གླིང་ཚ་ཚེ་བརྟན་རྡོ་རྗེ་མ་བུ་གསུམ་རྒྱ་གར་དང་བལ་ཡུལ་ས་མཚམས་སུ་འབྱོར་བ།

Comments (35) on “གླིང་ཚ་ཚེ་བརྟན་རྡོ་རྗེ་མ་བུ་གསུམ་རྒྱ་གར་དང་བལ་ཡུལ་ས་མཚམས་སུ་འབྱོར་བ།”

1. ཨོ་རྒྱན་རིན་པོ་ཆེ་ལ་གསོལ་བ་འདེབས།

   འགལ་རྐྱེན་བར་ཆད་མི་འབྱུང་ཞིང་། །
   མཐུན་རྐྱེན་བསམ་པ་འགྲུབ་པ་དང་། །
   མཆོག་དང་ཐུན་མོངས་དངོས་གྲུབ་སྩོལ། །

   ད་རེམ་རེམ། བོད་དར་འཁྱེར་ནས་བལ་ཡུལ་དུ་འཛུལ་ཐུབ་ན་ལས་འགུལ་གྱི་གྲུབ་འབྲས་ཕྱེད་ཐོབ་ཟིན་པ་རེད།

2. གླིང་ཚ་མ་བུ་གསུམ་བལ་ཡུལ་གྱི་ས་མཚམས་སུ་སླེབས་པར་འཚམས་འདྲི་བཀྲ་ཤིས་བདེ་ལེགས་ཞུ།

3. བོད་དར་བཞག་དགོས་ཀྱང་། བལ་བོད་ས་མཚམས་བར་དུ་སླེབས་ཐུབ་པ་བྱེད་དགོས་རེད་སྙམ་ལགས།

4. བལ་ཡུལ་ས་མཚམས་བར་སླེབས་པར་འཚམས་འདྲི་ཞུ། ཁྱེད་མ་བུ་གསུམ་བོད་མི་རིགས་ཀྱི་དཔའ་བོ་ཡིན། བལ་ཡུལ་འདིས་སླར་ཡང་རྒྱལ་སྤྱིའི་མདུན་ན་རང་མདོག་ཐེངས་གཅིག་མངོན་པ་རེད། ཁྱེད་ནང་མི་རྣམས་ལ་རྐྱེན་ངན་གོད་ཆག་མི་ཡོང་བའི་སྨོན་ལམ། བོད་ཀྱི་ལྷ་སྲུང་འཕྲིན་ལས་ཅན་རྣམས་ཀྱིས་མགོན་སྐྱབས་མཛད་རོགས།

5. གནས་སྐབས་བོད་དར་མ་ཕྱར་ཀྱང་སྐྱོན་མི་འདུག རྒྱལ་ཁབ་འདྲ་མིན་ལ་ལྟ་བ་འདྲ་མིན་རེད། ཡར་ལུང་མཁན་པོར་བསྟུན་ན་ལེགས། དོན་དག་གཙོ་བོ་མ་འཆུག་ན་འགྲིག་པ་རེད། གལ་ཏེ་བོད་སར་སླེབས་སོང་ན་བོད་དར་འཕྱར་ཐུབ་བམ། དེ་དུས་རྒྱ་དར་གཅིག་པུ་ཕྱར་ནས་དགོས་འདུན་བཏོན་ཀྱང་ཆོག་གི་རེད།

6. ཁྱེད་མ་བུ་གསུམ་དཀའ་ངལ་གྲོལ་ཏེདམིགས་ཡུལ་མྱུར་ཏུ་འགྲུབ་པའི་རེ་བ་དང་སྨོན་ལམ་ཡོད།

7. གླིང་ཚ་མ་བུ་གསུམ་གྱི་རླབས་ཆེན་གྱི་ལས་དོན་འདིར་རྗེས་སུ་ཡི་རངས་ཞུ། དཀའ་བ་བརྒྱ་ཕྲག་ཁྱད་དེ་ཟད་དེ་རྒྱལ་མཚམས་ཞིག་བརྒལ་ཀི་ཡོད་པ་དེ་ངོ་མ་བཀའ་དྲིན་ཞིག་དྲན་དགོས་པ་འདྲ།

