མིག་སྒྲིབ་རྒྱལ་དཀྲོགས་ལས་འགུལ་ས་གནས་ ༥༥ ནང་སྐྱོད་འདུག༼པར༽

Comments (16) on “མིག་སྒྲིབ་རྒྱལ་དཀྲོགས་ལས་འགུལ་ས་གནས་ ༥༥ ནང་སྐྱོད་འདུག༼པར༽”

1. དཔའ་བོ་འདི་གསལ་འགྱུར་བའི་མིག་ལམ་ན་ད་བར་མངོན་རྒྱུ་མ་བྱུང་ལ། ད་བར་གང་ན་ཡོད་པའི་གནས་ཚུལ་ཀྱང་མ་གོ་ཐལ། ཕྱིས་སུ་གསལ་འགྱུར་བརྒྱུད་བསྒྲགས་བྱེད་མཁན་གང་འདྲ་ཞིག་ཡིན་རུང་བོད་ཀྱི་དོན་དུ་དཀའ་ལས་བྱེད་བཞིན་པའི་དཔའ་བོ་དག་གི་གནས་སྟངས་གང་འདྲ་ཆགས་ཀྱི་ཡོད་མེད་དབྱེ་འབྱེད་མེད་པའི་ཐོག་ནས་མང་ཚོགས་ལ་གསོལ་འདོན་བྱེད་པའི་རེ་བ་ཡོད། ཁོང་གིས་མིག་སྒྲིབ་པ་བཞིན་གསལ་འགོད་པ་དག་གིས་ཁོང་གི་ཕྱོགས་ལ་མིག་བསྒྲིབས་པ་ནི་ཆེས་ཐབས་སྐྱོ་བ་ཞིག་རེད། ངས་འདི་ལྟར་བརྗོད་པ་ནི་རང་ཉིད་ཀྱི་སྣང་ཚུལ་ཙམ་བཤད་པ་ལས་གལ་ཏེ་གསལ་འགོད་པ་དག་གིས་འདིའི་སྐོར་སྔོན་མ་ནས་མང་ཚོགས་ལ་ཐེངས་མང་བཤད་ཡོད་ན་དགོངས་དག་ཞུ།

2. དཔའ་བཟང་བུ་ཁྱོད་རྒྱལ་ལོ།།

3. ཤེས་རབ་ཚེ་རྡོ་ལགས་ཀྱིས་མིག་སྒྲིབ་ལས་འགུལ་གྱི་མཚོན་དོན་དེ་བཞིན་བོད་མི་དང་བོད་ཀྱི་གསར་འགོད་པ་དག་གིས་བྱེད་བབ་ཡང་མཚོན་ཐུབ། ཚེ་རྟེན་རྡོ་རྗེའི་མ་འུ་གསུམ་གྱིས་བོད་དོན་ལས་འགུལ་ལ། ཚོགས་སྐྱིད་ཁག་གིས་རོག་ཕན་དང་ལྷག་པར་དུ་དུས་བབ་དང་ཁ་བརྡ་སོགས་གསར་འགོད་པ་དག་གིས་ཉིན་རེའི་གནས་ཚུལ་གསར་སྤེལ་གནང་བར་གཞིགས་ན་ཤེས་ཚེ་ལགས་ཀྱིས་ལས་འགུལ་དེ་བོད་མིའི་སྤྱི་ཚོགས་སུ་མིག་སྒྲིབ་རང་གྱུར་ཡོད། ཤེས་རབ་ཚེ་རྡོ་ལགས། ཁྱེད་ནི་བོད་མི་རིགས་ཀྱི་ཆེད་དུ་ཡོད་ཚོད་བློས་བཏང་གནང་མཁན་དོན་དངོས་ཀྱི་བོད་ཀྱི་དཔལ་བོ་ངོ་མ་དེ་ཡིན་ལ། ཁྱེད་ནི་དུས་ནམ་ཡང་བོད་མིའི་སེམས་ཁམས་སུ་ཡོད་པའི་དཔལ་བོ་དེ་ཡང་ཡིན། མིང་གྲགས་དང་ཕྱོགས་ཞེན་ཅན་གྱིས་ཁྱེད་ལ་རྒྱབ་སྐྱོར་ཡོད་མེད་གང་ལྟར་ཡང་། ངེེད་བོད་མི་ཞིང་རྣམས་ཀྱིས་ཁྱེད་བརྗེད་མི་སྲིད་དོ། ཁྱེད་སྐུ་ཚེ་རིང་།

