༼ ཆབ་སྲིད་དཔྱད་གླེང༽གསར་འཕྲིན་ཐད་གཏོང་བྱས་པ།

Comments (8) on “༼ ཆབ་སྲིད་དཔྱད་གླེང༽གསར་འཕྲིན་ཐད་གཏོང་བྱས་པ།”

1. ཤར་ཕྱོགས་ཁུག་རྟས་ནམ་ཉི་མ་ཤར་འདྲའི་ལས་གཞི་ཞིག་རྩོམ་བཞིན་པར་དགའ་གུས་ཡི་རང་གིས་ཐུགས་རྗེ་ཆེ་ཞུ་དང་འབྲེལ་མ་འོངས་རྒྱུན་འཁྱོངས་ཡོང་བར་རེ་སྐུལ་སྙིང་ནས་ཞུ།

2. འགྲིག་སྡོད་ཀི ལས་གཞིའི་འགོ་བརྩམས་པ་ལས་མཇུག་སྐྱོང་རྒྱུ་གལ་ཆེན་པོ་ཡིན་དུས། ཆབ་སྲིད་དཔྱད་གླེང་གི་གསར་འཕྲིན་འདི་རྒྱུན་ཐུབ་པའི་ཕྱོགས་ལ་འབད་གལ་ཆེ། གསར་འཕྲིན་འདིའི་འཕྲིན་ལས་ཀྱི་འཇུག་སྒོ་ཡངས་པོ་ཡོང་བའི་སྨོན་འདུན།

3. གྲོགས་འོད་ལྡན་གྱིས་གསར་འཕྲིན་མཐོང་མ་ཐག་པའི་སེམས་ཚོར་དང་ངོ་སྤྲོད། དེ་བཞིན་འགྲེམས་སྤེལ་བཅས་ཞུས་པར་ཐུགས་རྗེ་ཆེ། གསར་འཕྲིན་འདི་ལས་འགུལ་ཁང་གི་ཚོགས་ཆེན་ཐེངས་གསུམ་པའི་སྐབས་གྲོས་ཆོད་ཀྱི་ལམ་ནས་མི་མང་གིས་དབང་ལུང་བསྐུར་བ་ཞིག་ཡིན། དེ་ཡང་དེང་དུས་དྲ་རྒྱའི་མཐུན་འགྱུར་ཞན་ས་དང་རང་གཞུང་གི་དྲིལ་བསྒྲགས་ཀྱི་ཤུགས་ཆུང་སར་ཡིག་ཐོག་ནས་གནས་ཚུལ་སྤྲོད་པའི་ཕོ་ཉ་ཞིག་དགོས་སྟབས་ཞར་བྱུང་དུ་འགོ་འཛུགས་བྱས་པ་ཡིན། གསར་འཕྲིན་འདིར་ཤོག་ངོས་བཞི་ཡོད།
   ༡ ཤོག་ངོས་དང་པོ་༧གོང་ས་མཆོག་གི་མཛད་འཆར་དང་དབུ་མའི་ལམ་གྱི་སྲིད་བྱུས་དང་འབྲེལ་བའི་གསར་འགྱུར་རིགས་དང།
   ༢ ཤོག་ངོས་གཉིས་པ་རང་དབང་གླེང་སྟེགས་ཡིན། དེའང་རྩོམ་ཡིག་གི་ལམ་ནས་བསམ་ཚུལ་གླེང་སར་གཙོ་འདོན་བྱས་ཡོད། རིག་པ་དང་རྒྱུ་མཚན་ཡག་དག་གི་ལམ་ནས། རང་རང་གི་ཆབ་སྲིད་ལྟ་གྲུབ་དང་འབྲེལ་བའི་གླེང་སློང་གནང་སའི་དཀྱེལ་ཆའི་གུ་ཡངས་ཀྱི་ཤོག་ངོས་དེ་ཡིན་པས། ཤོག་ངོས་འདི་ལས་བོད་ཀྱི་སྲིད་བྱུས་ཉམས་ཞིབ་ཁང་གི་ལས་གཞི་ལའང་ཆར་བ་ཆུ་གྲོགས་ཀྱི་ནུས་པ་ཐོན་པར་རེ་བ་བྱས་ཡོད་པ་མ་ཟད། དུས་ཡུན་གང་འཚམས་སོང་རིང་དེབ་ཐེར་རེ་ཡོང་སྲིད་པའི་རེ་བའང་མཉམ་དུ་ཞུ་བཞིན་པ་ཡིན།
   ༣ ཤོག་ངོས་གསུམ་པར། ཁ་བརྡ་དང་བཅར་འདྲིའི་ལམ་ནས་སྐབས་བབ་ཀྱི་གནད་དོན་ཐད་གླེང་མོལ་བྱ་རྒྱུ་གཙོ་བོར་བྱས་ཡོད། དེའི་གཤམ་དུ་རྩོམ་སྒྲིག་པའི་གཏམ་ཞིག་ཀྱང་དཀྱུས་གཅིག་ཏུ་ཡོད་པ་ཡིན།
   ༤ ཤོག་ངོས་བཞི་པར། ༧གོང་ས་མཆོག་དང་རང་གཞུང་གི་གནང་ཕྱོགས་བཅས་ལ་རྒྱ་གཞུང་འཐབ་ཕྱོགས་གཅིག་གྱུར་གྱི་རྩོམ་སྒྲིག་པ་ཡེ་རྡོར་གྱི་མིང་འཛིན་པ་འཁོར་དང་བཅས་པར་བདེན་པའི་གསལ་བཤད་དང། འབྱུང་འགྱུར་ལམ་ནོར་ལྡོག་ཤེས་བྱ་ཕྱོགས་ཀྱི་བོད་མིའི་མཁས་མཛངས་འཁྲུལ་གསུམ་ལྡན་པའི་ལན་འདེབས་རྣམས་དགོད་རྒྱུ་གཙོ་བོར་བྱས་ཡོད་པ་མ་ཟད། ཤོག་ངོས་འདིས་ཉེ་སྔོན་ཡེ་རྡོར་གྱི་རིམ་སྤེལ་དཔྱད་གཏམ་ཕྱོགས་སྒྲིག་གིས་དེབ་ཐེར་བཟོས་ཏེ་ལོ་རྒྱུས་ནང་འཇོག་བཞིན་པ་དག་ལ། རང་ཕྱོགས་ནས་ཀྱང་མི་རབས་ཕྱི་མ་ཕྱི་མ་དག་ལ་སྐབས་དེ་དང་དེའི་གནས་ཚུལ་ཅི་ཡིན་གསལ་བཟོ་གནང་ཐུབ་པའི་དེབ་ཐེར་རེ་ཡོང་བའི་རེ་བའང་ཧ་ཅང་ཆེན་པོ་བྱེད་ཀྱི་ཡོད།
   དེས་ན་འཛམ་གླིང་ཤར་ནུབ་གང་སར་བཞུགས་པའི་བོད་མི་སྤུན་ཟླ་ཚོས་ཆབ་སྲིད་དཔྱད་གླེང་གསར་འཕྲིན་གྱི་ས་ཁོད་ལྷོད་ཀྱིས་བཟུང་སྟེ། ཡུན་རིང་སྙིང་ལ་བརྣག་པའི་བོད་རྒྱའི་དཀའ་རྙོག་སེལ་ཐབས་ཀྱི་བསམ་ཚུལ་ཁ་བརྡ་ཅི་ཡོད་ལྷུག་ལྷུག་སྩོལ་རོགས་ཞུ།།
   དེ་དང་ཞོར་དུ་ཞུ་འདོད་པ་ཞིག་ལ། གསར་འཕྲིན་འདི་བཙན་བྱོལ་བོད་མིའི་གཞིས་ཁག་༢༧ གྱི་ས་གནས་ལས་འགུལ་ཁང་ཁག་དང། སེ་ར་རྣམ་གྲོལ་གླིང། དགའ་ལྡན་འབྲས་སྤུངས་བཅས་ཀྱི་འབྲེལ་མཐུད་པར་ཐད་གཏོང་བྱེད་ཀྱི་ཡོད་པ་མ་ཟད། བལ་ཡུལ་དང་འབྲུག་འབྲས་ལྗོངས། མཐོ་སློབ་ཁག་ ༥། གཞན་ཡང་འཛིན་རིམ་བཅུ་གཅིག་དང་བཅུ་གཉིས་ཡོད་པའི་སློབ་གྲྭ་ཁག་ ༣ བཅས་ལ་སྦྲགས་གླ་རིན་མེད་ཐོག་གཏོང་གི་ཡོད། དེ་བཞིན་ཨེ་ཤ་རང་དབང་རླུང་འཕྲིན་ཁང་དང། ཨ་རིའི་ལ་ཙེ་དཔེ་མཛོད་ཁང་དང་ཨ་རི་དང་ཡོ་རོབ་གནས་བཞུགས་མཁས་པ་ཁག་ཅིག་ལ་འགྲེམས་སྤེལ་བྱེད་ཀྱི་ཡོད། རིམ་པས་བོད་རིགས་ཚོགས་པ་ཁག་ལ་གཏོང་ཐུབ་པའི་རེ་བ་བྱེད་ཀྱི་ཡོད་པས།
   བོད་མི་ཚོས་རང་གི་བསམ་ཚུལ་རྣམས་ཐད་གཏོང་ཡོང་བའི་རེ་བ་ཆེ། རྩོམ་བསྐུར་ཡུལ། midpath2008@gmail.com དང Loveyoutibet@gmail.com/ ཁ་པར། 0091-9882533773 བཅས་ཡིན། ཐུགས་རྗེ་ཆེ། །