8. དར་ཆ་དང་དགོས་འདུན་ཁ་ཁ་རེད། ལྷག་པར་དུ་ལམ་དབུ་མ་དང་བོད་ཀྱི་དར་ཆ་གཉིས་རྒྱབ་འགལ་རེད། ལམ་དབུ་མ་དང་རྒྱ་ནག་གི་དར་གཞི་མཐུན་རེད། རང་བཙན་ལྟ་བ་དང་བོད་ཀྱི་དར་ཆ་གཉིས་གཞི་མཐུན་རེད། ངས་ཚེ་བརྟན་རྡོ་རྗེས་བོད་དར་འཕྱར་བར་ངོ་རྒོལ་བྱེད་ཀི་ཡོད་ལ། སྔོན་གྱི་བོད་གཞུང་དང་ད་ལྟའི་བོད་ཚོགས་གཉིས་ཀས་ཁ་ནས་དབུ་མ་བཤད་བཞིན་ལག་ནས་རང་བཙན་དར་ཆ་འཕྱར་གིན་ཡོད་པ་དེར་སྐྱོན་བརྗོད་བྱེད་ཀིན་ཡོད། བོད་རྒྱའི་གྲོས་མོལ་ལ་འབྲས་བུ་མ་འབྱུང་བའི་རྐྱེན་རྩ་ཚང་མ་རྒྱ་ནག་གིས་བཟོས་པ་རྐྱང་རྐྱང་མིན་པར་ང་ཚོའི་ཁ་ནང་གི་མེས་རྒྱལ་གཅིག་གྱུར་རམ་བོད་རྒྱ་གཉིས་སྨན་དབུ་མའི་ལམ་དང་ལག་གི་རང་བཙན་རྒྱལ་ཁབ་མཚོན་པའི་དར་ཆ་འདི་གཉིས་ཀྱིས་ཀྱང་ད་བར་དུ་བོད་རྒྱའི་གྲོས་མོལ་ལ་གཏོར་བརླག་ག་ཚོད་ཅིག་བྱས་ཡོད་པ་རེད།

9. རེད། ཁོང་མ་བུ་གསུམ་གནད་འགག་ཅིག་ལ་བསླེབས་ཚར་འདུག །བོད་ཀྱི་རྒྱལ་དར་ཕྱར་ནས་བསྐྱོད་ཐུབ་ན་རབ་དང་དེ་མིན་བོད་ཀྱི་རྒྱལ་དར་བཞག་ནས་འགྲོ་མི་ཉན། སྐར་ལྔའི་རྒྱལ་དར་འཕྱར་ནས་བོད་ལ་བསླེབ་ཐུབ་ན་ཐང་མོད། བོད་བར་དུ་འགྲོ་ཐུབ་མ་ཐུབ་གཙོ་བོ་མ་རེད། དེ་ཤེས་བར་མཛོད། ཕལ་ཆེར་བལ་ཡུལ་ནས་བོད་ཀྱི་རྒྱལ་དར་འཁྱེར་བཅུག་མདོག་ཁ་བོ་རེད། དེ་ནས་ཕར་ཁག་པོ་རེད།
   དུས་གསུམ་སངས་རྒྱས་གུ་རུ་རིན་པོ་ཆེས།།
   རྐྱེན་ངན་བར་ཆད་བཟློག་པར་བྱིན་གྱིས་རློབས།།
   བསམ་པ་ལྷུན་གྱིས་འགྲུབ་པར་བྱིན་གྱིས་རློབས།།
   མ་བུ་གསུམ་གྱི་ལམ་སྣ་འདྲེན་པར་ཤོག།

