བུ་ལ་འཁྲིད་པའི་ཐ་སྙད། ཐབས་ཤེས་ཟད་པའི་འགྲེལ་བཤད།

Comments (9) on “བུ་ལ་འཁྲིད་པའི་ཐ་སྙད། ཐབས་ཤེས་ཟད་པའི་འགྲེལ་བཤད།”

1. སྐྱེས་པའི་མཐའ་མ་འབྲལ་བ། རྒས་པའི་མཐའ་མ་འཆི་བ། འདུས་པའི་མཐའ་མ་འབྲལ་བ། འཕེལ་བའི་མཐའ་མ་འགྲིབ་པ་ནི་ང་ཚོས་ཆོས་ཉིད་རེད་ཟེར་བ་མིན་ནམ། ཡང་གཅིག་བཤད་ན། དང་པོ་རང་གིས་བརྡ་དག་མི་ཤེས་བཞིན་དུ་བུར་ཅི་ལྟར་བརྡ་དག་ཁྲིད་དགོས།

2. རྡོར་དབང་ལགས།

   ཉིད་ནས་བུ་ཕྲུག་ཚོར་དེ་འདྲའི་བསླབ་སྟོན་གནང་བར་བསྔགས་བརྗོད་དང་ཁ་མིག་ཡར་བལྟ་བྱ་འོས་ཤིག་ཏུ་མཐོང་།

   ངེད་རང་སྒྲ་བཤད་ལ་དོ་དབྱིངས་ཆེན་པོ་ཡོད་རུང་། མེ་ཏོག་གི་སྒྲ་བཤད་ཁུངས་བཙུན་ཞིག་ཤེས་མ་བྱུང་། ཁྱེད་ནས་མེ་ཏོག་གི་སྒྲ་བཤད་གནང་བ་དེ་ཡག་པོ་ཞེ་དྲག་འདུག
   འོན་ཀྱང་དོགས་པ་ཞིག་ལ། ཏུན་ཧོང་ནས་ཐོན་པའི་ཡིག་རྙིང་རྣམས་སུ་མེ་ཏོག་ལ་མེན་ཏོག་ཅེས་བྲིས་ཤིང་གྲངས་ཡང་ཤིན་ཏུ་མང་། དེ་ལྟར་ན་སྒྲ་བཤད་ཇི་ལྟར་བྱ་དགོས་སམ་སྙམ་ལགས།

3. རྡོར་དབང་ལགས།
   སྤྱིར་བཏང་མིང་ཡོད་ཚད་ལ་སྒྲ་བཤད་ཡོད་པའི་ཁྱབ་པ་མེད།  མིང་ལ་རྗེས་གྲུབ་དང་འདོད་རྒྱལ་གཉིས་ཡོད་ཅིང་།   སྔ་མར་སྒྲ་བཤད་ཡོད་ཅིང་ཕྱི་མར་མེད་པ་ཤེས་དགོས།   ཁྱོད་རང་གིས་རང་གི་བུ་ལ་ཡི་གེའི་དག་ཆ་སོགས་སློབ་འདོད་ཡོད་པ་རྗེས་སུ་ཡི་རང་གི་གནས་རེད།   ངོ་སོ་ཡར་ལ་བསྟོད།   འོན་ཀྱང་དང་པོ་གང་ཞིག་འཁྲིད་མཁན་རང་གིས་ཁྲིད་གཞི་དེ་ཡག་པོ་ཞིག་མ་ཤེས་ན།   འཁྲིད་ཐབས་མེད་ཀྱང་འཁྲིད་ཡུལ་གྱི་རྣ་བར་འགྲོ་བ་ཁག་པོ་ཡིན་པས།   ཐོག་མར་ཁྱོད་རང་གིས་བོད་ཀྱི་བརྡ་སྤྲོད་རིག་པ་སོགས་ལ་ཅུང་ཟད་བསླབས་ཏེ་གཞི་ནས་རང་གི་བུ་ལ་འཁྲིད་ཐུབ་ན་ཤིན་ཏུ་བཟང་སྙམ།   ཁྱོད་རང་གིས་ལྷན་པ་ཟེར་བ་དེའི་ནང་དོན་ཡག་པོ་ཞིག་ཤེས་མེད་སྟབས།   འགྲེལ་བཤད་སྙིང་རྗེ་བོ་ཞིག་མ་ཤོད་པ་རེད།   དེར་བརྟེན་ཁྱོད་རང་གིས་བུའི་རྣ་བར་མ་སོང་བ་རེད།    དེ་ལ་ཁག་མི་འདུག   དེ་ལྟར་བཤད་ན་ངའི་སེམས་ལ་ཡང་འགྲོ་གི་མི་འདུག    གང་ལྟར་བསམ་བློ་གཏོང་ཕྱོགས་ཡག་པོ་ཞིག་ཡིན་པས་རྗེས་སུ་ཡི་རང་ཡོད།  མུ་མཐུད་དུ་བུ་ལ་སློབ་འཁྲིད་གནང་རོགས།

