས་ཅིག་གི་བློ་ཡི་བཀོད་པ་དང་ཞེ་འདོད་དང་ཡང་ན་ས་ཁུལ་རང་བཞིན་ཅན་དུ་གྱུར་ཡོད་པ་ལས་དེ་བོད་ཆོལ་ཁ་གསུམ་གྱི་ཚབ་མཚོན་ཁྱོན་ནས་བྱེད་མི་ཐུབ་པའང་རྒད་པོ་ཚེ་ཟད་ཁྱོད་ཀྱིས་རྟོགས་མི་འདུག
གོང་གི་དེ་དབུས་གཙང་བའི་ཡུལ་སྐད་ཤུགས་ཆེ་དྲག་པའི་སྐྱོན་ཏེ། དཔེར་ན། ཨ་མདོ་རྔ་བ་ལ་དབུས་གཙང་བས་རྔ་པ་ཟེར་སྟངས་ལས་ཁྱོད་ཀྱིས་དབུས་གཙང་བར་པ་ཞིག་རང་བཞིན་གྱིས་ངན་ལོབ་ཏུ་སོང་ཡོད་པའང་རྟོགས་ངེས་ཡིན། དེ་ཚད་མ་ཡིན་ཟེར་ན་ང་གད་མོ་རྐུབ་ནས་ཤོར་གྱི་འདུག་གོ
གསུམ་གྱི་རྗེས་སུ་མ་ངེས་པར་དུ་སྦྱོར་མི་དགོས་ཏེ། རྗེས་འཇུག་མའི་སྐྱེ་གནས་དེ་པ་དང་ཉེ་བ་ལས་མ་དང་སྐྱེ་གནས་གཅིག་ཏུ་གྱུར་བས་བརྗོད་ཁྱོན་ནས་མི་བདེ་བས། འདི་ལྟ་བུ་ལ་གངས་ཅན་བརྡ་སྤྲོད་པའི་སྐད་དུ་སྒྲ་མཐུན་གྱི་བརྗོད་བདེ་འདྲེན་པ་ཟེར། ཁྱོད་ཀྱིས་ཕལ་ཆེར་ཐེངས་དང་བོར་གོ་བ་མིན་འགྲོ། ཧ་ཧ་ཧ་
ད་དུང་བཤད་བྱ་མང་དུ་ཡོད་ཀྱང་། དབང་རྟུལ་ལ་མངས་སུ་དོགས་པར་རེ་ཞིག་བསྐྱུང་བར་བྱའོ།།
གང་ལྟར་ང་རང་ཟླ་བ་གཞོན་ནུ་ལྟར་དང་བ་དང་དང་བོ། རྒྱལ་བ་དང་རྒྱལ་བོ། བཅུ་བ་དང་བཅུ་བོ་འབྲི་བ་འདི་དབུས་གཙང་བའི་པ་ལ་ངན་ལོབ་ཏུ་གྱུར་རྒྱུ་མངས་དྲག་པའི་ཡུལ་སྐད་དང་མི་མཐུན་པ་ལས་བོད་གངས་ཅན་གྱི་བརྡ་སྤྲོད་དང་ཡོངས་སུ་མཐུན་པ་འདི་ལ་རྒྱབ་སྐྱོར་མཐའ་གཅིག་ཏུ་ཡོད་དོ།
བརྡ་སྤྲོད་སྨྲ་བ་དོན་ནག་པས།
ལགས་སོ་བརྡ་སྤྲོད་སྨྲ་བ་དོན་ནག་པ་ལགས། ཁྱོད་ད་དོམ་དང་དོན་གཉིས་འཁྲུག་འགྲོ་བཞིན་འདུག རང་འཚོ་ཟིན་མ་ཐུབ་པའི་རྟགས་གསལ་པོ་འདུག ཁྱོད་ཀྱི་ཡུལ་ཅན་ལོག་ཤེས་དེ་ལ་ལྟར་ན། མ་དང་ན་ཁྱད་པར་མིན་འདུག པ་དང་བ་ཁྱད་པར་མིན་འདུག ད་ཨ་མ་དང་གནའ་མ་གཉིས་ཀྱང་ཁྱད་པར་ཡོད་ཀྱི་མ་རེད། བླ་མ་དང་དོལ་རྒྱལ་གཉིས་ཀྱང་ཁྱད་པར་ཡོད་ཀྱི་མ་རེད། ངོ་མ་འཁྲུག་འགྲོ་བཞིན་འདུག
སྡེ་དགེ་བཀའ་འགྱུར་གྱི་ཞུ་དག་པའི་མཚན་ལ་ཚུལ་ཁྲིམས་རིན་ཆེན་ཞུ་བ་ལས་ཚུལ་ཁྲིམས་རྒྱལ་བ་མི་ཞུ། ངས་མ་མཐོང་བའི་ཁོང་གི་མཚན་གཞན་ཞིག་ཡིན་ན་དགོངས་དག ཁྱེད་ཀྱིས་ནག་ཚོ་ལོ་ཙྰ་བ་ཚུལ་ཁྲིམས་རྒྱལ་བ་དགོངས་བཞིན་བྲིས་པ་མིན་ནམ།
ད་འདི་ནང་ཨ་མདོ་བར་གཅིག་བཤད་ན་ཧུང་རུབ་ཕཊ་རུབ་རྒྱབ་ནས་འུ་ཐུག་བཅུག་གིས་རེད། དབུས་གཙང་གི་མཁས་པ་གཅིག་ལས་ཨ་མདོ་བའི་རྒན་མོ་ཞིག་གི་གཡག་རྩ་ཆེ་གི་རེད།
་
དོམ་ནག་ལགས། བླུན་བོ་སྨྲ་པ་ཉུང་ན་མཛེས། ། ཞེས་པར་བཅོས་རོགས།