10. ཀླུ་སྨྱོན་འདི་རིག་རྩལ་ངོ་ཐོག་འདུག
    ང་ཡང་དེ་རང་བསམ་ཡོད། འོན་ཀྱང་ང་ནི་དེ་ལྟར་ཤོད་ཕོད་པའི་སྤོབས་པས་མ་འདངས་ནས་ལུས་པ་རེད།
    ཁྱེད་ཀྱི་གསུང་ལ་མངོན་པར་བསྟོད་དོ།

11. རྒྱ་དར་མ་འཕྱར་ན་དགའ་མིན་འགྲོ། །

12. ཀྲུང་གོའི་དར་དམར་གཉིས་རིམ་བྱས་ནས་བོད་དར་དཀྱིལ་ལ་དབྱུབ་ན་ག་འདྲ་འདུག

13. རྒྱ་དར་འཕྱར་བར་འགྲིག་འདུག་ཟེར་བརྗོད་ཡིན་ལ་སེམས་ནས་ཀྱང་དྲན་བྱུང་། ཡིན་ནའང་ངེས་པར་བོད་དར་ཡང་འཕྱར་དགོས་པ་ཞིག་ཏུ་བསམ་གི་ཡོད།
    བོད་དར་རྒྱ་དར་འདྲ་མཉམ་དགོས། རང་བཙན་ཡིན་ནའང་བོད་དར་དགོས། རང་སྐྱོང་ཡིན་ནའང་བོད་དར་དགོས། བོད་དར་མི་དགོས་ཟེར་མཁན་ཚོ་་་་་་་་

14. ཀྲུང་གོ་མ་ཟེར་རོགས། རྒྱ་ནག་ཟེར་རོགས། སྐུ་མཁྱེན།

15. ཀྲུང་གོའི་དར་དམར་རྒྱ་ནག་ལྕག་རི་སོགས།
    དགའ་དང་མི་དགའི་ངོ་བོ་ཙམ་མིན་ནོ།

16. ཀླུ་སྨྱོན་སོགས་དབུ་མ་མགོ་མ་ཚོས་མཁན་ཚོ་ལ་ཕན་རེས་གསལ་བཤད་ཐུང་ཙམ་ཞུ་ཆོག ལམ་དབུ་མའི་དམིགས་ཡུལ་བོད་ཀྱི་ངོ་བོ་དང་རིག་གཞུང་གི་ཆ་ཤས་མ་བརླག་པར་རྒྱ་ནག་གི་ཁོངས་ནས་འདུག་གི་ཡིན་ཟེར་གི་ཡོད་ཚོད་འདུག བོད་ཀྱི་རྒྱལ་དར་སོགས་བོད་ཀྱི་དམིགས་བསལ་མཚོན་རྟགས་རྣམས་མེད་པ་བཟོས་ནས་རྒྱ་ནག་གི་འོག་ལ་གཅེར་རེ་དམར་ཧྲེང་མར་འགྲོ་གི་ཡིན་ལབ་ཀི་ཡོད་པ་མ་རེད། དེ་འདྲ་ཡིན་ན་བོད་ཀྱི་རྒྱལ་དར་སྐབས་དེར་རྒྱ་ནག་གི་མངའ་འོག་གི་བོད་ཀྱི་མངའ་སྡེའི་མཚོན་རྟགས་ཆགས་དགོས་པ་རེད། དེ་ནི་མི་སྲིད་པ་གང་ཡང་མ་རེད། ནུབ་ཕྱོགས་རྒྱལ་ཁབ་ནང་མངའ་སྡེ་སོ་སོར་དམིགས་བསལ་རྩ་ཁྲིམས་དང་མངའ་སྡེའི་དར་ཆ་མ་འདྲ་བ་མང་པོ་ཡོད་པ་རེད། དར་ཆ་དེ་དག་མངའ་སྡེ་ནང་ཁུལ་ལུས་རྩལ་འགྲན་སྡུར་སོགས་ཀྱི་སྐབས་བེད་སྤྱོད་ཡག་་པོ་ཡོད་རེད། གཞན་མོ་ཏྲའི་ཨང་གྲངས་ཀི་ཟུར་སྣེ་གཅིག་ལ་རྒྱལ་ཁབ་ཀྱི་མཚོན་རྟགས་བཀོད། ཟུར་སྣེ་གཞན་དེར་མངའ་སྡེ་སོགས་སོ་སོའི་རྟགསབཀོད་་ཡོད་པ་རེད། བྱས་ཙང་རྒྱལ་དར་གཅིག་གི་འོག་ལ་མངའ་སྡེ་སོ་སོར་དར་ཆ་མི་འདྲ་བ་མང་པོ་གནས་ཆོག་གི་རེད། མདོར་ན་རྒྱལ་ཁབ་སོ་སོར་དབུས་གཞུང་གི་སྤྱི་ཁྲིམས་ཡོད་པའི་ཐོག་ལ་མངའ་སྡེ་སོ་སོའི་དམིགས་བསལ་གྱི་ཁྲིམས་ཡོད་ཆོག་གི་རེད། དེ་བཞིན་རྒྱལ་ཁབ་སྤྱིའི་རྒྱལ་དར་གྱི་སྟེང་ལ་མངའ་སྡེ་སོ་སོའི་དར་ཆ་བསྒྲེངས་ཆོག་གི་རེད།