4. ངས་བལྟས་ན། ཁྱེད་རང་གིས་དོན་དག་ལས་སླ་པོ་ཅིག་དཀའ་རུ་བཏང་འདུག མགོ་རྙོག་ཐེབས་མི་དགོས་པ་ཞིག་མགོ་རྙོག་ཆེ་རུ་བཏང་འདུག མུ་མཐུད་འདི་འདྲ་ཐེངས་གཅིག་མིན་དུ་བྱས་ན་རྣམ་རིག་གྲུང་པའི་བྱིས་པ་འདི་བོད་ཡིག་དང་རྒྱང་ཁད་རིང་དུ་གཏོང་སྲིད།
   ཁྱེད་རང་གི་བུ་ཕྲུག་གིས་མེ་ཏོག་གི་སྐོར་ལ་རྩོམ་ཐུང་ཞིག་གམ་འགྲེལ་བཤད་ཅི་འདྲའི་སྙིང་རྗེ་བོ་ཞིག་བྲིས་མི་འདུག་གམ། ཁྱེད་ཀྱིས་ཁོ་ལ་བསྔགས་བརྗོད་ཀྱིས་ཡིད་ཆེས་དང་བློ་སྤོབས་ཆེ་རུ་གཏོང་རྒྱུའི་ཚབས་ལ་དེ་འདྲ་མ་རེད་ཟེར་ནས་ཁོ་རང་ཁོ་རང་གི་བསམས་གཞིགས་དང་རྣམ་དཔྱོད་བེད་སྤྱོད་གཏོང་རྒྱུར་བཀག་རྒྱ་བསྡམས་མི་འདུག་གམ། མིན་པ་ངོ་མ་དེ་ཁྱེད་རང་གི་དེ་འདྲ་མ་རེད།
   ད་དེ་རིང་བུ་ཕྲུག་ལ། མི་གཞན་པས་ཁྱེད་རང་གི་དེ་རེད་ཟེར་གྱི་འདུག ཨ་ཕ་ནོར་འདུག་པས་དགོངས་སེལ་ཞུ་གི་ཡིན་ལབ་ཤོག རྗེས་མ་ནས་མ་རེད་མ་རེད་ཟེར་བ་དེ་ཚོ་་བསྙུངས་ན་བཟང་། མ་རེད་མ་རེད་མང་དྲགས་ན་རང་གི་ཕ་མ་ཡིན་ཡང་ཞེ་རྩ་ཆད།

5. ཧ་ཧ་ཧ་ཧ་ཧ།   དང་པོ་ཨ་ཕ་ཁྱེད་ཀྱིས་མང་ཙམ་སྦྱང་དགོས་ཀྱི་འདུག

6. གྲོགས་པོ་ཚོས་དགོངས་ཚུལ་གནང་བར་ཐུགས་རྗེ་ཆེ་ཞུ།

7. སྒོམ་སྡེ་ལྷ་རམས་པ་ཟེར་བ་འདི་སུ་ཡིན་ནམ།་ངས་ཁོང་གི་ལོ་རྒྱུས་དངོས་ཤིག་ཤེས་འདོད་འདུག་་་ལྷ་རམས་པ་མཆོག་ནས་གཤམ་གྱི་ཁ་བྱང་ཐོག་ཡིག་འབྲེལ་ཞིག་གནང་བར་ཞུ། shita39@yahoo.com