4. འདི་ཡང་རྔ་མ་མེད་པའི་ལས་གཞི་ཞིག་མིན་པར་སྨོན།

5. ཤར་ཁུག་ལགས། ཁྱེད་ཀྱི་དཔྱད་གླེང་གསར་འཕྲིན་འདི་བལ་ཡུལ་ནང་དུའང་མི་མངོན་པའི་ཚུལ་གྱིས་འགྲེམ་སྤེལ་བྱེད་ཐུབ་པའི་རེ་བ་ཡོད། གནས་འདི་ན་བོད་ཀྱི་ཚགས་པ་གཅིག་ཀྱང་མཐོང་རྒྱུ་མེད།

6. ཡག་པོ་འདུག་ཡུན་རིང་གནས་པར་ཤོག།

7. གཞི་རྒྱ་ཆེ་ཞིང་ཆབ་སྲིད་གོ་རྟོགས་སྤེལ་བའི་ཚགས་ཤོག་དེ་འདྲ་ང་ཚོར་ངེས་པར་མཁོ། གང་ཞེ་ན། ང་ཚོ་ནི་སྐྱ་ཟད་འུ་ཐུག་གི་ཆབ་སྲིད་སྐྱབས་བཅོལ་བ་ཡིན་པས་སོ།

8. གསར་འཕྲིན་གྱི་ནང་འཁོད་དོན།”བོད་ཀྱི་མ་འོངས་པར་གུ་ཡངས་”ཞེས་པ་འདི་ཅི་ཞིག་ལ་གོ་དགོས་སམ། རྒྱ་མི་ལ་མགོ་སྒུར་འདོད་པ་མ་ཡིན་ནམ།