17. ཀླུ་སྨྱོན་འདི་རང་བློ་རང་ལ་གསལ་བ་བཞིན྄། ཁ་རོག་གེ་ཆགས་གཏམ་སྐོར་ནས་ཚིག་གྲུབ་རེ་བཟོས་ནས་བསྡད་ཡོད་རྒྱུས་ན། སྟག་སྨྱོན་གྱི་མཆེ་བར་ར་ལྷུང་དགོས་དོན་ཡོད་ནི་མ་རེད། ད་གང་ལྟར་རྐང་བ་ཡ་གཅིག་ཕྱི་མའི་ཡུལ་དུ་ཧྲེང་ཚར་སོང་ནི་རེད། མགོ་འགྲོ་རེག་བར་དུ་གནས་ལུགས་འདྲ་ཡོད་ན་ཤོད་མ་གཏོགས། ཡུམ་་་འཆི་ཁ་གཟུར་ཁ། ཁྱོད་འདྲ་མོའི་རྣམ་ཤེས་བར་རྡོ་ནས་ལྷག་འགྲོ་ན་ཐང་། གུ་རེ་ཡིན་ལོ།

18. ཀླུ་སྨྱོན་ཀྱིས་བོད་རྒྱའི་གྲོས་མོལ་མ་བྱུང་བའི་འགལ་རྐྱེན་གཙོ་བོ་དེ་བོད་ཀྱི་རྒྱལ་དར་མ་དོར་བས་རེད་ལབ་འདུག་ཀྱང་རང་དབང་ལུང་པར་ཅི་བཤད་རང་དབང་ཡིན། འོན་ཀྱང་ཁྱོད་རང་བོད་དགྲ་རྒྱ་དམར་ལ་འཐའ་གཅིག་ཏུ་ཕྱོགས་མཁན་ཞིག་མིན་ན་༸སྐྱབས་མགོན་རིན་པོ་ཆེས་ང་ལ་བོད་དར་འདི་སྒྲེང་པའི་ཆོག་མཆན་དེ་མའོ་ཡིས་གནང་བྱུང་ཞེས་གསུང་པ་ནི་ཉུང་ཉུང་མིན་ལ་རིང་པོའི་དུས་སུ་གསུངས་པ་ཡང་མིན་པས་དེ་ལ་བསམ་གཞིག་ཅིག་བྱས་ན་ཅི་འདྲ་རེད། ༸སྐྱབས་མགོན་རིན་པོ་ཆེས་བོད་རང་བཙན་གྱི་ལོ་རྒྱུ་དོར་མེད་ལ་བོད་ཀྱི་རྒྱལ་དར་དང་རྒྱལ་གླུ་དོར་མེད་ཀྱང་ཁྱེད་ཚོ་སྔོ་ཐོན་ལ་རྔོམ་པ་ཚོས་རིག་གསར་སྐབས་ཀྱི་ཧུར་བརྩོན་པ་ཚོས་ཅི་བྱས་ལ་ཕྱི་ལྟས་ཅིག་བྱོས་དང་། བོད་ཀྱི་ཁེ་དབང་ཡོངས་རྫོགས་བློས་གཏོང་དགོས་པའི་དབུ་མའི་ལམ་ཞིག་སུས་རྩོད་ཀྱིན་ཡོད་དམ།