8. མཆན་འདེབས་མཁན་དག་གིས་རྡོར་དབང་གིས་དག་ཆ་ཤེས་མི་ཤེས་དང་། དག་ཡིག་ལ་སློབ་དགོས་མི་དགོས་ཀྱི་སྐོར་ནས་རྩོམ་བྲིས་སོང་། དྲ་ཐོག་ནས་བོད་ཡིག་འབྲི་ཐུབ་པ་དང་། འབྲི་ཤེས་པ་ནས་བཟུང་། འབྲི་མཁན་ཚང་མ་བསླབ་བྱ་རྒྱག་མཁན་དང་། ཁྲིམས་ཐག་གཅོད་མཁན། གསུང་བཤད་གནང་མཁན་ཆགས་སོང་། ཚང་མ་ཨེ། ཨོ་ཨོ། ངས་ཀྱང་བསླབ་བྱ་རྒྱག་གི་འདུག་དཱ། ཞབས་འདྲེན་ཞུས་ཡོང་ང།
   ངས་མཆན་འབྲི་མཁན་གོང་མ་ཚོ་དང་ཅུང་མི་མཚུངས་པའི་སྐད་ཆ་ཞིག་བཤད་ན་འདོད། རྒྱུ་མཚན་ངོ་མ་ཅི་ཞིག་ཡིན་མི་ཤེས་མོད། བོད་ཀྱི་བསྟན་བཅོས་རྩོམ་པ་པོ་ཕལ་ཆེ་བ་རྣམས་ཀྱིས་བསྟན་བཅོས་ཀྱི་ཚིག་འགྲོས་༼ཡང་ན་ཡིག་སྐད་ཤས་ཆེ་བ་༽ཞིག་གི་ཐོག་ནས་ལོ་རྒྱུས་བྲིས། སྙན་ངག་བྲིས། སྒྲུང་བྲིས། ཡོད་ཚད་བྲིས་པའི་རྐྱེན་ལ་བརྟེན་ནས་ཀློག་མཁན་གྱི་རྒྱ་ཇེ་ཆུང་ལ་བཏང་བའམ་ཡང་ན་གྲགས་ཆེན་པོ་དེ་ཙམ་མ་བྱུང་བར་མངོན། འདིའི་ལྡོག་ཕྱོགས་ཀྱི་དཔེ་མཚོན་འགའ་ཞིག་བཀོད་ན། དགེ་ཆོས་ཀྱི་གཏམ་རྒྱུད་གསེར་ཐང་དང་། པད་མ་འབུམ་གྱི་སྨིན་དྲུག་སྐེ་འཁྱོག་དང་དྲན་ཐོ་རྡོ་རིང་མ། ད་དུང་ཁ་སང་དེ་རིང་དུས་བབ་དྲ་རྒྱའི་ཐོག་གྲགས་ཆེ་བའི་ཁང་གསར་རྡོ་རྗེའི་རྩོམ་ཡིག་འདི་དག་ལ་ནང་དོན་གྱི་ཁྱད་པར་ཐོན་པ་ཙམ་མ་ཡིན་པར་ཚིག་འགྲོས་ཀྱི་ཆ་ནས་ཀྱང་སྤྱི་ཚོགས་ཐོག་དགའ་དགོས་པའི་རྒྱུ་མཚན་ཞིག་ཏན་ཏན་ཡོད་པ་རེད་དྲན། དེ་བས། རྡོར་དབང་གིས་རྩོམ་ཐུང་འདིའི་ནང་སྐད་ཆའི་ཚིག་འགྲོས་ཤུགས་ཆེ་རུ་བཏང་ནས་བྲིས་འདུག་སྟབས། དེ་ནི་ཧ་ཅང་བཟང་ཕྱོགས་ཀྱི་འགྱུར་བ་ཞིག་རེད་དྲན། དེ་བཞིན་བུའི་མེ་ཏོག་གི་འགྲེལ་བཤད་དེ་སྙིང་རྗེ་པོ་ཡོང་བ་ཡང་། དེ་རྡོར་དབང་གིས་བྲིས་པ་ལས་སྙིང་རྗེ་བོ་བྱུང་བ་ཞིག་རེད། མ་རེད་དམ།

9. བདེན་ཁ་སུ་ལ་ཡོད། ཨ་ཕ་ཡོད་དམ་བུ་ལ་ཡོད། དྲ་གྲོགས་ཚོ་སུས་འདི་ལ་གསལ་བཤད་ཡག་པོ་ཞིག་བྱེད་ཐུབ་ཀྱི་ཡོད་དམ།