སྟོན་པའི་མཛད་རྣམ་རི་མོ་དང་པོ།

Comments (20) on “སྟོན་པའི་མཛད་རྣམ་རི་མོ་དང་པོ།”

1. ཐུགས་རྗེ་ཆེ་ཧ་ཅང་ཡག་གི་

2. ཀོའུ་ཏམ་དེ་ལ་ཕྱག་འཚལད་ཏོ།

3. སངས་རྒྱས་བསྟན་པ་རྟག་ཏུ་རྒྱས་འགྱུར་ཅིག །

4. ༄༅། །རྒྱལ་བ་ཀུན་གྱི་ཐུགས་རྗེ་གཅིག་བསྡུས་པ། །ངུར་སྨྲིག་འཛིན་པའི་གར་གྱིས་རྣམ་རོལ་པ། །གངས་ཅན་མགོན་པོ་བསྟན་འཛིན་རྒྱ་མཚོ་ཡི། །ཞབས་ཀྱི་པདྨོར་ལན་བརྒྱར་ཕྱག་བགྱིའོ། །དགོས་པ་ཀུན་གྱི་ནང་ནས་མཆོག་གྱུར་པ། །མགོན་ཁྱོད་ཞབས་ཟུང་བརྟན་པ་ཁོ་ན་སྟེ། །དེ༌ཕྱིར་འཁོར་བ་ཇི་སྲིད་མ་སྟོངས་པར། །མྱ་ངན་མི་འདའ་རྟག་པར་བཞུགས་སུ་གསོལ། །བདག་ཅག་འདི་ནས་ཉིན་མཚན་ཐམས་ཅད་དུ། །མགོན་ཁྱོད་དྲན་པས་བཟོད་གླགས་མི་གདའ་ན། །རང་ཞིང་རང་གི་ཕྱག་ཏུ་བཞེས་ནས་སླར། །ཐུགས་རྗེའི་ཤུགས་ཀྱིས་མྱུར་དུ་འབྱོན་པར་གསོལ། །ཆགས་སོགས་ཉོན་མོངས་ཤུགས་ཀྱིས་བརླམས་པའི་མཐུས། །སྔོན་ཆད་ཁྱེད་ཀྱི་བཀའ་ལས་འདའ་མོད་ཀྱི། །དེང་འདིར་སྙིང་ནས་འགྱོད་པས་བཤགས་ལགས་ན། །ཐུགས་རྗེས་ཡོངས་སུ་བྱང་བར་བྱིན་གྱིས་རློབས། །མ་གྷ་ངྷ་ནས་བུ་རམ་ཤིང་པ་ལྟར། །སྟོན་པ་འཁོར་བཅས་ཇི་ལྟར་གཤེགས་པ་བཞིན། །རྡོ་རྗེའི་གདན་ནས་རང་ཡུལ་གངས་ཅན་འདིར། །ཡོན་བདག་འཁོར་དང་བཅས་པ་གཤེགས་སུ་གསོལ། །གང་འཚམ་ལས་བཞིའི་ཕྲིན་ལས་ཉི་མའི་གཟིས། །མི་སྲུན་ཀླ་ཀློའི་མུན་པ་དྲུངས་ཕྱུང་ནས། །ཆོས་འབྱོར་བདེ་སྐྱིད་གསར་བའི་སྣང་བ་ཡིས། །གངས་ཅན་འགྲོ་བ་གཅིག་ཅར་དབུགས་དབྱུང་མཛོད། །ཚེ་འདི་བདེ་ལ་སྦྱོར་བའི་ཕ་མ་དང་། །ཕྱི་མའི་ལམ་སྣ་འདྲེན་པའི་བླ་མ་སོགས། །འདི་ཕྱི་གནས་སྐབས་ཀུན་ཏུ་རེ་བའི་སྐྱབས། །མགོན་པོ་ཁྱེད་ལས་མེད་དོ་ཐུགས་རྗེས་ཟུངས། །སྲས་བཅས་རྒྱལ་བའི་སྤྱན་སྔར་གངས་རིའི་ལྗོངས། །ཁྱེད་ཀྱིས་འདུལ་བའི་ཞིང་དུ་ཡོངས་བཟུང་ནས། །ཐུགས་བསྐྱེད་ཇི་ལྟར་མཛད་པ་མི་བསྙེལ་བར། །སླར་ཡང་རང་གི་ཕྱག་ཏུ་བཞེས་སུ་
   གསོལ། །མདོར་ན་སྐྱབས་གནས་ཀུན་འདུས་ཁྱེད་ལགས་ན། །ཁྱོད་ཞབས་སྤངས་ཏེ་སུ་ལ་སྐྱབས་སུ་གསོལ། །དེ་སླད་བདག་ཅག་དེང་ནས་བྱང་ཆུབ་བར། །ཁྱེད་ཉིད་ཁོ་ནར་སྐྱབས་སུ་མཆིས་ལགས་སོ། །རྒྱལ་མཆོག་རྟ་བདུན་དབང་པོ་མངོན་སུམ་འཆར། །ཆོས་སྲིད་དགའ་ཚལ་ཀུན་ནས་ལྷུག་པོར་བཞད། །བདེ་སྐྱིད་སྦྲང་རྩི་རོ་ཡིས་རྐང་དྲུག་ཚིམས། །བཀྲ་ཤིས་ཀུན་གྱིས་དེང་འདིར་བཀྲ་ཤིས་ཤོག །གངས་རི་ར་བས་བསྐོར་བའི་ཞིང་ཁམས་འདིར། །ཕན་དང་བདེ་བ་མ་ལུས་འབྱུང་བའི་གནས། །སྤྱན་རས་གཟིགས་དབང་བསྟན་འཛིན་རྒྱ་མཚོ་ཡི། །ཞབས་པད་སྲིད་མཐའི་བར་དུ་བརྟན་གྱུར་ཅིག ། ། ། གསོལ་འདེབས་གདུང་དབྱངས་འདི་ཉིད་ལྷོ་རྒྱུད་བསྟན་པའི་སྒྲོན་མེ་དྭགས་གྲྭ་མཁན་ཟུར་ལྡིང་གུར་རིན་པོ་ཆེས་སྣེ་གདོང་བཙོན་ཁང་དུ་བཞུགས་སྐབས་དད་ལྡན་སློབ་མ་ཁ་ཤས་ཀྱིས་བསྐུལ་ངོར་མཛད་པའོ།། །།དགེ་ལེགས་ཆེར་འཕེལ།།