19. སྟག་སྨྱོན་གྱིས་རྒྱལ་དར་དང་མངའ་སྡེའི་དར་ཆ་གཉིས་ཀྱི་ཁྱད་པར་ཕྱེས་མི་འདུག ང་ཚོའི་དར་ཆ་དེ་ལ་བོད་ཀྱི་རྒྱལ་དར་ཟེར་གི་ཡོད་པ་མ་རེད་པས། ང་ཚོར་ད་དུང་འགྲེལ་བཤད་རྒྱག་ས་མི་འགྲོ་བའི་བོད་ཀྱི་རྒྱལ་གླུ་ཟེར་བ་ཞིག་ཀྱང་ཡོད་བསམས་སོང་། ད་རྒྱལ་གླུ་དེ་ཡང་བོད་ཀྱི་མངའ་སྡེའི་གླུ་གཞས་ཡིན་ཟེར་ནས་དབྱངས་ལ་བཀུག་སྟེ་ལེན་བཞིན་བོད་ལ་སོང་ན་ཆོག་ས་རེད། འོ་ན་ཚད་མེད་ཡོན་ཏན་མ་གང་ལ་འཇོག

20. མངའ་སྡེའི་ཐོབ་ཐང་རྩོད་དུས་རང་བཙན་ཡིན་དུས་བཟོས་པའི་དར་ཆ་འཁྱེར་ཡོང་བ་འདི་ལ་འགྲེལ་བཤད་རེ་ཡོད་དམ།

21. མ་བུ་གསུམ་པོ་ཕ་ཡུལ་ལ་འགྲོ་དུས། བལ་བོད་གཉིས་ཀྱི་ས་མཚམས་པར་དུ་བོད་ཀྱི་རྒྱལ་དར་ལ་རྟེན་ནས་འགྲོ་རྒྱུ་རེད། དེའི་ཕར་ཕྱོགས་ནས་བོད་དར་བརླགས་འགྲོ་ནི་རེད། གུང་ཁྲན་གྱིས་བོད་དར་ཁས་ནས་ཡོང་གི་འཇུག་ནི་མ་རེད། དར་ཆ་དམར་པོ་ཁས་ཡོང་ཡོད་པས། ཕྱི་མིའི་བོད་རིགས་སྤུན་ཟླ་མེས་རྒྱལ་གྱི་པང་དུ་ལོག་པའི་གསར་འགྱུར་ཚ་ཐག་ཆོད་ཅིག་ཡོང་ཐག་ཆོད་རེད་སྙམ། གང་ལྟར་ནའང་། ད་ལྟའི་བོད་གཞུང་གི་ལངས་ཕྱོགས་དང་རྒྱབ་འགལ་དུ་སོང་མི་འདུག རང་དོན་ཡང་ཚགས་ཚུད་པོ་ཞིག་ཡོང་རེ་འདུག སྐད་གྲགས་ཀྱང་ཚུར་ཕྱོགས་ན་ཡོད་ལ། ཕར་ཕྱོགས་ན་ཡང་ཡོད་པ་ཞིག་ཡོང་རྒྱུ་ཐག་གི་ཆོད། འོན་ཀྱང་བོད་གཞུང་གིས་ལམ་དབུ་མར་གནས་ནའང་། སྐར་ལྔའི་དར་དམར་མ་བསྒྲེངས་གོང་། བོད་མི་སྒེར་བ་ཞིག་གིས་རང་དབང་ལུང་པར་སྐར་ལྔའི་དར་དམར་བསྒྲེངས་ནས་འགྲོ་བ་འདི། ཡག་རྟགས་སྡུག་རྟགས་ཡང་ཡིན་མི་ཤེས།