4. Orissa དེང་དུས་ Odissa ལ་མིང་རྗེས་ཟིན།

5. ཤེས་རབ་ཚེ་རྡོར་ལགས་བོད་རིགས་ན་གཞོན་ཞིག་གིས་ད་བར་ལས་འགུལ་སྣ་མང་སྤེལ་དང་སྤེལ་བཞིན་པར་རྗེས་སུ་ཡི་རངས་ཆེན་པོ་ཞུ་བཞིན་ཡོད། ང་ཚོས་ཁོང་གི་ལས་འགུལ་ལ་ས་གནས་ས་ཐོག་ནས་རྒྱབ་སྐྱོར་གནང་རོགས།
   ལྷག་པར་ཁོ་རང་གི་ལས་འགུལ་གྱི་གནས་ཚུལ་རྣམས་དུས་ནས་དུས་སུ་དྲ་རྒྱའི་གསར་ལམ་ཁག་ཏུ་བཀོད་ཐུབ་ན་དགེ་མཚན་ཆེ་བར་མངོན།།

6. མིག་སྒྲིབ་ཀྱི་ལས་འགུལ་དེའི་སྐོར་མཆན་འགོད་པ་ཁྱོད་ཀྱི་རྣ་བ་སྒྲིབ་མེད་ན་ནི་གནས་ཚུལ་དེ་ཟླ་བ་མང་པོའི་གོང་ནས་ཚང་མས་ཐོས་ཡོད།

7. རྒྱབ་སྐྱོར་མེད་གི་སྐད་ཆ་ཁོ་རང་ཡོང་ས་འགྲོ་ནི་མ་རེད། འདི་བོད་སྤྱི་བའི་དོན་རེད། ལྷག་པར་དུ་ངོ་རྒོལ་གྱི་བསྒྲགས་གཏམ་སྤེལ་ས་དེ་བས་འགྲོ་ནི་མ་རེད། ཡིན་ནའང་མང་པོའི་འཆར་སྣང་དང་བསམ་གཞིགས་བྱེད་ཕྱོགས་སྣ་གཅིག་རང་ལ་གཏད་ཐབས་མེད་ཙང་། མིག་སྒྲིབ་གོམ་བགྲོད་འདི་ལ་མཚོན་དོན་གལ་ཆེན་ཡོད་ཀྱང་རྡ་སའི་རི་གཟར་ནས་ཟགས་འགྲོ་འང་བསམ་པའི་ཞེ་སྣང་དེ་སྐྱེས་སོང་། འདིའི་མཚོན་དོན་ཅི་ཡིན་ནམ།
   གང་ལྟར་མིག་བསྒྲིབས་གོམ་བགྲོད་རྒྱལ་ཁའི་ངང་མཇུག་སྒྲིལ་ལ་ཉེ་བའི་གསར་འགྱུར་གཞན་ཐོན་གི་རེད། དེ་ག་ནང་བཞིན་རྒྱལ་སྤྱིའི་ཁྲོད་ནས་ཤེད་ཤུགས་རེ་བསྐྱེད་ཐུབ་རྒྱུ་རེད། ཐུགས་རྗེ་ཆེ།

8. ༼རྒྱབ་སྐྱོར་མེད་གི་སྐད་ཆ་ཁོ་རང་ཡོང་ས་འགྲོ་ནི་མ་རེད།༽ འདི་ལ་དཀའ་འགྲེལ་འདྲ་ཡོད་ན་མ་གཏོགས་གོ་ཐུབ་པ་མིན་འདུག

9. མིག་སྒྲིབ་བྱེད་བཞིན་བོད་མིའི་རྩ་དོན་ཆེད།
   རྒྱལ་ཁམས་སྐོར་ནས་གོམ་བགྲོད་འགྲོ་མཁན་དེ།
   མིག་ཟུང་རས་ཀྱིས་སྒྲིག་གིན་གར་སོང་ཡང་།
   ང་ཚོའི་མིག་དང་རྣ་བ་སྒྲིབ་མེད་པས།
   གནས་ཚུལ་མཐོང་ཐོས་བྱ་བའི་ཐབས་ལ་འབད།

10. ཤེས་རབ་ཚེ་རྡིར་ལགས་ཀྱི་གཞི་རྒྱ་ཆེ་བའི་ལས་འགུལ་ལྷག་བསམ་དང་སྙིང་སྟོབས་ཆེ་བསྐྱེད་ཀྱིས་གནང་བ་འདི་ནི་ཕན་ཐོག་ཆེ་ཞིང་དོན་འབྲས་ལྡན་ལ།་ དམིགས་དཔེ་འོས་པ་ཞིག་རེད་འདུག་པས་བསྔགས་བརྗོདསྙིང་དབུས་ནས་ཞུ་བ་དང་། ཆབ་གཅིག་སྤྱི་དོན་ཁ་ལ་ཁྱེར་ཏེ་རང་དོན་སྒྲུབས་ཁེན་ཕྱོགས་ཞེན་ཅན་རྣམས་དང་། ཆེད་དུ་བདེན་དོན་ནུས་མེད་བཟོ་ཁེན་གྱི་རྒྱ་ཡི་བཀའ་སྒྲུབས་པ་རྣམས་དང་། ཆབ་སྲིད་ཀྱི་ལྟ་བ་གླེན་ཞེན་ཅན་གྱི་ཚོགས་པ་དང་སྐྱིད་སྡུག་གང་ཟག་སྒེར་བཅས་ཀྱི་བར་བཅད་མ་གནང་རོགས་ཅེས་འབོད་སྐུར་སེམས་སྟེང་ནས་ཞུ་བཞིན་ཡོད།