5. སྙིང་རྗེ་ཆེན་པོས་རྩོད་ལྡན་སྙིགས་མའི་ཞིང་། །
   བཟུང་ནས་སྨོན་ལམ་ཆེན་པོ་ལྔ་བརྒྱ་བཏབ། །
   པད་དཀར་ལྟར་བསྔགས་མཚན་ཐོས་ཕྱིར་མི་ལྡོག །
   སྟོན་པ་ཐུགས་རྗེ་ཅན་ལ་ཕྱག་འཚལ་ལོ། །

6. ལུམ་བྷིའི་ཚལ་དུ་རླག་ཤའི་སྡོང་པོ་ལ།
   སྤྲིན་དཀར་ཁྱིལ་ནས་རློག་འཕྲིན་ཁྱུག་འདྲ་བ།
   ལག་པས་གཡས་པས་ཡལ་ག་བཟུང་བའི་ཚེ།
   རྩིབ་ལོག་གཡས་ནས་གཞོན་ནུ་བདེ་བར་འཁྲུངས།

7. སྐབས་དེར་སྟོན་པ་དགུང་ལོ་ ༨༤ ཡིན་པའི་དབང་དུ་བཏང་ན། རི་མོ་འདིའི་ནང་དགུང་གྲངས་ཧ་ཅང་ཆུང་སྣང་སྟེར།