22. ཀླུ་སྨྱོན་གྱི་གསུང་ལ་མངོན་པར་བསྟོད་དོ།

23. བོད་རྒྱའི་རྒྱ་དར་གང་ཡིན་ཡང་དེ་གཙོ་བོ་མ་རེད་བསམ་གི གཙོ་བོ་ཁོ་རང་བོད་ལ་འགྲོ་ཐུབས་ན་དེས་རང་དབང་གི་འཐབས་རྩོད་གླེང་གི་རེད་མ་གཏོགས་རེ་ཡུག་གཉིས་ཀྱིས་བྱ་བ་གང་ཡང་བྱེད་ཐུབ་ཀྱི་མ་རེད། གང་ལྟར་ཁོང་རྣམ་པ་ཚོ་བཀྲིན་ཆེ། བྱ་བ་རླབས་ཆེན་ཞིག་བསྒྲུབས་ཟིན་པ་དང་། ད་ཏུང་མུ་འཐུད་ནས་ཡོད་པར་བཀྲིན་ཆ། ངས་ནན་ཀྱིས་རེ་བསྐུལ་ཞུ་རྒྱུ་ཞིག་ལ། ང་ཚོ་ཚངས་མའི་ནུ་མོ་ལྷ་མོ་སྐྱིད་ལགས་ཁྱེད་ངེས་པར་དུ་རྒྱ་གར་དང་བལ་པོ་ས་འཚམས་ནས་ཕྱིར་འཐེན་གནངས་རོགས་ཞུ་རྒྱུ་ཡིན། འདི་མི་མང་པོ་ཞིག་གི་རེ་འདོད་ཡིན་པས་ངེས་པར་ཏུ་ཕྱིར་འཐེན་གནངས་རོགས།

24. མོ་ཙེ་དུང་གིས་ཀྱང་བོད་ལ་རྒྱལ་དར་ཡོད་པ་ཤེས་ཏེ་རྒྱ་དར་དང་བོད་དར་མཉམ་དུ་སྒྲེང་དགོས་པའི་སྐད་ཆ་བཤད་ཡོད། བོད་དར་བཞག་ནས་རྒྱ་དར་གཅིག་པོ་འཁྱེར་བ་དེ་རྩ་བ་གཡུག་ནས་ཡལ་ག་ལ་འབྱར་བར་རྟེན་སྙིང་པོ་མི་འདུག་སྙམ། ཀླུ་སྨྱོན་ལ་བཤད་རྒྱུ་ཞིག་ལ། ཁྱེད་ལུས་པོ་ཨ་རི་ཡོད་ཀྱང་སེམས་པ་པེ་ཅིན་ཕྱོགས་པའི་ཁྱི་སྤྱང་ཞིག་ཡིན་པ་གཞིས་བྱེས་བོད་མི་ཚོས་ཤེས་ནི་རེད་ལ་ཁྱོད་བླ་ནག་ཚང་གི་ཞབས་འདྲེན་ཡིན་པ་ཨ་མདོ་བ་ཚོས་ཤེས་ནི་རེད། སྔོན་མ་ཕ་ཡུལ་དུ་འགྲོ་འདོད་དེ་རྒྱ་མིར་ཁ་ཡག་བཤད་ཆེད་ གཉན་ཆེན་ཐང་ལྷའི་ཚགས་ཤོག་ཐོག༼རྡ་ས་ནས་པཎ་ཆེན་ཐག་བཅད་ཆོག་ན་ལྷ་ས་ནས་ཐག་གཅོད་མི་ཆོག་པ་གང་ཡིན༽ཟེར་ནས་གཞེས་བྱེས་བོད་མིའི་མངོན་འདོད་དང་མི་འཚམས་པའི་རྩོམ་ཡིག་སྤེལ་བ་རྟིང་བརྗེད་དུ་སོང་ག་ལ་ཡོད། དེ་ལས་ཆགས་སྲེད་ཀྱི་སྙན་ངག་ཕྲིས་ནས་སྡོད་དང་ཁྱོད་ལ་འགྲིག་ནོ་དེ་རེད། ཚེ་རིང་སྐྱིད་བོས་ནས་ཀེའུ་མོ་མོ་རེ་མཉམ་དུ་བཟའ་ཞོར་འོ་རེ་བསྐྱལ་ནས་བསྡད་ན་མི་འགྲིག་ག