11. དུས་བབ་དང་ཁ་བརྡ་དྲ་རྒྱ་ནི་གླིང་ཚ་ཚེ་བརྟན་རྡོ་རྗེའི་གསར་འགྱུར་འགོད་རྒྱུར་བྲེལ་བས་ཤེས་རབ་ཚེ་རྡོར་ནི་དྲན་པའི་ཡུལ་ནས་བརྗེད་ཚར་འདུག །མ་གཞི། ཁོང་གཉིས་དྷ་ས་ནས་དུས་གཅིག་ཏུ་གོམ་བགྲོད་ཕྱིན་པ་རེད་དེ། ཤེས་ཚེ་ཁོང་། སྙིང་རྗེ། གསར་འགོད་པས་བདག་མེད་དུ་སྐྱུར་འདུག སྟབས་ཡག་ནས་ཉེ་ཆར་ཕ་ཡུལ་དྲ་རྒྱས་ཁོང་མོན་རྟ་དབང་ནས་རྙེད་ནས་གསར་འགྱུར་བཀོད་འདུག དེ་རིང་དུས་བབ་ཚང་གིས་ཨོ་རི་ས་ནས་རྙེད་འདུག ཁོ་བོའི་རྣམ་རྟོག་ལ་དྲི་བ་ཞིག་འཆར་བ་ནི། གསར་འགོད་པའི་མིག་ལམ་དུ་ཁོང་གཉིས་དབར་ལ་ཁྱད་པར་འབྱེད་དོན་ཅི།

12. ཚ་ཕྲུག་རྒྱལ་ལགས། ཁྱེད་ཀྱིས་དཔྱད་བརྗོད་ལ་ཡི་རང་ཡོད། བོད་མིའི་སྤྱི་ཚོགས་ཀྱི་བྱ་བ་དངོས་དང་འབྲེལ་བའི་དཔྱད་གཏམ་མང་པོ་དྲ་ཐོག་འདིར་སྤེལ་བར་ཐུགས་རྗེ་ཆེ་ཞུ། བོད་མིའི་གསར་འགོད་པ་དང་དཔྱད་གླེང་པ་དག་གིས་མིག་ཡ་གཅིག་དང་ཨ་ཆོག་ཡ་གཅིག། བསམ་བློ་ཕྱོགས་གཅིག་གིས་གསར་སྒྲགས་དང་གླེང་མོ་སོགས་ལ་ང་ཡིད་ཐང་ཆོད་སོང་།

13. ཁོང་གི་སྐོར་བཀོད་འདུག་ག ཆོ་མེད་པའི་བརྩོད་རྙོག་སློང་ནས་ཅི་བྱེད། བདག་མེད་ཀྱི་ཁ་དེ་ཚོ་ལ་བདག་པོ་ཅུང་རྒྱབ་ན་མི་ལེགས་སམ།

14. ཆོ་མིན་འདུག་མ་ལབ། གལ་སྲིད་མིག་དམར་ཁོང་གླིང་ཚ་ཚེ་བརྟན་རྡོ་རྗེ་ཡིན་ན། ཁྱོད་ཚོས་སྐྱོན་བརྗོད་རི་འདྲ་ཞིག་སྤུངས་ངེས་རེད། ཧཧཧཧ། གཞན་ལ་ལྟ་བའི་མིག་ཡོད་ཀྱང་། རང་ལ་བལྟ་བར་མེ་ལོང་དགོས། ཟེར་བ་མ་རེད་དམ།

15. ཤེས་རབ་གླིང་ཚ་གཉིས་ཀྱི་མི་འདྲ་ས།།
    ཤེས་རབ་ཁ་ཁུ་སིམ་པོས་བོད་དོན་ལས།།
    གླིང་ཚོས་རང་ཉིད་སྒྲོག་བཞིན་བོད་དོན་ལས།།
    གཉིས་ཆས་བོད་དོན་བསམ་ནས་སོ་སོར་ཞུགས།།

    རྒྱ་དར་ཅན་ལ་དབུ་མས་བདག་པོ་མཛད།།
    རྒྱ་དར་མེད་ལ་གཞོན་ནུས་བདག་པོ་མཛད།།
    རྒྱབ་རྩ་མཐུག་པོ་ཅན་གྱི་མི་བུ་གཉིས།།
    གང་གང་ས་ན་སྐུ་ངལ་མེད་པར་ཤོག།

16. གནམ་གྱིས། ཚིགས་བཅད་ཕྱི་མ་འདི་སྙན་པོ་འདྲ་ཞིག་འདུག