8. གཅིག
   དགའ་ལྡན་ཡུལ་ནས་དམ་པ་ཏོག་དཀར་པོས།།
   དམ་པ་ཆོས་ཀྱི་མངའ་དབང་གསེར་གྱི་ཁྲི།།
   འདི་ཡི་བདག་པོ་ཁྱོད་ཀྱི་བྱེད་དགོས་ཞེས།།
   བྱམས་པ་མགོན་ལ་གཏད་ནས་མི་ཡུལ་གཤེགས།།
   གཉིས།
   སྒྱུ་མ་ལྷ་མཛེས་གཟིམ་ཁྲིའི་གུར་ཁང་དུ།།
   གླང་ཆེན་ཐལ་དཀར་མཆེ་བ་དྲུག་ལྡན་པ།།
   རྨི་ལམ་རྣམ་པས་ལྷུམས་སུ་ཞུགས་པའི་ཚེ།།
   སྲས་གཙང་རྒྱལ་བོ་དགའ་བའི་ཅ་ཅོ་འཆོར།།
   གསུམ།
   བཀྲ་ཤིས་ལིམ་པའི་ཚལ་ནགས་ནང་ན།།
   འོད་ཟེར་དྲ་བ་དྲ་ཕྱེད་མཇའ་ཚོན་བཞིན།།
   བལྟམས་པའི་ཚེ་ན་གོམས་པ་བདུན་བོར་ནས།།
   ང་ནི་འཇིག་རྟེན་འདི་ན་མཆོག་ཅེས་གསུངས།།

9. རི་མོ་འདི་བོད་དུ་བྲིས་པ་ཡིན་ནམ། རྒྱ་གར་དུ་བྲིས། སྔོན་བཱ་རཱ་ཎ་སཱིའི་ཆོས་འཁོར་གནས་ཀྱི་ལྷ་གཙུག་ལག་ཁང་གསར་པ་བཞེངས་པའི་ལྡེབས་རིས་རྣམས་འབྲི་མཁན་རི་པིན་པ་ཡིན་ཅིང་། ཡུལ་གང་གི་ལྷ་བཟོ་པ་དག་གིས་རི་མོ་འབྲི་བ་ན། རང་རང་ལུང་པའི་མིའི་རྣམ་པ་རང་ཤུགས་ཀྱིས་བྱུང་ནའང་། གཙུག་ལག་ཁང་དེའི་ལྡེབས་རིས་འབྲི་བ་པོ་ལ་རྒྱ་གར་གྱི་མིའི་རྣམ་པ་འབྲི་ཐུབ་པ་དེ་ཐུན་མོང་མ་ཡིན་པ་ཡིན་ཟེར་བ་ཐོས།
   མ་ག་དྷཱ་ དང་། མ་གྷ་ངྷ་ ཞེས་པ་གཉིས་ཀ་དག་མི་འདུག མ་ག་ངྷ་ ཞེས་འབྲི་དགོས། དེ་ཡང་ མ་ ཞེས་པ་དབུས་དང་། ག་ ཞེས་པ་གྱུར་དང་། ངྷ་ཞེས་པ་འཆང་སྟེ། ཡུལ་དབུས་གྱུར་འཆང་། ཞེས་སོ། ཞེས་ཐོས་མྱོང་བ་ཡིན་ལགས།

   མ་ག་ངྷ་ ནས་སློབ་མ་གུས་པ་ཡིས།
   གསིལ་སྙན་དཀྲོལ་ཞིང་གསོལ་བ་བཏབ་པའི་སྐད།
   བོད་དུ་གསན་ནས་འབྲོམ་ལ་སྦྲན་པ་ཡིས།
   རྣ་བའི་མངོན་ཤེས་མངའ་ལ་གསོལ་བ་འདེབས།།

10. གསིལ་སྙན་མ་རེད་སིལ་སྙན་རེད་ལགས།

11. རི་མོ་འདི་གསར་པ་མ་རེད། རྙིང་པ་རེད། རྣམ་ཐར་རི་མོའི་ལམ་ནས་ངོ་སྤྲོད་འདི་གསར་པ་མ་རེད་སྔ་མོ་ནས་ཤེས་རིག་པར་ཁང་ནས་མང་པོ་ངོ་སྤྲོད་ཞུས་པ་རེད།

12. ཨོ་དགོངས་དག་ང་ནོར་འདུག རི་མོ་དང་པོ་ཡིན་པ་འདྲ། རི་མོ་དང་པོ་ག་རེ་བྱེད་ནས་ཡིན་ན། དྲྭ་རྒྱ་ནང་གི་དང་པོ་ཡིན་ན།

13. ༄༅། །སྤྱིར་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཕྱི་ལོ་ ༢༠༡༢ ཟླ་ ༥ ཚེས་ ༢༤ ཉིན་བྷེལ་ཇམ་དུ་ས་དགེ་བཀའ་རྙིང་རིས་སུ་མ་ཆད་པའི་མཁན་བླ་སྤྲུལ་སོགས་ལ་ལམ་སྟོན་བཀའ་སློབ་སྩལ་དོན།