25. ཀླུ་སྨྱོན་གྱིས་གསུང་བར་མངོན་པར་བསྟོད་དོ།སེང་གེ་རྟགས་ཅན་གྱི་དར་ཆ་འདིའི་འགྲེལ་བཤད་ལ་བལྟས་དུས་དར་ཆ་འདི་ནི་བོད་རྒྱལ་ཁབ་ཆེན་པོའི་དབུ་བཙུགས་པ་ནས་ཡོད་པ་ཞིག་མ་རེད།འགྲེལ་བཤད་རིས་མ་ཅན་འདིས་བོད་མི་ཡོངས་ཀྱི་བློ་ཡིད་ཚིམས་ཐུབ་ཡོད་པ་མ་རེད།རྗེས་ནས་རྒྱལ་དར་བཟོ་དུས་གྲུབ་མཐའ་དང་ཡུལ་ཕྱོགས་ཀྱི་འཐེན་སོར་མ་ཤོར་བར་བོད་སྤྱིའི་ངོ་བོ་མཚོན་ཐུབ་པ་ཞིག་དགོས།

26. མའོ་ཡིས་ག་རེ་བཤད་ཡོད་མེད་ཀྱིས་དེང་སང་ཕན་གི་མ་རེད་ལ་ཏེང་ཞོ་ཕེང་གིས་ག་རེ་བཤད་ཡོད་མེད་ཀྱིས་ཀྱང་ད་ལྟ་ཕན་གི་མ་རེད། ད་ལྟ་ང་ཚོར་ཕན་དང་མི་ཕན་གྱི་སྐད་ཆ་ནི་ད་ལྟའི་རྒྱ་ནག་གི་མགོ་ཁྲིད་ཚོའི་ལངས་ཕྱོགས་དང་སྐད་ཆ་རེད། རྒྱ་ནག་གི་མི་རབས་དང་སྲིད་ཇུས་འགྱུར་བཞིན་པ་འདི་མཐོང་བཞིན་དུ་ད་དུང་སྔོན་མའི་སྐད་ཆ་རྙིང་པ་ཞིག་ལ་འཇུས་བསྡད་ན་ཕན་མི་སྲིད།

27. ང་ནི་རྒྱ་དར་འཕྱར་མཁན་ལ་དགའ་བསུ་མེད།

28. ཚང་མར་བདེན་པ་ཡོད་པ་འདྲ་པོ་འདུག
    ཚང་མར་ཐུགས་ཁག་མེད་པ་འདྲ་པོའང་འདུག
    གང་ལྟར་ཐག་གཅོད་ཁག་ཙམ་འདུག
    དེ་ཡིན་དུས། ཚང་མར་བརྒྱ་ཆ་ལྔ་བཅུ་རེ་ཕུལ་རྒྱུ་ཡིན།

29. རང་བཙན་ལེན་འདོད་ཡོད་ཀྱང་། སྤྲོད་མཁན་མི་འདུག
    དབུ་མ་རྩོད་འདོད་ཡོད་ཀྱང་། ཁ་ཡ་བྱེད་མཁན་མི་འདུག
    རྒྱ་དར་གནམ་ལ་འཕྱར་ཡང་ཁྱེད་ཀྱི་རང་དབང་རེད།
    བོད་དར་ས་ལ་གཡུག་ཀྱང་ཁྱེད་ཀྱི་འདོད་པ་རེད།