    ང་ཚོ་བོད་པར་སོ་སོའི་ཡི་གེ་ཡོད། ཡི་གེ་དེ་ཡང་རྒྱ་ཡིག་དང་རྒྱ་གར་གྱི་ཡི་གེ་ནས་དཔེ་བལྟས་པ་ཞིག་མ་རེད། སྤྱིར་བཏང་སུམ་རྟགས་གྲས་དེ་རྒྱ་གར་ནས་དཔེ་བལྟས་པ་ཞིག་རེད། རྩ་བའི་ང་ཚོའི་ཡི་གེ་ཞང་གཞུང་སྨར་ཡིག་ཡིན་ནའང་འདྲ། གང་ལྟར་སོ་སོའི་ཡི་གེ་རང་བཙན་པ་ཞིག་ཡོད། །

    བོན་རྒྱལ་ལོ། བོད་རྒྱལ་ལོ། ཀི་ཀི་བསྭོ་བསྭོ་ལྷ་རྒྱལ་ལོ། །

    དྲྭ་གྲོགས་གང་ཞིག་གི་ཁ་ནང་དུ་གསང་རྡོར་བཅུག། །

    དབུས་བོད་མིའི་སྒྲིག་འཛུགས་ཀྱི་དྲྭ་བ་ནས་དྲངས།
    ༧བླ་མ་ཁོང་སྐུ་ཚེ་མི་བཤིགས་གཡུང་དྲུང་གི་ཁམས་སུ་བརྟན་པར་ཤོག། འགྲོ་དོན་མཁའ་ལ་ཉི་མ་ཤར་བ་ལྟར་རྒྱས་པར་ཤོག། །

14. BONPO་ལགས་དབུས་བོད་མིའི་སྒྲིག་འཛུགས་ཀྱི་དྲ་རྒྱ་ཞེས་པ་གང་ན་འདུག་གམ། ངས་མ་རྙེད་ཐལ།
    བོད་གཞུང་དྲ་རྒྱ་ཞེས་པར་བསྣན་པས་ཅང་མི་ཤར་གི།

15. ལ་སྟོད་བུ་ལགས། བོད་སྐད་རྒྱ་སྐད་དབྱིན་སྐད་གསུམ་གྱི་བདག་ཉིད་ཅན་གྱི་དྲྭ་རྒྱ་ http://www.tibet.net ནང་ལ་ཕེབས་ནས་་་་བོད་ཡིག་་་་ཐོག་སྣོན་དང་བོད་ཡིག་དྲྭ་ངོས་འཆར་ཐུབ་དེའི་་་གསར་གནས་་་ཀྱི་སྡེ་ཚན་ནང་་་་གོང་ས་༸སྐྱབས་མགོན་ཆེན་པོ་མཆོག་གིས་བྷེལ་ཇམ་དུ་མཁན་བླ་སྤྲུལ་རྣམས་ལ་ལམ་སྟོན་བཀའ་སློབ་སྩལ་བ་་་་་ཞེས་པར་སྣོན་དང་བཀའ་སློབ་རྒྱས་པ་གཟིགས་ཐུབ། ཆ་ཚང་བ་མར་ཀློག་གནང་དང་དེའི་ནང་ཁ་གསལ་ངོ་གསལ་དུ་བཀོད་འདུག་པས་ཐུགས་དགྱེས་པར་མཛོད། །

16. BONPO ལགས་དང་དབུས་བོད་མིའི་སྒྲིག་འཛུགས་ཀྱི་དྲྭ་བའི་གཙོ་འཛིན་པ་དག་གིས་གནས་ཚུལ་གསར་པ་དུས་ཐོག་ཏུ་སྤེལ་བར་ཐུགས་རྗེས་ཆེ་ཡུན་བཞིན་ཡོད།

17. ༢༠༡༢ ཟླ་ ༥ ཚེས་ ༢༤ ལྔ་ཉེར་བཞི་འདི་བོད་ཀྱི་དུས་ཆེན་ཆེ་གྲ་ཞིག་ལ་བརྩིས་ནས་ས་ཕྱོགས་གང་སར་བཞུགས་པའི་བོད་ཀྱི་བོན་པོ་རྣམས་ཀྱི་གཙོས་པའི་བོད་རིགས་མི་དམངས་ཡོངས་ནས་་་་་ལྔ་ཉེར་བཞི་བདེན་པའི་དགའ་སྟོན་་་་ཞེས་པ་ཞིག་གཏོང་དགོས།