    གཞོང་པ་སྟོང་པའི་གཞོང་འཛིང་བརྒྱབ་ན་སྐྱིད་ཤོས་རེད།

30. ང་རང་གི་བསམ་ན་གླིང་ཚ་མ་བུ་གསུམ་གྱིས་འཐབ་རྩོད་ནི་བོད་ནང་ལ་སླེབ་མི་སླེབ་ཀྱི་སྐད་ཆ་མ་རེད་འདོད། ཁོ་རང་གི་དགོས་འདུ་དོན་ཚན་ལྔ་བཀོད་ཡོད་པ་དེ་རྒྱ་ནག་གི་ངོས་ལེན་ཡོད་མེད་རེད་སྙམ། རྒྱལ་དར་ཁྱེར་དགོས་མིན་གྱི་སྐད་ཆ་མང་པོ་གླེང་གི་འདུག དར་ཆ་འཕྱར་ནས་ལས་འགུལ་སྤེལ་ཞིང་བགྲོད་དགོས་པ་ལས་་ཁ་ཁུར་སིམ་པོ་བོད་ལ་ལོག་དགོས་ན་རྒྱ་མའི་གཞུང་ཚབ་ནས་ལོག་ཆོག་གི་ལག་ཁྱེར་ལེན་ནས་བདེ་ངོས་ལོག་ན་དགའ་སྙམ།།

31. ད་གཅིག་བཤད་མ་འདུག ཤོད་བསམ་ནཁོང་གསུམ་ས་མཚམས་ལ་སླེབས་ནས་ཉིན་མཚན་ཧྲིལ་པོ་གཅིག་འཁོར་ཟིན་སོང་བས་གནས་ཚུལ་གསར་པ་ག་རེ་འདུག་ཤོད་རོགས།

32. ཀླུ་སྨྱོན། ངས་གོང་དུ། ༼དེ་འདྲ་ཡིན་ན་བོད་ཀྱི་རྒྱལ་དར་སྐབས་དེར་རྒྱ་ནག་གི་མངའ་འོག་གི་བོད་ཀྱི་མངའ་སྡེའི་མཚོན་རྟགས་ཆགས་དགོས་པ་རེད།༽ ཅེས་སྐབས་དེར་ཞེས་པ་དང་། ་་་་་་་་་་ཆགས་དགོས་པ་རེད་ཞེས་པའི་གོ་བ་ཡག་པོ་ལེན་རོགས།

33. གང་ལྟར་གླིང་ཚ་མ་བུ་གསུམ་གྱིས་བོད་ཀྱི་རྩ་དོན་ཆེད་དཀའ་དུབ་མང་པོ་མྱོང་དགོས་བྱུང་སོང་། རྒྱ་དར་དང་བོད་དར་གང་འཕྱར་ཡང་ཁྱད་པར་མི་འདུག གང་ལྟར་ཁོང་མ་བུ་གསུམ་བོད་ཀྱི་ས་ཐོག་ཏུ་སླེབས་ཐུབ་ན་ལྟ་རྒྱུ་ཞིག་ཡོད་ངེས།

34. གོང་གི་མཆན་ ༣༠ ཕྱུགས་རྫི་ཟེར་བ་དེའི་སྐད་ཆ་ཕྱུགས་རྫིའི་སྐད་ཆ་རང་རེད་འདུག

35. རྒྱ་ནག་གི་དར་དམར་སྒྲེང་བ་ཙམ་མ་ཚད་བོད་དར་མེ་རུ་གླིང་ཙ་མ་བུ་གསུམ་ནས་བསྲེགས་ནའང།
    རྒྱ་ནག་དཔོན་རིགས་རྣམས་དོགས་པ་ཆེ་རུ་འགྲོ་ངེས་ལ། དབུ་མའི་ལམ་གྱི་ལས་འགུལ་ཚོགས་པས་རྒྱབ་སྐྱོར་དང་དགའ་དད་ཆེ་རུ་འགྲོ་ངེས་ལ། གཞོན་ནུ་ལྷན་ཚོགས་ལ་དྲང་བདེན་མེད་ཚུལ། ལས་བྱས་ལ་གྲུབ་འབྲས་མེད་ཚུལ་སོགས་དམོད་ཚིག་རྒྱུན་མི་ཆད་སྙོམ།།

Comments are closed.