18. ཁ་ནས་འཐོན་པ་ན། སིལ། གསིལ། བསིལ། ཞེས་སྒྲ་གསུམ་པོ་འདྲ་བར་འབོད། འོན་ཀྱང་བདག་དང་བདག་གི་སློབ་མ་དག་གིས་བོད་གནའ་བོའི་ལུགས་བཞིན་འབོད། དེ་ཡང་གནའ་བོའི་ལུགས་ཀྱི་འབོད་ཚུལ་དེ། བོད་ཀྱི་ཡུལ་མཐའ་མཚམས་དག་ན་ད་དུང་ཡོད་པ་དང་། རྗེ་བཙུན་བསོད་ནམས་རྩེ་མའི་གསུང་བཞིན་སྔོན་འཇུག་དང་རྗེས་འཇུག་དག་སྒྲ་འཐོན་པར་བྱས་ཏེ་ཀློག་ཐུབ་ན། དགོས་པ་ཆེན་པོ་མཆིས། ཡི་གེ་ཐོབ་སྟངས་ལྟར་ཨིན་ཡིག་ཏུ་བྲིས་པ་བོད་སྐད་མ་ཤེས་པ་ཞིག་ལ་ཀློག་ཏུ་བཅུག་ན། བོད་ཀྱི་གནའ་བོའི་འབོད་ཚུལ་རང་འཐོན་པ་འདུག
    གོང་གསལ་སྒྲ་གསུམ་པོ་དེ་རེ་རེ་བཞིན་བཤད་ན། དང་པོ་དེ་དངུལ་སིལ་མ་ལྟ་བྱ་དང་། གཉིས་པ་དེ་སྒྲོགས་པའི་དོན་ཏེ། ལ་དྭགས་ལ་ཆོས་སྒྲོགས་ལ་ཆོས་གསིལ་ཟེར། གསུམ་པ་དེ་རླུང་བསིལ་མོ་ཞེས་པ་ལྟ་བུ། སྒྲ་སྙན་ཞེས་གསིལ་སྙན་ཡོད་ཀྱང་། སྔོན་འཇུག་མ་འཐོན་པས། སིལ་སྙན་ཆགས་པར་ངེས་སོ།།

19. BONPO
    ལགས་ཐུགས་རྗེ་ཆེ་གནས་ཚུལ་ཁ་གསལ་དུ་དང་ཁ་བྱང་གནང་བར།
    ཁྱེད་དྲ་རྒྱ་བསྔོགས་རྒྱུར་མཁས་པ་ཞིག་ཡིན་ནི་རེད། ཉེ་འཆར་༸གོང་ས༸་མཆོག་ནས་ཁེ་ན་ཌ་རུའང་དེ་ལྟར་གསུངས་པ་ཞིག་ཐོས་བྱུང་དེ་ཨེ་ཤ་ཡ་རང་དབང་རླུང་འཕྲིན་ཁང་ན་ཡིན་པ་ཡོད། འོན་ཀྱང་ད་ཆ་གང་དུ་ཡོད་མེད་ཤེས་ཀྱི་མི་འདུག་པས་གལ་ཏེ་ཁཨཡེད་ལ་དུས་ཁོམས་འདྲ་ཡོད་ན་གཅིག་འཚོལ་གནང་རོགས།
    ཐུགས་རྗེ་ཆེ།
    ༸སྐྱབས་མགོན༸་རིན་པོ་ཆེ་མཆོག་གི་བཀའ་སློབ་དེ་ཚོས་སེམས་ལ་ངོ་མ་གཅིག་ཕན་གི།
    ཉན་འདོད་ཤིན་ཏུ་ཆེ།

20. ཧཧཧཧཧཧཧཧཧ་་་་་་་དེ་འདྲ་ཡིན་ན་བོན་རྒྱལ་ལོ། བོན་གྱི་བསྟན་པ་རྒྱལ་ལོ། བོད་རྒྱལ་ལོ་རྒྱུས་རྒྱལ་ལོ། ཀི་ཀི་བསྭོ་བསྭོ་ལྷ་རྒྱལ་ལོ། །